• Reply to topic

Pom Poj Ntxoog Tim 22/10/2011 (Saturday)

Share

Nraug Cuam
member
member

Registration date : 2011-09-25

Character Sheet
 :

Pom Poj Ntxoog Tim 22/10/2011 (Saturday)

Post by Nraug Cuam on October 31st 2011, 3:57 am

Pom Poj Ntxoog Tim 22/10/2011

Nyob zoo tij laug Davdub, Txawj, Nkaujhnubqub, Ntxhaismoob,etc. Ib ntus no kuv hauj lwm los ntau heev li lawm thiaj tsis tshua dim tes tuaj tsham xyuas nej sawv daws li lawm. Hnub no kuv nco nco nej es lam khiav khiav tuaj xauj nej ib pliag xwb kuv yuav rov mus hauj lwm hnub puav li mam tau rov tuaj dua.
Yog li hnub no kuv yuav piav ib zaj kwv huam rau nej tau mloog, zaj no nws yog tiag tiag tsis yog dag li, nws yog kuv tus tij laug Caiv Yaj Hawj kiag niam txiv 1 plab yug ntag. Nws muaj hnub nyoog 38 xyoo, muaj 7 leej tub 1 leeg ntxhais.

Hnub Saturday 22/10/1011 los no kiag xwb, peb sawv daws muaj 8 leej tab tom hlais kuv tij laug Caiv Yaj Hawj li nplej liaj uas nyob kiag ntawm qab zog npab nas(Banna), peb hlais nplej txog ntua 12:00pm ces sawv daws so noj sus, peb sawv daws txawm los mus tsev zom zaws, hos kuv tij laug txawm mus caum nws pab nyuj uas tag kis no nws muab tso mus noj zaub lawm, tsam tias ho lam khiav mus noj hmoob li nplej ces ho tau them. Nws txawm mus txog ntua ntawm lub roob toj ntxas uas muaj 2 txoj kev sib tshuam(txoj kev no neeg niaj hnub mus liaj mus teb dug lug qawj qees, kuv tus kheej kiag los yeej tau taug txoj kev no puag thaum yau los lawm thiab), lub me nyuam roob toj ntxas no yog cov neeg uas tuag hauv lub zos no coj mus faus rau ntawv, tab sis yeej tau ntau xyoo lawm tsis coj neeg mus faus ntxiv lawm. Kuv tij laug Caiv Yaj txawm pheej khoov xauj cov niag hneev nyuj uas tag kis no nws tso nyuj mus es nws rov qab los ntawv lawm seb nyuj ho mus rau txoj kev twg lawm, kiag tam sim ntawv ces yog thaj tsam 12:15pm, ua cas zoo li nws ib ces no ntxiag thiab phaub hau xob xob, ces nws txawm tib ua zaim muag rov tom qab nas has ua ciav pom ib niag dab tsi me me dub nciab khoov nkoos luaj li tus me nyuam yaus 2 xyoos lawv nws qab, ces nws txawm xav tias ntshe yog kuv tus muam tus me nyuam nyuj dub(vim kuv tus muam tus maum nyuj tab tom yug tau 1 tug me nyuam nyuj dub dub muaj 1 hlis ntau), ces nws txawm tig hlo rov qab mus saib zoo zoo, tseeb tseeb nas has uas cas niag ntawv txawm ho tig loo khiav rau tom ntug kev taug kiag txoj niag kab nyuj rua tom ntug kev, kuv tij laug caum ceev ceev mus xauj nas has uas cas pom ib sab ntsej muag me me hnav cev khaub ncaws dub dub plaub hau ntxhov ntxhov ntev txij xub pwg xauj xauj tom tsob niag kab yeeb xyab(kab yeeb tshuaj) deb li 2 daj sab tov tuaj thiab luag luag rau kuv tij laug, ces kuv tij laug thiaj xav zoj tias tus no mas yog POJ NTXOOG li tej laus hais lawm tiag tiag ntag lauj, no ces nws thiaj rho loo nws rab riam ntawm ruav los ua heev heev riag ub riag no thiab cem tias: koj nyuag POJ NTXOOG no cas nim yuav heev diam las yuam, cas nim yuav tsis paub txaj muag li nruab hnub nruab nrig li no tseem muaj plus sim kuv thiab, no ces kuv tij laug txawm lug zoj sab tov mus kiag tom niag POJ NTXOOG ntawv es yuav mus muab nws tua no, tab sis thaum nws mus txog sab tov nas has uas cas tsis pom dab tsi li lawm, kuv tij laug thiaj li ua heev heev thiab cem cem tias: heev diam txhob khiav ma? no ces kuv tij laug plaub hau xob zus xob zus ces nws cia li tawm rov los ntawm kev ces cia li mus caum nyuj qab lawm xwb.

