Tej duab no ces yog peb nco nco VP es ua kom zoo lub siab tias peb xav txog VP npaum li cas rau nws txoj kev thawj los ua Hmoob txhawb Hmoob lub neej ib zaug nyob hauv ntiaj teb no. Thov kom sawv daws hlub hlub VP thiab nws tsev neeg mog.
Davdub, kuv xav hais tias yog peb Hmoob muaj lub siab yuav pab yawg loj lub cawv xeeb thiab yuav tsum qhia cov nyiaj lawv yuav nqa tuaj mus pab yawg loj lub ntees thiab mam li noog seb cov xyom cuab puas yuav welcome nyias tus thawj coj tuaj mus hais lus hauv lub ntees tau rau yawg loj tau los tsis tau. Tab sis, hais txog ntawm lo lus split ntawm mas kuv xav tias tej zaum yog tsev neeg xyom cuab muaj lub siab loj thiab paub tau lawm tias cov yuav tuaj hais lus ntawm yuav tuaj raws lub siab hlub lawv tus vaj tiag tiag ces yuav tsum okay xwb. Tab sis, yog nyias tsuas tuaj raws nyias tus hwj chim kom nyias npe nrov es sawv daws thiaj muaj pov thawj los ua Hmoob tus thawj coj rau yav neej pem suab xwb ces kuv xav tias qhov ntawm cov neeg sab nraum yuav tsis muaj cai mus kom cov neeg xyom cuab kam lawv mus ua txij tog txij pes.
Ua lwm yam hais, yog tias peb Hmoob thoob plaws lub ntiaj teb cov nyob rau sab Meskas nqus tes hlo tias tsis pub cov neeg xyom cuab nta yawg loj lub ntees es lawv yuav tsum tuaj leg hauj lwm thiab them nuj nqis kom tiav kom sawv daws muaj feem cuam tshuam hauv peb Hmoob tus vaj tiag tiag ces sawv daws yuav tsum tuaj leeg ua cov tub mab tub qhe es khiav hauj lwm kom zoo npaum li tej laus hais dab neeg mas thiaj li yog cai. Es cov neeg xyom cuab twb yog tsev neeg hauv peb tus vaj lawm ces cia lawv tuav tej yam li kab lis kev cai xwb hos dua li lawm yam tag nrho ces yuav tsum raug Haiv Hmoob txhawb nqa tag nrho ces yeej zoo mas tam kuv xav xwb. Tab sis, lub sij hawm nov los ze zuj zus lawm ces tej zaum tsev neeg Hmoob Vaj yuav muaj lub tswv yim los mus nres tej hauj lwm txhua yam thiab qhia pej xeem Hmoob seb sawv daws txoj kev hlub yawg loj ne ho muaj npaum li cas es tej zaum yuav tsis muaj teeb meem dab tsi nyuab li cas.
Qhov kuv xam pom yawg loj lub ntees zoo kom tsim nyog nws yog peb Hmoob ib tug vaj thiab qub head commander tiag tiag mas lub sij hawm nov peb cov qub tub rog yuav tsum npaj siab txheeb lawv cov qub tub rog tuaj mus kwv cov phom yim teg sawv ntawm yawg loj lub hle mas cov neeg nov yuav tsum tsis nti li. Txhais tau tias yoov tom los yeej tsis nti li thiab muaj hloov neeg mus nres saib nws lub hleb kom kom hnub pib mus txog rau hnub sam sab kiag mas thiaj li yuav tsim nyog nws txoj kev hlub Hmoob. Txawm li cas los yuav tau ntiav cov neeg tuaj mus sawv ua tub rog ntawm nqi seb ib xuab moos twg yog them pes tsawg thiab vim qhov twg los nyiaj nyiaj xwb. Hos qhov coj nws txog lub nws lub chaw nyob rau Arlington burial qhov chaw nws yuav mus nyob lawm, kuv xav tias yuav tsum tsim nyog Nom Tswv Kav Obama siv nws cov phom loj 105mm txais tos yawg loj mas thiaj li tsim nyog. Tab sis, seb peb Haiv Hmoob puas tau them nyiaj li cas peb Hmoob yuav tsum npaj siab them nej nuj nqis ntawm kom tag mas peb thiaj li yuav ua tau raws li yawg loj lub siab yug los ua peb Hmoob ib tug cawm seej vim yawg loj lub neej yug los ua Hmoob tus txhawj coj nyob saum yaj ceeb thiab mus nyob rau nruab yeeb los nws tus ntsuj plig yuav tsum kom nyob rau yeeb yaj kiab thiab yees duab mus tag ib sim neej vim nws haiv Hmoob twb tuaj txia ua neeg Meskas tag lawm tiag tiag es peb Hmoob Meskas tsis yog Hmoob yav ntuj qub qab lawm rau lub neej pem suab.
