• Post new topic
  • Reply to topic

Muaj mob loj.

Share
avatar
Tojxeem
Moderators
Moderators

Registration date : 2008-09-12

Character Sheet
 :

Muaj mob loj.

Post by Tojxeem on March 30th 2017, 1:00 pm

Nyob zoo tsoom phooj ywg s/d tam sim no kuv muaj mob ntsws muaj dej taumus pw tsev kho mob thaum lub 3/8/17 txog 3/24/17 mam los tsev tab sis kuv tus mob tsis zoo li.Niaj hnub no ces kws kho mob coj kuv rov los nyob hauv tsev es lawv tuaj kho kuv hauv tsev nyob tos tuag lawm xwb.




avatar
Davdub
member
member

Registration date : 2009-12-19

Re: Muaj mob loj.

Post by Davdub on March 30th 2017, 5:37 pm

Toj Xeem aw,



Yog mob ntsws li ntawd lawm e  yuav nyuab heev li lawm oss.. Koj tuaj nrog peb  nyob rau txhua lub forum  no e ua rau 3 nco koj heev li nawb Toj Xeem.. Yesterday, kuv thiab Yuj Yeeg wb nrog rau Tij Twj Cuab peb tseem seev seev hai tias tsi pom koj tuaj lawm e tsi paub koj  pua nyob zoo..  yog li hnub nov pom koj tuaj sau ntawv qhia rau peb e pab hlub koj heev tab si peb twb tsi paub yuav ua zaj twg  pab tau koj li.  Qhov twg lo tsua tos.  Dr. nkau xwb os.. Thov lub ntuj lub teb pab cawm koj e kom koj  tus mob ho zoo e ho lo nrog 3 ua kwv ua tij  nyob rau hauv lub ntiaj teb nov os..

twjcuab

Registration date : 2016-07-23

Re: Muaj mob loj.

Post by twjcuab on March 31st 2017, 1:00 am

Hlob TojXeem:


Zoo siab pom koj rov tuaj xyuas peb sawv daws, kuv yeej ib txwm swm koj txij kiag li thaum kuv paub koj hauv Hmoob thoob ntiaj teb no, thaum twg yog tsis pom koj tuaj nrog peb ua si lawm ces kuv yeej nrhiav thiab noog koj rau ub rau no os lov.


Hlob TojXeem, ua siab loj nawb, peb ua neeg nyob ces yeej yog pheej yus txoj hmoo xwb os nawb.

Thov lub ntuj thiab daim av kom pab tshem koj tus mob tawm ntawm koj lub cev mus es koj zoo rov tuaj nrog peb ua si nawb hlob Tojxeem- aw! .
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on March 31st 2017, 2:48 pm

nyob zoo davdub thiab twjcuab.
kuv ces kawg yus txoj hmoo pov yus lawm xwb.tam sim no ces nej nrog thov ntuj seb lub ntuj lub teb puas pab lawm xwb.vim kws kho mob tias cia kuv los nyob hauv tsev es lawv tuaj saib kuv hauv tsev lawm xwb.
avatar
Davdub
member
member

Registration date : 2009-12-19

Re: Muaj mob loj.

Post by Davdub on March 31st 2017, 6:59 pm

Toj Xeem aw, Peb yeej thov lub ntuj daim av kawg vim koj tseem hlua2 tsi tau noj txau hnav ntxhua tseem nyob tsi tau txau rau hauv daim av nov. Yog li no thov kom lub ntuj pab tshem tej mob tej nkeeg ntawm koj mus kom tag e koj ho nrog 3 nyov ntev ntev kom txog rau thaum lau lau lawm thaum ntawd ce tsi mus lo yeej zoo siab, ho tam sim nov ma thov lub ntuj pab cawm txoj sia thiab tshem tus mob mus kom Toj Xeem tus mob ho zoo tau nrog peb ua kwv ua tij thiab tej tub kis nyob.

twjcuab

Registration date : 2016-07-23

Re: Muaj mob loj.

