nco dheev koj lub npe mob kuv siab ua li

nkaujhnubqub wrote:Ntiaj teb twb mus lawm zuj zus
tseem xav txog tus neeg kuv hlub
tus thaum ub yog kuv lub teeb thawj
tus neeg txawj hlub thiab txawj qhia
Yug kuv txoj sia nres kuv lub suab quaj

Tus neeg muaj txoj kev hlub tseeb
Yog lub teeb ua rau kuv pom kev
Leej txiv tsev tus zoo rau kuv tshaj
Lub ntuj kaj kuv muaj koj tas li
Luag ntxhwb ntxhi nrog koj nyob

Tus kuv txob tas txhua sij hawm
Koj mus lawm tau ntev loo tiag
Koj suab npliag tsis hnov lawm zus
Tsis paub mus nrhiav koj qhov twg
Tam lub lwg poob rau hauv av

Cug tes ncav kov tsis tau cuag
Ua kua muag poob txeej los si
Tam dej ci ntws mus lawm deb
Nco thaum peb tseem sib hlub heev
kuv thiaj seev txog koj lub npe

Thaum  ua ke tsis sib nrug kiag
Kuv nco tiag tsis paub hais qhia
Kuv txoj sia yuav tu tiag tiag
Kuv sawv liag thiab zaum ntua
Cas yuav tshua thiab nco koj ua luaj

Kua muag tawm tuaj mob siab ntsws
Txoj kev tws siab nrhiav koj nraim
Kuv yeej maim tsis nrhau qhov nco
Mus txhua hmo nyob txhua hnub
Koj suab qhub kuv nco tsis ploj

Xav hu koj tuav koj lub npe rawv
Hnov kuv plawv mob ntoj nqig ntoj nqig
Tig ib ncig los tsis txawj zoo li
Ntuj tsaus nti teb tsaus ntais
Xav tau txais koj lub suab npliag

Nco koj tiag yuav tuag li os
Cas siab yuav nco koj tag npaum li
Tsis hnov koj ntxhi thiab koj lo lus
Siab tsi tus yuav ua cas os tus kuv nco aw.....!

nkaujhnubqub wrote:Nej yeej dai tsis tau tuag li os tij laug nraugcuam e... Ntshai tsam yog kuv serv ntau kuv dai xwb os..

nkaujhnubqub wrote:Hehehe, tijlaug taslauv a, nyob deb deb li ces yog tuag lawm no ntshe yuav sib nrhiav tsis tau pob...
Ho tijlaug nraug cuam a, koj na tsis txhob dai tuag kiag li nawb tsam koj me tub me kiv nco nco koj tsis paub nyob li hov...

*Tas Lauv Vwm wrote:

Tej zaum sib nrhiav tau thiab nawb nkaujhnubqub, rau qhov raws li tej laus piav mas yawm saub yeej teev peb txhua tus npe lawm no, ces yog nrhiav tsis pom ces mam nce mus nug yawm saub kom nws muab yeej yaj tsom los tsom nrhiav koj xwb tiag. lol

nkaujhnubqub wrote:Ua tib H


Ua tib neeg ......nyob rau ntiaj teb
Txawm nyob deb ....los tsis txhob dag
Hlub tsis tag......los tsis txhob thuam
Koj dag ruam ...ces yuav ntseeg koj

Thaum ruam ntoj ....koj ho khiav nkaum
Txoj kev txhaum ...tsam poob rau koj
Ua zoo yoj......tes qhia rau ruam
Thiaj tsis txhuam....koj me kav hlaub

Vim yawm saub.....tuaj tog ncaj ncees
Koj tsis lees...kuj txhob thab pob

Ces yuav mob ....li cov pos chob ntag
Yog koj dag ... ntxias nws lub siab
Nws muaj ntxhiab ...muaj txha muaj tawv
Nws muaj plawv ..... xws nkaus koj thiab
Ruam muaj siab.....thiab kuj muaj ntsws
Nws txawj yws....thaum nws hnov mob
...





txhob hais li koj os tijlaug tsam ler ntshai tsis tuaj ler ces koj kuv wb tsis txzwj tham li ler lawm na. ces koj lub tsev yuav nyob txia  ti ntag hov
. C a kuv mam tuaj nyeem nej tej me lus khaw sia xwb os

Jesqav wrote:Puag thaum ub peb nyob los tsuas                           Coob tus hlua muaj Nraugcuam peb

Nqa xeb leb thiab nqa tuam txhob                           pheej txhoj pob xyaum khawb kab bis

Nyiam cuab piv thiab cuab nas ntsooj                     thoob qab roob hauv hav txhua nrho

Tsheej tag mo tshuab raj luj lev                                 sib ncaim ntev nej pua nco peb lawm os lawv..

 

Sij hawm ntawv peb kuj tseem me                          tau lub be hu ua nyuam yau

Nrog tej laus tuaj mus ua teb                                    taug kev deb lawm tsheej xuab moo

Muaj kab noog quaj xiv pe nqiab                              muaj noog diab-nraj yij-hoj huam

Muaj coj puam thiab noog roov dev                        sib ncaim deb nej pua tseem nco lawm os lawv.

 

Caij nyoog ntawv sawv daw txom nyem                    nyob puag pem tej ntav roob xwb

Kiab thiab khw tsi tau pom dua                                   Tsua pom bua thiab nyuj twm xwb

Kuv niam wb tuaj txog laj khaib                                   Mam tau saib thiab mam pom tsheb

Loj theb theb cuag lub niag phawv                             kuv lub plawv mad dhia tig toog li tiag lawv…

 

“Haha” puag thaum ntawv pom tsheb thawj zaug             lub niag hlau kuj muaj qhov muag

Kuj txawj hluag thiaj quaj ntwg ntwg                     quaj vuj vwg tuaj mus laij av

Laij tsheej hav tsheej phab tag pheev                    tsi paub nkee li peb cov twm

kuv thiaj zwm muab hu bua hlau                            kuj ta lauv tiag tiag thiab os lawv.

 

Hahaha lwm zau mam rov sau dua.

nkaujhnubqub wrote:hehe zoo siab ntsib neb hauv no os ob tus nus. Zoo siab rau neb cov lus txhawb os.

Thov Khawv wrote:

Ua tsaug ntau...rau cov paj huam
hais dai dhuam...Thov Khawv lub siab