Home
Last edited by Nraug Cuam on September 26th 2013, 9:22 pm; edited 2 times in total
+6
koobpovtxuj
Thov Khawv
nkaujhnubqub
Davdub
Tubzoonraug
Nraug Cuam
10 posters
Sau Paj Huam(Poem) Ua Si
Nraug Cuam- member
- Registration date : 2011-09-25
Character Sheet:
Last edited by Nraug Cuam on September 26th 2013, 9:22 pm; edited 2 times in total
Nraug Cuam- member
- Registration date : 2011-09-25
Character Sheet
////Nkauj Kev Deb Nraug Kev Dav////
Ntuj yuas hmoob----------tus me hluas nkauj
Cas nim paub----------tau koj nyob deb
Leeg rooj teb----------txawv zej txawv zos
Hlub koj los----------nyob deb ua luaj
Ntshe yuav tuaj----------tsis tau li xav
Vim roob hav----------quas leeg nyob qho
Txawm yuav nco----------koj npaum twg los
Tsis koom zos----------ces kev hlub nyuaj
Ntshe twb muaj----------tus hlub 1 sab
Tuav koj npab----------pw koj xub ntiag
Qawm luj lias----------lawm ntuj tag hmo
Muaj tus nco----------nyob tuaj nruab siab
Nkauj nraug tshiab----------zoo li wb no
Leeg nyob qho---------ntshe yuav tsis tseeb
Nkauj xab yeeb----------thiab nraug xab xaws
Kawg muab khaws----------cia 6 nruab siab
Cia tiam tshiab----------seb puas muaj dua
Mam thawj ua----------nkauj nraug koom zos
Thiaj tau los----------pw koj xub ntiag
Lawm xwb tiag-----------os hmoob tus hlub
Ntuj tsis pub----------wb ntawv txij nkawm
Ntuj tsis sawm----------wb kev nkauj nraug
Thiaj tsis tau----------koom zej koom zos
Hlub koj los----------nyob deb luaj no
Txawm nco nco----------lub plawv yuav nres
Los cev tes----------twb tsis cuag koj
Nkauj dua toj----------thiab nraug dua kev
Hlub tsis ntev----------ntshe kawg tso cia
Tsam mob ntxhia-----------nyob tuaj nruab siab
Xws tshuaj iab----------lom tuaj nruab plawv
Ntuj yuav lawv----------tus me neeg zoo
Tsis muaj hmoo----------tau nyob sib ze
Sib tuav tes----------tham luag ntxhwb ntxhi
Mus ua si----------nce toj nqis hav
Taug kev tav----------nce toj nqis taug
Kev nkauj nraug----------zoo li wb no
Ntshe tsuas yog----------hlub ua chaw tshua
Nkauj yas ncua----------thiab nraug yas kab
Puas muaj fab----------rov 6 tiam 2
Puas tau nyob----------pw koj txhais npab
Nkauj yas kab----------thiab nraug yas ncua
Tsuas hlub ua----------lub chaws khuam siab
Lawm xwb tiag nas hmoob tus hluas nkauj e!!!!!
Last edited by Nraug Cuam on January 29th 2014, 9:46 pm; edited 3 times in total
Nraug Cuam- member
- Registration date : 2011-09-25
Character Sheet
""Qaug Hlub Hauv Internet""
Me leej muam….......tus neeg ntxim hlub
Txij ntua hnub….......kuv tau paub koj
Mov tsis noj….......dej tsis xav haus
Yeej nyob taus..........hmo ntuj nruab hnub
Neeg ntxim hlub….......zoo li koj no
Kuv yeej nco….......koj tshaj plaws ntais
Hmoob tej ntxhais.......…tus suab qab zib
Kuv thov pib.......…kev hlub puas tau?
Xav thov sau….......tag nrho kev hlub
Nqa tuaj pub….......6 koj 1 leeg
Thov koj ntseeg….......kuv thiab nawb mog
Yeeb vim yog….......qaug hlub koj lawm
Hmoob ntxhais ntxawm….......tus neeg ntxim hlub
Thov koj rub.......…kuv 6 xub ntiag
Puag 1 pliag.......…xwb los zoo siab
Hnia tus ntxhiab….......seb tsw li cas
Puas kam nas….......tus me neeg zoo
Lam muaj hmoo….......tau ua koj tus
Yuav hlub mus….......kam tag tiam no
Yuav tsis tso….......koj 6 lwm tus
Hmoob leej nus.......…zoo li kuv no
Cas yuav nco….......tshua koj ua luaj
Nthse koj muaj..........zoo xuj los cas?
Kuv thiaj ras…........nco koj tag npaum
Txij ntua thaum.......…pom koj hauv net
Los txog tsev….......nplooj siab qaug laim
Koj sawv nraim….......hauv kuv nruab siab
Thov koj thiab…........thov koj ho ntseeg
Koj 1 leeg…........yog tus kuv ntshaw
Nyob nruab plaw----------zwm cia nruab siab
Ntiaj teb tshiab----------yog tias muaj koj
Ua kuv poj----------nas hmoob tus hlub
Ntuj puas rub….......wb ntawv txij nkawm
Ntuj puas sawm…........wb kev niam txiv
Ntuj puas chiv…........wb los sib ntsib
Kom tau pib…........khaub plees nkauj nraum
Nyob 6 saum.........daim av luaj pua
Puas tau ua…........nkauj nraug 1 zaug
Puas tau taug….......koom 1 txoj kev
Ua kuv sev… ........os me leej muam
Tej lus xuam…........tham nyob face book
Ua rau kuv…........nplooj siab dua rhe
Vim koj tej….......me lus qab zib
Tuaj deev dib….......tau kuv nplooj siab
Ncauj npliag lias…........hais lus dai plawv
Kuv thiaj sawv..........g tus ntsuj plig
Yeej tsis tig…........puab cev ntaj ntsug
Siab kub lug….........xav tuaj mus cuag
Pom 1 muag.........seb haib npaum cas?
Tam xav mas….......koj ntxim hlub heev
Yog pom dheev........…tseem yuav vwm tshaj
Qhia ncaj ncaj…........yog sib ntsib kiag
Haj tseem nyiag........…hlub koj dua qub
Tseem qaug hlub.......…koj tshaj qhov no
Cia seb ho…........puas muaj caij nyoog
Sib hawm zoo…........mam li tuaj cuag
Tim ntsej muag…........thiaj li paub pib
Suab qab zib…........lawv tej ntxhais Hmoob
Puas muaj hmoo----------rov ntsib koj dua
Koj ne puas-----------yuav ntseeg kuv thiab
Lus tseem ntsiab-----------muab cia lwm zaus
Tsis tau xaus-----------li no leej muam
Koj yeej khuam-----------rawv hauv kuv siab
Cia hnub tsiab----------mam rov sib ntsib
Ncauj qab zib-----------tus neeg ntxim hlub
Puas muaj hnub------------cuav rais ua tseeb
Thov koj ntseeg..............kuv thiab leej muam
Yeej yuav tuaj........…kom ntsib koj xwb
Koj kuv wb…..........thiaj li sib po
Thov koj ho…..........txhob ntshai kuv mog
Kuv tuaj txog…..........wb mam txiav txim
Yog tsis phim..............ces nyias mus nyias
Mam ua siab…..........tu lub siab nrho
Tias tiam no….........tsis muaj txoj hmoo
Mam tsis nroo ntxiv lawm os leej muam aw.
(ua tsaug)
Last edited by Nraug Cuam on January 29th 2014, 9:49 pm; edited 7 times in total
Nraug Cuam- member
- Registration date : 2011-09-25
Character Sheet
Zaj no thov muab ua cov poj niam tug
“””Nraug Hmoob Siab Dub”””.
Ntuj os yuam----------tus neeg kuv hlub
Nco thaum ub----------nyuam qhuav sib ntsib
Koj xub pib----------hais lo lus hlub
Koj niaj hnub----------tuaj mus cuag kuv
Niaj hmo thuv----------kuv tej phab ntsa
Koj xub tsa----------ncauj tias yuav hlub
Yuav tsis pub----------lub kua muag poob
Me nraug hmoob-----------tus ncauj qab zib
Kuv thiaj qhib----------lub siab ntseeg koj
Muab kuv txoj----------me kev hlub no
Tso tag nrho----------rau koj 1 leeg
Kuv thiaj ntseeg----------koj tag txhua yam
Kuv thiaj plam-----------lub cev nkauj xwb
Thiaj tau swb----------mus ua koj li
Tsaus ntuj nti----------los siab tsis kaj
Nco koj tshaj----------os hmoob tej tub
Wb kev hlub----------lub sij hawm dhau
Tseem cia rau----------nruab siab tsis ploj
Kev hlub loj----------sib tso tsis tau
Sib nco dhau----------siab ntsws lwj tag
Tsis yog dag----------yeej hlub koj heev
Siab tsis kheev----------thaum sib ncaim mus
Siab puas tsus-----------6 koj 1 leeg
Kuv tsuas ntseeg----------koj 1 leeg xwb
Thaum ntawv wb----------tau cog lus khov
Ntuj nram ntxov-----------thaum lub hli xiab
Me nplooj siab----------tus neeg kuv nco
Tseem nco hmo-----------thaum xiab 15
Wb sib ntsib----------nyob 6 hmo ntawv
Koj puag rawv----------kuv 6 xub ntiag
Kuv pw kiag-----------ntawm koj txhais npab
Pw 1 sab----------wb saib hnub qub
Muaj 1 lub----------cig ntsais pluj plias
Koj piv tias---------- kuv zoo npaum li
Lub uas ci----------nyob 6 hmo ntawv
Tsis xav sawv----------hauv koj xub ntiag
Hlub koj tiag----------os me nplooj siab
Lus tseem ntsiab----------wb tham khee kawv
Nyob hmo ntawv-----------kuv tseem nco ntsoov
Tsis tau hloov-----------kuv nplooj siab li
Tham ua si-----------twb tsis tau txaus
Lub ntuj tsaus-----------sij hawm twb lig
Wb thiaj tig-----------hais lus sib ncaim
Koj puag qaim------------kuv 6 xub ntiag
Nco kawg kiag-----------tsis xav ncaim mus
Siab puas tsus----------tsis xav sib nrug
Siab kub lug-----------tsis xav ncaim mus
Me leej nus----------tus kuv hlub e
Nyob ua ke-----------twb tsis tau txaus
Lub ntsuj tsaus-----------sij hawm tsis tos
Nco heev los-----------yuav tau ua siab
Tawm hnub tshiab-----------tsis thooj nag hmo
Yeeb vim yog------------koj yuav ncaim mus
Hmoob leej nus-----------hlub koj ua luaj
Txawm tsis quaj----------los kua muag poob
Me nraug hmoob-----------lawv tej tub zoo
Vim txoj hmoo------------los vim dab tsi
Koj thiaj li------------yuav tso kuv cia
Ua mob ntxhia------------zwm 6 nruab nrog
Twb vim yog------------txoj me kev kawm
Koj thiaj tawm-----------mus nyob txawv nroog
Tso nkauj hmoob-----------zoo li kuv no
Ua tus nco-----------nyob rov tom qab
kuv siab fab----------- plawv mob tej teg
Vim koj tseg-----------kuv nyob khuam ntuv
Koj ncaim kuv-----------thov txhob siab dub