Kuv tij laug yog ib tug qub Nais Khus(teacher), nws yeej siab tawv kawg thiab vim yog tav su nrig ces nws thiaj li tsis nco ntshai, nws los txog tsev peb tab tom noj sus tag nrho, ces nws thiaj li paiv rau peb mloog tias nws pom ib niag POJ NTXOOG tim roob toj ntxas tiv, no mas plaub hau cav xob tas tus.
Ua ntej ntawv li 2 weeks, muaj ib hnub thaum yuav tsaus ntuj kuv niam tau mus khi pab nyuj ntawv, kuj zoo li muaj dab tsi hem nyuj ua rau pab niag nyuj sib tw dhia tsa tw ntshuas los rau nram liaj tag.
Txij hnub kuv tij laug pom POJ NTXOOG tag los ces nws hais tias kom txhob muab pab nyuj ntawv khi rau tim lub roob toj ntxas ntawv ntxiv lawm, vim tias tsam luag tsis nyiam es luag thiaj los ua yus pom.

Zaj no yeej yog tiag tiag tsis yog tias lam hais ua dab neeg li nawb.

Ua tsaug ntau.

Nraug Cuam
member
member

Registration date : 2011-09-25

Character Sheet
 :

Re: Pom Poj Ntxoog Tim 22/10/2011 (Saturday)

Post by Nraug Cuam on October 31st 2011, 4:00 am

Nyob zoo os tij laug Davdub, Txawj, thiab tsoom phooj ywg sawv daws, kuv yuav rov qab tham txog kuv tij laug pom poj ntxoog rau nej mloog dua.

Nco tsis tshua zoo lawm tab sis zoo li yog thaj tsam xyoo 1988-89 ntawv, peb nyob lub zos Av Nkos(pham laib) muaj ib zaug kuv tij laug Caiv Yaj Hawj mus tham hluas nkauj tim ib lub zos hu ua Av Xuav, thaum nws mus txog nram qab zog tab tom tav caij qaib nce chaw pw tag nrho, tab sis kuj tseem pom kev tsim tsawv, pom neeg los yeej tseem paub thiab. Thaum kuv tij laug mus txog ntua ntawm ntug zos kiag ua cas nws txawm pom ib tug me nyuam yaus me me mus mus kev ua nws ntej, nws tsuas hnav lub tsho dub dub xwb tsis hnav ris/tiab li, hos plaub hau ntev tsawv txij xub pwg thiab ntxhov ntxhov zoo nkaus li tus me nyuam ntxhais uas muaj hnub nyoog li 2-3 xyoos ntawv, kuv tij laug Caiv Yaj txawm xav tias: npab ua cas es twb yuav tsaus ntuj es leej twg tus me nyuam tseem taug taug kev ib leeg ntawv thiab ne? hauv tij laug nruab siab yeej xav tsis txog tias tsam yog POJ NTXOOG li, nws tsuas xav tias yog me nyuam hmoob xwb no, ces nws txawm caum ceev ceev mus ze ze kiag li 2 daj lawm xwb, niag ntawv los yeej tsis nco qab hnov/pom los sis tig tuaj ntsia kuv tij laug li nws pheej ke mus ke ntsia mus pem zos lawm xwb, ces kuv tij laug txawm hais lus rau tias: me ntxhais ua cas tsam no koj tseem taug taug kev ntawm ko na?, no ces niag ntawv teb los tsis teb, hos tig los kuj tsis tig tuaj saib kuv tij laug li thiab cia li mus kev ceev zus ceev zus lawm xwb, ua cas ho tsis yog mus rau hauv zos hos ua cas cia li ncaim nplas dua tom ntug kev, taug kiag txoj kab npua nqis dua tom kwj ha lawm, kuv tij laug txawm tso sas mus caum saib seb dua twg lawm no, nws mus txog ntua ntawm qhov uas ib nyuag nplee zog no ua cas xam qhov twg los tsis pom dab tsi li lawm, thaum no kuv tij laug mam xav zoj tias: ab! ntshe yog POJ NTXOOG li tej laus hais pob? es nws thiaj li mus kev ceev ua luaj li ntawv? no ces kuv tij laug plaub hau xob vog xob vog ces cia li lem loo los dhia tiaj lias ceev tsis ceev mus rau pem hmoob zos lawm, hmo ntawv nws cia li tsis kam mus tham hluas nkauj lawm(vim thaum ntawv mas lawv tseem tham hluas nkauj nraum phab ntsa xwb), nws cia li mus pw hauv peb dab laug Tsuj Mos Vaj tsev ib hmos, kaj ntug tag kis nws cia li los tsev lawm xwb tsis tau hluas nkauj tham li.

Zaj no los yeej muaj tiag tiag thiab tsis yog lam tham dab neeg li os nawb!

Tseem tshuav kuv ib tug tij laug hu ua Kub Hawj(Xyooj Kub Hawj) uas yog hlob kiag kuv tij laug Caiv Yaj no thiab xwb nws kuj pom POJ NTXOOG thiab, tab sis kuv maj maj li ces cia lwm zaus kuv mam rov tuaj tham pub rau nej mloog! es nej s/d ho ua siab ntev tos nawb.

Ua tsaug ntau.

