• Post new topic
  • Reply to topic

"Nco Niam Kev Hlub"

Share

sengpor

Registration date : 2016-03-15

"Nco Niam Kev Hlub"

Post by sengpor on August 11th 2016, 8:51 pm

“Nco Niam Kev Hlub”


Leej twg thiaj kuv yam kuv niam
Muab txoj sia los tiv thaiv kuv
Niam tau uv ua lub siab ntev

Tuav kuv tes coj kuv taug kev

Ua niam tsev zoo rau kuv txiv


Peb tsis chiv tsis nco tshaib plab

Kuv niam npab yog peb chaw pw

Tsev tsis sw vim niam tu zoo

Muaj txoj hmoo tau ua niam tub

Txoj kev hlub uas niam tau muaj

Yam tsob tshuaj uas cawm txoj sia

Kuv niam qhia txhua yam kev paub

Kuv to taub niam txoj kev ntshaw

Mus ko taw los ua siab ntev

Taug txoj kev kawm no kom tiav

Mam los nrhiav nyab hlub niam os

Niam tau tos niam tus me tub

Tau ntau hnub mus rau ntau hli

Niam cia li tau muaj mob nkeeg

Cas ua neeg yuav nyuaj ua luaj

Niam suab quaj tos niam me tub

Tsis muaj hnub niam yuav tos tau

Niam tau dhau rov mus ua av

Meb tub xav mas tu siab tshaj

Tub twb npaj txhua yam tiav hlo

Ua cas ho tsis muaj niam nyob

Xav los mob lub siab heev li

Niam tuag nthi tseg tub ua ntsuag

Los kua muag vim tsis muaj niam

Tag ib tiam kuv yuav nco ntsoov

Yuav tsis hloov hnov qab niam kev hlub

Niam leej tub mam ua neeg zoo kom niam tau koob meej os mog kuv niam…