• Post new topic
  • Reply to topic

Ua li cas es hnub no kho kho kuv siab ua luaj

Share

nkaujhnubqub
member
member

Registration date : 2009-07-04

Character Sheet
 :

Ua li cas es hnub no kho kho kuv siab ua luaj

Post by nkaujhnubqub on August 1st 2014, 1:48 am

Kuv lub siab kho kho ua luaj
Siab xav quaj kua muag xav tawm
Muam nkauj ntxawm siab yuj pes yees
Tig luj lees rov mus ntuj qub qab
Puas yog fab los mob lawm ne
Los yog nce mus pom roob siab
Thiaj tsis kiab nco txog yav thauv
Tus zoo qauv nyob ib sab tiag
Nws lus npliag phej tseemkhaws cia
Lub neej tiam yav dhau los ntawv
Ua kuv plawv mob kho siab khuav
Nco tus yuav puagtiam tag los
Ntshe tseem tos nws me ntsuj
Ntshe rov tsuj tus hneev taw qub
Txoj kev hlub rov tshwm sim dua
Thiaj hnov tshua nws lub siab quaj
Los nwsmuaj lub siab nco kuv thiab
los yog siab xav tau vwm lawm xwb ne
tejzaum ntshe kuv xav ntau dhau lawm
Ntshe txhob tawm tuaj yos tuaj ncig
Me ntsuj plig thiaj tsis khiav tawm
Me maiv ntxawm thiaj li nyob tus
Tsis khiav mus yuj ub yuj no ho... bouncerabbit
....
NeutralNeutral




Nraug Cuam
member
member

Registration date : 2011-09-25

Character Sheet
 :

Re: Ua li cas es hnub no kho kho kuv siab ua luaj

Post by Nraug Cuam on August 1st 2014, 2:15 am

Oib, koj mas Nkaujhnub seev tau kho kuv siab ua luaj li thiab, yog nws kho siab no kuv mam tuaj muab kho qis es kuv thiaj ncav cuag nawb hehehehehe J/K.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 2:18 am

Kho koj siab thiab lov Tijlaug yog li tuaj kho qis seb kho puas tau nawb
Very Happy




Nraug Cuam
member
member

Registration date : 2011-09-25

Character Sheet
 :

Re: Ua li cas es hnub no kho kho kuv siab ua luaj

Post by Nraug Cuam on August 1st 2014, 2:22 am

Kho mas, aws ua li ntawv kiag nawb.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 2:34 am

Ua li mas, nkaujhnubqub nyob siab
los tseem muaj tus xav cev tes ntsiab
Cas yuav zoo tau kaj nws lub siab

Yog Nraugcuam cev tau tes kov
Ntshe nkaujhnubqub lub siab yuav sov
Yuav nyob tau lub me siab khov khov

Yuav tsis muaj lub me siab kho
Yuav muab nraugcuam ua tus nco
Yuav tsis pub nkaujhnubqub nplooj siab to

Yuav tos ntsoov NraugCuam lub suab kau
Yuav nyeem ntsoov NraugCuam tej lus sau
Yuav mob siab hlo nrog Nraugcuam kawm pajhuam kom tau

ua tsaug os
Laughing LaughingI love you





Nraug Cuam
member
member

Registration date : 2011-09-25

Character Sheet
 :

Re: Ua li cas es hnub no kho kho kuv siab ua luaj

Post by Nraug Cuam on August 1st 2014, 2:47 am

Leej muam, Nkaujhnubqub nyob siab, txhua leej txhua tus thiaj xav cev tes ntsiab.

Nkaujhnubqub nyob deb, txhua leej txhua tus nplooj siab thiaj feb.

Nkaujhnubqub nyob puag saum ntuj ntsuab, txhua leej txhua tus thiaj xav muab.

Nkaujhnubqub nyob siab tsis muaj neeg ncav cuag, txhua leej txhua tus thiaj xav puag.

Nkaujhnubqub nim cig ntsais pluj plias, txhua leej txhua tus thiaj xav hnia.

Nkaujhnubqub nim cig ntsais pluj pliv, txhua leej txhua tus thiaj xav kiss.

Mas leej muam e.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 2:57 am

Laughing Laughing

Cas nkaujhnubqub yug los nyob siab siab
Ntsais pluj pliv los tsis pom tshiab
Cas nkaujhnubqub ntsais pluj plias
Los Nkaujhnubqub nyob tus txias zias

Txiv NraugCuam nyob ntiaj teb
Cev tes los nyob nrug tau deb
Ces nws lam hais lo lus ntxias
Los nkaujhnubqub twb zoo hlo siab ua tsias

Txiv NraugCuam lub siab ncaj siab zoo
Nkaujhnubqub nyob siab los yeej mloog nws nroo
Txiv NraugCuam lub siab zoo tau kaj lug
Nkaujhnubqub xav tias yuav pom ib hnub txoj kev kaj ntug




Nraug Cuam
member
member

Registration date : 2011-09-25

Character Sheet
 :

Re: Ua li cas es hnub no kho kho kuv siab ua luaj

Post by Nraug Cuam on August 1st 2014, 3:22 am

Wow seev tau kho siab diam tiag yuam koj na Nkaujhnubqub.

Nkaujhnubqub nim nyob puag ntuj kag, txiv Nraug Cuam txawm ntshaw ntshaw los kawg plag.

Nkaujhnubqub nim nyob puag ntuj tsaus, txiv Nraug Cuam txawm ntshaw ntshaw los kawg muab tsis tau.

Nkaujhnub qub nim cig ntsais pluj plias, txiv Nraug Cuam thiaj xav tawm tuaj zaum ntsia.

Nkaujhnubqub nim cig ntsais luj luav, txiv Nraug cuam thiaj xav tawm tuaj zaum suav.

Mas leej muam e hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 3:46 am

LaughingLaughingLaughing

Txiv NruagCuam yog neeg txawj seev
Ua rau muam nkaujhnubqub sawv piav yeev
Txiv NraugCuam txawj hais zoo siab
Ua rau muam nkaujhnubqub nyob tau plhu tshiab
Muam nkaujhnubqub lub siab kaj lawm ntau ntau
Ua tsaug rau Txiv NraugCuam tus siab dawb dawb
Txawj txuas lus thiab txawj muaj zoo tswv yim txhawb
Niam nkaujhnubqub zoo siab tshaj plaws li
Niam nkaujhnubqub thiaj nyob luag li ntxhi
Zoo siab tshaj tsis muaj lwm yam pauv
Txiv NraugCuam yeej zoo ntxim yog ib tus tub zoo qauv
Ua tsaug rau koj lub siab dav lawm tiag
Tseem pab ntxias tau kuv kaj siab liag




Nraug Cuam
member
member

Registration date : 2011-09-25

Character Sheet
 :

Re: Ua li cas es hnub no kho kho kuv siab ua luaj

Post by Nraug Cuam on August 1st 2014, 4:46 am

Leej muam Nkaujhnubqub, koj mas txawj qhuas dhau, thiaj ua rau txiv Nraug Cuam tas kev npau.