Davdub
member
member

Registration date : 2009-12-19

Re: Pom Poj Ntxoog Tim 22/10/2011 (Saturday)

Post by Davdub on October 31st 2011, 5:36 am


Davdub
member
member

Registration date : 2009-12-19

Re: Pom Poj Ntxoog Tim 22/10/2011 (Saturday)

Post by Davdub on October 31st 2011, 5:37 am

Kuv sim hawm tag lawm tsi tau sau lus thiab hai nyob zoo rau nej sawv daws kuv mus hauj lwm lo tsev li rov tuaj sau lus rau nej.

NtxhaisMoob
Moderators
Moderators

Registration date : 2010-08-25

Character Sheet
 :

Re: Pom Poj Ntxoog Tim 22/10/2011 (Saturday)

Post by NtxhaisMoob on October 31st 2011, 1:19 pm

Nyob zoo Nraugcuam thiab Davdub,

Nraugcuam cas koj yuav tuaj piav kwv huam dab txaus ntshai ua luaj na lov? Kuv ntshai ntshai tab sis kuv kuj xav nyeem kom tag thiab...hahahaa. Tab sis thaum kuv tuaj nyeem koj zaj kwv huam dab tsis tau ntsau ntuj ces kuv kuj lias tsis ntshai heev thiab. Yog tsaus ntuj lawm no kuv ntshai nyeem thiab ov...hahahaa.

Ua tsaug rau koj ob zag kwvhuam dab os txaus ntshai kawg li. Yog kuv tseem nrog nej nyob tim nej mloog kiag koj tus tijlaug piav kiag ma kuv yuav tsis kam tawm mus qhov twg li lawm laub hmo ntuj na....hahhahaa. Kuv ces yog cov neeg tais tais caus tab sis ho xav mloog dab neeg dag kawg thiab....hahaaha

Davdub1
Guest

Kev lom zem

Post by Davdub1 on October 31st 2011, 1:35 pm

Hai, Ntxhaismoob, Nraug Cuam, Pajtshiab, Nkaujhnub thiab Txawj drog rau Yuj Yeeg

Ntxhaismoob, tej zaum yuav muaj thiab o. Tab si txhob ntshai ces u tsi hem u ces u tsi muaj teeb meem. Yog u rov hem u lawm ces yeej yuav muaj teeb meem xwb.

yujyeeg
Moderators
Moderators

Registration date : 2009-01-08

Character Sheet
 :

Re: Pom Poj Ntxoog Tim 22/10/2011 (Saturday)

Post by yujyeeg on January 10th 2012, 2:53 pm

tau ib ntus los no tsi hnov Nraugcuam coj pojntxoog tuaj hem peb lawm, Tsi lam yog nws muab tsiab 30 noj tas ais Nws mus ntsib Nkauj ntxoog lawm lov..hahaha

Tubzoonraug

Registration date : 2009-12-15

Re: Pom Poj Ntxoog Tim 22/10/2011 (Saturday)

Post by Tubzoonraug on January 10th 2012, 3:13 pm

Yog lawm o, Yuj Yeeg.

Nraug Cuam mus dua twg lawm e tsi pom tuaj lawm. Tsi paub pua nyob tom Hmoob Tsav Ntuj xwb yav tag ma zoo li nyob tod ntau dua na.


NtxhaisMoob
Moderators
Moderators

Registration date : 2010-08-25

Character Sheet
 :

Re: Pom Poj Ntxoog Tim 22/10/2011 (Saturday)

Post by NtxhaisMoob on January 10th 2012, 8:48 pm

Tubzoonraug,

Xyov cas tsis pom NraugCuam tuaj lawm es ntse xyoo tshiab dhau lawm ntse nws yuav pojniam lawm xwb pob? hahhahaha

yujyeeg
Moderators
Moderators

Registration date : 2009-01-08

Character Sheet
 :

Re: Pom Poj Ntxoog Tim 22/10/2011 (Saturday)

Post by yujyeeg on February 8th 2012, 9:31 am

NtxhaisMoob wrote:Tubzoonraug,

Xyov cas tsis pom NraugCuam tuaj lawm es ntse xyoo tshiab dhau lawm ntse nws yuav pojniam lawm xwb pob? hahhahaha

Ntxhaimoob

Ntshe yog nraugcuam tuaj ppiav poj ntxoog rau peb mloog es Ntshe xyoo no poj ntxoog los dib tau nraugcuam lawm es nraugcuam thiaj tsi nco qab tuaj ntawm no lawm xwb lauj.............

yujyeeg
Moderators
Moderators

Registration date : 2009-01-08

Character Sheet
 :

Re: Pom Poj Ntxoog Tim 22/10/2011 (Saturday)

Post by yujyeeg on February 13th 2012, 2:32 pm

Txawj.

