Would you like to react to this message? Create an account in a few clicks or log in to continue.


    Kuv tseem tos koj txog li no

    avatar
    TubPiano


    Registration date : 2016-12-22

    Kuv tseem tos koj txog li no Empty Kuv tseem tos koj txog li no

    Post by TubPiano December 22nd 2016, 1:20 am

    Hmo Tsis Pom Hli Nra


    Hmo no ntuj tsaus li nti tsis pom hli tuaj nra
    Kuv tseem nco txog thaum i hmo xiab xya
    Uas wb ob leeg zaum ntawm nej qab khav
    Tham lus luag ntxhis hais lus luag nyav
    Wb tham luag nyav twb tsis tau txaus
    Nej tus lau qaib cooj twb qua los mus xaus
    Kuv thiaj sawv kiag los rau nram peb tsev
    Xav tias wb yuav sib ncaim tsis ntev
    Tab sis lub teb chaws ua qoj qees tsis zoo
    Wb thiaj sib ncaim lawm tau npaum li no xyoo
    Es koj ne mus nyob rau qhov twg lawm os
    Qhia koj paub tias kuv tseem hlub, tseem nco thiab tseem tos
    Kuv yeej paub koj muaj koj lawm ib lub neej
    Es nws puas hlub koj es lub neej puas tsheej
    Yog koj lub neej zoo zoo lawm tag nrho
    Ces tiam no kuv mam ua siab muab koj tso
    Tab sis yog koj kua muag niaj hnub poob mus ntxaum nroj
    Ces yuav ua rau kuv niaj hnub nyob ntawm no txhawj txog koj
    Txhawj tias xyov nws puas yuav muab txhais npab rau koj ncoo
    Es neb ua neej nyob ne koj puas tau nws los lus zoo
    Los yog nws niaj hnub muab koj cais zaub cais mov
    Niaj hmo muab koj cem cuab rau dab rau tsov
    Ua cas kuv lub siab niam txhawj hlob txhawj yau
    Es thiaj ua rau kuv rhais ib kauj ruam mus tsis dhau
     
    Twb vim yog txoj kev txhawj txog koj ib leeg xwb
    Thiab niam yog xav txog yav zoo dhau los ntawm koj kuv wb
    Lub sij hawm no koj mus nyob rau sab ntuj twg lawm os
    Es koj puas paub tias kuv tseem nyob qhov chaws qub thiab tseem tos?

      Current date/time is March 18th 2024, 8:18 pm