• Reply to topic

Zij Pees Nyiam Tua Tus Kheej

Share

Thov Khawv

Registration date : 2014-05-20

Character Sheet
 :

Zij Pees Nyiam Tua Tus Kheej

Post by Thov Khawv on May 25th 2014, 2:01 am

First topic message reminder :

Nyob zoo ib tsoom phooj ywg suav daws,

Hnub no kuv yuav piav me ntsis txog kev tua yus tus kheej (commit suicide) ntawm haiv neeg Nyij Pum (Japanese) ua ntu zus los raws li tsoom xib hwb Japanese tau taug xaiv qhia rau peb. Nyob rau tim cov hav zoov loj phab taw roob Fuji mas muaj ib lub zoov lawd hu tias Zoov Dab no, tib neeg ib txhia kuj ntshai tsis tshua tau luag mus hauv lub zoov no pes tsawg vim cov neeg pheej nyiam nyiam mus txo nws tus kheej txoj sia rau thaj zoov no.

Cov xib hwb hais tias txij ntua xyoo 1990 los txog 2007 mas tib cov neeg nyij pum tua nws tus kheej coob tshaj plaws. Haiv neeg nyij pum yog ib haiv neeg muaj qhov teeb meem tua tus kheej no ntau dua lwm lub teb chaws hauv ntiaj teb tab yog lawd lub teb chaws vam meej npaum ntawd lawm. Feem ntau cov Txiv Neej yog cov nyiam txo nws tus kheej txoj sia. Tsoom xib hwb hais ntxiv tias Nyij Pum muaj dab neeg hais txog kev tua yus tus kheej no los lawm ntev heev xws li tiam Samurai thiab tiam tsov rog ntiaj teb zaum 2. Thaum ub cov samurai mas yog yus swb rog thiab ua txhaum txoj cai ces yus yuav tau txo yus tus kheej txoj sia. Hos tom qab lub caij tsov rog WW2 mas yog lawd nyiam tsav nyob hoom mus tsoo yeeb ncuab vim nyob los txaj muag rau lub npe tias swb tsov rog no rau yus tsev neeg thiab tseem hwv dhau lawm.

Feem coob ntawm cov neeg Japanese (JP) nyiam txo txoj sia mas yog Txiv Neej (male) li ntawm 70%, feem coob mas yog cov laus hnub nyoog li ntawm 40-69 xyoos nyiam txo nws tus kheej txoj sia. Qhov cov laus hnub nyoog 40-69 xyoos no nyiam txo lawv tus kheej txoj sia mas vim yog teeb meem ntawm kev poob hauj lwm, tsis muaj dej num ua. Lawd tsis xav mus ua tej hauj lwm dog dig, tsis nyoo xiam piaj ces thiaj txo txoj sia tuag zoo dua ua neej nyob. Cov laus feem ntau lawv nyiam dai caj dab tuag. Kuj ho muaj cov txiv neej hnub nyoog li ntawm 20-40 xyoos txo nws tus kheej txoj sia thiab, tabsis feem ntau yog teeb meem ntawm kev tsis sib haum siab, kev chim siab tom qab sib nrauj lawm. Cov poj niam Japanese mam phem noob kawg thiab, yog lawd tus txiv tau nyiaj hli tsawg zog mas lawv yeej ua phem phem rau lawd tej txiv, xws li muab nrauj mus. Haiv neeg Japanese mas yeej muaj qhov lawv cov niam txiv tsis sib haum sib tua, tus txiv tua tus niam thiab tej me nyuam li cov kwv tij Hmoob Mekas thiab. Dua ntawd lawm mas kev txo nws tus kheej txoj sia kuj yog los ntawm kev poob hauj lwm, kawm ntawv tsis tau zoo txaj muag rau tej phooj ywg tej ntawd. Tabsis neeg Japanese ho tsis muaj kev txo nws tus kheej txoj sia vim kev hlub li Hmoob hahaha. Xyoo 2013 lub 3 hlis ntuj tas no nyuam qhuav muaj ib tug txiv neej dai tuag ntawm qab choj ze ze ntawm peb nyob no. Hos hais txog cov poj niam mas tsis tshua txo nws tus kheej txoj sia pes tsawg, kuj muaj thiab tab sis feem ntau yog hnub nyoog li ntawm 18-34 xyoos, poj niam tuag feem coob mas yog tim kev tsis sib haum siab, muaj kev chim los ntawm kev tsis sib haum siab ntawm nws thiab tus boss, los yog within nws faimilies. Cov poj niam no mas lawd nyiam dhia tsev tuag los yog nce mus tej qho siab dhia tuag nkaus xwb.

