• Post new topic
  • Reply to topic

seev kev kho siab

Share

ntxawm
Guest

seev kev kho siab

Post by ntxawm on September 22nd 2009, 1:27 pm

First topic message reminder :

kho kho kuv lub siab
lam tuaj saub li yeev
rau txoj me kev dai siab
lam tuaj nrog nej seev
ib tug hlub los ib tug tseem cuaj khaum
yus ntshaw kev hlub kawg kiag ces yeej yuav ua tau txhaum

Tseem Me Me
member
member

Registration date : 2011-02-28

Character Sheet
 :

Re: seev kev kho siab

Post by Tseem Me Me on March 25th 2011, 5:45 pm

Yog los mas Nkaujhnubqub. Kuv tsis tau puag rawv ib tug thiab tsis tau muaj tug. Tsuas yog NtxhaisMoob puag kuv rau ntawm nws xwb os. Tabsi, NtxhaisMoob lam puag xwb, tejzaum nws twb tsis xav puag kuv lawm os.



bounce bounce bounce Tseem Me Me bounce bounce bounce lol!

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on April 8th 2011, 10:01 am

nws tseem puag koj rawv ne, cas txawm siv tas kev cia siab na me Tseem Me Me es, ua zoo rub nws lub me siab ntev os mog, ntxhais hmoob yeej yuav tswm tuaj hlub nws puag nws xwb os mog. queen




nkaujntses
member
member

Registration date : 2010-01-04

Re: seev kev kho siab

Post by nkaujntses on April 13th 2011, 12:55 am

Nyob zoo Tseem Me Me thiab nkaujhnubqub nrog rau txhua tus me phooj ywg.
Kuv tuaj txog hauv no hnov nkauj zoo mloog cas kho siab zim xwb os lawv...


Cas kho kuv siab ua luaj
Tawm tuaj los tsis muaj neeg
Yuav hais lus deeg kuv siab li koj
Koj mus dhau toj kuv siab thiaj hnov nco
Tseem xav raws koj hlo los twb lig lawm os
Kuv niaj hnub nyob tos tsis pom koj los li os me neeg siab zoo e...

nkaujntses
member
member

Registration date : 2010-01-04

Re: seev kev kho siab

Post by nkaujntses on April 14th 2011, 11:55 am

cas hnub no tsis muaj neeg tuaj nrog kuv seev paj huam li nev..!!!!

NtxhaisMoob
Moderators
Moderators

Registration date : 2010-08-25

Character Sheet
 :

Re: seev kev kho siab

Post by NtxhaisMoob on April 25th 2011, 7:22 pm

Nyob zoo Tubzoonraug, Nkaujhnubqub, Tseem me me, Txawj, Pajtshiab, thiab Ntxawm,

Nej kho siab es kho li cas
Kuv kho siab ces zoo li zaj nkauj no xwb tiag...hahahahahahaa


Tseem Me Me
member
member

Registration date : 2011-02-28

Character Sheet
 :

Re: seev kev kho siab

Post by Tseem Me Me on April 26th 2011, 12:16 pm

Tuag Kiag Los Zam Txim Tsis Tau

Tsis muaj ib yam dabtsi yuav khuv xim baum txoj kev hlub kuv muaj pub rau koj

Txoj kev hlub muab tag nrho rau koj ib leeg xwb

Koj twb cog lus rau kuv hnub kuv swb kuv lub cev nraug xwb rau koj

Mus kom txog hnub xaus koj haistias koj yuav hlub kuv

Yam lub hnub luv luv los txoj hnub no koj saib wb txoj kev hlub tsis muaj nqi

Cas koj lub siab dub tsaus nti?

Koj ncaim kuv mus tsis hais good bye yam li wb tsis tau sib paub dua los

Tsis txhob mus twj ywm li kos mas?

Maj mam es tig tuaj saib kuv ib muag ua ntej koj ncaim os yom leej muam?

Kuv yuav muab koj lub ntsejmuag zwm cia hauv kuv nruab plawv

Txoj kev hlub ntawm wb cia muab log rau hauv kuv nruab siab kom mus tag tiam



bounce bounce bounce Tseem Me Me bounce bounce bounce lol!

