• Reply to topic

Qee Zaj Lus Nyeem Txhawb Lub Zog thiab Txhawb Txoj Kev Xav

Share

Thov Khawv

Registration date : 2014-05-20

Character Sheet
 :

Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 5th 2014, 7:02 am

Ib tsoom phooj ywg uas nyiam tsham hauv lub ntuj internet, caw nej los sau nej tej tswv yim, experience los yog tej zaj lus dab tsi nej paub tso rau ntawm no rau peb suav daws tau sib xyaum sib kawm nawb. Hauv qab no kuv yuav sau ib zaj lus me me uas kuv nyeem los rau nej mloog, kuv ntseeg tias nej yeej hnov lawm tab sis faj seeb tsam ib txhia kuj tsis tau hnov thiab. Piav tau tsis zoo los lam mloog nawb lawd. Very Happy Very Happy



Tus Zag & Nws Tus Tswv

Muaj ib hnub, txawm muaj ib tug tub lag luam nws coj nws tus zag (donkey) mus ua luam. Nkawd txawm mus txog ntawm ib lub zos ces nkawv tsis ua zoo saib, tus zag txawm cia li poob mus rau hauv ib lub qhov tshij tob txij ru tsev ces tus zag txawm tawm tsis tau los li lawm. Tus tswv xav zoj yog nws yuav siv peev muab niag zag no tawm los mas ntshe yuav tas peev ntau thiab tsis koob qhaj (worthless) ces nws txawm tsis quav ntsej muab niag zag no tawm los, nws txawm cia li kav liam thiab khiav mus lawm. Tus zag ua li cas los nws tawm tsis tau los li, nws niaj hnub quaj qw hauv lub qhov tshij los tsis muaj neeg pab muab nws los li ntag. Lub niag qhov tsij no mas pheej muaj neeg niaj hnub nqa khib nyiab tuaj pov rau hauv xwb, tabsis cov neeg ntawd los yeej tsis quav ntsej yuav pab muab niag zag no tawm los li. Niag zag niaj hnub quaj qw yam npau taws kawg nkaus ncig mus mus los los hauv lub qhov. Kuj muaj hmoo me me uas cov neeg nyob ib cheeb tsam ntawd pheej nqa khib nyiab tuaj pov rau qhauv ces niag zag kuj lias xawb tau tej khoom seem ntawd noj tuav siav hnub dhau hnub. Nws ua cas los tawm tsis tau los li lawm ces nws thiaj los zaum xav. Nws thiaj xav tau lub tswv yim tias cia nws maj mam teem cov khib nyiab uas tib neeg pheej sij tuaj pov ntawd ib hnub zuj zus kom txog thaum puv mas nws thiaj tawm tau los. Yog li ntawd thaum twg tib neeg nqa khib nyiab tuaj pov ces nws thiaj maj mam pib sau teem tseg tuaj mus ib hnub zuj zus thiab lam noj cov khib nyiab seem ntawd tuav txoj sia. Nws ua li ntawd tau ntev loo diam ces zoo li lub qhov tshij thiaj maj mam ntiav tshoom zuj zus tuaj. Pheej ua li ntawd mus li ces muaj ib hnub tos nws nco no ua cas lub qhov twb yuav puv lawm, nws thiaj tib phlaws tawm tau dim mus nyob yam nyab xeeb lug ywj siab ywj ntsws tsis tau raug thauj nws tus tswv lub nra li yav tag los lawm thiab dim txoj sia.

Zaj lus no qhia khom peb ua neeg nyob thaum yus ntsib teeb meem lawm yus yuav tau txhob ua siab kub kub, maj mam ua tib zoo zaum xav nrhiav lub tswv yim nrhiav txoj hau kev tawm. Thaum yus ntsib kev txom nyem los sis yug los tau lub neej txom nyem los txhob chim thiab npau taws rau tej laus, maj mam zaum xav nrhiav txoj hau kev tawm thiab ua siab ntev zoo tib yam nkaus tus zag no.

nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 5th 2014, 12:58 pm

Oh.. Koj qhia koj tcoj dab neeg mas muaj nuj nqis tshaj plaws li os tijlaug Taslauv a. Kuv yuav copy mus khaws tseg lawm ov.

Taslauv, koj qhia kuv seb yog lub qhov tshij ntawv tsis muaj neeg pov khwb niab ne nws yuav ua li cas thiaj tawm tau no ma?




Davdub
member
member

Registration date : 2009-12-19

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Davdub on September 5th 2014, 3:42 pm

NkaujHnub thiab kwv Tas Lauv

Kwv Tas Lauv, tus neeg zag ntawd kuj muaj lub zoo tswv 8 kawg nkau lawm ntag. Yog li ntawd muab translate lo rau neeg lub neej nev yuav piv mus zoo li ca? thiaj li yuav ua tau li tus Neeg Zag ntawd.

Ntawm kuv tus kheej ma kuj tsi paub hai tias kuv pua txhai raug lo tsi raug kuv lam piav li kuv xav xwb. Yog yus ua ib tug tib neeg lawm txawm phem thiab zoo lo yus tsi txhob lam mus (depend) tos lwm tus tes, ib qhov ob qhov lo yuav tos luag tej xwb ma yus thiaj li ua tau, yog li zam khwv huam nov qhia tau hai tias, txawm yuav nyuab baum li ca lo maj mam uv mus kom txog rau hnub yus tau zoo. Kuv lam muab piav kom ze me ntsi rau ntawm tus neeg zag nov xwb nws yuav tsi raug li siab xav.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 5th 2014, 6:48 pm

