• Reply to topic

“Mob Siab Tsis Tau Dab Tsi”

Share

sengpor

Registration date : 2016-03-15

“Mob Siab Tsis Tau Dab Tsi”

Post by sengpor on August 11th 2016, 2:33 am

 “Mob Siab Tsis Tau Dab Tsi”


Txawm yuav mob lub siab npaum cas
Koj tsis ras rov qab los lawm
Nkim sijhawm kuv lub kuag muag
Yeej tsis tuag qhov koj mus ntawv
 
Cia rau lawv mam li tsim koj
Mam xav zoj khuv xim txog kuv
Kav tsij uv txhob khuv xim os
Kuv tsis tos koj ib zaug ntxiv



Twb mus chiv nrhiav lub neej lawm

Lub sij hawm muab nres tsis tau
Sij hawm dhau ces tag lawm nawb
Ua siab dawb kav tsij siab ntev
 
Ua niam tsev ua siab loj loj
Txhob xav zoj yam ub yam no
Tsam luag ho tsis xav hlub koj
Rub siab loj ua siab dav dav
 
Luag hais hnyav los tsis txhob teb
Nyob deb deb thiaj tsis mag ntaus
Hlub kom txaus koj txoj kev ntshaw
Mag luag taw los tsis txhob nroo
 
Vim txoj hmoo koj thiaj yuam kev
Ua luag sev ces ua ib sim
Es txhob chim rau kuv nawb mog
Vim tias yog wb hmoov tsis raug
 
Ua nkauj nraug thiaj tsis sib tau
Mob siab dhau txhob lam noj tshuaj
Es txhob quaj lub neej thiab zoo
Pheej txoj hmoo es txhob tu siab nawb mog me nkauj hmoob tus neeg kuv hlub….
  • Reply to topic

Current date/time is December 2nd 2016, 2:18 pm