Would you like to react to this message? Create an account in a few clicks or log in to continue.


2 posters
  • Post new topic
  • Reply to topic

Kev Ntshai Dab

Guest
avatar
Guest
Guest


  • Post n°1

Kev Ntshai Dab Empty Kev Ntshai Dab

Post by Guest August 24th 2010, 6:08 pm

Piav txog muaj ib yam dab hem ua yus tsi muaj peev xwm pom thiab yus  tsi muaj peev xwm tuas raug nws.



  1. Hi; kuv mam li piav txog kev dab ruam hem kuv nawb; thaum kuv tseem yog tub hlua kuv thiab kuv yawm yij wb nrog rau cov neej tsha xeem Vwj, peb mus luaj teb rau sab tab yaj ntsia ntsoov rau Av liab Vientiane. Peb mus pws luaj teb, kuv thiab kuv ib tus phooj ywg wb txawm mus zov bloos, kuv tua tau 5 tug bloos 2 tug mab, kuv tus phooj ywg tuas tsi tau ib tug li. Lub week tom qab kuv rov mus sov xub qhov bloos dua, kuv mus zaum ib pliag zoj xwb bloog tsi tau tawm txawm muaj ib tug koos kaim quaj puag hauv druab av tuaj, kuv txawm xav hai tias, cov hmoob nyab laj qhia kuv hai tias yog U ntshai koos kaim no ces nws muab U cov blab nyhuv noj tag los U tseem tsi tau tuag, thaum kuv xav li ntawd lawm ces kuv pib ntshai lawm, tus koos kaim quaj quaj tawm ntos rau saum boos av lawm ces ho quaj mus rau pem hav nra lawm, kuv ntshai heev kuv khiav2  los txog kiag rau ntawm roob ntsia ntsoov lawv cov cub tawg tseem cig2   ces kuv khiav2 los no txawm muaj ib tug niag mab txawm dria drov zuag saum tsob ntoo ze kuv taub hau,, tsob ntoos tsi siab tab si kuv tsom teeb kiag rau no. Pom nyob kiag rau saum tsob ntoos tsi siab kuv muab kiag kuv rab phom suab tua plav 30-06  tua muaj 15 phom tsi raug, phom 16 ces kuv ua tib zoo tua no tus mab poob yuav luag raug kuv ces tus mab kiab cev2 lawm kuv saib ma tsi yog mab li.



  2. Kuv los txog kiag rau ntawm cov neeg pws luaj teb, lawv hai tias, kuv tua dab tsi heev ua luaj, kuv teb tias tuas mab xwb tab si tua tsi raug. Thaum no, kuv twb pib mob li ua dau no lawm, tag ki kiag xwb kuv twb nkee heev heev lawm kuv noj tsi tau mov kuv mloog kuv lub cev ma zoo li kuv yeej yuav tuag li xwb. kaj ntug xwb kuv los tsev lawm ces kuv pws tom tsev tau 2 hnub ces kuv mloog kuv lub ces yeej noj tsi tau dab tsi li kuv pib yuav tuag li lawm. Kuv txawm bau Suav hai tias kuv yawm Yij lub tsev yuav vaus ces yawj yij tij laug ho tuaj nca kiag es yawm yij tij laug hai rau kuv hai tias dag laug, cev koj tes lo rau kuv rub koj o! tsev twb yuav vaus? kuv nco hai tias kuv cev tes kiag rau nws xwb kuv tsim kiag los lawm-continue  



  3. Kuv tsim kiag los ces kuv txawm piav qhia rau kuv niam li kuv tau piav rau saum toj ntawd, kuv niam txawm cia li mus nrog kuv yawm yij tij laug kom pab ua ib thaj neeb saib kuv no, tab si nws hai tias tsi tag ua neeb cia nws khov kuam saib xwb,  thaum nws khov kuam saib tag ces nws qhia rau kuv niam hai tias, yog tim kuv tau ntshai heev thiab poob plig lawm es tsi txhob ntshai, nws twb muab pob zeb pob cav mus thaiv tag lawm ces tsi tag ua neeb li. Thaum kuv niam los txog tsev kuv niam los piav li ntawd rau kuv xwb ces kuv tus mob zoo kiag tam sis lawm. Tab si tseem kiv kiv li thaum U qaug beer ntag. Next day xwb kuv twb sawv tau thiab kuv twb xav2 noj mov lawm ce  kuv niam thiaj li hai tau ib tag mov ntse kua ntxhai los rau kuv noj. kuv qhov  kev poj ntxoog hem tsi tau tag, muab qhov no ua ntej tso. Tos kuv tseeg txoj kev ua neeb los vim pab tau rau kuv ua rau kuv tus mob zoo lawm.


