• Reply to topic

"Hlub Teev Kua Muag"

Share

sengpor

Registration date : 2016-03-15

"Hlub Teev Kua Muag"

Post by sengpor on August 11th 2016, 2:12 am

“Hlub Teev Kua Muag”
 
Txoj kev hlub wb tau tsim cia
Yam tus ntsia pheej chob lub plawv
Mob tsuj tsawv nws tsis txawj ploj
Kuv hlub koj los teev kua muag
Uas yuav tuag los tuag tsis tau
Mob siab dhau xyov yuav ua cas
Lub ntuj mas zoo li dub nciab
Mob lub siab dhau heev lawm os
Xav npaum cas los yuav tsis tau koj
Kev hlub loj wb tau muaj los
Kuv tseem tos los koj mus lawm
Lub sijhawm twb tig tsis tau
Koj mus dhau ua ib yim neej
Muaj koob meej nyob yam luag ntxhi
Cas tsaus nti nyob sab tim kuv
Xyov yuav uv mus txog hnub twg
Nco tsuj rwg koj rau nruab siab
Tsis xav muaj tus tshiab los hloov koj chaw
Lub siab kaw rau koj ib leeg
Yug ua neeg nyob rau tiam no
Tsis xav tso koj mus li os
Kuv xav tos kom txog hnub tuag
Teev kua muag mus txog hnub laus
Thiaj yuav xaus kuv txoj kev hlub

Koj siab dub los kuv tseem tos koj mus li ib txhis os me nploojsiab tus neeg kuv hlub a!!!
  • Reply to topic

Current date/time is December 2nd 2016, 4:17 pm