• Post new topic
  • Reply to topic

xa xov rau hmoob

Share

TSU
Guest

xa xov rau hmoob

Post by TSU on November 30th 2012, 12:15 am

Nyob zoo txog kuv ib tsoom hmoob

Ua nyob thoob lub ntiaj teb no

Nej puas nco txog peb lawm os

Kuv yuav los sau zaj paj huam

Yuav muab cuam rau internet

Hais qhia nej tias peb tseem nco

Suav txij hmo hnoob 75

Tsis tau ntsib nej txog hnoob no

Ntshe no cov uas mus tau zoo

Yuav tsis nroo txog peb lawm tiag

Thiaj li ntsiag tsis hnov tsab xov

Los kuv thov nco peb thiab mog

txawm yuav nyob sab ntuj twg los

peb yeej yog ib haiv neeg hmoob

txawm peb poob tsis muaj teb chaws

los sawv daws yuav tsum sib hlub

thiaj muab hnoob peb caum cuag luag

mab suav luag tos lawv vam meej

los lawv yeej sib hlub sib fwm

yeej ib txwm hlub luag haiv neeg

luag sib ntseeg sib pab tsim kho

es peb no twb yog ib haiv

uas tiv thaiv peb tsev neeg hmoob

los mus poob 5000 tawm xyoo

los tsis zoo tsis muaj teb chaws

vim sawv daws tsis txawj sib hlub

cov muaj ntxub cov neeg txom nyem

cov ntse cem cov ruam hlwb npua

peb yeej ua ib txeej dhau txeej

peb lub neej tsis muaj teb chaws

vim sawv daws coj lub siab nqaim

hmoob thiaj paim mus nyob thoob ntuj

los kuv kuj yog me nyuam hmoob

cia siab ntsoov tias muaj ib hnoob

peb tsoom hmoob yuav txawj sib hlub

tsis muaj kub muaj nyiaj pub los

tshuav peb los thooj siab koom ntsws

puag xwb phwg ua pab ua pawg

peb xyeej tsawg xwb tsis xyeej coob

peb tsoom hmoob nyob thoob qab ntuj

yog tuaj yuj hauv hmoob forum

es pom tag kuv zaj paj huam

txhob sib thuam sib ntxub lawm mog

txawm yuav yog leeg twg los xij

yog kwv tij neej tsa txhua tus

vim peb yug nyob tsev neeg hmoob

txawm kuv poob nyob sab los tsuas

los kuv ntuas xws li kuv pom

thiab xav kom peb tsev neeg hmoob

sib2 hlub mus tag ib sim

thov zam txim rau kuv uas kwv

txawm kuv xwv tau siab nej lawm

los txhob rawm npau taws rau kuv

vim kuv luv ntawm txoj kev kawm

muab sij hawm rau kuv kawm ntxiv

yeej tsis piv tau koj ua tij

nej kav tsij mob siab tsim kho

thov nej nco ntsoov hlub hmoob os

nej tsis los hlub nej haiv neeg

nej ho ntseeg luag tus sab nrau

thaum nws xaus tsis tau dab tsi

ces txij li qhov no lawm tom

kuv tsuas thov peb sib noog moo

txhua txia xyoo kom peb muaj noj

muaj tus coj los hlub peb hmoob

thiaj tsis poob ua ntsuag txom nyem

raug luag lem li niaj hnoob no

lawm os mog peb tsoom hmoob e



Written & prepared by : Chou CHENG

Davdub
member
member

Registration date : 2009-12-19

Re: xa xov rau hmoob

Post by Davdub on November 30th 2012, 5:36 am

Tsus Cheng.

Thank you for your Ryhme. Koj cov lus siab dho zoo kawg kiag, peb yeej nco nej heev tab si peb ces ua tsi tau dab tsi lawm zoo li tus poj niam es tuaj sab hauv lawm xwb thaum nov tus poj niam tuaj saum txiv neej tuaj hauv xwb.

NCOTXOG
Guest

nyob zoo phooj nywg

Post by NCOTXOG on December 4th 2012, 11:55 pm

kuv zoo siab thiab ua koj tsaug ua koj tseem pab qhua kuv, tshawb deb siab rau kuv thiab os tus zoo phooj nywg. tshuav kuv paub tias nej tseem nco ntsoov peb cov nyob tom qab xwb ces kuv yeej zoo siabkawg nkaws li lawm os. txawm yuav zoo ib yam li ib tug poj niam es tuaj hauv qab lawm xwb los. tshuav yog nyob rau hauv peb lub siab tseem yog hmoob thiab hlub hmoob xwb ces zoo lawm os phooj nywg.

Chou CHENG.

