Me leej muam--------kuv hniav kaus dib
tev kab tsib---------ua tau kawg nkaus
kuv ntxi kaus-------phim lub ntsej muag
li pheej luag-----------nyuj nyav tas li
Pheej luag ntxhi---------li zoo zoo siab
qhov tseem ntsiab---yog kaus hniav chom
leej twg pom-----------thiaj zoo li luag
lub ntsej muag------ntsws cuag roob qhib
Koj puas tib-----------kuv na leej muam
neeg pheej thuam-------kuv cov pos hniav
tias nws xiav--------thiab doog dub nciab
nws tsw ntxhiab--------ces tib neeg ntuav
Cas kuv yuav--------ntxim ntxub ua luaj
tos tsis muaj---------tsis ntsib chaw sov
tim li nov-------------xwb ntag los cas
tab sis mas----------kuj muaj qhov haib
Cua txha qaib-------txiv qhib txiv ntseej
mas cua keej---------tshaj dua lwm tus
hais qhov mus----------ntov vaj kab tsib
tsis tas txib----------nqa riam nqa txuas
Cia kuv xuas-----------kaus hniav ob laig
tu tsheej daig---------cuag nas kos txiav
pos hniav xiav---------vim tawm sab nrauv
di ncauj hlauv---------los khwb tsis txog
Thiab vim yog-------tsis zoo txhuam hniav
nws thiaj xiav--------thiab liab pluj ploog
koj lam mloog------------thaum kuv ua pa
txawm tsw ha---------zog los txhob chim
Tsis txhob thim----------koj lub siab rov
vim kuv hnov------------ib txhia hais tias
hniav zuag plias-------------zoo li kuv no
zoo sib do--------------lub caij hmo ntuj
Yeej muaj xuj-----------zoo zoo los phim
kom txhob chim-----------kom ua siab loj
ua li koj-------------------ho xav li cas
kuv xav mas----------ntshe koj tsis nyiam
Muaj neeg hiam--------thiab muaj neeg tib
nti nrov phib------------rau kuv ntau zaus
tseem mag ntaus---------mag npuaj pob qa
xa hnya hnyav-----------chim chim cia xwb
Ntxhais khib dwb----------yog koj lam kam
cia kuv tham----------koj tsis txhob ntxub
kuv mam hlub------------koj mus kom kawg
ntiaj teb tawg-----------los kuv tseem hlub
Tsuav muaj khub-----------ua neej tiam no
zoo siab hlo--------------mus ua hauj lwm
hniav tsw pwm------------los koj lam nyiaj
tsis tsim txiaj-------------los koj lam hlub
Ces hmoob tub----------yeej zoo siab lawm
cia kuv khawm-------------kuv xwv koj pw
tig pob tw------------------rau kuv los xij
koj yeej nplij------------tau kuv siab lawm
os nkauj hnub!
Home
. 