Koj mas txawj qhuas tshaj, thiaj ua rau txiv Nraug cuam lub siab kaj.

Koj mas txawj qhuas heev, thiaj ua rau txiv Nraug Cuam tag kev seev.

Koj mas txawj qhua tiag, thiaj ua rau kuv txiv Nraug Cuam lub suab quaj ntsiag.

Qhov tseeb kuv tsuas yog niag txiv Nrau Cuam tojsiab, ntshe leej muam twb tsis nim xav kiab.

Qhov tiag kuv tsuas yog niag txiv Nraug Cuam npab nauj, ntshe leej muam twb tsis xav xauj, hehehehehehe









Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 4:54 am

Txiv NraugCuam na TxivNraugCuam
Nws me muam yeej hais tseeb tiag
Nws txawj npliag muaj siab zoo heev
Nws thiaj tawm seev sau lus kaj siab
Me muam kiab tsis kho siab lawm
Thiaj hais tawm pub nws paub na
Siab twb ya tau kaj li nrig
Thiaj caum ncig me nus ib hnub
Vim nws pub tau lub siab kaj
Uas zoo tshaj rau nws muam pom
Thiaj vam khom nws txoj kev zoo
Yeej muaj hmoo kuv tus no tiag
Thiaj muaj kiag koj los pab
Thaum yuav npab koj thiaj rub tes
Ua lub zes cug kom txhob poob
Tus zoo noob ces yog koj mas tij laug a...




nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 5:21 am


Koj saib ma, kuv tsis hais dag
Luag ntxhi ntag kaus hniav pom tawm
Txhua sij hawm raws koj txuas lus
Siab mas tus kawg nkaus li nawb
Vim koj txhawb lawm thiaj qhia mas
Txhob ras tias kuv lam hais no
Yeej muaj hlo siab kaj lug tiag
Ya ntxuj ntxiag li me npauj npaim
thiaj raws nraim koj lawm ntag hov... hehehe txhob xav li cas os zoo siab heev lawm thiaj luag xwb os kuv tsis khoom lawm es mam sib ntsib dua os




Nraug Cuam
member
member

Registration date : 2011-09-25

Character Sheet
 :

Re: Ua li cas es hnub no kho kho kuv siab ua luaj

Post by Nraug Cuam on August 1st 2014, 5:38 am

Wow cheerscheerscheerskoj mas yom, cas yuav txawj hais tau raug kuv siab ua luaj li os Nkaujhnubqub aw!!! kuv me di ncauj twb tsi vov hbiav tag li lawm nav. Kheev lam npaum koj hais ko mas oib zoo siab tshaj plaws li tiag.

Nkaujhnubqub Tus Neeg Tshaj Lij

Me leej muam----------Nkaujhnubqub ntsa
Kuv thov nqa----------tes txaum yim koj
Vim koj txoj----------me kev qhuas ntxias
Kuv thiaj lias----------zoo siab tag npaum

Muaj qee thaum----------kuv thiaj luag nyav
Luag tas mav----------tsis nco txaj muag
Vim koj nquag----------hais lus txhawb siab
Ntsej thiaj liab----------plhu thiaj nce ntshav

Muaj zog nchav----------nce toj nqis taug
Hais tau raug---------kuv siab kawg li
Qaub ncaug si----------twb tsis nco qab
Me zib ntab----------twb qab tsis npaum

Hais lus haum----------txhua tus siab heev
Peb thiaj seev----------kho siab kuj khuav
Quaj zawv zuav----------tham kev kho plawv
Ntuj yuav lawv----------niam Nkaujhnubqub

Koj txawj qhub----------hais lus qhuab ntuas
Koj txawj qhuas---------hais lus nplij neeg
Kuv thiaj ntseeg----------koj tej lus seev
Koj hais deev----------kuv siab qaug laim

Tsis xav ncaim----------koj mus 1 pliag
Xav nyob kiag----------ntawm koj 1 sab
Hais lus thab----------tsis nco txaj muag
Koj kheev luag----------tham lus ntxhwb ntxhi

Zoo tshaj li----------os Nkaujhnubqub
Lub ntuj pub----------peb los sib ntsib
Thiaj tau pib----------tham kev lom zem
Tuaj tham pem----------laug hnub laug hmo

Kom thiaj ho---------tsis laj tuam hnub
Txawm tsis hlub----------los yeej zoo siab
Tham lus tshiab---------nkauj muam nraug nus
Sib pauv lus----------pauv tswv 8 zoo

Yog muaj hmoo----------peb tau sib ntsib
Thiaj paub pib---------hais lus nyob zoo
Sib nug moo----------tham kev zoo siab
Tuag nruab thiab----------los thiaj yuav nco

Kuv yuav ho----------piav txog Nraug Cuam
Rau leej muam----------kom thiaj paub tseeb
Qhov tseem ceeb----------ntawm txiv Nraug cuam
Ces leej muam----------koj tsis paub xwb

Neeg xiam hlwb---------nyob zos tojsiab
Zoov nuj xiab----------teb chaws npab nauj
Nyob hav tauj---------hav zoov hav tsuag
Ua tsov luag-----------nyob puag zoov dub

Kev sib hlub----------los twb tsis muaj
Tsuas lam tuaj----------ua dev ras paus
Nyob tsis taus----------lam tuaj ua si
Me txuj ci-----------los twb tsis paub

Lam ua aub---------tuaj xawb quav qhuav
Ntshe yuav dhuav----------kuv muam Nkaujhnub
Thov lam rub----------siab ntev nyob tos
Thov lam los----------nrog Nraug cuam zaum

Muaj qee thaum----------ntshe ho yuav dhuav
Hnov tsw quav----------tsw pos tswj lwj
Ntshe laj tswj---------kuv muam nplooj siab
Xav cem ntiab---------kom txav deb deb

Tsis xav qheb----------ncauj nrog kuv tham
Muaj qee tsam---------ntshe yeej xav yws
Xav xuas qws----------kom kaus hniav lov
Tsis xav hnov----------Nraug Cuam lub suab

Neeg vuab tsuab---------hais lus khib xuaj
Ntshe xav npuaj----------kom kaus hniav poob
Niag thaub hmoob---------tsis hwm kev cai
Nkaujhnub ntshai----------xav khaws khaus kiav

Kuv lam piav---------ua lus tau huam
Thov leej muam---------txhob ntau nqi nyhav
Zam kev dav---------rau txiv Nraug Cuam
Mog leej muam Nkaujhnubqub siab zoo e !!!!

hahahahaha ua tsaug os.










