• Reply to topic

“Nraug Hmoob Toj Siab”

Share

sengpor

Registration date : 2016-03-15

“Nraug Hmoob Toj Siab”

Post by sengpor on August 11th 2016, 2:36 am

“Nraug Hmoob Toj Siab”




Kuv yog nraug hmoob nyob toj siab tuaj


Es xyov hluas nkauj tus hlub puas nrog luag muaj


Vim neeg txom nyem xwb thiaj tsis muaj hwj huaj


Yog koj los hlub nrog kuv ntshe yuav ua neej nyuaj



 

Vim kuv tsis muaj nyiaj thiab tsis muaj kub


Es xyov puas yuav muaj neeg xav los hlub


Ntshaw ib tug los nyob sib puag noj sib pub


Puas yuav muaj leejtwg kam los ua yus tus khub



 

Tiam no puas yuav nrog luag muaj pojniam


Xav mus tham hluas nkauj los tsam luag tsis nyiam


Vim tsis muaj nyiaj ntshe yuav ua ib siab kav liam


Ua siab txhob mus thab tsam luag lub neej piam



 

Nraug hmoob tojsiab yog neeg txom txom nyem


Ntshai mus tham luag tej ntxhais tsam ho mag cem


Ntshai tsam nyiaj kuv phem muab yus kev hlub rhuav tshem


Yog tiam no zoo li ntawd ntshe kawg tuag em



 

Txawm nraug hmoob tojsiab txom txom nyem xwb los


Nws tsuas muaj siab hlub ib leeg nkaus xwb hos


Txawm yuav ntev npaum cas los nws yeej ua siab ntev tos


Hlub ib leeg mus li tsis muaj hnub nrhiav tus tshiab os


Nraug toj siab yeej tsis muaj kub thiab tsis muaj nyiaj


Los mam rau rau siab khwv ua teb thiab ua liaj


Lub neej tojsiab ces yog tuj qaib thiab tu tsiaj


Yuav tsis pub kom koj tau lub neej xob txhiaj



 

Nraug tojsiab txom nyem nyiaj tsis txom nyem siab


Yuav hlub ib leeg mus li tsis muaj hnub nrhiav tus tshiab


Me nkauj hmoob ua lub siab loj tsis txhob poob siab


Yuav hlub koj heev yuav tsis pub koj hnov lo lus iab



 

Yuav nrog koj ib leeg ua neej mus li ib txhis


Txhawb lub neej kom zoo kav mus nto ntsis


Yuav tu qaib kom ntau rau koj noj thaum nyob nruab hlis


Yuav tsis pub koj tshaib plab txhua txhua tagkis


Os me nkauj hmoob tus me neeg zoo…
  • Reply to topic

Current date/time is December 4th 2016, 12:08 am