Cov cuam sis nntshai dej heev laiv, Yog muaj mme dej quas lawm ces cuam yeej tsi kam hla li lawm hos..hahaha




Guest
Guest

Re: Pom Poj Ntxoog Tim 22/10/2011 (Saturday)

Post by Guest on February 13th 2012, 7:09 pm

Yuj Yeeg,

Zoo li tus maum cuam nov es nws yuav ua li ca hau dej, vim nws yuav tau khoov mus muab qhov ncauj mus nqus dej ne, yog nws ua li ces dab tsi muab nws tib thawb rau hauv dej lawm ces kheb tau zaub xwb tiag.

Nraug Cuam
member
member

Registration date : 2011-09-25

Character Sheet
 :

Re: Pom Poj Ntxoog Tim 22/10/2011 (Saturday)

Post by Nraug Cuam on February 18th 2012, 3:48 am

Nyob zoo os Ntxhaishmoob, Tubhmoob, Tubzoonraug, Txawj, Yujyeeg, Davdub, thiab lwm tus phooj ywg,

Zoo siab hnub no kuv rov tau tuaj ntsib nej s/d ntawm no, thov txim ntau uas tseg tau ntev heev lawm kuv tsis tau rov tuaj tsham nej s/d li lawm, cia siab tias nej txhua tus tseem noj qab nyob zoo li qub, hos ntawm kuv tus tus kheej ces tseem noj qab nyob zoo li qub thiab.

Vim yog muaj hauj lwm ntau thiab raug mus hauj lwm rau lwm thaj chaw lawm thiaj li tsis tau tuaj lawm xwb, txawm li cas los kuv yeej tseem nco ntsoov nej txhua tus tsis tau hnov qab. Rov tuaj lawm yog muaj caij no kuv mam li rov tuaj tham dab neeg pub nej mloog dua.

Ua tsaug ntau uas nej txhua tus tseem txhawj xeeb txog kuv thiab.


Last edited by Nraug Cuam on February 18th 2012, 4:05 am; edited 1 time in total

Nraug Cuam
member
member

Registration date : 2011-09-25

Character Sheet
 :

Re: Pom Poj Ntxoog Tim 22/10/2011 (Saturday)

Post by Nraug Cuam on February 18th 2012, 4:03 am

NtxhaisMoob wrote:Nyob zoo Nraugcuam thiab Davdub,

Nraugcuam cas koj yuav tuaj piav kwv huam dab txaus ntshai ua luaj na lov? Kuv ntshai ntshai tab sis kuv kuj xav nyeem kom tag thiab...hahahaa. Tab sis thaum kuv tuaj nyeem koj zaj kwv huam dab tsis tau ntsau ntuj ces kuv kuj lias tsis ntshai heev thiab. Yog tsaus ntuj lawm no kuv ntshai nyeem thiab ov...hahahaa.

Ua tsaug rau koj ob zag kwvhuam dab os txaus ntshai kawg li. Yog kuv tseem nrog nej nyob tim nej mloog kiag koj tus tijlaug piav kiag ma kuv yuav tsis kam tawm mus qhov twg li lawm laub hmo ntuj na....hahhahaa. Kuv ces yog cov neeg tais tais caus tab sis ho xav mloog dab neeg dag kawg thiab....hahaaha

Nyob zoo os me muam nkauj ntxawm "Ntxhaishmoob",

Zoo siab rov tau tuaj ntsib koj hnub no dua, nyaj nws thiab nws cov txiv tub tseem noj qab nyob zoo li qub po?

Luag tej laus hais tias tus neeg twg pheej nquag pom POJ NTXOOG los sis pheej nquag ua NPAU SUAV PHEM ces tus ntawv plig tsiv tsawv lawm no, muab saib raws li kuv tij laug Caivyaj mas tej zaum kuj yuav yog tsim tsawv li tej laus hais lawm thiab, nws mas yeej nquag muaj mob tshaj peb txhua tus.

Thaum tseem hluas kuv tij laug muaj ib tug hluas nkauj hmoob vaj, nws yog peb dab laug Faivtxiab tus ntxhais, nkawv yeej tau sib tham ua nkauj ua nraug me ntsis lawm, tab sis kuv tij laug tseem mus kawm ntawv lawm ces thaj tsam xyoo 1986 ntawv dab laug lawv tsev neeg cia li khiav mus Thaib lawm, ua rau kuv tij laug thiab nws tus hluas nkauj nkawv muaj kev kho siab thiab tu siab heev, thaum dab laug lawv mus txog Thaib, dab laug tau muab nws yuam mus ua hmoob niam yau, ces nws chim chim siab nws tau noj tshuaj txo nws txoj sia tag sim neej rau tim Thaib lawm. Niaj hnub tam sim no kuv tij laug twb muaj tub muaj ki puv vaj puv tsev tag lawm los nws pheej tseem ua npau suav pom tus hluas nkauj ntawv los nrhiav nws tas zog li, tau ua rau kuv tij laug muaj txiab tas mus li xwb.

Los xyov yog tias kuv tij laug nco nws dhau lawm es thiaj pheej ua npau suav pom nws xwb?????

Ua tsaug ntau.