Last edited by Nraug Cuam on August 2nd 2014, 4:07 am; edited 4 times in total







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Nraug Cuam
member
member

Registration date : 2011-09-25

Character Sheet
 :

Re: Ua li cas es hnub no kho kho kuv siab ua luaj

Post by Nraug Cuam on August 1st 2014, 5:41 am

nkaujhnubqub wrote:
Koj saib ma, kuv tsis hais dag
Luag ntxhi ntag kaus hniav pom tawm
Txhua sij hawm raws koj txuas lus
Siab mas tus kawg nkaus li nawb
Vim koj txhawb lawm thiaj qhia mas
Txhob ras tias kuv lam hais no
Yeej muaj hlo siab kaj lug tiag
Ya ntxuj ntxiag li me npauj npaim
thiaj raws nraim koj lawm ntag hov... hehehe txhob xav li cas os zoo siab heev lawm thiaj luag xwb os kuv tsis khoom lawm es mam sib ntsib dua os

Hahahaha funny pic kawg li os Nkaujhnubqub aw, aws mus zoo koj os, mam sib ntsib dua lwm zaus os.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 6:33 am

Very Happy

Txiv NraugCuam--------- tus siab ncaj e
Koj lub npe---------------- kuv pom dheev xwb
Kuv lub hlwb-------------- twb xav tau tias
Tus txawj ntxias----------- tus neeg siab dawb

Tus txawj tawb------------neeg siab zoo tshaj
Thiaj xav saj---------------koj lub suab nquag
Thiaj tuaj cuag-------------nrog koj txuas lus
Kuv me nus----------------txhob poob siab nawb

Me muam tawb------------twb tsis nco txhaum
Tsis xav nkaum------------vim ncauj txhais nrawm
Thiaj tau tawm-------------los txuas lo lus
Siab thiaj tus---------------thaum nrog koj tham

Sau lus tsham------------lub txheej txheem hmoob
Ntawm neeg coob--------poj niam txiv neej
Luag yeej xyeej----------vim txaj muag heev
Tsam ho deev------------ua neeg liam no

Tam sim no--------------yog txheej tshiab mus
Peb txuas lus-------------yog kev phooj ywg
Nyob qhov twg-----------los ua kev sib paub
Peb tuaj saub------------laug lub caij nyoog

Peb yeej yoog-----------ua ke sib txheeb
Yam cov ntseeb---------ya sib nrhiav tau
Zoo siab ntau-----------vim peb yog hmoo
Nyob pem roob---------los yog neeg zoo

Peb muaj hmoo---------thiaj muaj huab cua
Ya li ntua----------------rau peb txoj kev
Thiaj li cev--------------tau siab siab pab
Txawm pluas qab-------peb tsis tau koom

Lub kaus poom-----------tsis tho sib faib
daim nqaij qaib---------tsis tau sib pub
Lo lus hlub -------------yeej pub tau kawg
Kev sib ncawg-----------yog kev sib fwm

Ua twj ywm--------------yuav tsis yog lawm
Yuav tau kawm-----------txoj kev sib txhawb
Thiaj li xawb--------------tau txoj kev kaj
Cawm mob ntsaj---------kom siab ntev tuaj

Lub suab quaj------------thiaj muaj kom tsawg
Yeej zoo kawg-----------kuv ntsib koj no
Wb yuav tso--------------lub siab kom loj
Tsis plhom moj----------tsis txhob dag ntau

Tsuav hais rau----------txoj kev ncaj ncees
Ces yeej lees------------ua tau yam zoo
Ces yuav nroo-----------kaj siab ntshuas tiag
Txoj kev npliag----------tsis yog ua si xwb

Yog cawm hlwb----------kom zoo thiab hov
Li tais mov---------------peb sib faib noj
Li tsob nroj---------------sib pab ywg dej
Yav tom ntej--------------thiaj li muaj zoo

Tawm los loo-------------txawm yog leej twg
Kev phooj ywg-----------yeej tsis pub plam
Peb maj mam------------sib txhawb siab mus
Koj cov lus----------------tias neeg npab nauj

Tsam tsis xauj-----------me neeg li koj
Tsuas yog coj------------tus cwj pwm qias
Thiaj yuav ntxias--------thawb koj kom poob
Me nkauj hmoob--------zoo li kuv no

Yeej tsis tso-------------lub pov haum khaws
Yuav tsis ncaws--------lub pob zeb hwjhuaj
Ua nws muaj-----------yam khoom zoo
Yog muaj hmoo--------thiaj tau pom txog

Lam los nrog-----------peb kawm lus hmoob
Tsis paub thoob--------los mam sib qhia
Los peb ntsia-----------lub tsev nkaum nag
Kom ruaj cag----------mus li os yom

Tsis txhob tsom-------txoj kev muaj pluag
Txoj kev ntsuag---------los muaj nyiaj ntau
Txhua yam tau--------yog lub tswv yim
Thiaj khiav dim--------txoj tshaib kev nqhis

Zoo ib txhis------------yog txoj kev hlub
Txoj kev pub----------lub siab kom ncaj
Lub ntuj kaj-----------thiaj pom tom ntej
li tus dej --------------tsuas muaj nthuav dav

Yog koj xav------------xws li kuv no
Tsis txhob nro---------ua siab kaj liag
Nrog kuv npliag-------ruaj siab rau kuv
Es ho thuv------------ peb kawm mog




Thov Khawv

Registration date : 2014-05-20

Character Sheet
 :

Re: Ua li cas es hnub no kho kho kuv siab ua luaj

Post by Thov Khawv on August 1st 2014, 7:50 am

Ntuj yuas hmoob -----tej me leej muam
sau paj huam----tau deev siab tshaj
Kuv hais ncaj-----koj yeej haib heev
lam tua hneev-----rau puag tim toj


Yeej ntob koj----tus zoo tswv yim
muaj laj lim----lub hlwb khiav zoo
koob meej nrhoo----thoob plaws ntiaj nrag
tsis yog dag------kuv yeej hais tiag


Kuv twb nyiag----nyiam koj lawm thiab
koj cov ntsiab----lus hauv paj huam
rau Nraug Cuam----twb mob kuv siab
neeg khib nyiab---zoo li kuv no


Thiaj nkag hlo----ua dev txais cua
maj mam nqua------dib koj lawm tiag
seb puas nyiag---tau nplooj siab hlub
nkauj hnub qub-------li koj ntag mas


Thaum nyeem tas---zaj paj huam no
thov txhob nco---muab hnov qab mus
koj leej nus-------tsuas lam sim siab
lam cuab ntxiab----seb puas mas nas


Koj nyeem tas---muab lwv pov tseg
Nraug Cuam peg----kuv ho raug mob
wb sib phob----------ces koj tau lav
kuv lam xav---------txawv txawv li no


Hos ib qho---txog kev sib pab
kuv yeej kab-------lav ntuj lav teb
koj kuv peb-----yuav tsum sib hlub
txhob sib ntxub-----zoo li tej laus


