• Reply to topic

Qee Zaj Lus Nyeem Txhawb Lub Zog thiab Txhawb Txoj Kev Xav

Share

Thov Khawv

Registration date : 2014-05-20

Character Sheet
 :

Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 5th 2014, 7:02 am

First topic message reminder :

Ib tsoom phooj ywg uas nyiam tsham hauv lub ntuj internet, caw nej los sau nej tej tswv yim, experience los yog tej zaj lus dab tsi nej paub tso rau ntawm no rau peb suav daws tau sib xyaum sib kawm nawb. Hauv qab no kuv yuav sau ib zaj lus me me uas kuv nyeem los rau nej mloog, kuv ntseeg tias nej yeej hnov lawm tab sis faj seeb tsam ib txhia kuj tsis tau hnov thiab. Piav tau tsis zoo los lam mloog nawb lawd. Very Happy Very Happy



Tus Zag & Nws Tus Tswv

Muaj ib hnub, txawm muaj ib tug tub lag luam nws coj nws tus zag (donkey) mus ua luam. Nkawd txawm mus txog ntawm ib lub zos ces nkawv tsis ua zoo saib, tus zag txawm cia li poob mus rau hauv ib lub qhov tshij tob txij ru tsev ces tus zag txawm tawm tsis tau los li lawm. Tus tswv xav zoj yog nws yuav siv peev muab niag zag no tawm los mas ntshe yuav tas peev ntau thiab tsis koob qhaj (worthless) ces nws txawm tsis quav ntsej muab niag zag no tawm los, nws txawm cia li kav liam thiab khiav mus lawm. Tus zag ua li cas los nws tawm tsis tau los li, nws niaj hnub quaj qw hauv lub qhov tshij los tsis muaj neeg pab muab nws los li ntag. Lub niag qhov tsij no mas pheej muaj neeg niaj hnub nqa khib nyiab tuaj pov rau hauv xwb, tabsis cov neeg ntawd los yeej tsis quav ntsej yuav pab muab niag zag no tawm los li. Niag zag niaj hnub quaj qw yam npau taws kawg nkaus ncig mus mus los los hauv lub qhov. Kuj muaj hmoo me me uas cov neeg nyob ib cheeb tsam ntawd pheej nqa khib nyiab tuaj pov rau qhauv ces niag zag kuj lias xawb tau tej khoom seem ntawd noj tuav siav hnub dhau hnub. Nws ua cas los tawm tsis tau los li lawm ces nws thiaj los zaum xav. Nws thiaj xav tau lub tswv yim tias cia nws maj mam teem cov khib nyiab uas tib neeg pheej sij tuaj pov ntawd ib hnub zuj zus kom txog thaum puv mas nws thiaj tawm tau los. Yog li ntawd thaum twg tib neeg nqa khib nyiab tuaj pov ces nws thiaj maj mam pib sau teem tseg tuaj mus ib hnub zuj zus thiab lam noj cov khib nyiab seem ntawd tuav txoj sia. Nws ua li ntawd tau ntev loo diam ces zoo li lub qhov tshij thiaj maj mam ntiav tshoom zuj zus tuaj. Pheej ua li ntawd mus li ces muaj ib hnub tos nws nco no ua cas lub qhov twb yuav puv lawm, nws thiaj tib phlaws tawm tau dim mus nyob yam nyab xeeb lug ywj siab ywj ntsws tsis tau raug thauj nws tus tswv lub nra li yav tag los lawm thiab dim txoj sia.

Zaj lus no qhia khom peb ua neeg nyob thaum yus ntsib teeb meem lawm yus yuav tau txhob ua siab kub kub, maj mam ua tib zoo zaum xav nrhiav lub tswv yim nrhiav txoj hau kev tawm. Thaum yus ntsib kev txom nyem los sis yug los tau lub neej txom nyem los txhob chim thiab npau taws rau tej laus, maj mam zaum xav nrhiav txoj hau kev tawm thiab ua siab ntev zoo tib yam nkaus tus zag no.

Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 8th 2014, 9:04 pm

NkaujHnub, yog kawg ma. Nws muaj hmoo heev li o, kuv tus ntxhai nov nws yog ib tug ntxhai ua kuv cia siab rau nws thiab yog nyiaj tej ma kuv xum muab rau nws khaws tseg vim nws tsi phob nyiaj nws txuag nyiaj heev li os. Tsi ntev nov nws phaj yuav mus ua neej lawm, nws li mus kawm toj ua MD.. Medical Dr.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 8th 2014, 9:09 pm





Ntaus Ntsia Thawv (nails)

Tsis ntev los no muaj ib tug me nyuam tub hluas mas nws siab luv thiab nyiam npau taws heev. Nyiam cem thiab yws neeg heev li tsis hais chim rau tej niam tej txiv los yog tej phooj ywg. Muaj ib hnub tus me nyuam tub no nws txiv thiaj muab tau ib pob ntsia thawv thiab ib rab rauj rau nws tus tub thiab hais tias: "me tub yog koj pheej nyiam npau taws li ko thiab tswj tsis tau koj tus kheej ces nqa pob ntsia thawv no mus, yog thaum twg koj chim siab, npau taws thiab xav cem neeg heev ces koj nqa coj mus ntsia ntaus rau nram sab ntsa laj kab (wall) nrav ces koj siab txias tsis npau tawg lawm".
Txij ntawd los ces tus tub ntawd chim siab thaum twg ces nws nqa rab rauj thiab ib tug ntsia tawv khiav khiav mus ntaus rau nram sab ntsa laj kab. Thawj zaug mas ib hnub twg nws twb ntaus li ntawm 37 tus ntsia tawv, suav tias ib hnub twg nws chim siab npau taws 37 zaus. Niaj hnub ua li ntawd ces ib hnub cov ntsia thawv coj mus ntsia nrav kuj tsawg zuj zus xws li thawj hnub 37 tus, tom qab kuj nqis los ua 60 tus thiab tsawg zuj zus. Pom tau tias tus me nyuam tub no nws tswj tau nws tus kheej zoo zuj zus tuaj lawm. Txog rau thaum kawg nws kuj tswj tau nws tus kheej tsis mus ntaus ntsia thawv ntxiv lawm. Tus me nyuam tub no nws zoo siab heev thiab thiaj khiav loo mus hais rau leej txiv tias: "txiv lau, txij no mus ces kuv tsis tas ntaus ntsia thawv lawm vim kuv twb tswj tau kuv tus kheej lawm laus". Leej txiv hais tias: "puas tiag ma? yog li mas koj yuav tau phij xuj (prove or test) rau kuv saib xws li thaum twg koj chim siab no ces koj rov mus rho cov ntsia thawv uas koj ntaus rau nrav kom tag mas thiaj yog koj tswj tau koj tus kheej tiag lawm". Tus tub thiaj teb tias ua li los tau. Txij hnub ntawd los tus tub chim siab thaum twg ces nws khiav khuav mus rho cov ntsia thawv, pheej ua li ntawd ib hnub zuj zus txog rau thaum cov ntsia thawv tag kiag. Tus tub zoo siab heev thiab thiaj khiav khuav los hais qhia rau nws txiv tias: "txiv lau, ziag no mas kuv twb rho tag cov ntsia thawv nram ntsa laj kab los cia tag lawm, kuv tswj tau kuv tus kheej lawm tiag lauj". Leej txiv tsis hais dab tsi ntau, cia li tuav kiag nws tus tub tes coj mus kiag rau nram tus ntsa laj kab uas tus tub ntaus ntsia thawv ntawd, leej txiv thiaj hais rau nws tus tub hais tias: "me tub, koj saib daim ntsa laj kab no zoo li cas? Nws puas du zoo nkauj li thaum koj tsis tau ntaus ntsia thawv rau lawm?". Leej tub teb tias: "tsis zoo nkauj li ntawd lawm". Leej txiv thiaj hais ntxiv tias: "me tub, qhov tseeb tiag koj yeej hloov lawm ntau thiab tswj tau koj tus kheej lawm, tabsis koj puas paub tias qhov koj ua no twb ua rau luag lub siab muaj kab mob, zoo li tej riam kos riam hlais zwm cia yam tsis muaj hnub hnov qab thiab kho tsi tau zoo li qub zoo ib yam li cov hneev ntsia thawv uas koj ntaus no ntag, tab yog koj muab rho tag lawm los cov hneev tseem nyob ua rau daim ntsa laj kab no tsis zoo nkauj li thaum ntej lawm, yog li ntawd tab yog koj tau hais thov txim rau tus neeg koj tau ua txhaum rau thiab tab yog nws zam txim pub rau koj los hauv nws lub siab yeej yuav nco ntsoov koj vim twb ua ບາດແຜ (wound) rau luag lub siab lub ntsws lawm".
************
Qhov tseem ceeb tshaj yog kev tswj txoj kev chim, kev nplua taws. Yog tias yus paub tias yus chim heev lawm los yuav tau nyiaj tswj kom tau lub siab txias npaum li yus ua tau. Tej laus ib txwm hais tias: "uv xwb yeej tsis tuag" mas muaj tseeb tiag li hais os lawd e. Rolling Eyes Rolling Eyes Rolling Eyes Rolling Eyes

nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 8th 2014, 9:34 pm

*Tas Lauv Vwm wrote:
Kev Hlub Tiag


Muaj ib tug txiv neej ua lub neej pluag thiab txom nyem nrog rau nws tus poj niam uas zoo nkauj thiab muaj cov plaub hau ntev npws loo. Muaj ib hnub nws tus poj niam txawm hais kom nws yuav ib lub zuag ntsis plaub hau rau nws tus poj niam, thiaj tau ntsis cov plaub hau kom zoo nkauj los yog zoo saib. Tab sis tus txiv neej no yuav tsum tau teb lo lus tias: "thov txim ntau" rau nws tus poj niam vim nws tsis muaj ib qho me me nyiaj twg coj mus yuav tau, tab yog tus txiv neej no txoj hlua moo coj ntawm tes twb tu lawm los nws twb tsis muaj nyiaj mus hloov txoj hluas moo tshiab rau. Nws tus poj niam kuj to taub thiabtsis hais dab tsi.
Hnub tom qab thaum sawv ntxov, tus txiv neej thiaj mus ua zog dua lawm, ntawm txoj kev nws mus ua zog ntawd muaj ib lub lab kho moo thiab. Tus txiv neej no nws thiaj txiav txim siab muab nws lub moo uas tsis muaj hlua coj mus muag rau lub lab no yam tus nqi tsawg kawg nkaus. Nws thiaj coj qhov nyiaj ntawd mus yuav tau ib lub zuag los rau nws tus poj niam. Thaum nws rov los txog tsev, ua cas pom tau tias nws poj niam twb muab nws tus kheej cov plaub hau txiav tag lawm. Nws tus poj niam hais rau nws tias twb yog nws tus poj niam txiav cov plaub hau coj mus muag kom tau nyiaj yuav ib txoj hlua moo rau nws tus txiv.
Ob leeg thiaj sib khawm thiab sib aawg quaj, tsis yog quaj vim khuv xim dab tsi, vim txoj kev zoo siab thiab txaus siab hais tias ib leeg hlub ib leeg heev.
**********************
Txoj kev hlub xwb kuj tsis luaj twg, tab sis txoj kev "raug hlub" muaj nqis dua thiab kev "raug hlub" los ntawm tus tib neeg hlub yus yog ib yam uas "muaj nuj nqis" tshaj plaws hauv qab ntuj no. Yog li ntawd thaum txiav txim siab nrog ib tug neeg twg tsim txoj kev hlub lawm ces txhob xav tias yuav hlub nws zoo li "ua si".
Tcoj kev hlub tseeb mas ua raughlub lu no leej twg los yeej ntshaw kawg li os. Ua tsau rau koj zaj dab neeg os me nus taslauv.




Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 8th 2014, 9:37 pm

Kwv Tas Lauv,

Koj cov lus Counseling nov yog ib qhov teaching rau sawv daw tau kawm nws yog ib qhov topic zoo heev qhia txog ib tus tib neeg ua nws muaj metal problem lawm es lub siab tswj tsi tau, qhov nov yuav pab tau rau tus neeg ua coj lub siab zoo li ntawd. Ua tsaug rau lub topic os.

nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 9th 2014, 12:50 am

Ua cas koj piav koj cov dab neeg no es kuv phej zoo siab tu siab los kua muag ne? Yog vim li cas ne
Zaj no thiab zaj raughlub na... Embarassed yog ua li cas rau kuv lawm ne?
*Tas Lauv Vwm wrote:

Tais Mov Qhuav


Muaj ib hmos ntawm 20 xyoo dhau los lawm muaj ib tug me nyuam tub ntxim li yuav yog me nyuam tub kawm ntawv tseem tab tom tos yuav mov noj ntawm ib lub lab noj mov npuv feb (buffet). Thaum cov neeg feem coob tuaj noj mov hauv lub lab no tawm tag lawm, tus me nyuam tub no thiaj mam nkag los tus xeeb ceem yam li txaj txaj muag heev.
Tus me nyuam tub hluas ntawd thiaj hais rau tus tswv lab hais tias:
"thov ib taig mov qhuav os, ua tsaug".
Tus tswv lab nkawv ib niam txiv pom tus me nyuam tub no xaj (order) mov qhuav xwb kuj ua rau nkawv xav ntau yam hauv siab tab sis kuj tsis kab nug tus me nyuam tub no dab tsi li thiab, tsuas maj zeeg daus mov rau hauv lub tais cev rau tus tub no. Tus me nyuam tub no thiaj li cev nyiaj rau tus tswv lab thiab maj mam hais lus rau tus tswv lab hais tias:

"kuv thov muab cov kua nqaij no ywg me ntsis rau saum cov mov no puas tau thiab os tus txiv ntxawm?".
Tus tswv lab thiaj teb tias:

"taus kawg li mas, kav tsij ywg raws koj siab nyiam os, tsis yuav nqi dab tsi ntxiv li".
Tus me nyuam tub no noj txog nrab nws thiaj rov xaj dua ib tais ntxhiv. Tus tswv lab thiaj nug hais tias:

"tsis tsau lod, yog tsis tsau no kuv mam ua ntxiv tais kom loj zog". Tus me nyuam tub thiaj teb hais tias:

"tsis yog tsis tsau, tais tom qab no mas yog koj muab ntim rau hauv kuv lub kav (box) rau mov no kuv yuav nqa mus tag kis thiaj tau noj tsom tsev kawm ntawv xwb os".

Thaum tus tswv lab hnov li no, nws thiaj twv tau hais tias tej zaum tus tub no yog ib tug tub nyob yav qab teb tuaj kawm ntawv, ntsia mas ntxim tus tub no txom nyem dua lwm tus ntshe yog nws tsev neeg txom nyem. Tus tswv lab thiaj li muab tus tub lub kav ntim mov los ces nws txawm muab ib qho cov nqaij tsuav mos mos siav siav ntawd tso puag hauv qab, nws mam muab ib daim nqaij qaib loj tsawv coj los tshooj ces mam daus mov tshooj 2 qho nqaij ntawd. Tus tswv lab ntawd tus poj niam pom li ntawd, nws tsis to taub tias vim li cas nws tus txiv thiaj ua li ntawd vim tus me nyuam tub ntawd tsuas kom muab mov qhuav xwb. Nws thiaj nug nws tus txiv tias:

"koj txiv cas koj ho muab cov nqaij nrog thiab yog koj xav li cas?"
Tus tswv lab thiaj tias:
"koj niam, kuv ntsia mas tus me tub no yog neeg txom nyem nyob yav qab teb tuaj mus kawm ntawv tom lub university tov, yog li ntawd yog tias wb ntim mov qhuav li nws hais rau nws xwb es nws yuav ua cas noj, thiab yuav ua cas muaj zog mus kawm taus ntawv".

