Would you like to react to this message? Create an account in a few clicks or log in to continue.


+3
Tubzoonraug
Nraug Cuam
Thov Khawv
7 posters

    Poj Ntxoog Pw Tav Kev

    Thov Khawv
    Thov Khawv


    Registration date : 2014-05-20

    Character Sheet
     :

    Poj Ntxoog Pw Tav Kev Empty Poj Ntxoog Pw Tav Kev

    Post by Thov Khawv May 25th 2014, 12:21 am

    Xyoo 1988-89, nyob rau peb qub zog sab Xeev Khuam ntawd txawm muaj kuv ib tug txiv ntxawm lub npe hu ua Zam Vas Hawj, tus txiv ntxawm no mas nws muaj 02 tug poj niam. Muaj ib hnub tus txiv ntxawm no thiab niam ntxawm Yau nkawv txawm sawv ntxov ntxov mus nram liaj, daim liaj ntawd mas nyob deb peb lub zos li ntawm 30 min taug ko taw. Nkawv sawv ntxov ntxov mus nram liaj vim nkawv maj maj mus tso ntses rau hauv liaj, lub caij ntawd kuv txiv thiab tus txiv ntxawm nkawd mas nyiam nyiam yug ntses Pam Nais. Thaum nkawv mus txog tom ib tog kev ces txawm hnov tsw lwj iab nkhoob rau nkawv, tabsis kuj tsis pom dab tsi. Nkawd xav tias ntshai yog muaj tsiaj dab tsi tuag tej xwb. Ces nkawv txawm mus dua nram liaj lawm. Ib chim nkawv tso ntses thiab cais cov maum ntses nteg qe tag ces ho tsaus ntuj lawm, nkawv thiaj mam maub los. Lub caij ntawd tab tom yog hli xiab ces niag qaim hli nrig. Ua cas thaum nkawv los txog qhov tag kis no nkawv hnov tsw tsw lwj ntawd no ua ciav pom tib tug neeg tuag pw tav nkawv kev. Txoj kev ntawd mas ob sab ntug kev muaj cov xyoob qeeg siab siab xyaw cov xyoob hmab thiab hmab taum kab ntsig ces cov ntsis xyoob ob sab kev ntawd los sib khi tas li, tsuas khoob txoj kev du lug rau neeg mus hauv xwb mas ntu ntawd ib nyuag tsaus me ntsis, tabsis nkawv yeej nqa cov teeb khau npim npaj tib si thiab. Txiv ntxawm Zam Vas kuj yog huam nab koos luam hauv zos ces nws muaj ib rab phom AK tseem hwv muab rau nws lub caij ntawd thiab. Thaum nkawv los txog ntua ntu kev ntawd ua ciav tus dab tuag ntawd cia li pw tav kev qab xib tes ntxeev daj lias. Nkawv thiaj tsom teeb rau vim ntshai tsam yog leej twg tus poj niam chim siab es tuaj noj tshuaj tuag los yog muaj tej neeg vwm thiab poj ruam tuaj tseev zam pw xwb no ces nkawv thiaj tsom loo teeb rau ua ciav nws pw khwb rwg, hnav cev khaub ncaws dawb, khaub ncaws neeg tuag, plaub hau ntxhov poog tsis pub ntsej muag rau nkawv pom thiab tsw lwj ntxiag. Tseem rau sab khau noog tib si ces tus txiv ntxawm xav zoj tias yuav rho phom rau los tsam niag poj ntxoog ntawd ho quaj ua suab sas zim txaus txaus ntshai thiab, ho yuav hla mus los tsis tau luag hla thiab ces niam ntxawm thiaj hais tias kom txhob tua, cia nkawd mam lug kev. Ces nkawd thiaj li lem rov qab los lug kev tom hav zoov los lawm. Los txog tsev mas nkawv kuj ntshai tsim tsawv thiab thiaj tuaj piav rau kuv txiv. Kom kuv txiv pab hais 2-3 tug hluas nrog tus txiv ntxawm ntawv mus xyuas kom meej meej, kuv txiv yog ib niag neeg tsis ntseeg tias muaj dab ces nws tsis tshua xav mus heev tabsis tus txiv ntxawm hais ib zaug lawm ces thiaj lam mus vim tus txiv ntxawm Zam Vas no mas nws ib txwm tsis yog ib tug neeg dag thiab lam tau lam hais ces kuv txiv thiaj xav tias tsam lam ho yog tej neeg lwm lub zos ib cheeb tsam muaj kev sib ceg sib ntaus ces nws tuaj noj tshuaj tuag ntawm ib tog kev xwb. Thaum mus txog ua ciav pawv lawm, tabsis ua cas pom nws hle 2-3 txog hlua tsaj los yog hlua maj poob rau ntawm qhov chaw nws pw, pom nws ib sab nrhoob neeg tuag hle rau ntawd ntub ntsuav tsw lwj ntxiag yoov ya zom zaws thiab, ntshai yog niag dab ntawd poob plig es nws maj heev tsis nco qab thiaj ua poob lawm los xyov cas ces lawv tsuas muab pas dig dig saib xwb ces cia li los tsev lawm. Tom qab no peb tsis tshua tau luag taug txoj kev ntawd heev ces tus txiv ntxawm thiaj kom cov neeg muaj liaj teb taug txoj kev ntawd sib pab mus luaj cov xyoob thiab ua kom txoj kev loj dav thiab muab hlawv du lug lawm.
    Zaj no mas yog true history, tsis yog lam hais los yog dab neeg nawb, kuv twb piav piav hem me nyuam yaus kom txhob mus loj leeb deb deb thiab piav rau coob tus hnov lawm thiab.
    Nraug Cuam
    Nraug Cuam
    member
    member