Thiaj nyob taus---rau lub qab ntuj
thiaj muaj muj----muaj phooj muaj ywg
txog qhov twg-------los thiaj sib haum
tej mab daum--------tsis yog kwv tij


Luag tsis nplij---tsis hlub yus hmoob
tuag tu noob---luag haj zoo siab
koj kuv thiab---yuav tsum to taub
txhob ua aub---ua dev raws nqaij


Rov los laij---yus tsob mi noob
peb yog hmoob---ib roj ib ntshav
ib tug tav---yawm saub puab los
coj los dhos---rau peb txhua tus


Zaum no mus---yuav tsum sib pab
tsis txhob tsab---ua tus haib ntse
npav qhov nthe---tsis txo hwj chim
npaj yuav tsim---cov neeg zog me


Tseg txoj ke---muab hlob li no
peb thiaj kho---los sib haum xeeb
tsis txhob xyeeb---koj pab kuv xeem
sib pab peem---peb thiaj nyob ntev


Yog cais kev---ces peb kawg tuag
ua neeg nquag---sib pab tswv yim
tsis txhob chim---yog luag ntuas yus
khaws coj mus---tsav yus lub neej


Thiaj li tsheej---ciaj taus ib haiv
thov kom xaiv---lo mi lus zoo
lus muaj hmoo---lus txawj lus ntse
zuaj ua ke--------coj los mus siv


Peb thiaj piv---tau tej mab sua
luag twb ua----los ntau txhiab xyoo
thiaj mam zoo-----rau tiam tshiab no
mas peb ho-----pib xyaum ua mus


Hmoob leej nus---lam hais li no
leej twg ho---tuaj tsham pom txog
thov sib cog---qhuab qhia nyuag yaus
nws lam laus------nws twb tsis paub

Ces las haub----sau ua paj huam
txawm nej thuam-- -los thov txhob ntxub
thov pab rub----pab qhuab pab qhia
yuav nco cia----lub txiaj lub ntsig...nawb lawv!
Very HappyVery HappyVery HappyVery Happy

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 8:02 am


aib koj sau tau zoo tab sis kuv tsis tau pc lawm ces cia tau mam teb koj os nawb




Thov Khawv

Registration date : 2014-05-20

Character Sheet
 :

Re: Ua li cas es hnub no kho kho kuv siab ua luaj

Post by Thov Khawv on August 1st 2014, 8:16 am

Very HappyVery Happy hhehe,,,khoom thaum twg mam sau os tus muam aw! kuv txhoj puab lam sau xwb os.Very HappyVery Happy

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 8:37 am

Kuv los khib dwb ua si thiab xwb os sau nrog phone xwb ces qeeb dhau lawm vim ntau yuam kev tas los tseem ntaus qre thiab ces sau tau me me xwb os hee Smile Laughing




nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 11:08 am

Kuv los teb koj lauj tijlaug tas lauv a Very Happy Very Happy

Ntawm no kuv------------- yog nkaujhnubqub
Sau lus pub-----------------txhawb Nraug Tas Lauv
Yog tus qauv---------------hmoob tsim noob neej
Yog tus keej--------------- sau paj huam kiab

Tau ntxim siab------------thiab ntxim plawv kawg
Uas kuv ncawg-----------tau ob peb hnub
Nws txawm qhub---------sau lus muaj kis
Muaj paus ntsis-----------tsim txiaj ntshua li

Kuv luag ntxhi------------los txais nws thiab
Xav ua ciab---------------mus nplaum nws tso
Kom nws tso--------------kuv tsis yooj yim
Seb puas dim-------------kuv txoj kev quaj

Hais li muaj-------------ntshe koj ho ntshai
Tsam peb hai-----------nej lam ntog tiag
Los lam npliag----------kom peb kev lom
Vim yeej pom------------nej lam hais xwb

Yuav tsis npwb----------vim kev sib poog
Yuav xyaum yoog-------kev phooj ywg zoo
Vim muaj hmoo---------peb thiab sib ntsib
Sawv sib txhib----------yeej zoo siab tshaj

Ntuj thiaj kaj-----------pub peb txhua leej
Ntawm lub neej--------yuav sib vam tiag
Thiaj kaj liag-----------peb nplooj siab ntxhov
Thiaj sawv ntxov------ua taus tshais noj

Li tsob nroj------------maj mam huam mus
Ua siab tus------------thiaj yuav txawj zoo
Peb tuaj nroo---------kev sib cog kawm
Nws muam Ntxawm -yeej tos ntsoov nawb

Tuaj yuav txhawb----nws muam dag zog
Kom paub txog ------li nws thiab laiv
Peb hmoov haiv -----yeej xav kom muaj
Kom nyob ruaj-------ua ib tsob hmoob

Li tsob xyoob--------tuaj ua ib vaub
Thiaj sib paub-------sib nrhiav tau mog
Twb vim yog---------leeg nyob sab ntuj
Peb thiaj yuj---------sib pom hauv no

Los yeej nco---------tias peb sib txheeb
Ntuj yeej feeb-------rau peb muaj hmoo
Thiaj tau zoo--------ntau koos pib lawj
Kom peb txawj-----sib nrhiav sib cuag

Kom kev ntsuag----thiaj tsawg zuj zus
Hais tus tus---------tsis khav theeb hov
Hais lus sov---------siab thiaj txawj hlav
Thiaj nthuav dav---peb li tswv yim

Yuav tsis tsim------leej twg siab ntsws
Yuav tsis yws------txog koj kev qhuab
Yuav sib puab-----kom phab ntsa sawv
Hais li ntawv------Ua tsaug ntau

Koj lus sau---------tau txhawb kuv zog
Yuav nco txog-----koj lub txiaj ntsha
Uas koj nqa-------kuv rau theem siab
Kuv ntuj tshiab---yuav tshwm kaj zus

Lub suab lus-----tsuaj muaj loj hlob
Yog koj txhob----ces yuav nce nto
Txoj kev do------yuav tsis ncaws zeb
Txawm nws deb--los siab yeej ze

los peb nce-------me zeb me tsua
Txawm yog qhua--los peb sib txheeb
Peb mam teeb-----ib lub me hub
Peb sib hlub-------koom siv nws mog

hehehe LaughingLaughingLaughingLaughingLaughingLaughing kuv los tsis txawj li ces xav tau li cas hais li ntawv xwb os cov phooj ywg a




nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 11:56 am

Hu kom hmoob tig los ua ke

Sob me no-------------yuav hais tshwm tuaj
Li xav muaj-----------nyob kuv hlwb tawm
Sau los kawm--------thiab los sib hu
Sawv los nru---------peb cov neeg lem

