• Post new topic
  • Reply to topic

Moo tu siab.

Share

Tojxeem
Moderators
Moderators

Registration date : 2008-09-12

Character Sheet
 :

Moo tu siab.

Post by Tojxeem on January 19th 2014, 11:06 pm

First topic message reminder :



Maiv Paj Lug niam,
Niam VAJ Txawj Sua (LIS See)
yug hnub tim 03-06-1945

Nws tau tas sim neej rau hnub tim 16 lub 1 hlis 2014.
Yuav npaj nws lub ntees rau hnub
tim 17 mus rau 19 lub 1 hlis ntuj 2014,
nyob rau lub chav tsev :
Salle du Bois Joli - 49 228 La Sguinire

Hnub tim 18, yuav pib ua kab ke xa plig ze ntawm 8 teev tsaus ntuj.

Vajhuamsibluag
Moderators
Moderators

Registration date : 2009-02-28

Character Sheet
 :

Re: Moo tu siab.

Post by Vajhuamsibluag on November 4th 2014, 8:12 pm

Tojxeem wrote:Davdub.
Yog li koj hais no lawm mas.Lawv yeej xav kom neeg ntiaj teb no pom huv si tab sis ntshe yog lauj teeb lawv tso yuam kev lawm xwb.


Caws nej nia tau ntawm lub npe=(be) You Tube,

Tus duab Yesxus no puas zoo li Hmoob ne?

Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on February 26th 2015, 5:13 am

Chao Ophat Nachampassak 1 tug noob no nplog yav qab teb tau tag sim neej rau lub 2/16/2015 no lawm caw nej los saib tsoom nplog thiab Hmoob tab tom ua nws lub pag lub xau ntawm no tau.

Tubzoonraug

Registration date : 2009-12-15

Re: Moo tu siab.

Post by Tubzoonraug on February 26th 2015, 10:22 am

Lau lawm ces yeej kawg yuav tag sij hawm li tej qoob tej loos, tsi hai leej twg li, txog caij ces nyia yuav mus nyia.


Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on February 27th 2015, 7:09 pm

Hmoob tsev kuv nyhiab ua rau 1 tug me ntxhais hu chialia yang hnub nyoog 4 xyoos tau tag sim neej.

Tubzoonraug

Registration date : 2009-12-15

Re: Moo tu siab.

Post by Tubzoonraug on February 27th 2015, 7:12 pm

Toj Xeem

Tej kev phom sim ( an accident ) nov ma cov lau yuav tau paub txog qhov safety rau ntawv tsev neeg, tsi tag li tej tub kis lo yuav tau paub lawv nyob rau qhov twg tag lawm.

Pab Tsev Yaj tus siab thiab pab hlub tus me ntxhai nov thiab os, vim nws tseem yuav loj tshiab nws tseem tsi tau muaj lub neej.


Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on February 28th 2015, 3:12 pm

Tubzoonraug.
Kuj nrog Dr peter tsev neeg tu siab tias lub sij hawm tsev kub nyhiab ntawd lawv cawm tsis tau tus me ntshais ntshiab liag yaj vim nws tus kheej tsis khiav tawm nraum zoov ho khiav mus rau hauv txaj lawm ces Dr Peter thiaj li nrhiav tsis tau.


Tubzoonraug

Registration date : 2009-12-15

Re: Moo tu siab.

Post by Tubzoonraug on February 28th 2015, 4:31 pm

Tojxeem,

Tej teeb meem nov ma tsi hai leej twg li os, thaum yuav muaj teeb meem ma ib ntshai muag xwb yeej tshwm sim lawm. Pab Peter tus siab ua nws tus me nyuam tau tsi nyob lawm.


Thov Khawv

Registration date : 2014-05-20

Character Sheet
 :

Re: Moo tu siab.

Post by Thov Khawv on March 24th 2015, 8:12 am

Tojxeem wrote:Hmoob tsev kuv nyhiab ua rau 1 tug me ntxhais hu chialia yang hnub nyoog 4 xyoos tau tag sim neej.

Xov xwm phem kawg li tiag ob tug tij laug, tus mi ntxhais no ntxim hlub kawg, pab khuv xim kawg thiab nes. Thov kom koj tus ntsuj mus zoo os mi ntxhais.

