• Reply to topic

Haus Dej Dab Tom Qub Zog

Share

Thov Khawv

Registration date : 2014-05-20

Character Sheet
 :

Haus Dej Dab Tom Qub Zog

Post by Thov Khawv on May 26th 2014, 12:01 pm

First topic message reminder :

Nyob zoo tsoom npoj yaig kwv luag sawv daws. Hnub no kuv yuav los piav txog ib qho xwm txheej kev haus dej dab hauv peb qub zog xyoo 1996 rau nej tau nyeem thiab tau xav. Tej laus pheej hais tias haus dej dab mas ib tog tsis tuag los ib tog yeej tuag xwb xwb li no, chiv thawj kuv yeej ntseeg li ntawd thiab, tab sis xyov cas xyoo 1996 muaj lawv peb tug tsis sib haum ces cia li haus ntshav dev, tabsis kuj ho tsis muaj teeb meem dab tsi thiab tsis ua cas rau lawv peb tug ntawd los tav no li mas xyov leej thiab los tsis leej. Kuv piav zaj lus no vam tias tus uas yog 2 tog neeg haus dej dab no cov txheeb ze, mi tub me nyuam txawm tsham tuaj pom los yuav tsis ua li cas vim tias yeej muaj raws li qhov tseeb thiab neeg zej zog yeej hnov thiab paub tas feem ntau lawm.

Nyob Rau xyoo 1995-96 tsis sub, lub caij ntawd mas txawm muaj ib tug hu ua Niam Yig, yog xeem Hmoob Hawj mus yuav txiv Hmoob Vwj, tus txiv hu ua Yig Vwj no. Qab xyoo 1996, Yig tau muaj mob thiab ncaim ntiaj teb no lawm nws tso Niam Yig nrog ob tug tub thiab ob tug ntxhais uas puav leej tsis tau muaj nyab muaj vauv nyob xwb. Tom qab ntawd Niam Yig pheej mus cuav cuav zos hauv ob kwv tij tsev neeg hu ua Yeeb & Ntxawg Hawj. Thaum ntawd lawv muaj kev sib hlub, sib qhia siab, noj sib hlub haus sib ce kawg li, luag tej pom los yeej ntshaw lawd. Tus Niam Yig no yeej txawj neeb thiab ces tej thaum lawd thov txog kom pab mus ua neeb saib ua neeb kho los nws yeej mus pab lawd thiab. Tau tsis ntev tom qab, Yeeb thiab Ntxawg nkawv niam (niam Txiaj Foom) uas twb yeej mob mob tsim tsawv ntev los lawm txawm cia li tuag. Lub caij ntawd mas kuv txiv kuj yog ib tug tswv zos hauv lub zos ntawd thiab. Tom qab nkawd niam tuag lawm los Niam Yig thiab Yeeb nkawv ob kwv tij lawv ob tsev neeg yeej tseem sib ntoj sib thuv vim Niam Yig yog xeem Hawj thiab hais tias lawv sib txheeb tsim tsawv no. Nyob nyob xyov cas qab hau tsis muaj Niam Yig nrog rau Yeeb & Ntxawg nkawd ob kwv tij no ho muaj teeb meem sawv ua plaub ntug. Teeb meem ces tsis muaj dab tsi ntau, Niam Yig piav hais tias Yeeb & Ntxawg nkawv ob kwv tij no liam hais tias nws tso dab tom nkawv niam thiaj tuag lawm, nws hnov kiag nkawv hais li ntawd rau nws ntag, nkawd ob kwv tij tseem yuav nyas quav txias muab Niam Yig tu kav theej thiab no mas nws tsis txaus siab li thiaj tuaj hais txog rau ntawm kuv txiv. Hos Yeeb & Ntxawg nkawd ob kwv tij los hais tias nkawv yeej tsis tau hais li ntawd li mas Niam Yig lam tau lam liam tias nkawv hais li ntawd xwb mas nkawv los yeej tsis txaus siab li, Niam Yig yuav tsum poob 12 lag nyiaj kho nkawv mas thiaj zoo siab. Dua ntawm qhov teeb meem no mas tseem muaj lwm yam teeb meem me ntsis los nrog thiab tabsis cov lus lawd piav sib ceg tsis sib haum ntawd mas tsis yog qhov main problem thiab muaj ib co lus tsis zoo mloog, kuv thiaj tsis muab piav rau nej tau mloog. Lub sij hawm no kuv yeej loj tiav hluas lawm, yeej mloog thiab ntsia ntsoov kuv txiv daws lawv cov teeb meem no ntag.