Lawv txawj txawj ua dab neeg kom Hmoob txawj sib hlub xwb os. Vim tias lub sij hawm no yawg loj tau muab nws txoj pa los mus xaus rau thaum ob lub 30 xyoo 2011 nyob rau lub nroog Fresno ces thiaj li muaj ntau yam ua keeb kwm Hmoob tawm tuaj. Tab sis, yawg loj tsis mus lub Hmoob 18 Xeem thaum nws tau khaub thuas ces tej zaum yuav tsis muaj dab tsi ntau txog Hmoob 18 Xeem. Tab sis, lub Hmong International uas nws yeej pib los lawm ntev xyoo yog lub yawg loj cia siab thiab muab nws txoj sia los xaus rau hauv ces lawv yuav tau siv nyiaj kom ntau pab yawg loj lub cawv xeeb mas thiaj li koob pheej os. Txawm li cas los Hmoob 18 Xeem yog ib lub community loj yuav form Hmoob koj sawv daws muaj chaw ua tshoob ua kos thiab kev phooj ywg lawm yav tom ntej nrog lub ntiaj teb nyob thaj yeeb vim peb tsis siv kev tsov rog los saib Hmoob li yav tag los lawm. Lub neej nim no mus ces peb lub zog ntawm txhua lub koom haum yeej yog thov pej xeem pab thiab mam li mus thov matching fund nrog tsoom fwv seb luag puas yuav paj nyiaj rau tej koom haum non-profit muaj chaw tuav hauj lwm los pab peb Hmoob cov ntseem pw qab choj thiab tsis muaj tus hlub xwb. Kuv xav tias yawg loj lub ntees nws yeej muaj nws cov xyom cuab yog cov pom zoo tias lawv nyiam li cas rau li cas. Tab sis, qhov loj peb Hmoob yuav tsum muaj cov thawj coj tshiab nyob Meskas teb nov yuav tsum siv zog los nrhiav nyiaj txiag los txhawb yawg loj lub ntees mas thiaj li yog cai. Piv li Presindent Kennedy hais tias, "Ask not what your country can do for you; ask what you can do for your country ...." yog li nov lub sij hawm nov tsis yog GVP yuav ua tau rau nws Haiv Hmoob thaum nws lub qhov muag qi nti lawm. Yog li ntawm, tsim nyog nws Haiv Hmoob yuav tsum rua muag los ua rau nws txhua yam GVP lub siab nyiam thiab xav.
Last edited by Txawj on January 26th 2011, 9:40 am; edited 3 times in total
Muab xav li tias yog lub ntiaj teb thaum ub yawg hlob Lauj Kiab Toom tau nrog luag ua tub rog no yuav zoo li cas xwb? Nyob hauv lub zeem muag mus pom nws yog zoo li hauv daim duab nov.
Home
Muab xav li tias yog lub ntiaj teb thaum ub yawg hlob Lauj Kiab Toom tau nrog luag ua tub rog no yuav zoo li cas xwb? Nyob hauv lub zeem muag mus pom nws yog zoo li hauv daim duab nov.