Tubzoonraug

Registration date : 2009-12-15

Re: Moo tu siab.

Post by Tubzoonraug on March 24th 2015, 4:03 pm

Brother, aw, 10 dhau lo ma kuv muaj 3 tug xeeb ntxwv kub nyhiab tuag tag li hov, lawv donation tau nyiaj ntau kawg li hov tab si ma tej nyiaj ma muaj neeg scam lawv thiab ces thaum tau cov nyiaj tuaj tus owner tsi paub qhov total nyiaj ntawm tus account li thiab.

Qhov teeb meem yog lawv nyob lub tsev Mobile home es cov electricity pheej kept shut off, ces tus owner txawm tuaj muab lub main power switch ntawd muab ib tug nail ntsia rau lawm ces thaum nws kub hauv tsev heev lub socket switch plam tsi tau lawm ces fai fab muab 3 tug menyuam kub tuag tag rau hauv lawv lub room, ces lub tsev kub nyhiab loj heev vim kuv ntawm qhov cub tuaj ces lawv nyob tom txaj tag lawm tawm tsi tau e tus tij laug tsoo2 qhov rai tawg tag ma tsev neeg thiaj li tawm tau tag tuag 3 leeg xwb. Tus tswv lo yog kwv tij thiab tab si peb hai kom tus tswv pab peb 5 phav lo nws tsi kam pab ib kis li ces peb kav liam hai lo tsi tau ces foom kom nws tuag, tom qab no nws tuag ib tug tub thiab nws tuag nws tus poj niam lawm hov, tsam nov nws lo tim laos nws lo yuav tau ib tug mos ab lawm thiab ma.


Thov Khawv

Registration date : 2014-05-20

Character Sheet
 :

Re: Moo tu siab.

Post by Thov Khawv on March 25th 2015, 8:16 am

Oh cas tseem muaj li ko thiab lod bro? Yog li mas pab koj khuv xim 3 tug mi xeeb ntxwv ntawd kawg li os, tim tej laus xwb es tej mi nyuam cia li tuag dawb li no mas tsis fair kiag li nawb. Hais txog tus koj hais ko ces txoj kev npam tab tom raws cuag nws lawm mas thiab thov kom nws tsuas tau txais txoj kev npam mus ib txhis xwb os.

Tubzoonraug

Registration date : 2009-12-15

Re: Moo tu siab.

Post by Tubzoonraug on March 25th 2015, 10:57 am

Bro, ib tug tub yog 24 xyoo nws tab tom kawm tag 4 xyoo nyob rau University thiab 2 tug ntxhai muaj 14 thiab 16 xyoo lawm thiab os, lawv yog neeg loj lawm ma, vim lawv pws rau ib chav na. Tus tub yog 2 tug ntxhai tus txiv ntxawm, yog nkawv txiv tus kwv, 2 tug ntxhai yog tus tub ntawd tij laug ntxhai thiab. Lawv tuag vim muaj pipe gas line under the mobile home, tab si lub tsev raug electric short es thiaj li ua rau lawv tuag ua ntej tag lawm, yog txhob yog li ma lawv yeej tsoos tau tawm yeej tsi tuag.


Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on March 25th 2015, 8:26 pm

Hnov lus moo cua tias Nai phoo zoov vaaj thoj tau tag sim neej lawm.Tab sis tsis tau paub tseeb tias yog nws tau tag sim neej rau hnub twg thaum twg tiag. tsuas yog kuv mus pom lawv tuaj tso moo tuag rau tom Hmoob tshav ntuj forum xwb.Yog leej twg paub tseeb thiab ho muaj cov txheeb ze no ho nug kom tau Nai phoo Zoov vaaj thoj tsev neeg seb yog tseeb los yog cuav ho tuaj tham qhia peb ntxiv mog.

Tubzoonraug

Registration date : 2009-12-15

Re: Moo tu siab.

Post by Tubzoonraug on March 25th 2015, 8:55 pm

Toj Xeem, Koj pua pom lawv tso tus Nai Phoo Zoov Vaj Thoj nov nyob qhov twg es muab rau peb saib kom peb ho paub thiab? ua li koj pua tau mus hauv suab hmoob website seb lawv pua muaj dab tsi?


Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on March 26th 2015, 8:29 am

Cia kuv copy lawv cov lus los rau ntawm no peb saib.