Tus Neeg Thov Khawv


Muaj ib tug neeg thov khawv txom txom nyem mas nws niaj hnub mus thov khawv. Nws nyiam thov tej khoom noj xws li nplej thiab txhuv. Thaum nws thov tau los mas nws muab coj los ceev tseg hauv ib lub me nyuam txhab quav nyab npleg. Nws niaj hnub mus thov khawv los khaws tseg li ntawd txhua txhua hnub tau ntau lub niaj lub xyoo tab sis nws tsis nkag siab tias vim li cas nws lub me nyuam txhab rau cov nplej ntawd tsuas muaj me ntsis qoob hauv xwb. Ua rau nws tsis to taub thiab xav paub txog qhov teeb meem (cause) kawg li.
Muaj ib hmos nws thiaj nyiag ntsia ntawm ib ces kaum tsev mus saib lub me nyuam txhab, nws thiaj pom ib tug nas tsuag (mouse) loj loj tuaj noj nws cov nplej mas nws chim siab heev. Nws thiaj qw rau niag nas hais tias: "cov neeg muaj txiag nplua nuj coob li coob tom tej es ua cas koj tus nyuag nas ko ho tsis mus noj, tseem ho los noj kuv cov nplej uas kuv niaj hnub mus thov khawv los tum ceev tseg yam nyuab kawg nkaus no thiab?" Tus nas txawm teb tias "koj txoj hmoo tsuas yog muaj nplej li ntawm 8 feem xwb, tab yog koj yuav mus thov khawv nqa thoob ntiaj teb no los yeej tsis puv". Niag tov khawv thiaj nug tias "vim li cas thiaj zoo li ntawd?". Tus nas thiaj teb tias "kuv tsis paub thiab nawb, yuav kom paub mas koj mus nug Yawm Saub". Niag thov khawv thiaj txiv txim siab yuav mus nug yawm saub txog ntawm qhov hej phoom (reason) vim li cas nws txoj hmoo thiaj zoo li ntawd.
Yawg thiaj tau sawv kev mus tau ntau hnub thiab thov khawv taug kev mus deb kawg nkaus li. Muaj ib hmos niag thov khawv thiaj maub maub mus txog ib yawg nplua nuj tsev, nws thiaj txiav txim siab mus khob qhov rooj. Tus tswv tsev nplua nuj no nws thiaj los qhib qhov rooj thiab nug tias muaj teeb meem dab tsi. Niag thov khawv thiaj teb tias thov ib qho mov me me noj vim tshaib plab heev. Nws thiaj nug tias twb tsaus ntuj nti li no lawm xwb koj tseem yuav mus twg, tus thov khawv thiaj tham tag txhua yam rau tus nplua nuj mloog. Nws qhia tias nws yuav mus nug Yawm Saub txog qhov teeb meem nws piav tas ntawd ces thaum tus tub nplua nuj hnov li no tag, nws thiaj caw niag thov khawv mus hauv nws tsev, tus neeg nplua nuj no nws thiaj muab tau ib co zaub mov thiab ib co nyiaj ntau tsawv rau niag thov khawv. Tus thov khawv thiaj nug tias: "vim li cas koj ho muab nyiaj thiab khoom noj rau kuv ntau ua luaj?" tus neeg nplua nuj thiaj teb hais tias tos nws ua li ntawd los vim nws muaj ib tug ntxhais twb muaj 16 xyoo lawm los pheej tsis paub hais lus li, yog li ntawd thov khawv mus no ces thov faj lo lus no rau niag thov khawv kom pab mus nug Yawm Saub coj los qhia rau nws thiab. Tus thov khawv ua tsis tau tes li cas nws thiaj lees tias nws mam pab nug rau tus nplua nuj thiab. Tus nplua nuj txawm cog lus tias txawm yog leej twg los xij yog ua tau nws tus ntxhais hais tau lus mas nws yuav muab nws tus ntxhais pub rau yuav ua poj niam.
Niag thov khawv no nws thiaj mus ntxiv mus thiab mus dhau lub roob tas lub roob tuaj los tsis txawj txog li thiab thaum kawg thiaj mus txog ib lub vav hauj sam, nws thiaj nkag mus thov dej haus ces thiaj mus pom ib tug hauj sam laus laus nrig ib tug pas tab sis ua zoo saib kuj tseem khov kho thiab. Tus hauj sam laus thiaj tau muab dej rau niag thov khawv haus thiab kom nws so me ntsis tso mam mus. Tus hauj sam laus thiaj nug tias ua li niag thov khawv yuav mus lawm qhov twg, niag thov khawv thiaj piav qhia txhua yam rau niag hauj sam laus no mloog tas ces tus hauj sam laus no thiaj hais rau niag thov khawv tias yog koj mus nug Yawm Saub no thov pab mus nug Yawm Saub pub rau kuv thiab nawb, koj pab nug tias vim li cas kuv twb ua hauj sam xyaum txoj kev zoo los tau 500 tawm xyoo lawm, raws li kev cai teev tseg mas kuv tau nce mus nyob saum Ceeb Tsheej lawm tab sis ua cas tseem mus tsis tau tau thiab es seb yog tim li cas no nawb, ces tus thov khawv thiaj lees tias mam pab nug rau thiab.
Tus thov khawv thiaj mus ntxiv thiab, mus mus ncej toj nqis taug thiaj mus poob rau ib tug niam dej loj, nws hla mus tsis tau sab tiv mas nws ntxhov siab kawg tsis paub yuav ua cas ces nws txawm quaj quaj thiab hais tias: "kuv yeej tiam ntawv los zoo li no xwb los cas lau". Tam sim ntawd thiaj muaj ib tug vaub kib laus laus txawj hais lus li tib neeg thiaj tau nug tus thov khawv tias vim li cas nws thiaj pheej quaj li ntawd ua dab tsi. Niag thov khawv thiaj piav rau niag vaub kib laus ntawd mloog tas, niag vaub kib laus thiaj hais tias yog li ko mas kuv twb nkag los nyob hauv tus niam dej no tau li ntawm 1000 tawm xyoo lawm, raws li kev cai mas kuv yauv tsum hloov tau ua zaj thiab ya mus nyob saum huab tais ceeb tsheej tau lawm na, tab sis cas twb laus npaum no los pheej tseem tsis tau ya taus mus li thiab, yog li ntawd yog koj mus nug Yawm Saub no ces thov koj pab nug qhov teeb meem no rau kuv thiab nawb tso kuv mam li phab thauj koj mus kom dhau dej. Tus thov khawv lees yam zoo siab heev hais tias nws mam pab mus nug Yawm Saub pub rau niag vaub kib laus thiab. Niag thov khawv thiaj caij niag vaub kib hla dhau dej ces ho mus ntxiv, nws mus tau ntau hnub ntau hmo deb kawg nkaus li lawm los ua cas tsis pom Yawm Saub nyob qhov twg li lauj, ua rau nws tu siab thiab qaug zog kawg nkaus yam tsis pom qab yuav ua li cas li lawm. Tam sim ntawv Yawm Saub thiaj tawm plaws pub rau niag thov khawv pom, niag thov khawv zoo siab heev. Yawm Saub thiaj hais tias: "ua li koj tuaj deb tag npaum li no mas ntxim koj yuav muaj lus tseem ceeb heev yuav nug kuv lau yom". Thov khawv thiaj teb tias: "nyuag yaus muaj ntau lo lus xav nug koj tus ua yawm saub kom koj pab ab thib npais (explain) rau nyuag yaus thiab lau". Yawm saub teb tias: " tau kawg los maj tab sis koj tsuas nug tau 3 nqe xwb (questions) rau qhov ib txwm tsis tau muaj leej twg nug ntau tshaj 3 nqe. Thov khawv thiaj teb tias ua li ntawd los tau. Nws xav hauv siab tias xyov nws yuav nug lo lus nug twg thiaj li tseem ceeb vim rau qhov Yawm Saub tsuas pub nug 3 nqe xwb tab sis cov lus nws yuav nug ho muaj 4 nqe rau nws nqe lawm. Nws thiaj xav twj ywm hauv siab tias zoo li nws tus kheej nqe lus xav nug tsis tshua tseem ceeb npaum lawv cov sub, nws xav hauv nws siab li no: niag vaub kib laus ntawd nws kam los xyaum txoj kev zoo (ຝຶກງານ) nyob hauv niag niam dej ntawd tau li ntawm 1000 xyoo diam mas tsis yog yooj yim kiag li, nqe no mas ntxim yuav tau nug ua ntej ua nqe thib 1. Hos ntawm niag hauj sam laus los nws twb los xyaum txoj kev zoo tau 500 xyoo lawm ntxim yuav tsum tau nug nqe no pub rau niag hauj sam laus ua nqe thib 2. Hos ntawm tus neeg nplua nuj los cas nws tus ntxhais twb muaj 16 xyoo lawm ho tsis paub hais lus li thiab mas li cas los yuav tau nug ua nqe thib 3 hos ntawm kuv li ces puam chawj lau zoo li tsis tshua tseem ceeb. Niag thov khawv thiaj nug nqe thib 1 sauv ces Yawm Saub thiaj teb hais tias: "vaub kib tsis kam muab nws lub plhaub hle pov tseg ne vim saum nws lub plhaub mas muaj 24 ntsiav pov haum zoo thiab muaj nqis heev, yog tias nws kam muab hle pov tseg mas nws yeej hloov tau ua zaj laug ya mus nrog kuv nyob saum ntuj ntev lawm lawm". Nqe thib 2 Yawm Saub teb tias: "tus hauj sam laus no nws nrig tus pas hwj huaj no txhua hnub txhuam hmo tsis kam muab pov tseg ne, hauv nws lub siab puv npo rau tej hwj huaj, nws tus pas nrig hwj huaj no mas yog nws muab theev 1 zaug hauv av ces qhov av ntawv yuav rais ua ib tug dej txhawv ntshiab si ces nws thiaj tsis kam muab pov tseg yog tias nws kam muab tus pas nrig hwj huaj no pov tseg ces nws twb tau nces los nrog kuv nyob saum ceeb tsheej lawm". Hos hais txog ntawm nqe lus nug thib 3 ces Yawm Saub teb tias: "tus mi ntxhais ntawd mas nws tseem tsis tau ntsib tus neeg nws nyiam xwb, yog ntsib tus neeg nws nyiam thiab nws hlub ces nws fim yuav hais tau lus". Tam sim ntawd kiag xwb Yawm Saub txawm siv yaj ntshis pawv kiag lawm.
Thov khawv xav tias nws lo lus nug nyaj yuav tsis muaj dab tsi tseem ceeb ces rov mus thov khawv zoo li qub dua xwb tso tsum lau ces nws maj nroos tig rov qab. Nws thiaj los txog rau ntawm tus dej ces niag vaub kib laus ntawd nws twb suav caij nyoog ntxim thov khawv yuav los txog hnub ntawd rau ntawm ntug dej lawm ces nws twb tuaj nyob ntawd tos thov khawv lawm. Nws thiaj nug thov khawv tias: "ua li koj mus nug yawm saub ne nws hais li cas xwb?" Thov khawv thiaj teb tias: "koj thauj kuv hla dej mus kom dhau sab tiv tso kuv mam piav rau koj mloog" ces vaub kib laus thiaj thauj thov khawv mus txog sab ntug dej tim ub ces nws thiaj piav rau niag vaub kib laus mloog tas tej Yawm Saub qhia ces tam sim ntawv niag vaub kis laus thiaj ras dheev thiab to taub txog ces nws thiaj hle hlo nws lub plhaub vaub kib pub rau niag thov khawv thiab hais rau thov khawv tias: "kuv lub plhaub vaub kib no mas nws muaj 24 ntsiav pov haum (24 ntsiav diamonds) zoo nkauj thiab muaj nqi heev, kuv muab pub rau koj, hais txog ntawm kuv mas ziag no nws tsis muaj nuj nqis rau kuv lawm ces niag vaub kib txawm ob nchos cev ua kiag ib tug txiv nraug zaj ya yaj ntshis rau saum ntuj lawm".
Niag thov khawv thiaj nqa 24 ntsiav pov haum muaj nqi ntawd nrog nws maj nroos los tsev lau ces nws txawm los txog ntawm niag hauj sam laus lub Vav (temple), niag hauj sam laus thiaj nug tias koj mus Yawm Saub hais li cas xwb? Niag thov khawv thiaj piav rau hauj sam laus mloog tas mas hauj sam laus zoo siab heev nws thiaj li muab tus pas nrig hwj huaj ntawd pub rau niag thov khawv thiab, tam sim ntawd niag hauj sam laus cia li ya tau dua puag qaum ntuj ploj ntshis lawm.
Niag thov khawv thiaj los txog rau ntawm tus neeg nplua nuj tsev ua ciav tam sim ntawv tus nplua nuj tus ntxhais 16 xyoo cia li khiav khiav tuaj thiab qw hais lus nrov nrov tias: "aub tus neeg uas mus nug Yawm Saub twb los lawm" Tus nplua nuj hnov nws thiaj khiav khiav tawm tuaj, tus nplua nuj mas poob siab nthav thiab zoo siab heev uas nws tus ntxhais hais tau lus lawm. Niag thov khawv thiaj piav tej lus Yawm Saub qhia rau nws ntawd rau niag nplua nuj tag ces niag nplua nuj yim huab zoo siab heev thiaj li muab nws tus ntxhais 16 xyoo ntawd txis rau Thov Khawv yuav ua poj niam ces thov khawv lub neej cia li zoo thiab tau txhua yam los ua nws tug lawm, Thov Khawv thiaj mam to taub tias nws twb nug nws nqe tib si lawm.
Zaj dab neeg no qhia hais tias:
* Txoj kev hlub kev pab uas koj muab tawm mus, muaj ib hnub nws yeej yuav rov los ntawm koj.
*Txoj kev sov siab koj ua pub rau luag lwm tus, muaj ib hnub nws yuav rov los ntawm koj zoo tshaj qub.
*Pab nrog lwm tus xav, pab lwm tus daws teeb meem, muaj ib hnub koj txoj kev zoo ntawd yuav rov los ntawm koj thiab cawm koj.
Faib txoj kev zoo siab rau lwm tus ces luag zoo siab, yus yuag nrog luag zoo siab tib yam.
(Txhais los ntawm ib zaj dab neeg Thaib)






Last edited by *Tas Lauv Vwm on September 5th 2014, 7:22 pm; edited 2 times in total

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 5th 2014, 7:05 pm

nkaujhnubqub wrote:Oh.. Koj qhia koj tcoj dab neeg mas muaj nuj nqis tshaj plaws li os tijlaug Taslauv a. Kuv yuav copy mus khaws tseg lawm ov.

Taslauv, koj qhia kuv seb yog lub qhov tshij ntawv tsis muaj neeg pov khwb niab ne nws yuav ua li cas thiaj tawm tau no ma?
Tus muam nkaujhnubqub, ua tsaug ntau koj pab nyiam thiab os. Hais txog ntawm koj nqe lus nug ko mas kuv xav tias yog tsis muaj khib nyiab mas tus zag ntawd yeej yuav kawg tawm tsis tau los ces kawg tuag tshaib xwb xwb li. Tab sis vim li cas thiaj muaj qhib nyiab? Muab piv zias rau tib neeg ces txhais tau tias peb ua neeg nyob yeej yuav tsum muaj hau kev tawm xwb xwb li, lus Mekas lawv hais tias: "nothing impossible". Very Happy

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 5th 2014, 7:08 pm

Davdub wrote:NkaujHnub thiab kwv Tas Lauv

Kwv Tas Lauv, tus neeg zag ntawd kuj muaj lub zoo tswv 8 kawg nkau lawm ntag. Yog li ntawd muab translate lo rau neeg lub neej nev yuav piv mus zoo li ca? thiaj li yuav ua tau li tus Neeg Zag ntawd.