Thaum cov teeb meem no tuaj txog, kuv txiv thiaj hu lawv ob tog no los sib tham, muab lawv cov lus los ntsuas tag xwb, kuv txiv tias nej tej teeb meem no me me xwb, twb tsis raug tsis puas leej twg li, tsuas yog lus sib iab liam ua dog ua dig xwb kom cia li tso tseg rov qab ua neej ua tsav zoo li qub. Hais li ntawd los lawv yeej tsis mloog li. Kuv txiv thiaj hais ntxiv tias, yeej tsis muaj leej twg paub nej cov teeb meem zoo npaum nej tus kheej, yog li ntawd yog tog twg paub tias nws hais muaj thiab tsis muaj los cia li txo hwj chim sib lees, sib hais, sib thov thiab sib kho mus rau qhov zoo xwb. Hais li ntawd los lawv cov no yeej cav qhi ncauj liab vog tias yuav haus dej xwb mas thiaj tag, dej mas twb tsis haus, haus mas haus ntshav aub los yog ntshav dev xwb thiaj li leej ntag no. Kuv txiv explained ntxiv tias kev haus dej mas nyiam no tseem hwv tsis pub ua li ntawd lawm, tseem hwv muaj txoj cai los tswj lawm mas yog leej twg tsis txaus siab ces mus sib hais tom nom tswv lawm xwb tsis pub haus dej ntxiv lawm. Hais li no tag los lawv thov thiab cam qhi tas zog kom kuv txiv cia li ua dej rau lawv haus. Yog li ntawd kuv txiv laj hais thiab npau taws lawm nws thiaj hais tias kev cai tshiab tsis pub haus dej lawm, yog cuaj kawm los nej pheej yuav haus dej tsis kam mus tom nom tswv no mas nej los sau ntawv tseg, nyias taub teg thiab kos nej lub npe rau daim ntawv ntawd hais tias nej yeej zoo nej siab haus, kuv yeej cheem lawm los nej yeej tsis tsum no, yog hnub twg muaj teeb meem thiab luag nom tswv nug txog, thiaj tsis muaj teeb meem rau kuv. Ces kuv txiv thiaj drafted tau ib daim ntawv muab twm rau lawv mloog thiab muab rau lawv kos, nias taub teg tas. Kuv txiv thiaj kom ib tug yawm txiv laus uas yog Niam Yig lawd cov yawg Hmoob Vwj kwv tij tuaj ua dej rau lawv ob tog tsis sib haum xeeb no haus. Lawv ob tog no mas tsis tseev haus dej li, yuav haus ntshav dev xwb xyov tem Niam Yig twb npaj tau tus me nyuam dev thaum twg tuaj lawm. Thiaj muab tus me nyuam dev no tua cug tau ib qab tais ntim ntshav yuav npaj muab rau lawv haus. Kuv thiaj nyuam qhuav pom thawj zaug Hmoob txoj kev cai haus dej dab yog zaum ntawd. Tus yawm txiv ntawd ua ib lub sam thiaj me me li lub sam thiaj pauj yeem ces muab tais ntshav tso rau sauv, nws nyob nruab nrab, Yeeb & Ntxawg nkawv nyob ib sab, Niam Yig nyob ib sab (piv ib yam li lub rooj, tus yawm txiv laus ntawd nyob tom hauv paus rooj hos lawv ob tog ntawd nyob ob sab rooj). Ua ntej tus yawm txiv yuav muab rau lawv ob tog ntawd haus mas nws yeej kom lawv ob tog no foom txhij foom txhua, yog leej twg tau hais lawm mas kom tus ntawd tuag, yog tsis tau hais los kom tog iab liam ntawd yuav tsum tuag thiab. Yog hnub twg ob tog ntawd leej twg tuag lawm mas kom txhob los coj tus ua dej rau haus, txhob los coj tej neeg tom qab mus nrog lawd hais plaub, ntuas meej meej li ntawd tas ces txawm muab tais ntshav dev ntawd rau lawv 2 tog haus. Thaum haus tag ces hais tias kom nyias mus nyias tsev, plaub tag li ntawd lawm, tabsis Niam Yig tseem yws yws thiab cem cem ces Yeeb & Ntxawg nkawv ob kwv tij yuav muab Niam Yig ncaws tab sis kuv txiv nkawv cheem tau lawm xwb. Ua cas nyob nyob los txog niaj hnub nyiam no los lawv ob tog no haj tseem nyob qhuas ntxhias muaj zog khov kho tsis muaj txiab dab tsi li tiag. Niam Yig twb laus plaub hau dawb paug lawm los yeej tsis muaj mob dab tsi thiab, hos Yeeb & Ntxawg nkawd ob kwv tij los twb laus lawm thiab tsis muaj leej twg tuag los yog muaj dab tsi tshwm sim li, yog li no nej xav li cas xwb txog kis no?, kev haus dej no puas leej thiab los tsis leej? los yog tseem tsis tau txog lub caij xwb? Thaum lawv foom ntawv mas tsis tseev kom dhau 2-3 xyoos kom tuag ntag, thiab tsis pub kom tej kev foom no raug rau tej me tub me nyuam, xeeb leej xeeb ntxwv li ntag tsuas yog lawv 3 leeg no xwb, ua cas los tau 20 xyoo no ho tsis muaj dab tsi tshwm sim li mas ua rau kuv thiaj xav tias ntshe kev haus dej no tsis leej li tej laus hais. Los xyov yog lawv ob tog no yeej tsis muaj leej twg txhaum li es foom los ntuj yeej tsis npam los xyov yog li cas. Lam piav li no rau nej mloog xwb, mam sib ntsib dua. Nyeem tag lawm thov kom sawv daws tsuas ntsib kev noj qab nyob zoo. Mam sib ntsib dua lwm zaj, nyob zoo.

Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on July 27th 2014, 8:04 pm

Yog mas bro, lam xwb os koj, khees dua nyob dawb tsis ua dab tsi xwb os, yeej yuav tsis cuag koj lauj bro hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on July 28th 2014, 5:22 am

Hahaha, kuv qhov ces ua rau kuv tuag tshaib ntuas tav tawm tas xwb tiag bro rau qhov tsis tau $ li es. heheh..

