by Tubzoonraug March 20th 2018, 7:25 pm
Hai txog kev sib bav lo si sib iab liam e bav hau dej lo tus kev ncaj ncee. Tej nov yeej hnov cov lau tham yeej muaj tseeb.
Kuv yuav piav kuv tus niam tij kiag thaum kuv tseem yaus kuv yeej nco meej meej lawm, xyoo ntawd ce kuv tsi paub xyoo tab si raws kuv nco ma yog 65 lawm. Kuv cov tij laug thiab cov kwv tij nyob ib lub zog khiav tag lo rau Mouang Sui lawm ce tshuav ib yim Hmoob Vaj thiab kuv tij laug lo rau kuv txiv 3 lawm xwb. Raws kuv paub ce yog tshuav 3 yig thiab ib tug yawm yij Hmoob Xeem Thoj.
Kuv tus niam tij ntawd ma ua tub sab heev, mus nyiag qaib heev li ce nws txawm mus nyiag tus yawm Yij Hmoob Xeem Thoj cov qaib ntau tus lawm, ce tus yawm yij ntawd txawm tuaj hai rau kuv txiv hai tias, Yawm Txiv, peb lub zo nov neeg twb khiav tag lawm e twb tsi muaj neeg lawm tab si ma cov qaib ma ploj tag mus li xwb e yog li ntawd thov koj tua yawm txiv pab hai rau tej poj niam menyuam kom txhob nyiag qaib heev lawm yog tseem nyiag thiab ce ntse kuv yuav muab phom tuas.
Thaum tus yawm yij Hmoob thoj ntawd tham li rau kuv txiv ce tus niam tij nyob ntawd thiab ce tus niam tij txawm hai tias, nej lam fiv ib lub nyuag yeem qaib xwb ce nej yeej nte tau tus tub sab ntawd lawm ma, kuv niam tij hai li ce kuv txiv thiaj li hai tias, Nyab, 3 lub zej lub zog nov twb khiav tag lawm twb tsi muaj neeg lawm yog li koj tus ua nyab thov koj tsi zoom mus muab vauv lawv tej qaib nawb, yus xav noj nqaij yuav tau tus tej tshiaj ntawd thiaj li tau noj e tsi txhob mus nyiag luag tug nawb, yog koj tseem tsi tsum ce kuv ua txiv ntxawm kuv yuav tsi pab koj nawb yog plaub ntug tuaj.
Cov lus ce tham li xwb ce ua li ca tsau ntuj kiag li 10 moos ib tag hmo xwb phom txawm siv nrov pab!, ce txawm siv hnov tus yawm yij hmoob thoj hus tom ntug zog hai tias, zej zog uh!! kuv tua tau tub sab lawm nej tuaj saib seb pua yog nej neeg nawb, tus Vauv hmoob thoj ntawd hus li tag ce txawm hnov kuv tij laug hus hai tias, ntshe yuav yog kuv niag pog lawm lau! vim tsi pom kuv niag poj niam lawm.
Yog li ntawd kuv txiv thiab nkawv ob txiv tub thiaj li mus saib ce tus yawm yij hmoob thoj tib phom hmoob rau niam tij nraub qaum suab ma tshab tag ib cov rau ntawm hauv siab thiab tej mi lo ntshav tawm tawm lawm xwb.
Tsi muaj neeg li ce lawv kav liam kuv niam tij pws ntawm lub cooj qaib ntawd ib hnub yuav tsau ntuj, thaum tav su, kuv thiaj li mus saib ce kuv pom kuv niam tij pws kauv yeem ntawm lub niag cooj qaib niam tij tseem ntsaj2 tsi tau tus siav.
Tav li 3 moos ce kuv niam tij siav thiaj li tus ce 4 moos lawv 3 leeg thiaj li muab lev khauv kwv mus fau lawm xwb.
tom qab kiag sawv daws kiav lo txog rau Mouang Sui, kuv tij laug ua tus poj niam tub sab ntawd thiaj li khiav rov rau sab Noom Hej lawm ho kuv txiv peb ce khiav lo rau Mouang Sui, thaum peb lo ua tau tsev xwb yim hmoob thoj ntawd mob tag tsev neeg ce leej txiv tuag kiag ua ntej li 2 xuab moos ce ib tug ntxhai hlob zoo zoo nkauj tuag kiag thiab. thaum tuag 2 leeg ua ntej ua qab li nov ce lawv muab 2 tug neeg nov ua kev cai tag muab coj mus sai tag lawm ce lawv thiaj li muab yim hmoob thoj nov tsev neeg mob ntawd mus faib pws txawv tsev lawm lawv tsev neeg mob heev ce thiaj li muab cov yawm yij Hmoob thoj nov tsev neeg lo hloov ua peb cov hmoob yaj cov dab 9 txim lawm ce lawv tsev neeg thiaj li zoo thiaj li tsi tuag lawm.
Qhov kuv tham nov ma nws muaj ntsi yuav thooj li kev sib foom hau dej thiab nawb, qhov kuv hai nov ma cov tub kis hmoob thoj puav leej nyob tib si tab cov niam tsiv ma tuag tag lawm.
Last edited by Tubzoonraug on March 27th 2018, 7:59 pm; edited 1 time in total
Home