Ntawm kuv tus kheej ma kuj tsi paub hai tias kuv pua txhai raug lo tsi raug kuv lam piav li kuv xav xwb. Yog yus ua ib tug tib neeg lawm txawm phem thiab zoo lo yus tsi txhob lam mus (depend) tos lwm tus tes, ib qhov ob qhov lo yuav tos luag tej xwb ma yus thiaj li ua tau, yog li zam khwv huam nov qhia tau hai tias, txawm yuav nyuab baum li ca lo maj mam uv mus kom txog rau hnub yus tau zoo. Kuv lam muab piav kom ze me ntsi rau ntawm tus neeg zag nov xwb nws yuav tsi raug li siab xav.
Tij Davdub, piav li koj hais ko los puav leej yog tib si os. Yeej yog li ntawm koj hais ko thiab nws tshab txhais mus tau ntau fab zoo. Ua tsaug koj tseem ntxiv rau kom muaj kuab dua thiab os. Very Happy Very Happy

Tojxeem
Moderators
Moderators

Registration date : 2008-09-12

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Tojxeem on September 5th 2014, 9:10 pm

Me kwv tas lauv koj mas txawj tham dab neeg kawg kuv tuaj nyeem koj 2 zaj dab neeg no tag zoo li tsis tau hnov dua leej twg hais li sub.Kuv hais rau koj ua kwv paub tias kuv yuav coj mus hais rau tom xob laim xov tooj cua rau lawv mloog lawm nawb.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 5th 2014, 10:26 pm

Ua tsaug ntau os tij TojXeem. Kav tsij nqa mus os, zoo siab uas koj ua tij tseem nyiam thiab os.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 6th 2014, 1:26 am

Kuv sau sib txuas zus mus ces nej mam scroll up/dowm nyeem cov uas nej tsis tau nyeem saum toj.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 6th 2014, 1:44 am

Hma thiab Tus Zag


Muaj ib tug hma thiab ib tug nees zag nkawv ua phooj ywg zoo ua ke. Nkawv tau cog lus lawm tias yuav ua phooj ywg koom siav mus kom txog hnub kawg. Muaj ib hnub niag hma txawm mus nrhiav noj txog tom plawv zoov, nws txawm mus ntsib ib tug Tsov Ntxhuav ces nws txawm ntshai tsam niag tsov ntxhuav no muab nws ua kua txob. Nws ntshai dhau lawm ces nws txawm maj zeeg hais rau niag tsov ntxhuav tias: "kuv pom ib tug nees zag mas loj thiab rog kawg, yog koj nyiam noj thiab no kuv mam li mus ntxhias nws tuaj rau koj tom". Tam sim ntawd niag Hma txawm cia li dhia ceev ceev khiav lawm, niag tsov ntxhuav los nws kuj tsis caum qab vim nws tso siab tias ib pliag yog tsis pom tuaj mas nws mam mus soj taug qab ces yeej kawg tom tau xwb xwb li. Tib pliag ntshis xwb hma txawm siv mus ntxias tau niag nees zag tuaj, qhov niag nees zag kam tuaj mas vim nkawd yog phooj ywg zoo thiab twb tau cog lus li hais sauv lawm. Tam sim ntawd niag tsov cia li xub tib plhaws mus muab niag hma tom ua ntej thiab nws hais tias: "cia kuv muab niag hma no tom ua tshais, ho niag nees zag mam tom ua lwm pluas thiaj kav ntev". Nws thiaj muab nkawv tom tuag tas huv si.
*Zaj dab neeg no qhia tias:
Tsis yog yus kwv tij phooj ywg tiag tiag, yog tus sab nrauv mas txhob xum mus ntseeg, thaum kawg yus yuav yog tus xub mag thiab 2 leeg puav leej puas tsuaj tas nrho.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 6th 2014, 3:12 am

Caw Phooj Ywg Mus Noj Mov

Muaj ob tug dev (aub) nkawv ua phooj ywg zoo zoo kawg li. Tab sis ob tug dev no mas ib tug nws tus tswv txom txom nyem ces lawv muab hu ua Dev Txom Nyem, hos lwm tus dev mas nws tus tswv muaj txiag nplua nuj ua neej muaj, ces thiaj muab tus dev ntawd tis npe tias Dev Muaj.
Muaj ib hnub tus dev muaj txawm tuaj mus saib nws tus phooj ywg dev pluag thiab nkawv sib tham ib hnub yuav tsaus ntuj, tus dev muaj txawm hais rau tus dev pluag tias: "leej npawg, yuav tsaus ntuj lawm thiab ces koj mam nyob, kuv yuav tau mus tsev lawm nawb, tsis tag li ntawd qhia rau koj paub tias lub av thiv tom ntej no kuv tus tswv yuav noj nws tus ntxhais tshoob, yog li ntawd kuv caw koj tuaj xyuas kuv lub as thiv tom ntej no hnub Vas Xaum (Saturday) nawb, yog koj tuaj ces kuv nyob ntawm rooj vag ncauj kev uas kuv tus tswv txais tos cov qhua ntawd txais tos koj. Kuv ntseeg tias koj tuaj xyuas kuv mas koj yeej yuav tsau plab thiab tau tej yam khoom qab qab nqa los tsev xwb xwb li, thiab koj yuav tsum tuaj tiag tiag nawb". Tus Dev Pluag thiaj teb lees tias nws mam tuaj rau hnub ntawd. Hais li ntawd tag ces tus dev muaj txawm mus lawm.
Txog rau hnub Vas Xaum (Saturday) li teem tseg ces tus dev pluag thiaj mus lau. Tab sis thaum nws mus txog ntawm tus dev muaj tus tswv lub tsev, nws hnov pa nqaij tsw qab heev ces nws tsis tias tuaj tom ncauj rooj vag muam kaum tsev uas nws tus npawg nyob tov tos nws ntawd tuaj hos nws txawm cia li lug kiag rau nram qab tsib taug, nkag kiag ncaj qha los rau ntawm lub tsev ua mov noj mas pom nqaij ntau heev ncho lug tsw qab ntxiag xwb, tshaib nws plab heev ces nws txawm xam ntsia ntsoov cov nqaij mus mus los los zoo li lub siab tsis hwm kiag. Tam sim ntawd muaj ib tug txiv neej ua zaub ua mov (chef) nyob ntawv txawm xav tias ntshe niag dev no yog lwm tus dev tuaj sab nrauv tuaj nyiag khoom noj hauv tsev xwb ntag no vim tus tswv tsev tus dev mas nws tsim txiaj heev tsis lam los zov khoom noj nrog neeg sib nphoo ntxuas li no thiab tsis tag li ntawd los tus dev muaj no nws tus tswv los hlub nws thiab pub nws zoo heev ces twb kom neeg nqa nqaij thiab pob txha ntau li ntau mus tso rau tom tus dev muaj qhov chaw nyob lawm mas yeej tsis yog tus tswv tsev ntawd tus dev ib zaug li, ces niag txiv neej ua zaub mov noj ntawd thiaj tsawv nkaus niag dev pluag nqa pov rhees ntsawm nrov hej rau sab ntsa laj kaj sab nrauv ua rau raug niag dev pluag ib ce mob tob tas tas li. Muaj ib co dev zej zog tuaj nyob sab nrauv pom mas lawv luag zom zaws thuam niag dev pluag tias: "ua cas xwb, mus xyuas phooj ywg tsau plab kawg li yom". Niag dev pluag txaj txaj muag thiab cia li teb dag rau cov niag dev zej zog ntawd tias: "twb yog kuv qaug cawv nag hmo dau lawm, kuv thiaj mus tsis ncaj kev raws li kuv tus phooj ywg tau qhia kuv hnub i ntawd ces kuv thiaj mag ntsawm me me xwb".
Txoj dab neeg no qhia tias:


Phooj ywg tiag tiag mas yeej yuav tuaj pem ncauj ke muam kaum tsev tuaj xwb, yog tuaj lwm qhov tuaj ces txhais tau tias tsis yog phooj ywg, yog tub sab los yog neeg phem xwb.

Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 6th 2014, 6:01 am

Kwv Tas Lauv, koj 2 zam lus druag( Dab neeg or dag neeg) nov zoo kawg thiab nws muaj meaningful.

Muab txhai zaj Hma thiab tus zag, ib yam li cov Hmoob hav zoov ua phooj ywg nrog rau cov tub hmoob soldiers nyob hauv roog, tus nyob hauv nroog ma ua zaj ua ntxeev ntxia kom tau tus Hmoob hav zoov lo rau cov nom tswv nte thiab muab tua pov tseg ces tus neeg nyob hauv nroog yuav tau ib lub xab (rank) nce siab heev. Tus tub rog hmoob nyob rau sab hauv yog xeem Hmoob muas, txawm teem kiag rau tus hmoob hav zoov ua yog Vaj tswv cim tus tub nyiaj Phab ntag. gawv sib cog lus zoo kawg ces tus hmoob hav zoo ntseeg tus tub rog hmoob muas ntawd heev ces tus hmoob hav zoo txawm muab tau ib cov nyiaj ntau phav rau tus tub rog ntawd lo yuav tau ib cov txhuv ntau hnab tauj mus rau tus hmoob hav zoo nyob rau ntawm tus ntug dej seev, thaum cog lus zoo lawm lau ces tus hmoob hauv roog yuav tau khoom tuaj lawm ces tus hmoob hauv nroog thiaj li teem tau tus hmoob hav zoov lawv 3 txiv tub thiab tub hmoob Muas twb report rau nws cov neeg tub rog tuaj zov lawm.

Thaum lawv sib teem txog caij lawm ces tus hmoob hav zoov txawm tso siab heev, thiaj coj nws 2 tug menyuam ib tug tub thiab ib tug ntxhai lo ris ntxhuv noj. Thaum lawv lo txog kiag rau ntawm lub tsheb ntxhuv ces tus tswv ib leeg xwb ho tus tswv twb kom cov tub rog nyob tsi deb ntawd baj tos tua lawm xwb.

Tus tswv dag rau tus hmoob hav zoov hai tias, ntuj yuav lo nag ces ib ntsi lub tsheb ho mus tsi tau ce toj ces cia nws maj mam tsav tsheb tawj ua ntej no ce thaum lub tsheb tawm plawm lawm xwb ces phom loj phom me rov cuag xob roo xwb ces ua rau tus Hmoob hav zoov khiav tsi saib qab ho nws 2 tug menyuam raug tua tuag tag ho tus hmoob hav zoo raug ib phom rau ntawm lub swb pwg.

Koj zam dab neeg Hma thiab tus Zag nkawv ces mus raws draim li nov thiab.

Tom qab ntawd tus hmoob hav zoov rov raug nws cov kwv tij Hmoob nte tau lawm ces muab ntau sab heev tam sim nov tseem raug kaws tab si tsi paub yuav tuag hnub twg.

Zam dab neeg nov ma muab compare ib yam li tus Hma thiab tus Zag ntag. Cov lus nov ma yog hnov los ntawm tus Hmoob hav zoov tau hus tuaj tawm xov tooj cua readio Conference ntag, nov tsi yog (dab neeg or dag neeg) nws yog truth story.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 6th 2014, 6:46 am

Lod bro TubHmoob, yog li mas pab tu siab kawg thiab os, Hmoob ces yeej tseem muaj tus cwj pwm li no thoob plaws qab ntuj tiag.

Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 6th 2014, 1:51 pm

Yog lawm ma, Cov Hmoob hav zoov tus noob ces twb yog lawv cov kwv tij rov dag lawv lo thiab cov kwv tij hmoob ua yog Dr. coob tus kuj hai kom cov Hmoob hav zoov tawm lo ces raug tsim txom ntxau nkau, cov poj niam hlua ces raug coj mus yug cov txiv neej tub rog saum khaib cov txiv neej lau ces ploj ntsej muag tag li lawm cov ciaj ces yog cov tub hlua me me xwb. qhov nov ces txawm yog cov Hmoob USA lo dag ntxia lawv tawm lo es lawv tuag tus noob lawm ntag. Qhov nov ma muab piv rau koj zaj dab neeg saum toj ntawd xwb os. Yuav tsi yog politic.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 6th 2014, 8:35 pm

Tsis ua cas os bro

Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 6th 2014, 9:22 pm

Zoosiab kawg ma brother, Tej dab neeg nov ma yuav tau ua tib zoo xav txawm yus ua rau luag lo yuav tsi zoo txawm luag ua rau yus lo yuav tsi zoo. Ib yam li tej lau hai, muab twm laij liag tag ces muab twm tuas noj xwb. Cov tsi muaj hlwb ces yuav ua tus dev raws qaij xwb thaum caum tau kauv lawm ces luag twb tsi pub ib qhov nqaij rau dev noj li yog li ma yuav tau ua ib lub siab zoo rau sawv daws.

