• Post new topic
  • Reply to topic

puas muaj dab zaj muab neeg ua poj niam tiag ne?

Share

nkaujhnubqub
member
member

Registration date : 2009-07-04

Character Sheet
 :

puas muaj dab zaj muab neeg ua poj niam tiag ne?

Post by nkaujhnubqub on July 28th 2014, 11:38 am

Kuv hnov ib zaj dab neeg tham hais tias nyob rau nplog teb los yog nyob qhiv twg no kuv nco tsis tau lawm... Tham hais tias muaj zaj muab nkauj hmoob no ne nej puas hnov os ho piav rau kuv mloog seb...




Vamntxawg
Moderators
Moderators

Registration date : 2008-09-12

Character Sheet
 :

Re: puas muaj dab zaj muab neeg ua poj niam tiag ne?

Post by Vamntxawg on July 28th 2014, 12:14 pm

Neeg poob deg ces peb hmoob yeej muab liam rau zaj tag tus xwb los mas. Hos mob tuag ces hmoob muab liam rau dab. Zaj ces yog nab, nab luaj caj npab xwb los yog xam hej pha lawm ces niag nab yeej tau lub npe zaj, hos muab neeg, koj saib dai VD uas lawv thauj ib niag nab raj kub sai es tom thawj dej huam los nyab neeg tej zej zog xwb, niag nab cia li ciaj zaj lawm ne.

Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on July 28th 2014, 3:34 pm

TijVamntxawg thiab Nkaujhnubqub thiab 2 tub kwv

Hai txog Zaj, tsi muaj leej twg pom thiab paub li tab si yog nab li tij laug Vamntxawghai ma yeej muaj kawg os. Tiam si, kuv yeej ntseeg txog tus dab lo si tus xaim hej dej lo nyob neeg nov thiab, cia kuv mus tshawb seb pua tau daim video lo rau peb saib es peb mam li txiav txim saib yog li ca.







Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on July 29th 2014, 2:44 am

Nkaujhnubqub, hais txog cov zaj dab neeg ko mas hnov Hmoob piav ntau ntau zaj li, tsis paub tias xyov puas muaj tseeb, qhov tsis tseeb mas ntau xwb. Tab sis kuv lam piav raws li kuv hnov lus paj lus cua thiab lus tham pem tom tej rau nej nyeem.

Story 1: Hnov ib tug Hmoob piav tias xyoo 96-97 ntawd nyob rau tom xeev, yav pem xeev khuam txawm muaj ib tug ntxhais nws ua nws ib sab khau poob rau hauv hav dej ces dej txawm muab tshoob lawm, tau tsis ntev ces nws txawm pheej yuav mus nrhiav nws sab khau nram hav dej xwb xwb li no, pheej yuav mus nram hav dej thaum lub caij dej huam loj loj. Tau tom qab tsis ntev xwb ces hais tias tus dab zaj khaws tau nws sab khau ntawd twb tuaj nrhiav tau nws mas tus dab zaj ntawd zoo zoo nraug kawg li. Nyob nyob tus poj niam ntawd cia li luag nyuj nyav, thiab tham luj loos, nws tias nws nrog ib tug hluas nraug tham, tab sis tib neeg tsis pom tus hluas nraug li. Tom qab no hnov tias ua neeb kho los tsis zoo li ces cia li tuag lawm.

Story 2: Npuag Txhim Xyooj thiab nws poj niam piav qhia kuv poj niam wb tias thaum xyoo 1980 tawm ntawd nkawv muaj 2 tug niam laus, 2 tug niam laus ntawd tseem yog hluas nkauj xwb thiab zoo nkauj heev. Nyob nyob txawm muaj ib pab tub rog zaj los coj nkawd mus pab lawv ua rog. Thaum ntej nkawv xav tias yog Hmoob xwb no, tab sis mus mus ua cas lawv coj nkawv nkag rau hauv dej lawm, cia li tsis yog dej, yog ib co zos muaj hmoob coob coob ua tsev npog lwb luas xwb. Cov zaj ntawv yog Hmoob thiab hais lus hmoob. Lawv hais tias ua tsov ua rog no mas cas zoo li pheej muaj ib co neeg tuaj tua lawv, ces cov zaj ntawd kom ob tug ntxhais ntawv pab mus nrog lawv ntaus tsov rog, mas nkawv nrog lawv mus qhov ub qhov no, cov zaj ntawd ua dej nyab cov yeeb ncuab tuag coob kawg. Zaj coj mus tau 1-2 hlis ces rov xa nkawv los. Ua ua ces tus niam laus yuav ib tug thawj tub rog zaj hauv lawm, tab sis lawv puav leej tuaj ua tshoob ua kos rau niam tais yawm txiv lawv noj tib si. Tab sis lawv tuaj li hmoob tuaj, hnav li hmoob thiab yog hmoob ces tsis muaj neeg paub lawv li. Tshuav tus niam hluas xwb, tus niam hluas tuaj rau Amekas teb lawm. Tuaj txog kuj mus yuav txiv lawm. Tab sis xyoo 2000 ntawd tus niam hluas thiab txiv hluas rov los xyuas nplog teb ces ntshe cov zaj thiaj rov pom, thiaj caum nws mus txog USA. Mus txog USA tsis ntev xwb tus niam hluas ntawd txawm mob mob plab. Muaj ib zaug nws tus tub hnub nyoog 14-15 xyoos txawm qhib rooj paim los saib nws niam uas mob mob pw hauv nws txiv nkawv txaj, ua cas txawm pom ib tug nab caij rawv nws niam plab, nws qw qw tawm los, lawv mam mus saib tsis muaj thiab tsis pom dab tsi li, tau 1 week tom qab xwb ces tus niam hluas ntawd txawm tuag lawm.

Story 3: Hnov tias tim sab Av liab hauv vees cas ntawv muaj ib khub niam txiv tuaj ua ua zaub tim ntug dej Naj Nyeej ces zaj txawm deev nws tus poj niam, zaj txia ua nws tus txiv ces los deev nws. Thaum ntej mas xav tias yog tus txiv, ua mus ua tuaj ces mam paub, ua cas muaj 2 tug txiv zoo ib yam. Thaum paub li ntawd lawm ces tus zaj thiaj mam qhia. Tus zaj muab nws deev deev mas nws yuag tas li tshuav pob txha lawm xwb. Tus zaj twb yuav coj tus poj niam ntawd mus ua zaj poj niam tab sis hnov tias zoo li lawv ua neeb ua yaig hnav heev kem dab zaj ces kuj kho tus poj niam zoo thiab dab nrhiav tsis tau lawm.