Last edited by TubHmoob on August 25th 2010, 2:58 pm; edited 1 time in total
  • Back to top
Tubzoonraug
Tubzoonraug
Tubzoonraug


Registration date : 2009-12-15
  • Post n°2

Kev Ntshai Dab Empty Re: Kev Ntshai Dab

Post by Tubzoonraug August 29th 2010, 8:14 am

Txoj kev muaj ib yam tsiaj yus tsi pom tab si nws hem yus thiab nws quaj yam yus tsi pom.



  1. 30 lub xyoo drhau lo lawm, thaum kuv tseem yog tub hlua nyob rau blog lub tebchaws. Kuv tau mus pws tom hav zoov ib leeg zov tua bloos ua ntej  kuv yuav mus ma muaj ib tug niam tij Hmoob Xeem yaj ntsib kuv ntawm ze kuv tsev nws txawm cia li nyob kiag rau ntawm kev kuv tsi nco hai tias nws mus qhov twg los. Nws pom kuv ces nws tau hai rau kuv hai tias, " txiv Ntxawg, nyob rau tom peb cov qub teb ma muaj bloos khawb qos ntoos heev li yog koj nquag koj mus zov?" kuv los tsi xav dab si thaum nws hai tag ces yuav tsau ntuj kuv tsawm mus li nws hai ntag.


  2. Thaum kuv mus txog rau ntawm daim qub teb lawm, txhau yam xyoob ntoo loj tag thiab tsi muaj kev li lawm vim daim qub teb twb tau ib xyoo lawm ces sawv daws twb tsi mus txog rau hauv lawm. Thaum kuv mus txog, kuv muab kuv lub pob tawb tso rau hauv kuv tus yawm yij wb lub qub txhab ces kuv nqi hav mus rau puag hauv qab teb nyob deb li 200 feet, thaum kuv mus txog kiag rau hauv kwj ha thiab tus ntug dej lawm kuv saib ib ncig no ua li ca bloos khawb qos ntoos tshiab khwb khiv xwb kuv lub siab xav zoj hai tias zau no kuv yuav pom bloos tiag laus.


  3. Kuv zaum ib pliag li 7 moos pm ua li ca cuas pib hlob heev tuaj ces kuv lub ncauj tsi hai los kuv lub siab xav hai tias, ua li es cuas tseem yuav hlob heev ua luaj ces bloos yuav tsi tawm laus. Kuv xav li ntawd ib pliag kiag xwb muaj ob tug mab zoo li miv sib tog puag pem luag teb deb li 500 feet tuaj ces kuv lub siab poob ntav, kuv lub siab xav kiag hai tias ua li ca nyia drhiav nyia noj nawb ib leeg tsi lam thab ib leeg.


  4. Thaum kuv xav kiag li lawm xwb cia li ua kiag ib tug laus nraj dawb quaj xiv laws pem luag teb tuaj lawm thiab, kuv txawm hai lus drov drov hai tias nyia drhiav nyia noj ib leeg tsi txhob thab ib leeg. Thaum kuv hai lus drov heev tag lub suab nraj ntawd tsi drov lawm tsiag kiag ib plag xwb rov rau nram qab teb cia li muaj kiag ib tus dais los yog bear quaj drov heev ces kuv hai lus drov heev hai tias, ib leeg tsi zoom thab ib leeg nyia drhiav nyia noj. Thaum no kuv cia li sawv kev los tsev lawm.

  5. Thaum kuv los txog kiag rau ntawm kuv lub pob tawb kuv mus muab tau los  kuv pib los tsev lawm ma kuv yeej hnov tus tsiaj qus ntawd quaj tag zog tsi ntsiag li los kuv ua tug tsi hnov kiag. Thaum kuv los txog tsev kuv tseev neeg tseem tab tom noj hmog xwb, kuv niam hnug kuv hai tias," ua li ca koj yuav los tsev ntxov ua luaj es pua pom dab tsi?" kuv teb hai tias, kuv tsi tau luag kuv thiaj li los lawm, kuv los tsi qhia lawv thiab.


  6. Thaum kuv tuaj txog rau usa los yog tam sim no kuv thiaj li mam xav txog kuv thiaj li xav hai tias, tus niam tij hai kuv ntaws nws yuav tsi yog neeg, nws tsi yog kuv niam tij vim daim teb ntawd twb tsi muaj neeg mus hauv rau qhov twb ua txiv yeem tag lawm es ua li ca nws thiaj li mus pom? nws thiaj li paub? qhov no yog qhov kuv xav txog hai tias tus poj niam hai kuv ntawd tsi yog neeg yog dab lawm. Thiab tus niam tij ntawd lawv twb tsi muaj teb nyob rau ntawm thaj chaws ntawd thiab nws twb tsi tau mus txog ntawm daim teb ntawd ib zaug li.


