by Nraug Cuam July 24th 2013, 7:52 pm
Tsis ua cas os brother, kuv yawm yij lub neej thaum yau mas yeej txom nyem heev nws tham qhia kuv muam thaum twg ces nws yeej quaj dhi ua kua muag ntws sis tam sim ntawv, nws tu siab kawg 6 nws txiv, niam tshiab mas ho muab xam tias tsis yog yus niam yug yus tiag thiaj tsis hlub yus, tab sis txiv twb yog txiv yug kiag ua cas thiaj ho tsis hlub, muaj peev xwm yug tau tab sis tsis muaj peev xwm hlub tau, txiv hlob tseem ho hlub nws tshaj nws txiv uas yog tus yug nws tiag tiag, thaum kuv yawm yij tseem tsis tau mus nrog txiv hlob nyob mas nws txom nyem heev, nws txiv yeej yuav tsis tau 1 daim tshiab 6 nws hnav, cia yoo tshaib yoo nqhis, thov zej zog noj hnav, ua ntsuag puab luag taw ntsa, nws lub chaw pw ces yog nraum kwj tse nrog npua thiab tshis, qee hmo niam tshiab thiab txiv tsis nyob tsev lawm ces thiaj li tau los pw ntawm ntug cub. Qhov kuv yawm yij tu siab tshaj mas yog txiv tseem muab nws yuam ev tej lub kawm loj loj mus ev nplej thiab pob kws nram teb 1 leeg txhua hnub mas tsis tau luag los yuav tau mus, tsis mus ces mag ntaus, quaj quaj taug kev rhuav lawm xwb. Nrog txiv nyob tau 4 xyoos txiv tsis hlub ces txiv hlob thiaj tuaj coj mus nrog txiv hlob nyob lawm, nws tham tias yog tsis muaj txiv hlob pab hlub ces ntshe nws twb tuag lawm ntxov.
Hais txog lub neej ua ntsuag mas tu siab kawg li os brother, pab hlub lawv cov ua ntsuag ciaj no heev li os, ua li koj hais uas, kheev lam paub koj lub sij hawm ntawv mas ntshe koj yeej pab tau ntau yam, ntshe twb tsis txom nyem npaum ntawv os.
Hais txog kev pab neeg mas brother, ua li koj hais mas tsis lam zoo pab ntau thiab nawb, yog yam tsim nyog pab los mam pab hos tsis tsim nyog pab los yuav tau txhob pab thiab, pab ntau ces lawv yeej ua li koj hais cia li ua neeg tub nkeeg lawm, thaum twg los tsuas tos nrawv yus pab xwb lawv tsis mob siab mus khwv noj lawm os. Nyob qhov twg los yuav tsum nquag, yuav tsum khwv thiaj tau noj tau haus, tim nej ko mas haj yam khwv tshaj tim peb no, tab sis nyias khwv txawv nyias xwb os.