Nws tus poj niam thiaj teb yam luag ntxhi tias:

"yog li koj ua txiv hais tiag yuam, kuv zoo siab thiab ua tsaug tias kuv muaj ib tug txiv siab loj siab zoo heev".
Tus txiv thiaj teb tias:

"siab zoo hov, yog siab tsis zoo mas koj yeej tsis kam yuav kuv ib zaug li nav".

Tus niam thiaj nug ntxiv tias:
"koj txiv cas koj ho tsis muab cov mov tuaj hauv qab es mam muab cov nqaij tshooj saum toj kom nws pom muaj cov khoom ntxuag thiab?"

Tus txiv thiaj teb tias:
"Koj niam, tos kuv tsis muab tso sab sauv li koj hais mas twb vim yog tias tsam tus tub ntaus nqi tias zoo li wb muab pub rau neeg thov khawv, yog li ntawd lwm zaus nws yuav txaj muag tsis kam tuaj noj mov hauv wb lub lab no lawm, txhawm rau qhov kom nws txhob ntaus nqi li cas, kuv thiaj muab cov khoom ntxuag tuaj hauv qab kom nws txhob pom vim yog nws noj mov qhuav xwb yeej yuav tsis muaj zog mus kawm taus ntawv nrog luag tej".
Tus me tub ntawd noj mov tag ces nkawv txawm cev pob mov rau tus me tub ntawv. Tus tub ntawd thiaj hais tias:

"ua tsaug ntau os, kuv mus lawm mam sib ntsib tag kis dua".
Thaum tus me tub ntawd tawm mus, nws nqa nws pob mov zoo li nws pob mov no hnyav zog txhua txhua pob nws tau noj tom lwm tus lub lab, nws thiab tig rov los saib tus tswv lab yam ntsej muag luag ntxhi txaus siab heev rau pluas hmo ntawd.

Tus tswv lab thiaj hais thiab npuaj tus me tub ntawd xwb pwg tias:
"ua siab ntev nyiaj kev khwv os thiab mus zoo koj tag kis mam sib ntsib dua".
Tus me nyuam tub lub kua muag ntws sis dauv muag lawv los tsev lawm tsis kab tig mus ntsia lub lab tsam nkawv ib niam txiv pom nws cov kua muag poob ces nws ho txaj muag.
Txij thaum ntawd los tus me nyuam tub no nws niaj hnub tuaj noj mov ntawm lub lab no, muaj qee zaus tus tswv lab no nws hloov ntim zaub mov sib txawv raws li cov zaub mov nws niaj hnub ua yam siab dawb paug rau tus tub no txog ntua rau thaum tus tub no kawm tiav Bachelor.

Txij thaum ntawv los 20 xyoo tom qab no, lub lab no cia li tsis pom tus me nyuam tub no ntxiv ib zaug li lawm.
Nyob los tsis ntev tom qab no, tus tswv lab no ob niam txiv txawm txais tau ib tsab ntawv los ntawm tseem hwv (government) tias cheeb tsam ntawm nkawv lub lab ua mov noj no yuav raug tshem vim nom tswv muaj khoos kas (plan) yuav kho thaj chaw ntawd ua ib lub part rau peej xeem suav daws siv. Lub caij ntawd nkawv ib niam txiv twb muaj hnub nyoogli ntawm 50 xyoo lawm. Thaum hnov xov li no mas nkawv nyuaj siab kawg nkaus vim nkawv cov me nyuam tab tom loj mus kawm ntawv qib siab, tab tom siv nyiaj txiag ntau, yog tias lub lab raug kaw lawm mas yuav tsis muaj nyiaj mus them me nyuam nqi kawm ntawv. Yog li mas thiaj ua rau nkawv nyuaj siab kawg tsis pom qab yuav ua cas tsuas sib khawm koj quaj rau kuv kuv quaj rov rau koj xwb.

Muaj ib tag kis txawm muaj ib tug tub hluas zoo nraug ntxiag hnav uniform tuaj txog ntawm nkawv lub lab, tus tub hluas ntawd txawm hais rau nkawv tias:
"nyob zoo tus txiv ntxawm thiab niam ntxawm, kuv yog tus phub loos ntawm ib tug tswv tuam txhab (vice director of a company). Yog li ntawd tus tswv tuam txhab (director) thiaj xav tau neb mus teeb ib lub lab mov nyob rau ntawm peb lub tuam txhab uas peb tab tom yuav qhib sai sai no. Hais txog ntawm kev siv peev los ua lub lab, rooj tog ib puas tsav yam ces cia peb ua tus tuaj tas nrho, hos ntawm kas lais (profit) ces mam faib leeg nrab xwb".
Ua rau nkawv ib niam txiv xav tsis thoob li, nkawv xav paub tias tus director ntawm lub tuam txhab ntawd yog leej twg tiag es cas yuav siab zoo ua luaj tiag vim lawv yeej tsis tau sib paub thiab sib pom, tsis muaj kev sib txheeb los dua li.
Tus tub hluas ntawd thiaj hais ntxiv tias:

"tus thawj coj ntawm lub tuam txhab hais tias nws nyiam noj neb cov ncej puab qaib thiab cov nqaij tsuav xyaw cov mov txua heev, kuv tsuas qhia li no rau neb xwb, tom qab neb ntsib nws lawm ces yeej yuav paub peb tus thawj coj xwb".

Thaum nkawv mus txog tom lub tuam txhab, nkawv mam paub tias tus tswv lub tuam txhab loj no yog tus me nyuam tub thauv uas pheej los thov yuav mov qhuav noj ntawm nkawv lub lab. Tus me nyuam tub no tom qab kawm ntawv tiav tau 20 xyoo, nws kuj txeem peem tau los ua ib tug thawj coj qhib tau tuam txhab lawm thiab. Tus tswv tuam txhab thiaj hais rau nkawv hais tias:
"kuv yog tus me nyuam tub thauv niaj zaus tuaj noj mov ntawm neb lub lab, kuv yuav mov qhuav tab sis neb siab zoo heev neb tseem muab nqaij ntxuag thiab, kuv thiaj muaj zog mus kawm tau ntawv thiab thiaj kawm tiav. Yog tsis muaj neb hnub ntawd ntshe kuv twb kawm ntawv tsis tiav vim kuv tsev neeg txom nyem heev, kuv niam tuag thaum kuv yau yau lawm hos kuv txiv tsuas niaj hnub mus ua zog xwb. Kuv zoo siab kawg nkaus li qhov rov tau ntsib neb, hais ncaj qha neb tais mov qhuav qab tau xis ncauj heev, kuv xis heev thiab tseg tau ntev lawm tsis tau noj li lawm".
Lawv thiaj zaum piav yam lom zem xauv npo txog yav tas los nrog lub kua muag zoo siab. Tus tub no nws xav nrhiav lub fwv tsam no los nco txog nkawv ib niam txiv tus txiaj ntsig uas thauv tau pub mov rau nws noj yam tsau npo yog li ntawd nws thiaj kom nkawv mus ua lab rau nws lub tuam txhab.
Sib tham ib hnub, txog caij nkawv ib niam txiv yuav rov qab, tus tub no thiaj hais rau nkawv raws li thauv nkawv ib txwm hais rau nws tias:

"ua siab ntev nyiaj kev nyuaj me ntsis os, maj mam mus zoo neb, 1-2 hnub tom ntej no peb mam sib ntsib dua". Ib niam txiv zoo siab heev ua kua muag poob dawb vog rau tus tub pom.
Tau tsis ntev tom qab no ces nkawv thiaj mus ua lab noj mov rau ntawm tus ub no lub tuam txhab, muaj neeg noj coob heev vim nkawv txawj ua zaub mov qab thiab nkawv siab zoo heev. Thiaj ua rau nkawv ib niam txiv no muaj nyiaj thiab vam meej dua qub, tsis txob tsis txhawj li lawm.
Zaj lus no qhia tias:
+Xyaum ua neeg zoo, hais lo lus zoo thiab coj cwj pwm zoo thiab qhib siab dawb paug, yeej yuav muaj tus neeg siab zoo pab yus.
+ Hlub cov neeg pluag thiab txom nyem dua yus, yus pab luag, muaj ib hnub txoj kev zoo ntawv yeej yuav rov los poob rau yus dua zoo tshaj qhov qub.

