• Reply to topic

Poj Ntxoog Pw Tav Kev

Share

Thov Khawv

Registration date : 2014-05-20

Character Sheet
 :

Poj Ntxoog Pw Tav Kev

Post by Thov Khawv on May 25th 2014, 12:21 am

First topic message reminder :

Xyoo 1988-89, nyob rau peb qub zog sab Xeev Khuam ntawd txawm muaj kuv ib tug txiv ntxawm lub npe hu ua Zam Vas Hawj, tus txiv ntxawm no mas nws muaj 02 tug poj niam. Muaj ib hnub tus txiv ntxawm no thiab niam ntxawm Yau nkawv txawm sawv ntxov ntxov mus nram liaj, daim liaj ntawd mas nyob deb peb lub zos li ntawm 30 min taug ko taw. Nkawv sawv ntxov ntxov mus nram liaj vim nkawv maj maj mus tso ntses rau hauv liaj, lub caij ntawd kuv txiv thiab tus txiv ntxawm nkawd mas nyiam nyiam yug ntses Pam Nais. Thaum nkawv mus txog tom ib tog kev ces txawm hnov tsw lwj iab nkhoob rau nkawv, tabsis kuj tsis pom dab tsi. Nkawd xav tias ntshai yog muaj tsiaj dab tsi tuag tej xwb. Ces nkawv txawm mus dua nram liaj lawm. Ib chim nkawv tso ntses thiab cais cov maum ntses nteg qe tag ces ho tsaus ntuj lawm, nkawv thiaj mam maub los. Lub caij ntawd tab tom yog hli xiab ces niag qaim hli nrig. Ua cas thaum nkawv los txog qhov tag kis no nkawv hnov tsw tsw lwj ntawd no ua ciav pom tib tug neeg tuag pw tav nkawv kev. Txoj kev ntawd mas ob sab ntug kev muaj cov xyoob qeeg siab siab xyaw cov xyoob hmab thiab hmab taum kab ntsig ces cov ntsis xyoob ob sab kev ntawd los sib khi tas li, tsuas khoob txoj kev du lug rau neeg mus hauv xwb mas ntu ntawd ib nyuag tsaus me ntsis, tabsis nkawv yeej nqa cov teeb khau npim npaj tib si thiab. Txiv ntxawm Zam Vas kuj yog huam nab koos luam hauv zos ces nws muaj ib rab phom AK tseem hwv muab rau nws lub caij ntawd thiab. Thaum nkawv los txog ntua ntu kev ntawd ua ciav tus dab tuag ntawd cia li pw tav kev qab xib tes ntxeev daj lias. Nkawv thiaj tsom teeb rau vim ntshai tsam yog leej twg tus poj niam chim siab es tuaj noj tshuaj tuag los yog muaj tej neeg vwm thiab poj ruam tuaj tseev zam pw xwb no ces nkawv thiaj tsom loo teeb rau ua ciav nws pw khwb rwg, hnav cev khaub ncaws dawb, khaub ncaws neeg tuag, plaub hau ntxhov poog tsis pub ntsej muag rau nkawv pom thiab tsw lwj ntxiag. Tseem rau sab khau noog tib si ces tus txiv ntxawm xav zoj tias yuav rho phom rau los tsam niag poj ntxoog ntawd ho quaj ua suab sas zim txaus txaus ntshai thiab, ho yuav hla mus los tsis tau luag hla thiab ces niam ntxawm thiaj hais tias kom txhob tua, cia nkawd mam lug kev. Ces nkawd thiaj li lem rov qab los lug kev tom hav zoov los lawm. Los txog tsev mas nkawv kuj ntshai tsim tsawv thiab thiaj tuaj piav rau kuv txiv. Kom kuv txiv pab hais 2-3 tug hluas nrog tus txiv ntxawm ntawv mus xyuas kom meej meej, kuv txiv yog ib niag neeg tsis ntseeg tias muaj dab ces nws tsis tshua xav mus heev tabsis tus txiv ntxawm hais ib zaug lawm ces thiaj lam mus vim tus txiv ntxawm Zam Vas no mas nws ib txwm tsis yog ib tug neeg dag thiab lam tau lam hais ces kuv txiv thiaj xav tias tsam lam ho yog tej neeg lwm lub zos ib cheeb tsam muaj kev sib ceg sib ntaus ces nws tuaj noj tshuaj tuag ntawm ib tog kev xwb. Thaum mus txog ua ciav pawv lawm, tabsis ua cas pom nws hle 2-3 txog hlua tsaj los yog hlua maj poob rau ntawm qhov chaw nws pw, pom nws ib sab nrhoob neeg tuag hle rau ntawd ntub ntsuav tsw lwj ntxiag yoov ya zom zaws thiab, ntshai yog niag dab ntawd poob plig es nws maj heev tsis nco qab thiaj ua poob lawm los xyov cas ces lawv tsuas muab pas dig dig saib xwb ces cia li los tsev lawm. Tom qab no peb tsis tshua tau luag taug txoj kev ntawd heev ces tus txiv ntxawm thiaj kom cov neeg muaj liaj teb taug txoj kev ntawd sib pab mus luaj cov xyoob thiab ua kom txoj kev loj dav thiab muab hlawv du lug lawm.
Zaj no mas yog true history, tsis yog lam hais los yog dab neeg nawb, kuv twb piav piav hem me nyuam yaus kom txhob mus loj leeb deb deb thiab piav rau coob tus hnov lawm thiab.

