"Mob Siab Los Mam Ua Siab Tso"

    Share

    sengpor

    Registration date : 2016-03-15

    "Mob Siab Los Mam Ua Siab Tso"

    Post by sengpor on February 17th 2018, 7:34 am

     “Mob Los Mam Ua Siab Tso”



    Txawm yuav mob lub siab npaum cas
    Koj tsis ras rov qab los lawm
    Nkim sijhawm kuv lub kuag muag
    Yeej tsis tuag qhov koj mus ntawv
     
    Cia rau lawv mam li tsim koj
    Mam xav zoj khuv xim txog kuv
    Kav tsij uv txhob khuv xim os
    Kuv tsis tos koj ib zaug ntxiv




    Twb mus chiv nrhiav lub neej lawm
     
    Lub sij hawm muab nres tsis tau
    Sij hawm dhau ces tag lawm nawb
    Ua siab dawb kav tsij siab ntev
     
    Ua txiv tsev ua siab loj loj
    Txhob xav zoj yam ub yam no
    Tsam luag ho tsis xav hlub koj
    Rub siab loj ua siab dav dav
     
    Luag hais hnyav los tsis txhob teb
    Nyob deb deb thiaj tsis mag ntaus
    Hlub kom txaus koj txoj kev ntshaw
    Mag luag taw los tsis txhob nroo
     
    Vim txoj hmoo koj thiaj yuam kev
    Ua luag txiv tsev ces ua ib sim
    Es txhob chim rau kuv nawb mog
    Vim tias yog wb hmoov tsis raug
     
    Ua nkauj nraug thiaj tsis sib tau
    Mob siab dhau txhob lam noj tshuaj
    Es txhob quaj lub neej thiab zoo
    Pheej txoj hmoo es txhob tu siab
     
     
    Mob Lub Siab Mam Ua Siab Tso
    Mam txhob nco koj ntxiv lawm os
    Yuav tsis tos tsis nco ntxiv lawm
    Ua siab tawm hauv koj lub siab
     
    Tawm xyoo tshiab maj muaj dua tus
    Es saib yus puas yuav kaj siab
    Kua muag iab mam ua siab so
    Thiaj tsis nco koj lawm os nraug hmoob….

      Current date/time is November 17th 2018, 6:50 am