• Post new topic
  • Reply to topic

Nyiag Nyiam Nws

Share

NtxhaisMoob
Moderators
Moderators

Registration date : 2010-08-25

Character Sheet
 :

Nyiag Nyiam Nws

Post by NtxhaisMoob on October 4th 2010, 12:55 pm

Koj puas tau nyiag nyiam ib tug neeg
Koj puas tau nyiag hlub ib tug neeg
Koj puas tau nyiag nco ib tug neeg

Cas hnub no kuv lam nyiag nyiam ib tug neeg
Cas hnub no kuv lam nyiag nco ib tug neeg
Cas hnub no kuv lam nyiag hlub ib tug neeg

Kuv hais tsis tau nws.....kuv hais tsis tawm
Kuv tsuas nyiag nyiam, nyiag hlub, thiab nyiag nco
Kuv txoj kev nyiag nyiam, nyiag nco, thiab nyiag hlug yuav mus ntev npaum li cas
Oh.....oh....yuav ua li cas.....
Kuv lub siab nco nco nws...kuv lub siab nyiam nyiam nws..kuv xav xav hlub nws....
Oh....oh....yuav ua li cas....


NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on October 4th 2010, 10:22 pm

Nyob zoo TubHmoob,

Zoo siab koj los nrog kuv tham ua si hauv no os. Hehehee...kuv ces laj laj nyob es lam tuaj seev ua si kom phim lawv txoj nkauj xwb...heeheee. Tab sis kuj muaj tej zaum yus lam nyiag nyiam tej tug neeg thiab.

Tsis tau nrog koj tham ntev lawm. Koj nyob li cas lawm xwb. Zoo siab ntsib koj os.

TubHmoob wrote: NtxhaisMoob,

Koj txoj music ma zoo tiag li o. Thiab koj qhov lus music los puav leej zoo kawg thiab nws rau siab kawg li tiag.

Yog koj txoj music zoo li hai tiag ma leej twg los yeej ua li ntawd lawm tiag thiab ne~ kuv los yeej ua li lawm thiab ne~ ua li koj pua tau ua li ntawd lawm thiab na?

NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on October 4th 2010, 10:23 pm

Tus neeg kuv nyiag niam nws tsis paub
Tus neeg kuv nyiag nco nws tsis pom
Tus neeg kuv nyiag hlub nws yog luag tus

Nws yog luag tus ua cas kuv lam nyiag nyiam
Nws yog luag li ua cas kuv lam nco
Nws yog lawv khub cas kuv lam xav hlub

Kuv txoj kev nyiag nyiam ces lam nyiam kom kuv lub siab kaj
Yeej paub tias yuav tsis tau nws ua tu kav tas tiam
Kuv txoj kev nyiag nco ces lam nco kom kuv lub siab nqig
Yeej paub tias yuav tsis tau nws los puag li
Kuv txoj kev hlub nws ces lam nyiag hlub hauv nruag siab xwb
Yeej paub tias yuav tsis tau nws ua leej nkawm sib hlub



Davdub
member
member

Registration date : 2009-12-19

Re: Nyiag Nyiam Nws

Post by Davdub on October 4th 2010, 10:58 pm

Ntxhaismoob, nyob zoo koj os. Yeej yog li koj hai ma, nyob tom tsev ces laj laj nyob es lam tuaj tso pas mentsi kom txhob laj nyob xwb tiag. Qhov koj piav txog u kuv lam cia li nyiam tej tus neeg ua u xav hai tias nws yuav siab zoo thiab yuav yog good heart no thiab tiag ma tab si lam xav li xwb los luag twb tsi paub u xav dab tsi li thiab ne. Koj pua tau pom lub kooj tshuab ntshuab no thiab? kub no thaum ub nyob rau Laos kuv tau caij ib zaug lawm tiag ma. Koj ma tsi tau caij vim koj tseem yau heev los yog koj yog cov tuaj yug tim nov xwb ces koj yuav tsi paub thiab ov. Kuv ma paub zoo lawm ma vim lub caij kuv pom cov dav hlau no ces kuv twb muaj 7/8 xyoo lawm ma.