Bro, ua liaj ua teb mas ntshe thiaj yog ib txoj hauj lwm tsis mob hlwb tshaj plaws li lawm os. Yuav kom hnub nyoog ntev mas kawg rov mus tuav ko hlau xwb.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on July 29th 2014, 1:38 am

Thanks rau koj qhov Tube os bro Tubzoonraug...yog ua teb zoo li no mas kuv xav ua thiab tiag. Very HappyVery Happy

Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on July 29th 2014, 11:29 pm

*Tas Lauv Vwm wrote:
Hahaha, kuv qhov ces ua rau kuv tuag tshaib ntuas tav tawm tas xwb tiag bro rau qhov tsis tau $ li es. heheh..

Bro, ua liaj ua teb mas ntshe thiaj yog ib txoj hauj lwm tsis mob hlwb tshaj plaws li lawm os. Yuav kom hnub nyoog ntev mas kawg rov mus tuav ko hlau xwb.

Yog mas bro, ua hauj lwm mas mob hlwb dua, ua liaj teb mas tsis mob hlwb kiag li tiag koj. Koj saib seb cov niag ua hauj lwm zaum ຫ້ອງການຫ້ອງກໍ mas do hau coob leej kawg, hos cov ua liaj ua teb mas cas tsis tshua lam muaj tus do hau kiag nawb koj, kuv los tsis kav do hau zuj zus lawm thiab tiag hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on July 30th 2014, 12:13 am

hahaha,,,yog kawg mas bro.

Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on July 30th 2014, 5:36 am

Hahahaha, kuv mas ntshe tej zaum yog noj ແປ້ງນົວ heev es do hau xwb os koj hehehehe, luag tej mas do pliaj muaj nyiaj nawb, hos kuv ces yog do pliaj kob huam nawb bro hehehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Tubzoonraug

Registration date : 2009-12-15

Re: Haus Dej Dab Tom Qub Zog

Post by Tubzoonraug on August 4th 2014, 9:53 pm

Brother, kuv yeej tsi noj Peeb nua lo tau ntau xyoo lawm os, Vim noj ces yus tsi tshua tsaug zog thiab zoo li noj tag ces muaj ntsi phob vog ces thiaj li tsi noj li os.


Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on August 5th 2014, 2:28 am

Hahahaha bro, yog noj tag tsis haum yus lub cev mas tsis noj li koj hais zoo dua mas bro.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on August 5th 2014, 11:22 am

2 tug bro, raws li ib tug tij laus mob raum phais raum thaib teb los nws hais tias doctor thaib hais rau nws tias peeb nua yog qhov main issue of constituting kidney stone no tiag. Yog li mas tsis zoo noj ntxiv lawm.

Tubzoonraug

Registration date : 2009-12-15

Re: Haus Dej Dab Tom Qub Zog

Post by Tubzoonraug on August 5th 2014, 7:46 pm

2 tug kwv, cov peeb nua "ແປ້ງນົວ" ntawd zoo li lawv hus ua (monosodium glutamate "ແປ້ງນົວ" )
nyeem kab nov thiab...

http://health.howstuffworks.com/wellness/food-nutrition/facts/the-dangers-of-monosodium-glutamate.htm

rov nyeem kab nov saib nws ho uali ca rau neeg..

http://www.mayoclinic.org/healthy-living/nutrition-and-healthy-eating/expert-answers/monosodium-glutamate/faq-20058196

Nyeem kab nov thiab, 2 tug kwv yog zoo li nov lawm kuj hai rau yus cov niam tsev tsi txhob mus yuav tej nov lo rau saub rau tsev neeg noj lawm nawb, txhua yam muaj mob muaj kheeg ces lo ntawm cov niam tsev ua lawv yog cov prepare food for every bodies eat.

http://articles.mercola.com/sites/articles/archive/2009/04/21/msg-is-this-silent-killer-lurking-in-your-kitchen-cabinets.aspx

2 tug kwv thiab tsoom phoojywg sawv daws hai txog sawv daws pheej lam noj tej "ແປ້ງນົວ" peeb nua, nov ma yog ib yam tsi zoo rau sawv daws lub nrog cev. Qhov tsi zoo ma yeej yog tim yus tus niam tsev ua nws yog tus ua zaub ua mov rau tsev neeg noj sawv ntxov thiab tsau ntuj. Tus niam tsev yog ib tug tsi paubtab tsi paub qab paub hau, nws hnov luag tej niam tsev yuav lonoj thiab qhia rau nws ces nws txawm mus yuav li luag hai los ua rau nws tsev neeg noj ntag.

3 cov niam tsev, 3 yuav tau qhia tej yam li nov rau kom paub txog e tsi txhob lam tau lam muab tej "ແປ້ງນົວ" nov lo rau saub rau nqaij rau tsev neeg noj vim nws tsi zoo rau sawv daws lub cev.

Cov lus hai saum cov link saum yog cov DR. Luag ntsum xyua txog cov neeg mob coob lej e luag thiaj li paub lo qhia rau sawv daws.


Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on August 6th 2014, 6:00 am

Ua tsaug cov links koj shared rau wb os bro. Yog li koj hais kawg mas. Tim peb no cov Dr luag paub ces luag yeej tsis noj, tsuas yog yus pej xeem tsis paub es thiaj noj xwb mas. Thank a billion!