Suav tau hais tias Japan yog ib lub teb chaws uas tib neeg txo nws tus kheej txoj siab coob kawg nkaus li. Txhua xyoo yeej muaj neeg txo nws txoj sia ntau tshaj 30,000 leej. Piv txwv li xyoo 2011, cov tib neeg txo nws tus kheej txoj sia muaj txog li ntawm 30,513 leeg. Feem ntau lawd cov nyiam txo nws tus kheej txoj sia no mas yog cov neeg nyob hauv nroog loj xws li lub nroog Tokyo, Osaka thiab Kanagawa.

Raws li xib hwb qhia mas teeb meem loj ntawm qhov lawv nyiam txo nws tus kheej txoj sia mas zoo li no:

1. teeb meem ntawm kev poob hauj lwm.
Thaum cov japanese no lawd poob hauj lwm lawm mas nws chim heev piv li tias nws yog ib tug boss los yog head ntawm lub tuam txhab ntawd es muaj lwm tus hloov nws es nws tau mus ua txoj qis qis mas nws chim thiab zoo li txaj muag heev ces thiaj nyiam txo nws tus kheej.

2. Vim lawd muaj txoj kev cai qub uas yog tias tau ua tej yam dab tsis raws siab xav/zoo tsis heev, swb tsov rog tej ntawd ces yuav tsum tau txo nws tus kheej txoj sia puag tiam Samurai ntawd los lawm ces txoj cai no cog nruj rau lawv haiv neeg lub siab lub ntsws lawm. Piv txiv li peb hmoob, yog leej twg tseem have sex rau nws cov neeg txheeb ze (incest) thiab ces tuag zoo dua ua neeg nyob vim rhuav tej laus lub koob lub meej thiab txaj muag dhau heev lawm.

3. Kev tsis sib to taub, kev economic poob qis txhua yam teeb meem ntawm cov neeg Japanese lawd tsis sib share thiab sib pab txhawb zog. Piv li tias koj teeb meem ces koj daws koj, kuv li teeb meem ces kuv daws kuv yog li ntawd thaum ib tug neeg twg nws tws kev ces thiaj kawg rau lub tua nws tus kheej. Neeg Japanese lawd nyiam nyob ywj pheej heev, kuv tsis nug koj, koj tsis nug kuv tab yog nyob sib npuab tsev kiag xwb.

4. Haiv neeg JP lawd saib lub meej mom yog ib qho tseem ceeb tshaj txhua yam tag nrho, yog li ntawd thaum poob lub meej mom lawm ces tuag zoo dua.

Tam sim no tseem hwv JP thiaj muaj lub tuam txhab pab cov neeg muaj teeb meem rau fab kev poob hauj lwm (unemployment), kev lag luam poob qis (economic recession), kev nyuaj siab nyuaj ntsws (depression), thiab tsev kho mob rau cov muaj mental problem.

Muab xav rau peb Hmoob mas tseem tsis tau muaj cov txo txoj sia coob li no thiab feem ntau yog txo txoj sia rau kev hlub ntawm tsoom nkauj nraug uas tsis paub tab xwb. Tsis tau muaj teeb meem txog kev poob dej num, kev noj haus tej no. Peb Hmoob txawm yuav txom nyem los peb sib pab, sib txhawb siab, koj muaj koj pub kuv noj, kuv muaj los kuv ho pub koj noj kom suav daws nyob taus. Qhov no neeg Japanese yeej qhua txog lwm haiv neeg uas lawd coj li peb Hmoob no thiab tam sim no lawv tab tom xyaum. Kuv piav ib qho me me ntxiv tias tiag tiag mas lub teb chaws Nyij Pum no yeej tsis muaj leej twg yuav txom nyem thiab tuag tshaib taus li vim 100% haiv neeg Japanese paub ntaub ntawv tag nrho, thiab vim government yeej muaj kev pab zoo rau lawd cov pej xeem. Piv txwv li cov hauj lwm qis qis uas neeg Japanese twb tsis kam ua ntawd lawm mas ib hlis twg twb tau nyiaj hli li ntawm $ 1000 USD tawm mus rau $2000 USD yog li ntawd yeej txaus noj txaus siv ncav lwm lub hli lawm, cov tsis muaj kev kawm siab thiab cov ib nyuag txom nyem los government yeej provides tsev pheej nyig rau nyob thiab tsis muaj tax rau them, tabsis qhov lawd nyiam txo lub txoj sia no ma ntshe yog tim txoj kev cai sumarize no nyob ruaj rau hauv lawd lub siab thiab ntshai yog tim lawv saib rau lub meej mom tseem ceeb dua nyiaj txiag huv si lawm. What a FaceWhat a Face

Ua Tsaug Ntau!