Story 4: Nyob rau sab xeev Huam Phas, Xas Niam ntawd txawm muaj ib tug nraug zaj no pheej los tham tham lawv ib tug ntxhais, muaj qee zaus nws txia ua tej tug niag nab luaj nkaus cav cos los txog tom ntug zos mas aub tom zig qees rau xwb ces mam hloov ua hluas nraug los tham tus hluas nkauj ntawd, thaum nws hloov ua hluas nraug Hmoob lawm mas cov neeg ntawd mus tsom teeb nrhiav npaum cas los tsis pom niag nab ntawd lawm, nkawv sib tham zoo heev thiab sib nyiam heev, tshuav qhov yuav sib yuav lawm xwb, tab sis nom tswv tuaj muab lub pas dej uas tus hluas nraug zaj ntawd nyob txhub ua kev lawm, tus zaj ntawd chim chim, nws thiaj khiav lawm ces tus hluas nkauj thiaj dim.

Story 5: Muaj ib tug hluas nkauj zaj los tham tham ib tug tub hluas nyob hauv los tsuas, tus tub hluas ntawd yog me nyuam ntsuag txom txom nyem, muaj ib hnub tus tub hluas ntawd txawm mus yos hav zoov, nws mus txog tom ib lub kwj ha, ua ciav txawm muaj ib pab neeg tuaj ntaus nruas pig poog tov, nws tig saib ua ciav nws tus hluas nkauj txawm siv nyob ntawd luag ntxhi rau nws, tus hluas nkauj hais tias yog nws niam thiab nws txiv npaj ua nkawv rooj tshoob. Tus tub hluas ntshai ntshai tsis kam mus, ces tus hluas nkauj tias koj tsis kam mus los tseg, kuv mam tu siab nrho tsis tos koj lawm. Txij thaum ntawd los tus tub thiaj dim thiab.

Tus muam thiab cov brothers, tej no ces yog lus paj lus cua tso dag nkaus xwb, yeej tsis muaj tseeb, kuv lam piav raws li hnov rau peb nyeem lom zem xwb. Txhob xav tias muaj tiag no nawb. Hmoob tsis paub dab tsi ces ib tug tham dhau ib tug zoo li kuv tham rau nej no xwb ces cia li xav tias yog tiag lawm no hiv hiv om!Very HappyVery HappyVery HappyVery Happylol!

nkaujhnubqub
member
member

Registration date : 2009-07-04

Character Sheet
 :

Re: puas muaj dab zaj muab neeg ua poj niam tiag ne?

Post by nkaujhnubqub on July 29th 2014, 4:20 am

Kuv hnov ib zaj thiab tab sis lawv tham txawv os.
Zaj lus ntawv mas yog cov zaj tuaj xaiv ib tus ntxhais ms ua nyab.
Thaum tus ntxhais mus nram hav dej mus da dej no nws cia li ploj lawm. Zoo li tus ntxhais daim tiab txoj xov hle es
law lawv raws raws mus no na has nkag rau ib lub me nyuam qhov haum tus kab pus nkag xwb. Lawv thiaj khawb khzwbna has tob zus loj zus es cov zaj ntshais ces thiaj muab tus ntxhais ua tuag laxm thaum lawv nrhiav tau ces nws twb tuag




Vamntxawg
Moderators
Moderators

Registration date : 2008-09-12

Character Sheet
 :

Re: puas muaj dab zaj muab neeg ua poj niam tiag ne?

Post by Vamntxawg on July 29th 2014, 4:03 pm

kheev lam muaj tiag es cov poj nrauj nkauj fa zaj tuaj yuav kuv xwb lau, rau qhov luag cav nkauj zag thiab nkauj suav hwv lawm nav. Taslauv, yog li koj hais no ces muaj zaj hmoob thiab no las mas yom? Rau qhov hmoob nyob pem roob ces cov zaj pem roob yog zaj hmoob ntag.

Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on July 29th 2014, 4:53 pm

kwv Tas Lauv, NkauHnub, Kwv Nraug Cuam thib Tij Vamntxawg

Kwv Tas Lauv, koj cov lus druag ma kuj hai tau muaj chaws txawb chaws rau kawg nkau lawm. Kuv xav hai tias, tej cov kuj yuav muaj tseeb thiab os, vim 3 Hmoob ma kuj hnov neeg tham ces ib leeg tham dhau ib tug ces cia li hai li ntawd tab si raws li kuv saib lawv cov Video ma zoo li kuv kuj ntseeg thiab nawb. Nej xav saib, nyob rau Xeev Khuam, kuv tsi paub yog qhov twg tiam si, lawv tso video ces kuv pom qhov dej nyab thiab dej ntau tej choj hlau loj li loj dam tag li lawm thiab thiag. Tej nov ma kuj tsi txau ntseeg li thiab hov.



Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on July 29th 2014, 5:49 pm



Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on July 29th 2014, 7:33 pm

Nyob zoo leej muam Nkaujhnubqub, Tubzoonraug, Vamntxawg & Tas Lauv Vwm,

Hais txog Zaj mas yeej hnov tej laus cav cav ua zog koog tsis hais hmoob los sis mab sua, kuv ntseeg tias yuav tsis muaj tseeb, feem ntau ces yog li tij Vam Ntxawg hais xwb.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on July 29th 2014, 8:59 pm

Nej xav saib, yog tsi muaj zaj, ua li ca tej tug dej me me xwb ua li ca lam cia li huam loj loj lo nyab neeg tuag coob li ib 2 pua feet xwb ces dej ho me me lawm no es nej ho xav li ca? thiab daim video kuv tso ua ntej es hai txog zaj tawm lo es dej lo teev rau ntawm lawv qaum zog, thaum dej paim kiag dhov lug lawm ces pom 3 txoj kab cuag tsheb nraug thiab no es nej pua ntseeg ma? kuv tus ruam nov ces kuv yeej ntseeg me ntsi lawm thiab nawb.


Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on July 29th 2014, 9:13 pm

NkaujHnubqub thiab 3 tug brothers, txawm tiag thiab dag los yeej zoo, nws yog 3 hmoob txoj kev ua neej nrog huab cua, tsiaj txhu thiab lwm yam uas 3hmoob tsis paub, tsis pom, tsis nkag siab txog ces thiaj muab xav tias yog muaj tiag.

Tij Tas Lauv Vwm, koj cov xab tauv lim sauv hais tau lom zem thiab muaj kuab kawg, cuag li muaj tiag li ntag laiv hehehehe. Cia kuv sim ho piav zaj puav ntxiv pub peb nyeem ua si thiab seb yom.