Wb kev hlub------------thov koj nco ntsoov
Thov txhob hloov------------mus hlub lwm tus
Mog leej nus------------tus neeg kuv hlub
Txij ntua hnub-----------uas koj ncaim lawm
Lub sij hawm-----------tsis muaj tsawg hnub
Tus kuv hlub----------cas lawm ntsiag to
Koj tsis nco----------kuv lawm los cas
Koj thiaj ras---------mus lawm ntsiag txhiaj
Cas koj thiaj---------tsis xa xov los
Kuv tos tos---------koj ua hnub hmo
Kuv nco nco----------koj tshav ntuj nrig
Kuv xam tig----------mus sab ntuj twg
Me phooj ywg----------twb tsis muaj koj
Mov tsis noj----------dej tsis xav haus
Lub ntuj tsaus----------ntuj kaj nci rawv
Ntuj yuas lawv----------tus neeg kuv nco
Cas hnub no----------kua muag thiaj poob
Me nraug hmoob-----------yog vim dab tsi
Koj thiaj li----------sau tsab ntawv liab
Rau npawg Phiab----------nqa los tu moo
Kuv twb zoo----------lub siab hais tias
Koj yuav lias----------sau wb kev nco
Kuv nthuav hlo-----------cas yog ntawv liab
Kuv poob siab----------ib ce caws yaum
Kuv quaj zaum-----------pw nthi saum txaj
Siav yuav yaj-----------lub plawv yuav nres
Ob sab tes-----------yeej tsa tsis tau
Mob siab dhau-----------tsis paub ua cas
Siab lwj tas-----------tsis xav ua neeg
Ntuj ua yeeg-----------hos teb ua yoj
Lub plawv ntoj----------yau lawm zuj zus
Ob sab plhu----------kua muag ntws si
Cuag nkaus li----------nws muaj dej txhawv
Tsis xav sawv----------kuv pw quaj txaus
Ntuj twb tsaus----------kuv tseem fim feeb
Mam taws teeb---------- nyeem koj tsab ntawv
Ua siab tawv----------khov kho los zaum
Tso nruab qaum----------ib tim phab ntsa
Maj mam tsa----------tsab ntawv los nyeem
Maj mam txheem----------los zaum tus tus
Me leej nus-----------nyob 6 thawj kab
Koj kuj fab----------hais lus nyob zoo
Kuv nyeem loo----------6 kab txuas ntxiv
Koj txawm siv-----------hais lus tu siab
Koj hais tias-----------wb kev hlub nco
Cia muab tso----------txij hnub no mus
Me leej nus----------kuv tsis nkag siab
Lub tseem ntsiab----------yog txhais li cas
Thaum nyeem tas----------koj tsab me ntawv
Kuv lub plawv----------zoo li yuav nres
Mob tej teg-----------npaum cuag riam hno
Ua tiag npo----------kaj ntug tag kis
Kuv thiaj li----------mus nug npawg Phiab
Nws mam qhia----------rau kuv hais tias
Koj twb lias-----------yuav poj niam ntev
Kuv los tsev-----------ib ce tsaug tas
Lub siab mas----------mob tsheej niag zaj
Nkag hauv txaj----------zaum quaj 1 leeg
Kuv tsis ntseeg-----------tias nws yog tseeb
Lus meej xeeb-----------wb yeej tham khov
Ntuj nram ntxov-----------thaum lub hli xiab
Lus tseem ntsiab----------wb yeej tam tas
Hmo hli nra-----------puag hnub nthaum ntxov
Tej lus khov----------wb tham hmo i
Hmo qaim hli----------muaj koj thiab kuv
Cas tseem khuv----------muab kuv tso cia
Puas yog tias----------luag zoo dua kuv
Koj thiaj khuv-----------rhuav wb kev hlub
Neeg siab dub----------mus zoo koj mog
Txhob nco txog----------kuv lawm leej nus
Kav tsij mus----------raws koj siab nyiam
Neeg lim hiam----------siab phem txia ntshav
Thov txhob xav----------txog kuv lawm os
Yav tag los---------- ntawm wb kev nco
Cia muab tso-----------txij li no xwb
Koj kuv wb----------ces tag zaum no
Ntshe yuav nco-----------koj tag 1 sim
Kuv tsis phim-----------los ua koj sev
Yam txoj kev-----------koj tsis xav taug
Kev nkauj nraug----------ntawm wb yav dhau
Cia muab sau----------ua dab neeg cia
Ua mob ntxhia-----------tuaj 6 nruab siab
Tag 1 txhiab----------1 txhis tsis ploj
Mus zoo koj-----------mog neeg siab dub
Wb kev hlub----------kuv mam nco cia
Tsis tham qhia-----------6 neej thiab dab
Tuag rov fab----------- nyob 6 tiam 2
Puas tau nyob-----------pw koj xub ntiag
Lawm xwb tiag leej nus siab dub e!
Ua tsaug.
Last edited by Nraug Cuam on January 29th 2014, 9:50 pm; edited 5 times in total
Tubzoonraug- Registration date : 2009-12-15
Wow, brother Nraug Cuam koj yeej tshaj lij kawg nkau li os. Kuv muab mus link rau Tus hlua nkauj Hmoob Muas nov nawb.
Nraug Cuam- member
- Registration date : 2011-09-25
Character Sheet
Nyob zoo bro Tubzoonraug, lam sau ua si kom lom zem es wb thiaj tsis laj nyob xwb os. Brother, thov txim kuv muab 2 daim duab delete lawm nawb, vim tsam tus tswv tuaj pom ces nws ho xav li cas.
Bro, kav tsij muab link 6 nws tuaj nrog wb nyeem ua si mas es wb thiaj tsis laj nyob os, kuv tsis xav li cas li os.
Bro, kav tsij muab link 6 nws tuaj nrog wb nyeem ua si mas es wb thiaj tsis laj nyob os, kuv tsis xav li cas li os.
Tubzoonraug- Registration date : 2009-12-15
Haaaa, deleted lawm lo tsi ua li ca ma bro, nws yog koj tug ces ua li koj nyiam xwb lo tau os.
Nraug Cuam- member
- Registration date : 2011-09-25
Character Sheet
Cia 2-3 hnub ntxiv kuv mam li rov tuaj kho dua 6 os bro.
Nraug Cuam- member
- Registration date : 2011-09-25
Character Sheet
Brother, kuv thov nws nws kam lawm kuv twb rov qab nqa tuaj post rau lawm os, tus nyob sab xis ces yog tus nkauj hmoob Muas koj muab link rau tom fb, hos tus sab lauj ces yog nws tus niam laus os.
Tubzoonraug- Registration date : 2009-12-15
haa, zoo lawm ma bro, kuv pheej tsi muaj caij ntsib nws es kuv thiaj li tsi tau hai rau nws thiab os. zoosiab os brother.
Nraug Cuam- member
- Registration date : 2011-09-25
Character Sheet
Nyob zoo brother Tubzoonraug, zoo siab rov tau ntsib koj ua tij hnub no dua, cia siab tias nws thiab tsev neeg txhua tus yuav ntsib kev noj qab nyob zoo li qub.
Nraug Cuam- member
- Registration date : 2011-09-25
Character Sheet
Hmoov Tsis Sawm
Ntuj os yuam----------me niam leej ntxhais
Kev hlub hais-------------zoo npaum wb no
Kuv nco nco------------------koj ua luaj tiag
Nrug ib pliag----------------siab twb tsis kaj
Hlub koj tshaj--------------os me leej muam
Tej lus xuam-------------wb tham yav dhau
Tseem khaws rau------hauv kuv nruab siab
Pua txog txhiab-------------lo los tseem nco
Cas hnub no----------------thiaj li mob siab
Kev hlub iab---------------ces yog zaum no
Yeeb vim yog-----------koj niam thiab txiv
Nkawv tsis chiv-------------cia wb sib hlub
Nkawv tsis pub---------------wb los sib tau
Tsis pub sau--------------ua txij ua nkawm
Hmoov tsis sawm-------thiaj tsis phim nej
Yam tus dej---------------thiaj cais tu nrho
Txawm nco nco--------koj npaum twg los
Yuav tau pos-------------muag quaj 1 leeg
Siab mob deeg-------npaum ntuj yuav vau
Mob siab dhau-------------tsis paub ua cas
Kev tws tas-------------yeej xav tsis tawm
Vim nkauj ntxawm------tus neeg kuv nco
Twb yuav tso-------------kuv rau tom qab
Mus ua nyab----------------rau ib rooj teb
Ncua kev deb---------ntxeev ntuj nraum i
Tsaus ntuj nti---------------nco koj ua luaj
Nplooj siab quaj----------ua hnub ua hmo
Vim nco nco-------------koj os leej muam
Tus neeg ruam----------txom nyem li kuv
Nkawv thiaj khuv---------tsis cia ua vauv
Nkawv thiaj tauv--------tsis pub dej ntws
Tsis pub nws-------------los yug tus ntses
Zaum no ces----------plam koj lawm tiag
Vim nyiaj txiag---------quas wb kev hlub
Luag tsis pub----------------wb los sib sau
Thiaj tsis tau----------------koj ua kuv tus
Hmoob leej nus-------------zoo li kuv no
Thov koj ho----------tsis txhob nco txog
Mus zoo mog----------tus neeg kuv hlub
Kav tsij rub-------------koj lub siab ntev
Ua zoo sev-----------rau koj txij nkawm
Lub sij hawm------ntawm wb yav dhau
Cia muab sau----------ua dab neeg mog
Thaum twg yog----------wb rov sib nco
Wb mam ho-----muab nthuav los nyeem
Seb puas cheem--------tau txoj kev mob
Thov tsis txhob--------tham qhia luag tej
Yav nram ntej--------ntawm wb kev hlub
Tsis txhob pub------koj txij nkawm paub
Tsis txhob saub--------rau nws hnov mog
Muab zais npog------tuag nthi nruab siab
Tuag nruab thiab-------los txhob qhia dab
Seb tuag fab---------------rov rau tiam ob
Puas tau nyob------------pw koj xub ntiag
Puag koj kiag---------rau kuv txhais npab
Zaum ib sab--------------pw koj xub ntiag
Yog muaj tiag------------tuag fab tiam ob
Mam tsis txhob---------haus teev dej dab
Thiaj nco qab-------ntsoov los nrhiav koj
Tseg tsis noj---------------neej lub qe laig
Thiaj tsis daig---khuam nyob nruab plawv
Thov daim ntawv-----zoo ntawm nyuj vab
Thiaj nco qab---------ntsoov los nrhiav koj
Ua kuv poj---------------rov rau tiam tshiab
Lawm xwb tiag os leej muam e!.
[/size]
Kawg
Last edited by Nraug Cuam on January 29th 2014, 9:53 pm; edited 8 times in total
Nraug Cuam- member
- Registration date : 2011-09-25
Character Sheet
Muab zaj no rau koj os brother Tubzoonraug, txawm sau tau tsis zoo li siab xav los thov zam txim pub kuv thiab os brother.