Naghmo thaum 9:00 p.m./tsaus ntuj lawv tau tuaj tshaj tawm nyob rau Xoblaim xovtooj cua tias Nai Phoon Zoov Vaj Thoj tau tso sawvdaws tseg hnub tim 21/3/2015 no lawm. Tus mob zaum no yog txij li thaum lub xyoo tshiab dhau los nws mus qhib Tsiab 30 nyob California los ces nws txawm tau ib tug mob NTSWS DEJ (pneumonia) uas yog zoo nkaus li Nais Phoos Vaj Pov tus thiab. Txij ntawd los nws ciali pheej mob tsis zoo ces thiaj tau tso sawvdaws tseg lawm no.

Tubzoonraug

Registration date : 2009-12-15

Re: Moo tu siab.

Post by Tubzoonraug on March 26th 2015, 3:09 pm

Toj Xeem, Yog li ma yauv tau saib hauv kuv cov Video seb yog tus twg, kuv yeej yees tau duab nyob tom Hmoob 18 xeem kawg. Lawv tsi ceev faj, lam tau lam hau lawv tej cawv ntag lau. Xyoo nov kuv tsi hau lawv cov cawv lawv ces lo lawm, 4 xyoo tag lo no kuv tau hauv cawv thiab vim Colonel Lis Teeb muab nws khob cawv cev rau kuv ces kuv nyob ze nws kuv lam cia li hau lawm thiab kuv xav hai tias yog kuv tsi muaj hmoo es kuv hau es lam ua li ca lo ua ib siab tuag mus no ces kuv thiaj li txai kuv hau lawm thiab.

Xyoo nov nyob rau hauv Hmoob 18 xeem lawv tseem kom cov ntxhai ce caws rau sawv daws hau ib yam nkau. Qhov nov yog ib qhov tsi safety rau sawv daws. Kuv yees duab xwb kuv tsi hau lawm, kuv thiaj li khaws ib lub qe xwb, kuv yeej muaj qhov xoom xaim ib ntsi muaj neeg phem lam muab tej cawv ua dab tsi rau hauv ces sawv daws hau sawv daws lam tau ib tug mob li ntawd ces tuag sai sai li ntawd ntag.

Ua li Hmoob 18 xeem ua ma kuv saib xwb kuv yeej tsi nyiam vim tsi safety rau sawv daws hau tej dej tej cawv ntawd.


Vamntxawg
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Vamntxawg on March 26th 2015, 3:21 pm

cawv ces txawm tsis tso dabtsi rau hauv los cawv yeej yog tshuaj lom, cawv thiab rroj ijxas ces yog tij thiab kwv xwb. Tabsi cawv kuj yog ib yam uas hauv nriajteb no nyiam tshaj plaws. neeg twb tuag lawm los tseem muab rau haus qees nas, neeg ciaj los haus tag npaus, tus vajtswv kiag los haus, vajtswv tseem haus cov qab tshaj lawm thiab no laiv, ntshe vajtswv haus cov cawv uas yog 1000 proff. Ntsim tshaj ces yog qab tshaj no laiv.

Tubzoonraug

Registration date : 2009-12-15

Re: Moo tu siab.

Post by Tubzoonraug on March 26th 2015, 3:58 pm

Yog lawm ma Tij Vamntxawg

Cawv (Wine) cov nov ma yeej yog ua rau yus tej plab nyhuv mob kub lug cuag kua txob ntsim thiab zoo li hlai ntag hov. Kuv yeej hau mentsi lawm thiab kuj tsi tau hau ntau.


Thov Khawv

Registration date : 2014-05-20

Character Sheet
 :

Re: Moo tu siab.

Post by Thov Khawv on March 26th 2015, 9:28 pm

Kuv xav tias yog cawv lawm ces txawm tsis rau tshuaj los yog haus ntau ces yeej kawg muaj teeb meem xwb2 li. Zoo li kuv twb tham ib zaug hauv no lawm los tsis tau, kuv tsis nco zoo lawm, kuv muaj ib tug xiaj nplog yog thawj tub rog mas nyiam haus dej haus cawv kawg li, thaum yawg mob yuav tuag ntawd mas rau yawg lub plab zais kawg kiag txaus ntshai heev, yawg no mas ho tsis yog mob ntsws tej, yawg no mas ho yog mob tus po los yog nplog hais tias ມ້າມ mas ua rau yawg lub plab liab ploog cuag lub nruas xwb tiag. Tau 2 weeks tom qab ces txawm tuag lawm vim hoo maum tsis lav kho lawm.

Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on April 10th 2015, 4:26 pm

Peb Hmoob txoj kev haus yeeb haus tshuaj ua rau muaj kev sib ntaus sib tua tuag nyob xeev moos loob nplog teb.

Tubzoonraug

Registration date : 2009-12-15

Re: Moo tu siab.

Post by Tubzoonraug on April 10th 2015, 4:38 pm

Txoj kev sib tua nov ces yog leej twg muaj ib tug tub lo si ntxhai tau vwm rau txoj kev hau tshuaj neeg lawm ces yeej kawg sib tua li nov xwb tiag. Txov tuag txog tau zoo ma, vim tsi tuag hnub nov lo yeejyuav tuag rau lawm hnub thiab.


Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on April 10th 2015, 6:22 pm

Tubzoonraug.
Leej twg mus xyaum tau txoj kev no taug ces yeej kawg yuav tau lawv cov no qab xwb tiag.Nyob ntawm peb zos no muaj 1 tug Hmoob vwj ua cov hauj lwm no ces nws tus ntxhais tus vauv yog kuv cov tub kwv tij mas yawm txiv 1 sij tuaj thov nkawd nyiaj tuaj txais nkawd nyiaj.Tam sim no ces yawm txiv tiv vauv nqe txog 10 tawm phav tsis tau them li los tseem tuaj txais quj qees ntxiv thiab xwb.Nyuam qhuav lub hli9s tag los no tuaj txais nkawd nyiaj ces nkawd tias nkawd tsis muaj li lawm twb tsis tau nyiaj them Insurance luv li lawm.Ces yawm txiov tseem cem nkawd tias pheej yuav Insurance ua dab tsi no thiab.

Tubzoonraug

Registration date : 2009-12-15

Re: Moo tu siab.

Post by Tubzoonraug on April 10th 2015, 6:58 pm

Cov yawm txiv zoo li ntawd ma tsi tag yuav txai nyiaj rau li lawm os vim nws yeej mus khwv tsi tau qhov twg lo li es yuav ua li ca thiaj li yuav them tau Vauv na.

Kuv li lo muaj ib niag muam zeem nyob tim laos ma ib lub hli twg ma tsua pom thov nyiaj xwb ces kuv dhuav kawg kiag li lawm os. Kuv muab txij li xyoo 2013 txog ntua rau tam sim nov ma. Nyuam qhuav hus kiag xov tooj tuaj rau kuv ib nyuag pliag nov thiab tiag.


Vajhuamsibluag
Moderators
Moderators

Registration date : 2009-02-28

Character Sheet
 :

Re: Moo tu siab.

Post by Vajhuamsibluag on April 10th 2015, 11:13 pm

Nhub no kuv tus bawg Txiajxab Lis tau tso sawvdaws tseg lawm lau. Txiajxab thiab kuv mas yog kwvtij kwvbawg. Nws yog kuv txiv tus muam lhob cov kwvtij yug xwb. Thaum kuv mus saib nws nhub no, 4/10/15, hauv tsev, nws tseem tsis tau tu-siav. Kuv los lawm tsis ntev ces nws sia tu. Raws li cov tus qhia tuaj.


Txiajxab Lis yog ib tug neeg muaj txijjig ntau rau Hmoob nawb. Leejtwg mhov tshua los tuaj nrog saib.


Tubzoonraug

Registration date : 2009-12-15

Re: Moo tu siab.

Post by Tubzoonraug on April 13th 2015, 3:43 pm

Txiv Ntxawm,

Kuv Hnov2 lub be lawm thiab tiag, tiam si kuv yuav paub zoo tsi heev, tam sim nov ces zoo li sawv daws lau zuj zus ces cov xub yug ua ntej ces yeej mus ua ntej lawm lau. Peb cov yug tom qab ces ntshe kawg yeej yuav lawv qab ib hnub thiab.


Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on May 17th 2015, 10:03 am

Niam tais Maiv Vaj tus tswv ntawm lub xov tooj cua phooj ywg uas tham txog kev sib daj sib deev tau tag sim neej los ntawm tus kab mob Cancer lawm.Hnov los ntawm xov tooj cua Xamneu tau tuaj tshaj tawm hna hmo.

Kuv los yeej ua npe tiav tag tos tawm npe hnub twg ces mus hnub ntawd lawm xwb.Tab sis yog Dr pheej muab kuv npe caub cia 1 hlis dhau 1 hlis ces kuv thiaj lam niaj hnub nyob li no xwb.

Tubzoonraug

Registration date : 2009-12-15

Re: Moo tu siab.

Post by Tubzoonraug on May 17th 2015, 10:05 am

Lov Toj Xeem, Yog li koj hai nov ma, pab tus siab nawb. Kuv yeej mloog li ntawd thiab na. Raws li hai tia, lub xov tooj cua sum noue yog dag lawm os vim lawv muaj yeeb cuab os. Ce txhob ntseeg nawb.


Last edited by Tubzoonraug on May 17th 2015, 10:12 am; edited 1 time in total


Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on May 17th 2015, 10:10 am

Tubzoonraug.
Yog koj hnov li ntawd thiab ces yog li ntawd tiag mas.Yav no lawm tod ces lub xov tooj phooj ywg yuav tsis muaj tus muaj peev xwm tuaj qhia txog kev sib daj sib deev npaum li Niam tais Maiv vaj ntxiv lawm.ntshe yuav ntsiag zujzus mus lau.

Tubzoonraug

Registration date : 2009-12-15

Re: Moo tu siab.

Post by Tubzoonraug on May 17th 2015, 10:14 am

tam sim nov lub xov tooj cua 425-440-5571 koj mus mloog lub nov os
lub nov yog NoM Pov Xyooj lub os. cov lus lawv hai yog tsi tseeb.


Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on May 17th 2015, 2:06 pm

Nom pov xyooj twb txeeb tau Vaj tswv tus vauv Xaiv kaub vaj lub xov tooj lawm nev.Cas ho tsis siv es tseem mus siv dua lub tshiab lawm.

Tubzoonraug

Registration date : 2009-12-15

Re: Moo tu siab.

Post by Tubzoonraug on May 17th 2015, 2:50 pm

Toj Xeem Nom Pov Xyooj siv lub ua nws mus nce khaib txeeb tau Huab Tai Xaiv Kaub Vaj lub lo lawm ma, tab si Lub xov tooj Radio Conference ntawd ywg tseem siv, tab si qhov yawg ua ib lub tshiab rau sawv daws tham ma vim yawg lub yawg tsi nyiam muab share rau cov Moderator es nws thiaj li cia rau nws ib leeg siv xwb. Yog li nov nws pom tau hai tias, neeg coob xav tham lus ces thiaj li ua ib lub kom yooj yim rau sawv daws tau tuaj hai lus, yog li nov thiaj li ua lub kuv muab NO: rau koj ntawd ntag. Thaum Nom Pov khoom ces yawg ho lo hai lus rau sawv daws yog tsi khoom ces ho cia rau cov Moderators lo tham es qhia rau cov neeg sawv daws tuaj tham li lawv muaj peev xwm xwb.


Thov Khawv

Registration date : 2014-05-20

Character Sheet
 :

Re: Moo tu siab.

Post by Thov Khawv on May 18th 2015, 2:38 am

Ntu no Nom Pov tsis ntab ntws lawm nyaj tsov rog Nom Pov thiab Pov Hwm Yej tiaj tus lawm po brother Tubzoonraug?

Tubzoonraug

Registration date : 2009-12-15

Re: Moo tu siab.

Post by Tubzoonraug on May 18th 2015, 3:26 pm

Tsov rog ntawm pov Fwm Yej ma tsi paub lawm, tab si Nom Pov cov kwv tij xwb li Neej Saub thiab Txiaj lis Xyooj tseem muaj plaub o. Thiab lawv lub legal action tseem muaj plaub os.


