by Davdub December 17th 2014, 8:30 pm
Tub Ntses,
Kuv piav txog lub caij peb khiav hla dej Mekong rau peb sawv daws tau mloog.
Xyoo 1975 lub 10hli yuav tawm 76, peb khiav Nas Xus lo txog rau hauv Vientiane, peb mus pws rau tom colonel Xoob Leej lub tsev nyob rau nram phoun Muan loyog yog Phon Tong, kuv nco tsi zoo lawm, peb lo txog rau ntawm Txhiaj Xeeb Lis lub tsev two story house, ces txawm muaj ib tug txiv neej hmoob xeej Thoj lub be hus ua Kao Thao, Tam sim nov ntshe hus ua dab tsi kaub lawm, tus neeg nov ma loj siab thiab, thaum nov nws tseem hlua tej zaum muaj pojniam menyuam lawm lo tsi paub.
Nws txawm tuaj ntxia peb hai tias, nws twb mus tiv toj tau blog lawm es yog kam no ces nws coj peb hla dej? nws tuaj hai tau 3 zaug peb tsi kam mus vim peb paub hai tias, nws twb coj ntau pab neeg mus poob dej tuag tag lawm ces peb tsi kam mus.
3 nyob ntawm Txhaij Xeeb Lis thiab Colonel Xoob Leej Xyooj lub tsev ntawd tau 1 week ces tus Thaub Kao Thao nov rov tuaj hai ces kuv 2 tug yawm yij cia li ok rau nw lawm. Nkawv tau deal txog nyiaj ntiav hla dej ib tug raug li ca, thiab nqi nkoj nrog. Qhov nov ma kuv tsi paub xyov nkawv 2 tug ua tij hai li ca kuv tsi paub vim kuv tsi hnov lawv tham.
4 moos lub hnub liab rau puag tim qab tug thaib teb liab ploog ces peb txawm mus lawm ntag, txhaum Tus Kao nov coj peb mus txog kiag rau ntawm ntug dej ces peb muab nyiaj rau nws ces nws rov lo lawm ces peb thiaj li nqi mus rau hauv lub nkoj, thaum peb mus txog rau hauv ces lub nkoj tseem khi hlua rau puag tim ntug dej. cov lau muaj 6 leej, 6 tus menyuam thiab xwb tag dhob 3 yog 12 leeg xwb.
Thaum peb nqi tag rau hauv nkoj lawm ces tus tsav nkoj kom muab 50 caug phav nyiaj Vaj Pov lo them rau nws tso mam li tsav nkoj mus, thaum muab nyiaj cev rau nws lawm ces kuv thiaj li hai rau 2 tug ua tij hai tias, tej zaum peb raug neeg dag lawm laus vim txoj hlua tseem khi puag tim tug dej tsi muaj leej twg daws li e peb yuav ua li ca thiaj li mus tau ma?
Thaum hai kiag li nov rau nkawv 2 tug ua tij xwb ces txawm muaj kiag 2 tug blog nyob saum ntug dej tsa kiag 2 rab carbine 30 rau peb kom tawm los?
Peb thiaj li tawm lo rau saum ntug dej ces lawv thiaj li lo tshawb cov lau tag tib si lawm. Peb cov nyiaj kuj ntau kawg lawv muab hlwg tag. Kuv niam ris 8 choj nyiaj dawb khi rau hauv kuv niam lub pob duav, lawv tsi paub ces kuv niam cov nyiaj choj tsi muajneeg nyiag, ho kuv muaj 60 phav nyiaj Vaj Pov lo lawv tsi muab thiab vim xyoo 75 ntawd kuv tseem tsi tau tiav tub hlua pe tsawg ces lawv kuj tsi kov kuv li thiab, kuv sawv ib sab ntsia 2 tug blog muab cov lau poob (rob) tshawb nyiaj tag.
thaum lawv tshawb tag peb tsi muaj dab tsi lawm ces 2 tug blog kiav kiag lawm ce lub Jeep cia li los thauj peb lo kaws rau puag tim khaib phon kheng xwb. Lawv coj peb lo nyob rau tom tau 1 hlub hli, peb mus nrog cov neeg raug txim sib txeeb mov noj.
Peb nyob tau ib lub hli ces lawv thaum peb lo pov rau pem Lav 52, peb pws ib hmos ces kaj ntug peb thiaj li ntiav tsheb los rau tom Nam ceeb, thaum nov ces muab kuv qhov nyiaj lo them nqi tsheb.
Peb lo nyob tau 3/4 hli ces tawm rau xyoo 76 ces thiaj li khiav lo nyob rau Roob Kub Twm, peb lo nyob rau ntawd tau 4 xyoo ces xyoo 79 lub 10 hli ces thiaj li khiav lo rau Nas Nyau, nyob tau ib hli tom hav zoov ces peb thiaj li khiav hla dej lo rau tim tug dej, peb nyob ntawd tau ib hli thiab ces tawm kiag xyoo 80 lub ib hli ces peb thiaj li tau nkag rau hauv Vibnai.
Lo nyob tau 4 hli ces tawm npe tuaj rau USA lawm lub 6 hli tuaj poob rau USA North Colorina.
Kuv zaj dab neeg ua khiav hla dej Mekong ces tag li nov, peb hla dej tsi muaj teeb meem os.
Home