Tubzoonraug

Registration date : 2009-12-15

Re: Zij Pees Nyiam Tua Tus Kheej

Post by Tubzoonraug on August 5th 2014, 2:59 pm

Qhov cov Yim Pooj ntawd nyiam tuas lawv tus kheej ma tej zaum lawv tsi ntshai tuag li ne. Ho 3 hmoob ma tshai tuag heev ces tsi kam tuas yus tus kheej li os.


Thov Khawv

Registration date : 2014-05-20

Character Sheet
 :

Re: Zij Pees Nyiam Tua Tus Kheej

Post by Thov Khawv on August 6th 2014, 6:09 am

haha lawv paub tias ua neeg nyob yeej yuav tuag ib zaug xwb ces tuag los tseg no mas. Ua neeg nyob los tsis nrog luag muaj koob meej, ntsib kev tusiab tas li xwb ces meem txom dhau lawm tuag los tseg no mas.

Tubzoonraug

Registration date : 2009-12-15

Re: Zij Pees Nyiam Tua Tus Kheej

Post by Tubzoonraug on August 6th 2014, 3:41 pm

Yeej yog lawm thiab ma bro, cov neeg Zwj Pee nov ma thaum WW2 ma lawv ua rog lawv yeej Suicide kawg nkau. Yog li nov ma lawv yog cov neeg bravery heev li os.


Nraug Cuam
member
member

Registration date : 2011-09-25

Character Sheet
 :

Re: Zij Pees Nyiam Tua Tus Kheej

Post by Nraug Cuam on August 15th 2014, 3:53 am

Kuv mas txawm phem & zoo los yeej tsis lam tuag kiag nawb, tshwj tsis yog mob yuam tuag os hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Tubzoonraug

Registration date : 2009-12-15

Re: Zij Pees Nyiam Tua Tus Kheej

Post by Tubzoonraug on August 15th 2014, 7:50 pm


Hai txog tej niag peb tej txiv neej nyiam nyiam ntawd ces kuv xav hai tias txiv neej txawv txiv neej thiab os. Luag tej ma hai kiag xwb ces khiav vig voog mus lawm ntag, tuag xam tau no xwb. Ho kuv ces kuv tsua lam hai kom muaj muaj ceem xwb kuv tsi nim ua li lawv. Kuv hai lus ma khav nteev tiag kuv ma niam nyiam baum ub buam no, tab si yog hai lus xwb tus neeg tsi ua laiv. Haaaaaa. Kuv li ces kuv ntshai ntxhai ib ntsi lam kis mob es kuv tsi kam li nawb.

Vim kuv pom luag tej mob mob li ntawd lawm ces kuv yeej ntshai lawm thiab os.


Thov Khawv

Registration date : 2014-05-20

Character Sheet
 :

Re: Zij Pees Nyiam Tua Tus Kheej

Post by Thov Khawv on August 15th 2014, 9:44 pm

hehehe,,,tij Tubzoonraug, koj thiab kuv peb tais caus dhau lawm ces cia lawv noj lawv mus mas. Qhov twg qab lawv xub tau noj es peb lam khee kua xwb los xij mas yom, rau qhov yog yam ntsib kev phem los lawv ho yog cov xub ntsib ua ntej peb.

Tubzoonraug

Registration date : 2009-12-15

Re: Zij Pees Nyiam Tua Tus Kheej

Post by Tubzoonraug on August 15th 2014, 10:28 pm

kwv tas lauv, yeej yog kawg. Kuv ces yeej tsi muaj peev xwm kiag li os. Vim kuv pheej xav tau txoj kev phem ua ntej nkau lawm xwb ces kuv thiaj li rov hem kuv tus kheej kom tsi zoom ua li lawv ua. Lawv hai rau kuv hai tias, ua ib zaug neeg xwb tuag thiaj li tsim nyog, thiab ib cov pojnrauj hai rau kuv hai tias, ua ib zaug txiv neej es sim kom txhij noj kom txhua es mob Aids lo tsim nyog no tiag. Tab si kuv hai tias, yog ua li ntawd ib ntsi yus txawm yog tus tsi lucky ces yus txawm yog tus xub tuag lawm ntag no ces kuv tsi kam.

Yog tus neeg twg kuv nyiam baum li ca lo yog nws muaj txiv neej coob deev lawm ces kuv lam hai lus nrog nws xwb kuv yeej tsi xav nrog nws ua plees ua yis li lawm. Vim kuv lub siab tsi nyiam nws yam khoom lawm. Thiab kuv paub hai tias nws yeej muaj mob lawm ces kuv thiaj li tsi kam li.