Nco Lub Neej dhau Los
Me koj niam----------tus neeg kuv hlub
Txij ntua hnub---------kuv no tau koj
Ua kuv poj----------los txog tav no
Kuv tseem nco----------wb tej lus ntos
Tej lus mos----------tej lus qab zib
Thaum wb pib----------nyob zos toj siab
Lub xyoo tshiab---------1-9-7-2
Thaum tseem nyob---------teb chaws Los Tsuas
Kuv tseem hluas----------hos koj tseem yau
Ntuj yav dhau----------ntawm wb kev hlub
Kuv niaj hnub----------tuaj mus cuag koj
Los vim txoj----------me kev sib nco
Txhua txhua hmo----------thaum lub ntuj tsaus
Kuv tuaj zaum----------ntawm koj phab ntsa
Kuv tuaj tsa----------koj nrog kuv tham
Tham tsheej tsam----------ntuj teb tag hmo
Ntsiag moo to---------muaj wb ob leeg
Lub plawv deeg----------siab mob tsheej zaj
Sib nco tshaj-----------nyob rau thaum ntawv
Tsis xav sawv----------rov mus tsev li
Tsaus ntuj nti----------ntuj teb ntsiag to
Yeej tsis nco-----------ntshai dab ntshai tsov
Tuaj zaum zov----------koj txhua txhua hmo
Kuv tseem nco----------txhua yam dhau los
Muaj 1 hmos----------kuv nrog koj nyob
Wb tau hnov----------ib lub suab noog
Quaj tau zoo----------kho wb siab zim
Quaj puag tim----------peb ntug zos tuaj
Nws mas quaj----------tau kho siab heev
Nws quaj seev---------tau kho siab khuav
Thaum ntawv yuav----------luag 1 tag hmo
Tus ntawv yog----------Pob Kws Kauv Kaus
Nws quaj xaus----------ces kuv los tsev
Tsis tau ntev----------tsis muaj tsawg hnub
Wb kev hlub----------kuj tau loj zus
Wb tej lus----------8 tham 8 nco
Sim neej no----------sib nco tshaj plaws
Kuv thiaj qaws----------koj ua txij nkawm
Lub sij hawm----------kuj tsis tsawg xyoo
Tsis muaj hmoo----------tsov rog dub ntaus
Nyob tsis taus----------thiaj tau khiav tawm
Lub sij hawm----------ntawm wb kev hlub
Thiab wb lub----------qub zej qub zos
Thiaj muab tso---------pov rau tom qab
Ua me kab----------me noog chaw quaj
Thiaj khiav tuaj----------tshwm rau thaib sab
Zos toj ntxhab----------teb chaws Los Tsuas
Kuv tseem hluas----------hos koj tsem me
Tej vaj tse----------txhua tsav txhua yam
Thiaj tau plam----------poob rov tom qab
Nyob Thaib sab----------lub yeej Vib Nais
Yeej Noom Qhais----------Nab Nyaus txhua qhov
Hmoob nyob ntxov----------quas niab sib xyaws
Peb sawv daws----------nyob kho siab khuav
Yam tus Puav----------dai taw saum tsua
Kev sib tshua----------los kuj ua luaj
Txoj hmoov muaj----------zeb tsis nias hau
Thiaj hla dhau----------niam dej Naj Khoom
Caij nyab hoom----------ya saum huab cua
Tuaj ntxog ntua----------rau US sab
Tau noj qab----------hnav zoo xws luag
Me tub ntsuag----------tau ncej puab qaib
Tsis yoo tshaib----------li ntuj thaum ub
Tsis tsawg hnub----------twb tau ntau xyoo
Kuv tig loo----------xav txog thaum ub
Wb kev hlub----------yav ntuj thaum i
Kua muag si----------twb tsis nco hnov
Ntuj nram ntxov----------os me koj niam
Cas ib tiam----------txawm siv yuav xaus
Cas twb laus----------muaj tub muaj nyab
Neej dhau nrab----------laus li no lawm
Lub sij hawm----------kuj tsis tsawg xyoo
Kuv tig loo----------saib tej qub duab
Uas wb muab----------khaws cia tau saib
Yees tim Thaib----------lub yeej Vib Nais
Thaum yuav ncaim----------tuaj teb chaws no
Kua muag nrog----------poob ntws twj ywm
Hais tsis tshwm---------- ib lo lus li
Kua muag si----------poob ntws sib niab
Cas mob siab----------ua luaj tag npaum
Nco puag thaum----------nyuam qhuav sib ntsib
Nyuam qhuav pib----------wb txoj kev hlub
Wb niaj hnub-----------tuaj mus sib cuag
Thaum kuv puag----------koj rau xub ntiag
Nco kawg kiag-----------li os koj niam
Cas yuav xiam----------rau qhov laus lawm
Lub sij hawm----------nim tuav tsis tau
Cas nim dhau---------mus lawm zuj zus
Wb tej lus---------thiab lub qub zog
Rov xav txog----------cas yuav kho siab
Cia xyoo tshiab----------xyoo no los txog
Koj mam nrog----------kuv rov mus xyuas
Seb nws puas tseem nyob li qub os koj niam aw!
Kawg
Last edited by Nraug Cuam on January 29th 2014, 9:59 pm; edited 4 times in total
Nraug Cuam- member
- Registration date : 2011-09-25
Character Sheet
Kuv Me Niam Tsev Zoo
Ntuj nis yuam----------kuv niam tsev zoo
Muaj txoj hmoo----------kuv thiaj tau koj
Ua kuv poj----------pw kuv xub ntiag
Zoo kawg kiag----------tau koj los hlub
10 lag kub----------twb piv tsis tau
Txoj plaub hau----------ntawm kuv niam tsev
Zoo poj sev----------tsis tshaj koj lawm
Zoo txij nkawm----------ces tsuas npaum koj
Kev ua noj----------los koj txawj txhua
Kev tiam qhua----------los yeej txawj txaus
Kev noj haus----------los koj paub txhij
Txog kwv tij----------hais lus luag nyav
Txog neej tsa----------koj hais luag ntxhi
Zoo kawg li----------kuv me niam tsev
Koj siab ntev----------tab cuab vij zeej
Wb lub neej----------tsheej cuag ntseg yim
Los yeeb vim----------muaj koj txhawb zog
Ua neej txog----------tav ntuj li no
Cas tos nco----------wb txawm siv laus
Txhua txhua zaus----------thaum kuv tig saib
Koj tseem haib----------cuag ntuj thaum
Tseem luag ntxhi----------cuag ntuj thaum ub
Tseem ntxim hlub----------npaum 3 tag kis
Kuv hnia ntshis----------tsis xav nrug li
Koj luag ntxhi----------txhawb kuv nplooj siab
Koj tus ntxhiab----------tsw haum kuv tshaj
Koj siab ncaj----------hlub txhua txhia tus
Tsis lam mus----------zij ncaug ntxi muag
Koj kuj nquag----------tu tsev du dais
Tub thiab ntxhais----------koj tu huv si
Qhia txuj ci----------thiab kev txawj ntse
Tej txheeb ze----------thiab neeg zej zog
Lawv tuaj txog----------lawv pom lawv qhuas
Mov txhua pluas----------koj ua los qab
Tsis nco sab----------yog tias muaj koj
Ua kuv poj----------tham luag ntxhwb ntxhi
Zoo tshaj li----------yug los tiam no
Yeej tsim nyog----------qhov wb sib tau
Los sib sau----------ua txij ua nkawm
Txoj hmoov sawm----------thiaj tau Nkauj Zag
Pw ib txag----------koom ib lub ncoo
Muaj txoj hmoo----------tau nkauj Zuag Paj
Zoo siab tshaj----------li os koj niam
Uas kuv tiam----------ntawv los tau koj
Zoo tam zoj----------lub me pov haum
Nyob puag saum----------nkauj hnub nraug hli
Yam dab tsi----------los piv tsis tau
Yuav thov sau----------hlub kom tag tiam
Mog koj niam----------me niam tsev zoo
Kuv lam nroo----------1 los faj seeb
Yog muaj tseeb----------nyob rau tiam ob
Thov saub txhob----------muab wb sib nrug
Thov kom yug----------los sib ntsib dua
Thov los ua----------koj tus zoo txiv
Ib zaug ntxiv----------nyob rau tiam tshiab
Thov thawj thiab----------los hlub zaum ob
Kom tau nyob pw koj xub ntiag dua os koj niam e!
Ntuj nis yuam----------kuv niam tsev zoo
Muaj txoj hmoo----------kuv thiaj tau koj
Ua kuv poj----------pw kuv xub ntiag
Zoo kawg kiag----------tau koj los hlub
10 lag kub----------twb piv tsis tau
Txoj plaub hau----------ntawm kuv niam tsev
Zoo poj sev----------tsis tshaj koj lawm
Zoo txij nkawm----------ces tsuas npaum koj
Kev ua noj----------los koj txawj txhua
Kev tiam qhua----------los yeej txawj txaus
Kev noj haus----------los koj paub txhij
Txog kwv tij----------hais lus luag nyav
Txog neej tsa----------koj hais luag ntxhi
Zoo kawg li----------kuv me niam tsev
Koj siab ntev----------tab cuab vij zeej
Wb lub neej----------tsheej cuag ntseg yim
Los yeeb vim----------muaj koj txhawb zog
Ua neej txog----------tav ntuj li no
Cas tos nco----------wb txawm siv laus
Txhua txhua zaus----------thaum kuv tig saib
Koj tseem haib----------cuag ntuj thaum
Tseem luag ntxhi----------cuag ntuj thaum ub
Tseem ntxim hlub----------npaum 3 tag kis
Kuv hnia ntshis----------tsis xav nrug li
Koj luag ntxhi----------txhawb kuv nplooj siab
Koj tus ntxhiab----------tsw haum kuv tshaj
Koj siab ncaj----------hlub txhua txhia tus
Tsis lam mus----------zij ncaug ntxi muag
Koj kuj nquag----------tu tsev du dais
Tub thiab ntxhais----------koj tu huv si
Qhia txuj ci----------thiab kev txawj ntse
Tej txheeb ze----------thiab neeg zej zog
Lawv tuaj txog----------lawv pom lawv qhuas
Mov txhua pluas----------koj ua los qab
Tsis nco sab----------yog tias muaj koj
Ua kuv poj----------tham luag ntxhwb ntxhi
Zoo tshaj li----------yug los tiam no
Yeej tsim nyog----------qhov wb sib tau
Los sib sau----------ua txij ua nkawm
Txoj hmoov sawm----------thiaj tau Nkauj Zag
Pw ib txag----------koom ib lub ncoo
Muaj txoj hmoo----------tau nkauj Zuag Paj
Zoo siab tshaj----------li os koj niam
Uas kuv tiam----------ntawv los tau koj
Zoo tam zoj----------lub me pov haum
Nyob puag saum----------nkauj hnub nraug hli
Yam dab tsi----------los piv tsis tau
Yuav thov sau----------hlub kom tag tiam
Mog koj niam----------me niam tsev zoo
Kuv lam nroo----------1 los faj seeb
Yog muaj tseeb----------nyob rau tiam ob
Thov saub txhob----------muab wb sib nrug
Thov kom yug----------los sib ntsib dua
Thov los ua----------koj tus zoo txiv
Ib zaug ntxiv----------nyob rau tiam tshiab
Thov thawj thiab----------los hlub zaum ob
Kom tau nyob pw koj xub ntiag dua os koj niam e!
