• Post new topic
  • Reply to topic

Uab Kaus Buas ( Uab Kaus Npuas)

Share

Davdub
member
member

Registration date : 2009-12-19

Uab Kaus Buas ( Uab Kaus Npuas)

Post by Davdub on September 11th 2012, 6:32 am

First topic message reminder :

On Oct 2, 10:16 am, Tzianeng Vang wrote:

   Yawg laus Tsav Vam Yias,

   Ua tsaug...qhov no pab tau zoo kawg lawm...tseem xav muab Uab lub koob
   coj los sau ua dab neeg qhia me nyuam Hmoob...

   Ua tsaug!

   On Oct 2, 8:35 am, YT wrote:



       Tzianeng and all,


       Uab Kaus Npuas mas yeej muaj tseeb.  Nws yeej muaj zoo li cov tau hais
       los lawm.  Tsis tas li ntawd xwb mas Uab nyiam dej tsaws tsag heev
       li.  Peb nyob rau Phab Kheb thaum 1970-74 ntawd mas thaum twg ntuj los
       hnag mas Uab nyiam mus khawb kwj hoob kom pom dej tsaws tsag.


 
 



Uab yeej tuaj noj mov ntawm peb tsev ntau zaum vim peb yeej txheeb zes
       Uab thiab.  Nws yeej ua neeb kho tib neeg yog thov txog.  Uab nyiam
       noj kua txob heev li.


       Tzianeng, yog xav paub txog Uab lub neej tiag ces taug kev mus noog
       Npliaj Thoj Xyooj uas nyob hauv St. Paul no.  Tsis tas li ntawd koj
       yeej paub Npliaj Thoj Xyooj cov tub zoo xws li Es Xyooj uas yav tag
       los ua haujlwm hauv Lao Family in St. Paul office.  Tsis paub tam sis
       no Es tseem ua haujlwm hauv LFC los tsis ua lawm.


       Uab yog Npliaj Thoj Xyooj tus kwv kiag.  Uab yog peb yawg laus.
       Npliaj Thoj Xyooj yog peb yawg laus uas sib sau ua neej nrog peb tus
       Phauj uas yog Es niam.  Lub sij hawm ntawd kuv tseem yaus ces peb yeej
       tsis paub Uab lub npe niam txiv tis tiag.  Nws yeej muaj npe niam txiv
       tis tseg.


       Peb Yog Ib,


       TxawjvamYias- Hide quoted text -


   - Show quoted text -



Tzianeng Vang

Peb lub tsev los nyob ze ze uab kaug npuas lawv thiab. Uab kaug npua
mas nws dai ib cov kaug npua foob qab rau ntawm nws caj dab nawb thiab
nws ua phooj ywg zoo rau tus zaj nyob nab ngeej os. Thaum twg uab
yuav mus vientiane cais ua nqig rau hauv dej nab ngeej lawm, yog koj
mus txog vientiane cais uab twb mus txog nram lawm thiab nawb. Uab
hais tias thaum koj nkag kiag rau hauv tus dej nab ngeej lawm mas tsi
yog dej tiamsis yog ib txoj kev lauv fais tawm plauv tshauv tos thiab
lauv khiav mus mus los los li no laiv.

Uab hais tias muaj ib zaug uab nkag mus rau hauv dej nab ngeej cais
lawv txawm coj uab mus so hauv ib yim. Yim ntawm tab tom yuav ua ib
pluag noj tiamsis hais tias thaum nyuj los mas ntes nyuj los tua ua
pam noj pam haus no. Cas uab saib ncoov txawm muaj ib tus poj hmoob
aub lub kawm tuaj ev dej cais lawv txawm hais tias nyuj los lawm, nyuj
los lawm no cais lawv txawm khiav daj vog mus muab niag pog ntawm coj
los tseev ua noj lawm no tiag. Uab rov qab los txog cais cov hmoob
nyob rau ze tus dej nab ngeej ntawm ib tus poj niam txawm poob dej
thiab tuag lawm, lawv tab tom ua qeej ua nruag no. Saib mas zoo li
txawv tshaj. Hauv dej muaj zej zos thiab kev tawm plauv tshauv lug li
no nawb. Ho hmoob yog lawv li nyuj, nplog yog lawv li twm no laiv.

Guest
Guest

Re: Uab Kaus Buas ( Uab Kaus Npuas)

Post by Guest on September 17th 2014, 8:24 pm

Yuj Yeeg thiab Kwv Tas Lauv,

Yuj Yeeg, zoo li yog Uab lawm tiag2, koj mus muab tau Uab daim duab qub nov qhov twg? nws tseem muaj sia nyob lo yog nws dua twg lawm? Raws lawv hai rau kuv ma xyoo 1978 ntawd Uab lo rau hauv Avliab Vientiane ces Uab txawm mus rau sab Say Nyabury lawm ces tsi pom ua lo txog rau lub Vim Ceeb nov lawm.

