by Nraug Cuam on June 17th 2014, 8:42 pm
Nyob zoo tij Davdub, tsis ua cas os. Wb los yeej zoo siab kawg nkaus uas muaj koj ua tij tsim tau lub forum no los 6/3 sawv daws tham pem ua si os.
Bro Davdub, tsis hais lub forum twg los 1 yam ntawm kuv tus kheej tsuas muaj koj ua tij 1 leeg nkaus xwb thiaj yog tus kuv swm, yog tus hais lus tau haum kuv siab tshaj, muab hais qhov ncaj kiag tias koj hais lus ncaj dua, tsis thuam, tsis cem, tsis hais lus phem 6 cov hmoob ntuj qub qab li kuv no, qhov no mas yeej tsis yog dag nawb yeej hais tiag tiag, vim kuv tau mus ntau lub forums lawm, feem ntau lawv tsis tshua saib 3 cov hmoob tojsiab 6 nqi, lawv tsis kam txo lawv lub meej mom los plhws 3 taub hau, txhua sij hawm lawv yeej tsav hwj chim thiab tsis nyoo xiam piaj(nyoo swb) 3 cov hmoob toj siab, txhais tau tias yam lawv hais mas lawv yeej xav kom yus mloog thiab nyoo lawv txhua yam, hos cov poj niam mas tsis ua cas, feem ntau yog cov txiv neej. Muab hais los tsuas muaj koj 1 leeg ua tij xwb thiaj yog tus kuv ntseeg tshaj nyob rau hauv txhua lub forums. Yog li kuv thiaj xav tias cia kuv caw kuv tus tij laug Tas Lauv tuaj nrog wb tham pem lom zem ua si laug hnub laug hmo thiab.
Ntawm Tas Lauv wb mas yeej yog kwv tij tug dab tug qhua, wb tau kawm ntawv nyob ua ke los lawm, nws yog tus kuv ntseeg thiab cia siab tshaj hauv internet no thiab xwb, nws yog 1 tug neeg kheev tham thiab nyiam tso dag lom zem ua si heev, tab sis txoj hmoo tsis muaj wb thiaj tau sib ncaim tau 11 lub xyoo no lawm. Tab sis txoj hmoo muaj wb kuj rov tau sib ntsib dua hauv internet no, nws ua 6 wb 2 leeg zoo siab heev, nws zoo puab tam wb 2 kwv tij tau ploj mus lawm tab sis nyob nyob ho rov tshwm los.
Bro, wb nyob lub teb chaws no ces tsis freedom li tim nej ko, yog li muaj qee yam wb yuav tham tsis tau ywj siab os bro, yog tej thaum twg koj los sis lwm tus phooj ywg tham los sis nug wb es wb ho tsis teb no los thov txhob xav li cas nawb mog, vam tias koj ua tij yuav to taub zoo lawm.