Post by twjcuab on March 31st 2017, 8:20 pm

Hloj Tojxeem:


Koj ua siab loj nawb hlob nawb, peb yuav thov lub ntuj daim av kom koj tus mob nws txawj mob los kom nws txawj zoo os nawb .
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 1st 2017, 4:18 pm

Davdub thiab Twjcuab.
Ua neb 2 leeg tsaug uas neb pab thov ntuj pab kuv mog.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 1st 2017, 7:13 pm

Aw, Toj Xeem aw, yeej thov kom koj zoo e lo nrog peb ua kwv ua tij nyob os.. koj tseem hlua hlua tsi tau tsim nyog li nawb.. thov lub ntuj pab kom koj zoo nawb... Peb yeej hlub thiab tshua koj kawg li thiab os.
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 3rd 2017, 3:28 pm

Davdub.
Ua tsaug uas koj ua kwv tseem hlub txog kuv thiab mog.Kuv ces qhia rau koj tias kuv twb yuav luag tsis dim txoj sia rov los tsev zaum no.Kws kho mob hais kiag tias kuv cov ntshav tsis khiav mus rau saum kuv taub hau li lawm ces lawv pab tsis tau kuv lawm kuv poj niam hais rau kws kho mob tias thov kom lawv pab kom tag lawv txoj kev txawj ntse yog kuv tsis zoo los poj niam tsis tu siab.Ces lawv thiaj li tho 1 lub qhov rau ntawm kuv caj pas tso tshuaj mus pab kuv lub plawv ces kuv cov roj ntshav thiaj li khiav taus nces rau saum kuv taub hau ces kuv thiaj li dim rov los zaum no xwb.Kuv mob ntev hwv lawm ces muaj 1 hmos kuv cia li khwv tau lub tswv yim tias kuv xum tuag cia kuv ua 1 siab mus dai caj dab tuag li no tab sis kuv poj iam zov rawv kuv ces kuv thiaj xav tias poj niam hlub kuv tag npaum no ces tos me ntsis tso no ces dhau hmo ntawd los kuv ho hloov siab tias yus txhob txov yus txoj sia cia lub ntuj lub teb pub yus nyob tsawg xyoo los yus lamnyob nokuv thiaj li tsis mus dai caj dab lawm xwb.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 3rd 2017, 6:59 pm



Toj Xeem,  hlub koj kawg thiab os.  Koj poj niam thiab tej menyuam lawv hlub koj heev lawv yeej pab koj txhua yam kom koj zoo,  koj xav tau li ntawd lo  txhob ua nawb, vim  koj poj niam twb hlub koj heev  twb thov kw kho mob  kom pab cawm koj txoj sia,  txawm  nyob tsawg hnub lo xam tsawg hnub mog, e txhob txov yus txoj sia,  vim koj tsev neeg yuav tsi pub koj ua li ntawd. Kuv lo kuv pub koj ua li ntawd.

Zoosiab heev ua koj hloob siab e koj  tsi ua li koj xav ntawd..  yeej yuav muaj hnub zoo ma.. e ua lub siab ntuj ntev mog.
avatar
Jesqav

Registration date : 2014-08-06

Re: Muaj mob loj.

Post by Jesqav on April 6th 2017, 7:44 am

Brother Toj Xeem nyaj koj zoo zog lawm po



avatar
Davdub
member
member

Registration date : 2009-12-19

Re: Muaj mob loj.

Post by Davdub on April 6th 2017, 3:46 pm

Kwv Jesqav,

Hai xog ntawm Toj Xeem, nyeem nws cov ntawv nws sau saum toj ntawd ma, TojXeem tus a ka mob ntawd a yeej yog nyuab heev vim cov ntshav khiav tsi tau zoo rau saum lub hlwb hau. Qhov ntawd thiaj li ua rau kiv taub hau yog zaum zaum sawv ce kiv pe lees qhov nov yog tsi muaj dej nyob lub cev, tsi muaj ntshav zoo lawm thiaj li zoo li ntawd.
avatar
Jesqav

Registration date : 2014-08-06

Re: Muaj mob loj.

Post by Jesqav on April 7th 2017, 1:55 am

Nyuaj thiab lau



avatar
Davdub
member
member

Registration date : 2009-12-19

Re: Muaj mob loj.