Dej Cawm Siav

Registration date : 2014-08-29

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Dej Cawm Siav on September 7th 2014, 4:47 am

Nyob zoo tsaus ntuj sab Asia no tuaj rau nej txhua tus os lawv, bro Tas Lauv & TubHmoob neb cov dab neeg mas tham tau muaj ntsiab lug thiab zoo kawg li, ua tsaug koj nqa tuaj tham pub peb txhua tus tau nyeem nawb bro Tas Lauv Vwm.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 7th 2014, 5:40 am

Lam xwb thiab os bro, yog khoom no tuaj piav kom muaj ntau zaj rau peb nyeem thiab os. Very Happy

Nraug Cuam
member
member

Registration date : 2011-09-25

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Nraug Cuam on September 7th 2014, 5:42 am

Zoo kawg lawm mas bro, tag kis tso nawb, hmo no lig lawm yuav mus so tso os.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 7th 2014, 5:43 am

Very Happy Ua li mas

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 7th 2014, 11:50 am

Chow Sing Chi thiab Nws Niam

Chow Sing Chi (Stephen Chow) piav txog nws lub neej thaum yau. Nws niam thiab nws txiv yeej sib nrauj puag thaum Chow Sing tseem yau yau li ntawm 4-5 xyoos ntawd lawm. Chow Sing thiab nws 2 tug muam nrog nws niam nyob hauv Hongkong. Lub caij thaum Chow Sing muaj 7 xyoo, nws niam niaj hnub mus ua zog tau me ntsis nyiaj los yuav zaub mov rau lawv noj thiab tu lawv 3 leeg yam tsis yog yooj yim kiag. Tsis tag li ntawd thaum Chow Sing tseem yau, nws nyiam nkim zaub mov thiab muab zaub mov los noj ua si yom ua si pov tseg mas yeej hom kheev mag nws niam cem rau qhov no ntau. Muaj ib zaug nws niam nyiaj hli tsis tawm li ntawm 2 lub hlis, nws niam thiaj tsis muaj nyiaj los yuav zaub mov rau lawv noj, ua tsis tau li cas thiaj mus qiv txais tau ib qho nyiaj ntawm nws niam ib tug phooj ywg los yuav zaub mov rau lawv cov niam tub noj. Npaj ntawd nws niam txawm yuav tau ib qho nqaij qaib los ua rau lawv noj. Thaum coj los txog tsev muab hau tau siav, Chow Sing txawm rov ua li txoj xwm qub, muab coj los yom ua si noj dog noj dig, npaj no nws tuav tsis zoo ces cov nqaij thiaj pob lo av qias neeg tas. Nws niam chim siab thiab npau taws heev thiaj khaws nkaus tau ib tug tog pas los ntaus nws 10 zaug coos kuaj nws tus muam me me rub nws tes khiav. Nws niam thiaj rov qawm zog nws los puag nkaus thiab lawv sib qawg quaj ua kua muag poob dawb vog. Tag li ntawd ces nws niam thiaj maj mam mus khaws thooj nqaij qaib ntawv coj los ntxuav thiab muab hlab dej kub dua ces nws niam lam noj qhov nqaij poob ntawv.
10 xyoo tom qab no Chow Sing thiab nws niam nkawv mus tawm TV, nws niam thiaj piav rau cov tib neeg tuaj saib hais tias thaum tseem yau Chow Sing yog ib tug me nyuam luam thuam kawg nkaus, tsis paub txog txiaj ntsig ntawm zaub mov, tsis paub hais tias txhua lub mov, txhua pluas zaub tau los yam ລຳບາກ los yog nyuaj npaum li cas.
Chow Sing xav zoj ib me ntsis thiaj li teb rau nws niam hais tias: "kuv niam, thaum ntawd kuv yeej paub tias koj khwv, koj sab thiab txom nyem npaum li cas, tab sis yog tias kuv tsis txhob txwm ua thooj nqaij ntawv poob koj puas yuav noj qhov nqaij ntawd? Vim thaum yau muaj khoom noj dab tsi qab thiab zoo noj los koj yeej ib txwm tsis noj, koj yeej txhwj zias rau peb 3 leeg nus muag no noj xwb es koj lam yoo lam noj mov qhuav los yog noj zaub tsuag tej xwb, kuv thiaj xav tau lub tswv yim hais tias yuav ua li cas koj thiaj li kam noj, kuv thiaj txhob txwm ua daim nqaij poob rau hauv av es koj thiaj li yuav noj vim koj khuv xim heev.
Thaum nws niam hnov nws hais li ntawd, nws niam tauv tsis tau lub kua muag thiab thiaj hais tawm tias: "kuv yeej tsim nyog xav tau li ko thaum i lawm, qhov tseeb tiag koj yeej yog ib tug me tub tsim txiaj tab sis koj tsuas yog xiam niv xaim rau thaum noj zaub noj mov li ntawd xwb".
Chow Sing thiaj qhia hais ntxiv tias zaum ntawd yog ib qho show los yog performance uas zoo tshaj plaws hauv nws lub neej, tawm hauv lub neej qhov tseeb tab sis tu siab tsis muaj leej twg pom nws qhov show ntawd tsuas yog nws niam thiab nws nkawv ob leeg pom xwb.
Zaj lus no qhia txog:
+ Kom tej me tub me nyuam txawj hlub tej laus.
+ Kom tej me tub me nyuam paub txiaj ntsig ntawm zaub mov.
+ Kom tej laus yuav tau ua tib zoo xav ua ntej tso yuav ntaus tej me nyuam.
+ Kom tsoom hluas nyiam no paub hlub niam hlub txiv, paub txog lawv txoj kev khwv npaum li cas thiaj tau pluas zaub pluas mov los noj yug siav es yus thiaj loj taus ua tib neeg.
Nov yog Stephen Chow (Chow Sing Chi) Hongkong Actor daim duab los yog daim duab ntawm kuv qhov Avatar. Raws li xov xwm hais tawm mas Chow Sing Chi yog ib tug actor uas too serious, nws cov movie thiab acting mas zoo li nws nyiam lom zem tab sis rov qab qees nws yog ib tug neeg too serious, tsis nyiam lom zem. Yog li ntawd nws thiaj muaj kev tsis haum xeeb nrog rau nws ib cov neeg ua hauj lwm ua ke thiab ib co actors/actresses uas lawv twb ib txwm ua movies los lawm. yog li ntawd neeg feem coob thiaj tsis nyiam Chow Sing Chi.






Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 7th 2014, 12:07 pm

Nyeem Ua Kev Xav

Muaj ib tug niam tais pog laus tsis muaj me tub me nyuam, nws tus txiv los tuag lawm ntxov. Nws laus heev li lawm tsis paub ua dab tsi nws thiaj niaj hnub tuaj muag khob noom ntawm ib lub me nyuam taj laj me me kom tau kis puav nyiaj txaus yuav zaub mov noj yug txoj sia.
Muag khob noom xwb yeej tsis tshua muaj neeg yuav raws li peb niaj hnub pom nyiam no. Muaj ib hnub txawm muaj ib tug tub hluas tuaj yuav khoom, nws tuaj txog ces nws nthos nkaus ib hnab khob noom me me thiab cev 20 Bath (nyiaj Thaib) rau niam pog laus ces mus lawm yam tsis tos tus pog laus ntawd qhov seem rov qab. Tus pog laus ntawd tsuas ntsia ntsoov tus tub hluas mus ploj qab ntais yam ntshaus ntsho. Tus tub hluas no pheej niaj tag kis tuaj yuav li no txhua txhua hnub. Ces txawm muaj ib tag kis tus niam tais pog laus no nws thiaj txheem pob tsaig thiab hu tus tub hluas ntawd tias: "me tub hluas, kuv xoom xaim tias vim li cas koj thiaj pheej niaj hnub tuaj ua li no tas li". Tus tub hluas thiaj teb tias: "niam tais pog laus, qhov kuv ua li no tas li twb yog kuv pom koj laus laus thiab txom nyem kuv thiaj xav pab koj xwb, qhov kuv tuaj yuav tas li no ces yog kuv xav pab koj xwb txhob xav dab tsi ntau nawb, kuv maj mus hauj lwm thiab kuv yuav tau mus lawm tag kis li rov tuaj yuav dua". Tus niam tais pog laus thiaj teb tias: "tab sis ib pob khob noom yog 25 Bath, tsis yog 20 Bath laiv.

nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 7th 2014, 12:14 pm

Oh zoo heev koj cov lus no... Yog lawm kuv nyiam koj lub tswv yim heev. Koj yog tib neeg txhawb tau lwm tus tiag li tdis yuam kev li os me nus tas lauv a... Ua tsaug os. Koj nquag piav kuv nquag caum koj ntag laib Smile Smile




nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 7th 2014, 12:25 pm

Kuv nyiam txhua eaj li os ua tsaug os
*Tas Lauv Vwm wrote:
Tus Neeg Thov Khawv


Muaj ib tug neeg thov khawv txom txom nyem mas nws niaj hnub mus thov khawv. Nws nyiam thov tej khoom noj xws li nplej thiab txhuv. Thaum nws thov tau los mas nws muab coj los ceev tseg hauv ib lub me nyuam txhab quav nyab npleg. Nws niaj hnub mus thov khawv los khaws tseg li ntawd txhua txhua hnub tau ntau lub niaj lub xyoo tab sis nws tsis nkag siab tias vim li cas nws lub me nyuam txhab rau cov nplej ntawd tsuas muaj me ntsis qoob hauv xwb. Ua rau nws tsis to taub thiab xav paub txog qhov teeb meem (cause) kawg li.
Muaj ib hmos nws thiaj nyiag ntsia ntawm ib ces kaum tsev mus saib lub me nyuam txhab, nws thiaj pom ib tug nas tsuag (mouse) loj loj tuaj noj nws cov nplej mas nws chim siab heev. Nws thiaj qw rau niag nas hais tias: "cov neeg muaj txiag nplua nuj coob li coob tom tej es ua cas koj tus nyuag nas ko ho tsis mus noj, tseem ho los noj kuv cov nplej uas kuv niaj hnub mus thov khawv los tum ceev tseg yam nyuab kawg nkaus no thiab?" Tus nas txawm teb tias "koj txoj hmoo tsuas yog muaj nplej li ntawm 8 feem xwb, tab yog koj yuav mus thov khawv nqa thoob ntiaj teb no los yeej tsis puv". Niag tov khawv thiaj nug tias "vim li cas thiaj zoo li ntawd?". Tus nas thiaj teb tias "kuv tsis paub thiab nawb, yuav kom paub mas koj mus nug Yawm Saub". Niag thov khawv thiaj txiv txim siab yuav mus nug yawm saub txog ntawm qhov hej phoom (reason) vim li cas nws txoj hmoo thiaj zoo li ntawd.
Yawg thiaj tau sawv kev mus tau ntau hnub thiab thov khawv taug kev mus deb kawg nkaus li. Muaj ib hmos niag thov khawv thiaj maub maub mus txog ib yawg nplua nuj tsev, nws thiaj txiav txim siab mus khob qhov rooj. Tus tswv tsev nplua nuj no nws thiaj los qhib qhov rooj thiab nug tias muaj teeb meem dab tsi. Niag thov khawv thiaj teb tias thov ib qho mov me me noj vim tshaib plab heev. Nws thiaj nug tias twb tsaus ntuj nti li no lawm xwb koj tseem yuav mus twg, tus thov khawv thiaj tham tag txhua yam rau tus nplua nuj mloog. Nws qhia tias nws yuav mus nug Yawm Saub txog qhov teeb meem nws piav tas ntawd ces thaum tus tub nplua nuj hnov li no tag, nws thiaj caw niag thov khawv mus hauv nws tsev, tus neeg nplua nuj no nws thiaj muab tau ib co zaub mov thiab ib co nyiaj ntau tsawv rau niag thov khawv. Tus thov khawv thiaj nug tias: "vim li cas koj ho muab nyiaj thiab khoom noj rau kuv ntau ua luaj?" tus neeg nplua nuj thiaj teb hais tias tos nws ua li ntawd los vim nws muaj ib tug ntxhais twb muaj 16 xyoo lawm los pheej tsis paub hais lus li, yog li ntawd thov khawv mus no ces thov faj lo lus no rau niag thov khawv kom pab mus nug Yawm Saub coj los qhia rau nws thiab. Tus thov khawv ua tsis tau tes li cas nws thiaj lees tias nws mam pab nug rau tus nplua nuj thiab. Tus nplua nuj txawm cog lus tias txawm yog leej twg los xij yog ua tau nws tus ntxhais hais tau lus mas nws yuav muab nws tus ntxhais pub rau yuav ua poj niam.
Niag thov khawv no nws thiaj mus ntxiv mus thiab mus dhau lub roob tas lub roob tuaj los tsis txawj txog li thiab thaum kawg thiaj mus txog ib lub vav hauj sam, nws thiaj nkag mus thov dej haus ces thiaj mus pom ib tug hauj sam laus laus nrig ib tug pas tab sis ua zoo saib kuj tseem khov kho thiab. Tus hauj sam laus thiaj tau muab dej rau niag thov khawv haus thiab kom nws so me ntsis tso mam mus. Tus hauj sam laus thiaj nug tias ua li niag thov khawv yuav mus lawm qhov twg, niag thov khawv thiaj piav qhia txhua yam rau niag hauj sam laus no mloog tas ces tus hauj sam laus no thiaj hais rau niag thov khawv tias yog koj mus nug Yawm Saub no thov pab mus nug Yawm Saub pub rau kuv thiab nawb, koj pab nug tias vim li cas kuv twb ua hauj sam xyaum txoj kev zoo los tau 500 tawm xyoo lawm, raws li kev cai teev tseg mas kuv tau nce mus nyob saum Ceeb Tsheej lawm tab sis ua cas tseem mus tsis tau tau thiab es seb yog tim li cas no nawb, ces tus thov khawv thiaj lees tias mam pab nug rau thiab.
Tus thov khawv thiaj mus ntxiv thiab, mus mus ncej toj nqis taug thiaj mus poob rau ib tug niam dej loj, nws hla mus tsis tau sab tiv mas nws ntxhov siab kawg tsis paub yuav ua cas ces nws txawm quaj quaj thiab hais tias: "kuv yeej tiam ntawv los zoo li no xwb los cas lau". Tam sim ntawd thiaj muaj ib tug vaub kib laus laus txawj hais lus li tib neeg thiaj tau nug tus thov khawv tias vim li cas nws thiaj pheej quaj li ntawd ua dab tsi. Niag thov khawv thiaj piav rau niag vaub kib laus ntawd mloog tas, niag vaub kib laus thiaj hais tias yog li ko mas kuv twb nkag los nyob hauv tus niam dej no tau li ntawm 1000 tawm xyoo lawm, raws li kev cai mas kuv yauv tsum hloov tau ua zaj thiab ya mus nyob saum huab tais ceeb tsheej tau lawm na, tab sis cas twb laus npaum no los pheej tseem tsis tau ya taus mus li thiab, yog li ntawd yog koj mus nug Yawm Saub no ces thov koj pab nug qhov teeb meem no rau kuv thiab nawb tso kuv mam li phab thauj koj mus kom dhau dej. Tus thov khawv lees yam zoo siab heev hais tias nws mam pab mus nug Yawm Saub pub rau niag vaub kib laus thiab. Niag thov khawv thiaj caij niag vaub kib hla dhau dej ces ho mus ntxiv, nws mus tau ntau hnub ntau hmo deb kawg nkaus li lawm los ua cas tsis pom Yawm Saub nyob qhov twg li lauj, ua rau nws tu siab thiab qaug zog kawg nkaus yam tsis pom qab yuav ua li cas li lawm. Tam sim ntawv Yawm Saub thiaj tawm plaws pub rau niag thov khawv pom, niag thov khawv zoo siab heev. Yawm Saub thiaj hais tias: "ua li koj tuaj deb tag npaum li no mas ntxim koj yuav muaj lus tseem ceeb heev yuav nug kuv lau yom". Thov khawv thiaj teb tias: "nyuag yaus muaj ntau lo lus xav nug koj tus ua yawm saub kom koj pab ab thib npais (explain) rau nyuag yaus thiab lau". Yawm saub teb tias: " tau kawg los maj tab sis koj tsuas nug tau 3 nqe xwb (questions) rau qhov ib txwm tsis tau muaj leej twg nug ntau tshaj 3 nqe. Thov khawv thiaj teb tias ua li ntawd los tau. Nws xav hauv siab tias xyov nws yuav nug lo lus nug twg thiaj li tseem ceeb vim rau qhov Yawm Saub tsuas pub nug 3 nqe xwb tab sis cov lus nws yuav nug ho muaj 4 nqe rau nws nqe lawm. Nws thiaj xav twj ywm hauv siab tias zoo li nws tus kheej nqe lus xav nug tsis tshua tseem ceeb npaum lawv cov sub, nws xav hauv nws siab li no: niag vaub kib laus ntawd nws kam los xyaum txoj kev zoo (ຝຶກງານ) nyob hauv niag niam dej ntawd tau li ntawm 1000 xyoo diam mas tsis yog yooj yim kiag li, nqe no mas ntxim yuav tau nug ua ntej ua nqe thib 1. Hos ntawm niag hauj sam laus los nws twb los xyaum txoj kev zoo tau 500 xyoo lawm ntxim yuav tsum tau nug nqe no pub rau niag hauj sam laus ua nqe thib 2. Hos ntawm tus neeg nplua nuj los cas nws tus ntxhais twb muaj 16 xyoo lawm ho tsis paub hais lus li thiab mas li cas los yuav tau nug ua nqe thib 3 hos ntawm kuv li ces puam chawj lau zoo li tsis tshua tseem ceeb. Niag thov khawv thiaj nug nqe thib 1 sauv ces Yawm Saub thiaj teb hais tias: "vaub kib tsis kam muab nws lub plhaub hle pov tseg ne vim saum nws lub plhaub mas muaj 24 ntsiav pov haum zoo thiab muaj nqis heev, yog tias nws kam muab hle pov tseg mas nws yeej hloov tau ua zaj laug ya mus nrog kuv nyob saum ntuj ntev lawm lawm". Nqe thib 2 Yawm Saub teb tias: "tus hauj sam laus no nws nrig tus pas hwj huaj no txhua hnub txhuam hmo tsis kam muab pov tseg ne, hauv nws lub siab puv npo rau tej hwj huaj, nws tus pas nrig hwj huaj no mas yog nws muab theev 1 zaug hauv av ces qhov av ntawv yuav rais ua ib tug dej txhawv ntshiab si ces nws thiaj tsis kam muab pov tseg yog tias nws kam muab tus pas nrig hwj huaj no pov tseg ces nws twb tau nces los nrog kuv nyob saum ceeb tsheej lawm". Hos hais txog ntawm nqe lus nug thib 3 ces Yawm Saub teb tias: "tus mi ntxhais ntawd mas nws tseem tsis tau ntsib tus neeg nws nyiam xwb, yog ntsib tus neeg nws nyiam thiab nws hlub ces nws fim yuav hais tau lus". Tam sim ntawd kiag xwb Yawm Saub txawm siv yaj ntshis pawv kiag lawm.
Thov khawv xav tias nws lo lus nug nyaj yuav tsis muaj dab tsi tseem ceeb ces rov mus thov khawv zoo li qub dua xwb tso tsum lau ces nws maj nroos tig rov qab. Nws thiaj los txog rau ntawm tus dej ces niag vaub kib laus ntawd nws twb suav caij nyoog ntxim thov khawv yuav los txog hnub ntawd rau ntawm ntug dej lawm ces nws twb tuaj nyob ntawd tos thov khawv lawm. Nws thiaj nug thov khawv tias: "ua li koj mus nug yawm saub ne nws hais li cas xwb?" Thov khawv thiaj teb tias: "koj thauj kuv hla dej mus kom dhau sab tiv tso kuv mam piav rau koj mloog" ces vaub kib laus thiaj thauj thov khawv mus txog sab ntug dej tim ub ces nws thiaj piav rau niag vaub kib laus mloog tas tej Yawm Saub qhia ces tam sim ntawv niag vaub kis laus thiaj ras dheev thiab to taub txog ces nws thiaj hle hlo nws lub plhaub vaub kib pub rau niag thov khawv thiab hais rau thov khawv tias: "kuv lub plhaub vaub kib no mas nws muaj 24 ntsiav pov haum (24 ntsiav diamonds) zoo nkauj thiab muaj nqi heev, kuv muab pub rau koj, hais txog ntawm kuv mas ziag no nws tsis muaj nuj nqis rau kuv lawm ces niag vaub kib txawm ob nchos cev ua kiag ib tug txiv nraug zaj ya yaj ntshis rau saum ntuj lawm".
Niag thov khawv thiaj nqa 24 ntsiav pov haum muaj nqi ntawd nrog nws maj nroos los tsev lau ces nws txawm los txog ntawm niag hauj sam laus lub Vav (temple), niag hauj sam laus thiaj nug tias koj mus Yawm Saub hais li cas xwb? Niag thov khawv thiaj piav rau hauj sam laus mloog tas mas hauj sam laus zoo siab heev nws thiaj li muab tus pas nrig hwj huaj ntawd pub rau niag thov khawv thiab, tam sim ntawd niag hauj sam laus cia li ya tau dua puag qaum ntuj ploj ntshis lawm.
Niag thov khawv thiaj los txog rau ntawm tus neeg nplua nuj tsev ua ciav tam sim ntawv tus nplua nuj tus ntxhais 16 xyoo cia li khiav khiav tuaj thiab qw hais lus nrov nrov tias: "aub tus neeg uas mus nug Yawm Saub twb los lawm" Tus nplua nuj hnov nws thiaj khiav khiav tawm tuaj, tus nplua nuj mas poob siab nthav thiab zoo siab heev uas nws tus ntxhais hais tau lus lawm. Niag thov khawv thiaj piav tej lus Yawm Saub qhia rau nws ntawd rau niag nplua nuj tag ces niag nplua nuj yim huab zoo siab heev thiaj li muab nws tus ntxhais 16 xyoo ntawd txis rau Thov Khawv yuav ua poj niam ces thov khawv lub neej cia li zoo thiab tau txhua yam los ua nws tug lawm, Thov Khawv thiaj mam to taub tias nws twb nug nws nqe tib si lawm.
Zaj dab neeg no qhia hais tias:
* Txoj kev hlub kev pab uas koj muab tawm mus, muaj ib hnub nws yeej yuav rov los ntawm koj.
*Txoj kev sov siab koj ua pub rau luag lwm tus, muaj ib hnub nws yuav rov los ntawm koj zoo tshaj qub.
*Pab nrog lwm tus xav, pab lwm tus daws teeb meem, muaj ib hnub koj txoj kev zoo ntawd yuav rov los ntawm koj thiab cawm koj.
Faib txoj kev zoo siab rau lwm tus ces luag zoo siab, yus yuag nrog luag zoo siab tib yam.
(Txhais los ntawm ib zaj dab neeg Thaib)








Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 7th 2014, 2:01 pm


Tais Mov Qhuav


Muaj ib hmos ntawm 20 xyoo dhau los lawm muaj ib tug me nyuam tub ntxim li yuav yog me nyuam tub kawm ntawv tseem tab tom tos yuav mov noj ntawm ib lub lab noj mov npuv feb (buffet). Thaum cov neeg feem coob tuaj noj mov hauv lub lab no tawm tag lawm, tus me nyuam tub no thiaj mam nkag los tus xeeb ceem yam li txaj txaj muag heev.
Tus me nyuam tub hluas ntawd thiaj hais rau tus tswv lab hais tias:
"thov ib taig mov qhuav os, ua tsaug".
Tus tswv lab nkawv ib niam txiv pom tus me nyuam tub no xaj (order) mov qhuav xwb kuj ua rau nkawv xav ntau yam hauv siab tab sis kuj tsis kab nug tus me nyuam tub no dab tsi li thiab, tsuas maj zeeg daus mov rau hauv lub tais cev rau tus tub no. Tus me nyuam tub no thiaj li cev nyiaj rau tus tswv lab thiab maj mam hais lus rau tus tswv lab hais tias:

"kuv thov muab cov kua nqaij no ywg me ntsis rau saum cov mov no puas tau thiab os tus txiv ntxawm?".
Tus tswv lab thiaj teb tias:

"taus kawg li mas, kav tsij ywg raws koj siab nyiam os, tsis yuav nqi dab tsi ntxiv li".
Tus me nyuam tub no noj txog nrab nws thiaj rov xaj dua ib tais ntxhiv. Tus tswv lab thiaj nug hais tias:

"tsis tsau lod, yog tsis tsau no kuv mam ua ntxiv tais kom loj zog". Tus me nyuam tub thiaj teb hais tias:

"tsis yog tsis tsau, tais tom qab no mas yog koj muab ntim rau hauv kuv lub kav (box) rau mov no kuv yuav nqa mus tag kis thiaj tau noj tsom tsev kawm ntawv xwb os".

Thaum tus tswv lab hnov li no, nws thiaj twv tau hais tias tej zaum tus tub no yog ib tug tub nyob yav qab teb tuaj kawm ntawv, ntsia mas ntxim tus tub no txom nyem dua lwm tus ntshe yog nws tsev neeg txom nyem. Tus tswv lab thiaj li muab tus tub lub kav ntim mov los ces nws txawm muab ib qho cov nqaij tsuav mos mos siav siav ntawd tso puag hauv qab, nws mam muab ib daim nqaij qaib loj tsawv coj los tshooj ces mam daus mov tshooj 2 qho nqaij ntawd. Tus tswv lab ntawd tus poj niam pom li ntawd, nws tsis to taub tias vim li cas nws tus txiv thiaj ua li ntawd vim tus me nyuam tub ntawd tsuas kom muab mov qhuav xwb. Nws thiaj nug nws tus txiv tias:

"koj txiv cas koj ho muab cov nqaij nrog thiab yog koj xav li cas?"
Tus tswv lab thiaj tias:
"koj niam, kuv ntsia mas tus me tub no yog neeg txom nyem nyob yav qab teb tuaj mus kawm ntawv tom lub university tov, yog li ntawd yog tias wb ntim mov qhuav li nws hais rau nws xwb es nws yuav ua cas noj, thiab yuav ua cas muaj zog mus kawm taus ntawv".

Nws tus poj niam thiaj teb yam luag ntxhi tias:

"yog li koj ua txiv hais tiag yuam, kuv zoo siab thiab ua tsaug tias kuv muaj ib tug txiv siab loj siab zoo heev".
Tus txiv thiaj teb tias:

"siab zoo hov, yog siab tsis zoo mas koj yeej tsis kam yuav kuv ib zaug li nav".

Tus niam thiaj nug ntxiv tias:
"koj txiv cas koj ho tsis muab cov mov tuaj hauv qab es mam muab cov nqaij tshooj saum toj kom nws pom muaj cov khoom ntxuag thiab?"

Tus txiv thiaj teb tias:
"Koj niam, tos kuv tsis muab tso sab sauv li koj hais mas twb vim yog tias tsam tus tub ntaus nqi tias zoo li wb muab pub rau neeg thov khawv, yog li ntawd lwm zaus nws yuav txaj muag tsis kam tuaj noj mov hauv wb lub lab no lawm, txhawm rau qhov kom nws txhob ntaus nqi li cas, kuv thiaj muab cov khoom ntxuag tuaj hauv qab kom nws txhob pom vim yog nws noj mov qhuav xwb yeej yuav tsis muaj zog mus kawm taus ntawv nrog luag tej".
Tus me tub ntawd noj mov tag ces nkawv txawm cev pob mov rau tus me tub ntawv. Tus tub ntawd thiaj hais tias:

"ua tsaug ntau os, kuv mus lawm mam sib ntsib tag kis dua".
Thaum tus me tub ntawd tawm mus, nws nqa nws pob mov zoo li nws pob mov no hnyav zog txhua txhua pob nws tau noj tom lwm tus lub lab, nws thiab tig rov los saib tus tswv lab yam ntsej muag luag ntxhi txaus siab heev rau pluas hmo ntawd.

Tus tswv lab thiaj hais thiab npuaj tus me tub ntawd xwb pwg tias:
"ua siab ntev nyiaj kev khwv os thiab mus zoo koj tag kis mam sib ntsib dua".
Tus me nyuam tub lub kua muag ntws sis dauv muag lawv los tsev lawm tsis kab tig mus ntsia lub lab tsam nkawv ib niam txiv pom nws cov kua muag poob ces nws ho txaj muag.
Txij thaum ntawd los tus me nyuam tub no nws niaj hnub tuaj noj mov ntawm lub lab no, muaj qee zaus tus tswv lab no nws hloov ntim zaub mov sib txawv raws li cov zaub mov nws niaj hnub ua yam siab dawb paug rau tus tub no txog ntua rau thaum tus tub no kawm tiav Bachelor.

Txij thaum ntawv los 20 xyoo tom qab no, lub lab no cia li tsis pom tus me nyuam tub no ntxiv ib zaug li lawm.
Nyob los tsis ntev tom qab no, tus tswv lab no ob niam txiv txawm txais tau ib tsab ntawv los ntawm tseem hwv (government) tias cheeb tsam ntawm nkawv lub lab ua mov noj no yuav raug tshem vim nom tswv muaj khoos kas (plan) yuav kho thaj chaw ntawd ua ib lub part rau peej xeem suav daws siv. Lub caij ntawd nkawv ib niam txiv twb muaj hnub nyoogli ntawm 50 xyoo lawm. Thaum hnov xov li no mas nkawv nyuaj siab kawg nkaus vim nkawv cov me nyuam tab tom loj mus kawm ntawv qib siab, tab tom siv nyiaj txiag ntau, yog tias lub lab raug kaw lawm mas yuav tsis muaj nyiaj mus them me nyuam nqi kawm ntawv. Yog li mas thiaj ua rau nkawv nyuaj siab kawg tsis pom qab yuav ua cas tsuas sib khawm koj quaj rau kuv kuv quaj rov rau koj xwb.

Muaj ib tag kis txawm muaj ib tug tub hluas zoo nraug ntxiag hnav uniform tuaj txog ntawm nkawv lub lab, tus tub hluas ntawd txawm hais rau nkawv tias:
"nyob zoo tus txiv ntxawm thiab niam ntxawm, kuv yog tus phub loos ntawm ib tug tswv tuam txhab (vice director of a company). Yog li ntawd tus tswv tuam txhab (director) thiaj xav tau neb mus teeb ib lub lab mov nyob rau ntawm peb lub tuam txhab uas peb tab tom yuav qhib sai sai no. Hais txog ntawm kev siv peev los ua lub lab, rooj tog ib puas tsav yam ces cia peb ua tus tuaj tas nrho, hos ntawm kas lais (profit) ces mam faib leeg nrab xwb".
Ua rau nkawv ib niam txiv xav tsis thoob li, nkawv xav paub tias tus director ntawm lub tuam txhab ntawd yog leej twg tiag es cas yuav siab zoo ua luaj tiag vim lawv yeej tsis tau sib paub thiab sib pom, tsis muaj kev sib txheeb los dua li.
Tus tub hluas ntawd thiaj hais ntxiv tias:

"tus thawj coj ntawm lub tuam txhab hais tias nws nyiam noj neb cov ncej puab qaib thiab cov nqaij tsuav xyaw cov mov txua heev, kuv tsuas qhia li no rau neb xwb, tom qab neb ntsib nws lawm ces yeej yuav paub peb tus thawj coj xwb".

Thaum nkawv mus txog tom lub tuam txhab, nkawv mam paub tias tus tswv lub tuam txhab loj no yog tus me nyuam tub thauv uas pheej los thov yuav mov qhuav noj ntawm nkawv lub lab. Tus me nyuam tub no tom qab kawm ntawv tiav tau 20 xyoo, nws kuj txeem peem tau los ua ib tug thawj coj qhib tau tuam txhab lawm thiab. Tus tswv tuam txhab thiaj hais rau nkawv hais tias:
"kuv yog tus me nyuam tub thauv niaj zaus tuaj noj mov ntawm neb lub lab, kuv yuav mov qhuav tab sis neb siab zoo heev neb tseem muab nqaij ntxuag thiab, kuv thiaj muaj zog mus kawm tau ntawv thiab thiaj kawm tiav. Yog tsis muaj neb hnub ntawd ntshe kuv twb kawm ntawv tsis tiav vim kuv tsev neeg txom nyem heev, kuv niam tuag thaum kuv yau yau lawm hos kuv txiv tsuas niaj hnub mus ua zog xwb. Kuv zoo siab kawg nkaus li qhov rov tau ntsib neb, hais ncaj qha neb tais mov qhuav qab tau xis ncauj heev, kuv xis heev thiab tseg tau ntev lawm tsis tau noj li lawm".
Lawv thiaj zaum piav yam lom zem xauv npo txog yav tas los nrog lub kua muag zoo siab. Tus tub no nws xav nrhiav lub fwv tsam no los nco txog nkawv ib niam txiv tus txiaj ntsig uas thauv tau pub mov rau nws noj yam tsau npo yog li ntawd nws thiaj kom nkawv mus ua lab rau nws lub tuam txhab.
Sib tham ib hnub, txog caij nkawv ib niam txiv yuav rov qab, tus tub no thiaj hais rau nkawv raws li thauv nkawv ib txwm hais rau nws tias:

"ua siab ntev nyiaj kev nyuaj me ntsis os, maj mam mus zoo neb, 1-2 hnub tom ntej no peb mam sib ntsib dua". Ib niam txiv zoo siab heev ua kua muag poob dawb vog rau tus tub pom.
Tau tsis ntev tom qab no ces nkawv thiaj mus ua lab noj mov rau ntawm tus ub no lub tuam txhab, muaj neeg noj coob heev vim nkawv txawj ua zaub mov qab thiab nkawv siab zoo heev. Thiaj ua rau nkawv ib niam txiv no muaj nyiaj thiab vam meej dua qub, tsis txob tsis txhawj li lawm.
Zaj lus no qhia tias:
+Xyaum ua neeg zoo, hais lo lus zoo thiab coj cwj pwm zoo thiab qhib siab dawb paug, yeej yuav muaj tus neeg siab zoo pab yus.
+ Hlub cov neeg pluag thiab txom nyem dua yus, yus pab luag, muaj ib hnub txoj kev zoo ntawv yeej yuav rov los poob rau yus dua zoo tshaj qhov qub.