Vamntxawg
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Vamntxawg on May 18th 2015, 7:21 pm

Xaiv kaub yog vajtswv tus vauv thiab ho yog Yesxus tus Yawm yij, ua cas yuav tsis paub li lau. Yesxus thiab vajtswv ho yog ib tug lawm thiab xwb. Xaiv kaub yuav kiag Maiv liag uas yug Yesxus ntag hos. Cov church hais li no: Maiv liag yog vajtswv niam, Maiv liag yog vajtswv tus ntxhais, Maiv liag yog vajtswv tus ntxhais txib uas vajtswv xaiv puag thaum tsis tau tsim ntuj tsim teb. Nyuab dhau hwv lawm ces cia xaiv kaub ua kiag vajtswv xwb ntag.

Davdub
member
member

Registration date : 2009-12-19

Re: Moo tu siab.

Post by Davdub on May 18th 2015, 7:29 pm

Haaa, tij Vamntxawg, kuv mloog Xaiv Kaub lawv tham ma txua luag heev thiab kuv saib lawv cov video ua lawv mus tim Thaib teb 3 ceg av xab xeeb kaum e mus dag cov niag neeg nyob thaj tsam ntawd ma txau luag heev, lawv mus ua neeb es yuav ua tebchaws thiab tab si ma siv neeb mus ua rog no laiv.

Jesqav

Registration date : 2014-08-06

Re: Moo tu siab.

Post by Jesqav on May 18th 2015, 7:34 pm

Tij Vamntxawg, Tubzoonraug, Tojxeem thiab cov phooj ywg.

Kuv niam tso kuv tseg tau 3 xyoo nov lawm. Thaum twg kuv ua bau suav pom kuv niam ce tsua yog rov ua bau suav pom lub siij hawm niam tso peb tseg nkau xwb. Tej thaum kuj ua rau kuv tsi tsha tau luag thiab yog pw ib leeg.

Tej mo twg yog kuv pw ib leeg kuv muaj ntsi ntsai tsam ua bau suav phem ce kuv txawm ua bau suav phem ntag. Tshwj xeeb yog tej thaum mus pw qhov chaw tshiab...lub txaj tshiab.

Nej leej twg muaj tswv yim li ca rau fab no.




Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on May 18th 2015, 8:49 pm

Tub Ntses.
Kuv hnov hmoob hais xwb kuv tsis tau siv dua li thiab.Lawv hais tias yog koj pheej ua npau suav tsis zoo ces koj yuav pw koj mus muab 1 lub vab tshaus los dai kiag ntawm rooj txag.Koj hais tias leej twg siab tsis ncaj plawv tsis ncees nkag tsis taus vaj tshaus tooj vab tshaus hlau no txhob los ntawm no nawb.li no xwb ces koj pw ntsiag to tsis muaj dab tsi li lawm.

Hos muaj 1 zag khawv koob nyob tom Hmoob tshav ntuj kuv coj los rau koj kawm mus siv.

Davdub
member
member

Registration date : 2009-12-19

Re: Moo tu siab.

Post by Davdub on May 18th 2015, 9:14 pm

Toj Xeem, kuv twb kawm txog cov ua tiv thaiv tsiaj qua ma hai muaj ntsi zoo li nws cov thiab tab si ntev zog. Yog lus blog thiab xwb, tab si kuv twb tsi believe li os.

Thov Khawv

Registration date : 2014-05-20

Character Sheet
 :

Re: Moo tu siab.

Post by Thov Khawv on May 18th 2015, 9:41 pm

Tojxeem wrote:Tub Ntses.
Kuv hnov hmoob hais xwb kuv tsis tau siv dua li thiab.Lawv hais tias yog koj pheej ua npau suav tsis zoo ces koj yuav pw koj mus muab 1 lub vab tshaus los dai kiag ntawm rooj txag.Koj hais tias leej twg siab tsis ncaj plawv tsis ncees nkag tsis taus vaj tshaus tooj vab tshaus hlau no txhob los ntawm no nawb.li no xwb ces koj pw ntsiag to tsis muaj dab tsi li lawm.

Hos muaj 1 zag khawv koob nyob tom Hmoob tshav ntuj kuv coj los rau koj kawm mus siv.


Qhav tas tas li zaj khaws koob no nas bro tojxeem...muaj caij tso kuv li sim kawm thiab hehehehe.

Davdub
member
member

Registration date : 2009-12-19

Re: Moo tu siab.

Post by Davdub on May 18th 2015, 10:12 pm

Tus lus nov ma ntxim dag nkau2 xwb os cov brother, ib tus neeg quav yeeb li nov es ho hai leej2 na, kuv tsi nim ntseeg li os.