Story 1. thaj tsam xyoo 1996-1997 ntawv nyob lub zos Laj Khaib nroog Pham Xais, muaj 1 tug ntxhais hmoob lis(nws yog Khu Lis Vaj tus ntxhais, tij Tas Lauv tej zaum koj paub nws kawg, thaum ntawv lawv lub tsev ces yog nyob kiag ntawm kuv yawm yij lub tsev tam sim no, yog ntawm txiv Neej Tsu lawv 1 sab), muaj 1 hnub, nws txawm mus ntxhua khaub ncaws nram hav dej, ntawm tus choj(tus choj hla mus tim zos Haum Xais) ua cas nws txawm pom sawv tsees 1 kab laig liab laig ntsuab hauv hav dej tuaj, nws ntshai nws cia li khiav los tsev tsis ntxhua khaub ncaws ntxiv lawm, nws los tsev tau tsis ntev hnub xwb, thaum tsaus ntuj ces pheej muaj 1 lub suab hluas nraug tuaj hu nws npe txhua hmo ntawm phab ntsa, pheej ua li ntawv tau 1 ntus ces txawm cia li pom muaj 1 tug hluas nraug los pw ntawm nws 1 sab, thaum nws yuav tsaug zog ntawv ces yeej hnov los, qhib rooj paim nrov qev ces nkag los ntag no tiag, ces los pw ntawm nws 1 sab txhua hmo, tab sis nws pw ncaj qha xyab yiag txias xwb no laiv, tsis paub ua hauj lwm kov ub kov no li hluas nraug hmoob no laiv, ces pheej ua li ntawv tau ntev tsawv ces nws thiaj mam tham qhia nws niam thiab nws txiv lawv ces, lawv mam li ua neeb ua yaig kem, ces tus hluas nraug ntawv chim chim ces txawm los hais 6 nws tias: "koj niam thiab koj txiv lawv tsis pub kuv tham koj lawm ces zaum no kuv mus kuv yuav tsis tuaj ntxiv lawm" no ces txij zaum ntawv los, tus hluas nraug ntawv thiaj cia li ploj mus lawm, ces aib pog ntawv thiaj khiav mus yuav txiv lawm.

Story 2. xyoo 2012 lub 3 hlis ntuj ntawv kuv tus ntxhais mos ab mob plab zawv kuv wife wb coj mus pw hospital 6 hnub, wb xub mus ua ntej ces txawm muaj 1 tug poj niam hmoob nyob sab Noom Hej lawv twb qhia nws lub zos, tab sis kuv tsis interesting pes tsawg ces kuv tsis nco qab lub npe zos nws nyob ntawv lawm, nws txawm tuaj pw ntawm wb lub txaj sab tiv, nws muaj hnub nyoog thaj tsam 25 xyoo ntawv, nws muaj 3 tug me nyuam, nws mob los tau ntau lub hlis tsis zoo li, kuv ntsia nws mas yuag tag li lawm tshuav txha lawm xwb. Kuv niam kuj tuaj nrog wb zov me nyuam tim hau maum thiab vim kuv pheej ke mus work ke los zov me nyuam, ces lawv txawm nug nws tias yog tus ntxhais ntawv mob li cas? no ces tus ntxhais ntawv niam thiaj tham qhia tias : "yog raug dab zaj" , thaum xub ces yog nws mus dob nplej nram teb, nws dob dob nplej yuav tav su ces nws txawm nqis mus ci dej nram lub pas dej nram qab teb los hau zaub ua su no, thaum nws mus txog nrav ces nws txawm ntsia hauv lub niag pas nej no ua cas pom muaj 1 tug niag dab tsi dub nciab ntev nqas nkhaus vos hauv lub niag pas dej, nws xav tias ntshe nws ua zaim muag pom xwb no, nws txawm tig loog saib nws txoj hau kev rhais ruam mus ntxiv no, nws txawm hnov nrov plog no ces nws tsa loo hau ntsia hauv hav dej no ua ciav pom pas dej mas sawv tseesm nta ntua kiv lees cuag 1 lub khaub zeeg cua kiv hauv pas dej tuaj, nws saib tim tej kuj tsis pom muaj cua hlob qhov twg thiab, nws ntshai ces nws cia li tso sas ntws rov qab tsis mus nqa dej lawm, nws cia li yaws khaub yaw tsuag los tsev, nws los tsev tau 2 hnub tom qab xwb ces txawm cia li pib mob los txog tav no, kuv niam nug nws tias, ua li tam sim no ne koj hnov mob qhov twg xwb? nws tias qee thaum yeej tsis mob qhov twg li lawm, yus yeej zoo tam tus neeg tsis muaj mob li, tab sis thaum yuav mob tuaj ces nyob nyob kab pob ntseg cia li quaj nrov meeb, ces nws hnov 1 lub suab nrov cuag xob nthe lub caij qhib tshiab ces ua nws taub hau kev pes lees ces cia li mob looj hlias tsis meej tsis pem li lawm xwb no. Lub sij hawm nws piav nws tus mob no kuv kuj los ncaj kuv kuj tau hnov kiag ntawm kuv 2 lub niag ears thiab, 3 nyob ua ke tau 2 hnub ntxiv, kuv tus daughter zoo zog ces 3 txawm xub tawm ua ntej lawm, tsis paub tias xyov tus poj hmoob ntawv zoo li cas lawm. Raws kuv xav mas yuav yog mob lwm yam uas 3hmoob paub tsis txog kiag, xws li mob ntsav siab, mob cancer, mob siab, mob 5, etc tej ntawv xwb, tab sis cov Dr tsis kam qhia qhov tseeb 6 lawv paub, vim hmoob ncauj ntau ces lam tham 6 ub 6 no ces tus mob yuav poob siab ces nws yuav tsis txawj zoo nws haj yam yuav mob ntxiv tuaj.

