• Reply to topic

"Cov Hluas Tiam No"

Share

sengpor

Registration date : 2016-03-15

"Cov Hluas Tiam No"

Post by sengpor on August 11th 2016, 2:43 am

Cov Hluas Tiam No




Neej tiam no txawv lawm ntau heev


Neeg tsuas seev txog nyiaj lawm xwb


Neeg lub hlwb tau hloov lawm ntau


Tsis mob siab rau txog txoj kev kawm





Es ho tawm mus ua dag zog


Tsis xav txog lub neej tsim txiaj


Xav tau nyiaj ces ua tub sab


Nyob lab lab ho tsis xav khwv





Ho mus twv txiaj thiab yuam pov


Nrog luag kov haus yeeb haus tshuaj


Mag kaw nkuaj los yeej tsis yeem


Muaj ib feem ua dog ua dig





Nrog luag ncig mus tsheej tag hmo


Muaj ib co tseem mus sib ntaus


Tseem mus haus dej thiab haus cawv


Ua rau lawv feeb tsis meej pem





Pojniam cem haj tseem yuav ntaus


Cem cov laus uas tuaj qhuab qhia


Yeej tsis cia luag hais ib los


Nws tsuas tos nyob noj nkaus xwb




Los nws twb tsis nco txiaj ntsig


Tseem xuas nrig los ntaus pojniam


Nws ua liam thiab ua pheem heev


Nws yeej ceev tsis tau lub siab





Lo lus iab mas hnov tas li


Tsaus ntuj nti ua neej nrog nws


Yam lub lws uas twb yuav lwj


Yam lub rwj uas twb yuav paim





Ua neeg tsiv tsaim thiab neeg khib dwb


Cov nkauj xwb nej ua zoo saib


Tsam nej daib cov zoo li no


Ces nej ho yuav nyuaj siab heev





Nej yuav seev txog kev khuv xim


Nrhiav tswv yim xaiv kom zoo zoo


Saib ntau xyoo mam li mus yuav


Thiaj tsis dhuav txoj kev ua neej


Thiaj li tsheej muaj koob nto npe os mog ib tsoom phoojywg.
  • Reply to topic

Current date/time is December 2nd 2016, 4:20 pm