• Reply to topic

"Pib Dua Tshiab"

Share

sengpor

Registration date : 2016-03-15

"Pib Dua Tshiab"

Post by sengpor on November 9th 2016, 6:04 am

“Pib Dua Tshiab”
 
Xav tias ntshe kuv yuav ua ib siab tso
Cas tswj tsis tau lub siab es pheej nco nco
Vim pheej xav txog thaum koj khawm kuv txhua hmo
Tsis paub tias vim li cas yuav hlub tshua koj npaum no
 
Yog koj tseem hlub thiab nco txog kuv
Tig los wb sib hlub thiab ua siab ntev uv
Kuv mam rub siab loj es txhob ua siab luv
Vim koj thiaj yog kuv thawj tug hlub xuv xuv
 
Thov koj tig los wb pib kev hlub dua tshiab
Mam li hloov txoj kev xav thiab lub me siab
Es mam txhob hais lus daw thiab lo lus iab
Koj puas yuav tig los nco es hlub kuv thiab
 
Kuv paub wb yeej yuav sib tso tsis tau
Rov los pib dua tshiab es txhob xav ntau ntau
Wb sib sib hlub kev nyuaj siab thiaj yuav dhau
Mam li los sib puag los ua neej sib sau
 
Mam siab ntev hlub koj ntau tshaj qub
Yuav ua siab dawb tsis ua lub siab dub
Wb mam ob leeg tuav khov khov wb txoj kev hlub
Vim kev hlub yeej muaj nqes tshaj nyiaj thiab kub
 
Ua neeg nyob yeej muaj qhov ua txhaum
Thaum yus chim ces yus yeej txawj nyaum
Mam nco ntsoov los lees txoj me kev txhaum
Sib zam txim muab pov tseg txhob muab ev nraum nraub qaum
 
Los wb pib dua lub neej tshiab nawb mog
Yav tas los muab pov tseg txhob nco txog
Tsis tim koj tsis tim kuv yog tim ob tog
Sib sib hlub ua neej thiaj li tsim nyog
 
Pib dua tshiab wb lub neej zaum no
Yuav sib hlub sib tshua thiab sib nco
Ua lub neej kom zoo yuav rau siab ntso
Sib hlub mus ib txhis tsis muaj hnub tso
 
Yav tas los vim wb tsis paub ua neej
Wb lub cuab yim thiaj li tsis tsheej
Vim wb tsis muaj kev kawm thiaj li tsis keej
Zaum no yuav sib hlub mus kom tsim nyog ua ib zaug neej….

twjcuab

Registration date : 2016-07-23

Re: "Pib Dua Tshiab"

Post by twjcuab on November 9th 2016, 8:05 am

Nyob zoo phoojywg sengpor:


Kuv kuj tsis paub zoo pes tsawg hais txog ntawm txoj kev uas yuav rov qab pib dua tshiab, tab sis kuv lam hais raws li peb cov laus no pom thiab paub los lawm.


* txoj kev pib dua tshiab nws muaj ntau ntau yam , yog hais txog yuav pib dua tshiab ntawm txoj kev sib hlub ntawd niam txiv thiab hluas nkauj hluas nraug ces nws yeej yuav tsis WORK li thaum tsis tau muaj teej meem lawm nawb mog, yog tsis tuag es hloov dua siab dua ntsws ces tseev txawj hais thiab txawj kho npaum li cas los yeej tsis zoo li qhov qub thaum ub lawm ov mog. vim hais tias nws thiab yus muaj ib lub qub kiav txhab tseg rau sab hauv nruab nrog tsis muaj neeg pom lub kiav txhab ntawd li , tsis ib hnub los yeej yuav muaj ib zaug twg yus tsis nco qab txog ces cia li ua raug qhov qub kiav txhab ntawd ces yeej kawg yuv rov qab voo thiab mob rov tuaj dua xwb xwb nawb. 


 yog yuav pib dua lub neej tshiab ces xum cia nyias mus yuav dua nyias ib tug tshiab mas yuav zoo dua os LOV.