Davdub
member
member

Registration date : 2009-12-19

Re: Pom Poj Ntxoog Tim 22/10/2011 (Saturday)

Post by Davdub on February 18th 2012, 9:46 am

Nraug Cuam, hai txog ntawm koj tij laug ntawd, kuv xav hai tias yog nws pheej xav txog nkawv txoj kev sib hlub yav tag lo lawm es koj tij laug thiaj li ua li ntawd lawm xwb. Hai txog tus tuag lawm ces nws tsi paub cov tom qab lawm lawv yeej tseem muaj tus xyws tab si lawv ua tsi tau dab tsi rau neeg li thiab qhov ua tau ces yog u ntshai es qhov ntshai ua rau u nkau xwb.

Koj tij laug xav kom txhob ua li ntawd thiab tus npau suav ploj hauv tus npau suav mus ces koj kom koj tij laug thiab niam tij nkawv yuav ib leeg ib lub plaib lo sib cog ua niam txiv es tus niam muab nws li looj rau tus txiv tus tiv tes hos tua txiv lo muab nws li looj rau tus niam hai tias nkawv yog niam txiv lawm kom tej niag kev npau suav phem txhob lo aiv lawm vim nkawv muaj tug lawm nkawv cog lus li ntawd rau nkawv ob leeg lawm xwb ces qhov koj tij laug npau suav heev heev ntaws cia li ploj rau qhov koj tij laug thiab niam tij txoj kev sib yuav nov ces ok lawm xwb os. Try to do what I feel and see any happen in the future?

Nraug Cuam
member
member

Registration date : 2011-09-25

Character Sheet
 :

Re: Pom Poj Ntxoog Tim 22/10/2011 (Saturday)

Post by Nraug Cuam on February 19th 2012, 1:41 am

Davdub wrote:Nraug Cuam, hai txog ntawm koj tij laug ntawd, kuv xav hai tias yog nws pheej xav txog nkawv txoj kev sib hlub yav tag lo lawm es koj tij laug thiaj li ua li ntawd lawm xwb. Hai txog tus tuag lawm ces nws tsi paub cov tom qab lawm lawv yeej tseem muaj tus xyws tab si lawv ua tsi tau dab tsi rau neeg li thiab qhov ua tau ces yog u ntshai es qhov ntshai ua rau u nkau xwb.

Koj tij laug xav kom txhob ua li ntawd thiab tus npau suav ploj hauv tus npau suav mus ces koj kom koj tij laug thiab niam tij nkawv yuav ib leeg ib lub plaib lo sib cog ua niam txiv es tus niam muab nws li looj rau tus txiv tus tiv tes hos tua txiv lo muab nws li looj rau tus niam hai tias nkawv yog niam txiv lawm kom tej niag kev npau suav phem txhob lo aiv lawm vim nkawv muaj tug lawm nkawv cog lus li ntawd rau nkawv ob leeg lawm xwb ces qhov koj tij laug npau suav heev heev ntaws cia li ploj rau qhov koj tij laug thiab niam tij txoj kev sib yuav nov ces ok lawm xwb os. Try to do what I feel and see any happen in the future?

Nyob zoo hnub tshiab rau koj os tij laug Davdub,

hais txog teeb meem ntawm kuv tij laug, kuv yeej xav li koj ua tij hais lawm tej zaum yog nws muab nco heev dhau lawm es nws thiaj li pheej ua npau suav pom nws tus qub kiav roj xwb.

Piv txwv li kuv tus kheej, yav tag dhau los yus tau tham thiab paub qee tus hluas nkauj hauv yus lub neej, nws thiab yus yeej tsis tau ua nkauj nraug zoo npaum cas, ziag no yus twb tsis xav txog thiab tsis nco txog nws li lawm los haj tseem muaj qee hmo yus rov ua npau suav pom nws thiab. Tej thaum zoo li no ntshe yog thaum yus tsaug zog lawm yus lub hlwb mam li ho xav, nco txog nws ces ntshe thiaj li ua rau yus rov npau suav pom nws xwb.

That is a good recommendation. I will soon tell my brother to follow up your good idea. Hoping it can help him in the future.

Big thanks, bro Davdub.

Davdub
member
member

Registration date : 2009-12-19

Re: Pom Poj Ntxoog Tim 22/10/2011 (Saturday)

Post by Davdub on February 19th 2012, 11:37 pm

Nraug Cuam,

When I was teenage I was dated a girl that has too many boy friends. After I had dated her and tsi tau ntev kuv yuav poj niam lawm. Thaum ntawd tus hlua nkauj ntaws ho mus yuav ib tug tub hmoob Vwj lawm lawv tuaj rau Bang Vinai Camp kuv ho tuaj rau USA lawm tab si lawv yuav tuaj rau Fabkis ces tus pojniam ntawd mob mob nws tuag lawm kuv twb ua npau suav pom nws ib pliag deb tsawv zoo li nws ntsia kuv ib plias. Kuv lo kuv ntsia nws thiab tab si zoo li tsi tau hai lus dab tsi rau nws.