Nraug Cuam
member
member

Registration date : 2011-09-25

Character Sheet
 :

Re: Moo tu siab.

Post by Nraug Cuam on May 19th 2015, 2:17 am

Hahaha ua cas 3 hmoob cov khawv koob es pheej tham & kawm thaum taws phaj teeb ntsa lug li no xwb ne? yog 3 yuav kawm mas yuav tsum tau taws phaj teeb li no thiab mas thiaj leej pob? lol! lol! lol!







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Davdub
member
member

Registration date : 2009-12-19

Re: Moo tu siab.

Post by Davdub on May 19th 2015, 5:23 am

Brother, kuv kawm tag ntau txoj heev kuv siv tsi leej ces kuv muab so quav tag lawm. Tej niag lus nov zoo li yog dag nkau xwb. Kuv kawm cov khawv koob kub nyhiab, cov ua rau hlua nrauj, cov ua rau kom dab txhob lo ze yus cov mus yos hav zoov es muaj tsiaj phem lo thab yus, tej nov ma, tab si kuv sim cov ua rau hlua nauj, tsi work, thaum kuv sim tsi work ces kuv paub hai tias dag lawm no ces kuv tsi siv lawm e kuv tsi nco tag li lawm thiab. Tej nov puav leej yog kev dag noj dag hau xwb ma bro. Txhob lam ntseeg tej yam niag nov vim yog kev dag noj xwb. Yus yuav xav kom muaj noj muaj yau yuav tau mus ua liaj ua teb mus ua lag ua luam thiaj li nrog luag muaj noj muaj haum thiaj li nrog luag muaj nyyiaj muaj txiaj nawb. Kuv tus kheej tsi ntseeg.......

Thov Khawv

Registration date : 2014-05-20

Character Sheet
 :

Re: Moo tu siab.

Post by Thov Khawv on May 19th 2015, 9:43 am

Bro Noogdub, khawv koob ces lam ua kom siab nqig xwb os tsis work li. Yuav work tau li cas mas vim zaj khawv koob ntawd twb tsis yog koj ua es yuav muaj ib co hwj huaj ya kiag mus kho los yog mus thaiv nes.

Thov Khawv

Registration date : 2014-05-20

Character Sheet
 :

Re: Moo tu siab.

Post by Thov Khawv on May 19th 2015, 9:45 am

Bro Nraug Cuam, lwm hnub wb mus ntog ua ntsais xyoob chob qhov ncauj li no wb mam kawm thiaj leej nawb, thiaj tsis muaj muaj stress thiaj kawm tau zoo os. Ntxiv li 20 xyoo tom ntej no lauv ces wb ntog au ntsais lawm ntag.

Davdub
member
member

Registration date : 2009-12-19

Re: Moo tu siab.

Post by Davdub on May 19th 2015, 3:42 pm

Kwv Thov Khawv thiab Kwv Nraug Cuam,

Cov neeg quav yeeb ma thiaj li paub khawv koob xwb os, vim lawv muab cov lus ntawd mus hem neeg ces thiaj li tau nqaij noj thiab nyiaj siv xwb. Luag tus neeg txawj je ma luag siv lub tswv 8 mus khwv noj khwv hau thiaj li muaj noj muaj hau na. Tos kuv tsi ntseeg lo vim kuv yeej paub haitias, tus niag neeg quav yeeb ntawd twb tsi muaj li kuv thiab tsi je li kuv no ces kuv thiaj li tsi jeeg ntag os.

Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on June 1st 2015, 11:52 am

Xovxwm hais tawm nram no tias muaj ib tug tub Hluas Nplog 28 xyoo mus uasi Nplogteb tau raug Neegphem muab nws nkaug tuag nyob hauv tshav dav hlaus Watay nyob Viangchan. Raws li saib thiab lawv hais thiab tus Tub HLuas Nplog ntawd cov lus mas muaj neeg ntxub ntxaug nws vim nws tau hais lo puav lus tsis zoo txog yawg Hun Sen (Khabmeem tus nom) ces muaj neeg ciali yuav muab nws tua xwb. Tom qab nws cov lus hu rau nws txiv nyob Canada ces nws ciali raug nkaug tuag lawm. Tus hluas ntawd tseem hais ntxiv qhia rau nws txiv tias cov Neeg saib kev ruaj ntseg, cov neeg tsav tsheb taxi thiab txhua tus puavleej sib koom siab ua rau nws tag nrho no.