Post by Davdub on April 7th 2017, 4:19 pm

Kwv Jesqav, yeej nyuab heev li os. Nws yeej tho blab tso milk lo tau ib xyoo nov lawm pob ce tam sim nov ho pheej ib sij muaj teeb meem ib zaug ce tsi paub yuav hai zaj twg li lawm. Tsua tso txoj sia rau lub ntuj thiab daim av pab nkau lawm xwb. Dr. tsi kho lawm thiab no ce tsua yuav nyob hauv tsev e lawv tso Nurse tuaj saib lawm xwb.
avatar
Jesqav

Registration date : 2014-08-06

Re: Muaj mob loj.

Post by Jesqav on April 10th 2017, 3:03 am

Tsi pom toj xeem tuaj lawm es.



Thaum id XiongChang tuaj2 ce XiongChang tso sawv daw tseg lawm thiab.



avatar
Davdub
member
member

Registration date : 2009-12-19

Re: Muaj mob loj.

Post by Davdub on April 10th 2017, 4:49 pm

Kwv Jesqav,

tau 2/3 hnub nov tsi pom Toj Xeem tuaj lawm thiab e tsi paub  lawm os.. check hauv fb seb nws pua online hauv.. Nws online hauv fb all the time os..

Kwv Jesqav,  koj hai Xyooj Tsab, e  tuaj hauv nov lo tsi tau nrog nws tham e nws ho ua li ca lawm thiab?

Toj Xeem qhov fb yog li nov na.. Yeej tsi pom nws tuaj hauv fb lawm thiab os..

https://www.facebook.com/profile.php?id=100006306169156
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 10th 2017, 5:59 pm

Kuv pheej niaj hnub mob sawv tsis taus li ces nurse tuaj xyuas ces lawv tias yog kuv luv cev dej tsis txaus kom kuv mus pw tsev kho mob lawv dai dej li 2 hmos kom kuv lub cev muaj  dej txaus tso mam los tsev nurse mam li rov tuaj no ces lub 4/6/17 no kuv rov mus pw tsev kho mob hnub no kuv nyuam qhuav rov los tsev tab sis yeej tsis zoo li thiab.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 10th 2017, 8:33 pm

Zoo siab koj rov tuaj qhia rau peb paub o TojXeem, Pab hlub koj heev li os TojXeem. Hnub twg tsi pom koj tuaj ce peb sawv daws yeej txhawj koj heev.
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 11th 2017, 12:07 pm

Davdub.
Hais qhia tsoom phooj ywg sawv daws paub tias ntshe zaum no kuv tus mob yuav tsis tso kuv tseg lawm.Vim kuv mus pw tsev kho mob ces lawv tso dej rau kuv tas mus li ces kuv kuj cus plaws zoo li lawm kuv tawm los tsev ces kuv lub zog tas li cia li qaug txaj kiag tsis muaj zog li lawm.Cia li sawv tsis taus los zaum li lawm.

twjcuab

Registration date : 2016-07-23

Re: Muaj mob loj.

Post by twjcuab on April 11th 2017, 2:03 pm

Tojxeem wrote:Davdub.
Hais qhia tsoom phooj ywg sawv daws paub tias ntshe zaum no kuv tus mob yuav tsis tso kuv tseg lawm.Vim kuv mus pw tsev kho mob ces lawv tso dej rau kuv tas mus li ces kuv kuj cus plaws zoo li lawm kuv tawm los tsev ces kuv lub zog tas li cia li qaug txaj kiag tsis muaj zog li lawm.Cia li sawv tsis taus los zaum li lawm.
Hlob tojxeem:


ua siab loj nawb , thov lub ntuj lub teb pov puag kom koj zoo rov los nrog peb sib tham , sib tso dag -tso luag li yav tag los lawm nawb mog. ....Thov lub ntuj pab hlob tojxeem kom nws zoo sai-sai nawb.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 11th 2017, 3:30 pm