+ Pab cov neeg txom nyem tsis tas yuav suav tias yog yus kwv yus tij mam pab.
+ Paub nco tus tau pab yus tej txiaj ntsig, tsis tas yuav yog tus txheeb tus ze yus. Leej twg pab yus thiab tau cawm yus lawm, yus yuav tau nco ntsoov lawv tus txiaj ntsig tsis hnov qab.




Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 9th 2014, 1:14 am

Ua tsaug os nkaujhnubqub a, tos koj los kua muag los vim koj lub siab zoo, koj txawj xav thiab koj paub nyeem dab neeg. Cov neeg xav li ko thiaj yog neeg txawj nyeem dab neeg los yog txawj imagine. Kuv zoo siab heev uas koj nyiam nyeem os, kuv thiaj muaj siab sau ntxiv mus.

nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 9th 2014, 1:30 am

Kuv nyiam kawg li os, kuv twb tuaj zov koj piav lawm na, nyeemm tas los xav nyeem ntxiv zaj tshiab thiab hehehe
Ntshe yog muab xav tau ntau ntau lawm thiab xwb os, ua tsaug koj los teb kuv os, zaj sauv puas yog zaj koj txhais rau kuv os, (zaj thovv khawv)




Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 9th 2014, 2:01 am

Tus muam nkaujhnubqub a, zauj ntawm ko tsis yog zaj koj kom kuv txhais thiab os, zaj koj kom kuv txhais mas hais txog kev cai hauj sam (Buddhism). Cia hnub twg kuv xyeej li mam txhais rau koj os. Thov txim ntau mog.

nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 9th 2014, 2:24 am

*Tas Lauv Vwm wrote:
Tus muam nkaujhnubqub a, zauj ntawm ko tsis yog zaj koj kom kuv txhais thiab os, zaj koj kom kuv txhais mas hais txog kev cai hauj sam (Buddhism). Cia hnub twg kuv xyeej li mam txhais rau koj os. Thov txim ntau mog.
tsis ua cas os kuv lam nug xwb os, koj khoom thaum twg mam txhais os nawb.




Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 9th 2014, 10:08 am

TubHmoob wrote:Kwv Tas Lauv,

Koj cov lus Counseling nov yog ib qhov teaching rau sawv daw tau kawm nws yog ib qhov topic zoo heev qhia txog ib tus tib neeg ua nws muaj metal problem lawm es lub siab tswj tsi tau, qhov nov yuav pab tau rau tus neeg ua coj lub siab zoo li ntawd. Ua tsaug rau lub topic os.


Ua tsaug os tij TubHmoob

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 9th 2014, 11:46 am

Yawg Nkaj Tswb


Sij hawm ntev dhau los ntau tiam neeg lawm thaum Hmoob tseem nyob rau puag Suav Av Loj teb chaws txawm muaj ib tug hu ua Yawg Nkaj Tswb. Tus yawg Nkaj Tswb no nws yog ib tug neeg liaj neeg teb, nws muaj ib daim liaj nyob deb ntawm nws lub tsev thaj tsam li 4 Km los yog 2 miles tawm. Yawg Nkaj Tswb muaj ib tug poj niam thiab ib tug ntxhais li ntawm 14 xyoos. Yawg Nkaj Tswb niaj hnub cab twm mus laij liag ua qoob ces tav su nws poj niam ua tau zaub mov siav ces mam kom nws tus ntxhais xa zaub xa mov mus rau Yawg Nkaj noj nram liaj. Pheej ua li no ces txawm muaj ib hnub Yawg Nkaj poj niam sawv ntxov mus nram kiab yuav tau ib tug ntses loj coj los hau tau saj mas qab kua kawg nkaus. Nws poj niam thiaj hais rau tus ntxhais tias kom tus ntxhais xa mov nrog rau lub lauj kaub nqaij ntses ntawd mus rau leej txiv noj tom liaj tsam leej txiv tshaib tshaib lawm. Tus ntxhais thiaj li nqa lauj kaub ntses ib fam tawb mov mus rau yawg Nkaj Tswb noj tom liaj, tab sis hnub ntawv tshav ntuj kub kub ces tus ntxhais txawm mus so ntawm ib tsob qab ntoos ntawm ntug kev so los siav zog tso mam ho mus ntxiv. Tus ntxhais zaum zoj me ntsis ces txawm cia li tsaug zog lawm, thaum nws tsaug zog nws txawm ua ib zaj npau suav hais tias muaj ib tug hluas nraug zoo zoo nraug dawb paug mos nyoos, caj soob xais los tham nws thiab nkawv tau pw ua ke lawm (tau sib deev), tau kiag tsis ntev xwb ces nws muaj ib tug me nyuam hauv plab thiab yug tau tus me nyuam tawm los mas ntxim hlub heev li, tab sis ua cas yug tau los kiag xwb ces tus me nyuam txawm cia li tuag lawm no mas ua rau tus ntxhais no tu siab thiab quaj heev heev hauv nruab dab ntub ces nws txawm tuam lub lauj kaub ntses nchuav tas. Nws thiaj mam tsim los no ua ciav lub lauj kauj ntses yuav nqa mus rau leej txiv noj sus twb nchuav tag lawm. Nws thiaj tig rov los tsev, thaum los txog tsev thiaj quaj quaj piav qhia rau leej niam tias nws ua npau suav li ntawd tab sis tus me nyuam nws yug hauv npau suav twb tuag lawm no mas nws khuv xim thiab quaj heev. Nws tsis tau nqa ntses mus rau nws txiv noj vim nws muab tuam nchuav lawm. Leej niam thiaj los puag nws tus me ntxhais ces ob leeg txawm zaum quaj khuv xim txog tus me nyuam hauv npau suav. Yawg Nkaj Tswb ua liaj txog tav su tsis pom nkawv xa mov mus rau nws noj ces tshaib nws plab nws thiaj los noj sus pem tsev. Thaum nws los txog ua ciav nkawv ib niam tub mas nim quaj tas zog li, yawg Nkaj Tswb thiaj nug tias: "ua cas neb nim yuav quaj heev ua luaj?". Nkawv thiaj piav rau yawg Nkaj mloog tas, yawg Nkaj Tswb tsis hais dab tsi tab sis nws xav hauv nws lub siab tias cas nws poj niam thiab nws tus ntxhais nkawv yuav ruam ua luaj li, Yawg Nkaj chim chim siab heev ces nws thiaj txiav txim siab muab nws tus phaw tim laij liag muag tau ib co nyiaj ces nws thiaj pib caij nkoj khiav nkawv ib niam tub mus nyob rau lwm lub teb chaws tshiab. Thaum nws caij nkoj taug ib tug dej nqes hav mus ib tav su, nws txawm pom ib tug txiv neej sawv ntawm ib lub hub quaj quaj, yawg Nkaj Tswb thiaj nug tus txiv neej ntawd tias: "ua cas koj pheej yuav quaj ua tus dab tsi?" Tus txiv neej ntawd thiaj teb tias: "kuv thau tsis tau kuv sab tes hauv lub hub ntsev no tawm". Yawg Nkaj Tswb thiaj nqis plhuav nkoj mus saib hauv lub hub no ua ciav yawg txiv neej ntawd tseem nyem rawv ib txhais tes ntsev es thiaj tsis haum lub ncauj hub. Yawg Nkaj thiaj luag ob suab thiab hais tias: "koj tseem tuav koj cov ntsev ne, rov qab muab tso es koj thiaj thau tau koj sab tes tawm los". Tus txiv neej ntawd txawm ua li yawg Nkaj Tswb hais ces txawm thau tau lawm tiag. Tus txiv neej mas nim zoo zoo siab thiab hais qhuas yawg Nkaj tias cas yawg yuav ntse ua luaj, nws thiaj ntes zoj tau ib tug lau qaib sam xiav nqaij ua kev zoo siab rau yawg Nkaj Tswb. Yawg Nkaj Tswb thiaj li mus ntxiv, nws mus mus txog ib lub me nyuam zos, ua ciav txawm pom ib yawg txiv neej muab ib txog hluas khi rau yawg lub taub hau thiab muab lub qab hluas mus khi rau ib niag ncej tse uas nyuam qhuav mus txiav pem hav zoov los txog, nws khi li ntawd ces pheej rub tas zaj tas zog li. Yawg Nkaj pom txawv txawv li ntawd nws thiaj nqis nkoj thiab mus nug tus txiv neej ntawd tias vim li cas tus txiv neej ntawd sij pheej ua li ntawd. Tus txiv neej thiaj teb tias: "twb yog tus ntoo luv lawm, nws rub li ntawd kom tus ntoo ntev tuaj thiaj haum lwm tus ncej tse". Yawg Nkaj Tswb luag 2 suab thiab hais tias: "tus npawg aw! koj rub ib xyoos los nws yeej ntev tsis taus li os vim tus ntoo ko yeej luv li ko thiab nws rub mus kom ntev tsis tau, yog koj yuav kom ntev ces txiav ib tug ntoo los txuas ntxiv mas thiaj tau". Niag txiv neej ntawd txawm ua li yawg Nkaj Tswb qhia ces txawm tau lawm. Tus txiv neej no mas nim zoo zoo siab thiab qhuas tias yawg Nkaj Tswb mas ntse tiag tiag li, thiaj ntes tau ib tug lau os ua kev zoo siab rau yawg Nkaj. Dhau ntawd ces yawg Nkaj Tswb thiaj caij nkoj nqis hav mus ntxiv. Nws mus mus ua ciav pom ib pab tub hluas mas pheej tawm tuaj nraum zoov thiab suav 1,2,3 tib tsaug ua nphoov tes yawm as kaj qhuav rau hauv tsev lawm. Yawg Nkaj saib ua cas txawv txawv li ntawd ces nws thiaj nqis mus nug lawv. Mus txog mas lawv lub tsev yog xuas cov av civ puab xwb vim tsis muaj ntoo. Lawv lub tsev ntawd nyuam qhuav ua tau kiag xwb tab sis lawv tsis ua qhov rai li, lub tsev tsaus tsaus tsis pom kev. Yawg Nkaj Thiaj nug cov neeg ntawd tias: "nej pheej ua dab tsi li nej es cas tus yuav nqa vab nqa fam tawb yawm cua qhuav dhia tsheej tsaug rau hauv tsev los muaj es yog tim li cas tiag?" Lawv thiaj qhia tias twb yog lawv nyuam qhuav ua tau lub tsev ntawd tshiab tshiab tab sis zoo li nyob sab hauv tsis pom kev li es lawv thiaj li sib pab yawm duab tshav ntuj mus rau hauv kom pom kev, tab sis twb yawm ib hnub li ntawd lawm los yeej tsis tau puv lub tsev thiab tsis pom kev li. Yawg Nkaj Tswb luag 2 suab nrov nrov thiab hais tias: "oh, yog nej yuav yawm duab tshav ntuj mus rau hauv tsev mas nej yawm tag nej tiam neej twb tsis pom kev lau, xav kom pom kev ces muab ib sab phab ntsa tsev tho ua lub qhov rais meb". Lawv tsis txawj ua qhov rais ces yawg Nkaj Tswb thiaj mus pab lawv ua tau lub qhov rais tas mas pom kev lam lug xwb ces lawv mas nim zoo zoo siab kawg nkaus li ntag laus. Lawv mas nim qhuas tias yawg Nkaj Tswb lub hlwb mas zoo tshaj plaws li, lawv ib leeg thiaj ntes ib tug lau qaib sam ua kev zoo siab rau yawg Nkaj Tswb. Yawg Nkaj Tswb thiaj xav tias ua cas nws twb xav tias nws poj niam thiab nws tus ntxhais ruam kawg nkaus no lawm, ua cas nws tseem ntsib cov neeg no ruam dua nkawv lawm thiab, ntshe yuav tau rov qab mus tsev thiab ua ib siab rov qab mus hlub nws poj niam thiab tus ntxhais xwb vim nws twb tsis tau qhuab qhia nkawv ib zaug li yog li mus txog mam ua tib zoo qhua qhia li nws qhia cov neeg no ces nkawv yeej to taub ib yam. Nws thiaj txiav txim siab rov los tsev thiab los nrog nkawv nyob ua neej laus nkoos tsis muaj tag lawm.
*************