Tubzoonraug

Registration date : 2009-12-15

Re: Haus Dej Dab Tom Qub Zog

Post by Tubzoonraug on August 6th 2014, 7:03 pm

Yog lawm os brother, Kuv tsev neeg yeej paub li luag qhia lawm los lawv tseem noj qee, tab si kuv tsi noj, yog lawv muab tso rau tej zaub kuv tsi paub ces kuv yeej tau noj lawm thiab tiag. Tab si yog noj lawm ma yeej ua rau kuv tsaug tsi tau zog thiab yeej ua rau yus felt tau txawv2 tsi paub qhia li os.
Ntshe kuv yuav mus nyiag twj wm lub hnab peeb nuas pov tseg kom lawv muab lo rau kua txob txhob muaj lawm.


Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on August 6th 2014, 8:30 pm

Zoo kawg bro. Kuv mas yog noj ces mob mob xwb qwb, poj niam los ib yam kuv. Lawv thiaj kom wb caiv txhob noj lawm no bro. Tab sis kuv tseem yoo tsis tau tau, qee zaus kuv tseem noj rau cov zaub Ntsuag xyoob qaub thiab zaub mos ntsev (zaub pos). Tab sis yeej yuav maj mam tso tseg zuj zus. Yeej noj me me ua poov lawm xwb.

Tubzoonraug

Registration date : 2009-12-15

Re: Haus Dej Dab Tom Qub Zog

Post by Tubzoonraug on August 6th 2014, 9:43 pm

Yog lawm os bro, tej khoom noj no ma luag ua lo muag ua lag ua luam xwb luag tsi care leej twg yuav mob yuav ua li ca lo kav liam tsuav lawv tau nyiaj nkau xwb os. Yus tus kheej yuav tau txiav txim siab txhob noj nkau xwb nws zoo dua.

Zoo li kuv pom ib cov Hmoob Lao, lawv ua cov nqaij nyuj yog laj nyoos, lawv hliv cov peeb nua nov tag 2 hnab rau tag nqaij ma wow, xyov ua li ca noj li laus vim ntau dhau lawm es lawv tsi ntshai noj tag yus muaj ntsi phob vog thiab tej zaum yus tej siab lam txawj mob lo yog li ca. Kuv pom lawv ua rau hauv You tube ma txau ntshai tiag li hov. Cov neeg ntawd noj peev nua ma yeej yog noj baum li lawv tsi tau noj dua li tiag.


Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on August 14th 2014, 5:59 am

*Tas Lauv Vwm wrote:
2 tug bro, raws li ib tug tij laus mob raum phais raum thaib teb los nws hais tias doctor thaib hais rau nws tias peeb nua yog qhov main issue of constituting kidney stone no tiag. Yog li mas tsis zoo noj ntxiv lawm.

Oh yog li mas yuavtau txhob noj lawm tiag nawb bro.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on August 14th 2014, 6:08 am

Tubzoonraug wrote:
2 tug kwv, cov peeb nua "ແປ້ງນົວ" ntawd zoo li lawv hus ua (monosodium glutamate "ແປ້ງນົວ" )
nyeem kab nov thiab...

http://health.howstuffworks.com/wellness/food-nutrition/facts/the-dangers-of-monosodium-glutamate.htm

rov nyeem kab nov saib nws ho uali ca rau neeg..

http://www.mayoclinic.org/healthy-living/nutrition-and-healthy-eating/expert-answers/monosodium-glutamate/faq-20058196

Nyeem kab nov thiab, 2 tug kwv yog zoo li nov lawm kuj hai rau yus cov niam tsev tsi txhob mus yuav tej nov lo rau saub rau tsev neeg noj lawm nawb, txhua yam muaj mob muaj kheeg ces lo ntawm cov niam tsev ua lawv yog cov prepare food for every bodies eat.

http://articles.mercola.com/sites/articles/archive/2009/04/21/msg-is-this-silent-killer-lurking-in-your-kitchen-cabinets.aspx

2 tug kwv thiab tsoom phoojywg sawv daws hai txog sawv daws pheej lam noj tej "ແປ້ງນົວ" peeb nua, nov ma yog ib yam tsi zoo rau sawv daws lub nrog cev. Qhov tsi zoo ma yeej yog tim yus tus niam tsev ua nws yog tus ua zaub ua mov rau tsev neeg noj sawv ntxov thiab tsau ntuj. Tus niam tsev yog ib tug tsi paubtab tsi paub qab paub hau, nws hnov luag tej niam tsev yuav lonoj thiab qhia rau nws ces nws txawm mus yuav li luag hai los ua rau nws tsev neeg noj ntag.

3 cov niam tsev, 3 yuav tau qhia tej yam li nov rau kom paub txog e tsi txhob lam tau lam muab tej "ແປ້ງນົວ" nov lo rau saub rau nqaij rau tsev neeg noj vim nws tsi zoo rau sawv daws lub cev.

Cov lus hai saum cov link saum yog cov DR. Luag ntsum xyua txog cov neeg mob coob lej e luag thiaj li paub lo qhia rau sawv daws.

