Tsis ntev los no muaj 1 tug hmoob Yaj lub npe hu ua Npliaj Yaj no, nws yuav tau 1 tug poj niam hmoob Thoj nyob ze kuv zos, nws yuav tau nws poj niam li 7-8 xyoo tej, nkawv twb muaj 3 tug me nyuam lawm, muaj 1 hnub nws tus niam tais hluas(nws poj niam tus niam hluas) tuaj saib nkawv, tus niam hluas yuav rov qab mus tsev, tsis muaj tsheb bus(taxi) ces txawm kom tus txiv Laus(Npliaj Yaj) xuas motor thauj nws mus tsev, thaum nkawv mus txog tom 1 tog kev ces tus niam tais hluas txawm kom nkawv mus ua si saum roob, ces 2 tug txawm mus ua si li hais. Txij hnub ntawv los 2 tug pheej sib yaum mus ua si, thaum twg muaj sij hawm, zoo sij hawm ces 2 tug pheej nyiag ua si, ua mus ua los tsis ntev ces tus niam tais hluas txawm cia li los yuav kiag yawg Npliaj Yaj 1 tug kwv tij txheeb ze koom nyob 1 zog ua ke, thaum tus niam tais hluas twb los yuav txiv lawm los nkawv haj tseem nyiag kev mus ua si thiab, nkawv pheej tab nyiag kev ua si li ntawv txog ntua thaum tus niam hluas twb muaj 3 tug me nyuam lawm mam li paim quav.
Hnub uas yuav muaj qhov teeb meem tshwm sim tawm los ntawv mas yog li no: muaj 1 hnub thaum lub caij 9 hlis ntuj, uas yog lub caij nplej tab tom txhawv txhij & pib too daj vog ntawv yawg Npliaj Yaj tus txiv hluas tsis nyob tsev lawm ces yawg txawm mus muab niam hluas ua si nram txiv hluas tsev(yawg tus kwv tij tsev thiab), yawg muab niam hluas zaws plab saum txaj ces niam hluas tus me nyuam ntxhais hlob hnub nyoog muaj 4-5 xyoos ntawv txawm los pom, nkawv hauj lwm tiav tag yawg Npliaj Yaj mus tsev lawm, 1 tsam tsaus ntuj tus txiv hluas los txog tsev tus me nyuam ntawv thiaj qhia nws txiv tias: " iv koj tsis nyob tsev lawm puam ta yawm txiv Npliaj Yawj tuaj muab kuv niam caij caij plab saum txaj". Thaum tus txiv hluas hnov tus me nyuam tham li no nws xav tias ntshe yuav tsis khw, vim me nyuam yaus yuav tsis txawj dag yog tsis muaj tiag, ces yawg thiaj hu kwv hu tij, hu neej hu tsav, hu thawj tswv zos tuaj sib tham sib nug qhov tseeb, tus me nyuam thiaj tau los hais los teb tias" kuv pom kawg" no ces yawg Npliaj Yaj & tus niam hluas thiaj li lees, thaum lees lawm ces nkawv 2 leeg mam li sib piav nkawv lub qe tuaj ces s/d mam li paub tias nkawv twb sib nyiag ua si txhij puag thaum yawg xa tus niam hluas mus tsev los tav no lawm, tab sis yawg Npliaj tsis kam kho 100%, nws kam kho li 50% tej xwb, vim thaum xub tus niam hluas xub thab yawg, yawg yuav tseev kom muab lov ua leeg nrab kho tus txiv hluas mas yawg thiaj kam, yog li rooj 4 zaum no hais tsis haum, tham tsis tiav, ces tseem laus neeg & thawj hau zos thiaj muab teem caij rov dua lwm zaus. Lawv thiaj li tau tso tseg.
Ua cas los los muaj 1 hnub lawv hnov muaj 1 lub suab foob pob(nplaum) tawg nrov poog tom yawg Npliaj daim teb npleg tuaj lawv sawv daws sib tw mus xyuas no ua ciav pom khaub hlab ya liab vog ntshav thiab nqaij mas ya ri sua daig nyob ub daig nyob no, lawv thiaj mam hu kwv tij mus xyuas thiab tshawb seb yog teeb meem dab tsi thiab yog leej twg, thaum mus xyuas no mam paub tias yog yawg Npliaj Yaj, muaj 1 tus vauv hmoob yaj yuav peb cov ntxhais kuj mus nrog lawv khaws yawg Npliaj lub cev, yawg yos yos sab yawg txawm los zaum no ua ciav yawg ntsia ntawm 1 sab pom yawg Npliaj 1 lub noob qes poob ntawv. Raws li lawv xyuas qhov chaw thiab ntau nqi mas yog yawg Npliaj mus khawb tau 1 lub qhov ntxa zoo zoo tob txij duav yawg mam puab nplaum rau yawg tus kheej tuag, vim yawg muab xav mus xav los ntshe yuav txaj muag, yuav zam tsis dhau khiav tsis dim yawg lub txim deev niam hluas. Thaum yawg yuav mus tuag ntawv yawg mus txog pem yawg tus txiv hluas nkawv thaj teb, yawg muab tus txiv hluas nkawv cov nplej ntawm kev uas tab tom yuav pib siav ntawv nplawm ua nws lov tag vau tsheej kab taug kev dua puag pem yawg daim teb lawm.
Kwv thij hmoob tej yam zoo li no los tsis tsim nyog ua hauv 3 lub neej thiab mog.
Ua tsaug.
Home
