• Post new topic
  • Reply to topic

Yawg Txiaj Xab Mus Tua Tsov

Share
avatar
Thov Khawv

Registration date : 2014-05-20

Character Sheet
 :

Yawg Txiaj Xab Mus Tua Tsov

Post by Thov Khawv on June 6th 2014, 11:15 am

First topic message reminder :

affraidaffraidRaws li Dab Laug Nom Yeeb Vaj, uas yog kuv cov neej tsa nyob rau hauv Vees Cas no piav txog nws txiv mus tua tsov rau nws tus tub Tsab Vaj li no: Xyoo 1965-66 no ntag, dab laug Nom Yeeb Txiv lub npe hu ua Yawg Txiaj Xab Vaj no txawm mus ua ib daim teb yeeb nyob ze lub zos Pham Qhaum ze Looj Ceeb ntawd. Mus ntawm lub zos rau ntawm daim teb mas siv sij hawm li 2 teev tawm thiaj txog. Yawg Txiaj Xab no mas nws muaj ib tug niam loj uas twb tuag lawm, sib yuav muaj ib tug me nyuam xwb ces tus niam loj txawm cia li muaj mob tuag lawm hos tus me nyuam los nyob nyob cia li mob mob tuag lawm thiab. Yawg Txiaj Xab thiaj mus yuav tau ib tug niam tshiab los, tus niam tshiab no thiaj yog dab laug Nom Yeeb niam. Xyoo ntawd ces Yawg Txiaj Xab thiab nws poj niam tshiab nkawv thiaj rov mus ua daim teb yeeb ntawd dua. Thaum mus faus teb yeeb tag, yeeb twb zoo hlais ces yawg Txiaj Xab thiaj mus pw hlais yeeb. Kom pog Txiaj Xab nyob npaj tuav ib qho txhuv ntxiv tso tag kis pog Txiaj Xab mam nrog 1 yig uas ua teb yeeb ua ke ze nkawd ntawd tuaj. Yawg Txiaj Xab txawm nqa nws rab phom Hmoob thiab ev ib qho txhuv tuaj ua ntej lawm. Thaum nws tuaj txog tom ib tog kev uas yuav txog tim nws daim teb uas muaj ib tug dej me thiab ua kwj ha tob tob uas nkawv ib niam txiv tuam ib tug choj ntoo deb li ntawm 25 mev hla mus rau tim nkawd daim teb yeeb ntawd ces cas txawm hnov leej twg tshuab tshuab ntswg thiab xuav xuav pem ib lub hauv paus tauj ntxhw tuaj ntag. Yawg Txiaj Xab thiaj khiav khuav mus xyuas seb yog leej twg no ua cas tsis pom dab tsi li. Nws yeej tsis xav dab tsi ntau li vim yawg Txiaj Xab no mas yog ib tug neeg siab tawv heev li. Nws txawm hla mus dua tim teb lawm. Nws mus txog daim teb yeeb twb zoo hlais, yeeb twb ua txiv nrw niab lawm, ncuab mas nim los noj noj yub yeeb tas zog li, nws mus laj tsig rau tom ntug teb mas ib chim xwb twb mag tau ib pab ncuab txaus nws noj hmo thiab noj tshais lawm ces nws thiaj tsis mus yos hav zoov. Ua cas tsaus ntuj zuag ib chim zoj uas nws nyuam qhuav noj hmo kiag tas li ntawm 10 moo xwb, nws tab tom yuav qhau cev pw, nws txawm hnov ib lub suab hu nws lub npe puag tim kev tuaj ntag laiv. Lub suab ntawd yog kiag nws poj niam (niam Txiaj Xab yau) uas tseem nyob tom tsev lub ntag. Nws poob siab nthav tias ua cas twb tsaus ntuj npaum no lawm tseem muaj leej twg hu kuv ne? Puas yog kuv poj niam tuav tau txhuv tag es nws lawv kuv qab tuaj nes. Ua cas txawm hu los ze zus, ze zus li ntag lau. Lub suab hu nws ntawd mas hu li no ntag: "Txiaj Xab! tuaj tos kuv os, ev txhuv hnyav hnyav li hla tsis taus choj" pheej hu li ntawd ntag laiv. Aub! yawg Txiaj Xab xav tias nyaj yuav tsis yog yawg poj niam li lawm rau qhov thaum yawg tuaj mas yawg yeej xaj ntsees kom pog Txiaj Xab txhob tuaj ib leeg vim niag hav zoov xwb tsam pog Txiaj Xab tsis tau luag mas pog Txiaj yuav tsum tsis tuaj li. Ua cas lub suab hu ntawd txawm hu tuaj txog ntawm tus choj ces ntsiag ntawd lawm, nyob nyob ib pliag mam hu dua, pheej hu sib kha li ntawd tas li. Yawg Txiaj Xab yog neeg siab tawv thiab, nws thiaj muab kiag nws rab phom los ntim kiag ib ya qe tooj rau, sub kiag tshuaj phom kom nkig nkuav ntag. Niag qaim hli nrig pom pom kev ces nws yeej ntsia ntsoov nram txoj xub kev tsis pom dab tsi li ntag. Yawg Txiaj Xab thiaj maj mam nyas mus saib seb yog tus sim zeej dab tsi thiab yog leej twg pheej hu nws li ntawd. Nws thiaj maj mam nkag npuab cov hav zoo mus. Lub suab yeej hu nws tsis tseg li ntag. Ua cas thaum nws nkag nkag mus ze ze ntawm tus choj, mloog lub suab no ua ciav tsis yog nws poj niam lub suab lawm, yog lub niag suab laus ntxhawv. Nws mam ua tib zoo saib no ua cas pom tib tug tsov loj tas siab pw saum niag taw choj, niag tsov hla tsis tau ces nws cia li zaum tib tug txaij zees tsa taub hau nyuj nyes quaj hu yawg Txiaj Xab tas zog xwb ces nws thiaj li rho hlo nws rab phom los tsom qoos qoos tib teg rau taub hau ces ua lub suab hu ntsiag kiag, niag tsov quaj ib suab thiab nti kig koog dhia rau nram kwj ha lawm. Ces yawg Txiaj Xab thiaj maj mam rov los pw pem tsev teb no, yawg los txog ces yawg thiaj muab qhov rooj pav khov kho rau, muab cav taws tsuam ruaj ruaj rau ntag, muab ntoo thaiv qhov chaw yawg pw kom zoo thiab khov rau ces yawg mam pw. Lub siab yeej ntshai kawg li thiab lau thaum ntawd os. Yawg pw pw kaj ntug los yeej tsis kam tawm mus sau yeeb li lawm, twb yog 10 moo tshav ntuj twb ziab nras lawm yawg Txiaj Xab mam sawv. Tsis tau luag tawm nraum zoov li lawm ntag tab yog nruab hnub nrig. Ib chim pog Txiaj Xab thiab 1 yim Hmoob Xyooj ntawd tuaj txog ces yawg Txhiaj Xab mam tawm. Yawg Txiaj Xab thiaj kom tus Hmoob Xyooj ntawd nrog yawg mus xyuas qhov chaw tua tsov, nkawd mus xyuas no ua ciav raug tus tsov ntshav liab vog xwb lau. Nkawd thiaj taug taug mus no ua cas niag Tsov cia li tuag ntawm ib kis niag xyoob tuam tswm. Niag tsov mas loj tsis loj li. Yawg Txiaj Xab rab phom raug kiag niag tsov lub caj dab tshab plaws rau lub qhov muag dig kiag. Tsis tshua tau luag thiab ces lawv thiaj rov los tsev lawm, 2-3 hnub ob tug tub nyab mam tuaj nrog nkawd hlais. Tom qab no mam paub tias niag Pog Txiaj Xab Hlob uas tuag lawm ntawd yog tus los hu li ntawd, nws pheej sij yuav los tos kom tau yawg Txiaj Xab mus ces zaum ntawd thiaj kom niag tsov ntawd los muab yawg txiaj xab ntxuav ntag no mas. Tau 2 xyoo kiag tom qab no xwb Yawg Txiaj Xab mob tuag kiag lawm ntag, pog Txiaj Xab los tos tau lawm no. Nws piav ntxiv tias tom qab Yawg Txiaj Xab tuag, nws mus ua ib tug tsov loj tas zog no, tej zaum nws phej nqa nqaij los rau lawv noj thiab no. Nyob tom qab no ces ntshe Yawg Txiaj Xab tom tsis tau tsiaj qus noj lawm los cas nws pheej tom tom Hmoob cov nyuj ces muaj ib hmos yawg txiaj Xab thiaj los ua npau suav rau nws tus kwv yau kiag nws hais tias: "me kwv, tej zaum li cas los kuv yeej yuav tuag li, yog kuv tuag lawm no ces koj pab hlub kuv cov niam tub thiab, tag kis koj tuaj xyuas kuv nawb" tus kwv teb tias yuav ua cas kuv thiaj paub tias yog koj? Yawg Txiaj Xab teb tias: ob hnub dhau los lawm ntawd kuv mus tom ib tug twm ces twm muab kuv nrau ib sab qhov muag dig thiab ib sab pob ntseg khis lawm, yog koj pom zoo li ntawd ces yog kuv". Npau suav li no tag nrho xwb tsim dheev los ua cas hnov moj tej tawg nrov npeeg tim ntug zos tuaj tiag, hnov lawv qw zom zaws tias tsov tom nyuj es cuab mag tso lawm, yawg Txiaj Xab tus kwv thiaj khiav khiav mus xyuas no ua ciav niag tsov loj tiag tiag li, saib no ua ciav niag tsov ib sab qhov muag dig thiab pob ntseg khis tiag. Neeg zej zog cav zom zaws tias mag niag tsov dig muag thiab khis ntsej, nws tus kwv khaws twj ywm rau nruab siab thiab nws tsuas coj los piav ntxhi qhia rau dab Laug Nom Yeeb ib leeg paub xwb. Lawd muab luas faib rau cov neeg mus xyuas ntawd ib leeg ib qho no tab sis yawg Txiaj Xab tus kwv tsis kam yuav vim nws paub tias yog nws tij laug xwb. Zaj neej neeg no thiaj tag li no. affraidaffraidaffraid


