"Txhob Tu Siab Mog"

    Share

    sengpor

    Registration date : 2016-03-15

    "Txhob Tu Siab Mog"

    Post by sengpor on November 8th 2016, 2:41 am

    [ltr]“Koj Txhob Tu Siab”
    Me leej muam tus neeg siab zoo
    Muaj txoj hmoo ntsib koj ib ntus
    Zoo li mus ua kev tsis tau
    Hlub ntev dhau tsam mob siab os
     
    Koj txhob tos txhob tu siab mog
    Vim tias yog kuv muaj tus tshiab lawm
    Zoo sij hawm thov qhia koj paub
    Thov to taub kuv no thiab nawb
     
    Koj siab dawb yeej zoo kawg lawm
    Hmoov tsis sawm wb tsis sib haum
    Ntshe tej zaum wb hmoov tsis raug
    Es lam taug ib txoj kev xwb
     
    Koj kuv wb siab tsis sib thooj
    Koj yog tooj es kuv yog hlau
    Npuab tsis tau kom zoo sib xws
    Kuv tau tws kev lawm o smog
     
    Txhob nco txog thiab txhob tu siab
    Nrhiav tus tshiab los taj kuv mog
    Txhob nco txog wb yav tas los
    Tsis txhob tos kuv ntxiv lawm mog
     
    Hos tias yog koj nco txog kuv
    Siab ntev uv ua koj lub neej
    Kom nws tsheej muaj koob nto npe
    Tej txheej ze thiaj muaj chaw vam
     
    Hlub luag tam qhov koj hlub kuv
    Siab ntev uv lub neej thiaj zoo
    Tsis txhob nroo luag thiab xav hlub
    Txhob siab dub luag li hwm koj
     
    Rub siab loj es txhob quaj mog
    Yog hmoov txog rov tau sib ntsib
    Mam li pib txoj kev phoojywg
    Muaj yam twg mam rov sib pab li nkauj muam nraug nus lawm xwb os mog hmoob…
     
     
     
     
     
     [/ltr]

      Current date/time is December 11th 2017, 5:26 am