Kuv txoj kev mus yos hav zoov ib leeg tsi tau tag tseem muaj ntau mus ntxiv caws nej hos nyeem tau tom ntej no ntxiv.
Tus mus ntsib dab yog (Tubzoonraug)


Last edited by Tubzoonraug on August 3rd 2014, 12:51 pm; edited 2 times in total
  • Back to top
Davdub
Davdub
Davdub
member
member


Registration date : 2009-12-19
  • Post n°3

Kev Ntshai Dab Empty Re: Kev Ntshai Dab

Post by Davdub August 29th 2010, 9:16 am

Mus yos tuas bloos raug ib yam tsiaj muaj power heev hem


  1. Thaum kuv tseem nyob rau tim Blog tebchaws, kuv mus zov bloos tsi deb ntawm qaum zos, kuv mus zov bloos ma nyob ntawm tab yaj ntsia ntshoov rau puag nram Vientiane thiab Av Liab. Thaum kuv mus txog rau ntawm chaws zov bloos ma bloos noj txiv thiab kab dus lug kuv zoo siab heev hai tias kuv yeej yuav tau tua xwb2 li.

  2. Thaum kuv mus saib tag lawm ces kuv mus drhiav ib lub pob zeb loj siab heev ces kuv twb yuav mus zaum rau saum lub pob zeb siab siab tab si kuv lub siab ho xav hai tias cia kuv mus zaum hauv lub qab pob zeb es muaj lub pob zeb taiv kuv lawm yog li kuv thiaj li tsi ntshai no. Kuv mus zaum ib pliag xwb cov kab taws teeb taws taws ntsai plawv plia ib piag zoj li 10 minutes xwb ces cov kab ntawd tsi pom lawm kuv lub siab zoo heev xav zoj hai tias zaum no nyob twj ywm yeej yuav tau tua bloos xwb

  3. Ua li ca kuv xav zoj li ntawd xwb 2 tug niag mab txawm cia li sib thog mij maoj saum cov ntsi xyoob tuaj ua xyoob cos qig txhoog, kuv txawm hai lus drov drov hai tias, nyia drhiav nyia noj ib leeg tsi zoom thab ib leeg, kuv hai li tag los pheej tseem quaj thiab ua xyoob cos qig ntxhoog, kuv thiaj li sawv tsee mus (attack) thaum kuv mus ma ho ntsiag lawm ces kuv thiaj li muab kuv rab niam mus txiav cov xyoob maib xab Nuv tus pawg lug kuv yeej ua baum li kuv yog ib tus phab Ej

  4. thaum no ces tsau ntuj heev lawm tsi muaj dab tsi tawm lawm ces kuv rov qab los zaum ntawm lub qab pob zeb duas, kuv lo zaum ntev heev twb yog 10 moos tsau ntuj lawm tsi muaj dab tsi tawm lawm ces kuv thiaj li ua ib siab los tsev, thaum kuv sawv kiag los tsev no ua li ca bloos ma tawm coob tiag2 li laus kuv tsua hnov bloos khiav rig2 ruag2 xwb ces kuv tsom teeb rau   qhov twg los pom bloos xwb kuv tsa phom rau tus twg los kuv yeej tsi nyem kuv qab phom li kuv tsua lam muab taws rau tus bloos xwb.

  5. Tib pliag li 10 minutes xwb ces ploj tag nrho lawm ces ho maj mam hla txoj kev mus rau tom ntug kev li 100 feet ua li ca bloos ma tseem rov qab ua drov rig2 ruag2 xwb thiab, kuv tsom teeb rau los tsi pom li lawm ces kuv nyob li 10 minutes dua xwb kuv lub siab xav hai tias, kav liam twb tsi pom ces lo tsev, thaum kuv xav li  xwb kuv cia li tsi paub qhov twg li lawm cia li ua rau kuv nrhiav tsi tau kuv txoj kev los tsev li lawm. Kuv thiaj li maub maub los tswm kiag rau ntawm kev lawm tiag laus ca kuv tsom teeb no pom kiag ib tus tsov dub loj heev luaj li tus aub k9 dhia plawg ntawm kuv xub ntiag duas ntai rau saum cov ntsi xyoo lawm ces kuv lub cauj hai tias" oib! ua li ca nws yuav dhia drawm ua luaj li ne!" yog nws ib yuag qeeb zog ma kuv tuas kiag.

  6. Thaum kuv xav li ntawd tag, kuv los tsev no kuv tsi paub xyov txoj kev mus tog twg li lawm, yeej paub hai tias mus nqi hav ces tsi yog los tsev mus nce toj ma thiaj li yog los tsev tiam si kuv cia li tsi paub dab tsi li lawm. Kuv tau mus nqi ha txog rau puag nram Cov Hmoob Xeem Muas lawv daim teb pob kaws lawm. Thaum no muaj ib tsob ntoos hmoog loj heev tau vaus los tsuam txoj kev teb lawm, lub week tag los kuv twb tau nrog ib tus ntxhai hus ua Dawb Xeem Muas mus ris pob kws, ces kuv yeej tau hla tus ntoo ntawd lawm, thaum no kuv nce hlo tus ntoos vau ntawd kuv thiaj li nco tau meej2 kiag hai tias, oh!.. kuv mus dua puag nram Txiaj Looj Muas daim teb pob kaws lawm tiag laus.

