"Hlub Tsis Tau Los Tsis Tu Siab"

    Share

    sengpor

    Registration date : 2016-03-15

    "Hlub Tsis Tau Los Tsis Tu Siab"

    Post by sengpor on March 9th 2017, 1:38 am

    “Hlub Tsis Tau Los Tsis Tu Siab”
     
    Txawm yuav hlub koj npaum li cas
    Yuav tig ras tsis tau lawm os
    Yuav tsis tos tsis tu siab lawm
    Vim sijhawm twb tau dhau mus
     
    Koj muaj tus los hloov kuv chaw
    Yam txoj saw koj muab hle hlo
    Muab kuv tso poob lub kua muag
    Kuv quaj ntsuag koj tsis quav ntsej
     
    Yam tus dej uas ntws tsis rov
    Txawm yuav qov yuav quaj yuav qw
    Nrov cuag ntxhw los tsis muaj nqes
    Zaum no ces yuav ua ib siab
     
    Kua muag iab mam ua siab so
    Txawm yuav nco koj npaum li cas
    Los twb tas li no lawm os
    Yam lub qos uas twb hloo lawm
     
    Koj tsis sawm tau tus neeg zoo li kuv
    Luag yuav tsis uv li kuv tus no
    Muab kuv tso koj yeej yuav khuv xim
    Thaum luag chim koj mam li paub
     
    Mam to taub kuv txoj kev hlub
    Uas kuv pub rau koj dawb dawb
    Koj muab thawb pov tseg yam tsis muaj nqes
    Thaum ntawv ces yuav lig koj heev
     
    Koj yuav seev thiab tuaj nrhiav kuv
    Koj yuav khuv xim txog heev os
    Mus txhob los cuag kuv lawm nawb
    Tus siab dawb hlub kuv tseem muaj
     
    Mus txhob tuaj tab kaum lawm mog
    Vim tias yog koj xav ua si xwb
    Koj saib wb kev hlub tsis muaj nqes
    Zaum no ces nyias yuav mus nyias
     
    Koj raug ntxias mus hlub nrog luag
    Kav tsij mus puag luag kom txaus siab
    Tawm xyoo tshiab kuv mam nrhiav dua
    Tus hlub tshua kuv haj tseem muaj
     
    Thaum koj quaj luag tsis xav hlub
    Tsis txhob pub luag paub nawb mog
    Txhob xav txog tus zoo li kuv

    Tsam koj uv nrog luag nyob tsis taus nawb mog nraug hmoob tus siab dub…..
    avatar
    Davdub
    member
    member

    Registration date : 2009-12-19

    Re: "Hlub Tsis Tau Los Tsis Tu Siab"

    Post by Davdub on March 9th 2017, 8:07 am

    Brother, You paj huam zoo heev li. Thank you for posting you poem ok.. it is nice.

    sengpor

    Registration date : 2016-03-15

    Re: "Hlub Tsis Tau Los Tsis Tu Siab"

    Post by sengpor on March 9th 2017, 6:09 pm

    Davdub wrote:Brother, You paj huam zoo heev li. Thank you for posting you poem ok.. it is  nice.
    Ua tsaug koj pab tuaj nyeem thiab os, twb yog ib tug phoojywg tus hluas nraug mus muaj tus tshiab lawm es nws quaj quaj kuv thiaj sau txoj pajhuam no los nplij nws siab xwb....

    Sponsored content

    Re: "Hlub Tsis Tau Los Tsis Tu Siab"

    Post by Sponsored content


      Current date/time is June 20th 2018, 4:26 am