Guest
Guest

Re: Poj Ntxoog Pw Tav Kev

Post by Guest on August 31st 2014, 7:35 am

kwvTas Lauv, cov ntxhai khwv noj ntxheev ntiaj nov ma lawv yeej nyiam mus ua lub mis kom loj loj es thiaj li ntxia tau txiv neej os. Yog lub mis me me ces txiv neej tsi zoo zuaj ces nws khwv tsi tau noj ntxeev tiaj lawm ne.

Nraug Cuam
member
member

Registration date : 2011-09-25

Character Sheet
 :

Re: Poj Ntxoog Pw Tav Kev

Post by Nraug Cuam on September 2nd 2014, 1:22 am

TubHmoob wrote:Yog kawg lawm ma brother, cov ua thov tuab ntws es ib sij dag ub dag nov ma ntxim dag kiag lawm. Yog pheej ua li nov xwb ma kawg yuav tsi teb li lawm. Vim ib hli ma hus thov ib zaug li lawm ntag.


Oh bro tus uas thov koj nyiaj tuab ntws ntawv yog tus no los? hehehehe J/K. Tus ab naib no kuj ntxim hlub kawg thiab yuam, tab sis ntshe ntxim muaj 2-3 tug me ab lawm hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Guest
Guest

Re: Poj Ntxoog Pw Tav Kev

Post by Guest on September 6th 2014, 2:41 pm

Tus nov ma zoo li nws ua mis rau lawm pua yog ne? tus nov ma pub kuv lokuv tsi yuav, yog pub kuv ua no kuv lamthiab ma.

Dej Cawm Siav

Registration date : 2014-08-29

Re: Poj Ntxoog Pw Tav Kev

Post by Dej Cawm Siav on September 7th 2014, 4:59 am

Hahahaha yog mas bro, tham yuav no mas ntshe yuav tsis kam tiag nawb, tab sis yog tham ua si no mas tau ntag hehehehe.

Davdub
member
member

Registration date : 2009-12-19

Re: Poj Ntxoog Pw Tav Kev

Post by Davdub on October 2nd 2014, 11:44 pm

Haaa, Brother, cov ntxhai nov ma lawv ua laj kam ntxeev tiaj li nov ma zoo lo zoo nyiaj lo tau tsim nyog kawg nkau li tiag.

yujyeeg
Moderators
Moderators

Registration date : 2009-01-08

Character Sheet
 :

Re: Poj Ntxoog Pw Tav Kev

Post by yujyeeg on April 2nd 2015, 11:01 am

tham txog poj ntxoog pw tav kev, Kuv tsi txawj piav poj ntxoog ces los peb mloog lawv piav pojntxoog nawb.




Tubzoonraug

Registration date : 2009-12-15

Re: Poj Ntxoog Pw Tav Kev

Post by Tubzoonraug on April 2nd 2015, 7:42 pm

Kuv tus kheej tsi ntshai li lawm ma cov brohter, vim kuv pom cov neeg tuag txau lawm, cov neeg tuag ua lawv sib tua nyob rau sab middle East, thiab hauv FB nov es lawv tso tej duab neeg sib ntau sib tua, tus yuav raug tua tuag li ca lo muaj, cov neeg tuag ntau li ntau es cov poj dub muab cov neeg tuag hlai pub cov dav noj neeg coob2 ntawd lo pom lawm ces kuv thiaj li tsi nthai li lawm ntag.


Thov Khawv

Registration date : 2014-05-20

Character Sheet
 :

Re: Poj Ntxoog Pw Tav Kev

Post by Thov Khawv on April 3rd 2015, 7:16 am

Hahahaha...yog mus yos hav zoo mas yuav tau txhob xav txog xwb nawb, yog xav txog zaj dab neeg no mas tsis tau luag kiag nawb bro Tubzoonraug thiab Yujyeeg. Kuv ces tej thaum fai fab ntsa paug los kuv haj cav tsis tau luag lawm thiab laiv.

yujyeeg
Moderators
Moderators

Registration date : 2009-01-08

Character Sheet
 :

Re: Poj Ntxoog Pw Tav Kev

Post by yujyeeg on April 3rd 2015, 12:18 pm

Kuv mas tham txog dab tuag thiab poj ntxoog mas kuv ntshai tshaj li os, Tej lub sij hawm yus tau mus rau lawv tej ntees ploj ntees tuag mus nrog luag zov hmo txog li ib nrab hmo dua yus rov qab los tsev los tsav yus lub tsheb los tsev mas kuv yeej muab daim tsom iav uas dai ntawm daim iav loj saib tau rov mus rau nram qab lem kom tsi txhob pom mus rau tej rooj tog zaum nram qab tsam ces ho lam muaj tej tus txawv txawv zaum nram qab nrog yus, Nov yog yus kev ntshai yus xav yus li ntawd yus rov hem yus tus kheej xwb ov.