Last edited by Nraug Cuam on October 9th 2013, 2:40 am; edited 4 times in total
Tubzoonraug- Registration date : 2009-12-15
Ua tsaug os kwv nraug Cuam, Kuv tseem nyeem tsi tau tag yog kuv lam txawj seev suab ma kuv yuav seev suab os.
Nraug Cuam- member
- Registration date : 2011-09-25
Character Sheet
Tsis ua cas os brother, kuv tuaj pem hauj lwm tuaj xwb kuv lub computer ua hauj lwm qeeb qeeb li es kho tsis tau zoo, cia kuv mus txog tsev kuv mam li rov kho rau kom zoo nyeem me ntsis os. Ua tsaug
Davdub- member
- Registration date : 2009-12-19
zoo siab kawg li os bro therm, yog koj yuav ua kom cov font loj ces koj tso ib zaug zoo li nram qab nov, [size = ?] sau lus hauv nov [/s i ze] koj sau li nov ib zaug xwb ces nws yeej ua tau lawm, ho koj yuav ua kom nws muaj font zoo ces koj ua ib zaug li nov xwb, [ font=? ] cov lus koj sau nyob hauv nov [ / font ]koj tso cov ending li nov xwb ces nws yeej ua tau thoob plaws lawm es koj thiaj li tsi tau siv sij hawm ua ib kab zuj zus koj thiaj li tsi siv sij hawm ntev ntev os.
Nraug Cuam- member
- Registration date : 2011-09-25
Character Sheet
Ua tsaug os brother cia kuv mam sim ua li koj hais seb puas tau os.
Davdub- member
- Registration date : 2009-12-19
Koj sim ua li kuv hai ma, nws tsi ua rau koj txaij qhov muag thiab ua yooj yim rau koj tiag. Kuv tej color thiab font size lo yog ua kom size loj ces kuv siv li hai xwb os. Yeej ua tau zoo li es tsi txaij qhov muag ma.
Nraug Cuam- member
- Registration date : 2011-09-25
Character Sheet
Ua li os bro, cia kuv mam sim seb puas tau, tsis tau no mam kom koj qhia dua os.
nkaujhnubqub- member
- Registration date : 2009-07-04
Character Sheet
Sob me no ....................................yuav sau tshuam
Me nus nraug cuam ............................tus muaj suab
Tus txawm puab................................. paj huam zoo
Yuav txawj nroo.........................ntxim leej muam siab
Xav hnov ntxhiab..................................xav taug qab
Nws li ntsab .........................................peb xav qee
pa dej tee ......................................xav nrog nws da
Nws txawj qha ................................nqaij sawb heev
Thiaj lam seev .......................................los lam sau
Txawm tsis tau .........................................zoo li koj
Los lam soj........................................kom pom koj lw
Ua noog w ...............................lam npauj qhov taub
Txawm tsis paub..............................los txhob thuam
Lus paj huam...................................dho tsis ntxaws
Thiaj lam xaws.....................................ua doj ua de
Daim tiab me..........................................los siv xwb
Thiaj lam nrwb ......................................lus los kawm
Ces lam tawm .........................................los teb koj
Koj puas noj .......................................qab nyob zoo
Tsis pom nroo.................................... qhov twg tuaj
Ces lam tshuaj..................................los saib nej lawm mog .......
Me nus nraug cuam ............................tus muaj suab
Tus txawm puab................................. paj huam zoo
Yuav txawj nroo.........................ntxim leej muam siab
Xav hnov ntxhiab..................................xav taug qab
Nws li ntsab .........................................peb xav qee
pa dej tee ......................................xav nrog nws da
Nws txawj qha ................................nqaij sawb heev
Thiaj lam seev .......................................los lam sau
Txawm tsis tau .........................................zoo li koj
Los lam soj........................................kom pom koj lw
Ua noog w ...............................lam npauj qhov taub
Txawm tsis paub..............................los txhob thuam
Lus paj huam...................................dho tsis ntxaws
Thiaj lam xaws.....................................ua doj ua de
Daim tiab me..........................................los siv xwb
Thiaj lam nrwb ......................................lus los kawm
Ces lam tawm .........................................los teb koj
Koj puas noj .......................................qab nyob zoo
Tsis pom nroo.................................... qhov twg tuaj
Ces lam tshuaj..................................los saib nej lawm mog .......
Tubzoonraug- Registration date : 2009-12-15
Nkauj Hnubqub,
Ntev lawm tsi pom koj tshawm li es koj pua nyob zoo thiab? Koj tsi tuaj ces kuv yuav mus ua laib laus rau Laos nawb, xav li xwb tab si lub siab tsi xav li ntawd.
Ntev lawm tsi pom koj tshawm li es koj pua nyob zoo thiab? Koj tsi tuaj ces kuv yuav mus ua laib laus rau Laos nawb, xav li xwb tab si lub siab tsi xav li ntawd.
nkaujhnubqub- member
- Registration date : 2009-07-04
Character Sheet
mus mas ua tib zoo saib nawb mog, kuv tsis khoom es kuv tuaj tsis tau thiaj tsis khoom tuaj xwb os.
Tubzoonraug- Registration date : 2009-12-15
NkaujHnubqub,
nyob zoo os, zoosiab koj tuaj os, kuv mus tim Laos ma, tab si tsi paub yuav zoo li ca os. Lub 11 hli nov ces yog kuv schedule mus tim ub os.
nyob zoo os, zoosiab koj tuaj os, kuv mus tim Laos ma, tab si tsi paub yuav zoo li ca os. Lub 11 hli nov ces yog kuv schedule mus tim ub os.
Nraug Cuam- member
- Registration date : 2011-09-25
Character Sheet
Xa Suab Nrog Huab Cua .
Kuv Nraug Cuam---------thiab Tubzoonraug
Thov ua tsaug--------rau nej txhua leej
Wb tus kheej---------thov xa suab seev
Thov muab teev------------ua zaj lus taum
Tso rau saum---------nkauj huab nkauj cua
Xa kev tshua------------tuaj mus cuag nej
Yav nram ntej-----------peb kev phooj ywg
Nyob ntuj twg-----------lawm los puam chawj
Thov cua ntsawj-----------xa lub suab no
Seb puas ho-------------txog nej txhua tus.
Wb cov lus-----------yog kev kho siab
Lub tseem ntsiab-----------ces yog kev tshua
Thov nkauj cua------------pab xa tsab xov
Kom nej hnov--------------tias wb tseem nco
Nco tag nrho----------txhua leej txhua tus
Nej ncaim mus----------lawm ploj qab ntais
Niam leej ntxhais----------thiab txiv leej tub
Ncaim ntau hnub----------tsis pom nej tshwm
Nyob tsis tswm----------vim nco nej heev
Wb thiaj seev----------lub me suab no
Tias wb nco----------nej tshaj plaws li
Tsaus ntuj nti----------vim nej tsis tuaj
Thiaj tsis muaj----------tus nrog wb nyob
Vaj tse nphob----------tsis muaj tus tu
Wb quaj hu---------los nej tsis teb
Ncaim mus deb----------ntshe nej tsis hnov
Tsab me xov----------nrhiav nej txhua tus
Wb tej lus----------xa nrog huab cua
Wb kev tshua----------thiab kev txhawj xeeb
Thiaj muab teeb-----------post 6 ntawm no
Yog nej ho----------tau rov tuaj pom
Xav thov kom----------nej ho nco wb
Me phooj ywg----------tus raug tso cia
Thov tig ntsia----------tuaj sab ntuj no
Thov nej ho----------xa xov wb paub
Ho sau ntaub----------sau ntawv tuaj cuag
Tig ib muag----------tuaj saib qub zos
Wb tseem tos----------ntsia xub ke ntsoov
Seb txoj hmoov----------puas yuav rov zoo
Puas muaj hmoo----------rov ntsib nej dua
Vim tseem tshua----------txog nej kawg nkaus
Cov tij laug----------nrog rau cov muam
Kuv Nraug Cuam----------thiab Tubzoonraug
Thov ua tsaug----------rau nej txhua tus
Txij no mus----------thov nej nco wb
Mog phooj ywg cov hmov thiab tshua!!!
Last edited by Nraug Cuam on November 10th 2013, 9:49 pm; edited 1 time in total
Nraug Cuam- member
- Registration date : 2011-09-25
Character Sheet
Nyob zoo me Nkaujhnubqub, zoo siab hnub no rov pom nws tuaj saib wb, cia siab tias nws thiab tsev neeg yuav ntsib kev noj qab nyob zoo li qub. Twb yog nej pheej tsis tuaj nrog wb tham es wb kho kho siab es thiaj lam seev xwb mas.nkaujhnubqub wrote:Sob me no ....................................yuav sau tshuam
Me nus nraug cuam ............................tus muaj suab
Tus txawm puab................................. paj huam zoo
Yuav txawj nroo.........................ntxim leej muam siab
Xav hnov ntxhiab..................................xav taug qab
Nws li ntsab .........................................peb xav qee
pa dej tee ......................................xav nrog nws da
Nws txawj qha ................................nqaij sawb heev
Thiaj lam seev .......................................los lam sau
Txawm tsis tau .........................................zoo li koj
Los lam soj........................................kom pom koj lw
Ua noog w ...............................lam npauj qhov taub
Txawm tsis paub..............................los txhob thuam
Lus paj huam...................................dho tsis ntxaws
Thiaj lam xaws.....................................ua doj ua de
Daim tiab me..........................................los siv xwb
Thiaj lam nrwb ......................................lus los kawm
Ces lam tawm .........................................los teb koj
Koj puas noj .......................................qab nyob zoo
Tsis pom nroo.................................... qhov twg tuaj
Ces lam tshuaj..................................los saib nej lawm mog .......
Mus lawm no ntev ntev nco ntsoov tuaj xa xov wb paub thiab nawb los.
Nraug Cuam- member
- Registration date : 2011-09-25
Character Sheet
Muab zaj paj huam no ua cov poj niam tug os.