Brother, kav liam ma, cia lawv ua lawv yus tsi tau lo yus twb tsi tuag thiab yus yeej tsi regret ib zaug li os.


Thov Khawv

Registration date : 2014-05-20

Character Sheet
 :

Re: Zij Pees Nyiam Tua Tus Kheej

Post by Thov Khawv on August 15th 2014, 11:22 pm

Yog mas, tej no ces tsis regret li os bro. Yus nrog yus niag pog pw xwb twb sab tshuav tuag lawm os bro. Very HappyVery HappyVery Happy

Nraug Cuam
member
member

Registration date : 2011-09-25

Character Sheet
 :

Re: Zij Pees Nyiam Tua Tus Kheej

Post by Nraug Cuam on August 16th 2014, 3:53 am

Hahaha yog mas nkawv, txawm lwm hnub 3 tau tib lub nyuag ntsws ntsee ntsaws hnab tshos thau show 6 nyuj vab saib xwb los xij peem, tsuav tiam no 3 ua neej luag ntxhi kaj siab lug xwb ces kav liam lauj nkawv hehehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Tubzoonraug

Registration date : 2009-12-15

Re: Zij Pees Nyiam Tua Tus Kheej

Post by Tubzoonraug on August 16th 2014, 8:53 am

Yog lawm ma 2 tug brother, yeej yog li ntawd thiab tiag. Txawm li ca lo yuav ua dab tsi yuav tau xyuam xim kom txhob ntsib txoj kev nyuab siab os.


Thov Khawv

Registration date : 2014-05-20

Character Sheet
 :

Re: Zij Pees Nyiam Tua Tus Kheej

Post by Thov Khawv on August 16th 2014, 9:22 am

Koj thiab kuv peb ces zoo li cov neeg ua lag luam ntag mas nkawd. Yus ntshai ntshai tsam poob peev ces tsis kam nqis peev ua lag luam, hos luag mas luag nqis tej niag pob peev ua lag luam, nyiaj tsis txaus los tseem mus qiv los ntxiv thiab no mas. Ces thaum tau kas lais los luag tau yus tsis tau, thaum ho poob peev los luag poob, yus ho tsis poob no mas yom. heheh. Hais ncaj qha tias qhov qab luag xub tau noj dua peb no mas, tab sis yog muab piv li thaum mus ntaus rog no peb ho yog cov tuag tom qab los sis seem tuag no mas rau qhov peb tais caus tsis kam ntaus thawj ahahaha.

Guest
Guest

Re: Zij Pees Nyiam Tua Tus Kheej

Post by Guest on August 17th 2014, 3:42 pm

2 ໂບຣເຕີ, yeej yog li koj hai kawg li lawm tiag ໂບຣເຕີ Tas Lauv, Hmoob yog ib yam neeg ua tsi muaj peev ntau, nws muaj tsawg2 xwb ces nws thiaj li tsi kam ua luam kom loj vim nws tsi muaj txau yog hnub twg nws muab ua lag luam lawm ces nws pob nyiaj yuav tag yog qhov lag luam poob peev. Yog li nov ma Hmoob thiaj li ua tsi tau lag laum.

Luag cov ua tau lag luam ma luag yeej muaj peev tseg lo tiv thaiv lawm, yog poob peev lo luag muaj peb nyob tom qab lo txhawb ntxiv rau thiab, yog li ma luag thiaj li ua luam mus tau luag thiaj li siab loj nteev ntag os.

Thov Khawv

Registration date : 2014-05-20

Character Sheet
 :

Re: Zij Pees Nyiam Tua Tus Kheej

Post by Thov Khawv on August 18th 2014, 3:15 am

Very HappyVery HappyVery HappyVery Happy Tseeb li koj tus ua tij hais os.

Nraug Cuam
member
member

Registration date : 2011-09-25

Character Sheet
 :

Re: Zij Pees Nyiam Tua Tus Kheej

Post by Nraug Cuam on August 18th 2014, 10:01 pm

Nkawv neb mas tsis paub, tab sis kuv ces tswv 8 los tsis muaj, peev xwm los tsis muaj, peev los tsis muaj li ces tsis paub ua lag luam dab tsi li os nkawv, tsuas paub ua qhev xwb os hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Guest
Guest

Re: Zij Pees Nyiam Tua Tus Kheej

Post by Guest on August 24th 2014, 6:45 am

2 ໂບຣເຕີ, hai txog kev ua lag luam ma yus tus tswv lag luam yuav tau mus analyzed kom zoo2 ua ntej yuav mus ua ib qhov lag luam twg lo yog yuav tau muaj qhov plain zoo2 ua ntej mam li pib yog tsi muaj idea dab tsi es hnov luag ua xwb yus cia li mus qaws lawv qab xwb ces thaum kawg yus qhov peev tsi muaj lawm profit lo tsi tau ces thaum kawg yus kuj plag ntshav lo si poob peev tag xwb.