Tom qab cov neeg tuaj tim vibnai tuaj lawv mam li piav qhia rau kuv hai tias tus kwv tij nws tus pojniam tuag lawm es lawv tseem khuam tsi tau tuaj rau Fabkis teb, muab tus pojniam fau tag lawv tuaj rau fab ki teb lawm.

Kuv thiaj li xav hai tias, tej zaum qhov kuv ua npau suav pom ces yuav yog nws lo ua tsaug kiav roj xwb es lo said good bye rau kuv xwb no. Tej nov muaj tseeb os kwv nraug cuam.

Nraug Cuam
member
member

Registration date : 2011-09-25

Character Sheet
 :

Re: Pom Poj Ntxoog Tim 22/10/2011 (Saturday)

Post by Nraug Cuam on February 21st 2012, 1:26 am

Tij laug Davdub,

I am so sorry for hearing your sad story. In the past time, many teenagers were dated to marry each others but at last they did not and even today.

Kav liam mas tij laug, muab xav tias tus uas yus yuav tau ntawv thiaj li yog yus tus tiag tiag, hos tus uas dim lawm tej zaum yeej yog tus ntses loj ntag, tab sis muab xav tias yog daim ntawv ua niam txiv los tsis sib raug thiaj li tsis sib tau no xwb es thiaj li tsis khuv khuv xim nws os, tsis tas li tej zaum yog yus yuav nws ces tam sim no yus ho khuv xim niag tam sim no thiab no tiag.

Hais txog kev ua npau suav rov pom yus tej qub kiav roj mas yeej muaj ntag nawb, tshwj xeeb mas yog yus thawj tag hluas nkauj hauv yus lub neej thiab tus uas yus hlub, yus nyiam tshaj plaws es ho tsis sib tau.

Davdub
member
member

Registration date : 2009-12-19

Re: Pom Poj Ntxoog Tim 22/10/2011 (Saturday)

Post by Davdub on February 21st 2012, 6:43 pm

Haaaa, yog lawm ma kwv nraug cuam. Kuv ces nyob tim nov lo yeej tsi laim li lawm vim ntshai ntshia ib ntsi tau hmob na!! haaa zoo li tsob qoob yog tsi ua zoo ces cov niag hmob ntawd nce tsob qoob twg ces tsob qoob ntawd cia li tuag li lawm laiv kuv ma ntshai li ntawd xwb es kuv thiaj li tsi mus laij o.

Nraug Cuam
member
member

Registration date : 2011-09-25

Character Sheet
 :

Re: Pom Poj Ntxoog Tim 22/10/2011 (Saturday)

Post by Nraug Cuam on February 21st 2012, 7:40 pm

Yog mas tij laug Davdub,

hais txog kev ua si, ua hluas ces yeej ua tsis paub dhuav tsis paub txaus li os, tab sis txheej niam no muaj muaj Mes es ntshai ntshai tsam lam ho tau Mes los yug xwb os. Kheev lam yog Thas Mab Xaj li thaum i mas lom zem xwb xwb li lauj, hehehehe







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Davdub
member
member

Registration date : 2009-12-19

Re: Pom Poj Ntxoog Tim 22/10/2011 (Saturday)

Post by Davdub on February 21st 2012, 8:17 pm

Yog lawm o Nraug Cuam

Muaj coob heev li o, cov neeg ua nws tsi kav xwm ces yeej muaj ntau txhiab leej muaj tus kab mob ntawd lawm o. cov twgtsi ua hlua cov nov thiajli tseem zoo ho cov ua hlua heev heev ce yeej mob nta zau li lawm os.

Nraug Cuam
member
member

Registration date : 2011-09-25

Character Sheet
 :

Re: Pom Poj Ntxoog Tim 22/10/2011 (Saturday)

Post by Nraug Cuam on February 21st 2012, 9:16 pm

Yog mas tij laug Davdub,

Tau muaj li 3-4 xyoos dhau los no hauv peb zos muaj ib tug hmoob Yaj, nws twb yeej muaj tub muaj ntxhais tiav nkauj tiav nraug tag lawm, tab sis nws haj tseem nyiam nyiam mus ua hluas ces muaj ib zaug yawg cia li mus nqa tau Mes los faib rau nws poj niam tib si, ces nkawv thiaj li mus kuaj Doctor no lawv hais tias tej zaum yog HIV (AIDS) lawm no ces yawg los txog tsev los pw 1 hmos tag kis kaj ntug ua cas pawv yawg saum txaj lawm, lawv tawm mus nram vaj nas has yawg twb txhav tas saum tus ceg Txiv Tsawb Thoj lawm, mam xyuas nas has yog yawg muab hlua dai yawg caj dab. Tam sim no yawg poj niam haj tseem ua neej nyob tib ntxiag, tab sis tsis paub tias kho zoo lawm los tsis tau.

Raws li kuv xav mas nyaj yuav tsis yog HIV(AIDS).