Tag nrho lawv cuab kwv tij ntawd yeej hais tias muaj tiag tiag li no. Lawv yeej paub txhua tus thiab lawv niaj hnub cav tias Yawg Txiaj Xab tua tsov no. Zaj no mas yog dab Laug Nom Yeeb piav rau nws tus tub hu ua Tsab Vaj, ua ib tug Doctor kho mob hauv Hospital kom muab sau tseg es thiaj nco tau no ces kuv txawm copy ntawm nws lub com los xwb.


Last edited by *Tas Lauv Vwm on June 8th 2014, 7:10 am; edited 1 time in total
avatar
Tubzoonraug

Registration date : 2009-12-15

Re: Yawg Txiaj Xab Mus Tua Tsov

Post by Tubzoonraug on July 19th 2014, 12:20 pm

kwv Tas Lauv thiab kwv Nraug Cuam,

Hai txog ntawm tus menyuam 3 xyoo nws reincarnation nov ma yeej ntseeg thiab vim kuv twb pom ntau leej claim li ntawd lawv mus tshawb xyua yav thaum ub ces yeej muaj. Hai txog Hmoob, muaj ib tug Hmoob lis thaum ub lawv mus ua rog nws cov tub rog tua nws tuag rau tom tshav rog, tom qab nov nws rov yus lo nws yeej piav ib yam li tus menyuam ntawd piav nws qov qub kwv tij yog Lis Toj Txiv tus kwv tij ntag. Tab si zoo li nws yug lo rau ib tsev Hmoob thoj lo xyov yog Hmoob Hawj kuv nco tsi zoo, nws lub hnoog nyoo ntse yau kuv mentsi lo yog nrog kuv ib qhaum neeg lawm. Nws tseem nyob rau Sacramento ma, ho nws tus poj niam ces muaj 60 tawm yuav mus rau 70 xyoo lawm ho nws tus ntxhai tshe twb ze 60 xyoo lawm thiab pob, thaum nws hai li nov ces nws mus ntsib nws tus qub poj niam tab si tus poj niam mus yuav txiv Hmoob Yaj lawm ces tus poj niam tsi kam yuav nws lawm vim nws hlua heev tus poj niam lau lau lawm, tom qab tus txiv hmoob yaj tuag lawm sub.

Thaum xub thawj tus poj niam yeej tsi ntseeg ma tab si nws piav tau txhua yam thaum kawv ua niam txiv ua nkauj ua nraug piav tau ntau yam ces tus niam thiaj li ntseeg. Niam nov ces nws tsi piav li lawm. Yog yus mus nrog nws tham no nws thiaj li piav lawm xwb os, Kuv tus txiv hlob twb mus nrog nws tham tham no thiab es kuv tus txiv hlob twb muab tape mus recorded nws cov lus thiab no ma.



Hauv qab no yog English Version
avatar
Tubzoonraug

Registration date : 2009-12-15

Re: Yawg Txiaj Xab Mus Tua Tsov

Post by Tubzoonraug on July 22nd 2014, 11:13 pm

Kwv Tas Lauv, ua tsaug rau koj 2 daim video os. NkaujHnub thiab kwv nraug Cuam. zoosiab ntsib nej sawv daws rau hauv nov os.

Kwv Tas lauv, koj daim video hauv qab ntawd lawv block tsi pub peb saib, lawv hai tias not available to your Country nos os, ces kuv saib tsi tau.

avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 22nd 2014, 11:44 pm

Qhov abstract ntawm zaj liv xwm los yog zaj dab neeg no ces yog thaum xyoo 1920 tawm ntawd muaj ib tug xib qhia ntawv (professor) hauv Tokyo Nyij Pum Teb Chaws tau yug ib tug aub (dev), nws muab tis npe hu ua Hachiko. Lo lus "hachi" yog txhais tias 8, "ko" txhais tias tus me nyuam. Tus lej yim (Cool yog Japanese tus lej muaj hmoo. Tus dev no yog hom dev Akita uas muaj tsawg heev nyob rau Japan lub caij ntawd, hais tau tias yuav luag tu noob lawm no mas. Yog li ntawd tus professor no tau tus aub no los tu, ua rau nws muaj ib nplooj siab hlub aub heev, tus aub los mloog nws lus kawg nkaus. Muaj qee zaus nkawd noj ua ke, pw ua ke. Tus professor no nws kuj nyob tsis deb ntawm ib lub train station, lub station no lub npe yog Shibuya Station hauv Tokyo ces nws niaj hnub taug ko taw ntawm nws tsev rau ntawm lub station no ces mam nce train mus hauj lwm. Tus aub niaj hnub xa tus xib hwb no tuaj mus hauj lwm txog ntawm Station ces tus xib hwb nkag hauv train lawm, mam kom tus aub rov qab los tsev, ib chim 4 hmoo yuav tsaus ntuj xwb tus aub twb tuaj nyob ntawd zov tos nws tus tswv rov los hauj lwm los. Pheej ua li ntawd tau 3 xyoos txhua tag kis mas cov neeg ib cheeb tsam nyob ze ntawd yeej paub thiab pom tus aub thiab tus professor no zoo. Tau 3 xyoo ntawd ces tus tswv los yog tus professor no txawm cia li tuag thaum nws hnub nyoog 54 xyoos lub caij nws tab tom qhia qhia ntawv hauv university. Thaum ntawd cov students hauv thiaj hu tsheb thauj neeg mob tuaj thauj tus professor ntawd los lwm txoj kev (highway) los lawm. Tus aub yeej tsis paub li, nws rov tuaj nyob ntawd tos, tos ntev npaum twg, cov tsheb twb los tag, neeg twb los dhau los tsis pom nws tus tswv, tsis hnov nws tus tswv ntxhiab li, nws nce mus saum lub train nrhiav qab train ti qaum train los tsis pom nws tus tswv los. Tom qab nws tus tswv tuag tas, tus aub ntawd yeej tseem niaj hnub tuaj nyob ntawm lub station ntawd tos tau cuaj xyoos ntau txog kiag rau thaum tus aub txoj sia tu kiag. Yog li ntawd nyiam no ntawm lub Station no cov pej xeem thiaj puab tus aub no tus statue rau ntawd. Tus aub no thiaj rais ua ib tug aub zoo xws li yog ib tug aub uas paub nco nws tus tswv tej txiaj ntsig tshaj plaws hauv qab ntuj no. Txhua xyoo muaj tib neeg thoob qab ntuj cov nyiam aub no thiaj xav tuaj saib tus statue no hauv Tokyo. Nyiam no cov neeg Japanese thiaj muab zwm cia rau hauv ntaub ntawv qhia lawv haiv neeg kom txawj hlub, txawj hwm niam hwm txiv thiab tej neeg uas tau pab yus, tu yus los yog muaj txiaj ntsig rau yus los lawm.
Ncauj ntau ces lam piav li no rau nej mloog xwb, tej zaum nej yeej paub thiab hnov dua los lawm los thov txhob xav li cas. Qhov no tsis yog dab neeg uas cia li xav hauv siab ces hais xwb (fiction), no yog true story. Very HappyVery Happy


Last edited by *Tas Lauv Vwm on July 22nd 2014, 11:49 pm; edited 1 time in total
avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 22nd 2014, 11:46 pm

Very Happy Oh lod tij Tubzoonraug, ua cas ne yom. Koj hais daim English version puas yog? Tej zaum tim qhov network ntawm koj nyob ko xwb pob bro?
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 24th 2014, 1:21 am

*Tas Lauv Vwm wrote:
Yog mas tij Tubzoonraug, zoo li cov kab KU NIAM quaj nrog cov kab TSW SEM lub caij suav daws yuav mus luaj teb ntag sub. Lub caij luaj teb mas kho siab kawg tiag. Yog lub caij cov Paj Pos, paj Vuam Tsav thiab Paj Daws Dim tawg tau kho siab kawg. Lub caij mus luaj teb mas sov sov thiab tshav kub kub, noj nqaij tsis hnov qab li mas suav daws nyiam ua tsheej raj zaub ntse (zaub mos ntse or zaub pos) thiab kua zaub tsuag mus noj luaj teb xwb mas qab kawg.

Tsis yog os bro raws li kuv nco mas Kab Kuv Niam quaj thaum lub caij ntuj nag pib tu, lub caij 8 hlis ntuj mus txog rau 10 hlis ntuj ntawv os, zoo nkaus li tam sim no twb pib quaj lawm sub.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 24th 2014, 1:33 am

nkaujhnubqub wrote:
*Tas Lauv Vwm wrote:
Yog mas tij Tubzoonraug, zoo li cov kab KU NIAM quaj nrog cov kab TSW SEM lub caij suav daws yuav mus luaj teb ntag sub. Lub caij luaj teb mas kho siab kawg tiag. Yog lub caij cov Paj Pos, paj Vuam Tsav thiab Paj Daws Dim tawg tau kho siab kawg. Lub caij mus luaj teb mas sov sov thiab tshav kub kub, noj nqaij tsis hnov qab li mas suav daws nyiam ua tsheej raj zaub ntse (zaub mos ntse or zaub pos) thiab kua zaub tsuag mus noj luaj teb xwb mas qab kawg.
Tijlaug, yog muaj ib hom kab zoo li tus kab kuvniam tab sis nws quaj rau yav tsaus ntuj thiab thaum tav su xwb es nws yog kab tsaus ntuj los yog kab ab tsi ne...rau qhov kuv hnov nws quaj mas tsis quaj kuv niam kuv niam no na thiaj li nug kkoj xwb os xav tias koj yuav paub txog no.

Thiab kuv xav nuj nej seb, yog thaum ub lawv tias yog neeg sib cuag tsis txhob teem caij tsam muaj xwm tsis zoo no, ...... dhau mus yog ib khub hluas nkauj hluas nraug sib tham es cia li muaj me kab los me noog saub kiag lub sij hawm ntawv nws puas txhais hais li cas ne yom... kuv xav paub es kuv los nug tijlaug tuzoonraug thiab tijlaug tas lauv thiab tijlaug nraug cuam nej sawv daws pab qhia seb yog nej paub los hnov txog me me thiab no ua tsaug nawb.

Nyob zoo leej muam Nkaujhnubqub,

Zoo siab kawg nkaus uas hnub no rov pom koj tuaj saib peb yam luag ntxhi dua os. Leej muam tus kab koj hais ko ntshe yog Kab Ua Yeeb(Kab Teb Yeeb) li bro Tas Lauv hais lawm, kuv twb muaj 1 daim duab nyob hauv no thiab os, nws txaij liab dub, nws loj dua kab tsaus ntuj( thov txim bro Tas Lauv wb paiv sib txawv), tus kab no quaj thaum tsav ntuj kub mus txog rau yav hnub yuav poob qhov xwb, tshav ntuj ntaug ces ntsiag lawm. Nws quaj lub caij ntuj nag(6 - 10) hli ntuj, raws kuv paub os.

Hais txog kev nkauj nraug sib teem caij nyoog es muaj xwm tsis zoo mas, yav ntuj thaum ub dab tso hlob hlob li tej laus hais ces yeej muaj xwm txheej tsis zoo, tab sis ziag no tsis ua cas lawm.

Ua tsaug.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 24th 2014, 1:37 am

nkaujhnubqub wrote:Hey,ua tsaug os ob tus me leej nus tijlaug zoo, twb yog kuv muaj ib zaj neej neeg hais txog ob tus khub txij nkawm tiam thaum ub thaum i tau los tshxm sim ua neej nyob ntiaj teb es rov sib nrhiav tau xwb lub sij hawm ntawv ua ntej tus ntxhais ntawv tsis tau hnov hom kab ntawv saub li tab sis hnub ntawv yog thawj eaug nkawv sib ntsib sib tham luag ntxhi es thiaj hnov tus kab ntawv quaj nyob ze nkawv es kuv thiaj nug li xwb os....

Leej muam, yog li khoom no nqa koj zaj dab neeg ntawv tuaj piav pub 3 mloog nawb. Tus kab koj hais ntawv xyov puas yog tus tij Tas Lauv wb hais li lauj, vim muaj ntau yam kab dhau lawm hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 24th 2014, 1:43 am

nkaujhnubqub wrote:Tijlaug koj zaj dab neeg zoo thiab pab tu siab rau tus poj niam ntawv kawg li os. Ua cas tsis ppm tij laug nraug cuam thiab lxm tus tuaj piav lawv zaj kev paub rau kuv thiab ne...

Khoom mam tuaj piav kuv zaj nawb leej muam.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 24th 2014, 1:48 am

Tubzoonraug wrote:Kwv Tas Lauv, ua tsaug rau koj 2 daim video os. NkaujHnub thiab kwv nraug Cuam. zoosiab ntsib nej sawv daws rau hauv nov os.

