"Nyob Nrog Lub Kua Muag"

    Share

    sengpor

    Registration date : 2016-03-15

    "Nyob Nrog Lub Kua Muag"

    Post by sengpor on March 11th 2018, 8:23 am

    “Nyob Nrog Lub Kua Muag”
     
    Ua neej nyob nrog lub kua muag
    Txawm yuav tuag los tuag tsis taus
    Xyov yuav xyaus lub neej li cas
    Xav tsis tas rau txoj kev nyuaj
     
    Lub suab quaj mas muaj tas li
    Suab luag ntxhi tsis nrog luag tau
    Tub siab dhau yuav ua txoj twg
    Tej phoojywg los tsis nkag siab
     
    Txog xyoo tshiab tsis nrog luag muaj tus
    Zoo li yus no puas muaj chaw vam
    Ntshe yuav lam nyob li no mus
    Ua  cas tus me neeg kuv hlub
     
    Tseem raug rub mus nyob luag xub ntiag
    Es tso kiag kuv nyob quaj ntsuag
    Niam los tuag tso kuv tseg thiab
    Lwj lub siab ua luaj li no
     
    Cas ntuj tso kuv los hmoov phem
    Kev lom zem tsis nrog luag muaj
    Lub suab quaj ces muaj tas li
    Tsaus ntuj nti rau lub neej txom nyem
     
    Yug los hmoov phem ua neej nrog kua muag
    Txog hnub tuag ntshe thiaj yuav tas
    Hnub ib pas qus tsis rov qab
    Thiaj yuav pab tau txoj kev nyuaj xwb os ib tsoom phoojywg aw………

      Current date/time is May 27th 2018, 10:49 am