Last edited by Davdub on July 2nd 2012, 3:17 pm; edited 1 time in total

NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on October 11th 2010, 9:04 pm

Nyob zoo Davdub,

Heehehe...muaj qees zaum koj kuj nyiag nyiam lwm tus neeg thiab lov? hehehee. Yog li ces tsis yog kuv ib leeg xwb yom. Ces kuv tsis tu siab rau kuv tus kheej lawm thiab ma.

Lub kooj tshuab ko kuv tsis tau pom thiab tsis tau caij li os. Vim thaum nyob Laos kuv tseem me me xwb. Kuv twb tsis tau paub dab tsi li es. Kuv nco lem loog li npau suav xwb thaum peb khiav los rau tim Thai teb xwb. Nco tau me me tias thaum peb khiav los ma peb ke los ke pw tom tej tog kev. Kuv txiv lawv ua tsev pheej suab rau peb pw. Xyov los tsawg hnub peb twb los txog Thai teb. Zoo li peb los nyob tau 4 los 5 xyoo tim Thai teb thiab ces peb mam tuaj rau tim Meka lawm xwb. Tej no ces nco li npau suav xwb. Qhia tom ntej rau tom qab xwb txhob xav li cas nawb.


Last edited by NtxhaisMoob on October 11th 2010, 9:05 pm; edited 2 times in total

NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on October 11th 2010, 9:04 pm

Nyiag hlub koj

Pom koj ib vuag
Nyiag nyiam koj tshuav tuag
Pom koj los dhau
Nyiag nyiam koj lawm puas yuav muaj hnub tau
Koj zoo tau ntxim nyiam
Kuv thiaj nyiag nyiam thiab nyiag hlub
Koj zoo tau ntxim hlub
Kuv thiaj nyiag hlub thiab nyiag nco
Xav qhia koj tsam.........koj tsis lees
Xav qhia koj tsam.........koj ntxub
Ab ya......ces kavliam xwb.....seb ntuj puas rub wb los sib tau


Davdub
member
member

Registration date : 2009-12-19

Re: Nyiag Nyiam Nws

Post by Davdub on October 11th 2010, 10:09 pm

NTxhaisMoob, koj Txoj music zoo kawg thiab koj mus drhiav tau qhov twg lo ne? lo yog koj yeej yog ib tug singer thiab o?
koj ma txawj sau paj huam kawg li thiab tiag. Kuv ces tsi paub sau ces kuv tuaj nyeem koj cov lus sau xwb.

NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on October 13th 2010, 6:18 pm

Davdub,

Ua tsaug koj pab nyiam zaj music thiab. Kuv ces muaj tej hnub tsis muaj dab tsi ua ces mus mloog nkauj ua sib. lam xav txog tej niag kev plees kev yig xwb..heheehe. Koj tsis paub los tsis ua li cas ma lov? Ua tsaug koj tseem tuaj pab nyeem os. Zoo siab ntsib koj hnub no thiab.


Davdub wrote:NTxhaisMoob, koj Txoj music zoo kawg thiab koj mus drhiav tau qhov twg lo ne? lo yog koj yeej yog ib tug singer thiab o?
koj ma txawj sau paj huam kawg li thiab tiag. Kuv ces tsi paub sau ces kuv tuaj nyeem koj cov lus sau xwb.

NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on October 13th 2010, 6:30 pm

Nyiag hlub nruab siab mob siab

Nyiag nyiam koj thawj zaug ntsib koj
Lub siab quaj dhia xav qhia koj
Los tiam no yeej paub tias yuav mus tsis tau
Nyiam npaum li cas los yuav tau cia ploj mus
Lub siab phej tseem nco tso tsis tau koj mus
Koj tus duab tseem nyob hauv kuv lub zeem muag
Twb tias tsis txhob nco txhob hlub
Los lub siab tseem mob tseem nyiag hlub thiab nyiag nco
Xav ntau zaus tias ua ib siab
Los cas tseem phej nco txog koj tas li thiab
Yuav yog thaum twg koj mam pom hauv kuv nruag siab na hmoob lawv tej neeg ntxim hlub



NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on October 14th 2010, 7:43 pm

Nyiag Nyiam Hauv Internet

Nyiag nyiam tus neeg hais lus zoo
Tsis tau pom los cia li nyiam nws
Cia li lam xav tias nws yog neeg zoo nraug thiaj zoo lus
Nyiag nco tus neeg txawj tham txawj qhuas
Hais los twg los raug siab tsheej tshaj
Cia li xav pom nws xav mus cuag
Xav pom kiag thiaj ntau tau lub siab tuag
Xav ntsib kiag thiaj ntau tau lub siab mob khib
Puas yog swm tej lus sib tham sib ntsib
Thiaj li nyiag nyiam nyiag nco tus neeg yus tsis tau ntsib thiab pom
Nws txawj tham raug siab
Thiaj nyiag nyiam thiab nco tuaj nruab siab
Yog pom kiag no ntse nws yuav ntxim siab li lub siab xav thiab
Nas yuav Hmoob lawv nyuag tus kheev tham thiab tshua



Davdub
member
member

Registration date : 2009-12-19

Re: Nyiag Nyiam Nws

Post by Davdub on October 14th 2010, 9:33 pm


Wow, NtxhaisMoob

Koj look tau music zoo kawg li os. Thiab cov men nyob tim Laos lawv muaj computer zoo tshaj peb cov nyob rau USA lawm o. Kuv saib lawv cov PC ma tseem zoo tshaj kuv lub niag old laptop lawm thiab tiag. Lawv muaj cov flat plasma screen thiab ma wow, ua rau kuv tus siab kiag vim kuv tsi muaj zoo li lawv lawm. Kuv muaj cov ua pub rau neeg luag twb tsi kam yuav.

Ntxhaismoob, koj drhiv cov music no qhov twg los ua li ca lawv yuav hus tau raug siab ua luaj li? thiab raug kiag qhov point ua kuv tseem tab tom think ntag.



NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on October 22nd 2010, 12:59 pm

Nyob zoo Davdub,

Koj nyob li cas lawm os?. Kuv tsis tau khoom lawm es kuv vam tias koj yuav noj qab nyob zoo thiab. Davdub, koj hais txog nkauj/music ces kuv mus tom youtube xwb. Hais txog nkauj zoo ces nyob ntawm tej zaj thiab nyob ntawm zaj yus nyiam xwb yom. Koj zaj nkauj los kuj zoo kawg li thiab. Tus ntxhais ko hu tau kho siab kawg li thiab.

Zoo siab tau rov tuaj saib koj ib pliag os kuv mus lawm mam li rov tuaj dua os.

Koj puas nyiam mloog cov qub nkauj no thiab. Cov qub nkauj no kuv hnov thaum kuv tseem me me xwb yog rov mloog txog no rov nco txog tej laus ua thaum yus tseem nrog lawv nyob. Lub sijhawm ntawv yus tsis tau paub tham hluas nraug ces tsis nco txog hluas nraug li...heheeh




NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on November 24th 2010, 12:36 pm

Yeej paub tias yuav tsis sib tau
Lam nyiag nco
Kom lub siab txhob ntxov
Kom lub siab nyob taus

Yeej paub tias yuav tsis muaj hnub tau ua tus hlub
Lam nyiag hlub
Kom lub siab txhob kub kub
Kom ua neej nrog luag thiaj xav sib hlub
Vim paub nws lig pom nws tom qab



Tubzoonraug

Registration date : 2009-12-15

Re: Nyiag Nyiam Nws

Post by Tubzoonraug on November 25th 2010, 10:18 am

NxhaisMoob
Koj ma txawj mus drhiav cov music no lo rau peb tau mloog. Nws hus tau zoo kawg thiab nws cov video no ma nws ua tau zoo kawg li thiab tiag. Kuv xav hai tias ua zoo li nws ua no tej zaum kuv xyaum kuv yuav ua tau thiab vim kuv saib xwb kuv paub mus looj cov tool los ua kom tau li zoo li nws li thiab haaaaaaaa tab si tsi xav copy thiab ne.

NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on January 18th 2011, 6:26 am

Nyob zoo Tubzoonraug,

Thov txim kuv mus lawm ntev
Kuv cia koj zaum nov ntev heev tos
Zam txim mog
Kuv lawm tau ob peb hli
Kuv cia koj tuaj nyob ib leeg
Koj zaj nkauj los twb zoo zoo kawg thiab
Koj los twb txawj nrhiav tau cov nkauj mloog tau kho siab zim thiab
Kuv nyiam cov nkauj qub qub koj tso nov thiab
Kuv zoo siab hnub no tau rov tuaj ua si hauv no dua
Nrog kuv mloog zaj no thiab


Tubzoora
Guest

Re: Nyiag Nyiam Nws

Post by Tubzoora on January 18th 2011, 10:50 am

NtxhaisMoob, ua tsaug rau koj tuaj lawm. Yeej yog li koj hai ma kuv yeej nyob nov ntev heev to koj kawg tab si tsi ua li ca koj twb tuaj lawm ces kuv zoo siabtshajo. ua tsaug rau koj txoj music thiab.

NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on February 28th 2011, 5:59 am

Nyob zoo Tubzoonraug,

Tubzoonraug tus me neeg zoo lus
Cas kuv nim cia koj tos kuv ntev
Ntse koj twb tos tos kuv ntev
Ntse koj tos tos lub siab lub ntsws mob tag
Ntse koj twb tu siab tag lawm pob?
Hnub no kuv twb rov tuaj lawm
Tig rov los nrog kuv ntxhi
Hnub no kuv twb rov los
Tig rov los nrog kuv tham luag nyav...hahahaha

Tubzoonraug puas tseem noj qab nyob zoo naj?
Thov txim ua ntev heev lawm tsis tau khoom tuaj nrog nej tham pem lawm os

Mloog nkauj laug hnub os Tubzoonraug

Tubzoora wrote:NtxhaisMoob, ua tsaug rau koj tuaj lawm. Yeej yog li koj hai ma kuv yeej nyob nov ntev heev to koj kawg tab si tsi ua li ca koj twb tuaj lawm ces kuv zoo siabtshajo. ua tsaug rau koj txoj music thiab.

Tubzoonraug

Registration date : 2009-12-15

Re: Nyiag Nyiam Nws

Post by Tubzoonraug on February 28th 2011, 10:10 am

Ntxhaismoob ua tsaug ntau koj cov lus thiab daim music video. Koj cov pajhuam ma ua tau rau kuv noj mov qab lo kawg thiab ua rau kuv gain weigth lawm thiab ces xyov li nawb. Kuv need kom kuv loose weight xwb os. Ua ca es tus singer ntawd yuav coj tau tej tug menyuam ntxhai tseem tsw tsws kauv menyuam mos ab mus play li ntawd ne!! ua li ca yuav ntxim mus muab aib thaub ntawd puaj ua luaj li tiag. haaaaaaaaa


NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on March 4th 2011, 4:11 pm

Nyob zoo Tubzoonraug,

Hahahaha..Yog kuv cov lus ua rau koj qab los noj mov ntse kuv yuav nquag hais heev pob yom....hahahaha
Hahaha...Tubzoonraug e lawv acting xwb ces yuav tau ua li ntawv thiaj zoo thiab phim rau lawv zaj music ma...hahaha

Vam tias koj thiab cov phoojywg yuav ntsib kev noj qab nyob zoo thiab os.