Txoj kev phem-------------uas peb pom luag
Uas txaus luag------------Peb txhob kawm kiag
Peb xyaum tiag-----------Txoj kev zoo txhawb
Peb xyaum khawb--------lo lus kaj siab

Coj los xiab----------------peb hmoob lub neej
Kom muaj tsheej----------rau ib hnub tuaj
Seb puas muaj-------------txoj kev zoo taug
Thiaj tsos raug-------------mab suav ua phem

Kom lawv kem------------tsis tau peb hmoo
Caj me noob--------------muaj tsim rau ntuj
Pov puag ntsuj-----------tiaj maj mam sawv
Yuav nthuav sawv-------thoob qab ntuj no

Kom peb nco-------------peb caj ces noob
Li tsob xyoob-------------yeej muaj tuaj kaus
Ntuj hauv paus-----------tseem cim ntsoov cia
Hmoob txoj sia-----------yeej tsis ploj pliag

Peb sawv tiag------------sawv kom taus mog
Txhob nco txog----------txoj kev phem dhau
Thiaj sawv tau-----------li ncej huab qag
Rau siab rag-------------hmoob li txuj ci

Mam sib ntxhi-----------hais nrov zus mus
Ntuj yeej pus------------peb mus pom kev
Rub siab ntev------------yeej yuav muaj nawb
Tsis sib thawb-----------txhob sib tua lawm

Hmoov yeej sawm-------lub noob hmoob qoos
Thiaj yuav coos----------tau los cawm ciaj
Muaj av tiaj--------------cog cawm thiaj tau
Tsis txhob npau---------txhob pauv siab mus

Nco ntsoov yus---------haiv me neeg caj
Yus txawm daj---------pluav pluav caj kawg
Los yus ncawg---------yus tsev neeg lawm
Ces yeej cawm---------lub noob tuaj taus

Yuav nthaw kaus-------tuaj cag tob tob
Thiaj yuav hlob---------ntxoov tau ntiaj teb
Tsis txhob feb----------xaiv zoo hauv kab
Dej tsis nyab-----------thiaj mus taus txog

Txoj kev yog------------kev hlub kev pab
Sib pus npab------------thiab sib txhawb zog
Thiaj tsis ntog----------thiab tsis sib tawg
Ces sib ncawg----------lawm xwb mas lawv e.......


Lam sau nyeem laug sij hawm xwb es nej tus twg tsis xav nyeem los tsis txhob nyeem os nawb
sau kom hlwb nthuav xwb Ua tsaug ntau




nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 12:24 pm

*Tas Lauv Vwm wrote:
Very HappyVery Happy hhehe,,,khoom thaum twg mam sau os tus muam aw! kuv txhoj puab lam sau xwb os.Very HappyVery Happy

Koj ua ab tsi os tijlaug taslauv a?
cas kuv ib sij pom koj tawm los ib zaug tab sis koj ho ploj lawm ntev ntev mam rov tuaj es yog koj ua hauj lwm los tsaug zog lawm ne?




Thov Khawv

Registration date : 2014-05-20

Character Sheet
 :

Re: Ua li cas es hnub no kho kho kuv siab ua luaj

Post by Thov Khawv on August 1st 2014, 2:49 pm

Very HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery Happy


Yaka Moua (flipper), Hmoob tus best guitarist.


Tus muam Nkaujhnubqub, kuv twb teb koj ib txoj paj huam rau ntawm no, tab sis kuv muab lwv coj mus kho lawm. Thiaj muab 2 txog nkauj no los nruab rau lawm xwb. Coj mus kho me ntsis mam rov post dua.


Last edited by *Tas Lauv Vwm on August 1st 2014, 4:03 pm; edited 5 times in total

Thov Khawv

Registration date : 2014-05-20

Character Sheet
 :

Re: Ua li cas es hnub no kho kho kuv siab ua luaj

Post by Thov Khawv on August 1st 2014, 2:53 pm

nkaujhnubqub wrote:Koj ua ab tsi os tijlaug taslauv a?
cas kuv ib sij pom koj tawm los ib zaug tab sis koj ho ploj lawm ntev ntev mam rov tuaj es yog koj ua hauj lwm los tsaug zog lawm ne?

Kuv nkag los ces kuv yeej tsis tau tua li os tus muam nkaujhnubqub, rau qhov kuv tseem ua kuv cov ntawv tas zog li os. Ua ib chim ces mam los saib ib zaug xwb no os.

Tubzoonraug

Registration date : 2009-12-15

Re: Ua li cas es hnub no kho kho kuv siab ua luaj

Post by Tubzoonraug on August 1st 2014, 3:43 pm

Kwv Tas Lauv, kuv muab koj qhov Poem koj sau kho tso rau nov


Ntuj yuas hmoob -----tej me leej muam
sau paj huam----tau deev siab tshaj
Kuv hais ncaj-----koj yeej haib heev
lam tua hneev-----rau puag tim toj
Yeej ntob koj----tus zoo tswv yim
muaj laj lim----lub hlwb khiav zoo
koob meej nrhoo----thoob plaws ntiaj nrag
tsis yog dag------kuv yeej hais tiag


Kuv twb nyiag----nyiam koj lawm thiab
koj cov ntsiab----lus hauv paj huam
rau Nraug Cuam----twb mob kuv siab
neeg khib nyiab---zoo li kuv no


Thiaj nkag hlo----ua dev txais cua
maj mam nqua------dib koj lawm tiag
seb puas nyiag---tau nplooj siab hlub
nkauj hnub qub-------li koj ntag mas


Thaum nyeem tas---zaj paj huam no
thov txhob nco---muab hnov qab mus
koj leej nus-------tsuas lam sim siab
lam cuab ntxiab----seb puas mas nas


Koj nyeem tas---muab lwv pov tseg
Nraug Cuam peg----kuv ho raug mob
wb sib phob----------ces koj tau lav
kuv lam xav---------txawv txawv li no

Hos ib qho---txog kev sib pab
kuv yeej kab-------lav ntuj lav teb
koj kuv peb-----yuav tsum sib hlub
txhob sib ntxub-----zoo li tej laus

Thiaj nyob taus---rau lub qab ntuj
thiaj muaj muj----muaj phooj muaj ywg
txog qhov twg-------los thiaj sib haum
tej mab daum--------tsis yog kwv tij

Luag tsis nplij---tsis hlub yus hmoob
tuag tu noob---luag haj zoo siab
koj kuv thiab---yuav tsum to taub
txhob ua aub---ua dev raws nqaij
Rov los laij---yus tsob mi noob
peb yog hmoob---ib roj ib ntshav
ib tug tav---yawm saub puab los
coj los dhos---rau peb txhua tus

Zaum no mus---yuav tsum sib pab
tsis txhob tsab---ua tus haib ntse
npav qhov nthe---tsis txo hwj chim
npaj yuav tsim---cov neeg zog me