  7. Thaum no ua li ca muaj ib tus Tsaug tseem ua ntig ntwg2 ntawm qaum kev ze li 5 feet xwb los kuv tsom teeb tsi pom li yeej pom cov nroj co  mus co los tiam si yeej tsom teeb tsi pom kiag. Kuv thiaj li tau hai lus drov heev hai tias, kuv tsi tuas koj lawm laud kuv nyoo koj lawm vim kuv tsi pom koj li ces kuv tsi tua lawm. Thaum no kuv tig loos lo tsev ces kuv ma ntshai tiag li os kuv lub tob haus ma loog tag thiab kuv hnov kuv lub tob hau txia dej tag li lawm.

  8. Thaum kuv tig loos los tsev ma kuv yeej sib zog ntaug taws kom dab ntshai kuv ntag vim kuv ntshai heev lawm thiab kuv yeej tsi xav txog ib ntsi muaj dab phem lam tom yus los si ua phem rau kuv. Kuv los txog kiag rau ntawm  roob hav nra ces kuv ntshai kawg kiag kuv tig loos phom rau tom qab, kuv muab kuv lub teeb txhuam los ze kiag ib cov nyab ceg nroog ntws lawm ces kuv mus look tau ob lub pob thuv los pua kuv muab ze cig lawm ces kuv los tsev lawm.

  9. Lub caij kuv los txog tsev los kuv tsi ntshai dab tsi li thiab kuv los yeej tsi tham qhia rau kuv niam lawv li thiab. Zoo li nws muaj ib yam muab yus lub siab ua kom tsi txhob tham tawm, tam sim no thiab thaum kuv tuaj txog rau USA no kuv mam li xav txog ces kuv thia li paub hai tias, tej ntawd yog Dab "ພີ່ຍອດໄວ່ ຫຼີໍພີ່ຍອດວາຍ "phi Nyuj Vaim xwb ntag vim lawv ua rau kuv tiam si kuv muaj power heev lawv kov tsi tau kuv thiab.

Kuv qhov kev ntshai tseem muam ntxiv caws nej hos nyeem tau tom ntej no thiab!!
tus ntsib qhov teeb meem no yog DavDub
  • Back to top
Guest
avatar
Guest
Guest


  • Post n°4

Kev Ntshai Dab Empty Re: Kev Ntshai Dab

Post by Guest September 5th 2010, 10:38 am

(Rov pib piav txua mus ntxiv)

Thaum lub xyoo 79, kuv twb yuav poj niam lawm tab si kuv tseem hlua heev vim peb hmoob ua lub neej ces loj kiag xwb twb drhiav neej lawm.

  1. Muaj ib tag kis kuv mus yas tuas qaib qus nyob tsi deb ntawm ntug zo.  Kuv mus rau ntawm ib yim Hmoob Xeem Muas daim qub teb bleg nyob rau ntawm ncauj kev mus rau nram tiaj ntxhaws tuag,(lus blog hai tias, Thooj Xaab Tai)"ທົ່ງຊາ້ງຕາຍ"lub caij nov kuv cov yawj yij thiab kuv yawm txiv lawv khiav tag los rau (Nanyaus)"ນາຍາວ" thiab los rau Vibnai tag lawm tshuav kuv thiab ib cov dab laug tseem nyob rau tom qab.

  2. Kuv txawm mus txog rau ntawm qub teb bleg ces cov hav toj thiab hav xyoob lawv muab hlawv kub nyhiab dus lug, kuv hnov qaib qus qua pem roob tuaj kuv hnov, kuv thiaj li khiav mus rau qhov tus qaib qus qua ces kuv mus ib qhov tsi deb kuv pom ib tug hneev taws li neeg tus tab si nws muaj 4 tug ntev taws xwb tsi muaj tus ntev 5 hmoob hus hai tias yog ntiv tawd rwg qab. Kuv saib tus hneev taws ntaws ua li ca mus li 10 feet xwb ho tsi mus lawm hos tsi pom rov qab tus hneev taws cia li ploj yam tsi pom mus rau qhov twg li lawm. Thaum no kuv los tseem hlua heev tsi xav dab tsi li thiab.

  3. Thaum kuv pom li ntawd lawm ces kuv tsi mus lawm kuv rov qab los rau ntawm ntug kev, kuv ho pom tus hneev taws ntawd hla qaum kev rau pem cov pob zeb lawm. Ntawm qaum kev deb li 100 feet muaj ib tsob vaj khaum loj heev thiab tab tom txi txiv ncws heev. kuv txawm xav hai tias, aw, ib tsam kuv tuaj zov mab saib! vim yuav muaj mab tuaj noj txiv.

