Home NKAUJ MIM SAWV UA NIAM TOJ Thaum lub caij Paj Cai sam sim ua tsov ua rog txog tog, muaj ib tug hluas nkauj nws lub npe hu ua Nkauj Mim. Tus ntxhais ntawd xwb txawj ntawv dua Paj Cai cov thwj tim sawv daws. Tus ntxhais ntawd sawv los ua niam toj. Nws sawv los thaiv tsov thaiv rog. Yog lawv muaj ib nthwv rog tuaj ces roob twg tuaj, hu txog tus Nkauj Mim ntawd, nws muab kiag ib dag ntaub maj coj los xaws kiab ua ib tug chij. Nws tuav rawv daim ntaub maj ntawd. Nws tab meeg mus nyob rau Nyab Laj tua. Fabkis kuj tua, nws tuav rawv nws daim sev, nws ntxuaj. Nws tig xub ntiag rau sab twg mas sab ntawd yeejkawg tawg rov qab xwb. Tos thaum Nyab Laj thiab Fabkis pib nce lub taw roob ntawd txhij vog, Nkauj Mim txo cov txaj zeb ntawd ntog los mus, cov Nyab Laj tuag tas nrho ib puas rau caum plaub leeg rau plas toj ntawd. Nyab Laj thiab Fabkis thiaj tawg rov qab dua Moos Vaij tas lawm. |  Muaj ib zaug, cov Fabkis thiab Nyab Laj lawv tuaj peb ceg tuaj. Lawv nce ces roob Naj Xees tuaj. Tuaj pem Nyab Laj teb tuaj. Nkauj Mim tau coj cov tub rog tuaj mus tiv. Lawv mus tiv Fabkis tawg tag rov qab, tso cov phij xab nyiaj pov tseg. Tas huv si muaj 64 lub phij xab. Lub sij hawm ntawd Fabkis kom Phub Thawj kwv xwb. Ces thaum ua rog lawd ces Phub Thawj muab tso pov tseg ces lawv thiaj li mus txeeb tau. Kuj tau tej riam phom qhov txhia chaw txhua nrho. Tsis ntev Fabkis thiaj li tuaj ib ceg Moos Vaij tuaj, tuaj txog rau tus dej Naj Npoob, nce sab toj tim no ntxhab hauj sim. Nkauj Mim quab tas ib tsoom Mab Daum thiab Hmoob sawv daws fris pob zeb mus ua txaj zeb rau pem ntav toj. |  Tom qab no tus Nkauj Mim ntawd nws tawm los ua nws lub neej. Tas Paj Cai sim neej lawm tshuav Nkauj Mim, cov nom tswv pheej nrhiav nws ntes rau ub rau no. Tom qab no Fabkis thiaj kom ob tug Hmoob thiab kaum ob tug Nyab Laj tuaj mus nrhiav Nkauj Mim. Ob tug Hmoob thiaj tuaj ntxias muab tau Nkauj Mim. Lawv tua nws rau phom, nws haj tseem mus nws kev. Lawv coj nws mus txog nraum tus dej Naj Zuam, lawv muab nws tua rau ntawd. Lawv muab nws tua tua ob sab nplooj pus lwj tas nws tseem tsis tuag. Kov kov, cov Nyab Laj thiaj mus txiav ntoo coj los hliav muab npub nram qhov quav tuaj ces Nkauj Mim thiaj li tuag lawm. Thaum Nkauj Mim yuav tuag, ob tug Hmoob nyob ntawd thiaj kawm tau Nkauj Mim cov lus hais tias: "Thov rau ntawm lub ntuj lub teb. Niam txiv tuam tshoj tim lwm tshoj theeb. Tuam tswb tshoj lwm tswb peeb. Hu txog tshoj Coos Civ Naj Coos Cas. Hu txog pu saub Siv Yis. Nkauj Ntsuab nraug Nab tsheej koob pov. Thov tswv ntuj tsev teb. Nej sawv daws tuaj txais kuv txoj sia. Zaum no kuv yuav raws Paj Cai qab los mus. Nej qhib rooj ntug rau kuv los mus. Nej yuav tswm txais kuv txoj sia no". Ces Nkauj Mim thiaj tu siav nrho thaum ntawd lawm. Lawv thiaj li kawm tau Knauj Mim cov lus los hais rau yav tom qab no ntiaj teb neeg paub. Mas zej tsoom Hmoob thiaj khaws tau Nkauj Mim cov lus ntawd los hais. tus muab los yog Maiv Noog. |
2 posters
Nkauj Mim Sawv Hauv Toj
Guest- Guest
koobpovtxuj- Moderators
- Registration date : 2008-09-12
Character Sheet:
tubhmoob.koj thiab maiv noog neb yog 2 tug uas nquag tshawb tau hmoob txuj ci hmoob tej qub lus puag thaum ub coj los rau peb sawv daws hnov.ua neb 2 leeg tsaug ntau ntau nawb mog.
