• Post new topic
  • Reply to topic

Hmoob Lub TebChaws

Share

Taw Qhia
Guest

Hmoob Lub TebChaws

Post by Taw Qhia on January 3rd 2014, 7:33 pm

First topic message reminder :

Hmoob yuav muaj teb muaj chaw, tshuav tsis ntev lawm xwb.  Zaum no yog tebchaws Hmoob tswj, tsis yog lwm haiv neeg tswj Hmoob lawm. 

Kev hais Hmoob rooj plaub ces txhob txhawj kiag li, tsuas yog lub sijhawm no Hmoob feem coob tseem tsis tau meej pem pes tsawg thiab nrhiav tsis tau nws qhov peevxwm xwb.  Txoj cai Hmoob muaj 100% lawm.  

Hmoob muaj cai txhua yam ib yam nkaus li txhua lub tebchaws, txhua tsob neeg.  Muaj cai muaj txoj sia, qhia nws haiv neeg ua neej kom zoo thiab vam meej.  Yog pab neeg twg, tsob neeg twg, txov Hmoob txoj sia tsis pub Hmoob tshwj sim nyob lub ntiaj teb no ces yuav tau tawm tsam kom txoj sia tu los xij, vim tsob neeg ntawv tsis pub Hmoob ciaj sia.  Leejtwg yuav txov yus txoj sia, yus muaj cai thiv thaiv thiab tawm tsam.  Ib tsob neeg twg, tseem tsis tiv thaiv nws txoj sia thiab ces tsis yog neeg lawm.

Hmoob txoj cai nyob rau Los Tsuas Teb!!!!!!!!!!!!!!!  Hmoob no yog cov thiv thaiv thiab ua txha nqaj qaum nyob rau lub teb chaws Los Tsuas txij puag thaum Paj Cai Vwj tawm tsam Fab Kis los txog niaj hnub no.  Cov tub rog khov tiv thaiv lub teb chaws Los Tsuas, tsis hais tog twg ces yog Hmoob xwb.  Nplog yeej tsis tuav teb chaws txij puag thaum ntawv los txog niaj hnub no.  Thaum Cob Tsib pab tog Koom Tshas yeej tebchaws, Nplog pib txov cov Hmoob koom tshas ib tug zuj zus, cov thawj coj, cov txawj cov ntse, cov muaj suab muaj npe, muaj nyiaj muaj txiaj.  Lub  tebchaws Los Tsuas, txog thaum kawg Cob Tsib thiab Suav yuav tuaj tswj, vim Nplog yeej ib txwm ua tsis yog txha nqaj qaum.  Tsis tas li, Nplog tseem tsis pub Hmoob no ciaj sia thiab.  Nov tub qaug peb Hmoob ti txha.

Nplog muab lub tebchaws muag rau lwm lub tebchaws, li Suav, Cob Tsib, thiab lwm hom neeg tuaj thau nyiaj thau kub, quav tooj quav hlau, xyoob ntoo.  Lub tebchaws Los Tsuas tom ntej no yuav tsis muaj dabtsi lawm.

Thov Khawv

Registration date : 2014-05-20

Character Sheet
 :

Re: Hmoob Lub TebChaws

Post by Thov Khawv on February 1st 2015, 5:44 am

Qhav kawg os bro

naxus

Registration date : 2015-01-04

Re: Hmoob Lub TebChaws

Post by naxus on February 1st 2015, 12:59 pm

Hmong Phahauj tus chij os, lawv tus chij ce zoo nkauj li ntawd os.

Vamntxawg
Moderators
Moderators

Registration date : 2008-09-12

Character Sheet
 :

Re: Hmoob Lub TebChaws

Post by Vamntxawg on February 15th 2015, 8:31 pm

chij koomhaum xwb mas tsis txhaum, tsuas yog ib qhov symbol qhia hais tias yog koomhaum hmoob no xwb

Tubzoonraug

Registration date : 2009-12-15

Re: Hmoob Lub TebChaws

Post by Tubzoonraug on February 15th 2015, 8:51 pm

Tej Chij nov ma txawm yuav created ntau baum li ca lo yeej tsi txhaum leej twg li os, vim ua tej nov ces tsua yog ua lo fun xwb tsi muaj ib yam dab tsi yuav mus against leej twg li os. Ntawm kuv tus kheej ma kuv tsi take tej nov seriously nws tsua yog created lo rau sawv daws pom hai tias peb txawm ua tau daim ntaub cos cos lawm ntag.