Koj daim duab kuv saib yog Uab lawm tam sim nov ces nws yeej lau li nov lawm tiag ma, thauj tsam ze 70 xyoo lawm raws kuv khwv yees.

Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on September 17th 2014, 8:42 pm


Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on September 17th 2014, 8:46 pm

Nkawv ob txiv tub no yog Hmoob Thaib Teb, kuv tseem xav tias kuv yuav muab nkawv zaj dab neeg coj los sau rau peb tau nyeem, tab sis bro yujyeeg tso daim duab ntawd ces kuv thiaj muab qhov link no los rau peb mus nyeem lawv cov comments txog ob txiv tub no. Kuj yog ib zaj dab neeg tu siab thiab zoo siab.

Guest
Guest

Re: Uab Kaus Buas ( Uab Kaus Npuas)

Post by Guest on September 17th 2014, 8:59 pm

Kwv Tas Lauv,

Yog Uab nyob rau Thailand lawm no Xyov pua yog Uab tiag ne, vim Uab yuav tsi paub nrog poj niam pws na, raws kuv xav yuav tsi muaj leej twg kam yuav Uab os, vim Uab ma ruam tsi paub ib lo lus thiab Uab nyiam cau bua nws nyiam coj sawv hlau thiab xwb raws kuv saib daim duab ma kav kos taws muaj ntsi zoo li Uab, lub Caj ntswm lo muaj ntsi khws rau Uab lawm tiag na, saib nkawv lub last name pua yog Xyooj xwb tiag.

Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on September 17th 2014, 9:19 pm

Tij TubHmoob, nws tsis yog uab os, brother Yujyeeg lam txiav los sib piv tso rau peb saib xwb os. Nws yog ib tug Hmoob nyob Thailand. Cia lwm hnub muaj sij hawm kuv mam coj nkawv zaj dab neeg tuaj piav peb mloog hauv no vim nws zoo coj los qhia rau yus tej me tub me nyuam.

Guest
Guest

Re: Uab Kaus Buas ( Uab Kaus Npuas)

Post by Guest on September 17th 2014, 9:29 pm

Ua li ma kwv Tas Lauv, Tus Yawm txiv ntawd nws yog xeem dab tsi? Uab ma yog Xeem Xyooj os.

Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on September 17th 2014, 11:36 pm

Tsis nco qab zoo lawm bro, tab sis nws tsis yog Uab Kaus Bua os,,,nws yog Hmoob Thaib ib txwm nyob Thaib Teb. Nws tsis ruam.

yujyeeg
Moderators
Moderators

Registration date : 2009-01-08

Character Sheet
 :

Re: Uab Kaus Buas ( Uab Kaus Npuas)

Post by yujyeeg on September 18th 2014, 4:34 am

taslauvVwm,Tubhmoob.

nyob zoo rau neb zoo siab tau ntsib neb, TasLauvVwm   Tus kwv tij no yog li koj hais lawm mas, Nws yog ib tug hmoob thaib nyob rau thaib teb lub xeev NAN,  Kuv tsuas yog mus nqa nws daim duab los lo nrog uab daim rau peb sawvdaws tau tuaj tham sib ntsib ua kev lom zem xwb. Kuv ces yog pom thiab ntsib peb cov hmoob uas ua lub neej txom txom nyem hnav ntuag kug ceb muag zeeg zoo li no ces lub kua muag tsi nrog los lub qhov muag yeej teev yees rau lawm. Saib nkawv ob txiv tub daim duab no qhov zoo siab ces yog ua li tej laus hais Ntuj ua ntuj ntxiv, Txawm leej txiv yuav txom nyem npaum cas los leej tub kuj haj tseem nyiaj ntshaib zoo nqhis nyiaj ntxeem mus kawm tiav qib siab lawm thiab.

Yog nej ho xav paub nkawv tsev neeg meme los peb sib cog nyeem thiab saib nkawd li duab ua ke hauv qab no ntxiv.

http://www.dek-d.com/article/32444/

Guest
Guest

Re: Uab Kaus Buas ( Uab Kaus Npuas)

Post by Guest on September 18th 2014, 3:34 pm

Yuj Yeeg thiab Kwv Tas Lauv

Zoosiab ntsib neb 2 leeg thiab, Kuv saib lawm tab si kuv nyeem tsi tau ntawv Thaib es kuv tseem tsi tau paub cov lus, kuv muab cov ntawv copy mus paste rau translate an English lo zooli tham tsi muaj ceem ces tseem paub tsi zoo yog li ca tiag.

Tojxeem
Moderators
Moderators

Registration date : 2008-09-12

Character Sheet
 :

Re: Uab Kaus Buas ( Uab Kaus Npuas)

Post by Tojxeem on May 16th 2015, 10:12 pm

Ua cas muaj 1 tug Uab kaus npua nyob ntawm nov thiab ne.Zaum no nco ntsoov tias Uab kaus npua ua zoo neej lawm nawb.Thaum ub yawg loj lawv tsis muab Uab kaus npua coj mus ua thab ham ne yom.Yog lawv lam muab Uab kaus npuqa mus ua thab ham no ntshe Uabg haj cav yog 1 tug Colonel thiab nawb.