Toj Xeem,

Yog hai li koj cov lus ce koj lub zog tsua muaj tag zuj zus lawm xwb e yog li nov koj pua  tseem sau tau ntawv thiab,  yog tau ce tuaj sau ib cov lus  tso tseb rau peb cov nyob tom qab nrog rau tej phooj tej ywg  tau pom thiab paub nawb mog,  e hnub twg tsi muaj koj lawm los peb ho khaws tau koj tej  lus tseg lo yog  muab koj ib tug phone ce e hnub twg koj tej tub kis ho xav tau koj tej ntawv koj sau tseg lo lawv ho tuaj  copy mus cia rau lawv tau kaws tseg ua  history lo yog ua pab vav  rau sawv daws nyob rau hauv lub ntiaj teb nov ib zaug nawb mog.




Last edited by Davdub on April 12th 2017, 9:56 pm; edited 1 time in total
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 12th 2017, 9:26 am

Davdub.
kuv yuav sau tsis tau ntawv ntau rau sawv daws lawm.vim1 hnub no kuv nco nco nej es lam sawv los saib nej 1 nyuag muag lawm xwb.Ces kuv rov mus pw tas hnub li lawm xwb.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 12th 2017, 4:06 pm

Toj Xeem

3 nco koj kawg li thiab os Toj Xeem, koj tus mob pheej tsi zoo li e 3 yuav pab koj li ca, yog Dr. Pab tsi tau ce peb tsi paub ua zaj twg li thiab. Yog koj lub zog tag lawm zuj zus e ntshe muaj ib hnub peb yuav tsi sib pom lawm os Toj Xeem. Thov lub ntuj tiag tiag e pab cawm koj txoj sia nrog 3 nyob ua kwv tij ua txiv ua tub os..
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 12th 2017, 5:33 pm

Davdub.
Xav kom lub ntuj lub teb pov puag kom tau kuv nrog nej nyob ua kwv ua tij kawg los tsam no hu ntuj los ntuj tsis hnov hu teb los teb tsis pab lawm ces tsis paub ua zaj  twg lawm.Lawv tsis tau qhia tias kuv yuav nyob ntev npaum li cas tab sis lawv muab kuv mus nyob hauv lub koom haum hu ua Hospice no tuaj saib kuv hauv tsev lub Hospice no ces yog nyob tos tuag lawm xwb.Hnub twg hospice pom tias kuv yuav tau mus tsev kho mob ces lawv hu kiag tim tsev kho mob ua ntej ces lawv mam coj kuv mus xwb.Yog lawv saib hos tsis tsim nyog mus tsev kho mob ces lawv tuaj pab dej tshuaj rau kuv hauv tsev xwb.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 12th 2017, 9:08 pm






Toj Xeem,

Hlub koj heev os..  kuv yeej ib txwm tsi ntseeg ntuj tsi tseeg vajtswv li os toj xeem, vim yus lam cia siab rau xwb thaum yus muaj teeb meem lo txog ce tej ntawd tsua yog nws ua kev cia siab xwb yeej tsi muaj qhov yuav pab tau leej twg.

Toj Xeem,  Hospice ce yog li koj hai kawg os Toj Xeem,  koj yeej hai yog kawg lawm os.. tej lau ua kuv  yawm yij niam thiab txiv ce yog thaum hospital tsi lav lawm ce lawv yeej coj mus pws tas  sim neej rau lub  Hospice li koj hai lawm xwb.

TojXeem,  tham tej nov ce tus siab kawg nkau, thaum yus muaj kev nyuaj siab ma xav hai txov yus txoj sia kom tus  tab si thaum muaj mob li koj lawm e  tus mob tsi tso ce yus lo yeej tsi xav rau txoj kev phem li vim tseem tshuav poj niam tub se nyob tom qab ce lub siab yeej tsi xav  kom  tshwm sim tej yam kev tus siab kiag.