Tojxeem
Moderators
Moderators

Registration date : 2008-09-12

Character Sheet
 :

Re: Hmoob Lub TebChaws

Post by Tojxeem on March 1st 2015, 5:39 pm

Hmoob lub teb chaws yog lub no nawb.Nej mus saib seb daim duab no nyob rau qhov twg ces nco tsoov 2015 mus txog 2030 no xwb peb cov no tseem tsis tau tuag peb yeej yuav tsum pom Hmoob lub teb chaws lawm.

Tubzoonraug

Registration date : 2009-12-15

Re: Hmoob Lub TebChaws

Post by Tubzoonraug on March 1st 2015, 8:16 pm

Toj Xeem,

koj piav daim map nov nyob rau Suav teb lo yog nyob rau lub tebchaws twg? cov hmoob nyob rau suav teb suav av loj ma yog nte ces kawg mag suav muab tuav kua txob xwb. Hmoob twb ua tsi tau li cov neeg nyob rau sab middle East li ne, yog lawv ua tau li ma tej zaum kuj yuav muaj chaws mus thiab.


Vamntxawg
Moderators
Moderators

Registration date : 2008-09-12

Character Sheet
 :

Re: Hmoob Lub TebChaws

Post by Vamntxawg on March 3rd 2015, 8:52 pm

Tojxeem wrote:Hmoob lub teb chaws yog lub no nawb.Nej mus saib seb daim duab no nyob rau qhov twg ces nco tsoov 2015 mus txog 2030 no xwb peb cov no tseem tsis tau tuag peb yeej yuav tsum pom Hmoob lub teb chaws lawm.



As yas tojxeem, kuv mas ntshai tsam zoo li yesxus xwb os. Nej cov sawv ntawm no ib nrab tsis tau tuag neeg leej tub yeej los lawm, ho tseem muaj ib nqe hais tias twb txog caij yesxus los lawm, twb zoo li tus poj niam uas mob zaj plab yug tus menyuam lawm ntag, ib nqe hais tias ceeb tshej txog tes tamsim no lawm. Tav ntuj no twb los tsis tau, cov ntseeg tseem niaj hnub tos, xyoo tag xyoo tuaj los tseem tos lo lus qub.

Hos koj lub teb chaws los ntshe yuav zoo ib yam xwb lau

Tubzoonraug

Registration date : 2009-12-15

Re: Hmoob Lub TebChaws

Post by Tubzoonraug on March 3rd 2015, 9:16 pm

Tij Vamntxawg, kuv yeej ntseeg li koj hai tiag. Vim hai tias lub tebchaws luaj 4 nyuag ntiv nov  tsi lam zoo maub dub laiv  nws yuav tsi khw nawb.  Peb cov neeg ces khav ntawm ntug cub xwb sub, kuv tseem tsi tau pom dua ib cov hmoob twg yuav  ua tau li cov neeg nyob nram Middle East li ov.


Tojxeem
Moderators
Moderators

Registration date : 2008-09-12

Character Sheet
 :

Re: Hmoob Lub TebChaws

Post by Tojxeem on March 4th 2015, 12:02 am

Vamntxawg & Tubzoonraug.
Neb txhob nug kuv nawb kuv los yeej tsis paub txog tej no li thiab nawb yog yuav hais mas kuv twb paub tsis npaum li neb thiab nav.Tus uas paub thiab pom txog Hmoob teb chaws yuav piav tau 1 nqe zuj zus hauv paus mus nto ntsis rau neb kom neb to taub mas nws muaj nws 1 pawg neeg nyob tim tsev dawb uas yog cov tuav rawv Hmoob daim av tuav rawv Hmoob txoj cai khov kho xws li Xeeb xyooj thiab txiv yawg ntxhw nkawd 2 tug no mas thiaj li paub zoo xwb.Yog nej leej twg xav paub yam twg ces Nej yeej meem hu ncaj qha mus rau Txiv yawg ntxhw ntag nawb mog.

Tubzoonraug

Registration date : 2009-12-15

Re: Hmoob Lub TebChaws

Post by Tubzoonraug on March 4th 2015, 3:39 pm

Haaaaa, Tojxeem

Tos Pov Xyooj hai tias tus neeg twg yuav los ua lub teb lubchaws rau Hmoob ma yuav yog tus neeg muaj nyiaj blua nuj, thiab txhob txom nyem pim thiab qau.  Zoo li cov neeg peb paub nov ma  tsi paub nws background xyov phem lo zoo, tsi tag li  xyov pua yog neeg muaj nyiaj,  tsi tag li pua muaj experience txog kev yuav tuav lub teb lub chaw?  yog lawv twb tsi piv 3 lawm ces tsi tag  yuav hus mus nug li os, ib qhov 2 qhov pheej yuav tos yawm saub thiab Vajtswv pab xwb ces  ntshe tos txog hnub nkag kiag hauv qab nyom lawm lo yeej tseem tsi pom Hmoob daim nyuag av li os.

