"Tsis Pom Los Hlub"

    Share

    sengpor

    Registration date : 2016-03-15

    "Tsis Pom Los Hlub"

    Post by sengpor on March 21st 2018, 11:38 am

    "Tsis Pom Los Hlub"

    Muaj ib hnub kuv tuaj ua si
    Tsaus ntuj nti tseem nyob fev npuv
    Siab ntev uv xav nrhiav tus hlub
    Xav muaj khub vim ze xyoo tshiab
    Vim nplooj siab pheej nyob tsis tus
    Thiaj li mus nrhiav tham hluas nkauj
    Thiaj mus xauj saib luag tej npe
    Puas muaj ne ib tug ntxim hlub
    Hmoob leej tub thiaj li pib tham
    Nyob ib tsam nws thiaj li ntsib
    Nkauj qab zib tus zoo ntxim tawb
    Tus Plhu dawb nws yog xeem yaj
    Nws qhia ncaj kuv yeej ntseeg tau
    Wb thiaj sau ntaub ntawv sib tham
    Nyob tseej tsam txog tsheej tag hmo
    txawm tias no los lub siab sov
    Nyob sib zov thiaj tham kev hlub
    Kuv dab ntub thiaj li tau ploj
    Nkauj hmoob koj txawj tham kawg li.
    Tham ua si tau ib nyuag ntus
    Kuv thiaj mus muab xov tooj los
    Coj los dhov thiab hu nrog tham
    Tham ntau yam thiaj li pib nco
    Txhua txhua hmo yuav tsum tau hnov
    Xov tooj nrov ces yog hu koj
    Kev hlub loj wb thiaj li pib
    Tsis sib ntsib tsuas hnov suab xwb
    Los koj wb tsis xav li cas
    Wb tham tas los xav tham ntxiv
    Yam tso txiv ua txi txhua xyoo
    Yam tsob ntoo uas nplooj tsis zeeg
    Muaj tus neeg li koj nrog kuv
    Mam sib uv sib hlub mus li
    Koj luag ntxhi kuv tham luag nyav
    Koj kev xav pib txawv zujzus
    Tsaus ntuj zus wb pib sib nco
    Ntev npaum no ntshe yuav hlub tiag
    Thiaj qhia kiag tias kuv hlub koj
    Tsaus ntuj zoj kuv nrog koj tham
    Kaus loo pam tsis pub neeg hnov
    Niaj hmo zov koj hauv fev npuv
    Siab ntev uv tos koj tuaj ntsib
    Kev hlub pib los tau ntau hli
    Kev ua si txhua yam tham txhij
    Kev kwv tij los kuj tham txhua
    Kev hlub tshua los kuj tham tas
    Zaum no mas ntshe kuv yuav nco
    Koj txhua hmo txhua hnub li os
    Kuv mam tos txawm koj nyob deb
    Txawm caij tsheb twb tuaj tsis txog
    Los vim yog txoj kev hlub loj
    Kuv hlub koj ces yeej tos tau
    Sij hawm dhau yeej yuav muaj hnub
    Hmoob leej tub tau ntsib koj os
    Siab ntev tos kom txog hnub ntawv
    Kev hlub sawv loj luaj li no
    Kuv tsis tso koj ib zaug li
    Yuav luag ntxhi nyob no tos koj os mog me nkauj hmoob tus nyob deb…

      Current date/time is July 22nd 2018, 5:51 am