    Thaum no kuv los tsev lawm, ib tsam tsau ntuj kuv tuaj zov, kuv tuaj txog tseem tsi tau tsau ntuj heev kuv nyob rau saum cov pob zeb siab heev, nyob ib pliag tsau ntuj zaug ces kuv hnov drov zuag! kuv tsom teeb rau nram qab pob zeb no ib tus mab lee ntswg nyob tsi deb ntawm kuv xwb, at least li 50 feet, kuv txawm muab kuv qab phom taws rau tus mab lee ntawd ces kuv cia li tuas.

  4. Thaum kuv tuas muaj 14/15 phom tus mab nws nyob nws tsi raug li kuv txawm hai lus drov heev hai tias, "kuv tsi tuas koj lawm laus vim kuv tuas ntau phom heev tsi raug koj ces kuv nyoos koj lawm" kuv hai li tag xwb tib pliag li 1 minute xwb kuv rov hnov blooj ntoos pob tsi deb ntawm kuv xub ntiag, kuv tsom teeb kiag rau sau tsob txiv tsi siab ntawm kuv tob hau li 25 feet xwb, kuv rov qab pom tus mab lee qub ces kuv txawm rov tua dua muaj 20 phom dua tsi raug li thiab kuv twb paub hai tias yog tus mab qub kuv tua tsi raug tab si ho lo xauj kuv ze ze no lo kuv tsi xav dab tsi li.

  5. Kuv txawm rov hai lus drov2 hai tias kuv nyoo koj lawm thiab laus vim kuv tua tsi raug koj li ces kuv tsuam lawm os. Thaum kuv hai li no tag kuv tsi tua lawm tiag thiab kuv lo tsi nco xav dab tsi thiab tsi ntshai li, thaum kuv tig rov qab yuav lo tsev no ces kuv ho hnov bloos tuaj ri rhuag ces kuv cia li tsom teeb rau no ib yuag pliag li 2 minutes xwb kuv lub teeb cia li tus lub (light bulb,qhov muag teeb) lawm laus ces kuv ua li ca los tsi ciaj lawm, kuv xav hai tias ua li ca cia li ua li ntawd lawm laus, kuv xav hai tias ua li ca teeb tuag lawm ne! ua li ca tsi ciaj lawm ces kuv ho muab ib lub qhov muag teeb tshiab lo hloov rau, kuv tsi lo tsev thiab kuv tseem nyob ib nyuag pliag ua li ca rov hnov dua ib tus bloo rov qab los lawm, kuv rov tsom lub teeb rau no ua li ca lub teb rov tuag ntai lawm thiab.

    6.  Zaum no ces kuv ua ib siab los tsev ma kuv lub tob haus ma loj thiab loog tag thiab txia dej tag li lawm, thaum kuv los txog tsev ma kuv quaj ib pluag rau kuv niam.

    Qhov no es yog dab Phi nyuj Vaim "ຜີ່ຍອດວາຍ" ua rau kuv xwb vim kuv lo tsi paub dab tsi thiab yog tub hlua xwb ces tsi nco  txog yog dab hem. Tam sim no kuv thiaj li mam xav txog kuv li nco hai tias tus kuv tua tsi raug ntawd ces yog dab "ຜີ່ຍອດວາຍ" lawm.
  • Back to top
keebkwml
avatar
keebkwml
Guest


  • Post n°5

Kev Ntshai Dab Empty Pom poj ntxoog

Post by keebkwml January 31st 2013, 1:35 am

nyob zoo cov phooj ywg sawv daws hnub no kuv yuav los piav ib lub topic pom dab rau peb twm , zaj no kuv yuav hai no tsi yog dag nw yog ib qho story tiag 2 kuv yuav piav li hauv qab no:

