"Kev Hlub Hauv Toj Siab"

    Share

    sengpor

    Registration date : 2016-03-15

    "Kev Hlub Hauv Toj Siab"

    Post by sengpor on January 5th 2017, 9:13 am

    "Kev Hlub Hauv Tojsiab"






    Muaj ib hnub kuv tuaj ua si

    Tsaus ntuj nti tseem nyob toj siab

    Vim nplooj siab pheej nyob tsis tus

    Thiaj li mus nrhiav tham hluas nkauj



    Thiaj mus xauj saib luag tej npe

    Puas muaj ne ib tug ntxim hlub

    Hmoob leej tub thiaj li pib tham

    Nyob ib tsam nws thiaj li ntsib



    Nkauj qab zib tus zoo ntxim tawb

    Tus Plhu dawb nws yog xeem yaj

    Nws qhia ncaj kuv yeej ntseeg tau

    Wb thiaj sau ntaub ntawv sib tham



    Nyob tseej tsam txog tsheej tag hmo

    txawm tias no los lub siab sov

    Nyob sib zov thiaj tham kev hlub

    Kuv dab ntub thiaj li tau ploj



    Nkauj hmoob thoj txawj tham kawg li.

    Tham ua si tau ib nyuag ntus

    Kuv thiaj mus muab xov tooj los

    Coj los dhov thiab hu nrog tham



    Tham ntau yam thiaj li pib nco

    Txhua txhua hmo yuav tsum tau hnov

    Xov tooj nrov ces yog hu koj

    Kev hlub loj wb thiaj li pib



    Tsis sib ntsib tsuas hnov suab xwb

    Los koj wb tsis xav li cas

    Wb tham tas los xav tham ntxiv

    Yam tso txiv ua txi txhua xyoo



    Yam tsob ntoo uas nplooj tsis zeeg

    Muaj tus neeg li koj nrog kuv

    Mam sib uv sib hlub mus li

    Koj luag ntxhi kuv tham luag nyav



    Koj kev xav pib txawv zujzus

    Tsaus ntuj zus wb pib sib nco

    Ntev npaum no ntshe yuav hlub tiag

    Thiaj qhia kiag tias kuv hlub koj



    Tsaus ntuj zoj kuv nrog koj tham

    Kaus loo pam tsis pub neeg hnov

    Niaj hmov zov koj hauv tojsiab

    Saib nplooj siab puas khoom tuaj ntsib



    Kev hlub pib los tau ntau hli

    Kev ua si txhua yam tham txhij

    Kev kwv tij los kuj tham txhua

    Kev hlub tshua los kuj tham tas



    Tiamsis mas vim wb nyob deb

    Yuav caij tsheb los mus tsis txog

    Es yuav yog caij dav hlau xwb

    es kuv twb tsis khoom tuaj li



    wb thiaj li xav tau hais tias

    kev hlub txias vim tsis nyob ze

    tsam no ntse yuav ua cas no

    ces nag hmo koj thiaj qhia kuv



    tias cia kuv ua koj me nus

    sib hlub mus yam li noos muag

    yog tsis tuag rov tau sib pom

    mam li kom tub ntxhais sib yuav



    mam li tuav wb txoj kev hlub

    cia kuv tub hu koj ua niamtais

    cia koj ntxhais hu kuv ua txivyawg

    Ces koj kawg raug hu poj cuag



    Tsis txaj muag hu kuv yaws cuas

    Mam sib xyuas sib hlub li ntawv

    Kev hlub sawv li no kuj zoo

    Vim txoj hmoo wb tau sib ntsib



    Vim wb pib lawv thiaj sib tau

    Thiaj sib sau lawv los sib yuav

    Thiab sib hlub taj wb tug ces zoo kawg lawm oh mog me leej muam hmoob tus nyob deb.

      Current date/time is June 21st 2018, 7:28 am