"Hlub Hauv Npau Suav"

    Share

    sengpor

    Registration date : 2016-03-15

    "Hlub Hauv Npau Suav"

    Post by sengpor on August 11th 2016, 2:14 am

    “Hlub Koj Hauv Npau Suav”
    Muaj ib hmos pw tsis tsaug zog
    Vim xav txog koj heev dhau lawm
    Xav tsis tawm xyov yuav ua cas
    Nco koj mas nco heev tiag tiag

    Nyob ib pliag thiaj tau tsaug zog
    Tsis xav txog tias yuav npau suav
    Uas tau tuav koj txhais me tes
    Nyob sib zes sib tawb ua si

    Tsaus ntuj nti wb tseem sib tham
    Txog tsheej tsam tsis hnov nkees li
    Suab luag ntxhi rau wb kev hlub
    Yeej tsis pub leej twg nrhuav tau

    Zoo siab dhau kuv thiaj tsim los
    Ua cas ho tsis yog tiag tiag
    Kuv vuag kiag cas tsis pom koj
    Kuv rub zoj cas yog daim pam

    Xav tias npam los yog ua cas
    Saib zoo nag has yog npau suav xwb
    Cas koj wb sib hlub ua luaj
    Xav kom muaj li kev npau suav

    Vim xav tuav koj tes tiag tiag
    Xav pw kiag kom npau suav dua
    Muab fais tua kom npau suav ntxiv
    Tsis xav tsim hauv txoj kev npau suav li os tus neeg kuv hlub aw…

      Current date/time is August 17th 2018, 12:01 am