Tsiab 30 Tsis Muaj Koj
Me koj txiv----------tus me neeg zoo
Cas lub xyoo----------tshiab twb los txog
Kheev lam yog----------muaj kuv thiab koj
Sib cog noj----------txais lub xyoo tshiab
Ntshe zoo siab----------tshaj plaws li os
Xyoo tshiab los----------txog lawm zuj zus
Kuv tig mus---------saib qhov twg los
Twb tsis pom---------tus yuav yog koj
Nim xav zoj---------tias kheev lam yog
Muaj koj nrog---------kuv noj ua ke
Koom tev qe----------30 xyoo tshiab
Yuav zoo siab----------tshaj plaws li tiag
Zoo kawg kiag----------kheev lam muaj dua
Kuv mam ua----------txhua yam wb noj
Kuv thiab koj----------wb haus luag ntxhi
Li thaum i----------yav nram ntej ub
Kuv mam rub----------koj zaum pem toj
Sib cog noj----------txais lub xyoo tshiab
Os nplooj siab----------tus kuv hlub e
Nyob ua ke----------kom kawg lub siab
Mus lwm tsiab----------quas lub xyoo laus
Kuv tuav nkaus----------koj txhais me npab
Sawv 1 sab----------wb ncig yuj yeev
Txawm tsis teev----------los plig yeej los
Tsaus ntuj nyos----------nplooj siab txias to
Vim xyoo no----------kuv tsis muaj koj
Mus nquam toj----------nplooj siab ntshaus ntsho
Siab ntxhov nyho----------yeej noj tsis qab
Nplooj siab fab----------tsis xav tawm rooj
Vim tsis thooj----------li xyoo dhau los
Nplooj siab nros----------tsis xav tab cuab
Niaj hnub muab----------koj seev thiab nco
Sim neej no----------cas tu siab tshaj
Siab tsis kaj----------plawv tsis qhuav dej
Pom luag tej----------muaj txij muaj nkawm
Luag sib khawm----------mus lawm tsheej pab
Hos kuv tab----------tsuas xav txog koj
Mov tsis noj----------dej tsis xav haus
Lub xyoo laus----------nim dhau zuj zus
Kuv ncig mus----------saib hmoob pov pob
Kuv zaum nyob----------1 leeg ntsiag to
Kuv nco nco----------koj os me hlub
Pom luag rub----------luag me txij nkawm
Los puag khawm----------rau hauv xub ntiag
Tu siab tiag----------os me koj txiv
Kuv zaum tiv----------tshav ntuj 1 leeg
Nplooj siab deeg----------plawv mob tej teg
Vim koj tseg---------kuv ua ntsuag ciaj
Es kuv thiaj----------li zoo li no
Kuv tig hlo----------mus saib nram tiaj
Sawv tsheej phiaj----------pov pob nplawg ntia
Kuv xam ntsia----------mus sab twg los
Twb tsis pom----------kuv txiv nraug zaj
Tu siab tshaj----------os me koj txiv
Nco thaum chiv----------wb txoj kev hlub
Nram ntej ub-----------ntawm wb yav dhau
Koj wb tau----------tuaj ncig ua ke
Sib tuav tes----------saib hmoob dhia qaib
Thaum wb tshaib-----------wb los zaum so
Lub lab no----------kuv tseem nco ntsoov
Koj tig khoov----------los hais lus ntxhi
Nco kawg li-----------koj lo lus mos
Kuv zaum tos----------koj take order
Wb noj fawm---------xwb los yeej qab
Zaum sib thab----------hais lus luag nyav
Wb sib cav----------hais lus luag ntxhi
Nco kawg li----------os me nplooj siab
Lub xyoo tshiab---------nyob rau xyoo ntawv
Nws tseem sawv---------nraim hauv kuv siab
Cas xyoo tshiab----------xyoo no los txog
Kuv tsis nrog----------luag muaj txij nkawm
Hais tsis tawm----------1 lo lus li
Siab quaj dhi----------vim koj ncaim mus
Siab puas tsus----------tsis thooj li qub
Tus kuv hlub----------txij koj ncaim lawm
Txhua sij hawm----------thaum kuv tuaj txog
Kua muag nrog----------thaum pom qub chaw
Cas yuav ntshaw----------kom rov muaj ntxiv
Me koj txiv----------tus neeg siab dub
Koj puas hlub---------thiab puas tseem nco
Cas xyoo no---------yuav nco koj tshaj
Siab tsis kaj----------nco koj tshaj plaws
Kuv tseem khaws----------txhua yam ntawm wb
Kuv lub hlwb----------yeej tseem nco ntsoov
Tsis tau hloov----------kuv me nplooj siab
Tag ib txhiab----------ib txhis los nco
Vim wb yog----------niam txiv txhav qaib
Koj thiaj haib-----------hos kuv thiaj zoo
Thiaj nroo nroo----------koj ua hnub hmo
Seb puas ho rov muaj dua lawm os koj txiv.
Ua tsaug
nkaujhnubqub- member
- Registration date : 2009-07-04
Character Sheet
Seev txoj kev kho siab
Lawv tej hmoob e........Nej puas kho siab
Cas kuv nplooj siab......Kho seev yuj yees
Tsis zoo yuav lees.......qhia leej twg paub
Lam tuaj nov saub.......ua huab cua ya
Tuaj txo lub nra..........so ib me pliag
Lam tuaj laij liag ........ tej me chaw no
Seev txoj kev nco.......thiab kev tu siab
Li tus dej ntshiab........ntws nyob ib leeg
Li tus qwj yeeg..........tsis muaj chaw nyob
Nws ces loj hlob.........ntawm tej ya kev
Nplooj siab tsis ntev....raug luag raws tsuj
Yog lam txawj yuj.......ntshe yuav ua noog
Seb puas txawj yoog...me cua ntsawj tuaj
Yuav ya yuav tshuaj...lub me ntiaj teb
Yuav ncig mus deb.....saib lub ntuj ntsuab
Ntshe nrog cua tshua...mus rau ntuj kawg
Seb tus yus ncawg.....puas pom nyob rooj teb twg
Os cov phooj ywg..............................
Lam sim xyaum xwb os cia khoom tso mam rov tuaj xyaum dua tauj mus os tijlaug nraugcuam
Lawv tej hmoob e........Nej puas kho siab
Cas kuv nplooj siab......Kho seev yuj yees
Tsis zoo yuav lees.......qhia leej twg paub
Lam tuaj nov saub.......ua huab cua ya
Tuaj txo lub nra..........so ib me pliag
Lam tuaj laij liag ........ tej me chaw no
Seev txoj kev nco.......thiab kev tu siab
Li tus dej ntshiab........ntws nyob ib leeg
Li tus qwj yeeg..........tsis muaj chaw nyob
Nws ces loj hlob.........ntawm tej ya kev
Nplooj siab tsis ntev....raug luag raws tsuj
Yog lam txawj yuj.......ntshe yuav ua noog
Seb puas txawj yoog...me cua ntsawj tuaj
Yuav ya yuav tshuaj...lub me ntiaj teb
Yuav ncig mus deb.....saib lub ntuj ntsuab
Ntshe nrog cua tshua...mus rau ntuj kawg
Seb tus yus ncawg.....puas pom nyob rooj teb twg
Os cov phooj ywg..............................
Lam sim xyaum xwb os cia khoom tso mam rov tuaj xyaum dua tauj mus os tijlaug nraugcuam
Nraug Cuam- member
- Registration date : 2011-09-25
Character Sheet
Nyob zoo xyoo tshiab 6 koj os leej muam Nkaujhnubqub, zoo siab hnub no rov tau tuaj ntsib koj dua os. Vam tias koj thiab tsev neeg txhua tus yuav ntsib kev noj qab nyob zoo raws lub xyoo tshiab no thiab os. Ua tsaug 6 koj zaj paj huam thiab nawb los. Muaj caij no kav tsij tuaj nrog peb tham pem ua si os leej muam. Lub caij no sab ntuj tim ko zoo li cas lawm xwb os los??? puas lom zem nrog tsev neeg thiab os. Yog tus hlub tsis pub tuaj saib peb lawm los ua cas??? tsis ua cas nawb mog txawm tus hlub tsis kheev tuaj los yuav tau ua sib ntev, yuav tau mloog nws hais thiaj zoo nawb mog, tsuav sawv daws noj qab nyob zoo xwb ces yeej zoo siab lawm os. Nco ntsoov ntev loo no ho tuaj xa xov rau peb paub thiab nawb los. Mam sib ntsib dua lwm zaus os. Bye.
Nraug Cuam- member
- Registration date : 2011-09-25
Character Sheet
Leej Muam Nkauj Hli.
Nyob zoo os----------me muam Nkauj Hli
Tus luag ntxhi----------hais lus luag nyav
Tus siab dav-----------siab dawb siab zoo
Thov txhob nroo----------txhob xav li cas
Zam txim tas----------los zam txim thiab
Neeg dai siab----------zoo li koj no
Thov koj ho----------rub lub siab ntev
Cia los tsev---------los nrog koj tham
Zaum 1 tsam----------nrog koj txhuas lus
Tso leej nus----------mam li rov qab
Rov yaj sab----------ntxeev ntuj nraum ub
Thov koj rub----------siab kom loj nteev
Cia kuv seev-----------2 , 3 nyuag lo
Hais tias nco----------thiab hlub koj tshaj
Nkauj siab ncaj----------leej muam Nkauj Hli
Zoo tam li----------hmo lub hli xiab
Zoo tau tshiab----------ntxim siab tshaj plaws
Tag sawv daws----------ntshaw koj 1 leeg
Paj hli zeeg----------thaum hmo hli nra
Paj hli ya----------puv thoob ntiaj teb
Ua 6 peb----------txhua leej txhua tus
Cev tes mus----------de los tsis cuag
Vim nyob puag-----------ntuj ntsuab saum ub
Tsuas nyiag hlub----------tuaj 6 nruab siab
Paj hli tshiab----------tawg ntsais pluj plias
Ntsais luj lias----------puag saum ntav ntuj
Nplooj siab yuj----------tsis puab lub cev
Vim txoj kev----------ntshaw Nkauj hli nra
Lam txawj ya----------yuav ya lis plho
Mus de hlo----------lub me Paj hli
Uas ntsa ci----------nyob saum nruab ntug
Ua kuv tug----------ntshe yuav zoo siab
Paj hli tshiab----------leej twg los ntshaw
Kuv nplooj plaw----------thiab kuv nplooj siab
Thiaj mob iab----------vim ncav tsis cuag
Me leej muam----------Nkauj Hli tus zoo
Lam muaj hmoo----------tau nws los puag
Zoo npaum cuag----------tau txhiab lag kub
Yog tau hlub----------tuag los tsim nyog
Kheev lam yog----------muaj txoj hmoov zoo
Tau puag loo----------6 lub xub ntiag
Zoo kawg kiag---------tsis muaj dab tsi
Pauv tau li-----------os yuam lawv e
Kuv ces ntshe----------tsuas yog npau suav
Tsuas yog cuav----------xwb yuav tsis tseeb
Os xab yeeb tus zoo phooj ywg e!
Nraug Cuam- member
- Registration date : 2011-09-25
Character Sheet
Paj Ntshua Nplaim.