Davdub
member
member

Registration date : 2009-12-19

Re: xa xov rau hmoob

Post by Davdub on December 5th 2012, 5:27 am

NcoTxog

Ua tsaug rau koj cov lus ma, peb cov nyob raulub tebchaws vammeej nov ma lub cauj vam meej kawg tag si lub siab tsi vammeej. Peb yeej nco nej cov nyob rau tom qab kawg kiag tiam si peb hai tau peb yeej ua tsi tau dab tsi. Yog luag tej neeg txawv tsi pab ces ua dab tsi lo yeej ua tsi sawv. Tus kwv Tij, koj pua tau mus txog rau lub zos Roob Kub Twm thiab? lub zo ntawd kuv lo zos tau 4 xyoo ces kuv tawm tuaj rau txawv tebchaws tau 33 xyoo nov lawm kuv tsi muaj chaij rov lo saib lawm. Cia yuav txog xyoo 2014 nov saib kuv pua lo saib tsheej.

chouch
Guest

sibhlubzooheev

Post by chouch on December 11th 2012, 6:49 pm

Nyob zoo tus kwv tij yeej yog li koj hais lawm os vim peb haiv hmoob ces tsuas yog qev luag toj yug yaj qev luag tais rau ntxhais xwb. yog tias luag tsis pab ces yeej ua dab tsi los ua tsis tau. peb cov nyob tom qab txhua txhia yam peb tsis xav tau lawm tab sis muaj ib yam tsuas yog xav kom peb haiv hmoob txawj sib hlub xwb os. txawm yuav tsis muaj ib daim av nyob qhov twg hais tias yog hmoob li los tshua peb txawj sib hlub kom luag lwm haiv neeg saib tau peb xwb qhov no zoo lawm. txawm peb yuav nyob rau qhov twg los tshua sawv daws noj qab nyob zoo xwb ces zoo heev lawm os.

Hais txog ntawm lub zos roob kub twm kuv yeej tau mus 2-3 zaug lawm thiab nws yog ib lus zos ua nyob tau kho siab heev li, nyob sau roob xyuam yaj lug rau nram tiaj nrag xwb. yog muaj sib rov los ncig saib dua nawb.

sib ntsib dua lwm lub sij hawm.

Chou CHENG.

Guest
Guest

Re: xa xov rau hmoob

Post by Guest on December 11th 2012, 8:20 pm

Chouch

Ua tsaug ntau heev rau koj cov lus thiab txoj kev sib hmov tshuag. Tus kwv kuv xav hai tias tej zaum Hmoob qhov sib hlub nov ma yuav yog tsawg kawg lawm o. Vim kuv pom tau hai tias Cov nyob rau ntuj qub qab lo lawv twb tsi hlub cov niag tim American li thiab tos kuv hai li ntawd peb muaj ib tug kwv tij Hmoob Lis hus ua Nchaiv Vaj Lis nov lo rau tim qub qab, nws lo cia li tuag li lawm. Tsi paub yog teeb meem dab tsi. Zam Blooj lo kuj paub tsi zoo. Tej nov ces twb ua rau sawv daws tsi sib ntseeg lawm. Kwv tij rov ua rau kwv tij li lawm xwb.

Hai txog lub Zos Roob Kuv Twm ma, kuv nyob tau 4 xyoo ma, peb caum tuas cov mos lwj loj loj tau 78 thiab 2 tug nyuj qus noj tag peb li khiav tuaj rau sab ntuj nraum ub lawm. Peb lo nyob rau roob kuv Twm ces kuv lo kuj tseem hlua kuj tsi tau tau muaj peev xwm tham hlua nkauj thiab, muaj cov hlua nkauj Hmoob Tsab, cov hmoob Vwj, Hmoob Lauj thiab Hmoob Muas kuv ma ruam tshaj qhov ruam lawm, kuv muaj peev xwm tsi muaj ib tug hlua nkauj tsi tau nwj ib tug kiag ma tus siab dho.

Kuv kuj zoo nraug kawg thiab tiag lub caij 76 txog rau 79 ntawd. Tab tom hlua nkauj tsi ntshai kuv vim kuv tseem tab tom ua ua rau hlua nkauj nyiam2 muab kuv nqa li tus menyuam yau vim kuv lo kuj tsi loj heev ces cov hlua nkauj loj ma lawv muab kuv mos tuaj hauv qab li lawm lo kuv kuj tsi paub ua dab tsi li thiab haaaa ruam tshaj plaws.

Sponsored content

Re: xa xov rau hmoob

Post by Sponsored content Today at 4:47 pm

  • Post new topic
  • Reply to topic

Current date/time is December 5th 2016, 4:47 pm