Tseg txoj ke---muab hlob li no
peb thiaj kho---los sib haum xeeb
tsis txhob xyeeb---koj pab kuv xeem
sib pab peem---peb thiaj nyob ntev


Yog cais kev---ces peb kawg tuag
ua neeg nquag---sib pab tswv yim
tsis txhob chim---yog luag ntuas yus
khaws coj mus---tsav yus lub neej
Thiaj li tsheej---ciaj taus ib haiv
thov kom xaiv---lo mi lus zoo
lus muaj hmoo---lus txawj lus ntse
zuaj ua ke--------coj los mus siv
Peb thiaj piv---tau tej mab sua
luag twb ua----los ntau txhiab xyoo
thiaj mam zoo-----rau tiam tshiab no
mas peb ho-----pib xyaum ua mus


Hmoob leej nus---lam hais li no
leej twg ho---tuaj tsham pom txog
thov sib cog---qhuab qhia nyuag yaus
nws lam laus------nws twb tsis paub

Ces las haub----sau ua paj huam
txawm nej thuam-- -los thov txhob
thov pab rub----pab qhuab pab qhia
yuav nco cia----lub txiaj lub ntsig...nawb lawv!



Tubzoonraug

Registration date : 2009-12-15

Re: Ua li cas es hnub no kho kho kuv siab ua luaj

Post by Tubzoonraug on August 1st 2014, 3:58 pm

ua taug rau nej sawv daws cov muaj txuj muaj ci, tuaj nthuav txuj nthuav ci rau peb saws daws tau nyeem. Kuv tsi tau muaj caij muaj nyoog ces nej sau rau kuv tuaj nrog nej nyeem xwb ma. Zoo kawg kiag li lawm tiag.


Thov Khawv

Registration date : 2014-05-20

Character Sheet
 :

Re: Ua li cas es hnub no kho kho kuv siab ua luaj

Post by Thov Khawv on August 1st 2014, 3:59 pm

Ua Tsaug os tij Tubzoonraug, koj tseem pab kho rau thiab os. Koj kho tau ncaj xwm yeem zoo kawg.

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 1st 2014, 5:30 pm

*Tas Lauv Vwm wrote:
nkaujhnubqub wrote:Koj ua ab tsi os tijlaug taslauv a?
cas kuv ib sij pom koj tawm los ib zaug tab sis koj ho ploj lawm ntev ntev mam rov tuaj es yog koj ua hauj lwm los tsaug zog lawm ne?

Kuv nkag los ces kuv yeej tsis tau tua li os tus muam nkaujhnubqub, rau qhov kuv tseem ua kuv cov ntawv tas zog li os. Ua ib chim ces mam los saib ib zaug xwb no os.
kav tsij rau rau siab ua koj cov ntawv mog.
Kuv tsis tsaug zog lam ls teb koj ne ne xwb
yog khoom man rov tuaj nyeem dua os.. Cas zoo lu kyv nyeem ras xav nyeem dua peb cov poem nov ne Smile




Tubzoonraug

Registration date : 2009-12-15

Re: Ua li cas es hnub no kho kho kuv siab ua luaj

Post by Tubzoonraug on August 1st 2014, 6:22 pm

Haaaaaaa, tsi ua li ca os Kwv Tas lauv,

Yog koj tso cov code BBC CODE. koj sau cov code ua ntej li nov piv xam koj siv cov color:

[color=red] koj sau sau lu rau huv nov kom tag kiag, koj li tso qhov closing rau tom qab li nov [/color]

yog koj siv kom nws nyob rau center, koj ua thaum pib kiag tag cov text zoo li nov:

[center]nov yog pib ua ntej cov sentence. Ending sentence ces koj tso qhov closing [/center]

zoo li nov ces nws yeej ua tag cov sentence nyob rau center tag lawm. Koj ua one by one ma tsi yog lawm, nws ua hauj lwm ntev heev, koj ua li kuv qhia xwb ces nws work thoob plaws lawm os.


Nraug Cuam
member
member

Registration date : 2011-09-25

Character Sheet
 :

Re: Ua li cas es hnub no kho kho kuv siab ua luaj

Post by Nraug Cuam on August 2nd 2014, 4:36 am

Nyob zoo bro Tubzoonraug, Tas Lauv Vwm & Nkaujhnubqub,

Nej tham mus deb lawm ces kuv cia li los txais cua ntawm no lawm xwb txhob xav li cas nawb.

Nkaujhnubqub, koj mas tsis dog dig kiag li lawm nawb, sau tau zoo kawg li, ua rau kuv tsis pom qab teb koj li lawm nav, kuv cia li rua rua ncauj tseg lawm xwb laiv cheers cheers cheerscheerscheers

Bro Tas Lauv Vwm, hahahahaha koj mas sau tau funny kawg thiab os bro, koj kuj sau tau cov lus ntuas qhia kom 3 hmoob txawj sib hlub ntawv zoo kawg li lawm nawb bro cheerscheerscheers zoo txaus muab tso tawm rau public kawg lawm nawb.

Ua tsaug ntau 6 nej 3 leeg tib si os.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 2nd 2014, 7:34 am

Kuv tsis khoom lawm es nej mam sau cia lwm zaus kuv khoom no mam rov tuaj nrog nej sau dua os
kuv zoo siab tau ntsib nej sawv daws hauv no nawb
kuv mus ntev mam rov tuaj os bye




Thov Khawv

Registration date : 2014-05-20

Character Sheet
 :

Re: Ua li cas es hnub no kho kho kuv siab ua luaj

Post by Thov Khawv on August 2nd 2014, 8:28 am

Mus zoo koj tus muam nkaujhnubqub, ntshe peb yuav laj tas koj rov tuaj. Good Luck!

Tubzoonraug

Registration date : 2009-12-15

Re: Ua li cas es hnub no kho kho kuv siab ua luaj

Post by Tubzoonraug on August 2nd 2014, 1:01 pm

Zoosiab rau 3 sawv daws nawb, Gaujhnub(Nkaujhnub) koj mus txawv tebchaws los? nej muaj nyiaj nej mus ncig thoob qab ntuj nov, kuv ces khuv xim nyiaj dhau lawm kuv mus tsi tau qhov twg li thiab. Vim ua laj kam ruam xwb luag them ib xyuab moos yog $19.68 xwb ces twb tsi duav lub nqi tsev nyob tau txom nyem ntsuav. Tsi tag li los kuv family muaj 8 lub tsheb parking puav tag ntawm font tsi muaj chaws nre li lawmthiab Insurance tsheb lo kimkawg, ib xyoo twg tau them registration ib zaug, 2 xyoo twg, luag require kom mus smog check ib zaug, qhov twg lo poob nyiaj xwm yeem nkau, yog tsi coj mus check ces DMV (Department of motor vehicle) tsi kam muab daim sticker lo los rau lubtsheb ces tsav tsi tau, yog nyiag tsav ces Police stop raug bluag nyiaj ntau. Qhov twg lo yog nyiaj ma nyuab kawg nkau li os.