NtxhaisMoob
Moderators
Moderators

Registration date : 2010-08-25

Character Sheet
 :

Re: seev kev kho siab

Post by NtxhaisMoob on May 10th 2011, 8:27 am

Vim dab tsi kuv thiaj kho siab
NTse yog vim nco nej ho kuv thiaj kho siab
Kho nej kho siab es kho li cas
Kho kuv siab ces xav tuaj cuag nej ntag ma
Tuaj pom nej ib pliag lub siab kaj lias

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on May 10th 2011, 9:41 am

kho kuv siab ces kho li no
Hauv kuv siab muab nws nco
Kho kuv siab ces kho tiag tiag
Hauv kuv siab phej nco nws lo lus npliag

Kho koj siab ho kho li cas thiab
Kho kuv siab ces yog muaj kev hlub nyob nruab siab
Kho kuv siab ces yog nco koj xwb tiag
Kho kuv siab ces tsuas yog xav puag rawv koj lo lus tiag




Pajtshiab
Moderators
Moderators

Registration date : 2010-03-12

Re: seev kev kho siab

Post by Pajtshiab on May 19th 2011, 2:17 pm

Kuv ces tsis xav seev txog kev kho siab lawm
Vim yog seev ces kawg kua muag yuav tawm
Thiaj tsis xav seev kev kho siab li
Vim tsis xav ua ibtug neeg chis

Kev kho siab ces tsis xav seev
Yog seev yuav ua rau kuamuag teev
Vim li thiaj tsis xav seev kev kho siab
Cia txhob seev lub siab thiaj li yuav kiab

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on June 7th 2011, 12:30 am

Nyob zoo paj tshiab, thiab NtxhaisMoob, nrog rau Tseem meme thiab ntxawm, kuv ces tsis paub seev li lawm thiab os, kuv tuaj hais nyob zoo rau nej xwb os.




Davdub
member
member

Registration date : 2009-12-19

Re: seev kev kho siab

Post by Davdub on June 18th 2014, 6:11 pm

Nkauj Hnub qub aw, Ntxawm ces tsi paub nws pua tuaj lawm os. Zoo li lawv lam tuaj ua sib ib nyuab pliag xwb lawv tsi tuaj lawm os.

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 28th 2014, 2:13 am

Me ntxhais hmoob aw koj zaj nkauj mas txawj qhia kev kho siab kawg li os
Ua tsaug nawb




nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 28th 2014, 2:35 am

Nyob ib leeg kho siab khuav li
Tam tus puav pw dai taw
Tsis muaj chaw xws li luag
Poob kua muag nyob ib leeg
Siab hnov deeg hnov kev nco
Nyob txhua hmo tseem nyob tos
Tus hlub los thiab nws tuaj
Thiab suab quaj nco tsis tso
Yog koj no puas tos lawm
Cas sij hawm yuav tsis zoo
Tsis muaj hmoo nyob tiam no
Thiaj tau nco ua mob siab
Daim nplooj iab mas ntxim qab
Yog nkag plab ntshe yuav ncaim
Lub hli qaim yuav tsis pom
Daim nplooj lom yuav ua ploj
Vim nco koj thiaj xav yuam
Nplooj siab khuam ib nta ntuj
Tus me ntsuj ntshe ya mus lawm
Koj puas nrhiav cawm nws kom ciaj
Ua nruj nriaj txoj kev hlub mob
Ua raug chob tsis muaj tus pom




Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 28th 2014, 2:52 am

Leej muam cas nim yuav seev tau kho siab zim xwb os yom, tos 3 cov txiv neej nco nej ua luaj li los nej yeej txawj seev deev 3 siab qaug laim li lawm xwb nev hehehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 28th 2014, 3:32 am

Lam xyaum sau seb puas txawj li koj no na tijlaug tab sis tsis muaj lus ntau ces sau tau me me paiv paiv taub xwb os ua tsaug koj li lus qhua txog nawb




Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 28th 2014, 3:38 am

Zoo kawg li lawm mas leej muam aw, khoom no kav tsij tuaj sau, tuaj seev pub 3 mloog thiaj tsis laj nyob nawb lov!







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 28th 2014, 4:44 am

aws, cia khoom tso ov




Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 28th 2014, 4:59 am

Aws, ua li os nco ntsoov rov tuaj nawb.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 28th 2014, 5:38 am

Txoj kev hlub tseem khaws

Xav pom lub tsev nyiaj tsev kub
Yog ntuj txheej ntej thaum ub
Muaj kuv nrog koj nyob ua ke
Koom nyob ib lub qua tse

Txoj kev hlub loj tshaj lub ntuj
Wb txoj kev hlub yeej tsis tau tsuj
Txoj kev nrhiav thiaj nyob nraim
Tseem niaj hmo saib wb lub hli qaim

Txhua lub caij nyoog kuv tseem tos
Xav ntsoov koj yuav tig rov los
Kuv xav ntsoov tias koj tseem tshua
Kuv tseem puag rawv koj tus ntxhiab tsis tau dua