Zaj dab neeg no qhia tias neeg ruam tsis yog muaj nyob rau ib qho chaw xwb, nws muaj nyob thoob plaws qab ntuj hos neeg ntse los kuj muaj thoob plaws daim av luaj pua no ib yam. Yog li ntawd yog qhov twg tsis paub los kawg yuav tau ua tib zoo qhia, tib zoo explain kom tus ntawd ho to taub xwb. Yus txhob xav tias yus ntsib ib tug neeg uas lub hlwb khiav tsis zoo ces ntshe tseem yuav muaj lwm tus zoo dua, tej zaum yus mus ntsib lwm tus tseem haj yam yuav tsis piv tus qub. Yog li ntawd zaj dab neeg no thiaj zoo coj los piav qhia rau cov txiv neej los yog cov poj niam uas lawv tau tus txij tus nkawm ruam dua lawv es lawv pheej tseem tsis tau tuag siab rau thiab tseem pheej ntaus siab ntws xav mus ua hluas nrhiav dua tus tshiab. Feem ntau tus tshiab yeej tsis tshua piv tus qub nyob rau txheej tiam tam sim no, thiaj raws nraim li tej laus niaj txhis piv lus tias: "lag luam ces zoo thawj ntsug, poj niam ces zoo thawj tug" no tiag lawv.


Last edited by *Tas Lauv Vwm on September 9th 2014, 9:39 pm; edited 1 time in total

Davdub
member
member

Registration date : 2009-12-19

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Davdub on September 9th 2014, 7:36 pm

Ua tsaug ntau2 os kwv TasLauv, koj qhov lus conclusion zoo kawg nkau, peb ua tib neeg nyob ces yeej yog ntshai tus tsi paub tab thiab lub hlwb hau tsi ntse es ho ua txawv xwb. Cov noj mov mus ua roj ua ntshav ma yeej paub qhov yog qhov tsi zoo. Kuv tseem nyeem tsi tau tag kav tsi sau ntxiv ma kwv Tas Lauv.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 9th 2014, 9:43 pm

Ua tsaug ntau os bro Davdub, qhov conclusion kuv sau tau yuam kev thiab siv ntau lo lus zog lawm, kuv thiaj muaj ua kom luv thiab to taub yooj yim zog. Bro Davdub, kev sau dab neeg no mas nyuaj kawg qhov yus yuav sau kom luag to taub yam yus yuav hais tiag, qee zaus kuv xav tsis tawm cov lus coj los sau li thiab.

Dej Cawm Siav

Registration date : 2014-08-29

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Dej Cawm Siav on September 9th 2014, 10:37 pm

Tas Lauv Vwm, koj cov kwv huam no hais tau zoo kawg li, muaj ntsiab lug zoo heev & kuj funny kawg thiab. Ua tsaug koj tham pub peb mloog os nawb.

Dej Cawm Siav

Registration date : 2014-08-29

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Dej Cawm Siav on September 9th 2014, 10:39 pm

Tij Tubhmoob pab koj zoo siab uas koj rov nrhiav tau koj tus Vaub Kib lawm os.

Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 9th 2014, 11:39 pm

Kwv Tas lauv thiab Kwv Nraug Cuam,

Yeej yog kawg ma Kwv Tas lauv kev sau dab neeg no ma yuav yog tus yeej txawj sau paj huam li koj thiab kwv Nraug Cuam neb ma sau tau neeg nyeej thiaj li nkag siab os. Txhua yam ma yeej tsi yooj yim li tiag.

Kwv nraug Cuam, yog lo ma, yog neeg nte mus lawm os ces thaum tso duab thiab yai ntawv tawm es lawv mam li hus tuaj qhia es thiaj li mus nqa tau rov qab lo lawm. Zaum nov ma yeej yuav sai bkom zoo2 os, muab tso rau raum vaj ma yus tawm mus ces nws twb nkag lo rau ntawm yus lawm thiab. Nws paub lus thiab ntse hos bro. Nws txawj ua li tus miv thiab, nws txawj nkag lo txog ntawm yus ma nws lo pws kiag nraum tes nkaum taws nrog yus nyob thiag, thaum yus sawv mus lawm ma nws sawv tsee caum yus qab laiv. Haaa txau ntshai tswv thiab os

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 10th 2014, 7:21 am

Ua li os 2 tug brothers, kuv twb tsis paub ntau zaj thiab ces twb sau tau tsis zoo os. Neb kav tsij tuaj piav rau kuv mloog thiab os nkawv yog muaj caij os. Nkaujhnubqub los ib yam.

Bro TubHmoob, hais txog nqaij vaub kib mas cas qab kawg thiab tiag. Thaum yau kuv twb tau noj nqaij vaub kib lawm, cov laus muab hlais qha es mam coj los cia mas qab tau ntshiab kawg thiab nawb. Thov txim kuv lam piav txog nqaij vaub kib xwb hos cov nej yug nyiam no mas yog yug tau saib lawm xwb. Very Happy


Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 10th 2014, 10:55 am

Tus muam Nkaujhnubqub a, tuaj sau koj li dag neeg rau peb mloog thiab os.

Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 10th 2014, 3:33 pm

Zoo kawg nkau lawm ma brother TasLauv, cov neeg muaj lubzeem muag thiab muaj hlwb ma hai lus yeej txawv os. Luag hai me me xwb nws twb muab tau tag lo txhai lawm.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 12th 2014, 2:59 am

Cov brothers thiab sisters, cia muaj caij kuv li rov tuaj sau lus ntxiv. Nej kav tsij tuaj sau es kuv li los xauj tsam puav.

Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 12th 2014, 4:04 pm

kwv Tas Lauv, ua li ntawd ma. Peb ces tsi paub sau lus kom luag tej tuaj nyeem kho lawv siab ho tseem tab tom ua rau lawv boring xwb ma brother.

Tojxeem
Moderators
Moderators

Registration date : 2008-09-12

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Tojxeem on September 12th 2014, 4:34 pm

Ua plaub lub npe hu ua Xauv vaj puam.

Muaj 1 tug yawg npe hu ua Vaj puam.Tsis ntev tom qab ces yawg vaj puam txawm muab nws lub npe hloov hu ua Xauv vaj no lawm.Muaj 1 hnub yawg xauv vaj mus txog tom Hmoob zos ces muaj 1 tug Hmoob txawm hu tias koj tuaj los yawg xauv vaj puam.Yawg xauv vaj teb tias Xauv vaj tsis xauv vaj lam muab txiv tus laus hu ua Xauv vaj puam yog koj saib tsis taus txiv tus laus xwb.Yawg Xauv vaj tsis zoo siab thiaj li mus fooj rau lawv tus tswv zos tias yawg Hmoob ntawd saib tsis taus yawg Xauv vaj no ces yawg tswv zos thiaj li hu yawg Hmoob ntawd tuaj txog thiaj li nug tias yog vim li cas koj lam muab yawg Xauv vaj hu ua Xauv vaj puam?.Yawg thaub Hmoob ntawd thiaj teb tias kuv tsis yog saib tsis taus yawg Xauv vaj puam laiv.Kuv yeej paub tseeb tias yawg Xauv vaj puam lub npe hu ua Xauv vaj puam tiag kuv thiaj li hu li ntawd.Yawg tswv zos thiaj nug yawg Xauv vaj tias koj puas muaj lub npe hu Xauv vaj puam tiag maj?yawg xauv vaj teb tias kuv muaj 2 lub npe 1 hu ua yawg Vaj puam.2 hu ua Xauv vaj.Tus tswv zos txiav txim tias yog koj yeej muaj lub npe Xauv.lub npe vaj.lub npe puam ces leej twg hu koj ua yawg xauv no xwb los tau.Hu koj ua yawg vaj no lios tau.hu koj ua yawg puam no los yeej tau.Hu koj ua xauv vaj no los tau.Hu kiag ua Xauv vaj puam no los tau nawb.Ces rooj plaub los xaus rau lo lus no lawm.
Thiaj qhia tias ua neeg nyob txhob 1 sij hu dua 1lub npe tsam lwm tug tsis paub hu yus.

Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 12th 2014, 5:25 pm

Tojxeem, koj zaj dab neeg no lo kuj zoo kawg li thiab. Xauv Vaj Puam, lub npe Xauv Vaj Puam es pua muaj meaning ne?

Tojxeem
Moderators
Moderators

Registration date : 2008-09-12

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Tojxeem on September 12th 2014, 6:51 pm

TubHmoob.
Kuv tsis paub tias lub npe Xauv vaj puam.Xauv vaj.Vaj puam no puas yuav muaj meaning dab tsi li nawb.Luag tias Dab neeg no ces yog dab thiab tib neeg los xyov yog dag neeg li lawm.

Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 12th 2014, 7:15 pm

Haaa, Tojxeem kuv xav hai tias lub niag npe ntawd niag npe tsi zoo hus tej zaum tus niag neeg ntawd tsi tseem ceeb lawv thiaj li tis lub npe phem2 li ntawd rau pob! lub npe zoo li ntawd ma ntxim tus niag neeg yuav tsi zoo nraug kiag li os.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 13th 2014, 1:21 pm

Wow,,,hais lub npe yuam kev xwb twb tsis zoo siab thiab tiag yom. Tej zaum ntshe thaum tib neeg tseem hu lub npe qub yawg tau mus txhoj pob dab tsi lawm es thiaj tsis xav kom neeg hu ntag os hehe. Ua tsaug koj piav rau peb mloog thiab os tij Tub TojXeem.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 13th 2014, 9:39 pm

Leej Txiv Cog Zaub






Tau tsis ntev li ntawm 1 tiam neej tag los no xwb txawm muaj 2 txiv tub nyob ib lub tsev phem phem hauv lub zos Indiana, Mem Kuj Teb. Tus txiv neej cog zaub no nws tus poj niam tuag lub caij thaum yug nws tus tub lawm ces tsuas tshuav nkawd ob txiv tub nyob ua ntsuag lawm xwb.


Nkawd ob txiv tub nyob rau tom ib lub zos npaj nauj deb nroog (country) ces leej txiv tsuas niaj hnub cog zaub coj mus muag rau tom nroog xwb, nkawd ua lub neej txom nyem tsis tshua xws teb xws chaw. Tus txiv neej cog zaub no tus me tub muaj hnub nyoog 6 xyoo ces txawm tso mus kawm ntawv, tus me tub no yog ib tug me nyuam mloog lus thiab hlub nws txiv heev, leej txiv hais li cas nws yeej tsis kam dag los yog tawv dhau leej txiv hlo li.




