• Reply to topic

"Koj Muaj Tus Lawm"

Share

sengpor

Registration date : 2016-03-15

"Koj Muaj Tus Lawm"

Post by sengpor on August 11th 2016, 2:02 am

“Koj Muaj Tus Lawm”
 
Kuv xav muaj ib tug me hlub
Hmoob leej tub puas nyiam kuv ne
Yog tos ntshe thaum twg mam ntsib
Kuv thiaj pib nrhiav saib puas tau
 
Laj nyob dhau thiaj tuaj fev npuv (Facebook)
Tuaj mus thuv laug caij laug nyoog
Yam tus noog yuj ya ua si
Tsaus ntuj nti pw tsis tsaug zog
 
Vim xav txog thiab ntsaw tus hlub
Muaj ib hnub rov tuaj fev npuv (Facebook)
Ua cas kuv pom koj lub npe
Thiaj saib ze Ua zoo saib seb
 
Xws nyob deb Puag ib sab ntuj
Los kuv kuj zoo siab xav paub
Thiaj sau ntaub ntawv tuaj tsham koj
Ib pliag zoj koj txawm teb tuaj
 
Kuv thiaj tuaj fev buv txhua hmo
Vim pib nco xav paub koj zoo
Thiaj noog moo xav paub koj ntxiv
Vim xav chiv pib txoj kev hlub
 
Tsis xav pub nkim lub sij hawm
Thiaj noog tawm tias puas tau muaj tus
Me leej nus teb tias muaj lawm
Ces kuv txawm xav tau hais tias
 
Nyias nyob nyias cia koj tham luag tso
Yog luag ho tsis xav hlub koj
Mam tig zoj los tham kuv nawb
Yuav siab dawb nyob tos ntsoov koj
 
Rub siab loj ua siab ntev tos
Hnub koj los wb mam sib hlub
Mam tsis pub koj ntshaw luag tug
Cev ntaj ntsug tseg koj ib leeg
 
Yog tus neeg uas kuv nyiam lawm
Lub sij hawm tos yeej tsis ntev
Yam txoj kev yeej tsis laj taug
Ua koj tsaug qhov koj qhia ncaj
Es mam li npaj sib ntsib dua nawb me nplooj siab…
  • Reply to topic

Current date/time is December 2nd 2016, 4:20 pm