Last edited by nkaujhnubqub on July 28th 2014, 5:54 am; edited 2 times in total




Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 28th 2014, 5:42 am

Wow, koj ua tau daim pag ntawv haib kawg yom Nkaujhnubqub cheerscheerscheers







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 28th 2014, 5:45 am

lam xyaum sau thiab kho duab na has hehehe





Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 28th 2014, 5:47 am

Zoo kawg li lawm os Nkaujhnubqub, yog nyob ze mas yuav kom koj qhia kuv tiag hehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 28th 2014, 5:50 am

Kuv ces copy los ntxiv kho rau xwb na tijlaug a, koj xav paub ces tijlaug tubzoonraug txawj mas




Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 28th 2014, 6:06 am

Hahaha cov niag npwb zoo li kuv no mas ceeb laj follow up tau os leej muam, yog tias muaj kiag 1 tug zaum caws vos ntawv qhia tias ua no, ua no no mas nyaj khws ntag hehehehehe.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 28th 2014, 6:12 am

tijlaug lawv muaj lub site qhia html na koj nug tijlaug Tubzoonraug nws kam qhia mas nws siab zoo heev li na

kawm ces tau kawg mas, nrog nej tham hauv no hnub no kuv tsis nco qab nyuaj siab li lawm sub laiv...




Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 28th 2014, 6:20 am

Ua li mas Nkaujhnub, cia kuv mam kom bro Tubzoonraug qhia os, Ua tsaug ntau nawb.

Hahaha leej muam, puas npaum ntawv lov??? yog li ces txhob mus ntev ntev li yav tag lawm nawb, nco ntsoov thaum twg free ces tuaj nrog 3 tham pem ua si kill time ntawm no os.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 28th 2014, 6:22 am

aws pw zoo koj os kuv yuav tuaj kawm ntawv niaj hnub os tijlaug a, koj kav tsij tuaj ib hnub qhia ib kab txawv ces ntau hnub mus kuv txawj lawm mas




Tubzoonraug

Registration date : 2009-12-15

Re: seev kev kho siab

Post by Tubzoonraug on July 28th 2014, 1:54 pm

Kawm ntawv hom dabtsi? Yog ntawv hmoob ma kuv yewj kawm tsimuaj kaws yog english ma kuv los yuav paubtsizoo kuv li mu muab hauv online rau nej xwb laud.


nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 29th 2014, 4:32 am

Nraugcuam wb hais yog kawm cov language HTML li kuv tso saum toj ntawv xwb na




nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 29th 2014, 5:45 am


Nyob ib leeg-------- yeej kho siab tiag
Me nkauj Nyiag --------koj dua twg lawm
Cas kuv tawm---------- tsis pom nej li
Ua dab tsi puas-------- nco tau kuv

Kuv twb thuv------------- tuaj tos nej lawm
Cas sij hawm------------- tsis zoo pes tsawg
Cov kuv ncawg----------- nej mus twg tas
Tsis pom ras---------------nyob qhov twg li

Tuaj peb ntxhi-----------hais lus luag nyav
Tuaj peb cav------------sau paj huam hmoob
Kawm cog noob-------seb puas tuaj taus
Seb me kaus-----------puas nthaw npoo av

Tuaj peb xav----------nrhiav tswv yim kawm
Tej sij hawm----------muaj tsawg kawg laiv
Peb hmoob haiv----tsawg zuj zus tiag
Yuav koom liag------txoj kev sib coj

Los caij nkoj---------tham luj loos os
Kuv tuaj tos---------nej ib tag kis
Ib me ntsis----------kuv yuav rov qab
Nyob peb sab------ntuj twb tsaus ntais

Ntshe tsis hais----yog nej tsis tuaj
Yuav tsis muaj----tus tawm los teb
Ces kuv feb-------nej mam lom zem
Mam tauv pem--- pub kuv thiab os

Nej tsis los-------ces kuv mus lawm
Cia mam kawm----thiab nrog nej tham
Rau lwm yam ------lwm lub hnub dua
Kuv hmov tshua---nej nawb phooj ywg



Last edited by nkaujhnubqub on July 30th 2014, 12:35 am; edited 1 time in total




Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 29th 2014, 7:27 pm

Nyob zoo leej muam Nkaujhnubqub & Bro Tubzoonraug,

Nkaujhnubqub, tau 2 hnub no kiag xwb koj tsis dog dig kiag li lawm nawb yom, tshaj lij tiag tiag li lauj koj na, yog nyob ze mas kuv yuav muab koj nqa paj paws li tus mos ab tiag cheerscheerscheers







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Tubzoonraug

Registration date : 2009-12-15

Re: seev kev kho siab

Post by Tubzoonraug on July 29th 2014, 9:01 pm

Kwv Nraug Cuam, Nkaujhnub yeej tshaj lij ma. Nws kuj ua tau table ntau yam zoo nkauj kawg thiab sau lus sib dho zoo kawg kiag li os.


Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 29th 2014, 9:36 pm

Yog mas bro, nws mas tshaj li kawg nkaus li tiag, tsim nyog yog 3 tus niam Nkaujhnubqub nyob puag saum ntuj ntsuab tuaj lawm tiag, nws mas xyaum tau zoo heev li os bro, pab nws tus hlub zoo siab tshaj plaws ua tau 1 tug zoo niam tsev lawm, lub neej yuav nyob kaj siab lug tsis nco ntshaw leej twg ntxiv lawm lauj.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Tubzoonraug

Registration date : 2009-12-15

Re: seev kev kho siab

Post by Tubzoonraug on July 29th 2014, 10:19 pm

Yog lawm ma brother, Nkaujhnubqub ces yog ib tug ntxhai zoo tshaj plaws ma, NkaujHnubqub nyob qhov nov ma.,


Thov Khawv

Registration date : 2014-05-20

Character Sheet
 :

Re: seev kev kho siab

Post by Thov Khawv on July 29th 2014, 11:12 pm

I (ais) Tsis Khoom Tuaj



Nyob zoo os ------------leej kwv leej muam
kwv Nraug Cuam---------thiab nkaujhnubqub
hmoob tej hlub-----------tus mos dawb paug
Tubzoonraug------------------los kuj ib yam


Nej sib tham---------txog qhov twg lawm
tham txij nkawm-------------los yog kev hlub?
tej lus qhub--------------lus qhuab lus ntuas?
tham tej hluas---------------los yog tej laus?



Nyob tsis taus-----------I thiaj tuaj dua
vim tias tshua------------nco nej los mas
tab sis cas---------------I tsis tshua khoom
khaws kos poom--------txhua hnub txhua hmo



Tsis tau so---------thiab tau dab ntub
txoj kev hlub-------------los I tsis muaj
chim ua luaj----------ntshe mus dhia tsev
mus ev ntsev-----------xwb yuav zoo dua



Cas lam ua----------ib tiam neeg xwb
tsis muaj hlwb-----------tswv yim tsis zoo
tsis muaj hmoo-------hluas nkauj tsis nyiam
pheej raug hiam---------tias tsis zoo nraug



Tej nkauj laug-------luag twb tsis ntsia
ntxawm o txia-------------los twb tsis yuav
ces dhuav dhuav-------thiaj niaj hnub nroo
muaj phom zoo--------------los tsis tau tua




Tsis xav ua-----------neeg nyob ntxiv lawm
xav maj rawm---------mus thawj dua thiab
seb tiam tshiab---------- I puas zoo nraug
puas dawb paug-----------cau pliaj du dais



Seb hmoob ntxhais-----luag puas yuav nyiam
txhob xiam tiam-------------zoo li tiam no
raug luag nto--------tias neeg vuab tsuab
niag neeg xuab-----dub tawv plab zais...no os

cov brothers aw!!!!


Thov Khawv

Registration date : 2014-05-20

Character Sheet
 :

Re: seev kev kho siab

Post by Thov Khawv on July 29th 2014, 11:30 pm

Very HappyVery HappyVery HappyVery Happy

Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 30th 2014, 12:26 am

Wow wow cheerscheerscheershais tau raug siab kawg li, phim kuv kawg nawb bro hahahahaha







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 30th 2014, 12:33 am

*Tas Lauv Vwm wrote:Very HappyVery HappyVery HappyVery Happy
Oh!! Ib pliag mam los rau nej nyeem nawb
koj twb tshaj lij kawg thiab sav tijlaug nraug taslauv a....




Thov Khawv

Registration date : 2014-05-20

Character Sheet
 :

Re: seev kev kho siab

Post by Thov Khawv on July 30th 2014, 1:00 am

Kuv twb tsis txawj os nkaujhnubqub, pom neb sau ces lam sau xwb. Anyway, ua tsaug ntau rau bro Nraug Cuam neb os.

Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 30th 2014, 1:09 am

Yug Los Xiam Tiam

Kuv Nraug cuam----------los kuj 1 yam
Muaj qee tsam----------twb xav dai tuag
Vim neeg pluag----------tsis muaj li lawv
Twb npaj sawv----------mus tuag ntau zaus

Khawb qhov faus----------los lawm ntau thib
Vim tsis ntsib----------tus hlub li xav
Qee zaum cav----------txaus luag kawg thiab
Muab kaub ciab(ກໍ້ເຈ້ຍ)----------los dai caj dab

Dhia toj ntxhab----------dhia dej dhia tsua
Kom tuag ua----------1 pas me av
Muab nws xav----------los kuj khuv xim
Thiaj li thim----------tsis kam dai tuag

Lub neej pluag----------xwb tseem tsis txaus
Ua nraug laus----------tsis muaj tus hlub
Me ab tub----------los kuj tsis muaj
Haj tseem xuaj----------tsis tshua meej pem

Txoj hmoov phem----------tseem tsis zoo nraug
Cas tub qaug----------neeg tshaj plaws li
Siab quaj dhi----------di ncauj chom cees
Txoj kev plees----------los kuj tsis ntsib

Cas yuav khib----------kuv ua luaj no
Kuv xav npo----------pa kom tuag kiag
Kom txoj niag----------siav tu nrho mus
Kom lwm tus---------txhob tau cem ntxiv

Neeg xiam civ(ເສຍຈິດ)----------puas hlwb li kuv
Neeg tsis puv----------tsis tees ib puas(100)
Luag tej tsuas----------xav kom yus tuag
Niag neeg pluag----------tsis muaj phooj ywg

Mus txog twg-----------los luag tsis hu
Me plaj plhu----------dub cuag cav taws
Tseem awb thaws----------tsis txawj tsis ntse
Tej vaj tse----------zoo li nkuaj qaib

Txaj qaib laib----------rau tej phooj ywg
Tseem kwv ntswg----------cuag txiv thais Luj
Yus tej muj----------ua neej nce qib
Txaj muag ntsib----------tej qub kiav roj

Xav tuag ploj----------mus ua am maub
Yam tus aub----------luag xuas qws phob
Tsis zoo nyob----------vim pawv tus hlub
Yog lwm hnub----------kuv no tuag mus

Puas muaj tus----------tuaj zov ntaus yoov
Dai nraum zoov----------vim tsis muaj ntxhais
Thaum ncaim pais-----------txog dawm kub nyhoo
Me khau noog----------los tsis muaj rau

Thaum ncaim dhau----------txog toj kub nyhiab
Tu lub siab----------tsis muaj nees caij
Me nees txaij-----------nees nraug tsis muaj
Vim yus xuaj-----------yug los xiam tiam

Me poj niam-----------tub se los pawv
Ntuj yuas lawv----------tu siab kawg nkaus
Ua nraug laus----------kom txog hnub tuag
Vim ntawv ntuag----------yug los xiam tiam

Mam thov niam----------thov txiv yug dua
Mam los ua-----------hmoob tus phaj ej
Nyob hauv nej----------txhua tus lub siab
Mam thawj thiab----------los ua huab tais

Kav tej ntxhais-----------zoo nkauj ntxim hlub
Kom tsawg lub----------los yog kuv li
Thiaj tsim nqi----------yug los ua hmoob
Seb lub koob----------puas nrov ncha ntws
Lub siab ntsws thiaj li yuav kaj os lawv aw!!!!!.

Hehehehe

Ua tsaug.



Last edited by Nraug Cuam on July 30th 2014, 1:48 am; edited 1 time in total







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 30th 2014, 1:37 am

Lossib koom sib txhawb

Nyob zoo txog---------------------------------Tas lauv Vwm
Koj tuaj tshwm---------------------------------ces txav zog los
Txhob mluas mlos------------------------------cev ncauj tuaj seb
Los nrog peb------------------------------------koom kawm sau lus

Ua kev mus-------------------------------------sib cog paj huam
Nrog me muam---------------------------------sib nrhiav tswv yim
Seb puas dim-----------------------------------txoj kev raum qauj
Seb kab npauj----------------------------------puas txawj nthuav tis

Yuav ya lis--------------------------------------thiab yuav ya zoj
Mus nrhiav noj---------------------------------thoob qab ntuj no
Nrhiav chaw so---------------------------------seb puas tau thiab
Kev kho siab------------------------------------seb puas tu nho

Nyob hauv no-----------------------------------Tijlaug NraugCuam wb
Lam khib dwb-----------------------------------xyaum sau paj huam
Kawwm sib tshua-------------------------------cov lus hmoob dawb
Wb tsuas xawb----------------------------------kev sib cog kawm

