• Reply to topic

“Koj Nyuaj Dhau Thiaj Ua Siab Tso”

Share

sengpor

Registration date : 2016-03-15

“Koj Nyuaj Dhau Thiaj Ua Siab Tso”

Post by sengpor on August 11th 2016, 2:04 am

“Koj Nyuaj Dhau Thiaj Ua Siab Tso”





Kuv tham koj los ntau ntau hli


Hais lus ntxhi lus qab lus qaub


Koj yeej paub thiab hnov tag lawm


Muab sijhawm rau koj mus xav



 

Rub siab dav xav kom txhij txhua


Mam li ua ib puas tsav yam


Es koj mam los hais qhia mog


Vim tias yog koj tsis hlub tiag



 

Los qhia kiag tsis txhob muab zais


Es thov hais txhob cia ntev ntev


Tsam yuam kev thiab nkim sijhawm


Txoj kev kawm thiaj li tsis plam



 

Yam lub zam thiaj li tsis qub


Tos ntau hnub mus rau ntau hli


Koj tsis ntxhi hais qhia ib los


Kuv tau tos koj ntev ua luaj



 

Yeej tsis muaj hnub koj kev hlub


Koj tsis pub los tsis qhia paub


Tsis to taub thiab tsis nkag siab


Tawm xyoo tshiab yuav ua siab tso


Tav li no koj twb tsis teb


Vim kuv meb xav tau nyab lawm


Lub sijhawm twb tos tsis tau


Nws twb dhau mus tau ntev heev



 

Koj txhob seev txhob tos kuv lawm


Vim sijhawm ntev ua luaj li no


Cas koj ho hais nyuaj ua luaj


Es txhob quaj kuv mus lawm nawb



 

Lub siab dawb kuv muab rau koj


Koj saib zoj twb tsis muaj nqes


Zaum no ces kuv mus lawm tiag


Yuav tso kiag koj so kua muag


Es txhob noj tshuaj tuag nawb mog me nploojsiab…
  • Reply to topic

Current date/time is December 2nd 2016, 2:19 pm