Hlub koj heev----------os Pajntshuanplaim
Koj sawv nraim----------hauv kuv nruab siab
Ntiaj teb tshiab----------yog tias tau koj
Ua kuv poj----------nyob 6 tiam no
Cas yuav nco---------koj ua luaj tiag
Nrug 1 pliag----------Siab yeej tsis kaj
Hlub koj tshaj----------os me leej muam
Tej lus xuam-----------wb tham yav dhau
Nws ua 6-----------kuv lub siab mob
Tsis paub nyob-----------tsis paub ua neeg
Thov koj ntseeg----------kuv thiab nawb mog
Yeeb vim yog-----------koj ntxim hlub tiag
Xav tau kiag----------los ua tus hlub
Puas muaj hnub----------ntuj tig ko diav
Tau de kiag----------lub Pajntshuanplaim
Los puag qaim----------6 hauv xub ntiag
Lam muaj tiag----------tau puag 1 zaug
Yuav ua tsaug----------vaj tswv yawm saub
Neej ciaj khaub----------nraug hmoob kev deb
Ntuj thiab teb----------puas yuav pom txog
Kom tau nrog----------Pajntshuanplaim liab
Koom 1 siab----------yoog 1 txoj pa
Pw 1 txag-----------koom 1 lub ncoo
Puas muaj hmoo---------nyob 6 tiam no
Tau puag hlo----------lub paj tsw qab
Pw 1 sab----------ua pa sawv soom
Puas tau koom----------neej nyob 1 yig
Puas tau tig-----------xub ntiag sib npuab
Koom 1 cuab-----------sib tawb sib zeg
Yam tus ntses------------thiab tus me dej
Nyob ua ke----------tsis muaj hnub ncaim
Paj ntshua nplaim-----------lub me paj zoo
Puas muaj hmoo-----------wb tau sib ntsib
Puas tau pib----------wb kev nkauj nraug
Hlub 1 zaug----------nyob 6 tiam no
Kom nws ho----------thiaj li tsim nyog
Kheev lam yog----------cuav rais ua tseeb
Me xab yeeb----------ntshe yuav zoo siab
Lwm tiam tshiab----------yog lam muaj tiag
Mam tos kiag-----------kom tau loo koj
Ua kuv poj----------nyob fab tiam 2
Kom tau nyob----------pw koj xub ntiag
Xwb ntag tiag lub Paj ntshua nplaim liab e!
Nraug Cuam- member
- Registration date : 2011-09-25
Character Sheet
Muab zaj paj huam no rau koj os tij Tubzoonraug, koj los Laos 1 vuag rov qab lawm ntshe yuav muaj tej tus mos ab nco nco koj txhua sij hawm li lawm os, ntshe nws yuav seev seev txog koj li lawm kauj, hehehehe lam sau los fun ua si xwb txhob xav li cas mog.
Txhawj txog koj
Txhawj txog koj
Me nplooj siab----------tus kuv hlub nco
Sab ntuj no-----------ces hnub twb poob
Me nkauj hmoob----------twb yuav mus pw
Nkauj hnub tshwm----------rau sab tim koj
Nkauj hnub ploj----------puag tim npoo roob
Me nkauj hmoob----------thov xa kev hlub
Nrog nkauj hnub----------tuaj mus cuag koj
Nkauj hmoob txoj----------me kev hlub nco
Sau tag nrho----------rau niam nkauj hnub
Nqa tuaj pub----------rau kuv nplooj siab
Hnub ci iab----------tawm plaws npoo roob
Me nraug hmoob----------koj puas tau sawv?
Los rauv taws-----------ua tshais koj noj
Nkauj hnub ploj----------puag tim npoo roob
Me nkauj hmoob----------ces twb kho chaw
Twb ntxuav taw----------twb npaj qhau cev
Npaj nrhiav kev----------mus pw lawm os
Koj ne los----------yuav mus dab tsi?
Nkauj hnub ci----------ntsa iab lawm tiag
Ntshe ib pliag----------koj twb mus work
Kuv txawj txhawj----------koj os nplooj siab
Hnub ntsa iab----------ua zoo tsav tsheb
Kuv nyob deb----------txhawj koj heev mog
Txawm tias yog----------mus taj laj los
Maj mam mog----------ua tib zoo saib
Tsam muaj laib----------nav poob nav cib
Txhob mus 1----------mus coob nawb mog
Vim txhawj txog----------kuv me nplooj siab
Hnub ci iab----------thov koj tsa muag
Ntsia ib vuag----------saum niam nkauj hnub
Txoj kev hlub----------uas kuv tau fi
Nrog hnub ci----------xa tuaj cuag koj
Thov txav zoj----------los nres 1 pliag
Tig xub ntiag----------tuaj sab hnub tawm
Me nkauj ntxawm----------thov koj nco ntsoov
Me nraug hmoob----------tus nyob kev deb
Leeg rooj teb----------sab ntuj Asia
Nco ntsoov tias----------muaj neeg txhawj xeeb
Me xyab yeeb----------nyob leeg rooj teb
Nkauj kev deb----------nplooj siab lwj dhi
tsaus ntuj nti----------nplooj siab qaug laim
Koj sawv nraim----------hauv nkauj hmoob siab
tsaus ntuj nti----------nplooj siab qaug laim
Koj sawv nraim----------hauv nkauj hmoob siab
Ntuj tsaus nciab----------pw tsis tsaug zog
Yeeb vim yog----------xav txog leej twg
Me phooj ywg----------tus nyob kev dav
Lub ntuj tshav----------rau sab tim ko
Hos tim no----------ces tsaus ntuj nti
Zoo tam li----------hauv kuv nplooj siab
Dub ncwb nciab----------tsis muaj qhov kaj
Nco koj tshaj----------os me neeg zoo
Pw tig loo----------rau sab twg los
Tsis tsaug zog----------tsis tuaj dab ntub
Vim tus hlub----------nyob leeg sab ntuj
Nplooj siab yuj----------tsis puab lub cev
Vim txoj kev----------txhawj koj ib leeg
Thov koj ntseeg----------kuv tej lus seev
Kua muag teev----------saum 2 sab plhu
Kuv quaj hu----------tuav rawv koj npe
Hu tsis tseg-----------hauv kuv nruab siab
Kua muag iab----------ntws si lawm os
Kuv tos tos----------koj ua hnub hmo
Kuv nco nco----------koj txhua sij hawm
Me nkauj ntxawm----------ces siav yuav tu
Mog leej nus tus nyob deb aw.
Kuv tos tos----------koj ua hnub hmo
Kuv nco nco----------koj txhua sij hawm
Me nkauj ntxawm----------ces siav yuav tu
Mog leej nus tus nyob deb aw.
UA TSAUG.
Nraug Cuam- member
- Registration date : 2011-09-25
Character Sheet
Txawm sau tau tsis zoo, tsis raws siab xav los thov zam txim pub.
Vib Nais Chaw Tshua.
Yeej Vib Nais----------nej puas tseem nco
Ncaim tav no----------los kuv tseem tshua
Nco txhua txhua----------txhia leej txhia tus
Ncaim tuaj mus----------nyob ib ntxee ntuj
Nplooj siab yuj----------nco qub zej zog
Ncaim tuaj txog----------tav ntuj li no
Los tseem nco----------ua hmo ua hnub
Nco thaum ub----------peb nyob ua ke
Tej vaj tse-----------nyob npog lwb luas
Peb cov hluas----------sib ntsib txhua hmo
Tseem nco nco----------tsis muaj hnub xaus
Nco kawg nkaus----------lub yeej Vib Nais
Thiaj muab hais----------ua lus taum huam
Hais cuam tshuam----------rau nej txhua tus
Ncaim tuaj mus----------ntxeev ntuj nraum ub
Los tseem hlub----------tseem tshua kawg li
Chaw ua si----------ris dej txiav taws
Peb sawv daws----------niaj hnub sib ntsib
Pem 0 1----------ti nkaus 0 9
Nws kuj muaj----------hmoob nyob puv nkaus
Nco tus laus----------mus rau tus hluas
Nej ne puas----------tseem nco lawm thiab?
Kuv nplooj siab----------yeej tseem nco ntsoov
Tsis tau hloov-----------tseem nco kawg li
Chaw ua si----------saum roob kaum npaj
Nco heev tshaj----------li os lawv nyuag
Lub kua muag----------poob ntws sib niab
Vim nplooj siab----------yeej tseem nco heev
Niaj hnub seev----------nco tej qub chaw
Kuv nplooj plaw----------mob tsheej niag zaj
Nco heev tshaj----------nyob rau tiam no
Nco txhua nrho----------tus hlob tus yau
Nco heev dhau----------yog niam thiab txiv
Uas tau siv----------lawv rab peev xwm
Pus peb tshwm----------rau yeej Vib Nais
Niam leej ntxhais----------thiab txiv leej tub
Thov ho hlub----------2 tug laus mog
Yeeb vim yog----------muaj nkawv pus khiav
Peb thiaj tiav----------nkauj nraug li no
Thov ho nco----------niam txiv tus txiaj
Muab siav ciaj----------los pauv siav tuag
Maub hav tsuag----------ua dab tsov khub
Cawm me tub----------me nxthais txoj siav
Thiaj tau khiav----------los tshwm Vib Nais
Niam leej ntxhais-------thov koj ho hlub
Txiv leej tub----------thov koj ho tshua
Ncaim dua ncua----------30 tawm xyoo
Los tseem zoo----------li ncaim nag hmo
Tseem nco nco----------rov pom zim zuag
Hauv ntsiab muag----------thiab tus npau ntub
Tseem hlub hlub----------tshua tshua tsis ploj
Nce hauv toj----------los haj tseem nco
Vim tiam no----------tshuav 1 nplooj siab
Ua mob iab----------tseg cia Vib Nais
Niam leej ntxhais----------thiab txiv leej tub
Txoj kev hlub----------nej puas tseem cim
Uas tshwm sim----------nyob yeej Vib Nais
Ncauj tsis hais----------los kua muab poob
Vim muaj coob----------tus hlub tso cia
Ua mob ntxhia----------rov tuaj tom qab
Nplooj siab fab----------vim kev hlub plam
Txhua tsav yam----------rais ua keeb kwm
Thiaj muab zwm----------khaws tseg nruab siab
Tag ib txhiab----------ib txhis tsis ploj
Kev hlub loj----------npaum koj wb no
Los kawg tso---------vim tsov rogg quas
Kev hlub puas----------xyoo yim caum tsib(85)
Ntawm 0 1----------wb chaw sib hlub
Puas muaj hnub----------tig tau rov qab
Tuav koj npab----------hnia koj sab plhu
Puas tau hu----------tuav koj lub npe
Nyob ua ke----------pw koj xub ntiag
Puag koj kiag----------dua 1 zaug ntxiv
Puas tau chiv----------hlubb dua ib zaug
Kev nkauj nraug----------li yav thaum ub
Puas tau hlub----------koj xws thaum i
Luag ntxhwb ntxhi----------li tej lus hais
Ntshe Vib Nais-----------wb thaj chaw hlub
Yav thaum ub----------twb hloov tag nrho
Fab li nyho----------ciaj zoov nuj txeeg
Tsis muaj neeg----------qw tham ntshoo nrooj
Zoo tsis thooj----------li yav thaum i
Chaw ua si----------thiab chaw sib ntsib
Vaj kab tsib----------los ntshe tuag tas
Chaw ncaws npas---------los fab ntxhov nyho
Tej chaw do----------tog vaj tog tsev
Chaw sib ev----------nce toj nqis taug
Kev nkauj nraug----------txhua yam hloov mus
Siab puas tsus----------thaum rov xav txog
Yeeb vim yog----------haj tseem nco nco
Tseem niaj hmo----------ua npau suav pom
Tej hav nyom----------thaum ntawv wb da
Sib txuas pa----------koom ciaj kom tuag
Sib ua luag----------ntuj teb tag hmo
Tseem nco nco----------tsis muaj hnub ploj
Ua li koj----------ne puas nco thiab?
Me nplooj siab----------koj puas nco tau?
