"Ntshaw Nyiaj Thiaj Ua Xyob Txhiaj"

    Share

    sengpor

    Registration date : 2016-03-15

    "Ntshaw Nyiaj Thiaj Ua Xyob Txhiaj"

    Post by sengpor on November 15th 2016, 8:35 am

    “Ntshaw Nyiaj Thiaj Ua Xyob Txhiaj”
    Nyiam yooj yim xav tau nyiaj sai
    Tsis raug cai los yeej yuav ua
    Tso ib pua xwb los tsis txaus
    Thov cov laus nyiaj los tso ntxiv.

    Tso tiv tiv thiab yaum neeg coob
    Peb tsoom hmoob tso nyiaj ntau heev
    Tsis nco seev tias tsam raug dag
    Tso kom tag txhua yam nws muaj
    Sib tw nqa tuaj tso rau CASINO
    Tsis paub tus tswv yog leejtwg
    Tuaj ntig ntwg yam nas noj qoob
    Tuaj tso coob tsis muaj ntaub ntawv
    Siab tawv qhawv ntseeg tias yuav muaj
    Sib yaum tuaj mas zoo siab hlo
    Es thaum tso tag kiag lawm ces
    Lawv tso tes khiav tso hmoob tseg
    Pom tus lej uas niaj hnub dhia
    Muaj ib txhia haj tseem cia siab
    Tias xyoo tshiab yuav tau rov los
    Ib co hos npaj mus ceeb xam
    Ua txhua yam saib puas tau nyiaj
    Tej daig liaj muab yuam thab nab khas
    Zoom no nyiaj tas ntshe yuav poob tiag
    Quaj tsis ntsiag los nyiaj tsis rov
    Tsis muaj mov los noj tshais lawm
    Ua siab tawm mus ua zog hlais nplej
    Lam ua tej no pauv mov noj
    Rub siab loj lam tuav txoj sia
    Mam nyob ntsia thov lub ntuj pab
    Txawm yuav sab los ua tiag khwv
    Txhob sib twv sib ceg nawb mog
    Vim tias yog sawv daws ruam heev
    Tsis nco ceev faj thiaj poob lawm
    Ua siab tawm mus nrhiav mov noj
    Kuv thiaj koj txhob tos tos lawm
    Lub sijhawm twb dhau zuj zus
    Kav tsij mus nrhiav haujlwm ua
    Es tseg ncua txoj kev yoojyim
    Es txhob chim thiab txhob tu siab
    Tawm xyoo tshiab mam pib dua mog
    Txhob sib tog thiab txhob sib ntaus
    Thov cov laus zam txim cov hluas
    Ho pab ntuas thiab pab cob qhia
    Tsis txhob cia hmoob raug dag ntxiv
    Sawv daws tiv kom dhau nawb mog
    Vim tias yog peb tsis txawj ntse
    Raug lawv qhe muab nyiaj nqa tag
    Haj tseem mag neeg hais neeg cem
    Raug foom phem thiaj hais tsis zoo
    Los txhob nroo lees txoj kev txhaum
    Mam li xyaum pib lub neej tshiab
    Txhob sib ntiab thiab sib tua es peb rov los sib hlub nawb mog ib tsoom kwv tij hmoob….
    avatar
    Tubzoonraug

    Registration date : 2009-12-15

    Re: "Ntshaw Nyiaj Thiaj Ua Xyob Txhiaj"

    Post by Tubzoonraug on November 15th 2016, 3:31 pm

    Thank you brother Sengpor, koj cov paj huam yog kawg Hmoob ce nyiam cov tuaj dag li ntawd ma lawv ntseeg kawg kiag tab tsi thaum kawg ua nws poob tag dus luag. Nyob rau USA muaj ntau zoo heev yeej raug neeg dag li nov tag mus li. Ib xyoo lawv dag lawm ib yam ua rau sawv daws cia li tsi xav hnov xov tooj nrov lawm yog xov tooj nrhov e yog hai txog ua Load ua refinance, ua telephone, ua life insurance etc.. tej nov ma peb Hmoob USA ma dhuav tiag tiag2.


    sengpor

    Registration date : 2016-03-15

    Re: "Ntshaw Nyiaj Thiaj Ua Xyob Txhiaj"

    Post by sengpor on November 15th 2016, 6:11 pm

    Tubzoonraug wrote:Thank you brother Sengpor,  koj cov paj huam yog kawg  Hmoob ce nyiam cov tuaj dag li ntawd ma lawv ntseeg kawg kiag tab tsi thaum kawg ua nws poob tag  dus luag. Nyob rau USA  muaj ntau zoo heev   yeej raug neeg dag li nov tag mus li. Ib xyoo lawv dag lawm ib yam  ua rau sawv daws cia li tsi xav hnov xov tooj nrov lawm yog xov tooj nrhov e yog hai txog ua Load ua refinance, ua telephone, ua life insurance etc.. tej nov ma peb Hmoob USA ma dhuav tiag tiag2.

    Vim lawv nyiam yoojyim. Kuv twb ceeb toom coob coob leej lawm tabsis tsis muaj neeg mloog li. Kuv qhia lawv tias yog lawv xav ua cov haujlwm online kom khwv tau nyiaj tiag txhob mus ua tej yooj yooj yim no kom lawv los nrhiav cov legitimate MLM companies es yuav lawv cov khoom coj los muag online yuav paj ntsig xwb es thiaj yog yus khwv ntawm yus ob txhais tes los tiag tiag. Tabsis lawv tsis mloog hais, lawv xav tau qhov sai sai xwb ces zeg no nyiaj poob tag li lawm tiag. Pab lawv tu siab heev li.
    avatar
    Tubzoonraug

    Registration date : 2009-12-15

    Re: "Ntshaw Nyiaj Thiaj Ua Xyob Txhiaj"

    Post by Tubzoonraug on November 15th 2016, 7:07 pm

    Haaa yog lawm thiab brother, cov ua tso nyiaj kom tau paj laum ntau ma mostly yeej yog scam ntau thiab nom tswv tsi paub txog li. Thaum nom tswv paub zuj zu e lawv yuav pib nrhiav tej kev dag noj li nov ce thaum ntawd lawv tso tes dws tag lawm ce thiaj li ua rau cov ua tso nyiaj ntau ntau tom qab ntawd poob tag li hai lawm ma.


    Sponsored content

    Re: "Ntshaw Nyiaj Thiaj Ua Xyob Txhiaj"

    Post by Sponsored content


      Current date/time is December 11th 2017, 5:27 am