Tus me tub no kawm ntawv tau zoo heev, nws raug qhuas los ntawm tsoom xib hwb hauv tsev kawm ntawv tias yog ib tug tub kawm ntawv tau zoo thiab mloog lus. Txhua txhua hnub leej tub lawb ntawv los txog tsev mas nws yeej mus nrog nws txiv cog zaub, tu vaj zaub thiab de zaub muag. Muaj ib hnub tus me tub no mus kawm ntawv rov los txog tsev, leej txiv ntsia nws tus tub lub ntsej muag cas txawv zog thiab zoo li nws chim chim, leej txiv thiaj nug nws tus me tub hais tias: "me tub yog vim li cas hnub no zoo li koj chim chim siab es yog muaj dab tsi tsis zoo rau koj, qhia rau koj txiv thiab mas lod?" Leej tub thiaj teb tias: "txiv, hnub no muaj 2 tug me nyuam nplua nuj uas nrog kuv kawm ntawv ua ke ntawd hais lus saib tsis taus kuv thiab koj es kuv thiaj chim siab xwb". Leej txiv nug ntxiv tias: "nkawv thuam koj li cas me tub?" Leej tub teb tias: "txiv, nkawv thuam kuv tias kuv yog ib tug me nyuam pluag kug vim muaj ib leeg txiv ruam niaj hnub cog zaub xwb tsis zoo li lawv niam lawv txiv thiab tseem nti qaub ncaug rau kuv ntsej muag thiab ces kuv thiaj chim siab heev, kuv xav tias yog nkawd tsis tseg mas lwm zaus kuv yuav ua kom nkawv zeem kiag thiab kom nkawv nco ntsoov mus tag tiam". Leej txiv hais luag ntxhi rau nws tus tub tias: "me tub, tej zaum kuv tub kawm tau ntawv zoo es luag tej khib xwb, ua lub siab loj thiab txhob chim rau lawv mog". Leej tub yog ib tug neeg mloog lus thiab nws respects nws txiv heev ces nws thiaj teb tias mam ua li nws txiv hais.



Lwm tag kis hnub tshiab, leej tub rov mus kawm ntawv dua rov los txog tsev, nws rov ua lub ntsej muag chim chim li qub, leej txiv thiaj rov nug tias vim li cas es zoo li nws tus tub thiaj rov chim chim thiab. Leej tub hnub nyoog 6 xyoo ntawd thiaj teb nws txiv yam tsis nco ntsia nws txiv lub ntsej muag tias: "kuv txiv, ntshe zaum no kuv yuav zam txim tsis tau rau nkawv lawm, kuv yuav ntaus kom nkawv zeem thiab nco ntsoov kuv mus tag nkawv tiam neej vim hnub no nkawv ob tug ntawd rov qab thuam kuv thiab kuv ib tug phooj ywg wb". Nws mam nco dheev tias cas zoo li nws rov hais li zaum tas los thiab ntshai nws txiv yuav ntsia ntsoov nws thiab ua lub ntsej muag chim rau nws heev ces nws thiaj tig kiag ntsej muag mus ntsia nws txiv lub ntsej muag no ua cas leej txiv tsis chim dab tsi thiab tseem ua ntsej muag luag ntxhi li qub. Nws thiaj hais rau nws txiv ntxiv tias: "txiv, thov koj zam txim pub rau kuv vim kuv chim siab heev ces thiaj hais tau yuam kev tias yuav mus ntaus lawv lawm ntshe kuv txiv koj yuav tsis nyiam kom kuv ua li ntawd". Leej txiv thiaj zaum txhos caug kom txij ib yam nws tus me tub thiab teb luag ntxhi rau nws tus tub tias: "me tub, txhob chim os, lawv hais li ntawd los puam chawj, twb yuav txog koj lub hnub yug lawm, txog hnub ntawd kuv mam yuav ib qho khoom plig zoo zoo nqa tuaj rau koj tom tsev kawm ntawv ua kev zoo siab rau kuv tub". Tus me tub zoo siab heev thaum hnov nws txiv hais li ntawd.


Txog hnub lub hnub yug ntawm nws tus me tub, nws thiaj yuav tau 2 qho khoom plig nqa mus rau nws tus tub tom tsev kawm ntawv. Nws tus tub pom nws nqa 2 lub boxes loj loj xws li ib lub yog xim dub hos ib lub yog xim dawb mus txog rau tom tsev kawm ntawv mas nws tus tub zoo siab heev li. Lub caij thaum lawv so noj sus, leej txiv thiaj muab 2 lub boxes ntawd rau nws tus tub ua kev zoo siab rau nws tus tub hlub hnub yug. Nyob rau ntawd kuj muaj cov me nyuam kawm ntawv thiab xib hwb coob coob nrog nkawd nyob ua ke ntawd thiab. Nws thiaj muab cev rau nws tus tub thiab hais tias: "me tub, koj txiv tsis yog ib leeg txiv muaj txiag nplua nuj li luag txiv, koj txiv tsuas yog ib tug neeg cog zaub muag hnub noj hnub xwb thiaj yuav tsis tau ib yam khoom zoo tuaj rau kuv tub ua kev zoo siab rau nws hnub yug, kuv thiaj yuav tau 2 lub boxes no rau koj xwb". Leej tub tias: "txiv a, koj twb tsis muaj nyiaj cas koj tsis yuav ib lub xwb yeej txaus lawm, cas ho yuav 2 lub diam?" Leej txiv teb tias: "yuav 2 lub thiaj li muaj khub". Thaum leej tub txais nkaus tau, nws thiaj maj nroos qhib kiag lub box xim dawb ua cas tsis muaj dab tsi li qhuav qhawv xwb. Leej tub nug tias: "txiv, ua cas tsis muaj dab tsi nyob hauv li tsis yog koj ua khoom xaub poob rau qhov twg lawm los cas?" Leej txiv teb luag ntxhi tias: "qhib lub xim dub xyuas thiab tso". Leej tub thiaj li qhib lub box dub los kuj puav leej qhuav qhawv tsis muaj dab tsi thiab. Nws thiaj hais rau leej txiv tias: "txiv a, ntshai yog koj tsis nco qab khi lub qab box kom ruaj lawm ces ntshe khoom thiaj tshau qab poob lawm ntag, cia wb mus nrhiav seb puas pom yom". Leej txiv teb tias: "me tub, kuv yeej txhob txwm yuav 2 lub boxes qhuav rau koj xwb vim kuv tsis muaj nyiaj, hais txog cov yuav coj los ntim rau hauv mas koj mam nrhiav coj los ntim". Leej tub yog ib tug me nyuam mloog lus thiab nws kuj to taub zoo ces nws lam txais ob lub boxes qhuav ntawd.


Ib chim tus tub lawb ntawv los txog tsev, nws thiaj nug nws txiv tias: "txiv, es kuv yuav nrhiav dab tsi coj los ntim rau hauv 2 lub box no?". Leej txiv teb tias: "me tub, txhua txhua hnub thaum twg yog koj muaj kev zoo siab txog yam dab tsi ces koj muab sau rau hauv ntawv coj los tso rau hauv lub box xim dawb, hos yog muaj kev chim siab dab tsi ces muab sau rau hauv ntawv coj los tso hauv lub box xim dub ces thaum twg puv wb mam qhib saib seb lub twg ntau dua". Tus tub thiaj teb nws leej txiv tias mam ua li.



Txij hnub ntawd los yog hnub twg nws tus tub muaj kev zoo siab heev los tus me tub yeej sau rau ib nploog ntawv coj los tso rau hauv lub box xim dawb, hos yog muaj kev chim siab los nws yeej muab sau coj los tso rau hauv lub box xim dub thiab ua li ntawd tas li. Hos leej txiv nyiag soj nws tus tub kev sau ntawv yam ntsiag to.