Ntuj yav dhau----------ntawm wb lawm os
Kuv tseem tos----------koj ua hnub hmo
Tseem nco nco----------thiab tshua koj heev
Thiaj muab seev----------ua paj lug taum
Tso rau saum----------nkauj huab nkauj cua
Ncaim tav no----------los kuv tseem tshua
Nco txhua txhua----------txhia leej txhia tus
Ncaim tuaj mus----------nyob ib ntxee ntuj
Nplooj siab yuj----------nco qub zej zog
Ncaim tuaj txog----------tav ntuj li no
Los tseem nco----------ua hmo ua hnub
Nco thaum ub----------peb nyob ua ke
Tej vaj tse-----------nyob npog lwb luas
Peb cov hluas----------sib ntsib txhua hmo
Tseem nco nco----------tsis muaj hnub xaus
Nco kawg nkaus----------lub yeej Vib Nais
Thiaj muab hais----------ua lus taum huam
Hais cuam tshuam----------rau nej txhua tus
Ncaim tuaj mus----------ntxeev ntuj nraum ub
Los tseem hlub----------tseem tshua kawg li
Chaw ua si----------ris dej txiav taws
Peb sawv daws----------niaj hnub sib ntsib
Pem 0 1----------ti nkaus 0 9
Nws kuj muaj----------hmoob nyob puv nkaus
Nco tus laus----------mus rau tus hluas
Nej ne puas----------tseem nco lawm thiab?
Kuv nplooj siab----------yeej tseem nco ntsoov
Tsis tau hloov-----------tseem nco kawg li
Chaw ua si----------saum roob kaum npaj
Nco heev tshaj----------li os lawv nyuag
Lub kua muag----------poob ntws sib niab
Vim nplooj siab----------yeej tseem nco heev
Niaj hnub seev----------nco tej qub chaw
Kuv nplooj plaw----------mob tsheej niag zaj
Nco heev tshaj----------nyob rau tiam no
Nco txhua nrho----------tus hlob tus yau
Nco heev dhau----------yog niam thiab txiv
Uas tau siv----------lawv rab peev xwm
Pus peb tshwm----------rau yeej Vib Nais
Niam leej ntxhais----------thiab txiv leej tub
Thov ho hlub----------2 tug laus mog
Yeeb vim yog----------muaj nkawv pus khiav
Peb thiaj tiav----------nkauj nraug li no
Thov ho nco----------niam txiv tus txiaj
Muab siav ciaj----------los pauv siav tuag
Maub hav tsuag----------ua dab tsov khub
Cawm me tub----------me nxthais txoj siav
Thiaj tau khiav----------los tshwm Vib Nais
Niam leej ntxhais-------thov koj ho hlub
Txiv leej tub----------thov koj ho tshua
Ncaim dua ncua----------30 tawm xyoo
Los tseem zoo----------li ncaim nag hmo
Tseem nco nco----------rov pom zim zuag
Hauv ntsiab muag----------thiab tus npau ntub
Tseem hlub hlub----------tshua tshua tsis ploj
Nce hauv toj----------los haj tseem nco
Vim tiam no----------tshuav 1 nplooj siab
Ua mob iab----------tseg cia Vib Nais
Niam leej ntxhais----------thiab txiv leej tub
Txoj kev hlub----------nej puas tseem cim
Uas tshwm sim----------nyob yeej Vib Nais
Ncauj tsis hais----------los kua muab poob
Vim muaj coob----------tus hlub tso cia
Ua mob ntxhia----------rov tuaj tom qab
Nplooj siab fab----------vim kev hlub plam
Txhua tsav yam----------rais ua keeb kwm
Thiaj muab zwm----------khaws tseg nruab siab
Tag ib txhiab----------ib txhis tsis ploj
Kev hlub loj----------npaum koj wb no
Los kawg tso---------vim tsov rogg quas
Kev hlub puas----------xyoo yim caum tsib(85)
Ntawm 0 1----------wb chaw sib hlub
Puas muaj hnub----------tig tau rov qab
Tuav koj npab----------hnia koj sab plhu
Puas tau hu----------tuav koj lub npe
Nyob ua ke----------pw koj xub ntiag
Puag koj kiag----------dua 1 zaug ntxiv
Puas tau chiv----------hlubb dua ib zaug
Kev nkauj nraug----------li yav thaum ub
Puas tau hlub----------koj xws thaum i
Luag ntxhwb ntxhi----------li tej lus hais
Ntshe Vib Nais-----------wb thaj chaw hlub
Yav thaum ub----------twb hloov tag nrho
Fab li nyho----------ciaj zoov nuj txeeg
Tsis muaj neeg----------qw tham ntshoo nrooj
Zoo tsis thooj----------li yav thaum i
Chaw ua si----------thiab chaw sib ntsib
Vaj kab tsib----------los ntshe tuag tas
Chaw ncaws npas---------los fab ntxhov nyho
Tej chaw do----------tog vaj tog tsev
Chaw sib ev----------nce toj nqis taug
Kev nkauj nraug----------txhua yam hloov mus
Siab puas tsus----------thaum rov xav txog
Yeeb vim yog----------haj tseem nco nco
Tseem niaj hmo----------ua npau suav pom
Tej hav nyom----------thaum ntawv wb da
Sib txuas pa----------koom ciaj kom tuag
Sib ua luag----------ntuj teb tag hmo
Tseem nco nco----------tsis muaj hnub ploj
Ua li koj----------ne puas nco thiab?
Me nplooj siab----------koj puas nco tau?
Ntuj yav dhau----------ntawm wb lawm os
Kuv tseem tos----------koj ua hnub hmo
Tseem nco nco----------thiab tshua koj heev
Thiaj muab seev----------ua paj lug taum
Tso rau saum----------nkauj huab nkauj cua
Yog tseem tshua----------thiab tseem nco no
Thov koj ho----------hu tuav kuv npe
Mam ua ke----------mus thawj dua thiab
Yug dua tshiab----------rov fab tiam 2
Thiaj tau nyob----------pw koj xub ntiag
Puag koj kiag----------rau saum npoo txaj
Siab thiaj kaj mog me nplooj siab e!
Ua tsaug.
Tubzoonraug- Registration date : 2009-12-15
ua koj tsaug os brother, Nws zoo kawg kiag li os. Kuv ces twb tsi paub sau kom nws sib sib dho os.
Nraug Cuam- member
- Registration date : 2011-09-25
Character Sheet
Tsis ua cas os bro, kuv los twb tsis nim txawj sau li thiab os, tsuas yog lam sau ua si kom txhob laj nyob xwb os, kuv yeej tsis tau pom dua tej chaw ntawv li tsuas hnov luag cav thiab pom hauv tej movie xwb, es thiaj li tsis paub sau kom zoo nyeem thiab raug raws qhov tseeb os bro, ua tsaug ntau os.
Tubzoonraug- Registration date : 2009-12-15
Bro, yog koj twb txawj sau paj huam ua luaj li nov ces muab nws hai rau hauv CD kiag thiab kom cov hlua ua txawj ntau music rau ces nws ua tau tej txoj paj huam zooo heev es muab peb ua mp3 es muab tso kom dhov thoob qhov txia chaws rau neeg mloog os?
Nraug Cuam- member
- Registration date : 2011-09-25
Character Sheet
Tij Tubzoonraug, ho tsis txawj kom txaus ua li koj hais thiab nev hehehehe. Tsuas lam sau lom zem ua si 6 wb tau nyeem ua si kom txhob laj nyob xwb os.
Nraug Cuam- member
- Registration date : 2011-09-25
Character Sheet
Bro, kuv lam sau ua dog ua dig cia 6 ntawm no ua ntej, cia muaj caij kuv mam rov tuaj kho 6 kom zoo nyeem zog os. Txawm sau tau tsis zoo, tsis raws siab xav los thov zam txim pub.
Roob Kuv Twm Chaw Tshua
Roob Kub Twm----------kuv no tseem nco
Ncaim tav no----------los kuv tseem hlub
Nco thaum ub----------peb nyob ua ke
Tej vaj tse----------nyob npog lwb luas
Peb cov hluas----------sib ntsib hmo ntuj
Nplooj siab yuj----------nco qub zej zog
Tseem nco txog----------txhua leej txhua tus
Ncaim tuaj mus----------nyob ib roog ntuj
Los siab kuj----------haj tseem nco txog
Vim tias yog----------lub zos kev hlub
Ntuj nram ub----------yav puag thaum i
Chaw ua si----------yav ntuj thaum yau
Tseem nco tau----------txhua tsav txhua yam
Thiaj muab tham----------ua lus taum seev
Tham piav yeev----------txoj kev kho siab
Ntuj tsaus nciab----------yav puag thaum i
Chaw ua si----------ntawm tej ntug zos
Niaj hmo tos----------tuaj mus sib cuag
Tsaus ntuj zuag----------nplooj siab pib ntxhov
Thaum sawv ntxov----------noog quaj zom zaws
Sib raws ntsaws----------ya ua tsheej npoj
Nrhiav kab noj----------saum tej ntsis nroo
Lawv quaj ntshoo----------tau kho siab zim
Nyob puag tim----------tej nyuag laj roob
Puj Daum Soob----------quaj kho siab tshaj
Liab Cuam Nyaj----------kau kho siab kawg
Nraj Laub Tsaw----------quaj suab xiv nqiab
Puj daum diab----------quaj ua tsheej tsaug
Yij Dab Laug----------quaj kho siab khuav
Cua nrov xuav----------ib ce laj ntxiag
Nco kawg kiag----------lub neej yav dhau
Xya caum rau(76)----------txog xya caum cuaj(79)
Kev hlub muaj----------nyob Roob Kub Twm
Kev hlub tshwm----------hauv kuv lub neej
Kuv tus kheej----------thiaj li tau ntsib
Nplooj siab ib----------hmoob tej me ntxhais
Caj soob xais----------plaj plhu mos dawb
Tus ntxim tawb----------ntxim nwj ntxim hnia
Tus duav qias----------xws duav mos sias
Ncauj npliag lias----------hais lus dai plawv
Ntuj yuas lawv----------tej me ntxhais zoo
Muaj txoj hmoo----------wb thiaj sib ntsib
Thiaj tau pib----------wb kev nkauj nraug
Txoj hmoov raug----------thiaj hlub tau koj
Ua kuv poj----------pw kuv xub ntiag
Puag koj kiag---------rau kuv txhais npab
Pw ib sab----------ua pa sov zo
Ncaim tav no----------30 tawm xyoo
Los tseem zoo----------li ncaim hnub i
Tseem zoo li----------ncaim tau 3 hnub
Txoj kev hlub----------thauj ua nkauj nraug
Hlub thawj zaug----------ntawm koj thiab kuv
Tiaj roob thuv----------nyob Roob Kub Twm
Tseem khaws zwm----------txog niaj hnub no
Tseem nco nco----------heev os koj niam
Tag ib tiam----------puas yuav muaj dua
Cas ib vuag----------tsis muaj tsawg hnub
Wb me tub----------me ntxhais twb loj
Kuv saib koj----------kuj tseem ntxim hlub
Li thaum ub---------- thaum 3 tag kis
Kuv hnia ntshis----------koj tsis paub txaus
Cas yuav laus----------mus lawm zuj zus
Yam li tus---------dej ntws tsis rov
Los kuv thov----------hlub koj 1 leeg
Txawm av qeeg----------ntiaj teb yuav pob
Los yuav nyob----------nraim koj ib sab
Tuav koj npab----------kom txog hnub ncaim
Yuav nrog nraim----------koj txhua caij nyoog
Nyob sib yoog kom txog hnub kawg mog me koj niam e!