Toj Xeem aw,  peb nco koj thiab hlub koj heev li o, yog peb nyob ze koj ce peb yeej tuaj nrog koj nyob ib tsam lawm os.. e yuav tuaj nrog koj tham kom txau siab, vim lub ntuj phem phem, ntuj dub ntuj txig, tsi paub  lub ntuj yuav tsau thaum twg lo tsi paub.
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 13th 2017, 8:34 pm

Davdub.
Yeej yog li koj hais mas.Peb ua neej nyob xav kom tub ntxawg muab nyab tag me ntxhais nkauj ntxawm qua tag kom yus pom lawv lub neej tsheej cuab ntseg yim tag pom yus tej me xeeb leej xeeb ntxwv loj tag mam li tuag.Tab sis xyov yog tim yus txoj hmoo los yog tim dab tsi yus cia li tau tug mob phem ua luaj yuav ciaj los pab kom tau yus tej me tub me nyuam los kuj ciaj tsis taus.Yuav tuag los kuj tuag tsis tau cia li ua niag neeg xiam oob khab pab tsis tau yus tej me nyuam li lawm mas tu siab tshaj plaws.
Muaj tej chim kuv yeej xav tias ciaj los ciaj tsis taus lawm tuag los tuag tsis taus ces cia kuv muab kuv txoj sia txov kiag kom kuv tuag kiag kom tag yus sim neej no los yus ho hlub hlub yus tej poj niam me nyuam tias muaj yus ua txiv nyob luag thiaj li saib taus yus tej poj niam me nyuam.Yog yus tuag lawm ntshe yus tej poj niam me nyuam haj yam yuav txom nyem thiab luag yuav saib tsis taus yus tej poj niam me nyuam no ces thiaj ua 1 siab tig rov los nyiaj mob ntoog mob nyob lawm xwb.
Kuv muab yus lub neej yav tag los uas tseem noj qab nyob zoo ua laj ua kam nrov rig khwv nyiaj khwv txiaj los pab yus tej me nyuam es yus tej me nyuam tso siab phluav rau yus ua txiv los xav mas cas tib pliag ntshis xwb yus lub neej cia li pauv kiag los ua niag neeg xiam oob khab zaum laub lawm mas yus tu siab tshaj plaws.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 13th 2017, 9:53 pm

TojXeem,

Zoo siab koj rov tuaj teb kuv cov lus thiab. Yeej yog li koj hai kawg, peb ua neeg nyob ce yeej xav kom nyob lau lau e pom tej tub tejkiv ua lub neej tag pom tej me xeeb leej xeeb ntxwv tag e  yuav ua li ca lo mam li ua.

Toj Xeem, yog ua tib zoo xav lo txog ce tus siab heev, vim tej tub tej kiv lo tseem me me  yog tsi muaj yus ua txiv lawm ce  lawv yuav  txom nyem heev thiab tsi muaj tus pab tsi muaj tus lo ntau thawj hlo li thaum muaj  txiv nyob.

Thov lub ntuj lub teb pab koj thiab o Toj Xeem,  kom koj  zoo e txawm ua tsi tau dab tsi lo tsuav ua  leej txiv nyob ntawd ce tej tub kiv lawv ho pom qab nyob.

Toj Xeem, koj saib daim video nov, tus niam pog lau hauv nov thiab tus txhai hauv nov yog kuv niam thiab kuv tus nthxai nkauj ntxawm os. Kuv lub tsev kuv muab ua video tso rau hauv Youtube.
avatar
Jesqav

Registration date : 2014-08-06

Re: Muaj mob loj.

Post by Jesqav on April 15th 2017, 2:08 am

Davdub wrote:Kwv Jesqav,

tau 2/3 hnub nov tsi pom Toj Xeem tuaj lawm thiab e tsi paub  lawm os.. check hauv fb seb nws pua online hauv.. Nws online hauv fb all the time os..

Kwv Jesqav,  koj hai Xyooj Tsab, e  tuaj hauv nov lo tsi tau nrog nws tham e nws ho ua li ca lawm thiab?

Toj Xeem qhov fb yog li nov na.. Yeej tsi pom nws tuaj hauv fb lawm thiab os..

https://www.facebook.com/profile.php?id=100006306169156
Xyooj Tsab kuv pom tom Hmoob tshaj ntuj. Yawg mob2 laug niaj laug xyoo thiab. Es tuag lawm yawg kom yawg tus ntxhai tuaj qhia sawv daw xwb.



avatar
Davdub
member
member

Registration date : 2009-12-19

Re: Muaj mob loj.