    Registration date : 2011-09-25

    Character Sheet
     :

    Poj Ntxoog Pw Tav Kev Empty Re: Poj Ntxoog Pw Tav Kev

    Post by Nraug Cuam May 26th 2014, 1:04 am

    Nyob zoo tij Tas Lauv Vwm, nyeem koj ua tij zaj dab neeg no mas txaus ntshai kawg li nawb, yog tsis nqa teeb & phom mas yeej kawg poob plig li lawm lauj, yog kuv no yuav kom poj niam tuav yus tw tsho kom ruaj ruaj es luaj phom 6 seb yuav zoo li cas, yuav tuag tib tug lwj kas dhi, hos hlev kaus nyas los yuav ya tuaj muab yus dua li lauj hehehehe. Yog txiv ntxawm lawv rov qab mus xyuas tseem pom muaj li koj piav ntawv mas yeej yog Poj/Lau Ntxoog tiag tiag li ntag nawb, yuav tsis yog neeg, yog neeg no mas yuav tsis tau luag tuaj mus pw ntawm 1 tog kev li ntawv, txaus ntshai kawg li nawb, kuv ces 1 ce twb sawv pob qav kaws tag li lawm ntag laiv, txij no mus ntshe tsis tau luag mus yos hav zoov 1 leeg ntuj teb tag hmo li lawm lauj hehehehe.

    Raws kuv niag ruam no xav mas: tej zaum yog lawv tsis saib zoo xwb, yog TSOV mus dawj cov niag neeg/hmoob tuag tim toj ntxas, los sis ntawm tej ntug kev los noj hauv kev xwb, thaum txiv ntxawm nkawv los txog ces Tsov pom nkawv Tsov khiav lawm, nkawv los dhau lawm ces Tsov rov los muab noj tag, los sis muab luag/kwv mus 6 lwm qhov lawm, hehehehe nov mas tsuas yog xav xwb. Li cas los ua tsaug ntau 6 koj zaj Neej Neeg no nawb tij Tas Lauv. Muaj no ces ho tuaj piav dua lwm zaj nawb.
    Thov Khawv
    Thov Khawv


    Registration date : 2014-05-20

    Character Sheet
     :

    Poj Ntxoog Pw Tav Kev Empty Re: Poj Ntxoog Pw Tav Kev

    Post by Thov Khawv May 26th 2014, 10:27 am

    Nyob zoo Nraug Cuam, yog li koj hais yeej txaus ntshai kawg thiab. Thaum peb tseem nyob rau lub zos ntawd mas kuv mus hav zoo ib leeg yeej xav ntsoov zaj story no nkaus xwb ces yus tsis tshua tau luag ntshai yog thaum ntawd yus hnub nyoog tseem hluas siab tseem muag. Los txog rau niaj hnub nyiam no yus muaj hnub nyoog lawm thiaj tsis ntshai dab tsi li lawm xwb.