Story 3. Kiag tsab no thaum lub 4 hli ntuj nrab ntawv, ntawm kuv tog tsev muaj 1 tug kwv tij hmoob Lis, tus kwv tij no 3 yeej yog hmoob 1 zej neeg 1 zos nyob ua ke puag thaum tsis tau yug kuv los lawm nws hu ua Tswv Vaj Lis, xyoo no nws txawm mus xauj tau nplog 1 daim liaj nyob tom yav Qhab Qhaim(ຄັງໄຂ) ua, lawv tab tom mus tseb kab tag 6, muaj 1 hnub yawg txawm tsis mus tom liaj lawm vim yawg tsis tshua xis neej, txawm cia yawg poj niam me mus lawm xwb, yawg muaj 1 tug tub hlob hu ua Vwj hnub nyog 16-17 xyoo ntawv lawm, lawv cov niam tub txawm mus tom liaj ces thaum sawv txov thaj tsam 9-10am ntawv laub, tshav ntuj sov so ces Vwj txawm pom muaj 1 tug Nab tawm los pw ntawm 1 lub pob nroj chev cees ziab tshav ntuj, hom nab no yog hom uas Nplog hu ua ງູສິນ no , yog hom uas nplog nyiam noj heev, Vwj txawm xuas qws ntau tuag ces txawm muab coj mus pov khuam rau tom 1 tsob ntoo, hnub ntawv lawv txawm coj 1 tug niag txiv dev(aub) nrog lawv mus thiab, lawv txawm mus nram liaj tag lawm tshuav lawv niag txiv dev pw ntawm lub niag tsev liaj xwb, ib pliag zoj ntev li 30min tom qab xwb ua cas lawv txawm hnov lawv niag txiv dev quaj 1 suab nrov nrov "awv" li yus xuas qws rau, lawv tsa hau ntsia no ua ciav pom muaj 2 tug txiv neej nplog hnav ris dub, tsho dawb thiab 1 tug hauj sam laus tuaj ncig ncig sawv tham tham thiab tau tes piav tes yeev kiag ntawm qhov Vwj ntaus tus Nab ntawv tuag, 3 tug neeg ntawv tham tham piav ncig leev 1 pliag zoj ces lawv txawm rov qab 6 tim ncauj ke lawm. Tau tsis ntev tom qab li 2 hli ntxiv xwb Tswv Vaj Lis(Vwj txiv) cia li mob mob ces tuag lawm. Tsis ntev tom qab li 2 weeks ntxiv, kuv dab laug(kuv niam tus nus) hu ua Tsuj Mos Vaj nyob tom 3 lub zos ບ້ານນາ txawm ua neeb saib nws tus nyab, vim nws tus nyab pheej nchuav cev, nws ua neeb txog tog nws cov qhuas neeb cia li muab nws tig mus saib Tswv Vaj Lis tsev neeg, nws ua neeb tag nws mam los piav qhia s.d tias Tswv Vaj tuag vim lawv tau ua txhaum Dab Zaj lawm, lawv tus tub tawm tuaj mus nrhiav no es sab sab thiaj los pw ziab tshav xwb tab sis Tswv Vaj tus tub cia li muab lawv tus neeg ntaus tuag lawm mas lawv tsis zoo siab lawv thiaj tuaj cab Tswv Vaj mus hais 4. Twb yog tom qab Tswv Vaj tuag tag lawm, lawv thiaj mam nug Tswv Vaj poj niam ces Tswv Vaj poj niam thiaj mas qhia tias lawv mus tom liaj es Vwj ntaus 1 tug Nab tuag, thiab lawv yeej pom muaj 2 tug nplog thiab 1 tug hauj sam tuaj ncig ncig tom liaj kawg, tab sis lawv tsis paub xyov yog nplog coj hauj sam tuaj xyuas toj ntxas, xyuas liaj tej xwb los cas. Qov no mas tiag nawb, tsis yog dab neeg li s.d tham lawm ov, kuv tsuas piav raws li kuv paub thiab lawv tham tseeb xwb. Tab sis nyob li ntawm kuv idea mas yuav tsis muaj npaum ntawv, nws yog Xaim Hej Pha( ສາຍເຫດພົວພັນ) ncaj xwb. Raws kuv paub mas qhov tswv vaj tuag mas vim yawg mob Taw Vwm(ປ່າດົງຄໍ່) yawg yeej mob taw vwm los tau ntau xyoo lawm, hos qhov Vwj ntaus Nab tuag ntawv mas tsuas yog Nplog coj hauj sam tuaj xyuas dab tsi caj xwb.

Story 4. zaj no mas yog Nplog zaj Dab Neeg lawm, thaum lub teb chaws tsis tau muaj tsov muaj rog mas daim av nplog mas muaj zaj coob tshaj plaws, tsuas pom neeg poob dej tuag pem toj nram hav tas mus li xwb no laiv, ces sab xeev khuam no mas yog 1 tug thawj hau zaj uas tsiv nyaum tshaj plaws kav(kuv tsis nco nws lub npe lawm), ces nyob nyob muaj 2 niam txiv nplog txawm muaj 1 tug ntxhais zoo zoo nkauj heev li no laiv ces yawm zaj ntawv tuaj pom ces nws nyiam heev no tiag, ces yawm zaj ntawv txawm tuaj tham no tiag, ces nkawv pheej sib tham sib tham ces auj, muaj 1 hnub muaj 1 yawm hauj sam laus txawm tuaj cuav zos hauv nws tsev ces yawm hauj zam laus ntawv txawm paub tias tus ntxhais ntawv raug dab zaj lawm no lauj, ces yawm hauj zam laus ntawv thiaj qhia kom lawv caiv tsis txhob pub tus ntxhais ntawv tawm mus kov dej qhov twg kiag li no laiv, ces lawv thiaj caiv raws li yawm hauj zam cov lus qhia, ces lawv twb caiv tau ntau hli lawm lauj, yawm hluas nraug dab zaj ntawv twb tuaj nrhiav tsis tau ces nws twb tu siab lawm, muaj 1 hnub tus ntxhais ntawv txawm xav tias ab ntev lawm thiab ces nyaj tsis ntshai ces sim mus kwv dwj thiab ntxhua khaub ncaws tso, no ces nws txawm mus kwv dej thiab ntxhua khaub ncaws nram hav dej, nws nyuam qhuav mus txog nrav xwb ces txawm pom muaj 1 tug roob ris tuaj tais tais nws tus ntiv taw, nws ntsia ntsia nws txawm ces yws tias : "oib yuav coj txawm coj kiag mus seb", no ces ua cas niag roob ris ntawv cia li muab nws luag mus tom plawv dej li lawm, nws nti npaum cas los nti tsis dim, rub li cas los rub tsis yeej niag roob ris ntawv li lauj, ces niag roob ris ntawv cia li muab nws cab mus nkag 6 ib lub niag qhov roob ris li Nkaujhnubqub hais lawm no tiag, niam & txiv tos tos tsis pom los ces thiaj lawv qab mus xyuas nram pas dej no ua ciav pawv lawm, nkawv thiaj li hu zej hu zos tuaj sib pab muab lub niag pas dej ntawv daus nquab kiag, no tsis pom dab tsi li, lawv ntsia tim 1 ces kaum no pom muaj 1 lub niag qhov roob ris du lug xwb, lawv thiaj khawb lub niag qhov roob ris ntawv qab mus, khawb mus tob zus, deb zus no ua ciav loj zus li Nkaujhnubqub hais thiab no lauj, ces khawb khawb caum qab mus, mus thiab mus ces yuav txog niag zaj chaw nyob ces niag zaj cia li khawb tsis yeej lawv ces zaj thiaj tso tes khiav, lawv mus pom no ua ciav lawv tus ntxhais ntawv twb tuag tib tug daj tseem tseg lawm xwb, lawv chim heev lawv thiaj khawb caum niag zaj ntawv qab mus tas zog, 1 co khawb, 1 co mus ua mov, nqa mov tuaj lawv noj khawb tas zog caum qab tsis so li ces niag zaj ntawv ua tsis tau tes khawb tsis yeej lawv ces nws thiaj tawm khiav, nws txawm txia ua 1 niag me nyuam nab me me tawm khiav los mus, nws nkag khiav los mus, ces txawm los ncaj 1 yawm pub thaub laus laus zob zob ncau, yawm pub thaub ntawv thiaj xuas nws teg ncau ntawv qas nplawg rau ces thiaj teg niag zaj ntawv ko tw tu nrho 1 ya rau ntawv, ces niag zaj ntawv thiaj cia li khiav hla roob hla hav nqi hav mus nyob puag 3 ceg nkauj av xab xeeb kaum nplog-thaib-combodia lawm xwb no tiag, ces txij ntawv los niag zaj ntawv thiaj tau lub npe Zaj Nqws Tw(ຫາງກິດ).