Davdub
member
member

Registration date : 2009-12-19

Re: Pom Poj Ntxoog Tim 22/10/2011 (Saturday)

Post by Davdub on February 22nd 2012, 5:42 am

Kuv twb muaj ib tug xeeb ntxwv ua li koj hai thiab ma, Nkawv ib me niam txiv tuaj tim USA tau ib xyoo ces khwv tau mentsi nyiaj lo yuav tau ib lub tsheb ces cov nyuag na txom fav tim USA lo txog kom yawg thaum lawv mus tham cov ntxhai mos mos ab nyob PhonSavahn ces yawg mag kiag, cov hmoob lov txawv teb caws lo ho tsi mag, vim lawv muaj hnab lawm, yawg pojniam paub hai tias ua li ca yuav txawv ua luaj li lawm ces yawg pojniam ua heev heev rau yawg ces lawv mus puag pem roob ces yawg noj cov kuab taws nyhuv ces yawg tuag rau pem roob lawm, tam sim nov tus nyab tseem ua neej qhua ntxhiag twb tsi hnov hai dab tsi li ho yawg ces tuag tau 5 xyoo nov lawm.

Nraug Cuam
member
member

Registration date : 2011-09-25

Character Sheet
 :

Re: Pom Poj Ntxoog Tim 22/10/2011 (Saturday)

Post by Nraug Cuam on February 23rd 2012, 4:20 am

Davdub wrote:Kuv twb muaj ib tug xeeb ntxwv ua li koj hai thiab ma, Nkawv ib me niam txiv tuaj tim USA tau ib xyoo ces khwv tau mentsi nyiaj lo yuav tau ib lub tsheb ces cov nyuag na txom fav tim USA lo txog kom yawg thaum lawv mus tham cov ntxhai mos mos ab nyob PhonSavahn ces yawg mag kiag, cov hmoob lov txawv teb caws lo ho tsi mag, vim lawv muaj hnab lawm, yawg pojniam paub hai tias ua li ca yuav txawv ua luaj li lawm ces yawg pojniam ua heev heev rau yawg ces lawv mus puag pem roob ces yawg noj cov kuab taws nyhuv ces yawg tuag rau pem roob lawm, tam sim nov tus nyab tseem ua neej qhua ntxhiag twb tsi hnov hai dab tsi li ho yawg ces tuag tau 5 xyoo nov lawm.

Oh, lov tij laug Davdub, yog li mas pab cov niam tub ntawv tu siab thiab hlub lawv heev os. Tej yam xwm txheej zoo li no twb vim yog yus lub siab ntshaw, siab hlob, tsis hlub koj 1 leeg kuv 1 tug es thaum kawg thiaj li tau kev puas ntsoog li no os. Kav liam puam chawj, txhob xav ntau thiaj li tsis mob taub hau, muab xav tias tej zaum yog lawv txoj hmoo yeej tiam ntawv los li ntawv no xwb os.

Davdub
member
member

Registration date : 2009-12-19

Re: Pom Poj Ntxoog Tim 22/10/2011 (Saturday)

Post by Davdub on February 23rd 2012, 3:41 pm

Nraug Cuam yog lo ma, qhov tiag tim nws ruam thiab xav hai tias u muaj nyiaj muaj tsheb muaj tsev zoo nyob lawm ces tsi ua zoo saibi mam li tham hlua nkauj, mus tham tus hlua nkauj ua luag yeej mob mob luag tos tuag lawm xwb lo u tseem mus plev kiag thiab ces thaum nws tus ple hle rau hauv u daim nqaij lawm ces kawg tuag xwb.

Nraug Cuam
member
member

Registration date : 2011-09-25

Character Sheet
 :

Re: Pom Poj Ntxoog Tim 22/10/2011 (Saturday)

Post by Nraug Cuam on February 23rd 2012, 7:50 pm

Yog li koj hais lawm mas tij laug Davdub,

qhov loj tshaj ces yog tim yus qhov niag hauv 2 ceg, hehehehehehehehe







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Tubzoonraug

Registration date : 2009-12-15

Re: Pom Poj Ntxoog Tim 22/10/2011 (Saturday)

Post by Tubzoonraug on February 23rd 2012, 11:55 pm

yog lawm ma brother, u pheej hai tsi tau u niag kwv ntxawg ces u tso ywj siab ces thaum kawg u thiajli ua ib siab nrog u niag kwv mus thawj thiab lawm lo ma.


Nraug Cuam
member
member

Registration date : 2011-09-25

Character Sheet
 :

Re: Pom Poj Ntxoog Tim 22/10/2011 (Saturday)

Post by Nraug Cuam on February 26th 2012, 2:57 am

Yog li koj hais lawm mas tij laug Davdub,

muaj 1 lo lus hais tias: " Xum Tswj 1 Tug Txiv Nees Xob, Tsis Xum Tswj Yus Rab Yob" no ntshe yuav muaj tiag ov yom tij laug, hehehehehehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Davdub
member
member

Registration date : 2009-12-19

Re: Pom Poj Ntxoog Tim 22/10/2011 (Saturday)

Post by Davdub on February 26th 2012, 9:22 am

Haaaa, Nraug Cuam tej zaum yuav yog li koj hai lawm tiag, rau whov muab hai kiag li kuv pom thiab paub. Kuv nyeem xov xwm nyob rau lub teb chaws mabdawb yug yaj nov ma lawv rab yob need thaum twg ces lawv muab tej poj niam yuam thaum lawv yuam tag lawv muab tus pojniam ntawd tuas lawm xwb lawv yeej tsi tseg siav li o. tab si tus neeg phem ntawd nws yeej tsi nco hai tias nws yeej khiav tsi dim li thiab thaum kawg luag nte tau ces luag mam li muab nws tsim kom tsau. qhov conclusion ces yog rab yob nkau xwb.