Post by Davdub on April 15th 2017, 8:43 am

Kwv Jesqav,  lov,  tom Hmoob Tsavntuj ce thaum pib pebsawv daws yeej ua ke nrog kuv  thiab hmongheaven puav leej nrog kuv peb ua ke ua ib pab tab si  tsi sib haum ce cia li  sib ncaim mus tau muaj 1 decade lawm os. Tom Hmoob Tshav ntuj lo  yav tag lo kuv yeej  mus nrog lawv  lom zem  tab si tus txwv muaj ntsi  tus siab rau kuv ce kuv thiaj li tsi mus lo tau 10 lub xyoo nov lawm thiab os.. Yog koj mus pom cov qub file lo yog qub topic lub name Loj Leeb ce  yog kuv  thiab,, Toj Xeem lub npe nyob tod ce yog Koob Pov Txuj.

Hos Hmongheaven lo yeej tuaj nrog kuv lom zem ntawm nov thiab tab si tsi paub yawg lo kuj cia li  muab yawg tej topic delete tag lawm ce kawg cia li tsi tuaj lawm thiab ce yawg kom kuv muab yawg lub  name delete lawm ce yawg kuj tsi tuaj lawm tau muaj 8/9 xyoo lawm thiab,  ho kuv ce tseem mus zaum puav rau tom Hmongheaven.


Last edited by Davdub on August 7th 2017, 3:00 pm; edited 1 time in total
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 16th 2017, 8:10 am

avatar
Jesqav

Registration date : 2014-08-06

Re: Muaj mob loj.

Post by Jesqav on April 16th 2017, 11:07 pm

Hmoob tshav ntuj kuv twb tsi mus tau 1 xyoo no lawm. kuv mus kawm tshuaj ntsuab tov xwb



avatar
Davdub
member
member

Registration date : 2009-12-19

Re: Muaj mob loj.

Post by Davdub on April 17th 2017, 3:01 pm

Haaa lo Brother Jesqav.

Lawv lub Hmoob Tshav ntuj ma lawv yog cov coj  Catholic  ce lawv  muaj ntsi tsi tshua nyiam yus cov tsi ntseeg Vajtswv..  Muaj ib tug Hmoob Her nyob tau tau sau ntawv cem kuv muaj ceem kawg li thiab tiag.. nws sau ntawv fabkis xwb ce kuv tsi paub  tab si kuv ho tsi copy cov ntawv fabkis lo txhai seb nws cem kuv li ca..  Tab si muaj ib tug phooj ywg 8tos8con tom Hmongheave nws paub ntawv fabkis zoo nws twb nyeem tag lawm tab si nws kuj tsi qhia kuv thiab..



Tsi pom toj xeem tuaj lawm e nws pua nyob zoo ne? kuv pom nws online tom fb (face book) ma tab si kuv ho tsi tau message rau nws thiab.
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 17th 2017, 9:34 pm

Davdub.
Txij li kuv tawm tim tsev kho mob los tav nov los kuv yeej tsis muaj zog li kuv yeej pw ntau sawv 1 nyuag pliag tuaj saib nej ces rov mus pw lawm xwb.Tam sim no ces Hospice tus nurse tseem hais rau kuv tias nws yuav hais rau Dr kom lawv xa 14 hnab dej tuaj dai rau kuv hauv tsev li 14 hnub seb kuv puas muaj zog.Nws xav tias yog dai dej rau kuv mas kuv yeej sawv taus kuv yuav tsum muaj zog xwb.Tab sis nyuam qhuav tham xwb tsis paub tias yuav yog thaum twg lawv mam xa dej tuaj txog.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 17th 2017, 9:50 pm

Zoo siab ma Toj Xeem,  yog tus Nurse hai li ce  lawv yeej yuav tsum muab rau koj xwb os. Yog dai dej ntxiv e pab koj lub zog kom muaj zog tuaj ce koj yeej  yuav ok xwb os.  Thov lub ntuj lub teb thiab peb Haib Tai Vaj Pov pab hlub thiab pab cawm koj kom koj tus mob zoo e peb tau  kwv tau tij os.  Txhob nyuab siab koj yeej yuav muaj lub dag lub zog thiab koj tus mob yuav  khee zuj mus xwb os TojXeem aw.