Tubzoonraug

Registration date : 2009-12-15

Re: Poj Ntxoog Pw Tav Kev

Post by Tubzoonraug on April 3rd 2015, 3:25 pm

Cov Phooj ywg, kuv tsi ntshai neeg tuag thiab dab li lawm os, txim li kuv pom pom neeg tuag lawv muab hlai ua dog ua dig muab txiav tau hauv plai ua lwj liam tag ces kuv cia li tsi ntshai lawm. Yog neeg tuag xwb ces kuv muab ntsia zoo li cov tsiaj neeg tua noj lawm xwb ces kuv tsi ntshai li lawm os.


Thov Khawv

Registration date : 2014-05-20

Character Sheet
 :

Re: Poj Ntxoog Pw Tav Kev

Post by Thov Khawv on April 4th 2015, 1:19 am

Hahaha...bro Yujyeeg koj mas ua tau tas lauv kawg thiab nawb yom. Kuv tsis muaj tsheb loj tab mas kuv tsav tsheb cav maub hmo ntuj nram liaj los tsev ib leeg mas kuv yeej cev tes xuas tom pob tw tsam lam muaj ib tug hluas nkauj zaum tov kawg li thiab tiag, tej thaum cua hlob los yog ua cas hnov tsheb qeeb zog mas twb xav tias ntshe poj ntxoog dhia zaum sauv lawm no thiab tiag, vim kuv saib suav dais movie Dab Hoom Kuas ua li ntawd mas kuv tsis tau luag kiag. Tsis tag li ntawd txoj kev ntawm liaj rau tom zos haj cav muaj ib lub roob toj ntxas muaj muaj hav zoov thiab tiag.

Tubzoonraug

Registration date : 2009-12-15

Re: Poj Ntxoog Pw Tav Kev

Post by Tubzoonraug on April 4th 2015, 2:54 am

Yog thaum nej mus deb mus ib leeg lawm tsi txhob xav txog tej yam yus rov hem yus. Qhov kuv ntshai yog ntshai neeg lam xua ib phom rau yus tuag kiag lo yog ua rau yus yuav tuag tsi tuag xwb, tsi tag li ntshai ib ntsi cov laiv lam muab yus tua txiv tes txia taws taub hau li 2 tug tub Hmoob Vwj tim nej xwb, qhov ntshai ces yog li xwb tiag, yog dab lawm ma yeej tsi ntshai lawm vim yus tsi pom nws. Yog ntshai ma zaj li daim duab video ua Yuj Yees tso peb saib ma ntshai thiab nawb. Yog lwm yam ces tsi ntshai lawm.


yujyeeg
Moderators
Moderators

Registration date : 2009-01-08

Character Sheet
 :

Re: Poj Ntxoog Pw Tav Kev

Post by yujyeeg on April 5th 2015, 12:32 pm

Nyob rau sab teb chaws Europe no mas yog ib co teb chaws uas yeej ib txwm tshwm sim los tau ntau ntau txhiab xyoo heev lawm, muaj muaj tej xyw ploj tuag tshwm rau neeg pom cov txaus tshiab neeg yog muaj cov ntxhais tsav tsheb mus sib nraus tuag rau tom tej yas kev, Ces muaj tej ntu kev uas muaj cov teeb meem tsheb sibnraus tuag li no zoo caij zoo nyoog muaj cov xyw dab tuag tawm hmo ntuj hnav tej cev khaub ncaws dawbdawb tsa taub tes lav luvfais caij, Raws li cov uas tau ntsib dua piav mas lawv tham tias tej tus hluas nkauj hnav ib ce khaub ncaws dawbdawb sawv ntawm ntug kev tos tsheb rau lub sijhawm tsaus ntuj uas twb liglig ntawd lawm thaum lawv thauj kiag mus txog ntua qhov nws nrau tsheb nws tuag ntawd ces nws txawm qw kiag ua suab nrovnrov yaj ntshis thaum ntawd lawm mas txaus tshiab neeg heev li no.


nej saib daim video no cov no yog cov uas ntsib thiab tau thauj tus poj dab lawv hu tias Madame Blanc.



Tubzoonraug

Registration date : 2009-12-15

Re: Poj Ntxoog Pw Tav Kev

Post by Tubzoonraug on April 5th 2015, 12:54 pm

Yuj Yeeg,

Yog li koj hai ma, nws kuj yuav tsi yog tim Europe xwb, tim USA lo muaj kawg viim thaum ub luag tua neeg rau pem tej roob nyob rau hauv tej tsev, yog mus ntsib tej lub sij hawm ces yeej hnov lub suab quaj suab qws thiab, cov neeg Hmoob mus yos hav zoov es mus pws ncaj xwb ma lo muab lawv zuaj ua rau lawv ma ntshai kawg nkau thiab.


Sponsored content

Re: Poj Ntxoog Pw Tav Kev

Post by Sponsored content Today at 4:18 pm

  • Reply to topic

Current date/time is December 2nd 2016, 4:18 pm