Yog hai txog Hmoob daim nyuag av luaj li 4 ntiv ma leej twg lo yeej muaj  kawg,


Vamntxawg
Moderators
Moderators

Registration date : 2008-09-12

Character Sheet
 :

Re: Hmoob Lub TebChaws

Post by Vamntxawg on March 4th 2015, 6:40 pm

Tubzoonraug es koj tsis paub los? Hauv qab nyom ces yog yus qhov av lawm ntag hos, kuv mas ntshai tsam tsis tau mus hauv qab nyom es mus kav yus qhov av hos mus nyob ntuj ceebtsheej ua tsis muaj hnub tsis muaj hli es vajtswv ua lub teeb ci ci es hnav tsho liab hos coj kauj toog npab xwb ov. Twb yog yawg loj kiag tseem tau mus nyob lub ceebtsheej ua tsis muaj hnub tsis muaj hli es vajtswv ua lub teeb ci ci, tsis muaj nruab hnub hmo ntuj, Kuv hnov cov mus nyob ntuj ceebtsheej tham mas, kuv twb ntshais mus nyob lawm.

Tubzoonraug

Registration date : 2009-12-15

Re: Hmoob Lub TebChaws

Post by Tubzoonraug on March 4th 2015, 7:09 pm

Haaaaa, Tij Vamntxawg

Kuv paub kawg ma, nyob hauv qab nyom lo paub ho nyob rau lub ntuj ceeb tshej ua tsi muaj hnub tsi muaj hli no ma, kuv yeej paub tab si  kuj tsi tau hnov cov mus pom thiab nyob dua lo lawm lo qhia pub peb mloog li ne.  Ok, muaj ib tug Hmoob nyob rau Vietnam, nws lo tham txog nws cov txiv ntxawm ua tuag lawm rov los ua rau nws  hai tau ntau yam lus.   cov Hmoob nyob rau lub tebchaws ntawd ma ntseeg Vajtswv heev, kuv tau muab Lauj Teeb cov lus rau lawv mloog thiab kuv tau qhia rau hai tias, tsi tsag thov vajtswv, vim vajtswv tsim tau peb lo lawm ces lawv tsi pab lawm, txawm thov yawm saub lo yawm saub tsi pab lawm thiab, qhov zoo ces  saib pua yog nws tau siv yeeb tshuaj xwb yog hai tias yeeb tshuaj nws tsi tau siv ces kawg mus Dr. xwb yog tsi mus ce  nej yuav thov Vajtswv baum li ca  rau lo nws yeej yuav piav li qub.


Nia ntawm daim duab


nej yog nej muaj fb (face book) account ces nej mus sau comment rau hauv cov hmoob coj dab Jesus nov?

https://www.facebook.com/long.yang.7161953


Tojxeem
Moderators
Moderators

Registration date : 2008-09-12

Character Sheet
 :

Re: Hmoob Lub TebChaws

Post by Tojxeem on March 9th 2015, 8:58 pm

Vamntxawg & TubZooNraug.
Hais txog Ntuj ceeb tsheej thiab qab nyom ces yog lub uas peb niaj hnub nyob nov xwb mas.Ntuj ceeb tsheej ces yog lub tam sim no peb nyob es muaj pom kev kaj ntug tsaus ntuj ntawm no ntag.Hos dhau lub no ces nkag mus hauv qab nyom li neb tham no txhua tus lawm xwb.Tsis muaj 1 tug neeg twg yuav mus pom dhau qhov uas peb niaj hnub mus pom los li lawm.Txhua leej txhua tus ces puav leej mus txog tib thaj chaw rov los tham qhia sawv daws nkaus xwb nawb.Ntuj txiag teb tsaus yog lub uas thaum muab av faus kiag tag nrho rau ces txias zias hos tsaus ntuj nti ces yog ntuj txiag teb tsaus xwb.Ntuj tawg ces yog lub uas lawv ua kev cai tag nrho ces lawv cuam taws ntws rau nplaim taws sib ntswg pes yos ces yog ntuj tawg ntag ov.Nim no mas lawv muab nkag nplo hauv lub cub tawg Gas lawm xwb ces twb tsis pom nplaim taws cig li lawm.

Tubzoonraug

Registration date : 2009-12-15

Re: Hmoob Lub TebChaws

Post by Tubzoonraug on March 9th 2015, 9:23 pm

Haaa, yog ma, tus neeg txawj ntse ma yeej nkag siab txog Vajswv thiab lub ntuj ceeb tsheej ma. Tus ruam ma cia siab kawg nkau tab si tus neeg ntse ma tsi xav mus nrog Vajtswv nyob thiab lub ntuj ceeb tsheej kiag li os.