Bro, yog li mas yuav tsum caiv kom tau txhob lam noj lawm yom, tab sis bro kuv pom nplog tuav qaub taub ntoos mas nplog rau tsheej niag maum diav tea spoon mas daw tiag tiag li, nplog tseem qhuas qab kawg no xwb tiag hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on August 14th 2014, 8:17 am

Yog li koj hais mas bro Nraug Cuam, 2-3 xyoos dhau los lawm ntawd muaj ib tug poj nplog tuaj qhia wb ua kua fawm mas nws rau piab nua ntau tiag tiag li. Cov lauj kaub loj hau kua fawm ntawd ces nws rau kiag ib maum diav, cov diav uas daim nplooj diav yuav luag loj li lub nyuam tais 400 ntawd ib dia puv puv rau ntag tiag hiv hiv. Xej nua tas tas li tiag bro hehehe. Nws tus xuj ua fawm no tsis yog xuj ua nab fawm (ນ້ຳເຝີ) lawm, yog xuj ua ນ້ຳແປ້ງນົວ xwb hehehe.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on August 14th 2014, 8:26 am

Dhau ntawm nws rau peb nua ntau lawm nws tseem rau cov niag Knorr (knorr powder) uas twb qab qab piab nua ntawd lawm ntau li ntau thiab tiag.

Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on August 15th 2014, 3:28 am

Hahahaha yog mas bro, Nplog cov qaub taub ntoos tuav & fawm tej ntawv ces qab ces yog muaj ແປ້ງນົວ nkaus xwb, yog tsis muaj ແປ້ງນົວ ces yeej tsis qab li os, txhua zaus yus mus noj fawm mas yeej pom nplog 6 ແປ້ງນົວ ntau heev, hos hauv nws lub lauj kaub mas twb rau ntau npaum koj hais lawm, tab sis thaum cov tuaj noj haj tseem rau ntxiv thiab. Kuv mas noj ແປ້ງນົວ ntau thaum twg ces zoo li pob tsaig muaj ntsis tsaug leeg.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Guest
Guest

Re: Haus Dej Dab Tom Qub Zog

Post by Guest on August 24th 2014, 5:54 pm

2 tug brother, yog noj cov Peeb Nua li koj hai ces kawg yuav ua kab peem li os. Noj ntau ma kawg yuav phob vog mob raum ces yuav tsi nyob lau os. Kuv tsi tshua noj cov peeb nua li thiab yog paub hai tias, lawv rau peeb nua lawm ma kuv tsi noj lawm thiab os.

Brother, Tas Lauv, lwm zau yog lawv tuaj qhia koj ua kua Fwm no ces hai rau hai tias, yog noj cov peeb nua ntawd tag es yuav txawm pli no ce mam li noj yog noj tag es yus tsi pli ho ua kab peem rau yus xwb ces yuav tau stop txhob noj lawm xwb.


http://www.mayoclinic.org/healthy-living/nutrition-and-healthy-eating/expert-answers/monosodium-glutamate/faq-20058196

http://health.howstuffworks.com/wellness/food-nutrition/facts/the-dangers-of-monosodium-glutamate.htm



Do not eat this produce it is bad for you health


Last edited by TubHmoob on August 24th 2014, 10:59 pm; edited 1 time in total

Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on August 24th 2014, 9:45 pm

Hahaha yog kawg bro, hauv kuv tsev mas hais ncaj tias yeej tseem yuav los noj thiab, tab sis tsuas 6 me me ua tshuaj xwb hehehehe. Tiag mas txhob noj li lawm yuav zoo dua.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Guest
Guest

Re: Haus Dej Dab Tom Qub Zog

Post by Guest on August 24th 2014, 10:55 pm

Brother, txhob noj ma zoo dua os, luag ua lag ua luam xwb luag tsi care yus noj zoo tsi zoo lo luag tsi care os. Qhov zoo ce tsi txhob noj zoo dua. Koj saib cov neeg laus lawv phob2 vog ces twb yog tim nov cov Peeb nua (ແປ້ງນົວ)nov ntag. Yog muaj mob dau nos lo yog ua qoob noj tsi tau vim cov nov mws muaj cov tshuaj mus nrog cov mob ntawd sib tov ces ua rau tus neeg mob ntawd zoo tsi sai lo yog tseem ua rau tus mob ntawd tag txoj sia thiab os.

Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on August 25th 2014, 12:02 am

Yog li mas yuav tau caiv tiag lauj bro, caiv tau mas kuj zoo thiab vim cav tsis qig nyiaj ntxiv lawm hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on August 25th 2014, 1:04 am

2 tug bro, muaj ib txhia lawv tsis kam caiv li tiag. Koj kom lawv caiv mas lawv hais li no: tsis noj peb nua mas npaum nkaus li hnav ris tsis hnav xab liv no thiab tiag. hehe. Tsis tag li ntawd muaj ib txhia kib qe xwb los rau peb nua tib si. Tam sim no kuv kiag tseem txiav tsis tau tau tu qab nawb nkawv, tsuas yog zoo yam li tus neeg quav yeeb uas tsuas yog tsis haus yeeb ntau lawm tsuas theeb kab puav lawm xwb. Qhov kuv caiv tsis tau ma thaum lawv ua ntshav ciaj, laj xuv laj xiam mas kuv tseem need peb nua me me thiabRolling EyesRolling EyesRolling Eyes.

Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on August 25th 2014, 1:29 am

Kuv los yeej tseem caiv tsis tau tau kiag thiab tiag bro.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Guest
Guest

Re: Haus Dej Dab Tom Qub Zog

Post by Guest on August 31st 2014, 7:47 am

2 tug kwv, hai txog peeb nua ces nyob ntawm nyia xwb os. Luag cov neeg txawj je luag yeej qhia meej2 hai tias noj tsi zoo rau neeg no lo sawv daws yeej tsi ntseeg li ces cia rau cov ua twb mob mob lawm ma thiaj li paub os. Ntawm kuv tus kheej ma yeej tsi noj taumuaj 37 xyoo lawm os. But some time family muab coj lo rau kua txob ces kuv ho tsi paub kuv ho noj tau, tsi tag li mus noj mov tom Chinese all you can eat ces lawv rau ntau heev ces kuj noj tau lawm thiab tab si ma nws nyob tsi ntau rau hauv kuv lub cev.

Cov neeg ua phob2 vog thiab mob mob taub hau ces twb yog noj cov niag Peeb nua ntawd ntau heev ntag ma.

Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on September 2nd 2014, 1:19 am

Yog mas bro, yog caiv tau mas zoo dua nawb bro.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Guest
Guest

Re: Haus Dej Dab Tom Qub Zog

Post by Guest on September 10th 2014, 3:31 pm

Yog lawm os, yog yam noj tsi muaj teeb meem ma noj lo kuj tsi ua li ca tab si yog cov Peeb Nua lawm ces noj muaj mob dia taub hau os tes os taws thiab phob vog tej nov ma tsi tsim nyog noj li lawm os.

Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on April 3rd 2015, 1:20 am

Bro Tas Lauv Vwm, lam tham pem kom koj paub xwb. Tus Niam Yig(Phauj See) uas koj piav txog hauv lub topic no tau tag sim neej rau hnub tim Apr 2nd 2015 no lawm os, nws mob plab tuag os bro, hnub no tab tom qhua txws nyob zos Ban Boua os. Pab tsev xyom cuab tu siab ntau.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on April 3rd 2015, 6:58 am

Oh lov bro...ua tsaug koj qhia kuv os. Tej zaum yeej laus heev lawm ces thiaj yuav tsum tau tuag os. Pab lawv tu siab kawg mas. Tej zaum lawv coj mus tha rau tim Npis tsev ntag lauv rau qhov cov kwv tij Hmoob Vwj nyob tiv coob dua.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on April 3rd 2015, 7:00 am

Ntu no kuv tsis tshua khoom tuaj ສານຕໍ່ sau dab neeg lawm nes. Pom lub topic no mas ras dheev txog 2-3 txoj dab neeg. Cia lwm hnub tso li tuaj piav os lawv.

Dej Cawm Siav

Registration date : 2014-08-29

Re: Haus Dej Dab Tom Qub Zog

Post by Dej Cawm Siav on April 4th 2015, 3:09 am

Aws, tsis ua cas bro. 2 hnub dhau los i kuv niam mus txog tom Laj Khaib tseem ntsib Niam Yig nws tseem tham lus nrov kawg, tau 2 hnub tom qab xwb nws txawm siv xiam lawm, kuv xav tias nws kuj tseem tsis tau laus npaum twg thiab, tab sis tej zaum muaj mob nyhav & tej zaum tim cov hluas tsis mob siab kho, thaum pib raws plab tsis coj mus hoo maum kom ncav, lawv twb cia sab sab lawm mam coj mus ces hoo maum pab tsis tau lawm, kuv xav tias raws plab xwb yog coj mus hoo maum ncav sij hawm mas yeej tsis lam tuag.

Aws, ua li mas bro khoom thaum twg no ho tuaj piav pub 3 mloog os.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on April 5th 2015, 12:32 am

Lod bro, yog raws plab liab xwb mas kho tau kawg. Peb Hmoob tus cwj pwm mas pheej zoo li ko tiag, thaum mob me mas tsis mob siab kho li, mob loj lawm mas mam mus hoo maum xwb, kuv los tseem muaj tus attitude ko thiab ov bro, yog kuv tsis mob heev mas kuv ntoog mob xwb thiab tiag. Twb nyob ze hospital thiab xwb cas nkawv ho tsis coj mus thaum ntxov nes, zoo li lawv twb tsis txhua txom nyem thiab nas?.

Tubzoonraug

Registration date : 2009-12-15

Re: Haus Dej Dab Tom Qub Zog

Post by Tubzoonraug on April 5th 2015, 6:07 pm

Thaum xyoo 72 kuv txiv mob zawv plab liab ces kuv txiv thiaj li tuag lawm. Qhov sawv plab liab no ma yog tsi muaj tshuaj lo ua kom qhov tos mob mob ntawd stop ces yeej kawg tuag li thiab tiag, vim hai tias, cov dej thiab cov zaub mov ntawd nws ua rau txoj hnuv kub heev thiab tos tawm ntshav xyaws cov quav ces thiaj li ua mob heev thaum thev tsi tau lawm ces thiaj li tuag lawm ma.


Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on April 6th 2015, 2:52 am

Bro Tas Lauv Vwm, kuv ua tib zoo nug lawv hais txog Niam Yig tus mob lawm nws yog li no: Xeeb yeej coj nws niam mus hoo maum ncav sij hawm, nkawv twb tuaj mus hoo maum tom Phonevanh no twb zoo lawm, Niam Yig twb khees lawm twb sawv tham lus thiab noj taus mov khov kho lawm, tab sis hnub ntawv Xeeb nkawv txawm thov tawm Hoo Maum mus tsev vim hauj lwm ntau ces maj maj mus, Xeeb txawm hais 6 Dr tias nkawv yuav tawm mus tsev ces seb yog Dr muaj tshuaj li cas zoo no los xav 1 koob 6 nws niam tso nkawv yuav mus tsev no ces Dr tias xav los xav no ces Dr txawm xav 1 koob tshuaj ntxiv 6 Niam Yig, thaum Dr hno koob tshuaj ntawv tag nrho xwb ces Niam Yig txawm hnov zoo li mob plab ceev ceev xav mus plob, thiaj kom Xeeb tuav mus hoob nab, Xeeb tseem tab tom tuav txog ntawm qhov rooj xwb ces Niam Yig qw 1 suab 6 Xeeb tias "me tub lauj zaum no ces koj niam kawg tuag lauj" no ces cia li xaub hluav 6 hauv av ces 2 rua ncauj xwb siav tu lawm. Muab sib tham los Hoo Maum pab 20 lab kips. Raws li sawv daws ntau nqi ces yog Dr hno tshuaj 6 es tuag xwb, tej zaum tim tus Dr ntawv vas tshuaj yuam kev, los sis tshuaj tag kas nuv lawm.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on April 6th 2015, 7:34 am

Oh,muaj li ko los bro. Yog li ko mas pab tu siab kawg thiab os. Txog txij lawv pab 20 lab ces lawv yeej paub tias lawv txhaum lawm mas. Pab lawv khuv xim kawg li thiab os.

Bro, Tubzoonraug, koj txim xiam vim mob plab liab thiab lod. Thaum lub caij koj txiv tseem nyob ntawd mas yeej tseem tsis tau muaj tshuaj zoo plab zawv plab liab ntau li nyiam no thiab. Raws li kuv nco tau mas cov laus thaum ub hom kheev mob plab liab tuag xwb, kuv pog kuv yawg los ib yam, hos cov hmoob hauv peb zos tuag los 90% yog mob plab tuag, ib txhia mas tej zaum yog mob hnyuv tws tuag vim nyob deb hoo maum thiab ces suav daws cia li ntoog mob tuag tas xwb.

Tubzoonraug

Registration date : 2009-12-15

Re: Haus Dej Dab Tom Qub Zog

Post by Tubzoonraug on April 6th 2015, 5:07 pm

Kwv Nraug Cuam thiab Kwv Tas Lauv,

Kwv Nraug Cuam, yog tus mob mus li koj hai ce yog Dr. Koob Tshuaj ua rau tus mob tuag lawm tiag, vim tam sim ntawd xwb, yog 20 lab no raug tsawg phav $? kuv saib tus Dr. ntawd tsi paub dab tsi lam muab tshuaj hno rau xwb lau.


Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on April 7th 2015, 1:49 am

Kuv kuj tsis tau nrog Xeeb los sis Npis tham kiag txog ntawm nkawv niam thiab 20 lab nyiaj ntawv seb lawv pab tiag los dag? tsuas yog kuv tus muam tham qhia kuv li thiab xwb. Niam Yig kev ploj tuag zaum no yeej tseeb tias yog Dr muab hno tshuaj yuam kev 6 es thiaj xiam lawm.


Bro Tubzoonraug 20,000,000 kips ces yog raug li $US2,500 xwb os.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on April 7th 2015, 2:25 am

Lod, tab sis kuv xav tias twb yog niam yig nyob ntev kawg thiab laiv, zoo li niam yig twb hlob kuv niam lawv tib si es. Ntev kawg li lawm lau kuv tsis tau ntsib xab haim Xeeb thiab Npis li lawm las.

naxus

Registration date : 2015-01-04

Re: Haus Dej Dab Tom Qub Zog

Post by naxus on April 7th 2015, 9:29 pm

Kwv Nraug Cuam, yog $2,500.00 no ma kuj tsawg heev li nawb. Txawm li ca lo nom tswv txoj caij tsua pub cov phob khab meb Khab them li ntawd xwb ces yus lo yuav foob nyuab thiaj li yuav tau noj thiab. Tsi tag li ma yuav foob ma yuav tsum muaj lwm tus Dr. muab tus tuag coj mus khuaj saib cov tshuaj ntawd yog li ca tiag ma thiaj li yuav foob tau noj. Tim USA no ma yog tuag li lo luag yeej pog tuag nti luag yeej sib pab tsi pub yus paub ces u tus neeg tuag dawb hai tsi tau noj kiag li nawb.