Tubzoonraug

Registration date : 2009-12-15

Re: Uab Kaus Buas ( Uab Kaus Npuas)

Post by Tubzoonraug on May 17th 2015, 10:18 am

Haaaa, Uab Kau Npua (kau bua) nws mus tsi tau kev o, nws yuav  tsi  muaj peev xwm mus ua tau rog os.


Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on May 17th 2015, 11:40 am

Kuv ib txwm xav tias ntshe Uab Kaus Npua yuav zoo li no hehehe. 

Tubzoonraug

Registration date : 2009-12-15

Re: Uab Kaus Buas ( Uab Kaus Npuas)

Post by Tubzoonraug on May 17th 2015, 11:43 am

Uab Kau Bua Hmoob ma ces yog tus  nyob ntawm daim duab first page os. Tus ntawd ces yog Uab Kau Bua  Xeem Xyooj os.


Tojxeem
Moderators
Moderators

Registration date : 2008-09-12

Character Sheet
 :

Re: Uab Kaus Buas ( Uab Kaus Npuas)

Post by Tojxeem on August 17th 2015, 8:18 pm

Nej taug kev mus pom tej tug yawg laus pog hmoob laus qaug doj qaug de tom tej tog kev txhob lam cem saib tsis taus lawv nawb.1 pliag nej mus txog tom lawv tsev no cav niag pog laus pua ta nej ntsib tom kev yog tus hluas nkauj zoo zoo nkauj li leej niam ntag.Hos Yawg thaub laus pua tab nej pom tom kev tus tub yog tus ua nom hauv lawv lub zos ntag laiv nawb.

Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on August 17th 2015, 9:27 pm

TojXeem

Koj hai yog lus kawg lawm tiag,  peb ua tib neeg nyob ma  tsi txhob lam tau lam ua tej yam  saib tsi tau rau tej tug pog lau lo si yawg lau li koj hai kawg, vim peb tsi paub hai tias  ib ntsi nws ho  yoog neeg blua nuj tsim txiaj laiv.

Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on August 18th 2015, 7:36 pm

Tseeb li koj hais lau bro Tojxeem, tab sis tib neeg ces txawm paub lawm los yeej saib dej ua ntu neeg ua plhu xwb. 

Nraug Cuam
member
member

Registration date : 2011-09-25

Character Sheet
 :

Re: Uab Kaus Buas ( Uab Kaus Npuas)

Post by Nraug Cuam on August 18th 2015, 8:01 pm

Thov Khawv wrote:Kuv ib txwm xav tias ntshe Uab Kaus Npua yuav zoo li no hehehe. 

Wow yawg no tau 1 tug kaus npua haib tiag tiag yom. Tsis tau pom dua cov nkhaus vos sib cob li no thiab nawb, thaum tseem nyob ntawm tus npua mas xyov yuav ua cas meem txom li lauj yom hehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Nraug Cuam
member
member

Registration date : 2011-09-25

Character Sheet
 :

Re: Uab Kaus Buas ( Uab Kaus Npuas)

Post by Nraug Cuam on August 18th 2015, 8:04 pm

Tojxeem wrote:
Nej taug kev mus pom tej tug yawg laus pog hmoob laus qaug doj qaug de tom tej tog kev txhob lam cem saib tsis taus lawv nawb.1 pliag nej mus txog tom lawv tsev no cav niag pog laus pua ta nej ntsib tom kev yog tus hluas nkauj zoo zoo nkauj li leej niam ntag.Hos Yawg thaub laus pua tab nej pom tom kev tus tub yog tus ua nom hauv lawv lub zos ntag laiv nawb.

Yog li koj hais ko mas bro Tojxeem.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on August 18th 2015, 10:40 pm

cov neeg txom nyem ma muaj ntau yim tej tub kiv kuj kawm tau ntaub ntawv zoo dua cov menyuam tub muaj nyiag thiab os. Vim lawv muaj nyiag heev lawm ces lawv  tsi ntshaws kev txawj ntse lawm ne.

Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on August 19th 2015, 1:47 am

Yog kawg mas bro. Kuv saib cov neeg nrov npe thiab muaj nyiaj hauv qab ntuj no tej paj vav mas xuaj coob yog tib co txom txom nyem ua ntej xwb, lawv mam xeem peem lawv kheej tuaj xwb. Ib yam li Bill Gates los thaum yau nws niam nws txiv tsuas yog teachers xwb thiab, tab sis Gates ho xeeb tau los ua ib tug neeg hlwb zoo thiab txawj ntse ces nws thiaj nplua nuj. Phab Ej Jet Lee (Lee Lien Jia) los yeej yog ib tsev neeg txom txom nyem xwb thiab tseem tshuav coob coob tus. 

Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on August 20th 2015, 8:03 pm

Brother, pua yog Bill Gates tuag lawm lo yog tsi tau tuag ne? kuv tsi saib news es kuv tsi nco zoo lawm sub. 3 tag lo nov kuv hov lawv rumor hai li ntawd es kuv tseem tsi tau hnug mus ntxiv lawm. Ua neeg nyob luag muaj nyiaj lo yeej yog txawj khib koo neeg tej nyiaj thiaj li muaj nyiaj, ua ib tus neeg saib dawb siab zoo siab ncaj siab ncee yeej tsi muaj nyiaj ib zaug, nws tsua muaj txau noj txua hau xwb yeej tsi blua nuj li os brother. yog yuav tham ces yuav rov lo txog rau kuv cov niag Xeeb ntxwv thiab.. tos lawv muaj nyiaj ma lawv yeej pub tsi tau leej twg ib bib liab. Kuv tus kheej lo mus txhai lus rau lo tseem tsi kam them kuv 20 dollars thiab. Mus ua nws zog txiav ceg ntoo pem hav zoo ua yog Government forest luag kom them ib tus neeg yog $9 peb peb thaum 6 moos am txog 7 moos pm, thaum txog hli nws muab Cash rau kuv yog $40 xwb.. Qhov nov ntag lau.. tos neeg muaj nyiaj ma siab tsi ncaj kiag li hov.

Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on August 23rd 2015, 2:17 am

Tseeb li koj hais mas bro, cov neeg muaj nyiaj yeej yog qia dub thiab khib koos, txawj ntse mus rau fab yuav ua cas thiaj koos tau luag noj nkaus xwb mas. Bro hais txog Bill Gates mas tseem tsis tau tuag, nws kuj muaj nyiaj thiab muab nyiaj coj mus pab charity ntau mas bro, especially yog cov tim Africa thiab South East Asia.

Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on August 23rd 2015, 4:58 pm

Bro Thov Khawv

3 Hmoob tus cwj pwm ma tus neeg txom nyem thiaj li paub hlub neeg thiab txawj xav muaj kev sib pab sib tshawb nawb. Cov neeg muaj nyiaj lawmma luag tsi ntshaw cov neeg txom nyem thiab luag tsi hlub neeg txom nyem ib zaug li os.

Tam sim nov ma kuv xav kom 3 cov Hmoob ua muaj nyiaj tha mab da cov nov mus nrog rau cov txom nyem yuav tau sib hlub sib pab es tsi txhob pab rau cov neeg muaj nyiaj, yim neeg muaj nyiaj twg yog coj phem lim hiam ces sawv daws tsi zoom pab lawv kiag kom lawv muaj kev txom nyem thaum twg lawv tig rov lo ua zoo hlub sawv daws ma thaum nov mam li tig mus pab thiab hlub lawv.

Tos kuv hai li rau cov neeg muaj nyiaj lo vim lawv muaj nyiaj lawv tsi pab sawv daws lawv tseem kib koos neeg thiab, yog li nov ma peb yuav tau hloov siab hloov ntsws e cov txomnyem ce yuav tau sib hlub sib pab kom sawv dawd ho muaj noj muaj hau kom txua leej txua tus txhob tau lub be txom nyem kom sawv dawd noj nyog nyob nyog.

Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on August 24th 2015, 5:43 am

Bro yog li koj hais kawg os...tab sis peb Hmoob yeej yuav ua tsis tau li koj li nawb bro vim rau qhov tias muaj ib txhia tub nkeeg, ib txhia nquag, ib txhia ruam ib txhia ho ntse ces yeej yuav tsis haum li os. Kawg hais tias kwv tij txiv tub xwb twb tsis sib hawm lawm mas yeej yuav ua tsis tau li ntawd li os bro. Yeej kawg rau qhov tias saib qhov koob los yoj xov los nyog xwb os.

Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on August 24th 2015, 3:48 pm

Yeej yog lawm ma brother, 3 ua neeg nyob ces ib leeg ua tsi haum rau ib leeg li os. Kawv nyia nyiam li ca ces nyia yuav tau ua li nyia nyiam xwb lau.

Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on August 27th 2015, 7:11 am

Yog los mas bro...

Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on August 27th 2015, 8:47 pm

cov brother,  3 lo mloog  ib txoj phee kom ho hloov huab cua tso nawb?



yujyeeg
Moderators
Moderators

Registration date : 2009-01-08

Character Sheet
 :

Re: Uab Kaus Buas ( Uab Kaus Npuas)

Post by yujyeeg on October 18th 2015, 6:04 am

yujyeeg wrote:nyob zoo cov phooj ywg sawvdaws.

tau ib lub me sijhawm ntev loo los lawm uas tsi tau tuaj ntsib nej, Txawm li cas los tsuav peb txhua tug tseem khov kho ib yam li Uab xwb ces ok lawm nawv...Es hnub no kuv mus ntshiav tau uab tuaj rau nej saib lawm seb puas yog uab tiag ov.


hmoob tseem tsi tau muaj lub siab qhov yuav pab mus hlub tau tej neeg txom nyem. Kuv piav thaum ub nyob hauv peb lub zos kiag peb muaj ib tug yog lawm txiv ntxawm nws yog hom neeg tsi siab thiab tseem taj taj nws kuj tsi muaj poj niam me nyuam nws nyob nws ib lub tsev dai sawvdaws nws mus ua liaj ua teb ces ua tau dav zog 2 lub qua tsev xwb, yeej ua tsi tau mov los noj thawm niaj thawm xyoo li sawvdaws, nws nyob txom nyem kawg kuv rov qab los saib daim duab no, Yog peb hmoob tseem tsawg ib qho kev hlub cov neeg txom nyem, Txawm pom luag ua neej txom nyem npaug twg los cia li tsi nco qab tias yuav hlub luag. Yog yuav tso rau ib tus hlub ib zos mas yuav tsi tau tab si yog tias ib zos hlub ib tus xwb mas yeej tau kawg tiag.





Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on October 18th 2015, 8:04 am

Yuj Yeeg, hai txog Hmoob yuav mus pab Hmoob ces tsi muaj, qhov tsi muaj vim Hmoob nws kawm tau lo rau nws xwb nws tsi muaj nyiaj txau mus pab rau cov neeg txom nyem rau sab nraum.  Ib yam li kuv ib tug tub,  nws tshuav nqi  8 pua phav yog nws qiv lo kawm ntawv xwb nws  yeej them tsi tau rov qab li e nws  twb pab tsi tau nws tsev neeg li thiab ces  txawm nws kawm siab baum ca lo nws tsuav luag nqi baum ntawd e  nws yeej pab tsi tau tej neeg txom nyem sab nraum.
Yog tag  kiab cov Hmoob kawm tau  ntawv siab heev e koom siab lo ua ib pawg, mam li pab no tej zaum yuav tau thiab, tiam si kuv pom Hmoob twb tsi paub hlub neeg li luag cov neeg Tawv Dawb. Hmong  including rau kuv thiab yeej tsi muaj lub siab hlub cov neeg txom nyem rau sab nrau, kuv tsua hlub pab kuv cov neeg txom nyem ua yog kuv pog kuv yawg yug lo xwb.

yujyeeg
Moderators
Moderators

Registration date : 2009-01-08

Character Sheet
 :

Re: Uab Kaus Buas ( Uab Kaus Npuas)

Post by yujyeeg on October 19th 2015, 7:12 am

DAVDUB.


yeej li koj hais yog ib leeg pab xwb ces yeej tsi tau yuav tsum yog sawvdaws sib koom pab ib leeg tshwm me me mus tso ua kev mas thiaj yuav tau, Tab sis peb hmoob yeej tseem tsi tau muaj tej zoo li no,

Tojxeem
Moderators
Moderators

Registration date : 2008-09-12

Character Sheet
 :

Re: Uab Kaus Buas ( Uab Kaus Npuas)

