Cas neb nim----------txawj seev ua luaj
Kuv xav quaj----------thaum nyeem neb lus
Siab puas tsus----------tsis thooj yav tag
Vim neb ntag----------kuv siab thiaj lwj
Yam lub rwj----------ncu nco yuav paim
Siab qaug laim----------vim neb txawj seev
Hais tau deev----------kuv siab kawg li
Kuv luag ntxhi----------nyeem neb cov lus
Tsis xav mus----------ua dab tsi hlo
Rau siab ntso----------nyeem neb tej ntawv
Kuv zaum rawv----------mloog neb sib teb
Hais lub deb----------lus ze kub siab
Kuv thiaj kiab----------tsis xav ncaim kiag
Xav tig ntiag----------los mloog neb saub
Siab dai daub----------neb tej lus seev
Raug siab heev----------kuv luag ntxhwb ntxhi
Zoo tam li----------tus neeg phim npab
Tsis nco qab----------nqos qaub ncaug li
Qaub ncaug si----------twb tsis nco so
Vim neb no----------tham muaj ceem dhau
Thiaj ua rau----------kuv no tsis nkees
Thaum sawv tsees----------yeej dhia cus les
Yam tus ntses----------uas tau nej ntshiab
Zoo lub siab----------lawm tsheej qas hli
Luag ntxhwb ntxhi----------rau txhia txoj ke
Yog nyob ze------------ces ntshe kuv no
Twb thau hlo----------beer qhib 3 haus
Haus kom txhaus------------kom qaug tsa hlo
Vim neb no----------seev tau zoo dhau
Thiaj ua rau----------kuv no qhuas kiag
Neb lawm tiag----------muam Nkaujhnubqub
Neb txawj qhub----------hais raug siab tshaj
Hais tsawg zaj----------los yeej raug tag
Neb txawj dag---------hais lus fav nim
Neb tsis chim----------hais lus luag ntxhi
Txiv Nraug Hli-----------thiab Niam Nkauj Hnub
Nkaujhnubqub----------thiab Tas Lauv Vwm
Hmoob keeb kwm-----------los neb paub txhua
Kev ua qhua-----------los neb paub txhij
Neb tshaj lij-----------kev kawm kuj siab
Neb hnav tshiab----------npaum noob huab tais
Niam leej ntxhais-----------thiab txiv leej tub
Kev sib hlub----------los neb txawj txaus
Hlub tus laus-----------tej hluas txhua tus
Neb tsis mus-----------ua plee ua yi
Tham lus ntxhi----------pem toj nram hav
Neb siab dav----------pab kwv pab tij
Hais lus nplij----------txhua tus nplooj siab
Mus kav kiab----------neb nqa nyiaj ntau
Yuav me khau----------me ris me tsho
Yuav txhua nrho----------yam neb siab nyiam
Vim neb tiam----------los muaj txoj hmoo
Neb tsis nroo----------khaub hlab li kuv
Neb hnav xuv(suit)----------cob xub ntxwb ntiag
Zoo nraug ntxiag----------cuag phaj ej suav
Tsis tsw quav----------li Txiv Nraug Cuam
Neb tsis ruam----------awb thaws li kuv
Neb noj huv----------npaum nkaus tej nom
Txaj chaw khom-----------neb tus du dais
Neb tsis hais----------lus liam li kuv
Neb txawj uv----------npuab lawv qab tshob
Tsis hais mob----------lwm tus nplooj siab
Neb hnav tshiab-----------zoo nraug zoo nkauj
Luag tuaj xauj----------luag pom luag nyiam
Tsis xiam tiam li kuv os nkawv e!!!
Hehehehehe, lam sau lom zem ua si xwb txhob xav lo cas nawb nkawv.
Home