lo peb mloog Wm Vaj zaj music no ua kev laug sij hawm.


avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 18th 2017, 3:53 am

Davdub.
Tus nurse tuaj saib kuv mas nws yeej hais tias nws yuav hais rau Dr kom lawv xa dej tuaj dai rau kuv tab sis tsis paub tias Dr ho yuav teb nws li cas.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 18th 2017, 4:15 pm

Toj Xeem, yog tus Nurse hus kiag mus request ce Dr. yeej kam ma.. yuav yog tus Nurse hus mus rau tom hospital lawv thiaj li xa tuaj, yog nws tsi hus e nws lam hai tso tseg xwb ce lawv tsi quav ntsej kiag li os.
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 18th 2017, 6:15 pm

Davdub wrote:Toj Xeem,  yog tus Nurse hus kiag mus request  ce Dr. yeej kam ma..  yuav yog tus Nurse hus mus rau tom hospital  lawv thiaj li xa tuaj, yog nws tsi hus e nws lam hai tso tseg xwb ce lawv tsi quav ntsej kiag li os.
Davdub.
Hnub no lawv hu tuaj tias lub caij twg zoo rau lawv coj cov dej tuaj rau kuv.Ces kuv teb tias lawv tuaj tau lub caij twg los kuv nyob tsev huv si.Ces pog Nurse ho hu tuaj tias tag kig 10:00Am lawv xa dej tuaj txog pog nurse mam li tuaj dai dej rau kuv.Cia seb tag kis lawv puas tuaj li hais tiag.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 18th 2017, 8:14 pm

Zoo ma, yog tag kis 10 moos ma ntev zog lawm tos tsi tau xav kom lawv twb tuaj ua hmo nov lawm, tab si pom koj ce 10 pm lawm ce lawv yuav tsi tuaj lawm. Tag ki lo ua siab ntev tos ma. Yog tso dej rau koj lawm ce koj yuav muaj zog tuaj os toj Xeem.
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 19th 2017, 8:33 am

Hnub no tam sim no kiag lawv twb xa cov dej tuaj txog tag lawm tab sis pog nurse tseem tuaj tsis tau txog nyaj 1 nyuag pliag no nurse yuav tuaj txog lawm.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 19th 2017, 4:35 pm

Yog Nurse tuaj txog e nws tso dej rau koj lawm ce koj yuav muaj zog zuj zus os.. thiab ntshe koj noj tsi tau zaub mov zoo rau koj lub cev e koj lub cev thiaj li tsi muaj zog xwb.. Yog noj tau zaub mov li yav tag no koj yuav muaj zog sai dua os Toj Xeem.
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 20th 2017, 5:25 am

Davdub.
Pog nurse hais tias yuav kom Dr xa 14 hnab dej tuaj tso rau kuv 14 hnub kom kuv muaj zog.Tab sis lawv ho xa 30 hnab tuaj kom tso 30 hnub rau kuv ces pog nurse tuaj txog pog nurse tuaj ntsia lub qhov koob tso dej tag nus muab dej los dai tag ces nws qhia kom kuv poj niam thiab kuv 1 tug ntxhais kom nkawd tso dej rau kuv lub caij nws tsis tuaj.txoj xaim tso dej no siv li 14 hnub nws mam li hloov dua 1 zaug.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 20th 2017, 3:25 pm

Zoo siab ma Toj Xeem, yog tso li ntawd ce kuv xav hai tias thaum tso tag 1/2 hnov dej lawm ce koj yuav sawv rau lo zaum lawm. Thiab koj yuav tsi muaj qhov kiv kiv taub hau lawm. Ua siab loj nawb GVP yeej yuav nrog nraim pab pov fwm koj nawb, e ua siab loj yeej yuav zoo xwb xwb nawb.
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 27th 2017, 3:11 pm