Post by Tojxeem on October 19th 2015, 3:57 pm

Txiv yujyeeg thiab kwv Dlaavdlub.
Hais txog Hmoob lub siab mas tseem me heev tseem pab tsis tau tus neeg sab nrauv li nawb.Tus muaj yeej tsis hlub tus pluag tus ntse yeej tsis hlub tus ruam li nawb.Cov pluag ces yeej ua cov muaj qhev txog hnub tuag.Cov ruam ces yeej mag cov ntse muab cem muab ntaus cuag ntaus dev li nawb.
Thaum peb poob teb chaws Col Ntxoov tswb yaj muab tau 200,000 kip(ob npuas txhiab kij)rau kuv 1 tug kwv tij thiab hais tias koj muab kuv qhov nyiaj no mus nrhiav 4-5 tug tub hluas khov kho pab xa kuv tsev neeg mus kom txog ntua tom ntug khoos es lawv mam rov los tsev.Ces nws cia li muab Col Ntxoov tswb qhov nyiaj cia twj ywm nws kom peb 4 leeg xa Col Ntxoov tswb tuaj 1 hnub txog ntua tom ntug khoos.Col Ntxoov tswb ntiav tau nplog thauj nws tsev neeg hla dej rau sab thaib teb.Thaum nws yuav nce nkoj tiag nws tig hlo los hais tias cov me kwv ntxawg yog tias nej nrog kuv mus no ces kuv pab nej them nqe nkoj huv si es peb ua ke mus lawm thaib teb.Peb tias cia koj ua hlob mus ua ntej peb rov mus nrog niam txiv tham yog tias yuav mus no ces peb mam lawv koj qab los.Ces nws daws kiag nws 4 lub luv tem cev kiag peb leeg lub.Nws tus tub qaim rawv rab phom M16 ces nws tus tub muab kiag 2  siv mos txwv M16 yog 6 xav xaws daws kiag cev kiag rau kuv thiab hais tias nej coj mus sib faib rau nej tau tua nas noog noj nawb mog.Ces Col Ntxoov tswb nce kiag saum nkoj nws tsev neeg nce tag nrho ua tib fij xwb.Nws mam li tig hlo los tias nej nqa kuv rab yaj phom 38 no mus tau siv mog.ces nws tias kuv muab tau ob puas txhiab rau yawg no kom nws muab rau nej no nws puas tau muab rau nej.peb tias tsis tau muab laiv.ces nws tias yog li nej rov mus txog nej nco ntsoov mus nqa nyiaj mog.Ces peb rov los txog tsev peb thiaj li mus nqa nyiaj ntawm tus uas txib kom peb coj Col Ntxoov tswb kev.Nws teb peb tias kuv tsis paub tsis pom cov nyiaj uas Col Ntxoov tswb muab rau nej li laiv.Ces thiaj li tau hais rau cov laus tias yawg ntawd tsis muab nyiaj rau peb no ces cov laus thiaj li tau sib hais yawg mam li muab tab sis twb muab tsis tas rau peb.lawv tseem muab faib ua 5 phuv 1 phuv rau yawg ntawv hos 4 phuv rau peb 4 tug uas coj Col Ntxoov tswb kev.tiag ces peb 4 leeg 1 tug tau 50,000 tab sis cov laus tias yog muab rau yawg ntawd coj los nrhiav neeg mus pab Col Ntxoov tswb ces muab faib rau yawg ntawd thiab ces muab faib 5 phuv ces 1 leeg tau 40,000 xwb.Tab sis zoo qhov thaum peb mus txog tom Col Ntxoov tswb tsev ces nws ho muab tau 5 rab phom M16 thiab 600 lub mos txwv rau peb lawm.Thaum peb coj Col Ntxoov tswb mus txog tom ntug khoos ces nws ho muab tau 4 lub luv tem thiab 1 rab yaj phom 38 rau peb.nws tus tub ho muab tau 6 xav xaws mos txwv rau peb.ces peb coj 1 rab phom M16 thiab rab yaj phom 38 coj mus muag rau kab yeeb lis tau 2,500 bath.Hos 4 lub luv tem peb coj mus tua ntses puag nram ntug dej naj fees naij noj lawm.Lawv 3 rab phom M16 ces xyov lawv muab zais li cas.Hos kuv rab M16 ces kuv coj mus zais tom teb teb 1 qho dhau 1 qho.coj mus tua  tau 3-4 tug nyaj liab cuam los noj tua tau 2 tug kauv los noj ces zoo li zaum uas kuv coj mus tua kauv ntawd muaj neeg pom ces Xaiv neeb hawj thiaj li hais kuv tias yog kuv kam muag no muab rau xaiv neeb coj mus muag rau thaib.Ces thiaj li coj mus muag rau thaib tau 1,500 bath ces tag li no peb cia li tsiv khiav los thaib teb lawm.

Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on October 20th 2015, 7:02 am

Cov tij sawv daws,


Kuv yeej xam pom ib yam li nej cov ua tij s/d thiab. Tab sis raws li kuv xav mas Hmoob cov coob tseem yog cov txom nyem. Sawv daws tseem npaj tas zog rau lub ncauj lub plab xwb. Hmoob cov muaj thiab cov txawj ntse los tsawg heev, muaj ua poov xwb. Tsis tag li ntawd vim peb Hmoob tsis muaj ib tug zoo thawj coj rau fab hlub cov neeg pluag, cov neeg txom nyem no kom ntau ntau tiam neeg ces Hmoob thiaj xyaum tsis tau qhov kev qhib lub siab loj siab dav. Muab piv li cov Samurai, vim li cas neeg Nyiv pum thiaj coj tau cwj pwm nruj, coj tau ncaj thiab coj tau zoo ntau yam mas twb yog vim lawv pab tub rog Samurai khoo lawv haiv neeg los tau ntau tiam neeg, thiaj ua rau tej cwj pwm ntawd zwm cia rau lawv haiv neeg lub siab lawm.


Yuav kom Hmoob txawj sib hlub li nej cov ua tij hais mas kuv xav tias txhua tus yuav tau pib ntawm nyias tus kheej, nyias tsev neeg tuaj. Peb Hmoob yeej muaj tej tus ntse tob heev, yog tias suav daws koom siab sib pab ces tsis tas yuav muaj muaj thiaj pab tau, ib tug txawj ntse pab tau 10-20 tus ruam. Pab lub tswv yim dawb paug kom suav daws muaj ib yam yeej ua tau kawg, tab sis peb tseem tshuav deb heev mus tsis tau txog qhov no.