lub sij hawm thaum ntawv kuv nyob rau lub zos roob kub twm, kuv muaj noob nyoog li 15 xyoo, lub sij hawm ntawv kuv muaj ib tug hlua nkauj wb kawm ntawv ua ke nyob rau high school wb kuj sib hlub heev li, tom qab lawb ntawv lawm kuv yeej xa nw mu tsev txhua2 zaus thiab yeej mu ua si nrog nw txhua2 hmo li 12-1 moo kuv mam li lo tsev xwb, kuv thiab nw wb nyob ib lub zo tiam si kuv nyob rau nram qab zog ho nw nyob rau pem hauv zos kawg nkaus, mu2 muaj ib hmo kuv txawm noj hmo ntxov2 tag ce kuv txawm tawm mu ua si li txhua2 hmo xwb nyiob rau hmo ntawv kuv txawm mu yaum kuv 2 tug phooj ywg nrog kuv mu thiab peb txawm mu ua ke mu txog pem wb tug phooj ywg li hluas nkauj ce nkawv txawm ncaim kuv lawm ces peb ib leeg txawm mu ib qho lawm peb nyias mu nrog nyia tu ua si txau ce mam li lo tab si  thaum kuv lo nrhiav ob tug friends na ua li ca tsi pom lawm ce kuv xav tia ab tej zaum nkawv laj2 tos kuv ntshe nkawv mu tsev ua ntej lawm kav liam ma kuv mam li lawv qab lub sij hawm ntawv nw lig heev li lawm tsi muaj moo thiab kwv yees li 12-1 moo ntawv lawm ce kuv mam li lo tsev lub ntuj qaim hli nrig ho zej zog ntsiag to tej me lwg dej nim nyob nrog nyom dawb vog puv hav ce kuv txawm taug2 kev lo twb yuav txoj tsev tshuav li 50 feet lawm xwb ce txog kuv lub tsev lawm tab tom kuv los txog ntua ntawm kuv yawm yij nkawv lub tog tsev no na ha kuv lub taub hau cia li xob vog ce kuv nre nkau ce ua li ca txawm muaj kiag ib niam tub nees psawv nyob ntawv thiab ce kuv txawm xav tia aj tej zaum kuv taub hau lam xob xwb kuv nyuam qhuav xav li ntawv twb tsi tau tag xwb ce tu me nyuam nees txawm tshom noj maum nee me ce ua li ca niaj maum nee ntawv sawv tsee na ha ntuj aw txawm pom kiag ib tug me nyuam yau me2 nw cov plaub hau ma ntev li ntev sua yi hauv av xwb ce nw tig loo ntsia kuv ce kuv ho ntsia nw thiab ce thaum ntawv cia li ua rau kuv tsi paub yuav ua li ca li lawm kuv nyob rau ntawv yuav muaj li 1 minute ce tu me nyuam nee txawm lo nti kiag dau plaw na ha cia li ploj kiag lawm xam qhov twg lo tsi pom li lawm ce thaum ntawv kuv mam li nco ntshai ce kuv mam li khiav 180 lo mu tsev lawm xwb thaum lo txog tsev kuv niam lawv ho xauv qhov rooj tag lawm ce kuv cia li tib tsaug taw rau lub qhov rooj qhib plo ces kuv cia li lo pw kauv pam taub hau tag nrho tus kheej ib hmo twb kaj2 ntug lawm kuv mam li sawv lo tiam si kuv kuj tsi kam hai qhia rau kuv niam thiab kuv txiv li ce txij thaum ntawv lo ce kuv yeej tsi mu ua si ib zaug hmo ntuj li lawm until kuv thiab nw wb cia li sib nrug zuj zus mu lawm xwb. txau ntshai kawg li os cov phooj ywg aw tu ua tsi tau pom dab dua ma lawv xav kom pom kawg li tiam si nyob li ntawm kuv ce yuav li no lawm xwb tsi thov ntsib li lawm zeem kiag li lawm os hmoob aw. affraidaffraidaffraidaffraidaffraidaffraidaffraidaffraid awj aw huhuhuhu......affraidaffraidaffraidaffraidaffraidaffraid
  • Back to top
Tubzoonraug
Tubzoonraug
Tubzoonraug


Registration date : 2009-12-15
  • Post n°6

Kev Ntshai Dab Empty Re: Kev Ntshai Dab

Post by Tubzoonraug August 3rd 2014, 2:41 pm

Kwv ntseeg yus niam thiab yus txiv pov fwm (protected) yus kom txhob ntsib kev phem
  1. Kuv yuav piav txog lub caij kuv tsev neeg sawv kev tawm hauv lub zos (ທົ່ງຊ້າງຕາຍ) lub zos Tiaj Txhaws Tuag, los mus rau Thaib teb.
  2. Thaum sawv kev lo mus rau Thaib Teb ntawd kuv pojniam tseem mob mob tsua yog nws mus tau lawm xwb, ho kuv twb muaj ib tug menyuam tub muaj 7 hli lawm, lub sij hawm kuv sawv kev hauv lubzos "ທົ່ງຊ້າງຕາຍ" ntawd lo mus yog lub 11 hli xyoo 1979.

  3. kuv thiab poj niam peb lo mus ces nyia ua nyia ntawv mus kev (ໃບເດີນທາງ) ces peb txawm lo rau Vientiane, peb lo pws rau tom taj laj leng (ຕະລາດແລງ)
    thaum nov tseem tsi tau tsau ntuj ces kuv thiab pojniam wb txawm taug kev mus rau puag nram tus dej Mekong River (ແມ່ນໍ້າຂອງ) kuv thiab kuv poj niam wb mus cig saib tus dej thiab wb mus hnug lawv hai tais, tag kis sawv ntxov pua muaj nkoj (ຖ່າເຮີໍອໄຍ ) or ຖ່າເຮີໍອ ຫຍາຍ. mus rau Bang Na Nyao? lawv teb hai tias, muaj nawb sab haim.

