• Reply to topic

"Ntsej Muag Ncaj Siab Nkhaus"

Share

sengpor

Registration date : 2016-03-15

"Ntsej Muag Ncaj Siab Nkhaus"

Post by sengpor on August 11th 2016, 2:18 am

“Ntsej Muag Ncaj Siab Nkhaus”



 

Muaj ib txhia cov ntxhais nkauj hmoob


Tus plhu nthoob hais lus taj taj


Ntsej muag ncaj lub siab ho nkhaus


Saib sab nrauv mas zoo tiag tiag



 

Txhua tus yeej nyiag nyiam thiab xav tau


Tsis paub sab hauv mas siab dub heev


Sab nrauv pleev tshuaj tsw qab ntxiag


Ua zoo saib kiag mas muaj ntau yam



 

Yog yuav tham mas tsis paub kawg


Phua plawv tawg yuav zoo saib heev


Sawv daws ceev faj thiab ua zoo saib


Tsis txhob qhaib cov ntxhais zoo li no



 

Tsam tias ho yuav tau yuam kev


Ua niam tsev yuav tsis nto ntsis


Yuav yaj ntsis yam li tauv huab


Yam tus duab ntxoo yuav dhau mus



 

Zoo ib ntus thaum tshiab tshiab xwb


Es nws twb tsis zoo mus li


Ncauj luag ntxhi nplooj plawv duab nciab


Yog mob siab ces pib cem neeg



 

Tseem tub nkeeg thiab ua neeg ntau ncauj


Ua tus zoo nkauj thiab khib oom heev


Luag tej seev hu nws tsis teb


Coj mus ua teb mas nws cuab mob



 

Vim xav nyob tus nws tej rau tes taw


Tsis kam xaw nrog lwm tus tham


Nws hnav zam  tshiab tas li xwb


Nws lub hlwb xav kom neeg qhuas



 

Lwm tus ntuas tsis tau ib los li


Nws luag ntxhi kom lwm tus nyiam


Siab lim hiam lawv twb tsis paub


Lub txiv qaub lawv tsis tau saj



 

Yam lub paj uas zoo sab nrauv


Nyob sab hauv mas nws lwj dhi


Tsaus ntuj nti yog leej twg yuav tau


Kuv thiaj sau ua lus paj huam



 

Xa tuaj tshuam qhia rau nej paub


Tsis txhob haub mus ntseeg nws nawb


Nkauj siab dawb tseem muaj coob tus


Txhob cia yus lub sijhawm mus nkim rau cov neeg zoo li no os mog hmoob…
  • Reply to topic

Current date/time is December 4th 2016, 10:19 am