Hahahaha tag li no. Muab hais los kuv cov niag xab tauv lim sauv ces yog cuav nkaus xwb hehehehe tsis txaus ntseeg.

Ua Nploos.


Last edited by Nraug Cuam on July 29th 2014, 9:19 pm; edited 1 time in total







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on July 29th 2014, 9:17 pm

Tubzoonraug wrote:Nej xav saib, yog tsi muaj zaj, ua li ca tej tug dej me me xwb ua li ca lam cia li huam loj loj lo nyab neeg tuag coob li ib 2 pua feet xwb ces dej ho me me lawm no es nej ho xav li ca? thiab daim video kuv tso ua ntej es hai txog zaj tawm lo es dej lo teev rau ntawm lawv qaum zog, thaum dej paim kiag dhov lug lawm ces pom 3 txoj kab cuag tsheb nraug thiab no es nej pua ntseeg ma? kuv tus ruam nov ces kuv yeej ntseeg me ntsi lawm thiab nawb.

Hahaha bro, qhov ko mas paub tsis tau nawb vim peb pab nyuag no tsis tau mus pom kiag ntawv qhov muag, hnov lawv hais xwb, tsis li ua li tij Vamntxawg hais uas ntshe XAIM HEJ PHA xwb ne raws kuv xav os hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on July 29th 2014, 9:28 pm

3 hmoob mas yav ntuj qub qab mas yeej tsis paub tsis nkag siab txog txoj kev ua neeg, qee yam tsiaj muaj txuj ci, huab cua, etc ntawv li, feem ntau pheej muab cuav ua tseeb, tseeb ua cuav xwb. Tej yam muaj tiag los ho ntseeg tias tsis muaj, teg yam tsis muaj los ho ntseeg tias muaj.
Tos kuv ho hais li los muab piv xam kiag tias: 1 tug neeg twg muaj Mob Txeeb Zeb xwb mas, nyob nyob tus neeg ntawv cia li tso zis tawm tej lub me nyuam txhais zeb los, cov laus muab saib nws zoo nkaus tsis txawv li lub Zeb Ho hov riam, cov laus thiaj xav tias ntshe yog nws pheej mus tso zis ywg lub Zeb Ho los sis tso zis rau tej chaw luag hov riam hov txuas ntawv, tab sis qhov tseeb tsis yog li ntawv, nws yog los ntawm kev noj haus, tej zaub mov thiab tus neeg ntawv cev nqaij daim tawv roj ntsha xwb. Qhov no mas kuv hais 6 yav ntuj thaum ub tej laus ntseeg li xwb, hos tam sim no mas tsis ntseeg li ntawv lawm, tos kuv hais li, nej mas tsis paub, tab sis kuv ses thaum tseem me nyuam yaus me me ntawv ses tej laus yeej cem thiab hais ntsoov tias kom txhob tso zis ywg Zeb Ho, thiab txhob tso zis 6 luag tej chaw hov riam hov txuas tsam mob Txeeb Zeb no hov heheheheehe, lam tham pem ua si xwb, txawm tham tau tsis yog los thov zam txim ntau.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on July 29th 2014, 9:58 pm

Kwv Nraug Cuam, koj cov Story kuv nyeem tsi tau tag kuv yeej ntseeg thiab ho tsi ntseeg thiab, qhov tus ntxhai mob mob ntawd ma yog nws poob plig lawm vim nws lub siab hem nws lawm ces nws poob plig lawm es nws mob xwb yog nws tsi muaj mob cancer ces hus plig thiab ua neeb mus mub plig xwb ces tus neeg zoo lawm.

Qhov tseeb ces yog nws ntshai lawm es nws mob rau qhov nws ntshai xwb. Hai txog rau tej ua nab sawv daws tham ma, nyob rau USA nov lo yog sab qab teb ma muaj cov nab loj li loj noj neeg noj tshiaj tej nov neeg American yeej nte coj lo saib lawv tsi tuas tab si lawv twb tsi ntshai lawv yeej tsi hai tias yog zaj.

Hmoob tsi paub ces Hmoob rov hem Hmoob ces Hmoob thiaj li mob li ntawd xwb. Hai txog xaim hej ma yeej muaj thiab os.


Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on July 30th 2014, 1:18 am

Bro yeej yog li koj hais lawm xwb os bro, ntshe nws pom Nab Daj tej nqis los siv tshov hauv hav dej tej es nws ntshai nws poob plig lawm xwb os.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: puas muaj dab zaj muab neeg ua poj niam tiag ne?

Post by nkaujhnubqub on July 30th 2014, 2:08 am

kuv xav hais tias tej zaum muaj tseb thiab no laiv, vim hais tias ntib neeg twb ntseeg tau hais tias muaj ntsuj plig no ne yom
yus tus ntsuj plig yus twb tsis pom es yus twb ntseeg ne, txog txij luag hais tau tshwmm sim los saum yaj ceeb no li ntawv tej zaum tsis muaj ntau los muaj me me thiab os cov nus a

kuv xav li ntawv xwb os




Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on July 30th 2014, 2:30 am

ບໍ່ມີໃຜສາມາດສັນນິຖານ ແລະ ຕັດສິນຂາດຕົວໄດ້ວ່າມີເງ ືອກຈິງຫຼ ືບໍ? ສ່ວນຫຼາຍມັນພຽງແຕ່ເປັນຄວາມຄິດແລະຄວາມເຊ ື່ອຖ ືຂອງມະນຸດເຮົາເທົ່ານັ້ນ ແຕ່ກົງກັນຂ້າມ ບາງທີອາດມີຈິງກໍ່ເປັນໄປໄດ້.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: puas muaj dab zaj muab neeg ua poj niam tiag ne?

Post by nkaujhnubqub on July 30th 2014, 3:11 am

Sad tseem nyuaj nyuaj kawg kuv nyeem tsis tau koj cov ntawv li es tilaug nraugcuam a, koj saib ma, nyaij rau koj kawg los kuv hlwb tsis dhia li lawm os SmileSmile




Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on July 30th 2014, 3:21 am

Hehehehehehe leej muam, kuv lam sau xwb, yus kawm yam lus twg ces tsuas paub yam ntawv xwb, twb yog koj tshaj li heev koj thiaj paub ntawv Lao thiab os.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: puas muaj dab zaj muab neeg ua poj niam tiag ne?

