Sau Paj Huam(Poem) Ua Si

Nraug Cuam wrote:Tsis ua cas os bro, cia nws nyob nws es khoom mam tuaj sau ntxiv xwb los tau os.

Nraug Cuam wrote:

Ncaim ntau hnub los tseem hlub

Tau ntev lawm..........tsis tau ntsib koj

Koj puas noj..........qab thiab nyob zoo

Ncaim ntev loo..........mam rov sib ntsib

Nplooj siab ib..........tus neeg kuv tshua

Ncaim dua ncua..........mus lawm ntau hnub

Kuv tseem hlub..........koj tshaj yav tag

Hais tsis dag..........nco tshaj txhua yam

Yog yuav tham..........kom tag kev nco

Yuav puv hlo..........ntuj lub qab plab
Pua txhiab phab..........los yeej tsis thoob

Me Nkauj Hmoob..........tus  dai kuv siab

Qhia lub ntsiab...........rau koj paub kiag

Tias kuv nyiag..........hlub nco koj heev

Niaj hnub seev.........hu tuav koj npe

Lam nyob ze.........thooj zej koom zos

Ntshe yuav los..........ua devv thawj tsw

Nkag los pw..........ntawm koj 1 sab

Tuav koj npab............puag koj txhua hmo

Sim neej no..........txawm ncaim ntau hnub

Los kev hlub.........haj tseem khov kho

Tseem hlub nco..........koj xws yav dhau

Txawm ncaim tau..........2 niaj 3 hlis

Los kuv tsis...........tau hloov siab li

Tseem luag ntxhi..........tuav wb kev hlub

Li thaum ub..........tseem nyob ua ke

Koj lub npe..........kuv tseem nco ntsoov

Tsis tau hloov...........kuv nplooj siab mus

Hlub lwm tus.......... li mog nkauj hmoob

Tsis siab coob..........yuav hlub coob leej

Kuv sim neej..........tsuas nco koj xwb

Vim koj wb..........yeej cog lus khov

Ntuj nram ntxov..........yav puag thaum i

Ncaim ntau hli..........los yeej tseem hlub

Tej chaw qub..........thaum wb sib cuag

Thaum kuv puag..........koj rau xub ntiag

Kuv zaum kiag..........hauv koj nqaws tiab

Kuv lub siab..........yeej tseem nco heev

Niaj hnub seev..........hu koj tsis ntsiag

Nco kawg kiag..........lub neej tiam no

Ncaim ntau hmo..........ntau hnub ntau hli

Tej lus ntxhi.........kuv tseem cim cia

Tsis hais qhia..........neej thiab dab hnov

Txog hnub nov..........los yeej tseem cim

Tsis tau thim..........wb tej lus cog

Yuav zais npog.........kom txog hnub ploj

Kuv nco koj..........npaum cov dej nag

Suav tsis tag..........kuv txoj kev nco

Nco npaum no..........koj puas paub os

Ceeb laj tos..........txog hnub sib cuag

Thaum twg puag..........koj rau xub ntiag

Mam qhia kiag..........kom koj paub tseeb

Mog xab yeeb phooj ywg hmoob e!

Nraug Cuam wrote:

Tig hais rau……….kuv txiv lub neej

Neej tsis tsheej……….vim tsis muaj tus

Yuav los mus……….tab cuab tab yig

Txiv thiaj tig……….rov mus ua hluas

 

Mus ncig xyuas……….txhua lub zos hmoob

Mus ncig thoob……….hmoob tej zej zog

Yeeb vim yog……….xav tau poj tshiab

 Los deev siab……….tab cuab vij zeej

 

Kom ho tsheej……….ib cuab ib yig

Txiv thiaj tig……….xaiv tau ib tug

tu siab kawg

Los sib pug……….ua kuv niam tshiab

Txiv zoo siab……….thaum yuav tau sev

 

Los txog tsev……….tsis muaj tsawg hnub

Niam siab dub……….pib tsis nyiam kuv

Txiv kuj uv……….tsis hais niam tshiab

Lub tseem ntsiab……….txiv kuj ntshai tsam

 

Niam ho lam……….khiav muab txiv nrauj

Niam xuas khauj……….ntaus kuv ntau zaus

Muab kuv ntaus……….thiab yuam ua qhev

Yuam kuv ev……….tsheej lub maum kawm

 

Coj mus yawm……….nplej thiab pob kws

Niam cem yws……….thaum txiv tsis nyob

Muab kuv phob……….tshuav tuag ntau zaus

Muab kuv ntaus……….yam li tus dev

 

Txiv los tsev……….kuv thiaj hais qhia

Txiv tseem ntsia……….qhov muag nruj nreem

Tsis tsis cheem……….tsis hais niam tshiab

Tu kuv siab………kua mog poob nthav

 

Yeej tsis xav……….ua neeg nyob ntxiv

Tias cas txiv……….yuav tsis hlub kuv

Kuv lam uv……….so lub kua muag

Tsuav tsis tuag……….lam ua tiag uv

 

Thaum ntawv kuv………. muaj 8 xyoo ntau

Tseem nco tau……….tias muaj 1 hnub

Nws yog lub……….caij ntuj los nag

Kuv tau mag……….niam ntaus tuag tsig

 

Niam xuas nrig……….thiab xuas taws phob

Thiaj li ntob……….raug kuv caj qwb

Deeg paj hlwb……….kuv thiaj li ntog

Yeeb vim yog……….niam txib mus teb

 

Teb nyob deb……….tsis tshua tau luag

Muaj neeg tuag……….txiv mus tshuab qeej

Txiv tsis xyeej……….nrog niam mus pib

Niam thiaj txib……….kuv mus ua luag

To be continue.....