Guest- Guest
Yog ma,tsi ua li ca tej no ces muab lawv tej los tso rau peb tau nyeem thiab paub txog xwb.
Guest- Guest
KEV NTSHAW NOJ KHEEJ YOG KEV POOB NTEEG.
KEV NTSHAW NOJ QAAB YOG KEV PLAAG NTSHAAV
Txhob ntshaw kom koj ib leeg tau noj kheej. Yaam qaab yog koj ib leeg noj tab sis teeb meem los yog koj ib leeg ris.
Ib tug ntoo tuaj rua sau ib lub roob sab, yog tsi muaj ntau tug sawv sib txig ua ib koog, roj aav zoo los nwg ib tug tau ntxais, huab cua zoo los nwg ib tug tau laaj tab sis yog naag xub naag cua los nwg ib tug nreg. Zag zoo tes nwg tau nyob tab sis yog zag phem nwg yuav raug nkuj hlo.
Ib leej tuab neeg los ib yaam. Koj yuav txawj ntse hab ua nom ua tswv luj npaum twg los yog koj tsi rub tsi nqug ntau tug sawv nrug koj ua ib paab, yog teb chaws thaaj yeeb tes tsi ua luaj twg, hwj chim yog tsaav, meej mom yog koj ntoo, qhov qaab koj ib leeg noj, nyaj txag koj ib leeg tau siv hab cev zoo los koj ib leeg naav tab sis yog lub teb chaws tsi thaaj yeeb, koj yuav raug poob nteeg hab tug tseev tsim yuav raug plaag ntshaav.
XYEEJ TSAWG TSI XYEEJ COOB
Kev hum xeeb yog kev thaaj yeeb, kev sib paab yog kev caj vaaj.
Ntau tug txhad khov, ntau leej txhad muaj zug. Ntau txhais teg ua rua hauj lwm sib, ntau txhais npaab ua rua hauj lwm tav. Ntau tug thawj coj ua rua lub teb chaws nyob thaaj yeeb. Ntau tug txawj ntse ua rua lub teb chaws vaam meej.
Ua xyoob ib txoog ntoo ib tsob, ua nqaj dlaig tawv ib phob, muaj ntau muaj tsawg los suav dlawg sib faib noj. Muaj zoo muaj phem los suav dlawg sib paab nreg.
Txooj ntoo yuav khov los yuav tsum sawv ua ib ntsug, ib lub teb chaws yuav nyob thaaj yeeb los yuav tsum taag nrho tsoom nom tswv sib puag xub pwg ua hauj lwm le ib tug. Txooj xyoob yuav khov los yuav tsum sawv ua ib nceeg, ib haiv neeg yuav muaj yeej los yuav tsum taag nrho pej xeem huab fwm sib tuav teg ua hauj lwm le ib leeg.
Guest- Guest
TubHmoob,
Yog li ntaws tiag...Xyeej tsawg tsis xyeej coob. Tab sis ntau zaud ces neeg khib xeeb es ua ntau yam yuam kev...Muab tej neeg zoo uas ntuj tso los ua tus cawm seej tua pov tseg dawb dawb...Xav los mas khuv xim tshaj li...
Yog li ntaws tiag...Xyeej tsawg tsis xyeej coob. Tab sis ntau zaud ces neeg khib xeeb es ua ntau yam yuam kev...Muab tej neeg zoo uas ntuj tso los ua tus cawm seej tua pov tseg dawb dawb...Xav los mas khuv xim tshaj li...
Guest- Guest
- Post n°6
Song Zuying - So Many Songs Today in the Miao People's Land
by Guest January 13th 2009, 3:58 pm