Post by nkaujhnubqub on July 30th 2014, 3:28 am

Twb tsis tau paub li ne, cia mam saib kom meej meej tso os, nej rau siab qhia ces kuv mam rau siab kawm seb ib hnub puas txawj nyeem thiab puas txawj sau nawb NraugCuam a
ua tsaug




Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on July 30th 2014, 4:33 am

Zoo kawg mas Nkaujhnubqub, kawm lawm ces yeej yuav tsum paub xwb mas, muaj caij mam tuaj sib cog kawm hauv no los tau mas.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on July 30th 2014, 11:08 am

ຂ້ອຍບໍ່ເຊື່ອວ່າມີຈິງແຕ່ຂ້ອຍເອງກໍ່ຮູ້ສຶກຢ້ານຄືກັນກັບພວກທີ່ເຊື່ອຫັ້ນ ແຫຼະaffraid

Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on July 31st 2014, 10:45 pm

Hai txog tej kev nov ma kuv ntseeg os brother, vim nws yog mother nature ua ces nws yeej yog xaim hej no tiag. Yog tis muaj li ntawd nws yeej yuav tsi muaj tej dej loj li ntawd lo nyab neeg sai li sai os. Thiab cov nob nov nws muaj electricity thaum neeg nyob ze ces nws cov faibfab ua rau neeg cia li ntog rau huv dej ces cia li poob dej tuag ces yog faib fab ua rau nws tuag xwb.
Yog li nov ma tus dab or tus snake ntawd qaim tus ntsuj lawm xwb lub cev tuag ma lawv tsi noj.

Hos cov nab ua nyob rau sab Indonesian ma noj neeg xwb os. Nco ntshoov hai tias cov nab nov ma lawv nyiam nyob rau hauv dej thiab tej hav aiv xwb nawb. anaconda, nia tau mussaib


Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on August 1st 2014, 12:04 am

Tej zaum yog li koj hais lawm thiab os bro, Zaj ces yog cov nab muaj fais fab li koj hais xwb, kuv yeej pom thiab hnov hauv tej TV lawm, nws muaj peev xwm xuas nws cov fai fab ntawm nws lub body ntes tau kheb, ntses, etc tej ntawv tuag taus.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on August 1st 2014, 7:59 am

2 tug bros, yeej yog neb hais os. Peb tsis paub tias muaj tiag los tsis tiag ces txawm tsis ntseeg ntau los yuav tau ntseeg me, yus tsis zoo thuam, tsis zoo tsab (paj maj). Yog li ntawd feem ntau peb yeej tsis ntseeg tias muaj, tab sis peb yeej tsis kab thuam thiab hais tsis tau tias tsis muaj. Piv li tam sim no kuv, hauv kuv lub siab yeej ntseeg tias tsis muaj poj ntxoog, tsis muaj dab, tab sis kuv yeej tsis tau luag tham txog dab poj ntxiag kiag thiabaffraidaffraid, thaum nyob tom plawv zoov kuv yeej tshee tas tas li thiab hehehe. Tab sis yog raws li brother Nruag Cuam zaj neej neeg hais txog tij Caiv Yaj pom poj ntxoog tom Banna mas yeej ntxim yuav muaj dab tiag nawb!. Yog tias muaj dab ces yuav tsum muaj zaj, muaj dab zajVery Happy. Logic: If there is A, there should also be B. As long as there is no B, there either still could be B or no B. Hiv hiv hivVery Happy

nkaujhnubqub
member
member

Registration date : 2009-07-04

Character Sheet
 :

Re: puas muaj dab zaj muab neeg ua poj niam tiag ne?

Post by nkaujhnubqub on August 1st 2014, 8:50 am

Oh...tijlaug tad lauv...koj es yog txiv neej es tseem ntshai dab thiab lov.... Laughing




Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on August 1st 2014, 9:24 am

Ntshai hod! Txiv neej tais caus ces li kuv no mas.hehe

nkaujhnubqub
member
member

Registration date : 2009-07-04

Character Sheet
 :

Re: puas muaj dab zaj muab neeg ua poj niam tiag ne?

Post by nkaujhnubqub on August 1st 2014, 11:27 am

Kuv xav tias peb poj niam thiaj ntshai xwb no na, nej kuj muaj cov ntshai thiab no ces peb kuj zoo tib yam thiab xwb mas yom




Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on August 1st 2014, 11:58 am

Ib yam xwb mas tus muam Nkaujhnubqub. Tseem muaj ib txhia txiv neej tseem siab muag thiab ntshai tshaj poj niam hos.

nkaujhnubqub
member
member

Registration date : 2009-07-04

Character Sheet
 :

Re: puas muaj dab zaj muab neeg ua poj niam tiag ne?

Post by nkaujhnubqub on August 1st 2014, 12:03 pm

RazzLaughingLaughingLaughingLaughingLaughingLaughing




Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on August 1st 2014, 7:11 pm

Hai txog Dab ma yeej muaj ma cov me phooj ywg sawv daws. Tej nov pab maj tsi tau os, dab peb tsi pom tab si peb hnov lub suab nawb, kuv yeej hnov dua lo lawm, kuv twb raug dab hav zoov hej ntau zau tab si kuv ruam ruam es kuv tsi nco qab ntshai xwb vim kuv ib leeg nyob rau puag tom hav zoov ces kuv tsi zoo quaj qws, kuv ua siab tawv tawv tuav rawv kuv rab phom xwb yog pom dab tsi nxim ntshai ces qeb phom kom rov pag! rau ces yus siab loj zog tuaj lawm hov. Kuv muaj 3 zam dab hem kuv 35 xyoo dhau los lawm ma.

Tseem muaj cov tham txog mus yos hlua nkauj es dab kav theej muab ib tug nom tuag kiag lawm thiab no hov.


Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on August 2nd 2014, 3:08 am

*Tas Lauv Vwm wrote:
2 tug bros, yeej yog neb hais os. Peb tsis paub tias muaj tiag los tsis tiag ces txawm tsis ntseeg ntau los yuav tau ntseeg me, yus tsis zoo thuam, tsis zoo tsab (paj maj). Yog li ntawd feem ntau peb yeej tsis ntseeg tias muaj, tab sis peb yeej tsis kab thuam thiab hais tsis tau tias tsis muaj. Piv li tam sim no kuv, hauv kuv lub siab yeej ntseeg tias tsis muaj poj ntxoog, tsis muaj dab, tab sis kuv yeej tsis tau luag tham txog dab poj ntxiag kiag thiabaffraidaffraid, thaum nyob tom plawv zoov kuv yeej tshee tas tas li thiab hehehe. Tab sis yog raws li brother Nruag Cuam zaj neej neeg hais txog tij Caiv Yaj pom poj ntxoog tom Banna mas yeej ntxim yuav muaj dab tiag nawb!. Yog tias muaj dab ces yuav tsum muaj zaj, muaj dab zajVery Happy. Logic: If there is A, there should also be B. As long as there is no B, there either still could be B or no B. Hiv hiv hivVery Happy

Yeej yog li koj hais thiab mas bro.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on August 2nd 2014, 3:29 am

nkaujhnubqub wrote:Oh...tijlaug tad lauv...koj es yog txiv neej es tseem ntshai dab thiab lov.... Laughing

Leej muam Nkaujhnubqub, ua li tij laug Tas Lauv Vwm hais os, 3 cov txiv neej no mas tseem muaj 1 co tais caus tshaj nej cov poj niam lawm thiab ov, ntawm kuv nyob no muaj 1 yawm teacher hmoob Vwj mas nws tais caus tiag tiag li os Nkaujhnubqub aw, nws yeej yog 40+ lawm tab sis tais caus thiab tsis tais los kawg nws txiv tuag es lawv kwv nws txiv mus zais es nws tuaj puag nram kev no nuam yaj saib lawv khawb qhov thiab faus nws txiv xwb, nws yeej tsis kam mus ze li, 3 nug nws no nws hais tias nws ntshai ntshai tsis tau luag no xwb, thaum nws niam & txiv tuag tag mas tsaus ntuj nws yeej tsis tau luag tawm nraum zoov li, qee zaum nws muaj hauj lwm maj mus thaum tsaus ntuj mas nws yeej tuaj yuam kom kuv ua nws luag mus xwb tiag.