  4. Hnub ntawd ces kuv poj niam wb rov lo lawm ces kaj ntug kuv thiab kuv niam peb 3 leeg  txawm mus nce nkoj mus rau Na Nyau  ces peb mus ib hnub tsau ntuj kiag thiaj li mus txog rau ntawm ib lub zos hus ua Nab hib (ນ່້າຮີ້) peb lo pws rau ntawm ib tug nai bab lo yog tswv zos (ນາຍບ້ານ) hmo ntawd ma muaj cov Koos luam (ກອງລອດ ບໍມີເກີບແຕະ) kuv txawm hnug cov Lao nyob ntawm lub zo hai tias, nej tus tswv zos nyob qhov twg? tus poj niam ntawd teb hai tias, oh, sab haim (ສະຮາ່ຍ) Phoj banb nyob pem!, ce kuv txawm coj kuv niam 3 mus pws rau hauv tswv zos tsev, lawv tos cov tub rog noj mov tag ces lawv cia kuv niam peb khee cov qub zaub qub mov ntawd,

  5. Txawm muaj ib tug koos luam lo hnug kuv hai tais, ສະຮາ່ຍ, koj yuav mus lawm qhov twg? kuv teb hai tias, kuv yuav mus rau Na nyau, vim niam tai yawm txiv nyob rau pem. Ces lawv txawm rov hnug hai tias, pua yog nej yuav nyig kev hla dej mus thaib teb? kuv teb hai tias, tsi yog, kuv mus saib niam thiab txiv xwb

  6. Hmo ntawd pws ces cov tub rog lawv sawv kev mus rau Na Nyau ua ntej lawm, pom kev ces kuv niam 3 txawm lawv qab mus, tab si kuv tsi paub ncauj kev mus rau Nanyau xyov mus qhov twg, kuv coj poj niam thiab kuv niam peb txawm cia li ris nra taug dej nqi hav ces muaj ib tug poj niam Blog sawv los cuam nqeeb ces nws thiaj li hai kuv hai tias, sab Haim, nej yuav mus lawm qhov twg? kuv hai tias mus nanyau, nws hai tias oh, nej mus yuam kev lawm,  rov mus ntawm nej pws mus rau pem qaum zos,

  7. Nws rov hai tias, nej mus txog pem qaum zos muaj 2 txoj kev ces nej txhob mus rau sab laug es mus rau sab xiv nov kuv txawm tsi paub lo lus (ໄຊ້  and ຂົ່ວ) ces mus txog txoj kev nteeg pim lawm ces kuv txawm hai rau poj hai tias, mus rau sab xis,  vim kuv tsi nco sab laug thiab xab xi li lawm ces kuv thiaj li coj kuv tsev neeg mus yuam kev rau sab laug, vim kuv xawm xav hai tias xab laug yog kuam, no, thaum mus ze zos lawm ce blog qai qua qua ntawd tuaj   ces thiaj li tig rov qab lo mus rau sab Xis

  8. Thiaj li mus yog kev mus rau Na Nyau. Thaum lo mus ma cov tub rog lawv lo ua tej los lawm ces lawv muab txoj kev hlawv hav kub nyhiab ma tseem cig loj loj xyoob ma tawg phij phooj xwb,  tab si ma thaum lo ntawd kuv yeej hus kuv txiv kom pov fwm txhob pub kuv tsev neeg raug phoj raug tuag, yog li nov thaum lo mus ces ib tug kab twb tsi pom kev ntshai lo tsi ntshai  lo txog kiag rau ntawm lub zos Av xiav.

  9. Dev tom tom lawm ntag laiv,  tus neej tsa Hmoob Xeem Muas yog ib tug huam nab koos luam, nws txawm kwv qab phom A K47 tuaj ces cia li ua heev2 rau kuv hai tias nej cov Hmoob nov tsi yog lo nrog peb nyob, nej yog yuav khiav lo mus rau Thaib xwb ces tsi zoom lo hauv peb zos nov vim ua li ntawd lawv lub zos yuav raug nom tswv ua phem rau, nws cem kuv heev2 ce kuv muaj ib tug niam tij hus ua " Niam Tiaj Txiaj Vaj Yaj" thiaj li tawm tuaj saib no ho paub peb ces thiaj li coj peb mus rau hauv nws tsev lawm ces nws tus dab Laug Hmoob Muas ntawd cia li tsum lawm.

  10. Peb noj mov tag ces peb txawm tsi kam nrog tus niam tij nyob ces peb cia li mus rau tom Av Liab, ces mus txog rau tod ces muaj ib tug txiv hlob hus ua Vam Neeb Vwj thiaj li hai rau kuv hai tias, " Vauv, koj tus txiv hlob twb nyob tsi tau es ua li ca koj tseem lo txog nov thiab?" nws ua mov peb noj tag ces nws kom peb cia li khiav mus cuag poj ntxoog? kuv ho tsi paub lawv los lus poj ntxhoog ces kuv txawm noj mov tag ces rov qab ris nra lo rau tom tus niam tij Txiaj Vaj tsev dua.

