• Reply to topic

"Tseem Tos"

Share

sengpor

Registration date : 2016-03-15

"Tseem Tos"

Post by sengpor on November 5th 2016, 10:26 am

“Tseem tos koj”





Me leej nus tus kuv hlub tshua



Txawm koj ncua ncaim deb lawm los



Kuv tseem tos koj txhua txhua hnub



Txoj kev hlub uas wb tau tsim




Tag ib sim kuv yuav nco ntsoov



Yuav tsis hloov kuv lub siab li



Tej lus ntxhi txhua los koj hais



Tseem nyob rais hauv kuv lub siab




Tag ib txhiab mus li ib txhis



Kuv yuav tsis muaj hnub hnov qab



Yuav tsis sab tsis nkees tos koj



Kev hlub loj tshaj dej hiav txwv




Koj yog tus tswv ntawm kuv lub siab



Thov txhob ntiab kuv tawm nawb mog



Vim tias yog muaj koj ib leeg xwb



Es kuv twb tsis muaj leej twg




Muaj phooj ywg los tsis npaum koj



Muab xav zoj tsam koj hloov siab



Txog xyoo tshiab tsam koj muaj tus



Tsam koj mus tham hluas nkauj




Koj mus xauj nyiag hlub lawv lawm



Ces sij hawm uas kuv tos tos



Yav dhau los yuav tsis muaj nqes



Thaum ntawv ces xyov kuv yuav ua cas




Kuv tsis tas txoj kev cia siab



Lo lus iab kuv tsis cem koj



Rub siab loj tos koj mus li



Hlub tuag nthi mus tag ib txhis




Yog koj tsis tig rov los lawm



Kuv mam kawm kom caum cuag koj



Mam tuaj soj koj kev ua neej



Yog tsis tsheej rov los nawb mog




Koj yeej yog kuv ib leeg tus



Txawm koj mus li ntawv lawm los



Kuv tseem tos tseem hlub koj heev



Siab tsis kheev tso koj li os




Kuv yeej tos kom tau koj xwb



Es koj wb tej me lus zoo



Yam tsob ntoo cog ze ntug dej



Nplooj tsis sej thiab tsis qhuav li




Yuav luag ntxhi nyob tos koj kom txog hnub laus nkoos saib



Koj puas yuav los hlub kuv li wb tau cog lus tseg oh tus neeg kuv hlub aw!!!




By: Xeeb Pov Lauj

Davdub
member
member

Registration date : 2009-12-19

Re: "Tseem Tos"

Post by Davdub on November 5th 2016, 2:06 pm

Brother Seng Por Lor,

Thank you for nice Poetry. Koj sau tau zoo kawg li os, tshua kwv Nraug Cuam thiab yognws khoom no nws mam li tuaj nrog koj sau thiab, nws tseem tab tom ntau blej thiab siv zog heev rau nws daim teb thiab daim liaj lawm ce nws tsi tau muaj sij hawm tuaj.

sengpor

Registration date : 2016-03-15

Re: "Tseem Tos"

Post by sengpor on November 5th 2016, 5:56 pm

Davdub wrote:Brother Seng Por Lor,

Thank you for nice Poetry. Koj sau tau zoo kawg li os, tshua kwv Nraug Cuam thiab  yognws khoom no nws mam li tuaj nrog koj sau thiab,  nws tseem tab tom ntau blej  thiab siv zog heev rau nws daim teb thiab daim liaj lawm ce nws tsi tau muaj sij hawm tuaj.

Oh los laj laj nyob es lam sau ua si rau sawv daws tau nyeem xwb os.

Davdub
member
member

Registration date : 2009-12-19

Re: "Tseem Tos"

Post by Davdub on November 5th 2016, 10:49 pm

Yeej zoo kawg lawm ma brother, yeej meem sau os, sau e peb thiaj li tau tuaj nyeem ma.

sengpor

Registration date : 2016-03-15

Re: "Tseem Tos"

Post by sengpor on November 6th 2016, 6:26 am

Davdub wrote:Yeej zoo kawg lawm ma brother,  yeej meem sau os, sau  e peb thiaj li tau tuaj nyeem  ma.
Ua li os mam li tuaj sau rau sawv daws tau nyeem os, ua tsaug tuaj pab txhawb zog nawb.

Sponsored content

Re: "Tseem Tos"

Post by Sponsored content Today at 12:06 am

  • Reply to topic

Current date/time is December 4th 2016, 12:06 am