Kwv Tas lauv, koj daim video hauv qab ntawd lawv block tsi pub peb saib, lawv hai tias not available to your Country nos os, ces kuv saib tsi tau.

Bro kuv saib tau kawg, ntshetej zaum tim lawv block tsis pub koj saib lawm xwb.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 24th 2014, 1:55 am

Very HappyVery HappyVery HappyVery HappyVery HappyVery HappyVery HappyVery Happy


Last edited by *Tas Lauv Vwm on July 24th 2014, 2:07 am; edited 2 times in total
avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 24th 2014, 1:57 am

Tej zaum zoo li koj hais os bro Nraug Cuam, ntev lawm kuv twb tsis cwj zoo lawm tias xyov yog lub caij twg kab Ku Niam thiab Kab Nqaus Vias thiaj quaj. Yog thaum twg koj tau mus tom zos no ces kaw tuaj tso pub peb mloog thiab, ntev ntev lawm tsis tau hnov li lawm os. Very Happy
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 24th 2014, 1:59 am

Bro Tas Lauv Vwm, koj zaj liv xwm tus aub nco/paub tus tswv tus txiaj ntsig ntawv zoo kawg li. Nws tseem paub nws tus tswv tej txiaj ntsig tu nws loj hlob tshaj 3/1 txhia tib neeg lawm thiab yom, 3 tib neeg mas muaj tsawg tus thiaj paub thiab nco luag tej txiaj ntsig li tus aub no thiab nawb.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 24th 2014, 2:01 am

Yog mas kwv Nraug Cuam!
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 24th 2014, 2:05 am

*Tas Lauv Vwm wrote:
Tej zaum zoo li koj hais os bro Nraug Cuam, ntev lawm kuv twb tsis cwj zoo lawm tias xyov yog lub caij twg kab Ku Niam thiab Kab Nqaus Vias thiaj quaj. Yog thaum twg koj tau mus tom zos no ces kaw tuaj tso pub peb mloog thiab, ntev ntev lawm tsis tau hnov li lawm os. Very Happy

Hahaha bro, tsis ua cas koj yeej ncaim tojsiab mus ntev lawm mas, kuv kiag los yeej nco tsis tau zoo pes tsawg lawm thiab os. Kuv muaj tus kab Teb Yeeb wb hais ntawv kawg, nws nyob hauv kuv chav tso duab os, tab sis tshooj ntau lawm laj mus tshawb tau lawm xwb, nws yog tus thaij nrog 1 lub paj ntoo taum ntaj neeb tso hauv av, kuv mus ntes tau ntawm ntug kev ces muab nws tu tis ces kuv txawm yees duab xwb, tab sis yog tsaib no lawm os bro. Cov kab no muab hais los ces nrog Kab Nqos Vias quaj tib lub caij mas.

Kuv nyuam qhuav nug tij Tsheej, yawg nyuam qhuav mus tom zos los, yawg tias Kab Nqos Vias twb pib quaj lawm no, tab sis tseem quaj tsis tau heev xwb, cia hnub puav no tsis los nag no kuv li mus kaw los tso 6 peb mloog os bro.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 24th 2014, 2:09 am

Ua li mas, bro Nraug Cuam
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 24th 2014, 2:15 am

Bro qhov nyuaj ces yog txoj kev mus ntawm ntug zos Haum Xais-Npab Hais mus ti nkaus pem kiam hoo ntawv nkos heev, yuav yog tshav ntuj mas thiaj mus yooj 8 os.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 24th 2014, 3:01 am

Lod bro, yog mas ntu kev ko mas ntxhab thiab phem nkos heev li tiag ov. Bro, kuv ntxub cov niag pob zeb ntau ntau saum yuav txom kiam hoos na. Thaum tuaj nram bab hais tuaj mas ntshe lej ib nkaus xwb pob bro?
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 24th 2014, 3:12 am

Yog mas bro, ntu kev koj hais ko ces lej 1,2 nkaus xwb tiag, tab sis kiag ntawm tus S ntawv lawv muab nrau tshiab lug puag tom kwj ha mam lem los ces zoo li tsis tshua ntxhab pes tsawg lawm, kuv twb yees tau 1 daim duab, kuv twb muab tso 6 hauv chav tso dua, thiab kuv twb nug koj tias kom koj saib seb koj puas nco/paub ntu kev ntawv lawm no, tab sis zoo li tsis pom koj teb, tej zaum koj tsis nco pom ho bro.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 24th 2014, 3:14 am

Lod, yog mas kuv tsis nco saib zoo ces ntshe kuv tsis pom, kuv mam mus saib dua.
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 24th 2014, 3:21 am

Hehehe tsis ua cas os bro, kav liam os kuv tsis nco lawm xyov nws nyog page twg lawm thiab os, ntshe sib tshooj tob lawm.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
nkaujhnubqub
member
member

Registration date : 2009-07-04

Character Sheet
 :

Re: Yawg Txiaj Xab Mus Tua Tsov

Post by nkaujhnubqub on July 24th 2014, 5:18 am

*Tas Lauv Vwm wrote:
Qhov abstract ntawm zaj liv xwm los yog zaj dab neeg no ces yog thaum xyoo 1920 tawm ntawd muaj ib tug xib qhia ntawv (professor) hauv Tokyo Nyij Pum Teb Chaws tau yug ib tug aub (dev), nws muab tis npe hu ua Hachiko. Lo lus "hachi" yog txhais tias 8, "ko" txhais tias tus me nyuam. Tus lej yim (Cool yog Japanese tus lej muaj hmoo. Tus dev no yog hom dev Akita uas muaj tsawg heev nyob rau Japan lub caij ntawd, hais tau tias yuav luag tu noob lawm no mas. Yog li ntawd tus professor no tau tus aub no los tu, ua rau nws muaj ib nplooj siab hlub aub heev, tus aub los mloog nws lus kawg nkaus. Muaj qee zaus nkawd noj ua ke, pw ua ke. Tus professor no nws kuj nyob tsis deb ntawm ib lub train station, lub station no lub npe yog Shibuya Station hauv Tokyo ces nws niaj hnub taug ko taw ntawm nws tsev rau ntawm lub station no ces mam nce train mus hauj lwm. Tus aub niaj hnub xa tus xib hwb no tuaj mus hauj lwm txog ntawm Station ces tus xib hwb nkag hauv train lawm, mam kom tus aub rov qab los tsev, ib chim 4 hmoo yuav tsaus ntuj xwb tus aub twb tuaj nyob ntawd zov tos nws tus tswv rov los hauj lwm los. Pheej ua li ntawd tau 3 xyoos txhua tag kis mas cov neeg ib cheeb tsam nyob ze ntawd yeej paub thiab pom tus aub thiab tus professor no zoo. Tau 3 xyoo ntawd ces tus tswv los yog tus professor no txawm cia li tuag thaum nws hnub nyoog 54 xyoos lub caij nws tab tom qhia qhia ntawv hauv university. Thaum ntawd cov students hauv thiaj hu tsheb thauj neeg mob tuaj thauj tus professor ntawd los lwm txoj kev (highway) los lawm. Tus aub yeej tsis paub li, nws rov tuaj nyob ntawd tos, tos ntev npaum twg, cov tsheb twb los tag, neeg twb los dhau los tsis pom nws tus tswv, tsis hnov nws tus tswv ntxhiab li, nws nce mus saum lub train nrhiav qab train ti qaum train los tsis pom nws tus tswv los. Tom qab nws tus tswv tuag tas, tus aub ntawd yeej tseem niaj hnub tuaj nyob ntawm lub station ntawd tos tau cuaj xyoos ntau txog kiag rau thaum tus aub txoj sia tu kiag. Yog li ntawd nyiam no ntawm lub Station no cov pej xeem thiaj puab tus aub no tus statue rau ntawd. Tus aub no thiaj rais ua ib tug aub zoo xws li yog ib tug aub uas paub nco nws tus tswv tej txiaj ntsig tshaj plaws hauv qab ntuj no. Txhua xyoo muaj tib neeg thoob qab ntuj cov nyiam aub no thiaj xav tuaj saib tus statue no hauv Tokyo. Nyiam no cov neeg Japanese thiaj muab zwm cia rau hauv ntaub ntawv qhia lawv haiv neeg kom txawj hlub, txawj hwm niam hwm txiv thiab tej neeg uas tau pab yus, tu yus los yog muaj txiaj ntsig rau yus los lawm.
Ncauj ntau ces lam piav li no rau nej mloog xwb, tej zaum nej yeej paub thiab hnov dua los lawm los thov txhob xav li cas. Qhov no tsis yog dab neeg uas cia li xav hauv siab ces hais xwb (fiction), no yog true story. Very HappyVery Happy
Tijlaug zoo koj zaj dab neeg no yuav tau piav li no kuv thiaj tuaj nyeem tau, kuv nyiam hom dab neeg luv luv li no kawg li, thiab tham txog txoj kev siab zoo siab hlub neeg li zaj no, yog ib zaj zoo kawg thiab muaj txiaj ntsim os, rau siab tuaj piav ntxiv rau kuv tuaj nyeem ntxiv nawb. ua tsaug