Tubzoonraug nqa zaj nkauj no tuaj mloog nrog koj




Tubzoonraug wrote:Ntxhaismoob ua tsaug ntau koj cov lus thiab daim music video. Koj cov pajhuam ma ua tau rau kuv noj mov qab lo kawg thiab ua rau kuv gain weigth lawm thiab ces xyov li nawb. Kuv need kom kuv loose weight xwb os. Ua ca es tus singer ntawd yuav coj tau tej tug menyuam ntxhai tseem tsw tsws kauv menyuam mos ab mus play li ntawd ne!! ua li ca yuav ntxim mus muab aib thaub ntawd puaj ua luaj li tiag. haaaaaaaaa

NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on March 4th 2011, 4:19 pm

Nyob zoo koj thiab os Txawj,

Txawj a! Kuv xav kom tus koj nyiag nyiam ntawv lam yog kuv ma ntse kuv yuav zoo siab tuaj sau tas zaj tas zog li os....hahahaa

Ho kuv ma nyiag nyiam ib tug neeg
Nws ma hais lus raug siab tshaj
Nrog nws tham tsawg lo ma yeej tsis txaus lub li tiag...hahaha




Txawj wrote:NtxhaisMoob,

Kuv los ib yam nkaus li os. Kuv twb nyiag nyiam ib tug neeg uas kuv sau tsawg lo lus los nws yeej teb kuv tag nrho nws lub siab xav rau kuv tej lus. Thaum zoo li ntawm lawm ces yus lub siab cia li qaug lais rau tus neeg ntawm lawm vim mus qhov twg los pheej nco ntsoov nws cov lus teb lus tag li xwb. Ntshe sim neej no yuav thim tsis tau rov qab txoj kev hlub li lawm yog sib paub ces kawg sib pom mus tag ib sim lub neej li lawm xwb.


nkaujhnubqub
member
member

Registration date : 2009-07-04

Character Sheet
 :

Re: Nyiag Nyiam Nws

Post by nkaujhnubqub on March 8th 2011, 9:46 am

hehehe, nej sib tham lom zem ua luaj li...

Kuv los twb nyiag nyiam thiab
Tus ntawv yog neeg zais siab
Kuv khuj tsis tau nws lub xeem li
Los kuj lam muaj lub siab nrog nws ntxhi
Tej zaum nws tsis nyiam kuv
Los ntshe nws lam thuv
Nws lam los teb kuv kom lom zem rau nws
Kom nws txhob raug kuv yws
Hab! Haj! Haj!
Ab yaj!
Kab liam os
Tsuav kuv hnov nws lo lus lus mos mos
Kuv lam tuaj hais tham qhia nej xwb os cov phooj ywg
Kuv twb tsis paub xyov nws yog leej twg.... Laughing





NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on March 10th 2011, 4:14 pm

Eb Txawj a!

Cas kuv tsis txawj ua zaub mov noj ne
Kheev lam kuv txawj no ntse tus koj ntshaw ntawv yuav yog kuv lawm laub...hahahaa
Hummm...tu siab ua luaj li os...cia kuv kawm ob peb hnub tso kom kuv keej ua zaub mov noj tso nawb..hahahaa


Txawj wrote:TxhaisMoob,

Kuv los xav li koj xav thiab. Kuv nyiam cov hluas nkauj nyiam zov vaj zov tsev es thaum yus mus hauj lwm lawm los thiaj xav tias nws yuav me zaub mov ncho log tos yus los noj. Thaum yus yuav los tsev ntshe nws twb maj nroog mus tu me cev laj siab ntxiag tos yus lawm. Cov neeg siab zoo li ntawm yeej muaj tsawg li os......hahahahahahahahahahaha.

NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on March 10th 2011, 4:16 pm

Nkaujhnubqub,

Es koj lam nyiag nyiam tus neeg zais siab lov?
Koj tsis ntshai poob kua muag iab lov? hahahaha...
Lam nrog koj tso dag xwb txhob xav li cas viv ncaus


nkaujhnubqub wrote:hehehe, nej sib tham lom zem ua luaj li...