+ Pab cov neeg txom nyem tsis tas yuav suav tias yog yus kwv yus tij mam pab.
+ Paub nco tus tau pab yus tej txiaj ntsig, tsis tas yuav yog tus txheeb tus ze yus. Leej twg pab yus thiab tau cawm yus lawm, yus yuav tau nco ntsoov lawv tus txiaj ntsig tsis hnov qab.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 7th 2014, 2:31 pm

Thov zam txim yog tias kuv sau muaj qee lo tsis raug los yog yuam kev vim tsis muaj sij hawm ntau kuv thiaj tsis tau check spelling. Vam tias zaj no yuav pab qhia tej me tub me nyuam kom lawv txawj xav, muaj imagination zoo rau tom ntej.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 7th 2014, 3:08 pm

Coj Zoo Dim Kev Tuag


Tsis ntev los no muaj ib tug txiv neej, nws ua hauj lwm rau hauv ib lub tuam txhab tua npua. Muaj ib hnub twb yuav txog caij lawj hauj lwm tab sis tseem tshuav me ntsis nqaij yuav coj mus dai tom chav txias (chav tsau ice). Nws txawm tsis nco qab muab dab tsi xiab lub qhov rooj nkag mus hauv kom txhob kaw ces ua cas nws nyuam qhuav coj nqaij mus dai tag xwb lub qhov rooj txawm kaw lawm, nws qhib li cas los qhib tsis tau li lawm, dawj qhov twg los tsis tau li ces nws twb tag kev cia siab los zaum nyob tos tuag lawm xwb.

Ib pliag ntshis xwb no zuj zus tuaj nws ib ce pib txhav, ua rau nws tag kev cia siab li lawm qw npaum cas los tsis muaj neeg hnov thiab neeg twb mus tsev tag lawm.

Txoj hmoo muaj, cas tam sim ntawv tus niag qhev zov lub tuam txhab ntawd thiaj mam tuaj qhib tau lub qhov rooj ces nws thiaj tawm tau los. Nws thiaj nug tus qhev zov lub tuam txhab hais tias: "vim li cas koj thiaj paub tias kuv nyob hauv chav rau nqaij txias lawm?". Tus qhev thiaj teb tias: "kuv ua hauj lwm rau lub tuam txhab no tau 20 xyoo, cov neeg hauv no ntsia kuv tsis muaj nuj nqis dab tsi rau lawv, lawv tuaj hauj lwm sib pom los nyias tsuas mus nyias dub txig xwb tsis hais lus li tab sis koj txawv, koj tuaj hauj lwm los koj yeej hu kuv luag ntxhi koj mam nkag mus ua hauj lwm lawm, thaum koj rov qab los koj yeej hais luag ntxhi rau kuv tias kom kuv mam nyob thiab sib ntsib dua tag kis, koj mus tsev lawm, tab sis cas hnub no tsis pom koj tawm los hais rau kuv tias koj mus tsev li txhua zaus lawm, kuv thiaj xav tias ntshe yog koj raug xauv rau chav txias lawm xwb ntag ces kuv thiaj tuaj qhib vim yav tag los twb muaj 2-3 tug nkag mus es qhov rooj xauv li ntawd rau hauv tawm tsis tau los lawm. Tus txiv neej ntawd zoo siab heev thiab ua tsaug rau tus qhev zov lub tuam txhab ntawv yam tsis muaj hnub hnov qab nws tej txiaj ntsig. Nws thiaj hais rau tus qhev tias: "ua tsaug ntau yog tsis muaj koj mas tej zaum kuv yeej kawg tuag xwb vim muaj koj pab ces thiaj dim txoj sia, yog li ntawd cia wb ua kwv tij sib hlub mus kom tag ib sim", ces nkawv thiaj sib zeem ua kwv tij mus lawm.


Zaj lus no qhia tias:
+ Kom txhob ntshia dhau (ມອງຂ້າມ) tej tus neeg uas nws ruam dua yus thiab nyob qhov position qis dua yus, yuav tsum respect luag, tej zaum muaj qee yam luag pab thiab cawm tau yus txoj sia.
+ Xyaum kev hais lus zoo rau txhua tus, luag fim yuav muaj qhov muag pom, muaj pob ntseg hnov yus txoj kev zoo.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 7th 2014, 3:12 pm

nkaujhnubqub wrote:Oh zoo heev koj cov lus no... Yog lawm kuv nyiam koj lub tswv yim heev. Koj yog tib neeg txhawb tau lwm tus tiag li tdis yuam kev li os me nus tas lauv a... Ua tsaug os. Koj nquag piav kuv nquag caum koj ntag laib Smile Smile


Tus muam nkaujhnubqub a, ua tsaug koj tseem pab nyiam thiab os. Kav tsij tuaj caum mas ntshai koj lam hais kom kuv muaj siab xwb koj twb tsis caum li os yom.

nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 7th 2014, 3:45 pm

Kuv twb tdaug tsaug zog lawm los tseem los teb koj nov ne taslauv a. Koj sau ntawv nrawm kawg li..koj tej kus dab neeg ces yog cov lus kuv nyiam kom ntiaj teb no ib txhia neeg kawm kom paub ntag os... Yab dis kuv tsis paub piav li tab sis koj twb hais raws ntaim kuv lub hlwb xav tau lawm ces kuv kav cheem coj mus hais qhia lwm tus xwb lauj yom...cia kuv khoom mam tuaj copy mus cia vim yog dab nerg qhuab shia nkaus xwb li os... Tus neeg nyiam ma thiaj paub txog thiab lawv nyeem los thiaj nkag kis ntawm lawv cov hlwb cwb os




Dej Cawm Siav

Registration date : 2014-08-29

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Dej Cawm Siav on September 7th 2014, 7:31 pm

Nyob zoo Tas Lauv Vwm & Nkaujhnubqub,

Tas Lauv Vwm koj cov dab neeg no tham tau muaj txiaj ntsim zoo kawg li, ua tsaug koj nqa tuaj share pub rau peb tau nyeem nawb, raws li kuv keev pom hauv movie mas Chow Sing Chi cov movie tib co txaus txaus luag xwb puas yog ne? los yog tus kuv hais ntawv ho tsis yog nws?





Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 7th 2014, 7:55 pm

Yog mas bro Nraug ZajQabNtug, yog yawg ko ntag mas. Yawg cov movie mas ua li yawg siab zoo zoo thiab nyiam nyiam kev lom zem nrog phooj ywg, tab sis ntawm yawg tus cwj pwm tiag tiag mas txawv deb cov movies no rov qab qees li no. Lawv hais tias yawg yog ib tug neeg nplaum, siab me heev, tsis nyiam kev tso daj tso luag nrog phooj ywg li no os.
Raws li tus nas ej hauv daim move "The Bodyguard from Beijing" uas lub npe tiag yog Christy Chung piav los nws kuj hais li ntawd. Koj yuav pom daim movie "Txooj Kuam Taub Hau Tawv", yawg qav kaws ntawv los yeej disclosed tias Stephen Chow coj cwj pwm tsis zoo li ntawd.

Lam piav kom peb paub xwb,,,,nej txhob xav li cas.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 7th 2014, 7:58 pm

nkaujhnubqub wrote:Kuv twb tdaug tsaug zog lawm los tseem los teb koj nov ne taslauv a. Koj sau ntawv nrawm kawg li..koj tej kus dab neeg ces yog cov lus kuv nyiam kom ntiaj teb no ib txhia neeg kawm kom paub ntag os... Yab dis kuv tsis paub piav li tab sis koj twb hais raws ntaim kuv lub hlwb xav tau lawm ces kuv kav cheem coj mus hais qhia lwm tus xwb lauj yom...cia kuv khoom mam tuaj copy mus cia vim yog dab nerg qhuab shia nkaus xwb li os... Tus neeg nyiam ma thiaj paub txog thiab lawv nyeem los thiaj nkag kis ntawm lawv cov hlwb cwb os
Ua tsaug koj teb thiab koj nyiam os tus muam nkaujhnubqub tus zoo lus aw. Very Happy Yog koj pab nyiam mas kuv thiaj muaj siab tuaj sau os.

Dej Cawm Siav

Registration date : 2014-08-29

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Dej Cawm Siav on September 7th 2014, 8:13 pm

Oh yog li mas tej movie no lam ua xwb yom, kuv xav tias ntshe yawg yuav yog 1 tug neeg nyiam lom zem heev li hauv tej movie no no, hauv yawg cov movie mas kuv saib zaj twg los yeej txaus luag heev li.

Dej Cawm Siav

Registration date : 2014-08-29

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Dej Cawm Siav on September 7th 2014, 8:42 pm

Ntsuag & Tub Toj Xeem


Muaj 1 hnub Tub Toj Xeem txawm tuaj yaum Ntsuag tias kom nkawv mus yos hav zoov ua si, Ntsuag txawm teb tias kuv tsis mus os vim kuv tsis muaj mov ntim su, Tub Toj Xeem txawm hais tias nrog kuv mus es kuv mam ntim rau wb 2 leeg noj, no ces Ntsuag txawm hais tias ua li mas yog koj ntim pub kuv noj thiab no ces mus kuj sis mus, no ces nkawv txawm sib yaum mus yos hav zoov ua si lawm, Ntsuag nqa 1 rab maum riam ua luag xwb hos Tub Toj Xeem mas ho nqa 1 rab phom, ces nkawv txawm mus yos tua nas tua noog ncig qab roob qab ha, nkawv mus mus tav su txog caij noj sus ces Tub Toj Xeem txawm nqa nws pob mov su khiav nce ntoo mus noj puag saum ntsis ntoo tsis pub Ntsuag noj lawm lauj, Ntsuag nyob hauv hauv paus no hu hu thov tias npawg kuv tshaib plab dhau lawm thov koj faib koj 1 qho mov pub kuv noj thiab kuv thiaj muaj zog nrog koj mus yos ntxiv, thov li cas los Tub Toj Xeem tsis teb tsis quav ntsej li, nws rau siab ntso noj nws pob mov su xwb, nws noj tag nws mam li nqis los, Ntsuag tsis tau su no ces Ntsuag tshaib plab heev Ntsuag tsis muaj zog mus kev li lawm Ntsuag ua nyuj nkag ntau lawm xwb lauj, nkawv mus zoj 1 pliag ntxiv hmoob tsis muaj txawm muaj 1 niag Nab Daj loj loj muab Tub Toj Xeem kauv kiag lawm lauj, Tub Toj Xeem nti li cas los nti tsis dim, nws thiaj tsa ncauj thov Ntsuag tias Ntsuag muab koj rab riam ntawm ko los tua kiag tus Nab no kom kuv dim es kuv thiaj tsis tuag es wb yuav mus tsev ma, no los Ntsuag tsis muaj 1 lub zog li nkag yuav lawm xwb thau tsis tau riam sawv mus tua Nab li thiab lauj, Tub Toj Xeem qw hu npaum cas los Ntsuag tsis muaj zog thau tau riam los tua Nab li ces niag Nab thiaj maj mam muab Tub Toj Xeem sawm siv zog zus siv zog zus ces Tub Toj Xeem siav yau zus yau zus ces tuag lawm lauj, niag Nab muab nws maj mam nqos tag ces Ntsuag thiaj ua cua nab nkag los txog tsev mam los hais qhia rau niam & txiv ces niam thiab txiv mam nqa phom nqa riam mus txog no niag Nab twb khiav dua twg lawm.