DMV stand for: "Division of Motor Vehicles" or "Department of Motor Vehicles?"


Thov Khawv

Registration date : 2014-05-20

Character Sheet
 :

Re: Ua li cas es hnub no kho kho kuv siab ua luaj

Post by Thov Khawv on August 3rd 2014, 4:05 am

Tijtubzoonraug, kav tsij khwv es mam mus ncig rau thaum yus retire ntawd os. Yeej yog li koj hais, tawm plaws ntawm yus tsev hnub twg ces poob nyiaj hnub ntawv xwb tiag. Av tsij khwv nyiaj lwm hnub rov los xyuas peb dua nawb bro.

Thov Khawv

Registration date : 2014-05-20

Character Sheet
 :

Re: Ua li cas es hnub no kho kho kuv siab ua luaj

Post by Thov Khawv on August 3rd 2014, 5:48 am

nkaujhnubqub wrote:Kuv tsis khoom lawm es nej mam sau cia lwm zaus kuv khoom no mam rov tuaj nrog nej sau dua os
kuv zoo siab tau ntsib nej sawv daws hauv no nawb
kuv mus ntev mam rov tuaj os bye

Mus zoo koj---tus muam hnub qub
yuav ua hnub---ua hmo nyob tos
maj ceev los---yog hauj lwm tiav
txhob lam khiav---mus ua hmoob nyab

Peb raws qab---ces neb kawg nyuaj
tsuag tsuag tuaj---peb tseem nyob no
ua hnub hmo---ntsia ntsoov xub kev
txhob mus ntev---puag niaj puag xyoo

Lawm ntsiag moo--tsis hnov tuaj teb
li no peb----------yuav ua cas nco
zoo li no--------peb tsis paub nyob
thov tsis txhob----tias muaj tsis tus

Peb leej nus---thiaj nquag tuaj tham
nquag tuaj tsham----hauv lub vas sab
piav txog dab-----pub rau koj mloog
piav poj ntxoog----dab plis koos kaim

Dab kauj tsaim---dab phim nyuj vais
rau hmoob ntxhais---li koj tau mloog
daws caij nyoog---daws kev kho siab
daws tus ntxhiab---yuav mob saj rauj

nawb hluas nkauj---tus zoo ntxhim tshua
peb mam ua---siab ntev tos mog
yog nco txog---tig saib lub hli
yog tseem ci---peb tseem tos koj

Yuav siab loj---ntsia ntsoov lub ntuj
es go good---koj nawb neeg zoo
muaj txoj hmoo---tseem yuav sib ntsib
tseem yuav dib---koj kom kawg kev

Txhob mus ntev---lawm ploj qab ntais
thov tuaj hais---qhia peb ib zaug
yog tias raug---thaub laus zij lawm
peb yuav rawm---hov ntaj hov hmuv

Yuav nkoj luv---sawv rog quav dev
tav neb kev---ntag nawb tus muam
txhob lam thuam---kuv thaub plab zais
siv mav tais---ces kawg nyob nyuaj

Txawm tsis quaj---los yeej ntxhov siab
thov koj thiab---kuv peb nyob zoo
yuav tsis nroo---hais tauj ntxiv lawm
tsam koj tsawm---tias kuv no nyaum...
dhau lawm no os!!!!Very Happy

Tubzoonraug

Registration date : 2009-12-15

Re: Ua li cas es hnub no kho kho kuv siab ua luaj

Post by Tubzoonraug on August 3rd 2014, 10:27 am

Kwv Tas Lauv, koj txawj sau Poem kawg li thiab tiag. NkaujHnub lo txawj sau Kwv raug Cuam nej sawv daws yeej yog txuj siab heev lawm nawb. Kuv mam li tuaj nyeem nej cov lus sib dho xwb ma.


Thov Khawv

Registration date : 2014-05-20

Character Sheet
 :

Re: Ua li cas es hnub no kho kho kuv siab ua luaj

Post by Thov Khawv on August 4th 2014, 5:19 am

Hihihihi, tij Tubzoonraug, kuv twb tsis paub li os, pom nkawv sau ces lam sau lawm thiab xwb. Ua tsaug koj tseem hais ib lo lus txhawb dej siab thiab os.

Tubzoonraug

Registration date : 2009-12-15

Re: Ua li cas es hnub no kho kho kuv siab ua luaj

Post by Tubzoonraug on August 4th 2014, 6:05 pm

Brother, yeej yog muaj tswv 8 thiab thiaj li sau tau cov lus lo sib dho, yog tsi muaj lub tswv 8 xav ces yeej sau tsi tau cov lus lo sib dho li os. Zoosiab kawg ma brother. NkaujHnubqub ma nws txawj sau kawg li thiab tiag, kuv ces tsi muab tswv 8 es kuv sau tsi tshua make sense ces kuv thiaj li tsi sau xwb.


Nraug Cuam
member
member

Registration date : 2011-09-25

Character Sheet
 :

Re: Ua li cas es hnub no kho kho kuv siab ua luaj

Post by Nraug Cuam on August 5th 2014, 4:09 am

nkaujhnubqub wrote:Kuv tsis khoom lawm es nej mam sau cia lwm zaus kuv khoom no mam rov tuaj nrog nej sau dua os
kuv zoo siab tau ntsib nej sawv daws hauv no nawb
kuv mus ntev mam rov tuaj os bye

Nkaujhnubqub, mus lawm no ces mus zoo koj nawb mog, nco ntsoov ntev ntev rov tuaj fi xov pub 3 paub mog, peb tos tos koj ntsia xub ke ntsoov nawb. Yog mus ncig toj ncig pes no ces yees daim puav duab tuaj pub 3 saib nawb, hos yog mus khwv nyiaj no ces lwm hnub tuaj no yuav beer thiab khob noom tuaj pub 3 saj ov hehehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Nraug Cuam
member
member

Registration date : 2011-09-25

Character Sheet
 :

Re: Ua li cas es hnub no kho kho kuv siab ua luaj

Post by Nraug Cuam on August 5th 2014, 4:11 am

Bro Tubzoonraug & Tas Lauv Vwm, kuv los twb tsis nim txawj sau poem li thiab os, lam sau ua si 6/3 tau nyeem ua si laug sij hawm xwb os, kuv ces tuaj tim qab tsuas ntab thiab phu xev tuaj nkaus xwb os nkawv hehehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 5th 2014, 7:39 am

*Tas Lauv Vwm wrote:
nkaujhnubqub wrote:Kuv tsis khoom lawm es nej mam sau cia lwm zaus kuv khoom no mam rov tuaj nrog nej sau dua os
kuv zoo siab tau ntsib nej sawv daws hauv no nawb
kuv mus ntev mam rov tuaj os bye