Muab tshai (translator) nyob qab nyom, yog tuag es muab fau. Lub tuj ceeb tsheej yog thaum tuag es muab nws fau lawm ces yog nyob lub ntuj ceeb tsheej. Yog mus nrog vajtswv nyob ces yog thaum tuag lawm thiaj li mus tau.


Tojxeem
Moderators
Moderators

Registration date : 2008-09-12

Character Sheet
 :

Re: Hmoob Lub TebChaws

Post by Tojxeem on October 5th 2015, 9:27 pm

Kuv hais txawv nej nawb....Lub koomhaum Hmoob Tebchaws no yeej thov kev tso cai los tsa tebchaws rau Hmoob no laiv...Cov Hmoob tso nyiaj ntau rau hauv twb yog cov tswv tebchaws Hmoob lawm/nyias yeej txaus siab rau nyias kev yuav mus ua nom Hmoob.   Cov timxyoob/Hmoob kam pub nyiaj rau lawv ntawv yog txaus siab rau lawv txoj kev tsa Hmoob tebchaws....Txhua yam yuav tsum siv nyiaj pua kev/lawv nkagsiab zoo txog kev tawm nyiaj mus rau Hmong Tebchaws...
Qhov nkawv/lawv muaj teebmeem yog tim yus txoj kev tsis txawj yoog ua kom haum raws xwstxheej thiab kev cai thiaj tubqaug tus tsocai rau nkawv/Hmong Tebchaws vim muaj yeebncuab tsis txausiab rau tus cwjpwm no....  
Nws tsis tau yog tim nkawv ua txhaum vim thov nyiaj ntawm Hmoob...peb puas ntseeg tias nkawv tau kev tsocai los thov Hmoob nyiaj no maj?
Nkawv qhov teebmeem ces poob kiag rau tej yam zoo li zaum tag losno tsoomfwv ntes Hmoob 11 leeg dhau loslawm xwb....
Yus yog pejxeem meskas, thiab yus tseem ciali hla kiag tseemfwv xubntiag/hla hlo tus cai ntiajteb/ international policy...Yus mus tawmtsam tseemfwv lub tebchaws phoojywg thiab tseem nthuav tseemfwv tus lajtxheej zaisku tomntej.  
Txhua yam no yuav ua rau yeebncuab ntawm Hmoob/tseemfwv tej phoojywg tsis txausiab...Luag hais ib los tias "koj tso cai koj cov pejxeem tsim teebmeem rau peb lub tebchaws/nws txhaum koj thiab peb txoj kev tau cog lus sib pab koomtes ua phoojywg/txhaum kev cai ntawm ib haivneeg rau lwm haivneeg"...
Lino xwb ces FBI taug qab ntes tamsim lawm los mas cov phoojywg kwv-tij Hmoob meskas aw...

Tubzoonraug

Registration date : 2009-12-15

Re: Hmoob Lub TebChaws

Post by Tubzoonraug on October 5th 2015, 9:31 pm

Peb mam li mloog mus saib zoo li ca nawb vim  hai tias cov neeg foob lawv nov ces yog pab neeg mus koom rog rau LPDR tiab yog pab foob GVP  thiab nte GVP thiab ma.  Tab si yuav tsi muaj txim dab tsi vim lawv twb tsi tau mus tua leej twg raws kuv xav.


Tojxeem
Moderators
Moderators

Registration date : 2008-09-12

Character Sheet
 :

Re: Hmoob Lub TebChaws

Post by Tojxeem on October 7th 2015, 6:25 pm

Xyov yog tim tus dab tsi lawm tiag.Hmoob yeej 1 txwm muaj cov los rhuav tshem Hmoob lub neej 1 txheej dhau txheej tiam dhau tiam los txog niaj hnub nim no.Hmoob muaj tus yuav sawv los coj los tsim teb kho chaw kom Hmoob nrog luag lwm haiv neeg muaj cai sib luag.Hmoob muaj tus nyas nrhw tuaj luag tog los rhuav tshem Hmoob tus coj kom poob ciaj luag cev qhev ua ntu zus los txog niaj hnub no.


Davdub
member
member

Registration date : 2009-12-19

Re: Hmoob Lub TebChaws

Post by Davdub on December 5th 2015, 9:36 am

Tojxeem,

Lub caij nyoog lawv ua tsov rog no, yeej yog nyuab kawg thiab txom nyem kawg nkau li os. Kuv xav hai tias lub ciaj ntawd kuv cov tij laug lo ntshe twb tau nrog lawv thiab.

Sponsored content

Re: Hmoob Lub TebChaws

Post by Sponsored content Today at 4:33 am

  • Post new topic
  • Reply to topic

Current date/time is December 7th 2016, 4:33 am