Raws li yus xav xwb nyob hauv tshav davhlau lawm yog tias TSIS YOG Tsoomhwv koomtes ua no tej teebmeem zoo li ntawd yeej tshwmsim tsis tau. Yuav tsum yog li tus tub hluas Nplog ntawd hais lawm nws thiaj tau raug lawv muab nws nkaug tuag. Cov neeg uas tua tus tub hluas no yuav tsum yog muaj coob tshaj li 4 tug rov saud lawm vim tias lawv nrhiav tau 4 rab riam tseem nyob rau thaj chaw ua tus hluas ntawd raug tua.

leejtwg mus Nplogteb yuav tsum tau ceevfaj tiag yog tsis li koj yuav ntsib teebmeem ib yam nkaus.


http://edmonton.ctvnews.ca/former-edmontonian-s-death-overseas-prompts-unanswered-questions-1.2400054

Davdub
member
member

Registration date : 2009-12-19

Re: Moo tu siab.

Post by Davdub on June 4th 2015, 3:04 pm

Toj Xeem kuv twb mus nyeem thiab saib tag lawm ma.

Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on October 22nd 2015, 12:30 pm

Hello friends,

I am the daughter of Xiong Chang, most of you may know who he is. Some of you might not. But over the weekend, on October 17th 2015, we lost our father due to liver cancer. He was in a lot of pain for 12 long hours and he just couldn't take the pain anymore and left us early morning on that Saturday. I just want to take the time to let all of his friends on here know because he always talk about how much his friends on here miss him when he doesn't come on, and how much he loves talking to you guys and that you guys will wonder what happened to him.

Sorry I had to write all of this in English, for I do not know how to write or read Hmong. Sorry.

His funeral information:
November 7 && 8, 2015
Saint Paul Funeral Home (new funeral home)
199 Plato Blvd
Saint Paul, MN 55107

Burial:
Monday November 9, 2015

Please feel free to come join us on November 7 and 8 for his funeral. Thank you.

Any questions, please contact my brother Soua Chang: (612)212-2397

Here is a donation link for his funeral:
https://www.gofundme.com/926uaqaw

Davdub
member
member

Registration date : 2009-12-19

Re: Moo tu siab.

Post by Davdub on October 22nd 2015, 4:43 pm

Tojxeem, ua tsaug rau koj muab tsab xov tus siab nov lo tso rau peb paub thiab, tsi tau li lo pab lawv hlub lawv tsev neeg thiab tus neeg ntawd thiab os. Yog kuv nyob ze pom nej no kuv yuav tuaj saib thiab ma. Tojxeem yog koj nyob lo txog hnub ntawd koj pua mus tau, yog mus tsi tau lo kav liam yog mus tau lo ho mus nrog lawv nyob tsam puav.

Tojxeem
Moderators
Moderators

Registration date : 2008-09-12

Character Sheet
 :

Re: Moo tu siab.

Post by Tojxeem on October 22nd 2015, 8:54 pm

Davdub.
Tus tij laug Txawj tsab xeem tsab no yog kuv 1 tug phooj ywg zoo heev.Nws yog 1 tug tau kawm ntawv txog sab kev ua nom ua tswv kawm txog kev sau ntawv sib foob ua ntawv khas loob puas tsav yam.Nws yog 1 tug siab dawb siab zoo heev.Xyoo 1972 kuv ntsib tij laug Txawj tsab thawj zaug ces wb ua phooj ywg sib nug moo puag thaum ntawd los txog niaj hnub nim no.

Nraug Cuam
member
member

Registration date : 2011-09-25

Character Sheet
 :

Re: Moo tu siab.

Post by Nraug Cuam on October 23rd 2015, 4:28 am

Tojxeem, tus koj hais no puas yog Xiong Chang tom hmoob tshav ntuj na?







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Sponsored content

Re: Moo tu siab.

Post by Sponsored content Today at 4:46 pm

  • Post new topic
  • Reply to topic

Current date/time is December 5th 2016, 4:46 pm