    Xyov li tiag cas niag dab tuag ntawd cia li los pw ntawm ib tog kev li los xyov yog tsov muab nws luag los pov rau ntawd li koj hais. Raws li kuv yawm txiv laus (kuv niam txiv) piav mas peb lub zos ntawv nyob los tau 1-2 puas xyoo lawm. Tus coj lawv los nyob mas yog peb yawg suab lub npe hu ua Yawg Suav Tuam, thiab ib tug Hmoob Yaj hu ua Yawg Txawj Yias Yaj. Nkawv ob tug no coj li ntawm 100 tawm yim los nyob thiab nkawv yog ob tug thawj tub rog tua suav, feem ntau pab Hmoob no yog Hmoob Vaj, Hmoob Yaj thiab Hmoob Hawj, tom qab lawv swb ntsug rog Vwj Npam Yem (Vwj Paj Yias) tua suav ntawd ces txawm coj pab neeg no khiav los no. Lawv txawm los tshwm hauv peb zos, ces huab cua zoo heev, lawv thiaj los ua zos rau hauv. Yog li ntawd ib cheeb tsam ntawm peb zos ntawv mas yeej ntau lub qub zog heev li vim lawv pab neeg no pheej tsiv mus tsiv los ib cheeb tsam ze ze ntawv. Peb daim liaj nyob rau lub zos no mas peb yawg Soob yeej ua tseg rau kuv yawg lawv ntau tiam los lawm. Peb yawg lawv yeej ib txwm ua liaj pem suav ces thiaj paub los pwm thaj liaj no. Yog li ntawd ob cag ntawm lub zos no mas muaj toj ntxas ntau heev. Cov toj ntxas qub qub puag thaum ub ntau tas zog li, koj mus lub roob lub hav twg los yeej pom toj ntxas txhim cov txiag zeb ntawm rooj ntxas loj thiab zoo nkauj kawg mas ntshai tej zaum kuj yog tej dab tej xyw thaum ub ntawd thiab los xyov li cas. Thaum ub peb lub zos ntawv muaj neeg nyob coob li 4-5 puas tawm yim ua ntej tsov rog Vaj Pov, tab sis tom qab tsov rog ces neeg khiav ua sab ua sua, khiav yaj khiav yeeb mus rau txawv teb chaws thiab lwm qhov tag lawm, thiaj tshuav peb li ntawm 40-50 tawm yim xwb. Los rau tom qab lub caij yug kuv ntawd ces lub zos no tshuav li ntawm 20-30 yim lawm xwb. Lub zos no los yeej muag neeg tuag ua ntu zus, thiab lawv coj neeg mus faus ua yaj ua yeeb raws nyias siab nyiam ces yus qhov twg los yeej pom ntxa li ntxa xwb.

    Lam piav li no rau peb mloog ua kev lom zem xwb os
    Nraug Cuam
    Nraug Cuam
    member
    member


    Registration date : 2011-09-25

    Character Sheet
     :

    Poj Ntxoog Pw Tav Kev Empty Re: Poj Ntxoog Pw Tav Kev

    Post by Nraug Cuam May 27th 2014, 1:25 am

    Bro Tas Lauv Vwm, kuv xav tias thaum txiv ntxawm nkawv los pom niag dab tuag ntawv pw tav kev kheev lam 2 leeg yog txiv neej 1 yam es ua siab tawv qhawv mus saib kom ze ze thiab xyuas kom meej meej no yuav paub tias yog dab tsi lawm tiag os. Tab sis li cas los thaum ntawv yeej xav tsis tawm tswv 8 li lawm tiag, ntshai li ntshai 1 ce tshee nyho lawm xwb ces kawg xuas kab qiv kauv txhais lawm xwb tiag bro, hehehehe.

    Raws li koj piav txog nej lub qub zog mas nej yeej los nyob ntev lawm nawb, nyob tau ntau tiam neeg los lawm, kuv nyuam qhuav mus txog 1 zaug thaum 3 nrog koj mus ntawv xwb os. Tam sim no thaum twg tau mus ze tham tsam ntawm nej zos ntawv mas tseem nco nej txhua tus kawg li. Nej ces muaj hmoo mus tau zoo, ua neej xws luag lawm tej zaum yuav tsis nco heev lawm lauj hehehehe hos kuv ces ua noog qej qawg poob qab nrag, ua qav kaws quj qhov taub xwb las as hehehehe.
    Tubzoonraug
    Tubzoonraug


    Registration date : 2009-12-15

    Poj Ntxoog Pw Tav Kev Empty Re: Poj Ntxoog Pw Tav Kev

    Post by Tubzoonraug May 27th 2014, 7:05 pm

    Kwv Tas Lauv Vwm thiab Kwv nraug Cuam, neb saib cov liab or different kind of monkeys.