Kuv mas kuj tsis yog thuam los yog khav, hlob luaj li no nyuam qhuav raug dab tsi hem 1 zaug nkaus xwb, thaum ntawv mas tej zaum kuj tsis yog dab, tej zaum yog tsiaj quaj es yus ntshai es yus xav tias ntshe yog dab no xwb, thaum ntawv kuv tsuas muaj li 6-7 xyoo tej xwb, dua li ntawv los kuv yeej tsis tau mag dan hem dua li, tab sis yus lub siab yeej ntshai rwg & thov tas zog kom txhob ntsib kiag, hehehehe tej zaum yus zoo nraug dhau lawm es dab ntsib yus los dab ntshai xwb dab thiaj tsis kab hem yus hehehehehehe.

Kuv mas yeej 1 leeg maub ntuj teb tag hmo puag tim tej hav zoov dub, xuj teeb ntawm ntug kev mas toj ntxas txhim zeb pawg lug, hla qub zej qub zog, ntuj teb ntsiag moo to, yus maub 1 leeg tuj toog, tsuas hnov suab kab npis, kooj txig quaj zig ziag xwb, siab yeej ntshai rwg, tab sis kuj tsis nco ntshai, qhov tsis nco ntshai mas vim muaj phom tuav rawv ntawm tes, muaj teeb nyem(torch) khov kho lawm ces siab loj nteev.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on August 2nd 2014, 3:35 am

Tubzoonraug wrote:Hai txog Dab ma yeej muaj ma cov me phooj ywg sawv daws. Tej nov pab maj tsi tau os, dab peb tsi pom tab si peb hnov lub suab nawb, kuv yeej hnov dua lo lawm, kuv twb raug dab hav zoov hej ntau zau tab si kuv ruam ruam es kuv tsi nco qab ntshai xwb vim kuv ib leeg nyob rau puag tom hav zoov ces kuv tsi zoo quaj qws, kuv ua siab tawv tawv tuav rawv kuv rab phom xwb yog pom dab tsi nxim ntshai ces qeb phom kom rov pag! rau ces yus siab loj zog tuaj lawm hov. Kuv muaj 3 zam dab hem kuv 35 xyoo dhau los lawm ma.

Tseem muaj cov tham txog mus yos hlua nkauj es dab kav theej muab ib tug nom tuag kiag lawm thiab no hov.

Bro, yog li koj hais mas. Yog yus muaj phom, muaj flashlight zoo khov kho tuav ntawm tes lawm ces bro yeej tsis nco ntshai dab tsi li os, kuv mas mus yos hav zoov 1 leeg mas yam kuv ntshai tshaj ces yog:

1. Nab muaj taug(nab puag qe).
2. Tsov, Dais coj tub, Npua Teb tsiv nyaum, etc.
3. Poob phem.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on August 3rd 2014, 3:56 am

Yog muaj phom zoo thiab muaj teeb cig zoo lawm mas tsis ntshai dab tsi os.

Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on August 3rd 2014, 3:58 am

bro Nraug Cuam & Tubzoonraug, kuv tseem tsis tau paub thiab ntseeg tias xyov puas muaj Dab Phim Nyuj Vais li tej laus piav los tsis muaj thiab tiag. Neb puas tau ntsib dua, thiab tej tus uas yus ntseeg tau piav txog Dab Phim Nyuj Vais? Tham pub kuv mloog thiab.

Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on August 3rd 2014, 9:56 am

Brother, Tas Lauv

Hai txog tus "ພີ່ຍອດໄວ່ ຫຼີໍພີ່ຍອດວາຍ" nov ma muaj tseeb nawb, koj mus saib tsob " ຍອດວາຍ" twg" raug rub noj ua tuag daj vog thiab koj pom cov " ຍອດ " poob daj rhuv tuag tuag saum tsob " ຍອດໄວ່ " lawm ces yeej yog thiab muaj nyob rau thaj ntawd lawm.

Kuv tus nov twb ntsib thiab hem kuv los lawm ma. Kuv twb sau tau kuv qhov kev dab hem ntaws lo ntev lawm es kuv muab rau nej nyeem.

http://hmongthoobntiajteb.forumakers.com/t430-kev-ntshai-dab


Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on August 4th 2014, 8:23 am

Thank you for a number of your fantastic stories, my brother Tubzoonraug. I've yet finished reading it due to personal occupied business and hopefully I'll complete it after things get done. I'll catch up on reading those stories as well as another written down on this forum. Good luck and have a nice day.Very HappyVery Happy


All the best!

Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on August 4th 2014, 4:33 pm

Zoo siab thiab ma kwv Tas Lauv, khoom thaum twg mam li lo nyeem dua ma. Kuv sau muaj ntsi misspelling es lam ua siab ntev nyeem os.


Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on August 5th 2014, 1:42 pm

Wow! I did complete reading it. It's really amazing as it could draw my attention going on details of each story. Love your stories, brother. Thank You!

Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on August 5th 2014, 3:27 pm

Zoosiab ma bro, koj sim xav saib tus tsov dub ho dhia plaw rau saum tsob xyoob rau ntai rau puag saum cov ntsi xyoob no, koj xav li ca rau tus tsov ntawd? nws yog yam tsiaj nyob hauv av xwb tsi tag li lo nws kuj nce tau ntoo tab si tus ntoo yuav tsum muaj ceg nws txai tsi tau li tus liab tu cuam.

Thaum kuv tuaj txog rau USA lawm kuv li ua tib zoo xav no tej zaum tus tsov dub kuv pom ntawd yuav tsi yog tsov vim tsov yuav mus tsi tau rau saum cov ntsi xyoob.


Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on August 6th 2014, 6:22 am

Bro, kuv xav tias tej zaum yuav tsis yog tsov dub thiab os. Kuv xav tias tej zaum yuav yog Mab Dais, los sis yog liab or cuam tej ntawd ntau dua. Nyob nplog teb tsis tau muaj keeb kwm hais txog tias muaj tsov dub no li. Tsuas yog muaj tej tsov puam txwv me dub ntawd thiab tsov liab me, mus rau tsov txaij (tsov nplooj suab) xwb. Tiam thaum koj tseem nyob ntawd los cov tsov nplooj suab twb yuav tu noob lawm. Hos tsov dub no cas hauv nplog daim ntawv txwv tsis pub tua cov tsiaj tu noob no ho tsis pom muaj tiag. Tej zaum yuav yog Mab Dais, or cuam thiab nyaj tej ntawd lawm nawb bro.

Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on August 6th 2014, 6:33 pm

Ok, Brother, tus Tsov dub kuv pom ntawd ma yeej loj luaj li tus dev "German shepherd" or Police K 9 kuv pom tseeb heev nws tsi yog liab or cuam, or Mab dai, to kuv hai li ma kuv tsom teeb pom tus tsov dub2 ze2 li 10 feet ntawm kuv xub ntiag xwb os. Kuv yeej pom tseeb2 heev li ua li ca cia li dhia kiag rau ntawm tus ntoo vau ces dua ntai rau saum cov ntsi xyoob lawm ntag. Mus dua taum qhov kuv hnov mab sib tog sib tog ntawd lawm ntag hov. Yeej yog kuv tsi nco ntshai li lawm tiag.

Brother, nyob rau Laos yeej muaj cov tsov dub dub li ntawd loma qhov neeg tsi paub ma vim lawv tuas tsi tau xwb. Cov tsov nov ma nws drawm heev neeg pom tsi yeej li os.


Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on August 6th 2014, 9:30 pm

oh lod bro,,,yog tias koj yeej pom khav khav li ntawd ntag mas tej zaum yog thiab ntag nawb. Tej zaum hauv nplog cov list tsis muaj los vim ntshai nplog tsis suav tias yog cov tsov yuav tu noob no xwb thiab os.

Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on August 6th 2014, 9:38 pm

Brother, kuv xav hai tias, nyob rau Tebchaws Laos tej zaum lawv cov neeg saib hav zoo thiab tej tsiaj lawv tsi pom thiab paub hai tias muaj no os, Rau qhov kuv pom meej meej tseeb2 li ne yog deb2 ma hai tsi tau tab si kuv pom ze li ze hov. Tsi tag li ntawd zoo li tseem muaj dab tsi mooj kuv ua rau kuv tsi paub tog twg li lawm thiab os.


Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on August 15th 2014, 4:28 am

*Tas Lauv Vwm wrote:
bro Nraug Cuam & Tubzoonraug, kuv tseem tsis tau paub thiab ntseeg tias xyov puas muaj Dab Phim Nyuj Vais li tej laus piav los tsis muaj thiab tiag. Neb puas tau ntsib dua, thiab tej tus uas yus ntseeg tau piav txog Dab Phim Nyuj Vais? Tham pub kuv mloog thiab.

Kuv los tsis tau paub tseeb thiab ntseeg tias muaj tiag thiab no tiag, tsis li los tseem tsis tau ntsib dua li thiab. Tab sis raws li kuv 2 tij laug tham mas 2 yawg mag hem 1 zaug lawm. Nkawv hais mas kuj tias yog ຜີຍອດຫວາຍ lawm ntag, vim nkawv hlob luaj li yeej tsis tau hnov thiab ntsib qee yam zoo li ntawv dua li. Tab sis kuv tus kheej mas kuj ntseeg tsis tag, tej zaum yog lwm yam sab nrauv xwb.

Zoo li xyoo 1998-1999 ntawv ntag sub muaj 1 hmo 2 yawg mus pw zov mab tom hav zoov, ua cas 2 yawg pw pw 1 tsam lig tsawv 2 yawg hnov av ua zog koog, hos pob zeb ntog zom zaws, 2 yawg xav tias ntshe yog ຜີຍອດຫວາຍ hem nkawv lawm ntag, 2 yawg cia li sib tw yaws khaub yaws tsuag los tsev lawm, tag kis 2 yawg mam tham qhia lawv no, lawv hais tias 3 nyob hauv tsev no los 3 hnov av ua zog koog, twj taig nrov nqag ntxhias thiab no ces s.d mam li paub tias yog Av Qeeg no xwb hehehehe. Hos kuv mas hmo ntawv tsaug zog heev tsis hnov dab tsi hlo li.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Nraug Cuam
member
member

Registration date : 2011-09-25

Character Sheet
 :

Re: puas muaj dab zaj muab neeg ua poj niam tiag ne?

Post by Nraug Cuam on August 15th 2014, 4:35 am

Bro tubzoonraug, koj kuj muaj experience raug dab hem tau txaus ntshai kawg thiab yom! kab tias tus koj pom ntawv yuav yog tsiaj nyaum ntag nawb.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Tubzoonraug

Registration date : 2009-12-15

Re: puas muaj dab zaj muab neeg ua poj niam tiag ne?

Post by Tubzoonraug on August 15th 2014, 3:24 pm

kwv Nraug Cuam thiab Kwv Tas Lauv,

Kwv Nraug Cuam, hai txog tus tsov dub ua kuv pom kiag li 10 feet in font of me, I believed it was "ຜີ່ຍອດໄວ່" lawm, vim nws thiaj li khiav tau rau saum cov ntsi xyoob lawm os. Yog tus tsov dub kuv pom ntawd nws yuav tsi muaj peev xwm tib plaws rau ntawm lub hauv pau ntoo ces khiav kiag rau ntai rau puag zaum cov ntsi xyoob lawm.

Lub caij ntawd kuv tsi ntshai lawm tab si kuv tsi paub txoj kev mus tsev yog mus up or down lawm, thaum kawg kuv thiaj li mus down hill ces thiaj li mua dua puag dram Hmoob Muas daim teb pob kws kuv thiaj li nco tau kuv thiaj li paub meej meej. Kuv thiaj li tig nce toj rov los tsev.



Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on August 15th 2014, 11:25 pm

Zoo kawg tij Tubzoonraug uas koj posted qhov av xuam nplog ko, yog Nkaujhnubqub tau tuaj ces nws li kawm cov ko xwb tiag.

Thov Khawv

Registration date : 2014-05-20

Character Sheet
 :

Re: puas muaj dab zaj muab neeg ua poj niam tiag ne?

Post by Thov Khawv on August 15th 2014, 11:29 pm

Ntawv Nplog yeej tsis yooj yim kawg kiag thiab nawb, nws nyuaj kawg li thiab yog tias yus yog foreign ib txwm tsis tau nyob hauv av Nplog na. Qhov nyuaj mas vim nws muaj ntau tus consonants heev tsis zoo li ntawv mekas. Nws tseem muaj cov cim kom suab siab suab qis thiab. Cov neeg tawv dawb lawv kawm ntawv nplog mas lawv yeej tias kawm nyuaj kawg thiab.

Sponsored content

Re: puas muaj dab zaj muab neeg ua poj niam tiag ne?

Post by Sponsored content Today at 6:19 am

  • Post new topic
  • Reply to topic

Current date/time is December 7th 2016, 6:19 am