Mus zoo koj---tus muam hnub qub
yuav ua hnub---ua hmo nyob tos
maj ceev los---yog hauj lwm tiav
txhob lam khiav---mus ua hmoob nyab

Peb raws qab---ces neb kawg nyuaj
tsuag tsuag tuaj---peb tseem nyob no
ua hnub hmo---ntsia ntsoov xub kev
txhob mus ntev---puag niaj puag xyoo

Lawm ntsiag moo--tsis hnov tuaj teb
li no peb----------yuav ua cas nco
zoo li no--------peb tsis paub nyob
thov tsis txhob----tias muaj tsis tus

Peb leej nus---thiaj nquag tuaj tham
nquag tuaj tsham----hauv lub vas sab
piav txog dab-----pub rau koj mloog
piav poj ntxoog----dab plis koos kaim

Dab kauj tsaim---dab phim nyuj vais
rau hmoob ntxhais---li koj tau mloog
daws caij nyoog---daws kev kho siab
daws tus ntxhiab---yuav mob saj rauj

nawb hluas nkauj---tus zoo ntxhim tshua
peb mam ua---siab ntev tos mog
yog nco txog---tig saib lub hli
yog tseem ci---peb tseem tos koj

Yuav siab loj---ntsia ntsoov lub ntuj
es go good---koj nawb neeg zoo
muaj txoj hmoo---tseem yuav sib ntsib
tseem yuav dib---koj kom kawg kev

Txhob mus ntev---lawm ploj qab ntais
thov tuaj hais---qhia peb ib zaug
yog tias raug---thaub laus zij lawm
peb yuav rawm---hov ntaj hov hmuv

Yuav nkoj luv---sawv rog quav dev
tav neb kev---ntag nawb tus muam
txhob lam thuam---kuv thaub plab zais
siv mav tais---ces kawg nyob nyuaj

Txawm tsis quaj---los yeej ntxhov siab
thov koj thiab---kuv peb nyob zoo
yuav tsis nroo---hais tauj ntxiv lawm
tsam koj tsawm---tias kuv no nyaum...
dhau lawm no os!!!!Very Happy
nyob zoo 3 tus tijlaug zoo lus aw. Kuv mus ob hnub xwb twb rov los lawm os...
Tshuav me ntsis ob hnub ntxiv mam tus ncig ntuj xwb os... Ua tsaug rau tijlaug tas lauv zaj paj huam os




nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 5th 2014, 7:43 am

Nraug Cuam wrote:
nkaujhnubqub wrote:Kuv tsis khoom lawm es nej mam sau cia lwm zaus kuv khoom no mam rov tuaj nrog nej sau dua os
kuv zoo siab tau ntsib nej sawv daws hauv no nawb
kuv mus ntev mam rov tuaj os bye

Nkaujhnubqub, mus lawm no ces mus zoo koj nawb mog, nco ntsoov ntev ntev rov tuaj fi xov pub 3 paub mog, peb tos tos koj ntsia xub ke ntsoov nawb. Yog mus ncig toj ncig pes no ces yees daim puav duab tuaj pub 3 saib nawb, hos yog mus khwv nyiaj no ces lwm hnub tuaj no yuav beer thiab khob noom tuaj pub 3 saj ov hehehehehe.
Tuaj me me xauj nej lawm os...
Zoo siab kawg nej tseem nco txog kuv os...kuv mus lps tseem yuav tuaj nyeem paj huam na... Nej kav tsij sau cia es kuv thiaj tau tuaj nyeem nawb.




Tubzoonraug

Registration date : 2009-12-15

Re: Ua li cas es hnub no kho kho kuv siab ua luaj

Post by Tubzoonraug on August 7th 2014, 3:49 pm

NkaujHnubqub,

Zoosiab koj rov tuaj lawm os, Mus kev deb pua lom zem thiab? Koj mus tau ib 2 hnub nov xwb ma peb twb tsi pom qab nyob li thiab os.


Nraug Cuam
member
member

Registration date : 2011-09-25

Character Sheet
 :

Re: Ua li cas es hnub no kho kho kuv siab ua luaj

Post by Nraug Cuam on August 15th 2014, 4:39 am

Nkaujhnubqub mus no nco ntsoov rov tuaj dua nawb, 3 tos tos koj ntsia xub ke ntsoov lawm laiv hehehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 18th 2014, 12:11 am

Es kuv twb tuaj nej tsis tuaj li ne.... cov tijlaug aw....! nej nyob qhov twg os?




Nraug Cuam
member
member

Registration date : 2011-09-25

Character Sheet
 :

Re: Ua li cas es hnub no kho kho kuv siab ua luaj

Post by Nraug Cuam on August 19th 2014, 12:51 am

Zoo siab hnub no rov pom koj tuaj dua lawm os leej muam Nkaujhnubqub, thov txim ntau os leej muam twb yog 2-3 hnub no hauj lwm ntau es thiaj tsis khoom tuaj lawm xwb os, yog koj tuaj tsis pom kuv nyob hauv no ces mus nrhiav kuv tau nov mas hehehehehe. https://www.facebook.com/any.herr







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 19th 2014, 5:34 am

Ua tsaug os tijlaug Nraugcuam




Thov Khawv

Registration date : 2014-05-20

Character Sheet
 :

Re: Ua li cas es hnub no kho kho kuv siab ua luaj

Post by Thov Khawv on August 19th 2014, 8:13 pm

Nyob zoo os 2-3 tug brothers thiab sister.

2 hnub hno tseem tsis tau2 khoom sau zaj ces cia li tuaj nyeem nej li comments xwb, lwm hnub xyeej tes xyeej taw li rov tuaj sau zaj dua nawb.Very HappyVery HappyVery HappyVery HappyVery HappyVery Happy

Guest
Guest

Re: Ua li cas es hnub no kho kho kuv siab ua luaj

Post by Guest on August 19th 2014, 9:13 pm

Zoo siab tau ntsib nej 3 leeg os. Hai txog Kwv Nraug Cuam daim teb deb ma kuv xav noj saib cov dib pag ntawd ntxim yuav qab heev li. Kuv tsau tau noj thaum kuv muaj 12/13 xyoo lawm xwb dua li ce yuav tom kiab tom khwv lawm os.

nkaujhnubqub
member
member

Registration date : 2009-07-04

Character Sheet
 :

Re: Ua li cas es hnub no kho kho kuv siab ua luaj

Post by nkaujhnubqub on August 20th 2014, 2:36 am

hais txog dib pag kuv niam pog twb cog tau ib co peb twb tau noj lawm thiab os Very Happy




Sponsored content

Re: Ua li cas es hnub no kho kho kuv siab ua luaj

Post by Sponsored content Today at 6:22 am

  • Post new topic
  • Reply to topic

Current date/time is December 7th 2016, 6:22 am