Coj los cawm------------------------------------peb hmoob li lus
Koj phej mus------------------------------------tsis khoom tuaj ntau
Koj tsis tau--------------------------------------sau ntau no ces
Tuaj tuav tes------------------------------------peb mam sib faib

Cov nqaij qaib----------------------------------ua hau tau noj
Pev sib coj--------------------------------------txoj kev phooj ywg
Mus txog twg-----------------------------------los sib pab txhawb
Ntxuav kua nkhawb----------------------------kom ru tsev huv

Nej thiab kuv-----------------------------------mam sib poog nyob
Txoj kev nphob---------------------------------tsis pub muaj li
Kom luag ntxhi---------------------------------li cov paj tawg
Los sib ncawg----------------------------------txhob xav yuam kev

Peb vaj tsev------------------------------------thiaj tshiab taus
Txawm peb laus--------------------------------nyias muaj nyias neej
Los txhob xyeej--------------------------------lo lus zoo tawm
Los peb kawm----------------------------------siv hmoob tus ntawv

Kom txhob pawv-------------------------------thiaj sib txheeb mus
Peb tej lus--------------------------------------thiaj li nyob mog
Tsis txhob npog--------------------------------hmoob lus zoo heev
Sawv los seev----------------------------------ua ib pawg yom

Luag tuaj pom---------------------------------luag yuav qhua tias
Hmoob tej yias--------------------------------kuj muaj mov qab
Kuj luaj npab----------------------------------lauj nas los pab
Muab tes xyab---------------------------------hlo mus txais lawv

Ces dej cawv----------------------------------sib koom noj haus
Txob sib ntaus--------------------------------nyob sib sib hlub
Ces ntuj kub----------------------------------los peb sib nkaum
Li khauj kaum--------------------------------nkaum pob zeb dej

Luag lwm tej-------------------------------yuav ua tsis tau phem
Ces kev cem---------------------------------luagtsis hais lawm
Thiaj tsis tawm------------------------------txoj me kev chim
Thiaj yuav dim------------------------------qhov ntxhov siab yom........

lam sau ua si li no no xwb lauj ntshe nej laj nyeem lawm os




nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 30th 2014, 1:40 am

hahaha neb mas txawj sau lus mob plab tag npaum li os




nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 30th 2014, 1:53 am

Lus txhawb siab

Ua leej tib neeg---- nyob rau qab ntuj
Yeej raug tsuj------ mas ob me tijlaug
Yus txawm qaug----los yus muaj hmoo
Yus rov loos---------sawv li tsee xwb

Txhob puas hlwb----vim tib neeg zoo
Yuav sawb loos------maj mam peem tiag
Ib hnub kiag----------koj mus ib ruam
Ob nyuag xyuam-----Ib pliag ntshis xwb

Lauj kaub twb--------muaj mov txaus noj
Kuv thiab koj---------tau rub siab ntev
Cov me ntsev---------yeej qab tshuaj khib
Luag txawm tib------los tsis txhob txhawj

Maj mam dawj-------pob zeb tsua loj
Yeej tau noj----------li lwm leej thiab
Txhob ua siab--------deb mas nkawv a
Me kwm ha-----------muaj ntuj tsim tiag

Roob sawvliag---------sawv ua ntshua niab
Kev kho siab------------muaj txhua tus li
Luag li ntxhi------------tuaj nruab plawv nawb
Es yuab xawb-----------lub me tshuaj qab zib

Coj los pib---------------kawm kev ua neej
Ib hnub yeej------------muaj vam ntws lug
Kev muaj tug-----------yeej yuav muaj tau
Mob siab rau------------ces yus yuav yeej

xwb tiag me zoo phooj ywg e....




Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 30th 2014, 1:55 am

Nkaujhnubqub, wb 2 nyuag kas mub no ces sau yam zoo tsim txiaj luag tej qhuas, ho tsis txawj, hos sau yam niag lem lem ntxim ntxub tsawv no ces ho sau tau no tiag hehehehehe

Wow wow wow cheerscheerscheersnyuam qhuav tau 2 hnub no kiag xwb koj tsis dog dig kawg lawm nawb leej muam, yog ntev mus thiab mas wb kawg tau kawm ntawm koj lauj Nkaujhnubqub, koj mas tshaj lij sai kawg nawb yom cheerscheerscheers xyaum tau zoo thiab sai kawg li.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 30th 2014, 2:24 am