Muab hai rau tim USA, muaj ib cov tsev kho mob ma tsawg tus lau mus kho mob ces tsawg2 tus thiaj li mus rov qab lo tsev, dua li ce yog mob heev lawm mus txog ces pws li ib ob weeks ces kawg tau mus nrog Pog Yawg nyob lawm xwb, yeej tsi rov lo pom vaj pom tsev li lawm os.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on April 8th 2015, 2:22 am

Bro Naxus, kuv yeej hnov tej txheeb ze hais li ko thiab mas. Tab mas kuv ho tsis tau ntseeg heev vim kuv pheej xav tias ntshe lawv paub Mikas txoj kev kho mob tsis tau zoo xwb no, yog tias muaj li koj piav ntawm ko mas yeej muaj tseeb lawm tiag nawb. Kuv tseem hnov lawv ib txhia piav tias tim ko cov hospital tsuas xav kho cov muaj dej num zoo thiab cov neeg muaj nyiaj xwb, yog cov neeg txom nyem zog ces lawv tsuas coj mus kho sim tshuaj xwb no thiab, tab mas qhov no tsuas hnov luag piav xwb paub tsis zoo thiab es ua li ntawd puas muaj tiag thiab os?

Nraug Cuam
member
member

Registration date : 2011-09-25

Character Sheet
 :

Re: Haus Dej Dab Tom Qub Zog

Post by Nraug Cuam on April 8th 2015, 3:11 am

Oh nkawv yog zoo li neb tham ko mas tsis qoos xwm nawb, yus muaj mob twb xav kom zoo thiaj mus kho es ua cas tej Dr ntawv haj tseem muaj tej lub siab phem li ntawv thiab ne?







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on April 9th 2015, 2:30 am

Bro hnov lawv piav li ntawd thiab xwb nyaj yuav tsis muaj npaum ntawd thiab nes. Tej zaum muaj qee cases ces tib neeg cia li ntaus nqi li ntawd lawm thiab xwb.

Tubzoonraug

Registration date : 2009-12-15

Re: Haus Dej Dab Tom Qub Zog

Post by Tubzoonraug on April 9th 2015, 8:51 pm

Dr. yeej hai tias luag yuav cawm neeg lo si cawm thauj thib li cawm tau. Luag lo lus ma hai zoo kawg nkau tab si cov Hmoob lau ces mus cuag kwv kho mob lawm ces cov rov lo tsev tsawg kawb nkau lawm xwb, thiaj li hai tias mus lawm ces kawg thaum rov lo tsua rov lo lub suab quaj suab nyiav lawm xwb. Yog cov muaj nyiaj muaj insurance zoo ma kuj tsi tuag thiab luag kuj kho mus kho lo tus neeg mob ntawd kuj tsi tuag thiab ma, tab si cov noj nyiam SSI=(Supplemental Security Income) cov neeg tau noj cov nyiaj nov ces government muab cov niag Medical rau lawv mus kho mob xwb ces luag them nyiaj tsi zoo ces Dr. yeej yog tsi kho zoo.


Thov Khawv

Registration date : 2014-05-20

Character Sheet
 :

Re: Haus Dej Dab Tom Qub Zog

Post by Thov Khawv on April 10th 2015, 3:32 pm

Yog muaj li ko mas tsis tshua fair rau cov txom nyem lawm tiag.

Tojxeem
Moderators
Moderators

Registration date : 2008-09-12

Character Sheet
 :

Re: Haus Dej Dab Tom Qub Zog

Post by Tojxeem on April 10th 2015, 3:45 pm

Tubzoonraug wrote:Dr. yeej hai tias luag yuav cawm neeg lo si cawm thauj thib li cawm tau. Luag lo lus ma hai zoo kawg nkau tab si cov Hmoob lau ces mus cuag kwv kho mob lawm ces cov rov lo tsev tsawg kawb nkau lawm xwb, thiaj li hai tias mus lawm ces kawg thaum rov lo tsua rov lo lub suab quaj suab nyiav lawm xwb. Yog cov muaj nyiaj muaj insurance zoo ma kuj tsi tuag thiab luag kuj kho mus kho lo tus neeg mob ntawd kuj tsi tuag thiab ma, tab si cov noj nyiam SSI=(Supplemental Security Income) cov neeg tau noj cov nyiaj nov ces government muab cov niag Medical rau lawv mus kho mob xwb ces luag them nyiaj tsi zoo ces Dr. yeej yog tsi kho zoo.
Kuv yeej pom li koj hais thiab tiag.Hais txog cov kwv tij neej tsa Hmoob uas mus nyob puag tom tej Bannork ua farm los yog nyob twj cuab kiag lawm mas yog muaj mob ces zoo li mes kas kuj kho zoo kawg li nawb.Hos cov Hmoob uas nrog luag sib txiv nyob hauv nroog loj mas cas tus twg mob los luag tias kho tsis tau no li thiab tiag.
Kuv thiab kuv tus kwv tshuas tooj wb nyob tom farm xwb wb 2 leeg mob cancer lawv kuj kho tau nyob txog tav nov.Hos cov kwv tij uas nyob ntawm nroog loj no ces cov mob cancer ces lawv kho tsis tau 1 tug li.Yog mob lawm ces ntev kawg ces tsuas nyob 1 xyoos xwb tuag lawm.

Tubzoonraug

Registration date : 2009-12-15

Re: Haus Dej Dab Tom Qub Zog

Post by Tubzoonraug on April 10th 2015, 3:50 pm

TojXeem,

Tej nov ma yeej paubtsi tau lawv cov neeg kho mob li os. Cov zoo tsawg tus xwb dua li ces tuag tag lawm xwb ma.


Sponsored content

Re: Haus Dej Dab Tom Qub Zog

Post by Sponsored content Today at 2:17 pm

  • Reply to topic

Current date/time is December 2nd 2016, 2:17 pm