Kuv los twb nyiag nyiam thiab
Tus ntawv yog neeg zais siab
Kuv khuj tsis tau nws lub xeem li
Los kuj lam muaj lub siab nrog nws ntxhi
Tej zaum nws tsis nyiam kuv
Los ntshe nws lam thuv
Nws lam los teb kuv kom lom zem rau nws
Kom nws txhob raug kuv yws
Hab! Haj! Haj!
Ab yaj!
Kab liam os
Tsuav kuv hnov nws lo lus lus mos mos
Kuv lam tuaj hais tham qhia nej xwb os cov phooj ywg
Kuv twb tsis paub xyov nws yog leej twg.... Laughing


Tubzoonraug

Registration date : 2009-12-15

Re: Nyiag Nyiam Nws

Post by Tubzoonraug on March 11th 2011, 6:50 am

Hi, Ntxhaismoob thiab kaujhnubQub,Txawj
hai txog zai siab no kuv lo kuj tsi paub txog thiab os. Kuv li kuv yeej tsi lam zai siab li os kuv xav hai tias kuv tsi muaj bad record ces tsi tag zai siab li o.


nkaujhnubqub
member
member

Registration date : 2009-07-04

Character Sheet
 :

Re: Nyiag Nyiam Nws

Post by nkaujhnubqub on March 11th 2011, 1:44 pm

Tubzoonraug wrote:Hi, Ntxhaismoob thiab kaujhnubQub,Txawj
hai txog zai siab no kuv lo kuj tsi paub txog thiab os. Kuv li kuv yeej tsi lam zai siab li os kuv xav hai tias kuv tsi muaj bad record ces tsi tag zai siab li o.
Hahahahaha, Tubzoonraug, muaj tej yam yus yuav tau zais thiab thiaj tsis muaj tawm mus ua teeb meem xwb tsis yog yus tsis ncaj siab na.




nkaujhnubqub
member
member

Registration date : 2009-07-04

Character Sheet
 :

Re: Nyiag Nyiam Nws

Post by nkaujhnubqub on March 11th 2011, 1:47 pm

Nkaujhnubqub,

Es koj lam nyiag nyiam tus neeg zais siab lov?
Koj tsis ntshai poob kua muag iab lov? hahahaha...
Lam nrog koj tso dag xwb txhob xav li cas viv ncaus



Ntxhais hmoob, kuv lam hlub nws na, kuv ntshai kawg li tab sis kuv xav tias yeej tsis muaj txog hnub yuav ua tau mob siab lub siab os, vim nws twb tsis hlub yus ne, ces yus lam nyiam cov lus nws sau xwb hehehe




nkaujhnubqub
member
member

Registration date : 2009-07-04

Character Sheet
 :

Re: Nyiag Nyiam Nws

Post by nkaujhnubqub on March 16th 2011, 2:12 pm

Lam tham ua si xwb os Txawj. Nej lom lom zem es kuv lam los nrog nej tso daj nyob nrog nej tso luag xwb na.
Txawj wrote:Nkaujhnubqub,

Cas koj yuav txawj seev paj huam tau zoo ua luaj li. Kuv xav kom tus koj hais yog kuv ntshe kuv yuav zoo siab heev li txhawm yog nyob rooj tej twg los kuv xav nrog nws tham luag ntxhi.
nkaujhnubqub wrote:hehehe, nej sib tham lom zem ua luaj li...

Kuv los twb nyiag nyiam thiab
Tus ntawv yog neeg zais siab
Kuv khuj tsis tau nws lub xeem li
Los kuj lam muaj lub siab nrog nws ntxhi
Tej zaum nws tsis nyiam kuv
Los ntshe nws lam thuv
Nws lam los teb kuv kom lom zem rau nws
Kom nws txhob raug kuv yws
Hab! Haj! Haj!
Ab yaj!
Kab liam os
Tsuav kuv hnov nws lo lus lus mos mos
Kuv lam tuaj hais tham qhia nej xwb os cov phooj ywg
Kuv twb tsis paub xyov nws yog leej twg.... Laughing





nkaujhnubqub
member
member

Registration date : 2009-07-04

Character Sheet
 :

Re: Nyiag Nyiam Nws

Post by nkaujhnubqub on March 21st 2011, 11:57 am

Ua cas nej ntshai kuv lawm los, Tim li cas es nej ho tsis tuaj sau lus rau kuv nyeem lawm ma?
yog nej tss au lawm ces kuv nkees nkees tuaj xauj li lawm ces ntshe kuv tsis tuaj lawm os...




NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on March 25th 2011, 7:43 pm

Nkaujhnubqub,

Tsis ntshai li os. Twb yog tsis muaj neeg nrog kuv tham ces kuv mus lawm kuv thiaj tsis mob siab rov tuaj lawm xwb os
Hahahahaa..wb ob lub siab xav ib yam....hahahahaha. Yog li koj hais lawm laub...hahahaa


nkaujhnubqub wrote:Ua cas nej ntshai kuv lawm los, Tim li cas es nej ho tsis tuaj sau lus rau kuv nyeem lawm ma?
yog nej tss au lawm ces kuv nkees nkees tuaj xauj li lawm ces ntshe kuv tsis tuaj lawm os...

NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on March 25th 2011, 7:45 pm

Txawj,

Lov? Txawm nws tsis txawj ua mov ua zaub noj los koj nyiam thiab no...hummm...kuv kuj zoo siab lawm thiab laiv...hahhahahaha. Kuv ma ntshai tsam koj nyiam tus txawj txawj ua zaub ua mov noj ces kvu tsis txawj ces koj cia li tsis nyiam kuv na...aahahhaahahah. Lam tuaj nrog nej tham lus tso dag xwb....txhob ntshai peb nawb...haahhaa


Txawj wrote:NtxhaisMoob,

Tus neeg kuv hais ntawm mas txawm nws tsis txawj ua zaub mov noj los kuv mam ua rau nws thiab kuv noj los kuv yeej kam. Thaum twg wb nkees noj hauv tsev los kuv mam li seev tias, "Me hlub a, mus wb mus qhob lab hnub no os..." ces kuv yuav kom nws tu cev tag ces kuv mus qhib plho wb lub tsheb sab nws zaum rau nws nkag kiag mus rau hauv tseb tag ces kuv mam li mus qhib kuv sab tsav tsheb ces wb yuav mus noj mov qab qab thiab haus me dej orange txias siab ziag zaum ob leeg es yuav hnov cov suab music nrov saum ceiling ua kho siab zim rau ob leeg mloog thaum wb cov zaub mov tab tom cho pa lug sov so ntxim noj nyooj kawg li.


Hmoob nt
Guest

paj koj kho koj li paj huam

Post by Hmoob nt on June 6th 2011, 8:55 pm

Nyiag hlub koj---------------Pom koj ib vuag
Lub siab muag---------------nyiag nyiam koj
Yuav thov soj----------------koj qab puas tau
Pom koj dhau---------------hla kuv xub ntig
Koj yim pliag----------------mus lawm dua ntais
Twb xav hais-----------------ib lo rau koj
Kuv tshais roj----------------caum raws koj qab
Ntuj puas pab---------------tau nrog koj tham
Yog koj kam------------------ntaus phooj ywg zoo
kuv thov nroo----------------ua koj tus hlub
koj puas pub-----------------ua koj tus tav
raws siab xav----------------li kuv nyiam koj
siab xav zoj-----------------tias nyiag nco tiag
koj xub ntiag---------------chaw dai kuv siab
lub ntuj tshiab--------------twb dhau lawm tag
vim koj ntag-----------------kuv thiaj li vwm
niaj hnub tshwm-----------tuaj tham seev yees
koj puas lees----------------kuv txoj kev hlub
ntawv puas rub------------wb los ua ke
es koj nes---------------------ho xav li cas
ntawm kuv mas------------pom koj zem zuag
xav rub puag----------------tsam koj ho cem
tias kuv phem---------------tsis paub ua cas
pheej xav tas----------------los xav thiab tiag
kawg mam nyiag-----------hauv nruab dab ntub
puas tau hlub---------------nyob kev npau suav
ho tau tuav------------------koj tes yuj yeev
txoj kev seev----------------li yuav ploj mus
kuv leej nus-----------------tsis paub yuav hais
koj puas txais--------------kuv ib zaug thiab
ua nplooj siab--------------nrog koj ua ke
tau nyob ze-----------------koj lawm xwb tiag./.