Nraug Cuam, kuv ua tau lub lakota helicopter nov lawm os kuv ua rau koj saib os.

Saib tau lub Nroog Ruam + Mouang Ca or Moung Cab





Last edited by Davdub on November 5th 2012, 7:50 pm; edited 2 times in total

Nraug Cuam
member
member

Registration date : 2011-09-25

Character Sheet
 :

Re: Pom Poj Ntxoog Tim 22/10/2011 (Saturday)

Post by Nraug Cuam on February 27th 2012, 1:41 am

Tej nyuag hauj lwm qab rooj li wb tham los sauv ces yog tim yus tib qho nyuag hauv 2 ceg xwb mas, hehehehehe, vim li ntawv hmoob thiaj ua movie thaum txhaum 4 lawm thiaj muab nws teem saum thaiv ntaus hlau es xuas roob rauj rau kom ntsoog no, tab sis nws kuj txawj maim thiab, hahahahahahaha


Zoo kawg nkaus uas nws ua tij haj tseem ua tau 2 lub dav hlau ya yuj saum ib nta ntuj nrog rau tej me roob me hav ntsuab xwb xiab li no mas auj kho siab kawg, thov qhuas nws ua tij lub peev xwm.

Davdub
member
member

Registration date : 2009-12-19

Re: Pom Poj Ntxoog Tim 22/10/2011 (Saturday)

Post by Davdub on February 28th 2012, 4:40 pm

Nraug cuam,

lub nroog ntawm daim duab yog Moos Cab o. Kuv tsi paub yog vim li ca lawv hus ua moos cab.

Nraug Cuam
member
member

Registration date : 2011-09-25

Character Sheet
 :

Re: Pom Poj Ntxoog Tim 22/10/2011 (Saturday)

Post by Nraug Cuam on February 29th 2012, 4:06 am

Davdub wrote:Nraug cuam,

lub nroog ntawm daim duab yog Moos Cab o. Kuv tsi paub yog vim li ca lawv hus ua moos cab.

Oh, lov bro. Lub nroog no thaum ub kuv niam thiab kuv txiv lawv kuj tau nyob 1 zaug los lawm thiab mas, hos kuv ces kuj tsis tau mus ncig txog tej no li thiab laiv.

Cia kuv mam nug cov laus seb lawv puas paub tias vim li cas thiaj muab hu ua Moos Cab?

Tubzoonr
Guest

Re: Pom Poj Ntxoog Tim 22/10/2011 (Saturday)

Post by Tubzoonr on February 29th 2012, 6:31 am

Nraug Cuam,

Kuv tsi tau mus txog dua ib zaug li o. Kuv hnov lub npe xwb thaum ub kuv nyob rau Naxus xyoo 72 txog 75 ntawd lo tseem yau thiab ho tsi muaj phooj ywg thiab ces thiaj li mus tsi tau txog tab si Phab Kheb kuv mus txog kuv mus ntau lwm lawm ma. Vim thaum Ub kuv yawm yij lawv ua kam rau U set ces kuv tau caim dav hlau kooj tshuab ntsuab mus rau Phab kheb kuv thiaj li pom tsi tag li lo xyoo 71 peb nyob lub zos Pham Dang es peb khiav lo rau ham hoim ce kuv thiaj li tau mus txog rau Phab kheb ma.

Tojxeem
Moderators
Moderators

Registration date : 2008-09-12

Character Sheet
 :

Re: Pom Poj Ntxoog Tim 22/10/2011 (Saturday)

Post by Tojxeem on November 5th 2012, 7:26 pm

Davdub wrote:
Hmoob daim Movie ntes tau poj ntxoog no ces thaum kawg tsis muaj dab tsi li cia li tas dawb xwb.

Davdub
member
member

Registration date : 2009-12-19

Re: Pom Poj Ntxoog Tim 22/10/2011 (Saturday)

Post by Davdub on November 5th 2012, 7:51 pm

Yog lawm os Toj Xeem,

Tej niag movie ntawd ces yog ua lo muag yuav nyiaj xwb yog leej twg muaj tswv yim zoo ces nws tau nyiaj xwb.

Sponsored content

Re: Pom Poj Ntxoog Tim 22/10/2011 (Saturday)

Post by Sponsored content Today at 10:21 am

  • Reply to topic

Current date/time is December 4th 2016, 10:21 am