avatar
nkaujhnubqub
member
member

Registration date : 2009-07-04

Character Sheet
 :

Re: Yawg Txiaj Xab Mus Tua Tsov

Post by nkaujhnubqub on July 24th 2014, 5:29 am

Nraug Cuam wrote:
nkaujhnubqub wrote:
*Tas Lauv Vwm wrote:
Yog mas tij Tubzoonraug, zoo li cov kab KU NIAM quaj nrog cov kab TSW SEM lub caij suav daws yuav mus luaj teb ntag sub. Lub caij luaj teb mas kho siab kawg tiag. Yog lub caij cov Paj Pos, paj Vuam Tsav thiab Paj Daws Dim tawg tau kho siab kawg. Lub caij mus luaj teb mas sov sov thiab tshav kub kub, noj nqaij tsis hnov qab li mas suav daws nyiam ua tsheej raj zaub ntse (zaub mos ntse or zaub pos) thiab kua zaub tsuag mus noj luaj teb xwb mas qab kawg.
Tijlaug, yog muaj ib hom kab zoo li tus kab kuvniam tab sis nws quaj rau yav tsaus ntuj thiab thaum tav su xwb es nws yog kab tsaus ntuj los yog kab ab tsi ne...rau qhov kuv hnov nws quaj mas tsis quaj kuv niam kuv niam no na thiaj li nug kkoj xwb os xav tias koj yuav paub txog no.

Thiab kuv xav nuj nej seb, yog thaum ub lawv tias yog neeg sib cuag tsis txhob teem caij tsam muaj xwm tsis zoo no, ...... dhau mus yog ib khub hluas nkauj hluas nraug sib tham es cia li muaj me kab los me noog saub kiag lub sij hawm ntawv nws puas txhais hais li cas ne yom... kuv xav paub es kuv los nug tijlaug tuzoonraug thiab tijlaug tas lauv thiab tijlaug nraug cuam nej sawv daws pab qhia seb yog nej paub los hnov txog me me thiab no ua tsaug nawb.

Nyob zoo leej muam Nkaujhnubqub,

Zoo siab kawg nkaus uas hnub no rov pom koj tuaj saib peb yam luag ntxhi dua os. Leej muam tus kab koj hais ko ntshe yog Kab Ua Yeeb(Kab Teb Yeeb) li bro Tas Lauv hais lawm, kuv twb muaj 1 daim duab nyob hauv no thiab os, nws txaij liab dub, nws loj dua kab tsaus ntuj( thov txim bro Tas Lauv wb paiv sib txawv), tus kab no quaj thaum tsav ntuj kub mus txog rau yav hnub yuav poob qhov xwb, tshav ntuj ntaug ces ntsiag lawm. Nws quaj lub caij ntuj nag(6 - 10) hli ntuj, raws kuv paub os.

Hais txog kev nkauj nraug sib teem caij nyoog es muaj xwm tsis zoo mas, yav ntuj thaum ub dab tso hlob hlob li tej laus hais ces yeej muaj xwm txheej tsis zoo, tab sis ziag no tsis ua cas lawm.

Ua tsaug.
Nyob zoo tijlaug nraugcuam, cia kuv rov qab mus ua zoo mloog seb nws quaj lub caij zoo li cas thiab kaw nws lub suab khoom no mam coj tuaj tso nej saib nawb, tej zaum yog li nej hais lawm tab sis nws quaj kiag yav tav sus sub txog thaum hnub poob mas. nws zoo li tus kab tsaus ntuj tej zaum ntshe yog kab tsaus ntuj lawm xwb... qhov kuv nug no mas kuv xav hais tias yog kab tsaus ntuj no nws tsuas quaj yav thaum tsaus ntuj xwb no na es thiaj li nug xwb os, kuv ces nyiam ua suavlaus nug tw dais heev li es nej yuav tau qhia li kom kuv thiaj li paub zoo nawb ua tsau ntau os.

Kuv mam tuaj nyeem nej sawv daws cov neej neeg los dab neej los lwm yam nej piav hauv no os, zoo li nej piav tau tseem ceeb thiab muaj txiaj ntsim kawg nkaus li na.
kuv tsis muaj pc thiaj tsis tau tuaj ntev lawm xwb os.
kuv mam tuaj cell phone nyeem xwb no ces nyeem tau kawg mas tsis tshua teb tau xwb os, thiab tsis tso tau duab xwb os. mam sib ntsib dua



avatar
nkaujhnubqub
member
member

Registration date : 2009-07-04

Character Sheet
 :

Re: Yawg Txiaj Xab Mus Tua Tsov

Post by nkaujhnubqub on July 24th 2014, 5:57 am

*Tas Lauv Vwm wrote:
Yog mas tij Tubzoonraug, zoo li cov kab KU NIAM quaj nrog cov kab TSW SEM lub caij suav daws yuav mus luaj teb ntag sub. Lub caij luaj teb mas kho siab kawg tiag. Yog lub caij cov Paj Pos, paj Vuam Tsav thiab Paj Daws Dim tawg tau kho siab kawg. Lub caij mus luaj teb mas sov sov thiab tshav kub kub, noj nqaij tsis hnov qab li mas suav daws nyiam ua tsheej raj zaub ntse (zaub mos ntse or zaub pos) thiab kua zaub tsuag mus noj luaj teb xwb mas qab kawg.


Nyob zoo leej muam Nkaujhnubqub,

Zoo siab kawg nkaus uas hnub no rov pom koj tuaj saib peb yam luag ntxhi dua os. Leej muam tus kab koj hais ko ntshe yog Kab Ua Yeeb(Kab Teb Yeeb) li bro Tas Lauv hais lawm, kuv twb muaj 1 daim duab nyob hauv no thiab os, nws txaij liab dub, nws loj dua kab tsaus ntuj( thov txim bro Tas Lauv wb paiv sib txawv), tus kab no quaj thaum tsav ntuj kub mus txog rau yav hnub yuav poob qhov xwb, tshav ntuj ntaug ces ntsiag lawm. Nws quaj lub caij ntuj nag(6 - 10) hli ntuj, raws kuv paub os.