Davdub
member
member

Registration date : 2009-12-19

Re: "Pib Dua Tshiab"

Post by Davdub on November 9th 2016, 4:23 pm

Twjcuab, koj cov lus koj hai yog kawg nkau lawm. Kuv yeej pom dua luag tej lo lawm, yog muaj teeb meem lawm ma tseev kho, yeej tsi kav ntev kiag ntev heev ma kav li 2/3 hli xwb ce twb rov pib cov qub lus tuaj ce nyia twb khiav nyia lawm. Kuv ntseeg tau hai tias, yog yuav hloov dua tshiab ce kawg av boog kiag qhov muag lawm ma tej zaum yuav hloov tau thiab.

sengpor

Registration date : 2016-03-15

Re: "Pib Dua Tshiab"

Post by sengpor on November 9th 2016, 4:57 pm

twjcuab wrote:Nyob zoo phoojywg sengpor:


Kuv kuj tsis paub zoo pes tsawg hais txog ntawm txoj kev uas yuav rov qab pib dua tshiab, tab sis kuv lam hais raws li peb cov laus no pom thiab paub los lawm.


* txoj kev pib dua tshiab nws muaj ntau ntau yam , yog hais txog yuav pib dua tshiab ntawm txoj kev sib hlub ntawd niam txiv thiab hluas nkauj hluas nraug ces nws yeej yuav tsis WORK li thaum tsis tau muaj teej meem lawm nawb mog, yog tsis tuag es hloov dua siab dua ntsws ces tseev txawj hais thiab txawj kho npaum li cas los yeej tsis zoo li qhov qub thaum ub lawm ov mog. vim hais tias nws thiab yus muaj ib lub qub kiav txhab tseg rau sab hauv nruab nrog tsis muaj neeg pom lub kiav txhab ntawd li , tsis ib hnub los yeej yuav muaj ib zaug twg yus tsis nco qab txog ces cia li ua raug qhov qub kiav txhab ntawd ces yeej kawg yuv rov qab voo thiab mob rov tuaj dua xwb xwb nawb. 


 yog yuav pib dua lub neej tshiab ces xum cia nyias mus yuav dua nyias ib tug tshiab mas yuav zoo dua os LOV.
Kuv lam sau ua si xwb os, es txhob muab xav ntau ntau os nawb.

twjcuab

Registration date : 2016-07-23

Re: "Pib Dua Tshiab"

Post by twjcuab on November 10th 2016, 12:58 am

Tub Sengpor:


    LOV ! muaj txuj los yeej meem nthuav tuaj rau peb saib laug hnub laug hmo, muaj ci los yeej meem qhia tuaj rau peb kawm ua ib qho chaw nco os LOV.

sengpor

Registration date : 2016-03-15

Re: "Pib Dua Tshiab"

Post by sengpor on November 10th 2016, 5:18 am

twjcuab wrote:Tub Sengpor:


    LOV ! muaj txuj los yeej meem nthuav tuaj rau peb saib laug hnub laug hmo, muaj ci los yeej meem qhia tuaj rau peb kawm ua ib qho chaw nco os LOV.
Ua tsaug uas koj pab tuaj txhawb zog os. Li no kuv yuav tuaj zog tuaj sai ntxiv.

Guessing
Guest

Re: "Pib Dua Tshiab"

Post by Guessing on November 11th 2016, 7:57 pm

nyob zoo nej sawv daws. Twjcuab, Seng Por and Kwv Jesqav nrog rau Toj Xeem nej sawv daws. Tam sim nov ce Guest tso tau video lawmos, yav tag ma vim muaj muaj covniag neeg soviet pheej tuaj tso duab lo yog link rau hauv nov ce cov tsi paub mus nia raug pheej ua virus rau lawv lo yog kuv ce thiaj li muab nws ua kom tso tsi tau link thiab video embed lawm xwb, tam sim mov kuv rov kho rau ce ok lawm os.

Sponsored content

Re: "Pib Dua Tshiab"

Post by Sponsored content Today at 10:19 am

  • Reply to topic

Current date/time is December 4th 2016, 10:19 am