UA TSAUG.
Last edited by Nraug Cuam on March 11th 2014, 10:25 pm; edited 1 time in total
Tubzoonraug- Registration date : 2009-12-15
Zoo kawg kiag li lawm os brother Nraug Cuam, koj ma tswv 8 zoo kawg li o. Peb cov nyob tim nov ma raug kev tsim txom tom hauj lwm txau nkau ces lub hlwb yeej tsi nyob ntawm u li lawm os. U lub hlwb ces zoo li tus neeg ua qaug dej qaug cawv tag hnub xwb.
Nraug Cuam- member
- Registration date : 2011-09-25
Character Sheet
Nyob zoo hnub tshiab 6 koj os tij Tubzoonraug, lam sau 6 wb tau nyeem ua si laug hnub laug hmo xwb os bro, twb tsis tsim nyog koj lo lus qhuas li os, ua tsaug koj tseem qhuas pab txhawb dej siab thiab os bro.
Nraug Cuam- member
- Registration date : 2011-09-25
Character Sheet
Muab zaj no fi mus 6/1 tsoom poj niam txhua tus rau Poj Niam Hnub (Women's Day) March 8th no.
Poj Niam Hnub(Women's Day)
Poj niam hnub----------twb los txog lawm
Kuv thov hawm----------poj niam txhua tus
Txij no mus----------thov kom nyob zoo
Tsis txhob nroo----------mob plab dias hau
Thov kom tau----------txhua yam li xav
Muaj zog nchav----------nce toj nqis taug
Thov txhob raug----------teeb meem txhua yam
Thov ntuj sam----------koob hmoov pub nej
Yam tus dej----------ntws tsis txawj tu
Me plaj plhu----------kom nyob tshiab khiv
Kev niam txiv----------thiab tus nej hlub
Tsis txob dub----------thov kom dawb huv
Huv li txhuv----------thiab ntshiab li dej
Yav tom ntej----------kom muaj sia ntev
Nrog nej tsev----------neeg txhua txhia tus
Hnub no mus----------kaj ntug tag kis
Thov kom ntsib----------txoj kev hlub tiag
Thov ntsib kiag----------tus uas hlub tseeb
Kev thaj yeeb----------los thov kom ntsib
Tus hlub ib----------los thov kom tau
Kev phem sau---------pov lawm zaj qho
Txij hnub no----------mus 6 tag kis
Luag ntxhwb ntxhi----------nrog rau tsev neeg
Cov mus ntseeg----------thiab cov teev dab
Thov noj qab----------haus huv txhua tus
Sib hlub mus----------tsis tag tsis kawg
Kev sib tawg----------thiab kev sib tso
Txhob ntsib hlo----------mog tsoom poj niam
Txoj kev liam----------kev phem kev qias
Muab yuj lias----------pov rau dej tshoob
Kom mus poob----------lawm puag zaj chaw
Txoj kev ntshaw----------thov kom muaj tseeb
Kev thaj yeeb-----------nyab xeeb ywj pheej
Txhua txhia leej----------tau txais huv si
Luag ntxhwb ntxhi----------txais poj niam hnub
Kev sib hlub----------thov kom huam vam
Zoo ib yam----------xub ntab xub muv
Kom dawb huv----------yam teev dej lwg
Mus txog twg----------kom luag ntxhwb ntxhi
Zoo tam li----------tus me duab tshav
Luag nyuj nyav----------txhua lub sij hawm
Me nkauj ntxawm----------tus neeg siab dawb
Tus ntxim tawb----------ntxim hlub ntxim hnia
Tus kab lia----------tom txig li nkawv
Zoo raug plawv----------raug siab raug ntsws
Thov kom nws----------nyob kaj siab lug
Nrog tus hlub----------rau hnub tim 8
Lub 3 hlis----------poj niam ntiaj teb
Nej thiab peb----------thov kom sib hlub
Mus txog hnub av luaj quas mog cov muam e!.
UA TSAUG.
Tubzoonraug- Registration date : 2009-12-15
Zoo kawg nkau os Brother Nraug Cuam, koj ma cleaver kawg li tiag. Yog koj muab hai rau CD es ua lub suab music rau es muab tso rau peb mloog ma bro? es muab rau kuv tso rau hauv youtube, or koj ua rau hauv youtube lo tau ma bro.
Nraug Cuam- member
- Registration date : 2011-09-25
Character Sheet
Nyob zoo bro ua li hais uas lam sau los 6 wb tau nyeem ua si laug lub caij nyoog swb os. Hehehe bro ho tsis txawj kom txaus tsim nyog ua li koj hais thiab nev, tab tom txawj kom raug luag thuam xwb os bro hehehehe.
Nraug Cuam- member
- Registration date : 2011-09-25
Character Sheet
I would like to dedicate this poem to all Hmong women who have the same story like this, thanks.
Me Nraug Hmoob Koj Puas Tseem Nco
Me nraug hmoob----------tus neeg siab zoo
Ncaim ntau xyoo----------koj puas nco lawm
Me nkauj ntxawm----------zoo li kuv no
Tseem nco nco----------tsis muaj hnub ploj
Nce hauv toj----------los haj tseem tshua
Nco txhua txhua----------los lus wb hais
Hmoob sib ntxhais----------zoo li kuv no
Koj puas nco----------txog me me thiab?
Me nplooj siab----------tus neeg sawm hlub
Ntuj nram ub----------wb kev nkauj nraug
Tej kev taug----------ris dej txiav taws
Kuv tseem khaws----------cia rau nruab siab
Tag 1 txhiab----------1 txhis los nco
Sim neej no----------tseem nco ntsoov koj
Tsis tau ploj----------hauv kuv lub hlwb
Tseem nco wb----------tej me qub chaw
Kuv nplooj plaw----------tseem mob lwj dhi
Zoo tam li----------ib rab riam chob
Mob tob tob-----------puag hauv nruab nrog
Vim koj yog----------kuv thawj tug hlub
Uas kuv pub----------kuv lub me cev
Rau koj tev----------ib yam tev qe
Cev nkauj me----------thaum kuv tseem yau
Twb muab rau----------koj pom thawj tug
Cev ntaj ntsug-----------thiab cev nkauj xwb
Yeej tau swb----------los ua koj li
Chaw ua si----------sib tawb sib zeg
Tseem khaws tseg----------cia rau nruab siab
Caij ntuj tshiab----------ntuj tsaug los nco
Nco txhua nrho----------koj tej me lus
Me leej nus----------tus kuv hlub e
Koj lub npe----------kuv tseem nco ntsoov
Tsis tau hloov----------kuv no nplooj siab
Tag ib txhiab----------ib txhis los nco
Sim neej no----------yeej nco koj heev
Niaj hnub seev----------nco wb kev hlub
Nram ntej ub----------yav ntuj thaum i
Kua muag si----------thaum rov xav txog
Vim tias yog----------nco koj heev dhau
Thiaj muab sau----------ua lus taum seev
Tham piav yeev----------khaub plees nkauj nraum
Yav puag thaum----------wb nyuam qhuav pib
Niaj hmo ntsib----------hais lus seev yees
Kev khaub plees----------nkauj nraum tiam no
Tseem nco hmo----------hli xiab 15
Zaum sib ib----------saib hnub qub ntsais
Koj tau hais----------lus mos lus muag
Rub kuv puag----------rau koj xub ntiag
Cua tuaj ntxiag----------ib ce txias zias
Koj hais tias----------yuav hlub kuv xwb
Koj kuv wb----------zaum suav hnub qub
Nrog rau lub----------hli ntsa lam lug
Koj thiaj nug----------hais lus mos mos
Tias yuav tos----------hlub kuv ib leeg
Kuv thiaj ntseeg----------koj lo lus hais
Niam leej ntxhais----------thiaj nco tuag nthi
Zaum ntsia hli----------thiab saib hnub qub
Ntau txhiab lub----------cig ntsais pluj plias
Koj piv tias----------kuv zoo tam li
Lub uas ci----------pom tseeb tshaj plaws
Koj yuav qaws----------kuv ua koj sev
Wb tham ntev----------txog 1 tag hmo
Tos wb nco----------qaib qua thawj tsig
Wb thiaj tig----------hais lus sib ncaim
Koj puag qaim----------hnia kuv zaum kawg
Wb sib qawg----------kua muag ntws sis
Koj hnia ntshis----------tsis xav ncaim li
Kua muag si----------vim yuav ncaim tiag
Koj tig ntiag----------los tuav kuv tes
Quaj txaus ces----------thiaj ua siab ncaim
Hmo hli qaim----------thaum xiab 15
Kuv thiaj pib----------nco koj zuj zus
Me leej nus----------hmoob tej tub zoo
Tsis muaj hmoo----------thiaj tau sib ncaim
Mus nyob nraim----------rau leeg sab ntuj
Siab thiaj yuj----------plawv thiaj li mob
Npaum riam chob----------hauv kuv nruab siab
Kua muag iab----------thiaj ntws si laim
Txij thaum caim----------los txog tav no
Ib tsab xo----------los yeej tsis hnov
Ncaim tav nov----------tsis tau sib ntsib
Me qab zib----------tus qub hlub e
Es koj ne----------puas nco kuv lawm?
Me nkauj ntxawm----------koj puas tseem nco?
Tav li no----------muaj tab zag dua
Los tseem tshua----------koj tsis paub xaus
Txog hnub laus----------plaub hau dawb paug
Me hauv caug----------siab dua caj qwb
Los ntshe twb----------hnov qab tsis tau
Kev hlub dhau ntawm wb os me nraug hmoob!
UA TSAUG.
Tubzoonraug- Registration date : 2009-12-15
Kwv Nraug Cuam, koj cov lus sib dho nov nws zoo kawg li lawm os, Yog muab seev lub sub hai kiag nos yuav zoo heev li os. Kuv nyiam hai kawg es ua koj tsaug os.
Nraug Cuam- member
- Registration date : 2011-09-25
Character Sheet
Tsis ua cas os bro, qee hnub pem work no tsis muaj hauj lwm ntau es laj laj nyob kuv thiaj lam sau ua si 6 wb tau nyeem laug caij xwb os.
Tubzoonraug- Registration date : 2009-12-15
 | Brother, Nraug Cuam, kuv tso txoj phee Hmoob Suav nov rau 3 mloog os. Kuv nyiam mloog txoj nov kawg thiab tus Suav hus lo kuv muaj thiab.Kwv Nraug Cuam, koj nia mus mloog cov music nov |
Last edited by Tubzoonraug on August 25th 2014, 9:16 pm; edited 1 time in total
Nraug Cuam- member
- Registration date : 2011-09-25
Character Sheet
Nyob zoo bro, tus muam hu zaj nkauj no suab kuj zoo & hu tau zoo kawg lawm mas, kho siab kawg mas, zaj nkauj kuj nkag siab zoo thiab. Ua li tus hu puas yog tus ntxim ntxim hlub saum daim duab sauv???
Tubzoonraug- Registration date : 2009-12-15
Brother, Nraug Cuam, tus Singer yog tus nov os. Nws yog ib tug Nthai Hmoob nyob rau Suav teb.