Hais txog kev nkauj nraug sib teem caij nyoog es muaj xwm tsis zoo mas, yav ntuj thaum ub dab tso hlob hlob li tej laus hais ces yeej muaj xwm txheej tsis zoo, tab sis ziag no tsis ua cas lawm.

Ua tsaug.
tijlaug nraugcuam thiab tijlaug tubzoonraug thiab tijlaug tas lauv
ua cas tus npauj npaim no kuj seej cuag li nws paub nkawv thiab tiag
txawv kawg li




avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 24th 2014, 10:34 am

Nyob zoo tus muaj nkaujhnubqub, ua tsaug rau koj qhov clip tso rau peb saib os. Yog mas yeej pom tus Npauj Npaim los tsaws ntawm nkawd tes tsis khiav li thiab. Raws li kuv xav ces tej zaum tus npauj npaim ntawd nyiam nkawd tus ntxhiab xwb os, thaum nws tsaws ntawm nkawd sab tes ces nws hnov tus ntxhiab neeg tsw ces nws thiaj tsis ya xwb. Ib qho presumption mas tej zaum niag npauj npaim xav tias nkawd yog tej tsiaj nruab nrag uas nws twb tau tsaws los lawm ces nws thiaj ya los tsaws ntawm nkawd li ntawd xwb. Txawm li cas los nco ntsoov tias npaij npaim yog kab nyuam dev nawb.
avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 24th 2014, 10:45 am

nkaujhnubqub wrote:
Tijlaug zoo koj zaj dab neeg no yuav tau piav li no kuv thiaj tuaj nyeem tau, kuv nyiam hom dab neeg luv luv li no kawg li, thiab tham txog txoj kev siab zoo siab hlub neeg li zaj no, yog ib zaj zoo kawg thiab muaj txiaj ntsim os, rau siab tuaj piav ntxiv rau kuv tuaj nyeem ntxiv nawb. ua tsaug

Ua tsaug ntau os tus muam nkaujhnubqub uas koj tseem nyiam zaj dab neeg/liv xwm luv luv no thiab os. Tsis paub ntau yam xwb os, yog tias paub ntau yam thiab muaj cov xav nyeem ces yeej yuav tuaj sau tso rau hauv no rau sawv daws tau nyeem thaum xyeej tsis muaj dab tsi ua os.
avatar
Tubzoonraug

Registration date : 2009-12-15

Re: Yawg Txiaj Xab Mus Tua Tsov

Post by Tubzoonraug on July 24th 2014, 10:13 pm

Nyob zoo rau nej sawv daws os, hai txog Hmoob tej qub lus or lus druag nov ma nws yog ib qhov history for the past ma kuj yog ib cov lus ua yeej muaj tej sob lus hai tau tseeb thiab hai tseg rau tej metub menyuam yug lojlos ho tau nyeem thiab paub txog hai tias, yav tag ntawm ib tug neeg muaj koob dhov be ho zoo li ca. Hmoob tsi xaiv kom tau ib cov lus zoo lo hloov lub be hai tias, dab neeg ( raws li nkag siab ces yog (dag neeg) tiam si ma nws tsi yog dag neeg, nws yog ib cov lus ua muaj ib tus neeg tau ua tej yam phem lo yog yam zoo rau sawv daws pom thiab paub e thiaj li tau muab lo piav ib txheej dhau ib txheej, ib tiam dhau ib tiam lawm xwb. Yog li nov ma lub be dab neeg nov tsi tshua zoo mloog, yog li peb yuav xaiv lub be li ca lo stand rau "dab neeg"?.

Lus Hmoob Leeg, hai tias lus druag, lo yeej zoo lawm ua li Hmoob Dawb ne? yuav hai tias dab neeg no pua zoo mloog? kuv xav ma tsi zoo mloog, rov piav mentsi txog ntawm Hmoob Leeg los lus, lus druag, translate hai tias yog ib cov lus khwv tswv yim los hai xwb, lus mab dawb hai tias, make up story or make topic.

Ua li los lus twg thiajli stand tau Hmoob cov lus ntawd ma?

avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 24th 2014, 11:10 pm

Nyob zoo tij Tubzoonraug thiab sawv daws, hais txog lo lus "dab neeg" mas yeej tsis tshua zoo nkauj tiag nawb bro. Tsis paub meej tias thaum ub tej laus lawv muab lub npe hu tias: "dab neeg" no yog lub hom phiaj yog hais dab tsi tiag xws li tias yog yuav muab tej lus uas cov neeg txawj ntse xav tswv yim coj los hais tso rau lub npe "dab neeg" no po los yog yuav hais txog cov past experience uas tau tshwm sim muaj los rau lub npe no, tsis muaj neeg paub meej. Tab sis yog hais txog past experience mas peb Hmoob twb muaj lo lus "liv xwm" (history) no lawm, kuv xav tias neeg yuav siv lo no ntau dua. Raws li hauv tej dab neeg mas tej laus muab tej folktales thiab liv xwm hais sib xyaws ntxaws ua ke li lawm. Tej zaum tim thaum ub peb Hmoob tsis muaj ntaub ntawv ces ib txhia liv xwm thiaj muab hais ib txheej dhau ib txheej ntev ntev ces rais ua lo lus "dab neeg".

Hais txog definition ntawm lo lus "dab neeg" mas raws li kuv tau nyeem ib phau ntawv tab sis ntev lawm tsis nco zoo tias yog phau dab tsi, cov Hmoob khaws txuj ntawv Hmoob tau muab definition rau lo lus "dab neeg" tias: yog ib zaj lus hais txog relationship between Neej & Dab ces thiaj muab hu li ntawd. Thaum nyeem qhov definition no lawm, kuv ntaus nqi tias lo lus "dab neeg" no yuav yog tej lus uas tej neeg laus txawj ntse thaud lawv xav tswv yim hais ua zaj rau tib neeg mloog, lus me kas "fiction". txhais meej tias: unreal los yog tsis muaj tseeb. Lub npe "dab neeg" no tib neeg yeej familiar lawm thiab yeej hloov nyuaj, tsuav yog cais kom meej cov zaj coj los hais xwb, piv txwv li past experience ces muab hais ua "Liv Xwm" rau qhov past experience yog FACT, yog tej lus tswv yim xav tawm hais kom zoo mloog thiab lom zem (entertainment) ces muab tso rau qhov "dab neeg" xwb. Raws li kuv xav li ntawd xwb xyov puas yog thiab os bro.
avatar
Tubzoonraug

Registration date : 2009-12-15

Re: Yawg Txiaj Xab Mus Tua Tsov

Post by Tubzoonraug on July 25th 2014, 7:54 pm

Zoosiab ma kwv Tas Lauv, hai txog lawv cov ntawv liv Xwm ma kuv tsi nyeem vim ib drab yog guess xwb tos kuv hai li ma vim cov lus Hmoob nov ma tsi muaj leej twg yuav paub zoo txog yog xav kom muaj lus thiab paub ces yus yuav tau rov create dua tej lo lus ua Hmoob tsi muaj, raws li lo lus dab neeg no ma lawv cia li muab hai tia, thaum ub muaj neej thiab muaj dab nyob ua kes nos ma zoo li yog tsi tseeb lawm. Raws kuv xav, yog thaum ub neej thiab dab yeej nyob ua kes li ntawd ma tam sim nov lo kuj tseem nyob li ntawd thiab, ua li ca ho tsi pom dab li, yog li kuv xav ma cov lus lawv hai tsi tseeb. Dab yeej yuav muaj tiag tab si ma neeg yeej tsi pom yog hnov suab thiab tej zaum pom poj loog ma kuj pom thiab ho yuav hai li lawv cov ntawv ma kuv txawm tsi ntseeg.

avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 27th 2014, 7:17 pm

nkaujhnubqub wrote:
Nraug Cuam wrote:
nkaujhnubqub wrote:
*Tas Lauv Vwm wrote:
Yog mas tij Tubzoonraug, zoo li cov kab KU NIAM quaj nrog cov kab TSW SEM lub caij suav daws yuav mus luaj teb ntag sub. Lub caij luaj teb mas kho siab kawg tiag. Yog lub caij cov Paj Pos, paj Vuam Tsav thiab Paj Daws Dim tawg tau kho siab kawg. Lub caij mus luaj teb mas sov sov thiab tshav kub kub, noj nqaij tsis hnov qab li mas suav daws nyiam ua tsheej raj zaub ntse (zaub mos ntse or zaub pos) thiab kua zaub tsuag mus noj luaj teb xwb mas qab kawg.
Tijlaug, yog muaj ib hom kab zoo li tus kab kuvniam tab sis nws quaj rau yav tsaus ntuj thiab thaum tav su xwb es nws yog kab tsaus ntuj los yog kab ab tsi ne...rau qhov kuv hnov nws quaj mas tsis quaj kuv niam kuv niam no na thiaj li nug kkoj xwb os xav tias koj yuav paub txog no.

Thiab kuv xav nuj nej seb, yog thaum ub lawv tias yog neeg sib cuag tsis txhob teem caij tsam muaj xwm tsis zoo no, ...... dhau mus yog ib khub hluas nkauj hluas nraug sib tham es cia li muaj me kab los me noog saub kiag lub sij hawm ntawv nws puas txhais hais li cas ne yom... kuv xav paub es kuv los nug tijlaug tuzoonraug thiab tijlaug tas lauv thiab tijlaug nraug cuam nej sawv daws pab qhia seb yog nej paub los hnov txog me me thiab no ua tsaug nawb.

Nyob zoo leej muam Nkaujhnubqub,

Zoo siab kawg nkaus uas hnub no rov pom koj tuaj saib peb yam luag ntxhi dua os. Leej muam tus kab koj hais ko ntshe yog Kab Ua Yeeb(Kab Teb Yeeb) li bro Tas Lauv hais lawm, kuv twb muaj 1 daim duab nyob hauv no thiab os, nws txaij liab dub, nws loj dua kab tsaus ntuj( thov txim bro Tas Lauv wb paiv sib txawv), tus kab no quaj thaum tsav ntuj kub mus txog rau yav hnub yuav poob qhov xwb, tshav ntuj ntaug ces ntsiag lawm. Nws quaj lub caij ntuj nag(6 - 10) hli ntuj, raws kuv paub os.

Hais txog kev nkauj nraug sib teem caij nyoog es muaj xwm tsis zoo mas, yav ntuj thaum ub dab tso hlob hlob li tej laus hais ces yeej muaj xwm txheej tsis zoo, tab sis ziag no tsis ua cas lawm.

Ua tsaug.
Nyob zoo tijlaug nraugcuam, cia kuv rov qab mus ua zoo mloog seb nws quaj lub caij zoo li cas thiab kaw nws lub suab khoom no mam coj tuaj tso nej saib nawb, tej zaum yog li nej hais lawm tab sis nws quaj kiag yav tav sus sub txog thaum hnub poob mas. nws zoo li tus kab tsaus ntuj tej zaum ntshe yog kab tsaus ntuj lawm xwb... qhov kuv nug no mas kuv xav hais tias yog kab tsaus ntuj no nws tsuas quaj yav thaum tsaus ntuj xwb no na es thiaj li nug xwb os, kuv ces nyiam ua suavlaus nug tw dais heev li es nej yuav tau qhia li kom kuv thiaj li paub zoo nawb ua tsau ntau os.

Kuv mam tuaj nyeem nej sawv daws cov neej neeg los dab neej los lwm yam nej piav hauv no os, zoo li nej piav tau tseem ceeb thiab muaj txiaj ntsim kawg nkaus li na.
kuv tsis muaj pc thiaj tsis tau tuaj ntev lawm xwb os.
kuv mam tuaj cell phone nyeem xwb no ces nyeem tau kawg mas tsis tshua teb tau xwb os, thiab tsis tso tau duab xwb os. mam sib ntsib dua

Nyob zoo leej muam Nkaujhnubqub,

aws ua li mas mus mloog seb tus kab ntawv quaj li cas thiab quaj lub caij twg tiag no rov tuaj qhia nawb, zoo tiag mas nqa tus kab ntawv quaj tuaj 3 mloog mas thiaj yuav paub tseeb ov. Leej muam, kab tsaus ntuj mas feem ntau yeej quaj thaum yuav tsaus ntuj xwb, tab sis qee hnub ntuj pos huab, hav zoov tsaus nyos ces nws cia li vwm quaj tus puav tim tej tav sus nrig los muaj thiab os. Tsis ua cas leej muam, cov nyiam nyiam ua suav laus nug tw dais li ko mas thiaj li paub ntau yam nawb, muaj dab tsi los kav tsij nug tau nawb mog, txhob ua siab deb os. Leej muam 3 ces tham lus paj paws lom zem ua si laug hnub nyoog kom luv xwb os, twb tsis nim muaj 1 lo lus zoo thiab tseem ceeb li os leej muam e. Leej muam, txawm tuaj cell phone tuaj xwb los yeej zoo mas, tsuav hnov s/d moo xwb ces yeej kaj siab kawg lawm. Nco ntsoov tuaj xa moo pub 3 paub mog.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 27th 2014, 7:21 pm

nkaujhnubqub wrote:
*Tas Lauv Vwm wrote:
Yog mas tij Tubzoonraug, zoo li cov kab KU NIAM quaj nrog cov kab TSW SEM lub caij suav daws yuav mus luaj teb ntag sub. Lub caij luaj teb mas kho siab kawg tiag. Yog lub caij cov Paj Pos, paj Vuam Tsav thiab Paj Daws Dim tawg tau kho siab kawg. Lub caij mus luaj teb mas sov sov thiab tshav kub kub, noj nqaij tsis hnov qab li mas suav daws nyiam ua tsheej raj zaub ntse (zaub mos ntse or zaub pos) thiab kua zaub tsuag mus noj luaj teb xwb mas qab kawg.


Nyob zoo leej muam Nkaujhnubqub,

Zoo siab kawg nkaus uas hnub no rov pom koj tuaj saib peb yam luag ntxhi dua os. Leej muam tus kab koj hais ko ntshe yog Kab Ua Yeeb(Kab Teb Yeeb) li bro Tas Lauv hais lawm, kuv twb muaj 1 daim duab nyob hauv no thiab os, nws txaij liab dub, nws loj dua kab tsaus ntuj( thov txim bro Tas Lauv wb paiv sib txawv), tus kab no quaj thaum tsav ntuj kub mus txog rau yav hnub yuav poob qhov xwb, tshav ntuj ntaug ces ntsiag lawm. Nws quaj lub caij ntuj nag(6 - 10) hli ntuj, raws kuv paub os.

Hais txog kev nkauj nraug sib teem caij nyoog es muaj xwm tsis zoo mas, yav ntuj thaum ub dab tso hlob hlob li tej laus hais ces yeej muaj xwm txheej tsis zoo, tab sis ziag no tsis ua cas lawm.

