"Sim Hlub Mam Yuav"

    Share

    sengpor

    Registration date : 2016-03-15

    "Sim Hlub Mam Yuav"

    Post by sengpor on February 22nd 2017, 5:58 pm

    “Sim Hlub Mam Yuav”


    Peb ua neej nyob rau tiam no
    Tau hloov hlo mus lawm ntau heev
    Txhob siab ceev txhob maj sib yuav
    Ua zoo tuav saib xyuas zoo tso
     
    Yam tsoov tsho yuav tau sim hnav
    Saib puas kav puas yuav phim yus
    Tham lo lus yeej tsis paub siab
     
    Yam daim tiab tsis tau muab sim
    Hnav ib chim twb ho dhuav lawm
    Lub sijhawm tig yuav tsis tau
    Sij hawm dhau yuav rov tsis laib
     
    Ua zoo saib thiab ua zoo xaiv
    Tsam tau paiv ncaj tus tsis zoo
    Ces yuav nroo mus tag sim neej
    Koj tus kheej ua twb zoo xav
     
    Thiaj yuav kav mus tag ib tiam
    Txawm poj niam los yog txiv neej
    Yuav tsum keej sim hlub mam yuav
    Hlub hnub puav thiaj li tsis nkees
     
    Xav ua plees thiab xav ua yi
    Xav ua si thiab ua hluas nkauj
    Ua los pauj lub sij hawm laus
    Ua kom txaus thaum yus tseem hluas
     
    Txog thaum uas yus muaj cuab yim
    Yuav los tsim kev ua lub neej
    Tswj tus kheej txhob ua hluas ntxiv
    Los pib chiv ua neb lub neej
     
    Thiaj yuav tsheej muaj koob nto npe
    Tej txheej ze thiaj muaj chaw vam
    Tsis txhob lam mus ua si lawm
    Vim sij hawm ua hluas twb dhau
     
    Koj yuav tau ua ib siab mog
    Yuav ua pog thiab ua yawg lawm
    Vim sij hawm twb tau dhau mus
    Zoo li yus txhob mus nrhiav nrhiav tus tshiab lawm os mog hmoob….

      Current date/time is December 18th 2018, 8:29 pm