Muaj ib hnub thaum xeem ntawv tag, leej tub los txog tsev nws txawm ua lub ntsej muag chim heev thiab hais rau nws txiv tias: "txiv lau, zaum no mas ob niag me nyuam nplua nuj ntawd rov qab thuam kuv dua lawm thiab kuv chim heev li lawm, kuv xav tias kuv yuav uv tsis tau mus ntxiv lawm, kuv yuav rov mus muab nws ntaus kom nws nco ntsoov kuv mus tag tiam xwb xwb thiaj li tag lau, kuv paub tias kuv yuav uv dhau zaum no los ntshai lwm zaus yuav uv tsis dhau lawm". Leej txiv thiaj teb tias: "me tub, txhob chim siab ma, cia lawv thuam lawv mas rau qhov kuv yeej muag zaub thiab yeej txom nyem tiag thiab ne, kuv tub twb kawm tau ntawv zoo heev ces puam chawj, kav tsij mus txo hnab ntawv kuv ua zaub siav wb noj hmo tas tso hnub no wb yuav qhib koj 2 lub boxes. Leej tub kuj tawv tsis dhau nws txiv, nws thiaj teb tias ua li ntawd. Leej tub xav twj ywm hauv siab tias vim li cas nws txiv ho yuav kom nkawv qhib 2 lub boxes rau hnub no ned.


Noj mov tag ces leej txiv txawm kom leej tub mus nqa lub box xim dawb los xyuas, nws mus nqa kiag no ua cas hnyav ncawv nws thiaj qw tias: " txiv, cas nyuam qhuav tau 2-3 hlis no xwb zoo li twb ntim ntau kawg li lawm, hnyav ncawv lawm xwb tiag!". Leej txiv thiaj kom leej tub mus nqa lub box xim dub los qhib saib seb zoo li cas thiab, leej tub thiaj mus nqa lub xim dub no ua ciav lub xim dub tseem ntim ntau tshaj lub xim dawb lawm ces lub box tsis haj, lub box tshau qab thiaj ua rau cov ntawv xaub poob tag lawm, leej tub thiaj hais rau nws txiv tias: "txiv, cas zoo li lub xim dub tseem ntim ntau tshaj lub xim dawb thiab, tab sis hnyav heev ces nws xaub poob tag lawm, cia kuv mam khaws rov qab ntim rau hauv tso". Leej txiv thiaj teb tias: "me tub, yog nws xaub poob tag lawm ces puam chawj tsis tha mus khaws coj los ntim ntxiv lawm vim rau qhov koj tsuas sau koj li kev chim siab tso rau xwb ned puas yog. Nws tshau qab poob tag lawm ces rais ua ntawv khib nyiab lawm xwb thiab muab yawm coj mus pov rau thawv khib nyiab lawm xwb. Tseg lub box xim dawb xwb vim thiaj yog lub box muaj kev zoo siab uas koj sau cia". Leej tub nug tias: "txiv, yog li ntawd tsis mus khaws lawm tiag tiag lod?" Leej txiv teb tias: "yuav khaws tseg ua dab tsi qhov tseeb tiag koj tsis tsim nyog khaws tej kev phem no tseg hauv koj lub siab ntev los lawm, cia li muab tso pov tseg tig khaws qhov zoo zoo tseg xwb. Piv li 2 tug me nyuam nplua ntuj ntawd thuam koj mas koj tsis tsim nyog muab nkawd tej lus phem ntawd khaws cia rau hauv siab, ua ntsej lag muag dig txhob khaws lo ua kev chim xwb ces koj yeej yuav tsis chim thiab tsis muaj dab tsi ntxhov siab li". Thaum hais li no tag, nws tus tub thiaj to taub meej tias 2 lub boxes nws txiv yuav rau nws no tseem muaj nuj nqi dua li txhua yam. Txij thaum ntawd los nws mus kawm ntawv luag tej thuam nws los nws tsis chim thiab tsis khaws rau hauv siab, nws thiaj rais ua ib tug neeg muaj kev kaj siab thiab txaus siab heev rau nws tus kheej, thaum kawg cov me nyuam nplua nuj ntawd thiaj rais los ua nws cov phooj ywg lawm. Tom qab no tus me nyuam no nws thiaj rais los ua ib tug tswv nroog (governor) hauv teb chaws Mekas.


*****************

Zaj dab neeg no qhia kom tib neeg txhob khaws tej yam phem los rau hauv yus lub siab, tej yam tsis zoo kom txhob nco thiab txhob khaws, yus thiaj muaj kev kaj siab. Tus tib neeg zoo nws tuaj yeem ua rau tej yeeb ncuab rais los ua nws phooj ywg los yog tub teg tub taw, tuaj yeem ua rau tsoom neeg feem coob lees txais thiab qhuas txog tias nws yog ib tug zoo neeg. Thiaj raws nraim li Hmoob tej laus niaj txhis piv lus tseg tiag: "ua siab loj siab dav thiaj tau ua vaj txoov kav" no tiag. Very Happy Very Happy Very Happy Very Happy
Note: muaj qee zaj dab neeg thiaj raug yus siab tab sis qee zaj tsis raug raws yus siab nyiam los txhob xav li cas.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 14th 2014, 4:28 am

Sau mus sau los cas zoo li tsis yog short story lawm ne lawd? It's too long!!! Very Happy Very Happy Very Happy Very Happy

Davdub
member
member

Registration date : 2009-12-19

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Davdub on September 14th 2014, 5:36 pm

Zoo kawg nkau lawm os Kwv Tas Lauv. Hai txog History ma yeej yuav ntev xwb xwb thiaj li nyeem ntev loos kom nws paub meeeej kiag hov.

Nraug Cuam
member
member

Registration date : 2011-09-25

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Nraug Cuam on September 15th 2014, 8:52 pm

Nyob zoo bro Davdub & Tas Lauv Vwm,

Bro Tas Lauv Vwm, koj cov kwv huam no hais tau zoo thiab muaj qas ncaws kawg, qee tsam kuj txaus luag thiab lom zem kawg, koj zaj Dab Neeg Yawg Nkaj Tswb hauv hais tau txaus luag thiab muaj ntsiab lug kawg, ua li koj sau xwb los yog koj nyeem qhov twg los? hehehehe ua tsaug koj nqa tuaj pub 3 nyeem os bro.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 16th 2014, 1:20 am

Ua tsaug os bro Nraug Cuam. Zaj dab neeg ntawd yog kuv nyeem hauv ib phau Magazine thaum kuv tseem nyob tim ko os bro. Thaum kuv nyob tim ko kuv ຈອງ phau Update Magazine.

Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 18th 2014, 6:59 pm

Zoo kawg ma kwv Taslauv, tej ntawv dab neeg lawv sau tseg ntawd ma peb twb tsi tau mus tshawb lo nyeem ib zaug li os. Tos kuv tsi paub ntawv zoo lo niaj hnub sau ntawv Latin Txiv plig xwb ces tsi nyeem ntawv English li thiab ces thiaj li sau lus tsi raug grammar kiag li thiab tiag. Lam tuaj nyob rau lubteb chaws muaj opportunity xwb lo kuv yeej tsi muaj opportunity li thiab tiag. qhov tseeb yog yus yeej tsi kawm yus xwb ces tsi tus siab rau leej twg, yus rov tus siab rau yus tus kheej xwb os.

Vim mus khwv noj lawm ces tsi muaj caij nyoog lo kawm lawm. Txij li muaj nuj muaj nqi ntau tuaj lawm ces ntawv kawm tsi tau lawm os. Kuv hai kuv tus kheej xwb ces nyaj yuav tsi hurt luag lwm tus os bro. Haaaa

Dej Cawm Siav

Registration date : 2014-08-29

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Dej Cawm Siav on October 8th 2014, 11:45 pm

Bro Tas Lauv Vwm, koj cov dab neeg sauv zoo kawg li os bro, muaj qee txoj kuj txaus luag & lom zem kawg.

Tubzoonraug

Registration date : 2009-12-15

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Tubzoonraug on October 11th 2014, 9:12 pm

Yog lawm os 2 tug kwv, cov dab neeg nov ma luag yeej sau cia ntau heev nyob rau hauv cov book tag tiam si peb ces tub kheeg tsi mus dhiav lo nyeem xwb Hmoob ma nyiam qhov make up their own story xwb nws tsi mus muab luag cov ua luag yeej sau tau tseg lawm lo nyeem rau sawv daws.




Sponsored content

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Sponsored content Today at 4:32 am

  • Reply to topic

Current date/time is December 7th 2016, 4:32 am