Txhob hais li koj ma tijlaug NraugCuam a,
Luag twb tias saib hauv siab hauv plawv
Es tsis txhob mus saib nraum daim tawv no ne
Kuv pom nej hauv plawv hauv siab
Nej yeej txawj nruab thiab thiab kev kawm yeej txawj heev
kuv thiaj tawm los nrog nej seev ua kev lom zem thiab.... koj saib ma, koj tsuas yog ib tus tib neeg tsis khav theeb kiag xwb os, thaum koj& taslauv neb ua tiag tuaj ces kuv tswv yim twb yuav ploj mus mas, neb kav tsij tuaj coj kuv thiab es seb kuv puas caum tau neb mas lov
Kuv nyiam txoj kev sib pab sib txhawb os...Txoj kev sau paj huam yog ib txoj kev,...rau kuv .... zoo li free ua me noog ya mus puv ntiaj teb.... kev to tog kev kawm nthuav tis ya xwb na....
Neb pab txhawb kuv lawm es kuv zoo siab os nawb

Kuv kawm tau lo lus lawv qhia tias, yam yus txawj txhob muab rhuav, tiam si yus tsis txhob thuam yus tus kheej no na.




nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 30th 2014, 2:38 am

Cas es ob hnub no, kuv tuaj sau tau me me lawm thiab tab sis ntshe yog muaj neb pab txhawb kuv lub siab es cia li ua rau kuv sau tau tej yam ua kuv nco tsis tau tawm los lawm, yog li ntawv, neb kuj nrog kuv sib cog kawm sau nawb. Zoo siab heev tias kuv paub sau me me lawm os

Ntshe twb yog koj txawj cuab suab
Kuv thiaj puab tau zoo heev lawm
Muaj koj tawm kuv thiaj pom deb
Koj txhob feb nyob qhia kuv ntxiv

Txoj kev piv seb puastxawj tuaj
Kom thiaj muaj kev zoo taug
Daim teb laug ces yeej muaj ntoo
Peb mam nroo li kevluaj teb

Mam sib teb kom sib paub lawm
Mam sib kawm ces yeej txawj os
Neb lam tos me muam Nkaujhnubqub thiab
Nws me siab nyhav me me tiag

Los rub kiag neb siab los tos nawb... SmileSmileSmile




Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 30th 2014, 2:51 am

Hahahaha leej muam Nkaujhnubqub, thov txim ntau nawb yog hais tau lo puav tsis tshua zoo mloog los sis siab zog lawm, qhov tiag kuv lam tso dag 6 koj kom lom zem xwb os leej muam.

Hais txog kev sau Paj Huam ces wb los yeej tsis txawj li thiab os leej muam, tsuas yog lam sau ua si ua kev lom zem laug caij nyoog xwb os. Yog khoom no kav tsij tuaj nrog Tas Lauv Vwm wb sau sib teb lom zem ua si laug caij laug nyoog mog, txawm txawj li cas los siv li ntawv, tej no yog kev kawm, kev lom zem ua si xwb. Wb ces muab hais los yeej tsis txawj kiag li thiab nawb, yog sau ua si li 3 sau no mas kuj lias lam sau sau thiab, hos yog yuav sau rau public los sis ua lag luam tej mas tseem tshuav deb heev os leej muam.

Li cas los thov ua tsaug ntau 6 koj tej lus qhuas txhawb dej siab, koj lub time thiab tseem interesting txog cov paj huam no, 1 yam ntxiv ua tsaug uas koj tseem muab wb saib 6 lub chaw sam xeeb thiab.

Thov qhuas koj ua muam tus peev xwm, tsis yog lam hais, koj yeej xyaum taug qab tau zoo thiab sai tiag tiag, tsawg tus neeg thiaj xyaum tau ceev li koj, thov qhuas tiag nawb.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 30th 2014, 2:53 am

Tubzoonraug wrote:Yog lawm ma brother, Nkaujhnubqub ces yog ib tug ntxhai zoo tshaj plaws ma, NkaujHnubqub nyob qhov nov ma.,

Nkaujhnubqub twb mus ntev lawm tsis txawj lawm os tijlaug Tubzoonraug, mam rov tuaj kawm koj cov table xwb ho kawm tijlaug nraugcuam thiab tijlaug tas lauv nkawv li lus hehehe ces yuav txawj tiag li lauj!!! bouncebouncebouncesunnysunnysunny




nkaujhnubqub
member
member

Registration date : 2009-07-04

Character Sheet
 :

Re: seev kev kho siab

Post by nkaujhnubqub on July 30th 2014, 2:59 am

Nraug Cuam wrote:Hahahaha leej muam Nkaujhnubqub, thov txim ntau nawb yog hais tau lo puav tsis tshua zoo mloog los sis siab zog lawm, qhov tiag kuv lam tso dag 6 koj kom lom zem xwb os leej muam.