Ua tsaug.
tijlaug nraugcuam thiab tijlaug tubzoonraug thiab tijlaug tas lauv
ua cas tus npauj npaim no kuj seej cuag li nws paub nkawv thiab tiag
txawv kawg li


Leej muam Nkaujhnubqub,

Kuv agree nrog bro Tas Lauv Vwm cov lus tham, tej zaum nyaj yuav yog li ntawv xwb. Tab sis kuv lam tham 1 los ntxiv li no: "tos tus npauj npaim ntawv pheej ya los tsaws nkawv tsis ya li los vim tus npauj npaim ntawv xav tias ntshe nkawv yuav sib hlub ces nws yuav npaj los thawj thiab xeeb ua nkawv 1 tug me ntxhais los sis me tub" lol lol lol lol lol kuv lam joke ua si kom txaus luag xwb txhob xav li cas.

Ua tsaug koj nqa tuaj share pub 3 saib os Nkaujhnubqub.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 27th 2014, 7:31 pm

Bro Tubzoonraug, Tas Lauv Vwm, Vamntxawg & Nkaujhnubqub,

Raws li kuv nyuag ruam no xav mas tos hmoob muab hu "Dab Neeg/Dab Neej" no los vim ntuj qub qab 3 hmoob ruam ruam, txhua tsav yam tshwm sim hauv 3 hmoob lub neej, hmoob tsis paub, tsis nkag siab ces hmoob muab liam rau dab, feem ntau hmoob tej keeb kwm, dab neeg/lus nruag, liv xwm, etc ntawv puav leej muaj dab & neej txuam yuaj xyaw, muab hais los hmoob tej lus tham ces tsuas yog hais txog Dab & Neej nkaus xwb.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 27th 2014, 8:02 pm

Cia kuv lam piav ib zaj Dag Neeg pub 3 mloog nawb, tej zaum nej twb yeej hnov dua lawm. Zaj no mas yog neeg lub tswv 8 tsim tawm los Dag Neeg(dag 3) xwb.

Os Dej & Miv(vim li cas Os Dej caj dab thiaj nkhaus quav ua ntau yav?)

Thaum ub Os Dej & Miv nkawv yog 2 tug phooj ywg sib hlub zoo heev, mus txoj ke twg, ua yam twg los nkawv yeej mus ua ke, sib hlub sib pab heev.
Nyob nyob muaj 1 hnub 2 yawg txawm sib yaum mus daus ntses(cais ntses), 2 yawg sib pab daus 1 lub niag pas dej muaj muaj ntses, Miv daus 1 pliag, Os Dej daus 1 pliag, nkawv sib pab daus ces lub niag pas dej ntawv nqhuab zuj zus, pom ntses khiav zom zaws nti nphij nphooj, tab tom yog Miv thib mus daus ntses lawm, niag Os Dej txawm los ncig lub niag ntug pas dej ntawv pom ntses nti zom zaws, Os Dej tshaib plab nqhis heev uv tsis tau Os Dej txawm 1 sij nyiag ntes 1 tug noj, Miv txawm tig los pom ces Miv tsis zoo siab, Miv txawm los cem niag Os Dej tias: "ua cas koj ho nyiag noj?, cas tsis tos wb mam 2 leeg ntes noj? vim wb twb sib hlub sib pab nroos daus lub pas nej no", niag Os Dej tias: " lam nab, kuv lam tau nyiag noj os" no ces 2 yawg sib cav lauj, sib cav sib cav tsis sib haum ces hais li cas los tsis zoo siab li ces 2 yawg thiaj li hais tias cav npaum cas los wb tsis muaj tus yeej tsis muaj tus swb li ces cia wb mus cuag lub Hnub(sun) txiav txim 6 wb mas thiaj tas 4. Ces 2 yawg txawm mus cuag lub hnub, thaum 2 yawg mus txog hnub, 2 yawg piav nkawv li teeb meem 6 hnub mloog tas, hnub tias: "auj, yog li mas kuv txiav txim tsis tau 6 neb nawb, vim kuv tseem tsis tau muaj zog tshaj plaws hauv ntiaj teb no, vim tias yog Huab(cloud) ntis kuv thaum twg lawm ces kuv tseem xa tsis tau duab tshav ntuj mus ziab ntiaj teb, yog li neb mus kom Huab txiav txim 6 neb", no ces 2 yawg thiaj mus ntsib Huab, 2 yawg piav teeb meem 6 Huab mloog tas, Huab hais tias: " yog li mas kuv txiav txim tsis tau 6 neb thiab, neb mus kom Cua(wind) txiav txim 6 neb, vim Cua tseem muab kuv tshuab ya 6 ub 6 no tau thiab", no ces 2 yawg ho mus ntsib Cua, cua kuj tias cua txiav txim tsis tau 6 nkawv vim Cua tshuab tsis tau lub niag Pob Ntsaum Kab Rwg(Termite hill) vau thiab, kom 2 yawg mus ntsib Pob Ntsaum Kab Rwg, ces 2 yawg txawm mus ntsib Pob Ntsaum Kab Rwg, Pob Ntsaum Kab Rwg kuj tias nws txiav txim tsis tau 6 nkawv thiab, vim Phaw Twm(buffalo) tseem nrau ua nws pob vau taus lawm thiab, 2 yawg thiaj mus cuag Phaw Twm, Phaw Twm kuj tias nws txiav txim tsis tau 6 nkawv thiab, vim Txoj Hlua(rope) heev tshaj nws lawm thiab, vim Txoj Hlua khis nws lawm ces nws nti tsis dim thiab no, ces 2 yawg thiaj mus ntsib Hlua, Hlua kuj tias Hlua txiav txim tsis tau 6 nkawv thiab, vim Nas Tsuag(rat/mice) tseem muab nws tom/txiav tu thiab, no ces 2 yawg thiaj mus ntsib Nas Tsuag, Nas Tsuag kuj tias nws txiav txim tsis tau thiab, vim Miv(cat) tseem muab nws tom noj lawm thiab xwb, no ces nkawv mus nrhiav tsis tau, tsis muaj tus kam txiav txim 6 nkawv li lauj, Miv xav xav, tias ua cas mus txog twg los tsis muaj tus kam txiav txim 6 nkawv li, thaum kawg tseem tias Miv(kuv) muaj zog tshaj plaws lawm xwb no, miv npau taws Miv thiaj qa plhaws ntsiab nkaus Os Dej caj dab xo kiag 2, 3 kaug ua nws Os Dej caj dab dam kiag lov nkhaus vos ua 8-9 ntu.

Vim li ntawv niaj hnub no Os Dej caj dab thiab quav lov ua ntau yav txha lawm.

End.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 28th 2014, 12:23 am

Zoo kawg bro zaj story ko na.
avatar
Nraug Cuam
member
member

Registration date : 2011-09-25

Character Sheet
 :

Re: Yawg Txiaj Xab Mus Tua Tsov

Post by Nraug Cuam on July 28th 2014, 1:01 am

Bro, yog dab neeg ntxias me nyuam yaus xwb os hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.
avatar
Thov Khawv

Registration date : 2014-05-20

Character Sheet
 :

Re: Yawg Txiaj Xab Mus Tua Tsov

Post by Thov Khawv on July 28th 2014, 1:54 am

Very HappyVery HappyVery HappyVery HappyVery HappyVery HappyVery HappyVery HappyVery Happy
avatar
nkaujhnubqub
member
member

Registration date : 2009-07-04

Character Sheet
 :

Re: Yawg Txiaj Xab Mus Tua Tsov

Post by nkaujhnubqub on July 28th 2014, 1:59 am

hehehe, kuv yog me yau es nej tuaj piav dab neeg ntxias kom kuv tsaug taus zog lawm ua tsaug nawb cov nus siab zoo a.
nyob zoo nej sawv daws os




Sponsored content

Re: Yawg Txiaj Xab Mus Tua Tsov

Post by Sponsored content

  • Post new topic
  • Reply to topic

Current date/time is October 21st 2018, 3:50 pm