Zaj kwv huam no qhia tau tias:

1. peb ua neeg nyob yuav tsum saib tus pluag rau nqi, txhob xav tias luag pluag txom nyem luag yuav pab tsis tau yus, yus yuav tsis vam txog luag.
2. yuav tsum txhob ua saib tsis taus los sis tsis hlub cov pluag.
3. yuav tsum ua neeg siab zoo, siab dawb pab lwm tus ua ntej, tom qab luag yeej yuav pab yus rov.

nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 7th 2014, 10:34 pm

Koj zaj no yeej hais tau zoo hrev thiab od. Vas kuv ho piav tsis tau li neb ne..




Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 7th 2014, 11:43 pm

Ua tsaug rau koj cov history thiab os kwv Tas Lauv, nrog rau 2 tug phooj ywg poj niam thiab txiv neej. Hnub nov kuv tsi muaj sij hawm tuaj es kuv tuaj pom nej kuj sib tham mus deb kawg li lawm. Cia kuv muaj caij kuv li tuaj nyeem cov stories thiab os. Ntxim li yuav muaj kuab heev. Yuav yog tag kis yuav tsau ntuj ma kuv thiaj li muaj caij, Hnub nov kuv tus ntxhai tsi qhia kuv, kuv muab laj kab qhia tus vaub kib muaj 2 xyoo tau tawm lawm xyov mus rau qhov twg dhiav tsi pom lawm es kuv tseem nyuab siab heev. Hom Vaub kib nov yog hom loj loj ua lawv yug rau hauv chaws yug tsiaj. Yog nws loj txaus, nws yuav nyhav txog 300 pound.

Tus Vaub kib nov kuv tus ntxhai yuv $ 70 lo lawm thaum coj los me me luaj li lub qes qab lo xwb,Yug tau 2 xyoo nov loj heev lawm nws twb nyhav ze li 5 pounds lawm os. Yog nws tawm rau nraum zoov lawm ces luag pom luag muab nte lawm yus yuav tsi muaj peev xwm nrhiav tau lawm os. Tam sim nov tus Vaub kib nov raug nyiaj yog $ 500 nawb.

Tus vaub kib loj dua nov lawm os, thaum nov tseem loj tsi tau heev tab si tam sim nov ma loj dua lawm yus twb nqa tsi tshua tau lawm .


Nraug Cuam
member
member

Registration date : 2011-09-25

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Nraug Cuam on September 8th 2014, 12:13 am

Oh bro koj tus Vaub Kib no zoo nkauj kawg, yog li mas loj heev yom bro, cas yuav kim ua luaj li os bro, yog li kav tsij 6 siab nrhiav kom tau nawb.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 8th 2014, 1:55 am

Zoo kawg li bro Nraug Cuam koj zaj lus.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 8th 2014, 1:57 am

Bro TubHmoob, koj tus Vaub Kib loj kawg li lawm tiag, nqaij Vaub Kib mas qab heev nawb bro, thov txim nov yog hais rau cov Vaub Kib hav zoov xwb. Bro, koj tus Vaub Kib no tus nqi siab kawg li lawm tiag $500 ces yeej siab lawm.

nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 8th 2014, 2:43 am

yob zoo tijlaug taslauv, kuv tuaj lawm os, es kuv thov nqa koj cov paj huam thiab cov dab neeg qhuab qhia no mmus khaws cia rau kuv saib thiab kawm lawm nawb




Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 8th 2014, 6:19 am

Ua li mas tus muam nkaujhnubqub aw, tsuav koj pab nyiam thiab kav tsij nqa mus os.

nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 8th 2014, 6:39 am

Nyiam kawg mas tijlaug taslauv. Smile
Tuaj piav ntxiv rau kuv yuav copy mus khaws cia ma nawb




Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 8th 2014, 6:49 am

Ua li mas, cia kuv xyeej me ntsis kuv tseem yuav tuaj sau ntxiv os. Tseem tshuav ntau zaj lus thiab dab neeg uas kuv kawm tau thiab xav muab sau tawm los rau nej nyeem os. Muaj caij no kav tsij tuaj tsham saib seb tej thaum kuv puas tau sau pov rau nov nawb. Ua tsaug ntau os.

nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 8th 2014, 7:00 am

*Tas Lauv Vwm wrote:
Ua li mas, cia kuv xyeej me ntsis kuv tseem yuav tuaj sau ntxiv os. Tseem tshuav ntau zaj lus thiab dab neeg uas kuv kawm tau thiab xav muab sau tawm los rau nej nyeem os. Muaj caij no kav tsij tuaj tsham saib seb tej thaum kuv puas tau sau pov rau nov nawb. Ua tsaug ntau os.
Kuv tos ntsoov nyeem xwb na Taslauv a...
Mus leg koj tej num nrawm nroos nawb, es kuv twb tos tos lawm laiv... Very Happy Very Happy Very Happy

Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 8th 2014, 4:51 pm



LOST TORTOISE




The Turtle has been found by one neigh boor lives 2 blocks always from.

Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 8th 2014, 4:56 pm

3 tug phooj ywg aw, hnub nov kuv tus ntxhai tso fly tawm ces muaj ib tug American nyob 2 blocks hus tuaj rau nws hai tias, lawv khaws tau ib tug vaub kib nyob ze rau ntawm nws tsev ces nws thiaj li muab nqa mus tsev lawm. Ho tus American ntawd yug vaub kib coob heev thiab nws cov ma tseem loj tshaj thiab nws tseem tus cov me nyuam baby vaub kib muag thiab. Yog li lawv rov muab tus Vaub Kib rov rau kuv tus ntxhai lawm ma zoo siab kawg nkau.

Twb yog nws tso tus Vaub kib tawm noj zaub rau hauv vaj ces kuv tsi paub nws yeej muab lub ntsua phoo xauv laj kab thiab tab si kuv tsi nco hai tias nws tso tus Vaub kib noj zaub nraum zoov lawm ces kuv ho txiav nyom thiab txiav ntoo thiab kuv tsi ceev faj tsi nco txog lawm kuv thiaj li muab lub ntiag laj kab qhib dav dav tseg ces kuv ua hauj lwm kuv tsi ntsia li ce tus vaub kib tawm khiav mus deb heev thiaj li dhiav ib hmo tsi tau tag kis sawv ntxov es mam li tso ntawv tawm ces thaum 2 moos tav sus lawv mam li pom lawv li hus tuaj ces thiaj li mus nqa tau lawm os.

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 8th 2014, 5:38 pm

Zoo mas bro Very Happy Very Happy Very Happy Very Happy Very Happy

Thov Khawv

Registration date : 2014-05-20

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Thov Khawv on September 8th 2014, 8:08 pm

Kev Hlub Tiag


Muaj ib tug txiv neej ua lub neej pluag thiab txom nyem nrog rau nws tus poj niam uas zoo nkauj thiab muaj cov plaub hau ntev npws loo. Muaj ib hnub nws tus poj niam txawm hais kom nws yuav ib lub zuag ntsis plaub hau rau nws tus poj niam, thiaj tau ntsis cov plaub hau kom zoo nkauj los yog zoo saib. Tab sis tus txiv neej no yuav tsum tau teb lo lus tias: "thov txim ntau" rau nws tus poj niam vim nws tsis muaj ib qho me me nyiaj twg coj mus yuav tau, tab yog tus txiv neej no txoj hlua moo coj ntawm tes twb tu lawm los nws twb tsis muaj nyiaj mus hloov txoj hluas moo tshiab rau. Nws tus poj niam kuj to taub thiabtsis hais dab tsi.
Hnub tom qab thaum sawv ntxov, tus txiv neej thiaj mus ua zog dua lawm, ntawm txoj kev nws mus ua zog ntawd muaj ib lub lab kho moo thiab. Tus txiv neej no nws thiaj txiav txim siab muab nws lub moo uas tsis muaj hlua coj mus muag rau lub lab no yam tus nqi tsawg kawg nkaus. Nws thiaj coj qhov nyiaj ntawd mus yuav tau ib lub zuag los rau nws tus poj niam. Thaum nws rov los txog tsev, ua cas pom tau tias nws poj niam twb muab nws tus kheej cov plaub hau txiav tag lawm. Nws tus poj niam hais rau nws tias twb yog nws tus poj niam txiav cov plaub hau coj mus muag kom tau nyiaj yuav ib txoj hlua moo rau nws tus txiv.
Ob leeg thiaj sib khawm thiab sib aawg quaj, tsis yog quaj vim khuv xim dab tsi, vim txoj kev zoo siab thiab txaus siab hais tias ib leeg hlub ib leeg heev.
**********************
Txoj kev hlub xwb kuj tsis luaj twg, tab sis txoj kev "raug hlub" muaj nqis dua thiab kev "raug hlub" los ntawm tus tib neeg hlub yus yog ib yam uas "muaj nuj nqis" tshaj plaws hauv qab ntuj no. Yog li ntawd thaum txiav txim siab nrog ib tug neeg twg tsim txoj kev hlub lawm ces txhob xav tias yuav hlub nws zoo li "ua si".

nkaujhnubqub
member
member

Registration date : 2009-07-04

Character Sheet
 :

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by nkaujhnubqub on September 8th 2014, 8:58 pm

TubHmoob wrote:3 tug phooj ywg aw, hnub nov kuv tus ntxhai tso fly tawm ces muaj ib tug American nyob 2 blocks hus tuaj rau nws hai tias, lawv khaws tau ib tug vaub kib nyob ze rau ntawm nws tsev ces nws thiaj li muab nqa mus tsev lawm. Ho tus American ntawd yug vaub kib coob heev thiab nws cov ma tseem loj tshaj thiab nws tseem tus cov me nyuam baby vaub kib muag thiab. Yog li lawv rov muab tus Vaub Kib rov rau kuv tus ntxhai lawm ma zoo siab kawg nkau.

Twb yog nws tso tus Vaub kib tawm noj zaub rau hauv vaj ces kuv tsi paub nws yeej muab lub ntsua phoo xauv laj kab thiab tab si kuv tsi nco hai tias nws tso tus Vaub kib noj zaub nraum zoov lawm ces kuv ho txiav nyom thiab txiav ntoo thiab kuv tsi ceev faj tsi nco txog lawm kuv thiaj li muab lub ntiag laj kab qhib dav dav tseg ces kuv ua hauj lwm kuv tsi ntsia li ce tus vaub kib tawm khiav mus deb heev thiaj li dhiav ib hmo tsi tau tag kis sawv ntxov es mam li tso ntawv tawm ces thaum 2 moos tav sus lawv mam li pom lawv li hus tuaj ces thiaj li mus nqa tau lawm os.
koj tus me ntxhais muaj hmoo kawg li yom tijlaug Tubhmoob




Guest
Guest

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Guest on September 8th 2014, 9:02 pm

Kwv Tas lauv koj qhov topic kev hlub nov zoo kawg nkau lawm tab si tseem muaj tej qhov yus tsi tshua ntseeg siab thiab na. Kuv ces lam ua neej xwb kuv yeej tsi muaj qhov ntseeg siab, yog ua niam txiv es tsi muaj qhov ntseeg siab lawm ces txoj kev sib hlub ntawd yeej zai ntshi lawm xwb. haaaaaa Yog kuv lam yog txiv neej yawg ma kuv twb mus yuav dua ib tug poj niam lawm os tab si kuv lub siab xav li koj cov topic saum toj ntawd es kuv thiaj li ua lub siab zoo tag lo ua dua ua tag los ua dua kom txog rau thaum tuag es thiaj dim. Haaaaa

Sponsored content

Re: Qee Zaj Lus Nyeem Txhawb Lub Zog thiab Txhawb Txoj Kev Xav

Post by Sponsored content Today at 4:32 am

  • Reply to topic

Current date/time is December 7th 2016, 4:32 am