Nraug Cuam
member
member

Registration date : 2011-09-25

Character Sheet
 :

Re: Zij Pees Nyiam Tua Tus Kheej

Post by Nraug Cuam on August 25th 2014, 1:41 am

Yog mas bro, tos yus tsis kab nqis peev mus ua los yog li koj hais ko tiag, nyiaj los tsis muaj, tswv 8 los tsis zoo ces xum tsis ua zoo dua hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Thov Khawv

Registration date : 2014-05-20

Character Sheet
 :

Re: Zij Pees Nyiam Tua Tus Kheej

Post by Thov Khawv on August 25th 2014, 1:45 am

Tuav ko hlau xwb thiaj tsis mob hlwb os nkawd. Tiv tshav ntuj es lub tsho npog txij cas dawb txij ntawd xwb mas thiaj tsis mob hlwb, thiaj nyob ntev hehehehe. Tswv yim tsis zoo, tsis txawj dag, tsis muaj $$$ thiab ces ua tsis tau lag luam kuv na.

Nraug Cuam
member
member

Registration date : 2011-09-25

Character Sheet
 :

Re: Zij Pees Nyiam Tua Tus Kheej

Post by Nraug Cuam on August 25th 2014, 3:20 am

Yog lawm lauj bro, kuv mas haj yam swb koj lawm deb hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Guest
Guest

Re: Zij Pees Nyiam Tua Tus Kheej

Post by Guest on August 31st 2014, 12:59 am

2 Tug brother, tuav kos hlau lo yeej zoo kawg li thiab tiag. Cov neeg ua tuaj nyob ntev xyoo rau luag txawv tebchaws ma yeej yog tsi xav nyob lawm xav lo nyob li Kwv nraug Cuam lawv lawm xwb. Vim li ca kuv thiaj li hai li ntawd, vim hai tias, yus khwv 3 hnub ces 2 hnub yog mus khwv them rau nom tswv thiab yus tej khev kho mob, hnub 3 lo yog muab ib hnub ntawm 3 hnub ntaws lo rau yus xwb yog li ma yus mus ua zog 3 hnub ces luag them yus 1 hnub xwb os. Yog nyob tim nej ma yus mus khwv 3 hnub ces yus yeej tau 3 hnub li lawm. Tos peb cov ua laj kam yog cov pluag thiab tsi muaj ma yog li ntawd os.

Nraug Cuam
member
member

Registration date : 2011-09-25

Character Sheet
 :

Re: Zij Pees Nyiam Tua Tus Kheej

Post by Nraug Cuam on September 2nd 2014, 1:44 am

Bro, yeej yog li koj hais mas. tim nej ko mas txiav se siab dhau lawm hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Guest
Guest

Re: Zij Pees Nyiam Tua Tus Kheej

Post by Guest on September 6th 2014, 2:01 pm

saib war vietnam tso ma..


Dej Cawm Siav

Registration date : 2014-08-29

Re: Zij Pees Nyiam Tua Tus Kheej

Post by Dej Cawm Siav on September 7th 2014, 5:00 am

Ua tsaug ntau os bro.

Davdub
member
member

Registration date : 2009-12-19

Re: Zij Pees Nyiam Tua Tus Kheej

Post by Davdub on September 25th 2014, 6:22 pm

Saib tej nov ma txau ntshai kawg tiag cov phooj ywg, lub caij lawv ua rog nov ces kuv tseem so ntswg tav toj xwb os. Tos kuv tsi tau nrog lawv ua tub rog lo vim thaum lub tebchaws Laos luam Lao ntawd ces twb tsi tau paub nyiam hlua nkauj li thiab tiag. Muab xav lo ma yus lo yeej tseem yog menyuam yau lawm xwb os. Yog muaj 18 xyoo lo yog txawj tua phom ces ntshe twb tau nrog lawv mus ua rog lawm thiab.

Sponsored content

Re: Zij Pees Nyiam Tua Tus Kheej

Post by Sponsored content Today at 12:08 am

  • Reply to topic

Current date/time is December 4th 2016, 12:08 am