  11. Thaum nov kuv pojniam tus txiv hlob xub khiav tim zos tiaj ntxhws tuag lo ua ntej ces twb raug cov nyab laj ua phem heev yuav nte nws ces nws twb khiav rau tom hav zoov lawm, thaum nov lawv xa xov rau nws hai tias, kuv lo txog lawm no ces nws hai rau lawv kom kuv tawm mus nrog nws nyob tom hav zoov no tab si kuv tsi paub xyov nws nyob rau qhov twg, ces kuv tsi mus. Muaj ib tag kis kuv nrog tus niam tij mus ris plej ces tus txiv hlob thiaj li lo pom kuv ntawm kev ces nws thiaj li kom kuv nrog nws rov rau tom hav zoo lawm, ce tus niam tij mus ris plej lo tag ces lawv thiaj li coj kuv niam thiab poj niam tuaj rau peb tom hav zoov.

    Thaum peb nyob rau tom hav zoo tau ib lub hli, ces yuav tsau ntuj kuv hai rau ib tug yawg quav yeeb hai tias kuv mus qha dej lawm es koj hai rau 2 tug guards ntawd kom paub kuv mus nqa dej es kuv lo no qhia rau gawv paub. Thaum kuv mus nqa dej ces tsi muaj dej kuv mus tos2 dej ntev heev thiaj li nqa tau ib menyuam raj lo yuav txog rau ntawm chaws pws ces tus sov kev taws kiag phom 12 gauge rau kuv ces nws hus kuv 2 zuab hai tias, leej twg! Leej Twg? kuv twb tsi ceev faj kuv cia li teb hai tia yog kuv os, thaum nov ces tus neeg ntawd cem kuv kawg hai tias, koj yuav luag tuag, kuv twb qeb rab phom lo dhau qhov muag lawm ces yog koj teb qeeb zog koj tuag kiag lawm.

  12. kuv lo txog rau ntawm chaws kuv thiaj li hai rau tus thaub quab yeeb hai tia, ua li ca, kuv twb hai rau koj ua ntej kuv mus nqa dej ne, ua li ca koj tsi qhia rau nws? nws sawv kiag ntawm kojtxai tawd hus kuv es koj txawm tsi teb tsi hai li es yog kuv tsi muaj hmoo nws tua kuv tuag lawm ne kuv niam thiab kuv pojniam yuav ua li ca? nws teb rau kuv hai tias me tub, kuv tsi nco lawm es zam txim.

  13. ces peb txawm khiav hla dej tuaj tau tag lawm, thaum peb tuaj nyob rau USA nov lawm ces kuv li tig rov xav txog hai tias, yog kuv tsi muaj hmoo es lawv tua kuv tuag lawm no, kuv poj niam wb nyuam qhuav sib yauv tau ib xyoo ntau xwb ces nws yuav caum Hmoob thiab coj kuv tus tub nrog lawv los lawm ces kuv niam yuav tsi kam los vim kuv tuag rau ntawd lawm ces kuv niam yuav tsi kam los.  

  14. ces kuv xav tau li ntawd kuv mam li rov tus siab mam li quaj heev2 ces kuv ib ces txhav tag yuav luag tuag, kuv niam tij mam li tuaj muab kuv zaws2 kuv ib ce thiaj li rov muag kuv thiaj li tsi tuag.

  15. kawg nov, qhov kuv ntseeg Kuv txiv ma vim muaj kuv txiv pab tiv thaiv tsi pub muaj teeb meem rau kuv,thiab thaum lawv hus kuv ntawd kuv twbtsi tau teb tab si leej twg cia li ua kuv lub suab teb kiag ntawm kuv qhov ncauj rau lawv lawm.   yog tsi muaj kuv txiv tiv thaiv kuv tiag ma kuv yeej tsi nco teb ces kuv kawg raug yawg zov kev tua kuv tuag rau tim Na Yau (ນາຍາວ) lawm os. Yog li kuv thiaj li ntseeg kuv niam kuv txiv heev vim thov txog lawv koj tsi pom lawv pab tab si lawv ua rau koj lub siab loj siab tuab rog, tsi ntshai li lawm. qhov nov yog ib qhov tseeb nawb cov phooj ywg.
  • Back to top
Sponsored content

Sponsored content


  • Post n°7

Kev Ntshai Dab Empty Re: Kev Ntshai Dab

Post by Sponsored content

  • Back to top
  • Post new topic
  • Reply to topic

Similar topics

-
Current date/time is November 14th 2024, 8:20 pm