Davdub.
Kuv ces lawv coj dej tuaj tso pab kuv no los tsis pab li.Kuv twb rov mus pw tsev kho mob hnub 4/22/17 txog hnub 4/27/17 no lawm thiab xyov yog tim li cas zaum no yog kuv cia li tsaus muag ntog sawv tsis taus ces lawv hu kuv tsis hnov li lawm ces lawv thiaj coj kuv mus pw tsev kho mob dua.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 27th 2017, 6:42 pm

Toj Xeem,  qhov koj ntog tsi hnov lawm ce yog koj lub tsev tsi muaj  zaub mov puv hauv lawm thiab koj tej blood pressures nws tsi muaj zog txau lawm ce koj thiaj li tsau muag li ntawd.  Toj Xeem,  yog thaum koj noj tsi tau dab tsi pab yug koj lub cev lawm ce tsi muaj zog li lawm os.

Ua koj tsaug ua koj tseem rov tuaj qhia rau peb sawv daws nawb, e peb pab hlub koj heev li thiab.
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 27th 2017, 8:43 pm

Davdub.
Kuv twb qhia kuv tus ntxhais tag lawm nws twb paub tuaj hauv Hmoob thoob ntiaj teb no thiab paub kuv cov phooj ywg tom facebook tag lawm yog hnub twg tsis muaj kuv los nws mam sau ntawv qhia nej mog.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 28th 2017, 2:54 pm

Toj Xeem,

Tus siab heev li os, peb e txawm yuav tsi muaj peev xwm cawm tau koj kiag li os. Ca yuav nrog koj nyuab siab kawg kiag li os.
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 29th 2017, 4:50 pm

Davdub.
Ntuj mob teb yuam los xyov yog tim kuv txoj hmoov phem tiam ntawv pem ntuj los zoo li no.Ua cas kho kiag qhov tag nrho txawm siv pib kiag qhov tuaj lawm.Tej kev mob no  ces tsis muaj leej twg cawm tau li lawm kuv tsis pom qab tu siab rau leej twg li os mog.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 29th 2017, 10:00 pm

Yog lawm ma TojXeem, txoj kev mob no ce nws yog ib yam phem heev, zoo li kuv yawm yij ma, nws ma kho qhov zoo lawm lo pib qhov tshiab tag mus li xwb ua rau thaum kawg nws noj lawv txov tshuaj hai tias zoo mob ntau yam no e nws noj tag 160 ntsiav ce nws pib noj tsi tau mov pib ntuav ntuav ua rau thaum final ce siv tus lawm xwb.

Toj Xeem aw, xyov li tiag, yog Dr. pab tsi tau lawm ce peb cov niag tsi paub dab tsi nov ce yeej tsi pom qab pab tau li os.
avatar
Tojxeem
Moderators
Moderators

Registration date : 2008-09-12

Character Sheet
 :

Re: Muaj mob loj.

Post by Tojxeem on April 30th 2017, 3:26 pm

Qhia rau nej sawv daws paub tias tam sim no ces Dr hais tias ntev mas kuv tsuas nyob 6 hli lawm xwb.hos sai mas tseem sai tshaj 6 hli lawm thiab.yog tsis pom kuv tuaj lawm ces yog kuv sawv tsis taus lawm os mog.
avatar
Davdub
member
member

Registration date : 2009-12-19

Re: Muaj mob loj.

Post by Davdub on April 30th 2017, 7:58 pm

Toj Xeem aw, nco koj thiab xav txog koj ua tuaj nrog peb tso daj tso luag nyob rau hauv forum hauv nov thiab. Yog hnub twg tsi pom koj lawm ce ntshe yuav nco koj heev li os. Toj Xeem aw, txoj kev ntawd yeej tsi muaj leej twg xav taug kiag li nawb, tab si yeej tsi muaj leej twg khiav dim kiag li os. Yog hnub twg tsi pom koj tuaj lawm ce peb yeej paub hai tias koj tso peb tseg lawm. E peb yuav nco koj mus tag tiam neej li os.

Sponsored content

Re: Muaj mob loj.

Post by Sponsored content

  • Post new topic
  • Reply to topic

Current date/time is August 19th 2017, 7:54 am