Hais txog kev sau Paj Huam ces wb los yeej tsis txawj li thiab os leej muam, tsuas yog lam sau ua si ua kev lom zem laug caij nyoog xwb os. Yog khoom no kav tsij tuaj nrog Tas Lauv Vwm wb sau sib teb lom zem ua si laug caij laug nyoog mog, txawm txawj li cas los siv li ntawv, tej no yog kev kawm, kev lom zem ua si xwb. Wb ces muab hais los yeej tsis txawj kiag li thiab nawb, yog sau ua si li 3 sau no mas kuj lias lam sau sau thiab, hos yog yuav sau rau public los sis ua lag luam tej mas tseem tshuav deb heev os leej muam.

Li cas los thov ua tsaug ntau 6 koj tej lus qhuas txhawb dej siab, koj lub time thiab tseem interesting txog cov paj huam no, 1 yam ntxiv ua tsaug uas koj tseem muab wb saib 6 lub chaw sam xeeb thiab.

Thov qhuas koj ua muam tus peev xwm, tsis yog lam hais, koj yeej xyaum taug qab tau zoo thiab sai tiag tiag, tsawg tus neeg thiaj xyaum tau ceev li koj, thov qhuas tiag nawb.

Ntawm kuv tsis muaj ab tsi li os, kuv tsis pom txim nyob qhov twg es, ua tib neeg nyob ces, ham tsi yuav kawm tas zog thiaj paub ntau mus xwb, yog hnub twg tsis kawm lawm ces hnov qab zuj zus lawm xwb tiaj, ntawmm kuv tus kheej yeej accept txhua lo lus txhua txoj hauv kev lom zem li ces koj tsis txhob xav li cas os nawb, kuv los nyiam khib dwb laug caij nyoog kawg thiab os, thiaj hais tau siab thiab qis los nej yuav tau zam txim thiab hov...kuv twb tsis txawj es kuv hais tsis muaj lub tsis muaj log es nej paub tsis tas los ho mam rov nug kuv mam explain kom sawv daws to taub na nawb tijlaug nraugcuam a




Nraug Cuam
member
member

Registration date : 2011-09-25

Character Sheet
 :

Re: seev kev kho siab

Post by Nraug Cuam on July 30th 2014, 3:09 am

Kev sau paj huam, kuv ntseeg tias koj yeej paub thiab txawj lawm, tab sis lam muab tham tso tseg 6 ntawm nov kom lwm tus uas ho tsis tau paub tsis tau sau dua tuaj pom los ho paub xyaum sau taug qab raws nws tus qauv.

Kev sau Paj Huam mas yus yuav xaiv yuav hais lo lus twg los yeej tau, tsuav kom lub tsiab lus txhob tu, txhob out off the topic(meaning) xwb, thiab kom cov lus sib dhos mus zoo zoo xwb, thaum lwm tus nyeem thiaj nkag siab thiaj thiaj nyeem tau npliag lias zoo. Muab hais los nws muaj tus qauv li nov, 1 kab(line/row) yuav tsum muaj 7 los lus, thiab faib 2 phab (colum) xws li sab/phab laug thiab xis, sab lauj muaj 3 lo lus, sab xis muaj 4 lo xwb.


Ex: 1 2 3------------4 5 6 7
7 9 10-----------11 12 13 14
15 16 17-------------18 19 20 21

Nco koj heev----------nawb me nplooj siab
Kua muag iab----------ntws sis tawm los
Vim yog tos----------koj los lawm ntev
Yam txoj kev----------kuv taug du lug
Cev ntaj ntsug----------qaug lawm zuj zus
Me leej nus----------koj puas tseem nco
Ncaim tav no----------ntshe koj tsis hlub
...Etc...


Nco ntsoov sau kom lo lus tus vowel thib 7 ntawv dhos los thib 10, los 14 dhos 17, ...etc . Yog yus sau 1 row twg tshaj 7 lo lawm los tsis zoo nyeem, luv(qis) tshaj 7 los lus lawm los tsis tshua zoo nyeem, except kab kawg nkaus thaum yus tsum/xaus.

Ua tsaug.







Mam Tos Hlub Koj Lwm Tiam Mog Nkauj Hmoob Tus Ntxim Hlub.

Sponsored content

Re: seev kev kho siab

Post by Sponsored content Today at 9:39 am

  • Post new topic
  • Reply to topic

Current date/time is December 3rd 2016, 9:39 am