Tsis yog peb xwb, muab piv li cov neeg Suav los lawv yeej tseem coj li peb Hmoob. Hmoob ib txhia tsis paub xav tias Suav los sis lwm haiv neeg txawj txawj sib hlub, tab sis raws li kuv pom lawm lawv tseem coj cwj pwm lim hiam dua Hmoob thiab xws li tias nyias taus xia nyias muaj nyiaj, nyias taus xia nyias dim.

Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on October 20th 2015, 7:09 am

Tij Tojxeem, yog li mas yawg koj hais muab nyiaj rau nws cia ko zais siab kawg yom. Cov neeg zoo li ko mas lwm haiv neeg luag ntxub heev. Nyob hauv haiv neeg Nplog kiag xwb twb tsis tshua muaj cov neeg zoo li ko lawm, tab sis hauv peb Hmoob tseem muaj cov neeg coj li ko coob.

Tojxeem
Moderators
Moderators

Registration date : 2008-09-12

Character Sheet
 :

Re: Uab Kaus Buas ( Uab Kaus Npuas)

Post by Tojxeem on October 20th 2015, 6:52 pm

Thov khawv.
Kuv tsis paub tias tam sim no nplog liab los tswj lub teb chaws es lawv tej nom tej tswv puas ncaj ncees puas siv hwj chim loj los quab yuam pej xeem huab hwm li yav thaum ub lawm xwb.Yav thaum ub mas tog nplog dawb tseem tswj lub teb chaws ses nom tswv yeej muaj hwj chim loj heev nawb.Tus nom thab ham luag yeej muaj nyiaj hnub nyiaj hli noj los luag tseem kee pej xeem tej qaib npua mus noj dawb noj do.Yog pej xeem tsis muaj npua rau thab ham noj es tshuav tug puav nyuag noob tsiaj cia yug xwb los lawv yeej cia li xuas phom phawv nphoov ev mus noj li lawm ntag hos.

Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on October 28th 2015, 9:51 pm

3 Tub brother, yog piav txog lub tebchaws ntuj qub qab ce luag yeej ua yam tsi muaj leej twg paub txog, hai txog txoj kev hlub neeg ce tsi tham lo paub tham lo yeej paub. Yeej tham tsi tau dab tsi ce lam hai li nov xwb os.

Thov Khawv

Registration date : 2014-05-20

Character Sheet
 :

Re: Uab Kaus Buas ( Uab Kaus Npuas)

Post by Thov Khawv on November 4th 2015, 4:05 am

Tij Tojxeem, nyiam no muaj kev cai lij choj khoo zoo lawm, ua tsis tau li koj hais saud lawm.

Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on November 4th 2015, 5:20 am

Tsi hai nyob rau lubTebchaw twg, txoj kev ncaj ncee yeej tsi tshua muaj nawb, ntawm USA kiag lo nej saib cov Officer xwb ma, luag nte neeg ma muaj ib cov lam tau lam tua neeg yam tus neeg ntawd tsi muaj kev txhaum lo yeej raug tua tuag yam tsi tau mus nce hauv Course kiag li hov. Tej nov ma yog every where li os.

Tojxeem
Moderators
Moderators

Registration date : 2008-09-12

Character Sheet
 :

Re: Uab Kaus Buas ( Uab Kaus Npuas)

Post by Tojxeem on November 5th 2015, 7:25 pm

Thov Khawv wrote:Tij Tojxeem, nyiam no muaj kev cai lij choj khoo zoo lawm, ua tsis tau li koj hais saud lawm.
Thov Khawv.
Yog tias lawv muaj txoj cai zoo los tswj tau khov lawm no mas nyaj yuav zoo lawm mas.

Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on November 5th 2015, 7:39 pm

Cov cai ce yog Nyab Laj yog tus tswj xwb o TojXeem, koj sim saib seb muaj Nyab Laj tus chij muaj Old Soviet tus Chim tag ma li yog Koos paj cai tus chij, tus chim lawv siv nov yog Koos Paj cai tus chij xwb os. Tsim nyob muab Koos Paj cai tsev neeg lo nrog ua nom ua tswv thiab?

Tojxeem
Moderators
Moderators

Registration date : 2008-09-12

Character Sheet
 :

Re: Uab Kaus Buas ( Uab Kaus Npuas)

Post by Tojxeem on November 5th 2015, 8:05 pm

Txawm yuav yog nyab laj yog tus tswj xwb los tsuav ho tswj tau zoo ces yeej yog zoo lawm mas.Nplog ces yeej kawg qhau hau rau lwm haiv neeg tuaj tswj nplog lub teb chaws xwb.

Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on November 6th 2015, 6:05 pm

Nyob zoo kuv cov me Phooj ywg sawv daws, yeej yog li nov kawg tos 3 Hmoob ua tsi tau thiab pab tsi tau lo twb yog vim peb tseem tsi tau puv 100 nkau xwb. Yog thaum twg 3 puv 100 li luag lawm ma 3 hai dab tsi yog dab tsi Yes, ce Yes nkau xwb No ce No nkau xwb os. Tos luag cov muaj tebchaws luag ua tau lo luag twb tsi coj li 3 li ne. Nws kuj tsi yog koj thiab kuv ma, tab si nws yog ib cov rau cov ua lawv claim hai tias, lawv yog cov coj Hmoob no xwb os.

yujyeeg
Moderators
Moderators

Registration date : 2009-01-08

Character Sheet
 :

Re: Uab Kaus Buas ( Uab Kaus Npuas)

Post by yujyeeg on November 10th 2015, 10:20 am

kuv xav tias yog peb qeeb rau txoj kev kawm heev lawm xwb, yav tag los kuv xav tias hmoob ntshe tsuas muaj 1% thiaj tau nkag tsev kawm ntawv xwb los sov tseem puas txog thiab. yog tsi muaj kev kawm yeej tsi paub lub neej tsi paub hlub cov txom nyem.

Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on November 10th 2015, 4:08 pm

Zoo siab rau koj cov lus thiab ma brother Yuj Yeeg, hai txog kev kawm ntawv nyob rau USA no ma luag tsi muaj qhov txwv, yog yus kam tau ce yus kawm xwb qhov kawm tsi tau ce tsi kawm xwb. Kuv hos tsi paub txog lub tebchaws koj nyob e luag pua pub yus cov neeg kawm ntawv kom txog rau BA (bachelor degree) lo yog Dr. degree, tej nov ?. Tim USA ma, luag yeej tso pluav kev rau yus ntag nawb, yog yus nyiaj tsi txau lo luag muaj cov niaj loan lo yog muaj grant pab rau yus tus kheej them nqi ntawv.

Nraug Cuam
member
member

Registration date : 2011-09-25

Character Sheet
 :

Re: Uab Kaus Buas ( Uab Kaus Npuas)

Post by Nraug Cuam on November 10th 2015, 10:11 pm

Tojxeem wrote:Thov khawv.
Kuv tsis paub tias tam sim no nplog liab los tswj lub teb chaws es lawv tej nom tej tswv puas ncaj ncees puas siv hwj chim loj los quab yuam pej xeem huab hwm li yav thaum ub lawm xwb.Yav thaum ub mas tog nplog dawb tseem tswj lub teb chaws ses nom tswv yeej muaj hwj chim loj heev nawb.Tus nom thab ham luag yeej muaj nyiaj hnub nyiaj hli noj los luag tseem kee pej xeem tej qaib npua mus noj dawb noj do.Yog pej xeem tsis muaj npua rau thab ham noj es tshuav tug puav nyuag noob tsiaj cia yug xwb los lawv yeej cia li xuas phom phawv nphoov ev mus noj li lawm ntag hos.

Ziag no ua tsis tau li koj hais ko lawm os bro Tojxeem, yav thauv tos cov nom muaj cai quab yuam pej xeem los tej zaum lub teb lub chaw tseem muaj tsov rog luag yog tus thiv thaiv lub teb chaws ces thiaj muaj plhus heev xwb.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Davdub
member
member

Registration date : 2009-12-19

Re: Uab Kaus Buas ( Uab Kaus Npuas)

Post by Davdub on November 11th 2015, 4:47 pm

Yuav kom tebchaws wam meej ma nom tswv yuav tau muaj plan kho vaj kho tsev, dhiav kom noj kev hau, kev lag luam, kev nkawm ntaub kawm ntawv, kev kho mob txhua yam rau yus lub tebchaws ma thiaj li yuav muaj noj muaj hau thiab cov pej xeem thiaj li tsi txom nyem. Yog cov nom tswv twg e tseem dig muag tsi pom dab tsi ce lub tebchaws ntawd tsua muaj txom nyem including cov people.

Guessing
Guest

Video rau nej mloog

Post by Guessing on November 11th 2016, 6:46 pm


Tubzoonraug

Registration date : 2009-12-15

Re: Uab Kaus Buas ( Uab Kaus Npuas)

Post by Tubzoonraug on November 12th 2016, 11:34 am

Zoo ntau ma cov phooj ywg, yog kho tau li ca lo siv li ntawd lo tau os.. peb cov member thiab guest ce yuav tso cov sponsor pending lo yog cov advertise tawm thiab e yog nej mus pom cov duab advertise nyob rau hauv qab lo nej txhob ntshai nawb.. vim tsi muaj virus dab tsi nws yog lub domain ntawd tus tswv website li xwb e peb yog cov siv xwb ce tsi txhob poob siab os.


Sponsored content

Re: Uab Kaus Buas ( Uab Kaus Npuas)

Post by Sponsored content Today at 4:31 am

  • Post new topic
  • Reply to topic

Current date/time is December 7th 2016, 4:31 am