NtxhaisMoob
Moderators
Moderators

Registration date : 2010-08-25

Character Sheet
 :

Re: Nyiag Nyiam Nws

Post by NtxhaisMoob on June 6th 2011, 9:40 pm

Hmoob Nt

Cas koj yuav txawj sau pajhuam tau zoo kawg li os
Wow! Koj ma sau tau dho thiab ntaws kawg li

Leej nus hmoob............tus cev yiag
Txawj hais tiag...........Koj txawj pliag
Yog tau ntsib..............ntse yog hmoov zoo
Hmoov dab tsi.............Cas ho tuaj ntsib koj nov
Xav paub leejnus .........tus hais lus tus
Yog xeem twg..............nyob twg tuaj?
Sau pajhuam ntxaws........ua rau kuv xav raws
Xav txav ze...............Xav nrog koj seev pajhuam
Xav cuam tshuam...........koj puas xyeej
Kuv tsis keej.............Xav nrog koj seev zaj
Seb wb lus................puas xws wb pa
Seb koj pus...............puas tau kuv nrog koj ya
Koj nta..................yog tus kuv nyiag nyiam na.....hahaahaha

Hahaha...kuv xyaum nrog koj sau na...

nkaujhnubqub
member
member

Registration date : 2009-07-04

Character Sheet
 :

Re: Nyiag Nyiam Nws

Post by nkaujhnubqub on June 7th 2011, 1:15 am

Hmoob nt, leej nus------ koj txawj sau tiag
Kuv xav nqa kiag---------Koj tej lus zoo
Xav nrog koj nroo--------kom puv ntiaj teb
Xav nrog koj teb---------lus zoo paj huam
Nrog koj sib tshuam-------sib ntoj sib kawm

Hahahaha tsis muaj lus hais lawm e




Hmoob nt wrote:Nyiag hlub koj---------------Pom koj ib vuag
Lub siab muag---------------nyiag nyiam koj
Yuav thov soj----------------koj qab puas tau
Pom koj dhau---------------hla kuv xub ntig
Koj yim pliag----------------mus lawm dua ntais
Twb xav hais-----------------ib lo rau koj
Kuv tshais roj----------------caum raws koj qab
Ntuj puas pab---------------tau nrog koj tham
Yog koj kam------------------ntaus phooj ywg zoo
kuv thov nroo----------------ua koj tus hlub
koj puas pub-----------------ua koj tus tav
raws siab xav----------------li kuv nyiam koj
siab xav zoj-----------------tias nyiag nco tiag
koj xub ntiag---------------chaw dai kuv siab
lub ntuj tshiab--------------twb dhau lawm tag
vim koj ntag-----------------kuv thiaj li vwm
niaj hnub tshwm-----------tuaj tham seev yees
koj puas lees----------------kuv txoj kev hlub
ntawv puas rub------------wb los ua ke
es koj nes---------------------ho xav li cas
ntawm kuv mas------------pom koj zem zuag
xav rub puag----------------tsam koj ho cem
tias kuv phem---------------tsis paub ua cas
pheej xav tas----------------los xav thiab tiag
kawg mam nyiag-----------hauv nruab dab ntub
puas tau hlub---------------nyob kev npau suav
ho tau tuav------------------koj tes yuj yeev
txoj kev seev----------------li yuav ploj mus
kuv leej nus-----------------tsis paub yuav hais
koj puas txais--------------kuv ib zaug thiab
ua nplooj siab--------------nrog koj ua ke
tau nyob ze-----------------koj lawm xwb tiag./.




Sponsored content

Re: Nyiag Nyiam Nws

Post by Sponsored content Today at 9:41 am

  • Post new topic
  • Reply to topic

Current date/time is December 3rd 2016, 9:41 am